॥ શ્રી મહાલક્ષ્મી કવચમ્ ૨ (બ્રહ્મ-શુક સંવાદ) ॥
શુકં પ્રતિ બ્રહ્મોવાચ ।
મહાલક્ષ્મ્યાઃ પ્રવક્ષ્યામિ કવચં સર્વકામદમ્ ।
સર્વપાપપ્રશમનં દુષ્ટવ્યાધિવિનાશનમ્ ॥ ૧ ॥
મહાલક્ષ્મ્યાઃ પ્રવક્ષ્યામિ કવચં સર્વકામદમ્ ।
સર્વપાપપ્રશમનં દુષ્ટવ્યાધિવિનાશનમ્ ॥ ૧ ॥
ગ્રહપીડાપ્રશમનં ગ્રહારિષ્ટપ્રભઞ્જનમ્ ।
દુષ્ટમૃત્યુપ્રશમનં દુષ્ટદારિદ્ર્યનાશનમ્ ॥ ૨ ॥
દુષ્ટમૃત્યુપ્રશમનં દુષ્ટદારિદ્ર્યનાશનમ્ ॥ ૨ ॥
પુત્રપૌત્રપ્રજનનં વિવાહપ્રદમિષ્ટદમ્ ।
ચોરારિહં ચ જપતામખિલેપ્સિતદાયકમ્ ॥ ૩ ॥
ચોરારિહં ચ જપતામખિલેપ્સિતદાયકમ્ ॥ ૩ ॥
સાવધાનમના ભૂત્વા શૃણુ ત્વં શુક સત્તમ ।
અનેકજન્મસંસિદ્ધિલભ્યં મુક્તિફલપ્રદમ્ ॥ ૪ ॥
અનેકજન્મસંસિદ્ધિલભ્યં મુક્તિફલપ્રદમ્ ॥ ૪ ॥
ધનધાન્યમહારાજ્યસર્વસૌભાગ્યકલ્પકમ્ ।
સકૃત્સ્મરણમાત્રેણ મહાલક્ષ્મીઃ પ્રસીદતિ ॥ ૫ ॥
સકૃત્સ્મરણમાત્રેણ મહાલક્ષ્મીઃ પ્રસીદતિ ॥ ૫ ॥
॥ અથ ધ્યાનમ્ ॥
ક્ષીરાબ્ધિમધ્યે પદ્માનાં કાનને મણિમણ્ટપે ।
તન્મધ્યે સુસ્થિતાં દેવીં મનીષિજનસેવિતામ્ ॥ ૬ ॥
તન્મધ્યે સુસ્થિતાં દેવીં મનીષિજનસેવિતામ્ ॥ ૬ ॥
સુસ્નાતાં પુષ્પસુરભિકુટિલાલકબન્ધનામ્ ।
પૂર્ણેન્દુબિમ્બવદનામર્ધચન્દ્રલલાટિકામ્ ॥ ૭ ॥
પૂર્ણેન્દુબિમ્બવદનામર્ધચન્દ્રલલાટિકામ્ ॥ ૭ ॥
ઇન્દીવરેક્ષણાં કામકોદણ્ડભ્રુવમીશ્વરીમ્ ।
તિલપ્રસવસંસ્પર્ધિનાસિકાલઙ્કૃતાં શ્રિયમ્ ॥ ૮ ॥
તિલપ્રસવસંસ્પર્ધિનાસિકાલઙ્કૃતાં શ્રિયમ્ ॥ ૮ ॥
કુન્દકુટ્મલદન્તાલિં બન્ધૂકાધરપલ્લવામ્ ।
દર્પણાકારવિમલકપોલદ્વિતયોજ્જ્વલામ્ ॥ ૯ ॥
દર્પણાકારવિમલકપોલદ્વિતયોજ્જ્વલામ્ ॥ ૯ ॥
રત્નતાટઙ્કકલિતકર્ણદ્વિતયસુન્દરામ્ ।
માઙ્ગલ્યાભરણોપેતાં કમ્બુકણ્ઠીં જગત્પ્રસૂમ્ ॥ ૧૦ ॥
માઙ્ગલ્યાભરણોપેતાં કમ્બુકણ્ઠીં જગત્પ્રસૂમ્ ॥ ૧૦ ॥
તારહારિમનોહારિકુચકુમ્ભવિભૂષિતામ્ ।
રત્નાઙ્ગદાદિલલિતકરપદ્મચતુષ્ટયામ્ ॥ ૧૧ ॥
રત્નાઙ્ગદાદિલલિતકરપદ્મચતુષ્ટયામ્ ॥ ૧૧ ॥
કમલે ચ સુપત્રાઢ્યે હ્યભયં દધતીં વરમ્ ।
રોમરાજિકલાચારુભુગ્નનાભિતલોદરીમ્ ॥ ૧૨ ॥
રોમરાજિકલાચારુભુગ્નનાભિતલોદરીમ્ ॥ ૧૨ ॥
પટ્ટવસ્ત્રસમુદ્ભાસિસુનિતમ્બાદિલક્ષણામ્ ।
કાઞ્ચનસ્તમ્ભવિભ્રાજદ્વરજાનૂરુશોભિતામ્ ॥ ૧૩ ॥
કાઞ્ચનસ્તમ્ભવિભ્રાજદ્વરજાનૂરુશોભિતામ્ ॥ ૧૩ ॥
સ્મરકાહલિકાગર્વહારિજઙ્ઘાં હરિપ્રિયામ્ ।
કમઠીપૃષ્ઠસદૃશપાદાબ્જાં ચન્દ્રસન્નિભામ્ ॥ ૧૪ ॥
કમઠીપૃષ્ઠસદૃશપાદાબ્જાં ચન્દ્રસન્નિભામ્ ॥ ૧૪ ॥
પઙ્કજોદરલાવણ્યસુન્દરાઙ્ઘ્રિતલાં શ્રિયમ્ ।
સર્વાભરણસમ્યુક્તાં સર્વલક્ષણલક્ષિતામ્ ॥ ૧૫ ॥
સર્વાભરણસમ્યુક્તાં સર્વલક્ષણલક્ષિતામ્ ॥ ૧૫ ॥
પિતામહમહાપ્રીતાં નિત્યતૃપ્તાં હરિપ્રિયામ્ ।
નિત્યં કારુણ્યલલિતાં કસ્તૂરીલેપિતાઙ્ગિકામ્ ॥ ૧૬ ॥
નિત્યં કારુણ્યલલિતાં કસ્તૂરીલેપિતાઙ્ગિકામ્ ॥ ૧૬ ॥
સર્વમન્ત્રમયાં લક્ષ્મીં શ્રુતિશાસ્ત્રસ્વરૂપિણીમ્ ।
પરબ્રહ્મમયાં દેવીં પદ્મનાભકુટુમ્બિનીમ્ ।
એવં ધ્યાત્વા મહાલક્ષ્મીં પઠેત્તત્કવચં પરમ્ ॥ ૧૭ ॥
પરબ્રહ્મમયાં દેવીં પદ્મનાભકુટુમ્બિનીમ્ ।
એવં ધ્યાત્વા મહાલક્ષ્મીં પઠેત્તત્કવચં પરમ્ ॥ ૧૭ ॥
॥ અથ કવચમ્ ॥
મહાલક્ષ્મીઃ શિરઃ પાતુ લલાટં મમ પઙ્કજા ।
કર્ણૌ રક્ષેદ્રમા પાતુ નયને નલિનાલયા ॥ ૧૮ ॥
કર્ણૌ રક્ષેદ્રમા પાતુ નયને નલિનાલયા ॥ ૧૮ ॥
નાસિકામવતાદમ્બા વાચં વાગ્રૂપિણી મમ ।
દન્તાનવતુ જિહ્વાં શ્રીરધરોષ્ઠં હરિપ્રિયા ॥ ૧૯ ॥
દન્તાનવતુ જિહ્વાં શ્રીરધરોષ્ઠં હરિપ્રિયા ॥ ૧૯ ॥
ચુબુકં પાતુ વરદા ગલં ગન્ધર્વસેવિતા ।
વક્ષઃ કુક્ષિં કરૌ પાયું પૃષ્ઠમવ્યાદ્રમા સ્વયમ્ ॥ ૨૦ ॥
વક્ષઃ કુક્ષિં કરૌ પાયું પૃષ્ઠમવ્યાદ્રમા સ્વયમ્ ॥ ૨૦ ॥
કટિમૂરુદ્વયં જાનુ જઙ્ઘં પાતુ રમા મમ ।
સર્વાઙ્ગમિન્દ્રિયં પ્રાણાન્પાયાદાયાસહારિણી ॥ ૨૧ ॥
સર્વાઙ્ગમિન્દ્રિયં પ્રાણાન્પાયાદાયાસહારિણી ॥ ૨૧ ॥
સપ્તધાતૂન્ સ્વયં ચાપિ રક્તં શુક્રં મનો મમ ।
જ્ઞાનં બુદ્ધિં મહોત્સાહં સર્વં મે પાતુ પઙ્કજા ॥ ૨૨ ॥
જ્ઞાનં બુદ્ધિં મહોત્સાહં સર્વં મે પાતુ પઙ્કજા ॥ ૨૨ ॥
મયા કૃતં ચ યત્કિઞ્ચિત્તત્સર્વં પાતુ સેન્દિરા ।
મમાયુરવતાલ્લક્ષ્મીઃ ભાર્યાં પુત્રાંશ્ચ પુત્રિકા ॥ ૨૩ ॥
મમાયુરવતાલ્લક્ષ્મીઃ ભાર્યાં પુત્રાંશ્ચ પુત્રિકા ॥ ૨૩ ॥
મિત્રાણિ પાતુ સતતમખિલાનિ હરિપ્રિયા ।
પાતકં નાશયેલ્લક્ષ્મીઃ મમારિષ્ટં હરેદ્રમા ॥ ૨૪ ॥
પાતકં નાશયેલ્લક્ષ્મીઃ મમારિષ્ટં હરેદ્રમા ॥ ૨૪ ॥
મમારિનાશનાર્થાય માયામૃત્યું જયેદ્બલમ્ ।
સર્વાભીષ્ટં તુ મે દદ્યાત્પાતુ માં કમલાલયા ॥ ૨૫ ॥
સર્વાભીષ્ટં તુ મે દદ્યાત્પાતુ માં કમલાલયા ॥ ૨૫ ॥
॥ ફલશ્રુતિ ॥
ય ઇદં કવચં દિવ્યં રમાત્મા પ્રયતઃ પઠેત્ ।
સર્વસિદ્ધિમવાપ્નોતિ સર્વરક્ષાં તુ શાશ્વતીમ્ ॥ ૨૬ ॥
સર્વસિદ્ધિમવાપ્નોતિ સર્વરક્ષાં તુ શાશ્વતીમ્ ॥ ૨૬ ॥
દીર્ઘાયુષ્માન્ભવેન્નિત્યં સર્વસૌભાગ્યકલ્પકમ્ ।
સર્વજ્ઞઃ સર્વદર્શી ચ સુખદશ્ચ સુખોજ્જ્વલઃ ॥ ૨૭ ॥
સર્વજ્ઞઃ સર્વદર્શી ચ સુખદશ્ચ સુખોજ્જ્વલઃ ॥ ૨૭ ॥
સુપુત્રો ગોપતિઃ શ્રીમાન્ ભવિષ્યતિ ન સંશયઃ ।
તદ્ગૃહે ન ભવેદ્બ્રહ્મન્ દારિદ્ર્યદુરિતાદિકમ્ ॥ ૨૮ ॥
તદ્ગૃહે ન ભવેદ્બ્રહ્મન્ દારિદ્ર્યદુરિતાદિકમ્ ॥ ૨૮ ॥
નાગ્નિના દહ્યતે ગેહં ન ચોરાદ્યૈશ્ચ પીડ્યતે ।
ભૂતપ્રેતપિશાચાદ્યાઃ સન્ત્રસ્તા યાન્તિ દૂરતઃ ॥ ૨૯ ॥
ભૂતપ્રેતપિશાચાદ્યાઃ સન્ત્રસ્તા યાન્તિ દૂરતઃ ॥ ૨૯ ॥
લિખિત્વા સ્થાપયેદ્યત્ર તત્ર સિદ્ધિર્ભવેદ્ધ્રુવમ્ ।
નાપમૃત્યુમવાપ્નોતિ દેહાન્તે મુક્તિભાગ્ભવેત્ ॥ ૩૦ ॥
નાપમૃત્યુમવાપ્નોતિ દેહાન્તે મુક્તિભાગ્ભવેત્ ॥ ૩૦ ॥
આયુષ્યં પૌષ્ટિકં મેધ્યં ધાન્યં દુઃસ્વપ્નનાશનમ્ ।
પ્રજાકરં પવિત્રં ચ દુર્ભિક્ષાર્તિવિનાશનમ્ ॥ ૩૧ ॥
પ્રજાકરં પવિત્રં ચ દુર્ભિક્ષાર્તિવિનાશનમ્ ॥ ૩૧ ॥
ચિત્તપ્રસાદજનનં મહામૃત્યુપ્રશાન્તિદમ્ ।
મહારોગજ્વરહરં બ્રહ્મહત્યાદિશોધનમ્ ॥ ૩૨ ॥
મહારોગજ્વરહરં બ્રહ્મહત્યાદિશોધનમ્ ॥ ૩૨ ॥
મહાધનપ્રદં ચૈવ પઠિતવ્યં સુખાર્થિભિઃ ।
ધનાર્થી ધનમાપ્નોતિ વિવાહાર્થી લભેદ્વધૂમ્ ॥ ૩૩ ॥
ધનાર્થી ધનમાપ્નોતિ વિવાહાર્થી લભેદ્વધૂમ્ ॥ ૩૩ ॥
વિદ્યાર્થી લભતે વિદ્યાં પુત્રાર્થી ગુણવત્સુતમ્ ।
રાજ્યાર્થી રાજ્યમાપ્નોતિ સત્યમુક્તં મયા શુક ॥ ૩૪ ॥
રાજ્યાર્થી રાજ્યમાપ્નોતિ સત્યમુક્તં મયા શુક ॥ ૩૪ ॥
એતદ્દેવ્યાઃ પ્રસાદેન શુકઃ કવચમાપ્તવાન્ ।
કવચાનુગ્રહેણૈવ સર્વાન્ કામાનવાપ સઃ ॥ ૩૫ ॥
કવચાનુગ્રહેણૈવ સર્વાન્ કામાનવાપ સઃ ॥ ૩૫ ॥
॥ ઇતિ શ્રીબ્રહ્મપુરાણે શુકં પ્રતિ બ્રહ્મોપદિષ્ટં શ્રી મહાલક્ષ્મી કવચમ્ સમ્પૂર્ણમ્ ॥