॥ ശ്രീ കൃഷ്ണ ശരണാഷ്ടകമ് ൨ ॥
(ശ്രീഹരിരായാചാര്യ വിരചിതമ്)
(ശ്രീഹരിരായാചാര്യ വിരചിതമ്)
സ്വാമിനീചിന്തയാ ചിത്തഖേദഖിന്ന മുഖാമ്ബുജഃ ।
നിമീലന്നേത്രയുഗലഃ ശ്രീകൃഷ്ണശ്ശരണം മമ ॥ ൧ ॥
നിമീലന്നേത്രയുഗലഃ ശ്രീകൃഷ്ണശ്ശരണം മമ ॥ ൧ ॥
മനോജഭാവഭരിതോ ഭാവയന്മനസാ രതിമ് ।
മീലനവ്യാകുലമനാഃ ശ്രീകൃഷ്ണശ്ശരണം മമ ॥ ൨ ॥
മീലനവ്യാകുലമനാഃ ശ്രീകൃഷ്ണശ്ശരണം മമ ॥ ൨ ॥
നിശ്ശ്വാസശുഷ്യദ്വദനോ മധുരാധരപല്ലവഃ ।
മുരലീനാദനിരതഃ ശ്രീകൃഷ്ണശ്ശരണം മമ ॥ ൩ ॥
മുരലീനാദനിരതഃ ശ്രീകൃഷ്ണശ്ശരണം മമ ॥ ൩ ॥
നികുഞ്ജമന്ദിരാന്തസ്ഥ-സ്സുമപല്ലവതല്പകൃത് ।
പ്രതീക്ഷമാണസ്സ്വപ്രാപ്തിം ശ്രീകൃഷ്ണശ്ശരണം മമ ॥ ൪ ॥
പ്രതീക്ഷമാണസ്സ്വപ്രാപ്തിം ശ്രീകൃഷ്ണശ്ശരണം മമ ॥ ൪ ॥
വിയോഗഭാവവിഹസ-ദ്വദനാമ്ബുജസുന്ദരഃ ।
ആകര്ണയന്നലിരുതം ശ്രീകൃഷ്ണശ്ശരണം മമ ॥ ൫ ॥
ആകര്ണയന്നലിരുതം ശ്രീകൃഷ്ണശ്ശരണം മമ ॥ ൫ ॥
മുഞ്ചന്നശ്രൂണി വിലുഠന് ഗായന്മത്ത ഇവ ക്വചിത് ।
നൃത്യന് രസാസക്തമനാഃ ശ്രീകൃഷ്ണശ്ശരണം മമ ॥ ൬ ॥
നൃത്യന് രസാസക്തമനാഃ ശ്രീകൃഷ്ണശ്ശരണം മമ ॥ ൬ ॥
ശയാന ഏകതസ്തല്പേ സ്വപ്നസമ്ബന്ധസിദ്ധയേ ।
പ്രബോധപശ്ചാത്തപ്തോ യഃ ശ്രീകൃഷ്ണശ്ശരണം മമ ॥ ൭ ॥
പ്രബോധപശ്ചാത്തപ്തോ യഃ ശ്രീകൃഷ്ണശ്ശരണം മമ ॥ ൭ ॥
രസാത്മരസരീതിജ്ഞോ രസലീലാപരായണഃ ।
രസാത്മഗോപീരസികഃ ശ്രീകൃഷ്ണശ്ശരണം മമ ॥ ൮ ॥
രസാത്മഗോപീരസികഃ ശ്രീകൃഷ്ണശ്ശരണം മമ ॥ ൮ ॥
॥ ഇതി ശ്രീഹരിരായാചാര്യവിരചിതം ശ്രീകൃഷ്ണശരണാഷ്ടകമ് സമ്പൂര്ണമ് ॥