॥ ಶ್ರೀ ಕಮಲಾಮ್ಬಿಕಾ ಸ್ತೋತ್ರಮ್ (ಅಷ್ಟಕಮ್) ॥
॥ ಶ್ರೀ ವೇದಪುರೀಶದಾಸ ವಿರಚಿತ ॥
ಬನ್ಧೂಕದ್ಯುತಿಮಿನ್ದುಬಿಮ್ಬವದನಾಂ ಬೃನ್ದಾರಕೈರ್ವನ್ದಿತಾಂ
ಮನ್ದಾರಾದಿ ಸಮರ್ಚಿತಾಂ ಮಧುಮತೀಂ ಮನ್ದಸ್ಮಿತಾಂ ಸುನ್ದರೀಮ್ ।
ಬನ್ಧಚ್ಛೇದನಕಾರಿಣೀಂ ತ್ರಿನಯನಾಂ ಭೋಗಾಪವರ್ಗಪ್ರದಾಂ
ವನ್ದೇಽಹಂ ಕಮಲಾಮ್ಬಿಕಾಮನುದಿನಂ ವಾಞ್ಛಾನುಕೂಲಾಂ ಶಿವಾಮ್ ॥ ೧ ॥
ಮನ್ದಾರಾದಿ ಸಮರ್ಚಿತಾಂ ಮಧುಮತೀಂ ಮನ್ದಸ್ಮಿತಾಂ ಸುನ್ದರೀಮ್ ।
ಬನ್ಧಚ್ಛೇದನಕಾರಿಣೀಂ ತ್ರಿನಯನಾಂ ಭೋಗಾಪವರ್ಗಪ್ರದಾಂ
ವನ್ದೇಽಹಂ ಕಮಲಾಮ್ಬಿಕಾಮನುದಿನಂ ವಾಞ್ಛಾನುಕೂಲಾಂ ಶಿವಾಮ್ ॥ ೧ ॥
ಶ್ರೀಕಾಮೇಶ್ವರಪೀಠಮಧ್ಯನಿಲಯಾಂ ಶ್ರೀರಾಜರಾಜೇಶ್ವರೀಂ
ಶ್ರೀವಾಣೀಪರಿಸೇವಿತಾಙ್ಘ್ರಿಯುಗಲಾಂ ಶ್ರೀಮತ್ಕೃಪಾಸಾಗರಾಮ್ ।
ಶೋಕಾಪದ್ಭಯಮೋಚಿನೀಂ ಸುಕವಿತಾನನ್ದೈಕಸನ್ದಾಯಿನೀಂ
ವನ್ದೇಽಹಂ ಕಮಲಾಮ್ಬಿಕಾಮನುದಿನಂ ವಾಞ್ಛಾನುಕೂಲಾಂ ಶಿವಾಮ್ ॥ ೨ ॥
ಶ್ರೀವಾಣೀಪರಿಸೇವಿತಾಙ್ಘ್ರಿಯುಗಲಾಂ ಶ್ರೀಮತ್ಕೃಪಾಸಾಗರಾಮ್ ।
ಶೋಕಾಪದ್ಭಯಮೋಚಿನೀಂ ಸುಕವಿತಾನನ್ದೈಕಸನ್ದಾಯಿನೀಂ
ವನ್ದೇಽಹಂ ಕಮಲಾಮ್ಬಿಕಾಮನುದಿನಂ ವಾಞ್ಛಾನುಕೂಲಾಂ ಶಿವಾಮ್ ॥ ೨ ॥
ಮಾಯಾ ಮೋಹವಿನಾಶಿನೀಂ ಮುನಿಗಣೈರಾರಾಧಿತಾಂ ತನ್ಮಯೀಂ
ಶ್ರೇಯಃಸಞ್ಚಯದಾಯಿನೀಂ ಗುಣಮಯೀಂ ವಾಯ್ವಾದಿ ಭೂತಾಂ ಸತಾಮ್ ।
ಪ್ರಾತಃಕಾಲಸಮಾನಶೋಭಮಕುಟಾಂ ಸಾಮಾದಿ ವೇದೈಸ್ತುತಾಂ
ವನ್ದೇಽಹಂ ಕಮಲಾಮ್ಬಿಕಾಮನುದಿನಂ ವಾಞ್ಛಾನುಕೂಲಾಂ ಶಿವಾಮ್ ॥ ೩ ॥
ಶ್ರೇಯಃಸಞ್ಚಯದಾಯಿನೀಂ ಗುಣಮಯೀಂ ವಾಯ್ವಾದಿ ಭೂತಾಂ ಸತಾಮ್ ।
ಪ್ರಾತಃಕಾಲಸಮಾನಶೋಭಮಕುಟಾಂ ಸಾಮಾದಿ ವೇದೈಸ್ತುತಾಂ
ವನ್ದೇಽಹಂ ಕಮಲಾಮ್ಬಿಕಾಮನುದಿನಂ ವಾಞ್ಛಾನುಕೂಲಾಂ ಶಿವಾಮ್ ॥ ೩ ॥
ಬಾಲಾಂ ಭಕ್ತಜನೌಘಚಿತ್ತನಿಲಯಾಂ ಬಾಲೇನ್ದುಚೂಡಾಮ್ಬರಾಂ
ಸಾಲೋಕ್ಯಾದಿ ಚತುರ್ವಿಧಾರ್ಥಫಲದಾಂ ನೀಲೋತ್ಪಲಾಕ್ಷೀಮಜಾಮ್ ।
ಕಾಲಾರಿಪ್ರಿಯನಾಯಿಕಾಂ ಕಲಿಮಲಪ್ರಧ್ವಂಸಿನೀಂ ಕೌಲಿನೀಂ
ವನ್ದೇಽಹಂ ಕಮಲಾಮ್ಬಿಕಾಮನುದಿನಂ ವಾಞ್ಛಾನುಕೂಲಾಂ ಶಿವಾಮ್ ॥ ೪ ॥
ಸಾಲೋಕ್ಯಾದಿ ಚತುರ್ವಿಧಾರ್ಥಫಲದಾಂ ನೀಲೋತ್ಪಲಾಕ್ಷೀಮಜಾಮ್ ।
ಕಾಲಾರಿಪ್ರಿಯನಾಯಿಕಾಂ ಕಲಿಮಲಪ್ರಧ್ವಂಸಿನೀಂ ಕೌಲಿನೀಂ
ವನ್ದೇಽಹಂ ಕಮಲಾಮ್ಬಿಕಾಮನುದಿನಂ ವಾಞ್ಛಾನುಕೂಲಾಂ ಶಿವಾಮ್ ॥ ೪ ॥
ಆನನ್ದಾಮೃತಸಿನ್ಧುಮಧ್ಯನಿಲಯಾಮಜ್ಞಾನಮೂಲಾಪಹಾಂ
ಜ್ಞಾನಾನನ್ದವಿವರ್ಧಿನೀಂ ವಿಜಯದಾಂ ಮೀನೇಕ್ಷಣಾಂ ಮೋಹಿನೀಮ್ ।
ಜ್ಞಾನಾನನ್ದಪರಾಂ ಗಣೇಶಜನನೀಂ ಗನ್ಧರ್ವಸಮ್ಪೂಜಿತಾಂ
ವನ್ದೇಽಹಂ ಕಮಲಾಮ್ಬಿಕಾಮನುದಿನಂ ವಾಞ್ಛಾನುಕೂಲಾಂ ಶಿವಾಮ್ ॥ ೫ ॥
ಜ್ಞಾನಾನನ್ದವಿವರ್ಧಿನೀಂ ವಿಜಯದಾಂ ಮೀನೇಕ್ಷಣಾಂ ಮೋಹಿನೀಮ್ ।
ಜ್ಞಾನಾನನ್ದಪರಾಂ ಗಣೇಶಜನನೀಂ ಗನ್ಧರ್ವಸಮ್ಪೂಜಿತಾಂ
ವನ್ದೇಽಹಂ ಕಮಲಾಮ್ಬಿಕಾಮನುದಿನಂ ವಾಞ್ಛಾನುಕೂಲಾಂ ಶಿವಾಮ್ ॥ ೫ ॥
ಷಟ್ಚಕ್ರೋಪರಿ ನಾದಬಿನ್ದುನಿಲಯಾಂ ಸರ್ವೇಶ್ವರೀಂ ಸರ್ವಗಾಂ
ಷಟ್ಶಾಸ್ತ್ರಾಗಮವೇದವೇದಿತಗುಣಾಂ ಷಟ್ಕೋಣಸಂವಾಸಿನೀಮ್ ।
ಷಟ್ಕಾಲೇನ ಸಮರ್ಚಿತಾತ್ಮವಿಭವಾಂ ಷಡ್ವರ್ಗಸಞ್ಛೇದಿನೀಂ
ವನ್ದೇಽಹಂ ಕಮಲಾಮ್ಬಿಕಾಮನುದಿನಂ ವಾಞ್ಛಾನುಕೂಲಾಂ ಶಿವಾಮ್ ॥ ೬ ॥
ಷಟ್ಶಾಸ್ತ್ರಾಗಮವೇದವೇದಿತಗುಣಾಂ ಷಟ್ಕೋಣಸಂವಾಸಿನೀಮ್ ।
ಷಟ್ಕಾಲೇನ ಸಮರ್ಚಿತಾತ್ಮವಿಭವಾಂ ಷಡ್ವರ್ಗಸಞ್ಛೇದಿನೀಂ
ವನ್ದೇಽಹಂ ಕಮಲಾಮ್ಬಿಕಾಮನುದಿನಂ ವಾಞ್ಛಾನುಕೂಲಾಂ ಶಿವಾಮ್ ॥ ೬ ॥
ಯೋಗಾನನ್ದಕರೀಂ ಜಗತ್ಸುಖಕರೀಂ ಯೋಗೀನ್ದ್ರಚಿತ್ತಾಲಯಾಂ
ಏಕಾಮೀಶಸುಖಪ್ರದಾಂ ದ್ವಿಜನುತಾಮೇಕಾನ್ತಸಞ್ಚಾರಿಣೀಮ್ ।
ವಾಗೀಶಾಂ ವಿಧಿವಿಷ್ಣುಶಮ್ಭುವರದಾಂ ವಿಶ್ವೇಶ್ವರೀಂ ವೈಣಿಕೀಂ
ವನ್ದೇಽಹಂ ಕಮಲಾಮ್ಬಿಕಾಮನುದಿನಂ ವಾಞ್ಛಾನುಕೂಲಾಂ ಶಿವಾಮ್ ॥ ೭ ॥
ಏಕಾಮೀಶಸುಖಪ್ರದಾಂ ದ್ವಿಜನುತಾಮೇಕಾನ್ತಸಞ್ಚಾರಿಣೀಮ್ ।
ವಾಗೀಶಾಂ ವಿಧಿವಿಷ್ಣುಶಮ್ಭುವರದಾಂ ವಿಶ್ವೇಶ್ವರೀಂ ವೈಣಿಕೀಂ
ವನ್ದೇಽಹಂ ಕಮಲಾಮ್ಬಿಕಾಮನುದಿನಂ ವಾಞ್ಛಾನುಕೂಲಾಂ ಶಿವಾಮ್ ॥ ೭ ॥
॥ ರಚಯಿತಾ ವನ್ದನಾ ॥
ಬೋಧಾನನ್ದಮಯೀಂ ಬುಧೈರಭಿನುತಾಂ ಮೋದಪ್ರದಾಮಮ್ಬಿಕಾಂ
ಶ್ರೀಮದ್ವೇದಪುರೀಶದಾಸವಿನುತಾಂ ಹ್ರೀಙ್ಕಾರಸನ್ಧಾಲಯಾಮ್ ।
ಭೇದಾಭೇದವಿವರ್ಜಿತಾಂ ಬಹುವಿಧಾಂ ವೇದಾನ್ತಚೂಡಾಮಣಿಂ
ವನ್ದೇಽಹಂ ಕಮಲಾಮ್ಬಿಕಾಮನುದಿನಂ ವಾಞ್ಛಾನುಕೂಲಾಂ ಶಿವಾಮ್ ॥ ೮ ॥
ಬೋಧಾನನ್ದಮಯೀಂ ಬುಧೈರಭಿನುತಾಂ ಮೋದಪ್ರದಾಮಮ್ಬಿಕಾಂ
ಶ್ರೀಮದ್ವೇದಪುರೀಶದಾಸವಿನುತಾಂ ಹ್ರೀಙ್ಕಾರಸನ್ಧಾಲಯಾಮ್ ।
ಭೇದಾಭೇದವಿವರ್ಜಿತಾಂ ಬಹುವಿಧಾಂ ವೇದಾನ್ತಚೂಡಾಮಣಿಂ
ವನ್ದೇಽಹಂ ಕಮಲಾಮ್ಬಿಕಾಮನುದಿನಂ ವಾಞ್ಛಾನುಕೂಲಾಂ ಶಿವಾಮ್ ॥ ೮ ॥
॥ ಫಲಶ್ರುತಿ ॥
ಇತ್ಥಂ ಶ್ರೀಕಮಲಾಮ್ಬಿಕಾಪ್ರಿಯಕರಂ ಸ್ತೋತ್ರಂ ಪಠೇದ್ಯಃ ಸದಾ
ಪುತ್ರಶ್ರೀಪ್ರದಮಷ್ಟಸಿದ್ಧಿಫಲದಂ ಚಿನ್ತಾವಿನಾಶಾಸ್ಪದಮ್ ।
ಏತಿ ಬ್ರಹ್ಮಪದಂ ನಿಜಂ ನಿರುಪಮಂ ನಿಷ್ಕಲ್ಮಷಂ ನಿಷ್ಕಲಂ
ಯೋಗೀನ್ದ್ರೈರಪಿ ದುರ್ಲಭಂ ಪುನರಯಂ ಚಿನ್ತಾವಿನಾಶಂ ಪರಮ್ ॥ ೯ ॥
ಪುತ್ರಶ್ರೀಪ್ರದಮಷ್ಟಸಿದ್ಧಿಫಲದಂ ಚಿನ್ತಾವಿನಾಶಾಸ್ಪದಮ್ ।
ಏತಿ ಬ್ರಹ್ಮಪದಂ ನಿಜಂ ನಿರುಪಮಂ ನಿಷ್ಕಲ್ಮಷಂ ನಿಷ್ಕಲಂ
ಯೋಗೀನ್ದ್ರೈರಪಿ ದುರ್ಲಭಂ ಪುನರಯಂ ಚಿನ್ತಾವಿನಾಶಂ ಪರಮ್ ॥ ೯ ॥
॥ ಇತಿ ಶ್ರೀಕಮಲಾಮ್ಬಿಕಾ ಸ್ತೋತ್ರಮ್ ಸಮ್ಪೂರ್ಣಮ್ ॥