ഹയഗ്രീവ ഉവാച।
ഇത്യേതന്നാമസാഹസ്രം കഥിതം തേ ഘടോദ്ഭവ ।
രഹസ്യാനാം രഹസ്യം ച ലലിതാപ്രീതിദായകമ് ॥ ൧ ॥
രഹസ്യാനാം രഹസ്യം ച ലലിതാപ്രീതിദായകമ് ॥ ൧ ॥
അനേന സദൃശം സ്തോത്രം ന ഭൂതം ന ഭവിഷ്യതി ।
സര്വരോഗപ്രശമനം സര്വസമ്പത്പ്രവര്ധനമ് ॥ ൨ ॥
സര്വരോഗപ്രശമനം സര്വസമ്പത്പ്രവര്ധനമ് ॥ ൨ ॥
സര്വാപമൃത്യുശമനം കാലമൃത്യുനിവാരണമ് ।
സര്വാജ്വരാര്തിശമനം ദീര്ഘായുഷ്യപ്രദായകമ് ॥ ൩ ॥
സര്വാജ്വരാര്തിശമനം ദീര്ഘായുഷ്യപ്രദായകമ് ॥ ൩ ॥
പുത്രപ്രദമപുത്രാണാം പുരുഷാര്ഥപ്രദായകമ് ।
ഇദം വിശേഷാച്ഛ്രീദേവ്യാഃ സ്തോത്രം പ്രീതിവിധായകമ് ॥ ൪ ॥
ഇദം വിശേഷാച്ഛ്രീദേവ്യാഃ സ്തോത്രം പ്രീതിവിധായകമ് ॥ ൪ ॥
ജപേന്നിത്യം പ്രയത്നേന ലലിതോപ്രാസ്തിതത്പരഃ ।
പ്രാതഃ സ്നാത്വാ വിധാനേന സന്ധ്യാകര്മ സമാപ്യ ച ॥ ൫ ॥
പ്രാതഃ സ്നാത്വാ വിധാനേന സന്ധ്യാകര്മ സമാപ്യ ച ॥ ൫ ॥
പൂജാഗൃഹം തതോ ഗത്വാ ചക്രരാജം സമര്ചയേത് ।
വിദ്യാം ജപേത്സഹസ്രം വാ ത്രിശതം ശതമേവ വാ ॥ ൬ ॥
വിദ്യാം ജപേത്സഹസ്രം വാ ത്രിശതം ശതമേവ വാ ॥ ൬ ॥
രഹസ്യനാമസാഹസ്രമിദം പശ്ചാത്പഠേന്നരഃ ।
ജന്മമധ്യേ സകൃച്ചാപി യ ഏതത്പഠതേ സുധീഃ ॥ ൭ ॥
ജന്മമധ്യേ സകൃച്ചാപി യ ഏതത്പഠതേ സുധീഃ ॥ ൭ ॥
തസ്യ പുണ്യഫലം വക്ഷ്യേ ശൃണു ത്വം കുമ്ഭസമ്ഭവ ।
ഗങ്ഗാദിസര്വതീര്ഥേഷു യഃ സ്നായാത്കോടിജന്മസു ॥ ൮ ॥
ഗങ്ഗാദിസര്വതീര്ഥേഷു യഃ സ്നായാത്കോടിജന്മസു ॥ ൮ ॥
കോടിലിങ്ഗപ്രതിഷ്ഠാം ച യഃ കുര്യാദവിമുക്തകേ ।
കുരുക്ഷേത്രേ തു യോ ദദ്യാത്കോടിവാരം രവിഗ്രഹേ ॥ ൯ ॥
കുരുക്ഷേത്രേ തു യോ ദദ്യാത്കോടിവാരം രവിഗ്രഹേ ॥ ൯ ॥
കോടിം സുവര്ണഭാരാണാം ശ്രോത്രിയേഷു ദ്വിജന്മസു ।
യഃ കോടിം ഹയമേധാനാമാഹരേദ്ഗാങ്ഗരോധസി ॥ ൧൦ ॥
യഃ കോടിം ഹയമേധാനാമാഹരേദ്ഗാങ്ഗരോധസി ॥ ൧൦ ॥
ആചരേത്കൂപകോടീര്യോ നിര്ജലേ മരുഭൂതലേ ।
ദുര്ഭിക്ഷേ യഃ പ്രതിദിനം കോടിബ്രാഹ്മണഭോജനമ് ॥ ൧൧ ॥
ദുര്ഭിക്ഷേ യഃ പ്രതിദിനം കോടിബ്രാഹ്മണഭോജനമ് ॥ ൧൧ ॥
ശ്രദ്ധയാ പരയാ കുര്യാത്സഹസ്രപരിവത്സരാന് ।
തത്പുണ്യം കോടിഗുണിതം ഭവേത്പുണ്യമനുത്തമമ് ॥ ൧൨ ॥
തത്പുണ്യം കോടിഗുണിതം ഭവേത്പുണ്യമനുത്തമമ് ॥ ൧൨ ॥
രഹസ്യനാമസാഹസ്രേ നാമ്നോഽപ്യേകസ്യ കീര്തനാത് ।
രഹസ്യനാമസാഹസ്രേ നാമൈകമപി യഃ പഠേത് ॥ ൧൩ ॥
രഹസ്യനാമസാഹസ്രേ നാമൈകമപി യഃ പഠേത് ॥ ൧൩ ॥
തസ്യ പാപാനി നശ്യന്തി മഹാന്ത്യപി ന സംശയഃ ।
നിത്യകര്മാനനുഷ്ഠാനാന്നിഷിദ്ധകരണാദപി ॥ ൧൪ ॥
നിത്യകര്മാനനുഷ്ഠാനാന്നിഷിദ്ധകരണാദപി ॥ ൧൪ ॥
യത്പാപം ജായതേ പുംസാം തത്സര്വം നശ്യതി ധ്രുവമ് ।
ബഹുനാത്ര കിമുക്തേന ശൃണു ത്വം കുമ്ഭസമ്ഭവ ॥ ൧൫ ॥
ബഹുനാത്ര കിമുക്തേന ശൃണു ത്വം കുമ്ഭസമ്ഭവ ॥ ൧൫ ॥
അത്രൈകനാമ്നോ യാ ശക്തിഃ പാതകാനാം നിവര്തനേ ।
തന്നിവര്ത്യമഘം കര്തും നാലം ലോകാശ്ചതുര്ദശ ॥ ൧൬ ॥
തന്നിവര്ത്യമഘം കര്തും നാലം ലോകാശ്ചതുര്ദശ ॥ ൧൬ ॥
യസ്ത്യക്ത്വാ നാമസാഹസ്രം പാപഹാനിമഭീപ്സതി ।
സ ഹി ശീതനിവൃത്ത്യര്ഥം ഹിമശൈലം നിഷേവതേ ॥ ൧൭ ॥
സ ഹി ശീതനിവൃത്ത്യര്ഥം ഹിമശൈലം നിഷേവതേ ॥ ൧൭ ॥
ഭക്തോ യഃ കീര്തയേന്നിത്യമിദം നാമസഹസ്രകമ് ।
തസ്മൈ ശ്രീലലിതാദേവീ പ്രീതാഽഭീഷ്ടം പ്രയച്ഛതി ॥ ൧൮ ॥
തസ്മൈ ശ്രീലലിതാദേവീ പ്രീതാഽഭീഷ്ടം പ്രയച്ഛതി ॥ ൧൮ ॥
അകീര്തയന്നിദം സ്തോത്രം കഥം ഭക്തോ ഭവിഷ്യതി ।
നിത്യം സങ്കീര്തനാശക്തഃ കീര്തയേത്പുണ്യവാസരേ ॥ ൧൯ ॥
നിത്യം സങ്കീര്തനാശക്തഃ കീര്തയേത്പുണ്യവാസരേ ॥ ൧൯ ॥
സങ്ക്രാന്തൌ വിഷുവേ ചൈവ സ്വജന്മത്രിതയേഽയനേ ।
നവമ്യാം വാ ചതുര്ദശ്യാം സിതായാം ശുക്രവാസരേ ॥ ൨൦ ॥
നവമ്യാം വാ ചതുര്ദശ്യാം സിതായാം ശുക്രവാസരേ ॥ ൨൦ ॥
കീര്തയേന്നാമസാഹസ്രം പൌര്ണമാസ്യാം വിശേഷതഃ ।
പൌര്ണമാസ്യാം ചന്ദ്രബിമ്ബേ ധ്യാത്വാ ശ്രീലലിതാമ്ബികാമ് ॥ ൨൧ ॥
പൌര്ണമാസ്യാം ചന്ദ്രബിമ്ബേ ധ്യാത്വാ ശ്രീലലിതാമ്ബികാമ് ॥ ൨൧ ॥
പഞ്ചോപചാരൈഃ സമ്പൂജ്യ പഠേന്നാമസാഹസ്രകമ് ।
സര്വേരോഗാഃ പ്രണശ്യന്തി ദീര്ഘായുഷ്യം ച വിന്ദതി ॥ ൨൨ ॥
സര്വേരോഗാഃ പ്രണശ്യന്തി ദീര്ഘായുഷ്യം ച വിന്ദതി ॥ ൨൨ ॥
അയമായുഷ്കരോ നാമ പ്രയോഗഃ കല്പചോദിതഃ ।
ജ്വരാര്തം ശിരസി സ്പൃഷ്ട്വാ പഠേന്നാമസഹസ്രകമ് ॥ ൨൩ ॥
ജ്വരാര്തം ശിരസി സ്പൃഷ്ട്വാ പഠേന്നാമസഹസ്രകമ് ॥ ൨൩ ॥
തത്ക്ഷണാത്പ്രശമം യാതി ശിരസ്തോദോ ജ്വരോഽപി ച ।
സര്വവ്യാധിനിവൃത്ത്യര്ഥം സ്പഷ്ട്വാ ഭസ്മ ജപേദിദമ് ॥ ൨൪ ॥
സര്വവ്യാധിനിവൃത്ത്യര്ഥം സ്പഷ്ട്വാ ഭസ്മ ജപേദിദമ് ॥ ൨൪ ॥
തദ്ഭസ്മധാരണാദേവ നശ്യന്തി വ്യാധയഃ ക്ഷണാത് ।
ജലം സമ്മന്ത്ര്യ കുമ്ഭസ്ഥം നാമസാഹസ്രതോ മുനേ ॥ ൨൫ ॥
ജലം സമ്മന്ത്ര്യ കുമ്ഭസ്ഥം നാമസാഹസ്രതോ മുനേ ॥ ൨൫ ॥
അഭിഷിഞ്ചേദ്ഗ്രഹഗ്രസ്താന്ഗ്രഹാ നശ്യന്തി തത്ക്ഷണാത് ।
സുധാസാഗരമധ്യസ്ഥാം ധ്യാത്വാ ശ്രീലലിതാമ്ബികാമ് ॥ ൨൬ ॥
സുധാസാഗരമധ്യസ്ഥാം ധ്യാത്വാ ശ്രീലലിതാമ്ബികാമ് ॥ ൨൬ ॥
യഃ പഠേന്നാമസാഹസ്രം വിഷം തസ്യ വിനശ്യതി ।
വന്ധ്യാനാം പുത്രലാഭായ നാമസാഹസ്രമന്ത്രിതമ് ॥ ൨൭ ॥
വന്ധ്യാനാം പുത്രലാഭായ നാമസാഹസ്രമന്ത്രിതമ് ॥ ൨൭ ॥
നവനീതം പ്രദദ്യാത്തു പുത്രലാഭോ ഭവേദ്ധ്രുവമ് ।
ദേവ്യാഃ പാശേന സമ്ബദ്ധാമാകൃഷ്ടാമങ്കുശേന ച ॥ ൨൮ ॥
ദേവ്യാഃ പാശേന സമ്ബദ്ധാമാകൃഷ്ടാമങ്കുശേന ച ॥ ൨൮ ॥
ധ്യാത്വാഽഭീഷ്ടാം സ്ത്രിയം രാത്രൌ ജപേന്നാമസഹസ്രകമ് ।
ആയാതി സ്വസമീപം സാ യദ്യപ്യന്തഃപുരം ഗതാ ॥ ൨൯ ॥
ആയാതി സ്വസമീപം സാ യദ്യപ്യന്തഃപുരം ഗതാ ॥ ൨൯ ॥
രാജാകര്ഷണകാമശ്ചേദ്രാജാവസഥദിങ്മുഖഃ ।
ത്രിരാത്രം യഃ പഠേദേതച്ഛ്രീദേവീധ്യാനതത്പരഃ ॥ ൩൦ ॥
ത്രിരാത്രം യഃ പഠേദേതച്ഛ്രീദേവീധ്യാനതത്പരഃ ॥ ൩൦ ॥
സ രാജാ പാരവശ്യേന തുരങ്ഗം വാ മതങ്ഗജമ് ।
ആരുഹ്യായാതി നികടം ദാസവത്പ്രണിപത്യ ച ॥ ൩൧ ॥
ആരുഹ്യായാതി നികടം ദാസവത്പ്രണിപത്യ ച ॥ ൩൧ ॥
തസ്മൈ രാജ്യം ച കോശം ച ദദാത്യേവ വശം ഗതഃ ।
രഹസ്യനാമസാഹസ്രം യഃ കീര്തയതി നിത്യശഃ ॥ ൩൨ ॥
രഹസ്യനാമസാഹസ്രം യഃ കീര്തയതി നിത്യശഃ ॥ ൩൨ ॥
തന്മുഖാലോകമാത്രേണ മുഹ്യേല്ലോകത്രയം മുനേ ।
യസ്ത്വിദം നാമസാഹസ്രം സകൃത്പഠതി ഭക്തിമാന് ॥ ൩൩ ॥
യസ്ത്വിദം നാമസാഹസ്രം സകൃത്പഠതി ഭക്തിമാന് ॥ ൩൩ ॥
തസ്യ യേ ശത്രവസ്തേഷാം നിഹന്താ ശരഭേശ്വരഃ ।
യോ വാഽഭിചാരം കുരുതേ നാമസാഹസ്രപാഠകേ ॥ ൩൪ ॥
യോ വാഽഭിചാരം കുരുതേ നാമസാഹസ്രപാഠകേ ॥ ൩൪ ॥
നിവര്ത്യ തത്ക്രിയാം ഹന്യാത്തം വൈ പ്രത്യങ്ഗിരാ സ്വയമ് ।
യേ ക്രൂരദൃഷ്ട്യാ വീക്ഷന്തേ നാമസാഹസ്രപാഠകമ് ॥ ൩൫ ॥
യേ ക്രൂരദൃഷ്ട്യാ വീക്ഷന്തേ നാമസാഹസ്രപാഠകമ് ॥ ൩൫ ॥
താനന്ധാന്കുരുതേ ക്ഷിപ്രം സ്വയം മാര്താണ്ഡഭൈരവഃ ।
ധനം യോ ഹരതേ ചോരൈര്നാമസാഹസ്രജാപിനഃ ॥ ൩൬ ॥
ധനം യോ ഹരതേ ചോരൈര്നാമസാഹസ്രജാപിനഃ ॥ ൩൬ ॥
യത്ര കുത്ര സ്ഥിതം വാപി ക്ഷേത്രപാലോ നിഹന്തി തമ് ।
വിദ്യാസു കുരുതേ വാദം യോ വിദ്വാന്നാമജാപിനാ ॥ ൩൭ ॥
വിദ്യാസു കുരുതേ വാദം യോ വിദ്വാന്നാമജാപിനാ ॥ ൩൭ ॥
തസ്യ വാക് സ്തമ്ഭനം സദ്യഃ കരോതി നകുലേശ്വരീ ।
യോ രാജാ കുരുതേ വൈരം നാമസാഹസ്രജാപിനാ ॥ ൩൮ ॥
യോ രാജാ കുരുതേ വൈരം നാമസാഹസ്രജാപിനാ ॥ ൩൮ ॥
ചതുരങ്ഗബലം തസ്യ ദണ്ഡിനീ സംഹാരേത്സ്വയമ് ।
യഃ പഠേന്നാമസാഹസ്രം ഷണ്മാസം ഭക്തിസമ്യുതഃ ॥ ൩൯ ॥
യഃ പഠേന്നാമസാഹസ്രം ഷണ്മാസം ഭക്തിസമ്യുതഃ ॥ ൩൯ ॥
ലക്ഷ്മീശ്ചാഞ്ചല്യരഹിതാ സദാ തിഷ്ഠതി തദ്ഗൃഹേ ।
മാസമേകം പ്രതിദിനം ത്രിവാരം യഃ പഠേന്നരഃ ॥ ൪൦ ॥
മാസമേകം പ്രതിദിനം ത്രിവാരം യഃ പഠേന്നരഃ ॥ ൪൦ ॥
ഭാരതീ തസ്യ ജിഹ്വാഗ്രേ രങ്ഗേ നൃത്യതി നിത്യശഃ ।
യസ്ത്വേകവാരം പഠതി പക്ഷമാത്രമതന്ദ്രിതഃ ॥ ൪൧ ॥
യസ്ത്വേകവാരം പഠതി പക്ഷമാത്രമതന്ദ്രിതഃ ॥ ൪൧ ॥
മുഹ്യന്തി കാമവശഗാ മൃഗാക്ഷ്യസ്തസ്യ വീക്ഷണാത് ।
യഃ പഠേന്നാമസാഹസ്രം ജന്മമധ്യേ സകൃന്നരഃ ॥ ൪൨ ॥
യഃ പഠേന്നാമസാഹസ്രം ജന്മമധ്യേ സകൃന്നരഃ ॥ ൪൨ ॥
തദ്ദൃഷ്ടിഗോചരാഃ സര്വേ മുച്യന്തേ സര്വകില്ബിഷൈഃ ।
യോ വേത്തി നാമസാഹസ്രം തസ്മൈ ദേയം ദ്വിജന്മനേ ॥ ൪൩ ॥
യോ വേത്തി നാമസാഹസ്രം തസ്മൈ ദേയം ദ്വിജന്മനേ ॥ ൪൩ ॥
അന്നം വസ്ത്രം ധനം ധാന്യം നാന്യേഭ്യസ്തു കദാചന ।
ശ്രീമന്ത്രരാജം യോ വേത്തി ശ്രീചക്രം യഃ സമര്ചതി ॥ ൪൪ ॥
ശ്രീമന്ത്രരാജം യോ വേത്തി ശ്രീചക്രം യഃ സമര്ചതി ॥ ൪൪ ॥
യഃ കീര്തയതി നാമാനി തം സത്പാത്രം വിദുര്ബുധാഃ ।
തസ്മൈ ദേയം പ്രയത്നേന ശ്രീദേവീപ്രീതിമിച്ഛതാ ॥ ൪൫ ॥
തസ്മൈ ദേയം പ്രയത്നേന ശ്രീദേവീപ്രീതിമിച്ഛതാ ॥ ൪൫ ॥
ന കീര്തയതി നാമാനി മന്ത്രരാജം ന വേത്തി യഃ ।
പശുതുല്യഃ സ വിജ്ഞേയസ്തസ്മൈ ദത്തം നിരര്ഥകമ് ॥ ൪൬ ॥
പശുതുല്യഃ സ വിജ്ഞേയസ്തസ്മൈ ദത്തം നിരര്ഥകമ് ॥ ൪൬ ॥
പരീക്ഷ്യ വിദ്യാവിദുഷസ്തേഭ്യോ ദദ്യാദ്വിചക്ഷണഃ ।
ശ്രീമന്ത്രരാജസദൃശോ യഥാ മന്ത്രോ ന വിദ്യതേ ॥ ൪൭ ॥
ശ്രീമന്ത്രരാജസദൃശോ യഥാ മന്ത്രോ ന വിദ്യതേ ॥ ൪൭ ॥
ദേവതാ ലലിതാതുല്യാ യഥാ നാസ്തി ഘടോദ്ഭവ ।
രഹസ്യനാമസാഹസ്രതുല്യാ നാസ്തി തഥാ സ്തുതിഃ ॥ ൪൮ ॥
രഹസ്യനാമസാഹസ്രതുല്യാ നാസ്തി തഥാ സ്തുതിഃ ॥ ൪൮ ॥
ലിഖിത്വാ പുസ്തകേ യസ്തു നാമസാഹസ്രമുത്തമമ് ।
സമര്ചയേത്സദാ ഭക്ത്യാ തസ്യ തുഷ്യതി സുന്ദരീ ॥ ൪൯ ॥
സമര്ചയേത്സദാ ഭക്ത്യാ തസ്യ തുഷ്യതി സുന്ദരീ ॥ ൪൯ ॥
ബഹുനാത്ര കിമുക്തേന ശൃണു ത്വം കുമ്ഭസമ്ഭവ ।
നാനേന സദൃശം സ്തോത്രം സര്വതന്ത്രേഷു ദൃശ്യതേ ॥ ൫൦ ॥
നാനേന സദൃശം സ്തോത്രം സര്വതന്ത്രേഷു ദൃശ്യതേ ॥ ൫൦ ॥
തസ്മാദുപാസകോ നിത്യം കീര്തയേദിദമാദരാത് ।
ഏഭിര്നാമസഹസ്രൈസ്തു ശ്രീചക്രം യോഽര്ചയേത്സകൃത് ॥ ൫൧ ॥
ഏഭിര്നാമസഹസ്രൈസ്തു ശ്രീചക്രം യോഽര്ചയേത്സകൃത് ॥ ൫൧ ॥
പദ്മൈര്വാ തുലസീപുഷ്പൈഃ കല്ഹാരൈര്വാ കദമ്ബകൈഃ ।
ചമ്പകൈര്ജാതികുസുമൈര്മല്ലികാകരവീരകൈഃ ॥ ൫൨ ॥
ചമ്പകൈര്ജാതികുസുമൈര്മല്ലികാകരവീരകൈഃ ॥ ൫൨ ॥
ഉത്പലൈര്ബില്വപത്രൈര്വാ കുന്ദകേസരപാടലൈഃ ।
അന്യൈഃ സുഗന്ധികുസുമൈഃ കേതകീമാധവീമുഖൈഃ ॥ ൫൩ ॥
അന്യൈഃ സുഗന്ധികുസുമൈഃ കേതകീമാധവീമുഖൈഃ ॥ ൫൩ ॥
തസ്യ പുണ്യഫലം വക്തും ന ശക്നോതി മഹേശ്വരഃ ।
സാ വേത്തി ലലിതാദേവീ സ്വചക്രാര്ചനജം ഫലമ് ॥ ൫൪ ॥
സാ വേത്തി ലലിതാദേവീ സ്വചക്രാര്ചനജം ഫലമ് ॥ ൫൪ ॥
അന്യേ കഥം വിജാനീയുര്ബ്രഹ്മാദ്യാഃ സ്വല്പമേധസഃ ।
പ്രതിമാസം പൌര്ണമാസ്യാമേഭിര്നാമസഹസ്രകൈഃ ॥ ൫൫ ॥
പ്രതിമാസം പൌര്ണമാസ്യാമേഭിര്നാമസഹസ്രകൈഃ ॥ ൫൫ ॥
രാത്രൌ യശ്ചക്രരാജസ്ഥാമര്ചയേത്പരദേവതാമ് ।
സ ഏവ ലലിതാരൂപസ്തദ്രൂപാ ലലിതാ സ്വയമ് ॥ ൫൬ ॥
സ ഏവ ലലിതാരൂപസ്തദ്രൂപാ ലലിതാ സ്വയമ് ॥ ൫൬ ॥
ന തയോര്വിദ്യതേ ഭേദോ ഭേദകൃത്പാപകൃദ്ഭവേത് ।
മഹാനവമ്യാം യോ ഭക്തഃ ശ്രീദേവീം ചക്രമധ്യഗാമ് ॥ ൫൭ ॥
മഹാനവമ്യാം യോ ഭക്തഃ ശ്രീദേവീം ചക്രമധ്യഗാമ് ॥ ൫൭ ॥
അര്ചയേന്നാമസാഹസ്രൈസ്തസ്യ മുക്തിഃ കരേ സ്ഥിതാ ।
യസ്തു നാമസഹസ്രേണ ശുക്രവാരേ സമര്ചയേത് ॥ ൫൮ ॥
യസ്തു നാമസഹസ്രേണ ശുക്രവാരേ സമര്ചയേത് ॥ ൫൮ ॥
ചക്രരാജേ മഹാദേവീം തസ്യ പുണ്യഫലം ശൃണു ।
സര്വാന്കാമാനവാപ്യേഹ സര്വസൌഭാഗ്യസമ്യുതഃ ॥ ൫൯ ॥
സര്വാന്കാമാനവാപ്യേഹ സര്വസൌഭാഗ്യസമ്യുതഃ ॥ ൫൯ ॥
പുത്രപൌത്രാദിസമ്യുക്തോ ഭുക്ത്വാ ഭോഗാന്യഥേപ്സിതാന് ।
അന്തേ ശ്രീലലിതാദേവ്യാഃ സായുജ്യമതിദുര്ലഭമ് ॥ ൬൦ ॥
അന്തേ ശ്രീലലിതാദേവ്യാഃ സായുജ്യമതിദുര്ലഭമ് ॥ ൬൦ ॥
പ്രാര്ഥനീയം ശിവാദ്യൈശ്ച പ്രാപ്നോത്യേവ ന സംശയഃ ।
യഃ സഹസ്രം ബ്രാഹ്മണാനാമേഭിര്നാമസഹസ്രകൈഃ ॥ ൬൧ ॥
യഃ സഹസ്രം ബ്രാഹ്മണാനാമേഭിര്നാമസഹസ്രകൈഃ ॥ ൬൧ ॥
സമര്ച്യ ഭോജയേദ്ഭക്ത്യാ പായസാപൂപഷഡ്രസൈഃ ।
തസ്മൈ പ്രീണാതി ലലിതാ സ്വസാമ്രാജ്യം പ്രയച്ഛതി ॥ ൬൨ ॥
തസ്മൈ പ്രീണാതി ലലിതാ സ്വസാമ്രാജ്യം പ്രയച്ഛതി ॥ ൬൨ ॥
ന തസ്യ ദുര്ലഭം വസ്തു ത്രിഷു ലോകേഷു വിദ്യതേ ।
നിഷ്കാമഃ കീര്തയേദ്യസ്തു നാമസാഹസ്രമുത്തമമ് ॥ ൬൩ ॥
നിഷ്കാമഃ കീര്തയേദ്യസ്തു നാമസാഹസ്രമുത്തമമ് ॥ ൬൩ ॥
ബ്രഹ്മജ്ഞാനമവാപ്നോതി യേന മുച്യേത ബന്ധനാത് ।
ധനാര്ഥീ ധനമാപ്നോതി യശോഽര്ഥീ ചാപ്നുയാദ്യശഃ ॥ ൬൪ ॥
ധനാര്ഥീ ധനമാപ്നോതി യശോഽര്ഥീ ചാപ്നുയാദ്യശഃ ॥ ൬൪ ॥
വിദ്യാര്ഥീ ചാപ്നുയാദ്വിദ്യാം നാമസാഹസ്രകീര്തനാത് ।
നാനേന സദൃശം സ്തോത്രം ഭോഗമോക്ഷപ്രദം മുനേ ॥ ൬൫ ॥
നാനേന സദൃശം സ്തോത്രം ഭോഗമോക്ഷപ്രദം മുനേ ॥ ൬൫ ॥
കീര്തനീയമിദം തസ്മാദ്ഭോഗമോക്ഷാര്ഥിഭിര്നരൈഃ ।
ചതുരാശ്രമനിഷ്ഠൈശ്ച കീര്തനീയമിദം സദാ ॥ ൬൬ ॥
ചതുരാശ്രമനിഷ്ഠൈശ്ച കീര്തനീയമിദം സദാ ॥ ൬൬ ॥
സ്വധര്മസമനുഷ്ഠാനവൈകല്യപരിപൂര്തയേ ।
കലൌ പാപൈകബഹുലേ ധര്മാനുഷ്ഠാനവര്ജിതേ ॥ ൬൭ ॥
കലൌ പാപൈകബഹുലേ ധര്മാനുഷ്ഠാനവര്ജിതേ ॥ ൬൭ ॥
നാമസങ്കീര്തനം മുക്ത്വാ നൃണാം നാന്യത്പരായണമ് ।
ലൌകികാദ്വചനാന്മുഖ്യം വിഷ്ണുനാമാനുകീര്തനമ് ॥ ൬൮ ॥
ലൌകികാദ്വചനാന്മുഖ്യം വിഷ്ണുനാമാനുകീര്തനമ് ॥ ൬൮ ॥
വിഷ്ണുനാമാസഹസ്രാച്ച ശിവനാമൈകമുത്തമമ് ।
ശിവനാമസഹസ്രാച്ച ദേവ്യാ നാമൈകമുത്തമമ് ॥ ൬൯ ॥
ശിവനാമസഹസ്രാച്ച ദേവ്യാ നാമൈകമുത്തമമ് ॥ ൬൯ ॥
ദേവീനാമസഹസ്രാണി കോടിശഃ സന്തി കുമ്ഭജ ।
തേഷു മുഖ്യം ദശവിധം നാമസാഹസ്രമുച്യതേ ॥ ൭൦ ॥
തേഷു മുഖ്യം ദശവിധം നാമസാഹസ്രമുച്യതേ ॥ ൭൦ ॥
ഗങ്ഗാ ഭവാനീ ഗായത്രീ കാലീ ലക്ഷ്മീഃ സരസ്വതീ ।
രാജരാജേശ്വരീ ബാലാ ശ്യാമലാ ലലിതാ ദശ ॥ ൭൧ ॥
രാജരാജേശ്വരീ ബാലാ ശ്യാമലാ ലലിതാ ദശ ॥ ൭൧ ॥
രഹസ്യനാമസാഹസ്രമിദം ശസ്തം ദശസ്വപി ।
തസ്മാത്സങ്കീര്തയേന്നിത്യം കലിദോഷനിവൃത്തയേ ॥ ൭൨ ॥
തസ്മാത്സങ്കീര്തയേന്നിത്യം കലിദോഷനിവൃത്തയേ ॥ ൭൨ ॥
മുഖ്യം ശ്രീമാതൃനാമേതി ന ജാനന്തി വിമോഹിതാഃ ।
വിഷ്ണുനാമപരാഃ കേചിച്ഛിവനാമപരാഃ പരേ ॥ ൭൩ ॥
വിഷ്ണുനാമപരാഃ കേചിച്ഛിവനാമപരാഃ പരേ ॥ ൭൩ ॥
ന കശ്ചിദപി ലോകേഷു ലലിതാനാമതത്പരഃ ।
യേനാന്യദേവതാനാമ കീര്തിതം ജന്മകോടിഷു ॥ ൭൪ ॥
യേനാന്യദേവതാനാമ കീര്തിതം ജന്മകോടിഷു ॥ ൭൪ ॥
തസ്യൈവ ഭവതി ശ്രദ്ധാ ശ്രീദേവീനാമകീര്തനേ ।
ചരമേ ജന്മനി യഥാ ശ്രീവിദ്യോപാസകോ ഭവേത് ॥ ൭൫ ॥
ചരമേ ജന്മനി യഥാ ശ്രീവിദ്യോപാസകോ ഭവേത് ॥ ൭൫ ॥
നാമസാഹസ്രപാഠശ്ച തഥാ ചരമജന്മനി ।
യഥൈവ വിരലാ ലോകേ ശ്രീവിദ്യാരാജവേദിനഃ ॥ ൭൬ ॥
യഥൈവ വിരലാ ലോകേ ശ്രീവിദ്യാരാജവേദിനഃ ॥ ൭൬ ॥
തഥൈവ വിരലോ ഗുഹ്യനാമസാഹസ്രപാഠകഃ ।
മന്ത്രരാജജപശ്ചൈവ ചക്രരാജാര്ചനം തഥാ ॥ ൭൭ ॥
മന്ത്രരാജജപശ്ചൈവ ചക്രരാജാര്ചനം തഥാ ॥ ൭൭ ॥
രഹസ്യനാമപാഠശ്ച നാല്പസ്യ തപസഃ ഫലമ് ।
അപഠന്നാമസാഹസ്രം പ്രീണയേദ്യോ മഹേശ്വരീമ് ॥ ൭൮ ॥
അപഠന്നാമസാഹസ്രം പ്രീണയേദ്യോ മഹേശ്വരീമ് ॥ ൭൮ ॥
സ ചക്ഷുഷാ വിനാ രൂപം പശ്യേദേവ വിമൂഢധീഃ ।
രഹസ്യനാമസാഹസ്രം ത്യക്ത്വാ യഃ സിദ്ധികാമുകഃ ॥ ൭൯ ॥
രഹസ്യനാമസാഹസ്രം ത്യക്ത്വാ യഃ സിദ്ധികാമുകഃ ॥ ൭൯ ॥
സ ഭോജനം വിനാ നൂനം ക്ഷുന്നിവൃത്തിമഭീപ്സതി ।
യോ ഭക്തോ ലലിതാദേവ്യാഃ സ നിത്യം കീര്തയേദിദമ് ॥ ൮൦ ॥
യോ ഭക്തോ ലലിതാദേവ്യാഃ സ നിത്യം കീര്തയേദിദമ് ॥ ൮൦ ॥
നാന്യഥാ പ്രീയതേ ദേവീ കല്പകോടിശതൈരപി ।
തസ്മാദ്രഹസ്യനാമാനി ശ്രീമാതുഃ പ്രയതഃ പഠേത് ॥ ൮൧ ॥
തസ്മാദ്രഹസ്യനാമാനി ശ്രീമാതുഃ പ്രയതഃ പഠേത് ॥ ൮൧ ॥
ഇതി തേ കഥിതം സ്തോത്രം രഹസ്യം കുമ്ഭസമ്ഭവ ।
നാവിദ്യാവേദിനേ ബ്രൂയാന്നാഭക്തായ കദാചന ॥ ൮൨ ॥
നാവിദ്യാവേദിനേ ബ്രൂയാന്നാഭക്തായ കദാചന ॥ ൮൨ ॥
യഥൈവ ഗോപ്യാ ശ്രീവിദ്യാ തഥാ ഗോപ്യമിദം മുനേ ।
പശുതുല്യേഷു ന ബ്രൂയാജ്ജനേഷു സ്തോത്രമുത്തമമ് ॥ ൮൩ ॥
പശുതുല്യേഷു ന ബ്രൂയാജ്ജനേഷു സ്തോത്രമുത്തമമ് ॥ ൮൩ ॥
യോ ദദാതി വിമൂഢാത്മാ ശ്രീവിദ്യാരഹിതായ ച ।
തസ്മൈ കുപ്യന്തി യോഗിന്യഃ സോഽനര്ഥഃ സുമഹാന് സ്മൃതഃ ॥ ൮൪ ॥
തസ്മൈ കുപ്യന്തി യോഗിന്യഃ സോഽനര്ഥഃ സുമഹാന് സ്മൃതഃ ॥ ൮൪ ॥
രഹസ്യനാമസാഹസ്രം തസ്മാത്സങ്ഗോപയേദിദമ് ।
സ്വാതന്ത്രേണ മയാ നോക്തം തവാപി കലശോദ്ഭവ ॥ ൮൫ ॥
സ്വാതന്ത്രേണ മയാ നോക്തം തവാപി കലശോദ്ഭവ ॥ ൮൫ ॥
ലലിതാപ്രേരണേനൈവ മയോക്തം സ്തോത്രമുത്തമമ് ।
തേന തുഷ്ടാ മഹാദേവീ തവാഭീഷ്ടം പ്രദാസ്യതി ॥ ൮൬ ॥
തേന തുഷ്ടാ മഹാദേവീ തവാഭീഷ്ടം പ്രദാസ്യതി ॥ ൮൬ ॥
ശ്രീസൂത ഉവാച।
ഇത്യുക്ത്വാ ശ്രീഹയഗ്രീവോ ധ്യാത്യാ ശ്രീലലിതാമ്ബികാമ് ।
ആനന്ദമഗ്നഹൃദയഃ സദ്യഃ പുലകിതോഽഭവത് ॥ ൮൭ ॥
ഇത്യുക്ത്വാ ശ്രീഹയഗ്രീവോ ധ്യാത്യാ ശ്രീലലിതാമ്ബികാമ് ।
ആനന്ദമഗ്നഹൃദയഃ സദ്യഃ പുലകിതോഽഭവത് ॥ ൮൭ ॥
ഇതി ശ്രീബ്രഹ്മാണ്ഡപുരാണേ ഉത്തരഖണ്ഡേ ശ്രീഹയഗ്രീവാഗസ്ത്യസംവാദേ ശ്രീലലിതാസഹസ്രനാമസ്തോത്ര ഫലനിരൂപണം നാമ തൃതീയോഽധ്യായഃ ।