અથ ચતુર્થસ્તોત્રમ્
નિજપૂર્ણસુખામિતબોધતનુઃ પરશક્તિરનન્તગુણઃ પરમઃ ।
અજરામરણઃ સકલાર્તિહરઃ કમલાપતિરીડ્યતમોઽવતુ નઃ ॥ 1॥
નિજપૂર્ણસુખામિતબોધતનુઃ પરશક્તિરનન્તગુણઃ પરમઃ ।
અજરામરણઃ સકલાર્તિહરઃ કમલાપતિરીડ્યતમોઽવતુ નઃ ॥ 1॥
યદસુપ્તિગતોઽપિ હરિઃ સુખવાન્ સુખરૂપિણમાહુરતો નિગમાઃ ।
સ્વમતિપ્રભવં જગદસ્ય યતઃ પરબોધતનું ચ તતઃ ખપતિમ્ ॥ 2॥
સ્વમતિપ્રભવં જગદસ્ય યતઃ પરબોધતનું ચ તતઃ ખપતિમ્ ॥ 2॥
(સુમતિપ્રભવમ્)
બહુચિત્રજગત્ બહુધાકરણાત્પરશક્તિરનન્તગુણઃ પરમઃ ।
સુખરૂપમમુષ્યપદં પરમં સ્મરતસ્તુ ભવિષ્યતિ તત્સતતમ્ ॥ 3॥
બહુચિત્રજગત્ બહુધાકરણાત્પરશક્તિરનન્તગુણઃ પરમઃ ।
સુખરૂપમમુષ્યપદં પરમં સ્મરતસ્તુ ભવિષ્યતિ તત્સતતમ્ ॥ 3॥
સ્મરણે હિ પરેશિતુરસ્ય વિભોર્મલિનાનિ મનાંસિ કુતઃ કરણમ્ ।
વિમલં હિ પદં પરમં સ્વરતં તરુણાર્કસવર્ણમજસ્ય હરેઃ ॥ 4॥
વિમલં હિ પદં પરમં સ્વરતં તરુણાર્કસવર્ણમજસ્ય હરેઃ ॥ 4॥
વિમલૈઃ શ્રુતિશાણનિશાતતમૈઃ સુમનોઽસિભિરાશુ નિહત્ય દૃઢમ્ ।
બલિનં નિજવૈરિણમાત્મતમોભિદમીશમનન્તમુપાસ્વ હરિમ્ ॥ 5॥
બલિનં નિજવૈરિણમાત્મતમોભિદમીશમનન્તમુપાસ્વ હરિમ્ ॥ 5॥
ન હિ વિશ્વસૃજો વિભુશમ્ભુપુરન્દર સૂર્યમુખાનપરાનપરાન્ ।
સૃજતીડ્યતમોઽવતિ હન્તિ નિજં પદમાપયતિ પ્રણતાં સ્વધિયા ॥ 6॥
સૃજતીડ્યતમોઽવતિ હન્તિ નિજં પદમાપયતિ પ્રણતાં સ્વધિયા ॥ 6॥
પરમોઽપિ રમેશિતુરસ્ય સમો ન હિ કશ્ચિદભૂન્ન ભવિષ્યતિ ચ ।
ક્વચિદદ્યતનોઽપિ ન પૂર્ણસદાગણિતેડ્યગુણાનુભવૈકતનોઃ ॥ 7॥
ક્વચિદદ્યતનોઽપિ ન પૂર્ણસદાગણિતેડ્યગુણાનુભવૈકતનોઃ ॥ 7॥
ઇતિ દેવવરસ્ય હરેઃ સ્તવનં કૃતવાન્ મુનિરુત્તમમાદરતઃ ।
સુખતીર્થપદાભિહિતઃ પઠતસ્તદિદં ભવતિ ધ્રુવમુચ્ચસુખમ્ ॥ 8॥
સુખતીર્થપદાભિહિતઃ પઠતસ્તદિદં ભવતિ ધ્રુવમુચ્ચસુખમ્ ॥ 8॥
ઇતિ શ્રીમદાનન્દતીર્થભગવત્પાદાચાર્ય વિરચિતં
દ્વાદશસ્તોત્રેષુ ચતુર્થસ્તોત્રં સમ્પૂર્ણમ્