What is Umasahacarya Viracitam Sri Matangi Stotram Agamasara?

Read Umasahacarya Viracitam Sri Matangi Stotram Agamasara in Assamese script — full lyrics with English meaning and transliteration. Ninety-five verses given in the colophon to Umasahacharya and placed in the Agamasara, and the fuller of two recensions of one hymn: the fifty-eight-verse Matangi Stuti in this corpus shares thirty-one of its verses closely, including the meditation both open on. What the extra length is spent on is repetition of the figure under different lights — the same dark-limbed goddess with vina and book returned to again and again in different metres — and on a phalasruti of its own, which promises skill in undertakings, eloquence, wealth beyond the ordinary, force of mind, good fortune, and the regard of kings to whoever repeats it daily. It closes by asking that the supreme power be pleased.

Which deity is Umasahacarya Viracitam Sri Matangi Stotram Agamasara dedicated to?

Umasahacarya Viracitam Sri Matangi Stotram Agamasara is a Sanskrit hymn dedicated to Goddess Matangi.

Umasahacarya Viracitam Sri Matangi Stotram… in Assamese

॥ উমাসহাচাৰ্যৱিৰচিতং মাতঙ্গী স্তোত্ৰম্ ॥

॥ ওঁ ক্লীং মাতঙ্গ্যৈ নমঃ ॥

মাতঙ্গী নৱযাৱকাৰ্দ্ৰচৰণাং প্ৰোল্লাসিকৃষ্ণাংশুকাং
ৱীণোল্লাসিকৰাং সমুন্নতকুচাং মুক্তাপ্ৰৱালাৱলীম্ ।
হৃদ্যাঙ্গীং সিতশঙ্খকুণ্ডলধৰাং বিম্বাধৰাং সুস্মিতাং
আকীৰ্ণালকৱেণিমব্জনযনাং ধ্যাযেত্ শুক-শ্যামলাম্ ॥ ১॥

কলাধীশোত্তংসাং কৰকলিতৱীণাহিতৰসাং
কলিন্দাপত্যাভাং কলিতহৃদযাৰক্তৱসনাম্ ।
পুৰাণীং কল্যাণীং পুৰমথনপুণ্যোদযকলাং
অধীৰাক্ষীমেনামৱটুতটসন্নদ্ধকবৰীম্ ॥ ২॥

কৰোদঞ্চদ্ৱীণং কনকদলতাটঙ্কনিহিতং
স্তনাভ্যামানম্ৰং তৰুণমিহিৰাৰক্তৱসনম্ ।
মহঃ কল্যাণং তন্মধুমদভৰাতাম্ৰনযনং
তমালশ্যামং নঃ স্তবকযতু সৌখ্যানি সততম্ ॥ ৩॥

কৰাঞ্চিতৱিপঞ্চিকাং কলিতচন্দ্ৰচূডামণিং
কপোলৱিলসন্মহঃকনকপত্ৰতাটঙ্কিনীম্ ।
তপঃকলমধীশিতস্তৰুণভানুৰক্তাম্বৰাং
তমালদলমেচকাং তৰললোচনামাশ্ৰযে ॥ ৪॥

কস্তূৰীৰচিতাভিৰামতিলকা কল্যাণতাটঙ্কিনী
বালা শীতমযূখশোণৱসনা প্ৰালম্বিধম্মিল্লকা ।
হাৰোদঞ্চিতপীৱৰস্তনতটা হালামদোল্লাসিনী
শ্যামা কাঞ্চন কামিনী ৱিজযতে চঞ্চদ্ৱিপঞ্চীকৰা ॥ ৫॥

মাতা মৰকতশ্যামা, মাতঙ্গী মৃদুভাষিণী ।
কটাক্ষযে তু কল্যাণী কদম্বৱনৱাসিনী ॥ ৬॥

শৃঙ্গে সুমেৰোঃ সহচাৰিণীভিৰ্গীযন্তি মাতঙ্গি তৱাৱদানম্ ।
আমোদিনীমাগলমাপিবন্তঃ কাদম্বৰীমম্বৰৱাসিনস্তে ॥ ৭॥

একেন চাপমপৰেণ কৰেণ বাণা-
নন্যেন পাশমিতৰেণ শৃণিং দধানা ।
আনন্দকন্দলিতৱিদ্ৰুমবালৱল্লী
সংৱিন্মযী স্ফুৰতু কাঞ্চন দেৱতা মে ॥ ৮॥

গজদানকলঙ্কিকণ্ঠমূলা
কবৰীৱেষ্টনকাঙ্ক্ষণীযগুঞ্জা ।
কুৰুতাদ্ দুৰিতাদ্ ৱিমোক্ষণং মে
কুহুনা ভিল্লকুটুম্বিনী ভৱানী ॥ ৯॥

পাণৌ মৃণালসগুণং দধতীক্ষুচাপং
পৃষ্ঠে লসত্কনককেতকবাণকোশৌ ।
অঙ্গে প্ৰৱালকৱচং ৱনৱাসিনী সা
পঞ্চাননং মৃগযতে কদলীৱনান্তে ॥ ১০॥

ৱামে ৱিস্তৃতিশালিনি স্তনতটে ৱিন্যস্য ৱীণামুখং
তন্ত্ৰীং তাৰৱিৰাৱিণীমসকলৈৰাস্ফালযন্তী নখৈঃ ।
অৰ্দ্ধোন্মীলদপাঙ্গদিক্ষুৱলিতগ্ৰীৱং মুখং বিভ্ৰতী
মাযা কাঞ্চন মোহিনী ৱিজযতে মাতঙ্গকন্যামযী ॥ ১১॥

প্ৰতিক্ষণপযোধৰ-প্ৰৱিলসদ্ৱিপঞ্চীগুণ-
প্ৰসাৰি কৰপঙ্কজং বলভিদশ্মপুঞ্জোপমম্ ।
কদম্বৱনমালিকাশশিকলাসমুদ্ভাসিতং
মতঙ্গকুলমণ্ডনং মনসি মে মহো জৃম্ভতাম্ ॥ ১২॥

লাক্ষালোহিতপাদপঙ্কজদলামাপীনতুঙ্গস্তনীং
কৰ্পূৰোজ্জ্ৱলচাৰুশঙ্খৱলযাং কাশ্মীৰপত্ৰাঙ্কুৰাম্ ।
তন্ত্ৰীতাডনপাটলাঙ্গুলিদলাং অন্দামহ্ মাতৰং
মাতঙ্গীং মদমন্থৰাং মৰকতশ্যামাং মনোহাৰিণীম্ ॥ ১৩॥

স্ৰস্তং কেশৰদামভিৰ্ৱলযিতং ধম্মিল্লমাবিভ্ৰতী
তালীপত্ৰপুটান্তৰৈঃ সুঘটিতৈস্তাটঙ্কিনী মৌক্তিকৈঃ ।
মূলে কল্পতৰোৰ্মদস্খলিতদৃগ্ দৃষ্ট্যৈৱ সম্মোহিনী
কাচিদ্ গাযনদেৱতা ৱিজযতে ৱীণাৱতী ৱাসনা ॥ ১৪॥

যত্ ষট্পত্ৰং কমলমুদিতং তস্য যত্কৰ্ণিকান্ত-
ৰ্জ্যোতিস্তস্যাপ্যুদৰকুহৰে যত্তদোঙ্কাৰপীঠম্ ।
তস্যাপ্যন্তঃ স্তনভৰনতাং কুণ্ডলীতি প্ৰসিদ্ধাং
শ্যামাকাৰাং সকলজননীং সন্ততং ভাৱযামি ॥ ১৫॥

নিশি নিশি বলিমস্যৈ ভুক্তশেষেণ দত্ত্ৱা
মনু মনু গণনাথো মন্ত্ৰজাপং ৱিতন্ৱন্ ।
ভৱতি নৃপতিপূজ্যো যোষিতাং প্ৰীতিপাত্ৰং
ৱ্ৰজতি চ পুনৰন্তে শাশ্ৱতীং মূৰ্তিমাদ্যাম্ ॥ ১৬॥

কাসাৰন্তি পযোধযো ৱিষধৰাঃ কৰ্পূৰহাৰন্তি চ
শ্ৰীখণ্ডন্তি দৱানলা ৱনগজাঃ সাৰঙ্গশাৱন্তি চ ।
দাসন্ত্যদ্ভুতশাত্ৰৱাঃ কিমপৰং পুষ্যন্তি ৱজ্ৰাণ্যপি
শ্ৰীদামোদৰসোদৰে ভগৱতি ! ত্ৱত্পাদনিষ্ঠাত্মনাম্ ॥ ১৭॥

কুৱলযনিভা কৌশেযাৰ্দ্ধোৰুকা মুকুটোজ্জ্ৱলা
হলমুশলিনী সদ্ভক্তেভ্যো ৱৰাভযদাযিনী ।
কপিলনযনা মধ্যেক্ষামা কঠোৰঘনস্তনী
জযতি জগতাং মাতঃ ! সা তে ৱৰাহমুখী তনুঃ ॥ ১৮॥

অমৃতমহোদধিমধ্যে ৰত্নদ্ৱীপে সকল্পৱৃক্ষৱনে ।
নৱমণিমণ্ডপমধ্যে মণিমযসিংহাসনস্যোৰ্দ্ধ্ৱম্ ॥ ১৯॥

মাতঙ্গীং ভূষিতাঙ্গীং মধুমদমুদিতাং ঘূৰ্ণমাণাক্ষিযুগ্মাং
স্ৱিদ্যদ্ৱক্ত্ৰাং কদম্বপ্ৰসৱপৰিলসদ্ৱেণিকামাত্তৱীণাম্ ।
বিম্বোষ্ঠীং ৰক্তৱস্ত্ৰাং মৃগমদতিলকামিন্দুলেখাৱতংসাং
কৰ্ণোদ্যচ্ছঙ্খপত্ৰাং কঠিনকুচভৰাক্ৰান্তকান্তাৱলগ্নাম্ ॥ ২০॥

উন্মীলদ্যৌৱনাঢ্যাং নিবিডমদভৰোদ্ৱেগলীলাৱকাশাং
ৰত্নগ্ৰৈৱেযহাৰাঙ্গদকটককটীসূত্ৰমঞ্জীৰভূষাম্ ।
আনীযাৰ্থানভীষ্টান্ স্মিতমধুৰদৃশা সাধকং তৰ্পযন্তীং
ধ্যাযেদ্ দেৱীং শুকাভাং শুকমখিলকলাৰূপমস্যাশ্চ পাৰ্শ্ৱে ॥ ২১॥

অমৃতোদধিমধ্যেঽত্ৰ ৰত্নদ্ৱীপে মনোৰমে ।
কদম্ববিল্ৱনিলযে কল্পৱৃক্ষোপশোভিতে ॥ ২২॥

তস্য মধ্যে সুখাস্তীৰ্ণে ৰত্নসিংহাসনে শুভে ।
ত্ৰিকোণকৰ্ণিকামধ্যে তদ্বহিঃ পঞ্চপত্ৰকম্ ॥ ২৩॥

অষ্টপত্ৰং মহাপদ্মং কেসৰাঢ্যং সকৰ্ণিকম্ ।
তত্পাৰ্শ্ৱেঽষ্টদলং প্ৰোক্তং চতুঃপত্ৰং পুনঃ প্ৰিযে ॥ ২৪॥

চতুৰস্ৰং চ তদ্বাহ্যে এৱং দেৱ্যাসনং ভৱেত্ ।
তস্য মধ্যে সুখাসীনাং শ্যামৱৰ্ণাং শুচিস্মিতাম্ ॥ ২৫॥

কদম্বমালাপৰিতঃ প্ৰান্তবদ্ধশিৰোৰুহাম্ ।
প্ৰালম্বালকসংযুক্তাং চন্দ্ৰলেখাৱতংসকাম্ ॥ ২৬॥

ললাটতিলকোপেতাং ঈষত্প্ৰহসিতাননাম্ ।
কিঞ্চিত্স্ৱেদাম্বুৰচিতললাটফলকোজ্জ্ৱলাম্ ॥ ২৭॥

ত্ৰিৱলীতৰঙ্গমধ্যস্থৰোমৰাজিৱিৰাজিতাম্ ।
সৰ্ৱালঙ্কাৰসংযুক্তাং সৰ্ৱাভৰণভূষণাম্ ॥ ২৮॥

নূপুৰৈ ৰত্নখচিতৈঃ কটিসূত্ৰৈৰলঙ্কৃতাম্ ।
ৱলযৈ ৰত্নৰচিতৈঃ কেযূৰৈৰ্মণিভূষণৈঃ ॥ ২৯॥

ভূষিতাং দ্ৱিভুজাং বালাং মদাঘূৰ্ণিতলোচনাম্ ।
ৱাদযন্তীং সদা ৱীণাং শঙ্খকুণ্ডলভূষণাম্ ॥ ৩0॥

প্ৰালম্বিকৰ্ণাভৰণাং কৰ্ণোত্তংসৱিৰাজিতাম্ ।
যৌৱনোন্মাদিনীং ৱীৰাং ৰক্তাংশুকপৰিগ্ৰহাম্ ॥ ৩১॥

তমালনীলাং তৰুণীং মদমত্তাং মতঙ্গিনীম্ ।
চতুঃষষ্টিকলাৰূপাং পাৰ্শ্ৱস্থশুকসাৰিকাম্ ॥ ৩২॥

মাতঙ্গেশীং মহাদেৱীং নিঃশ্ৱস্যৈনান্তৰাত্মনা ।
সূৰ্যকোটিপ্ৰতীকাশাং জপাকুসুমসন্নিভাম্ ॥ ৩৩॥

অথৱা পীতৱৰ্ণাং চ শ্যামামেৱাপৰাং শ্ৰযে ।
নিষ্পাপস্য মনুষ্যস্য কিং ন সিদ্ধ্যতি ভূতলে ॥ ৩৪॥

কামৱচ্চৰতে ভূমৌ সাক্ষাদ্ ৱৈশ্ৰৱণাযতে ।
গদ্যপদ্যমযী ৱাণী তস্য ৱক্ত্ৰাদ্ ৱিনিৰ্গতা ॥ ৩৫॥

ভৈৰৱী ত্ৰিপুৰা লক্ষ্মীৰ্ৱাণী মাতঙ্গিনীতি চ ।
পৰ্যাযৱাচকা হ্যেতে সত্যমেতদ্ ব্ৰৱীমি তে ॥ ৩৬॥

ত্ৰিক-পঞ্চকাষ্টযুগলং ষোডশকোষ্ঠাষ্টকং চতুঃষষ্টৌ ।
ধ্যাত্ৱাঽঙ্গদেৱতানাং দেৱ্যাঃ পৰিতো যজেত ভাৱেন ॥ ৩৭॥

মাতঙ্গি ! মাতৰীশে ! মধুমথনাৰাধিতে ! মহামাযে ! ।
মোহিনি ! মোহপ্ৰমথিনি ! মন্মথমথনপ্ৰিযে নমস্তেঽস্তু ॥ ৩৮॥

স্তুতিষু তৱ দেৱি ! ৱিধিৰপি ৱিহিতমতিৰ্ভৱতি চাপ্যৱিহিতমতিঃ ।
যদ্যপি ভক্তিৰ্মামপি ভৱতীং স্তোতুং ৱিলোভযতি ॥ ৩৯॥

যতিজনহৃদযাৱাসে ! ৱাসৱৱন্দ্যে ৱৰাঙ্গি মাতঙ্গি ! ।
ৱীণাৱাদ্যৱিনোদ্যৈৰ্নাৰদগীতে ! নমো দেৱি ! ॥ ৪০॥

দেৱি ! প্ৰসীদ সুন্দৰি পীনস্তনি কম্বুকণ্ঠি ঘনকেশি! ।
শ্যামাঙ্গি ৱিদ্ৰুমোষ্ঠি স্মিতমুখি মুগ্ধাক্ষি মৌক্তিকাভৰণে! ॥ ৪১॥

ভৰণে ত্ৰিৱিষ্টপস্য প্ৰভৱসি তত এৱ ভৈৰৱী ত্ৱমসি ।
ত্ৱদ্ভক্তিলব্ধৱিভৱো ভৱতি ক্ষুদ্ৰোঽপি ভুৱনপতিঃ ॥ ৪২॥

পতিতঃ কৃপণো মূকোঽপ্যম্ব! ভৱত্যাঃ প্ৰসাদলেশেন ।
পূজ্যঃ সুভগো ৱাগ্মী ভৱতি জডশ্চাপি সৰ্ৱজ্ঞঃ ॥ ৪৩॥

জ্ঞানাত্মকে জগন্মযি নিৰঞ্জনে নিত্যশুদ্ধপদে! ।
নিৰ্ৱাণৰূপিণি পৰে ত্ৰিপুৰে! শৰণং প্ৰপন্নস্ত্ৱাম্ ॥ ৪৪॥

ত্ৱাং মনসি ক্ষণমপি যো ধ্যাযতি মুক্তাৱৃতাং শ্যামাম্ ।
তস্য জগত্ত্ৰিতযেঽস্মিন্ কাস্তা যা ন স্ত্ৰিযঃ সাধ্যাঃ ॥ ৪৫॥

সাধ্যাক্ষৰগৰ্ভিতপঞ্চনৱত্যক্ষৰাত্মিকে জগন্মাতঃ! ।
ভগৱতি মাতঙ্গেশ্ৱৰি ! নমোঽস্তু তুভ্যং মহাদেৱি ! ॥ ৪৬॥

ৱিদ্যাধৰসুৰকিন্নৰগুহ্যকগন্ধৰ্ৱসিদ্ধযক্ষৱৰৈঃ ।
আৰাধিতে ! নমস্তেঽস্তু প্ৰসীদ কৃপযৈৱ মাতঙ্গি! ॥ ৪৭॥

মাতঙ্গীস্তুতিৰিযমন্ৱহং প্ৰজপ্তা
জন্তূনাং ৱিতৰতি কৌশলং ক্ৰিযাসু ।
ৱাগ্মিত্ৱং শ্ৰিযমধিকাং চ মানশক্তিং
সৌভাগ্যং নৃপতিভিৰৰ্চনীযতাং স যাতি ॥ ৪৮॥

মাতঙ্গীমনুদিনমেৱমৰ্চযন্তঃ
শ্ৰীমন্তঃ সুভগতৰাঃ কৱিত্ৱভাজঃ ।
প্ৰাপ্যান্তে সকলসমীহিতাৰ্থৱৰ্গং
দেহান্তে ৱিমলতৰং ৱিশন্তি ধাম ॥ ৪৯॥

অৱটুতটঘটিতচোলীং তাডিততাডীং পলাশতাটঙ্কাম্ ।
ৱীণাৱাদনৱেলাকম্পিতশিৰসং নমামি মাতঙ্গীম্ ॥ ৫০॥

ৱীণাৱাদননিৰতং তদলাবুস্থগিতৱামকৃতকুচম্ ।
শ্যামলকোমলগাত্ৰং পাটলনযনং পৰং ভজে ধাম ॥ ৫১॥

অঙ্কিতপাণিচতুষ্টযমঙ্কুশপাশেক্ষুপুষ্পচাপশৰৈঃ ।
শঙ্কৰজীৱিতমিত্ৰং পঙ্কজনযনং পৰং ভজে ধাম ॥ ৫২॥

কৰকলিতকনকৱীণালাবুককদলীকৃতৈককুচকমলা ।
জযতি জগদেকমাতা মাতঙ্গী মঙ্গলাযতনা ॥ ৫৩॥

অঙ্গলালিতমনঙ্গৱিদ্ৱিষস্তুঙ্গপীনকুচভাৰভঙ্গুৰম্ ।
শ্যামলং শশিনিভাননং ভজে কোমলং কুটিলকুন্তলং মহঃ ॥ ৫৪॥

ৱীণাৱাদ্যৱিনোদগীতনিৰতাং লীলাশুকোল্লাসিনীং
বিম্বোষ্ঠীং নৱযাৱকাৰ্দ্ৰচৰণামাকীৰ্ণকেশালকাম্ ।
হৃদ্যাঙ্গীং সিতশঙ্খকুণ্ডলধৰালঙ্কাৰৱেষোজ্ৱলাং
মাতঙ্গীং প্ৰণতোঽস্মি সুস্মিতমুখীং দেৱীং শুকশ্যামলাম্ ॥ ৫৫॥

ৱেণীমূলৱিৰাজিতেন্দুশকলাং ৱীণানিনাদপ্ৰিযাং
ক্ষোণীপালসুৰেন্দ্ৰপন্নগগণৈৰাৰাধিতাংহ্ৰিদ্ৱযাম্ ।
এণীচঞ্চললোচনাং সুৱদনাং ৱাণীং পুৰাণোজ্জ্ৱলাং
শ্ৰোণীভাৰভৰালসামনিমিষাং পশ্যামি ৱিশ্ৱেশ্ৱৰীম্ ॥ ৫৬॥

কুচকলশনিষণ্ণকেলিৱীণাং
কলমধুৰধ্ৱনিকম্পিতোত্তমাঙ্গীম্ ।
মৰকতমণিভঙ্গমেচকাভাং
মদনৱিৰোধিমনস্ৱিনীমুপাসে ॥ ৫৭॥

তাডীদলোল্লসিতকোমলকৰ্ণপালীং
কেশাৱলীকলিতদীৰ্ঘসুনীলৱেণীম্ ।
ৱক্ষোজপীঠনিহিতোজ্জ্ৱলনাদৱীণাং
ৱাণীং নমামি মদিৰাৰুণনেত্ৰযুগ্মাম্ ॥ ৫৮॥

যামামনন্তি মুনযঃ প্ৰকৃতিং পুৰাণীং
ৱিদ্যেতি যাং শ্ৰুতিৰহস্যৱিদো গৃণন্তি ।
তামৰ্দ্ধপল্লৱিতশঙ্কৰৰূপমুদ্ৰাং
দেৱীমনন্যশৰণঃ শৰণং প্ৰপদ্যে ॥ ৫৯॥

যঃ স্ফাটিকাক্ষৱৰপুস্তককুণ্ডিকাঢ্যাং
ৱ্যাখ্যাসমুদ্যতকৰাং শৰদিন্দুশুভ্ৰাম্ ।
পদ্মাসনাং চ হৃদযে ভৱতীমুপাস্তে ।
মাতঃ! স ৱিশ্ৱকৱিতাৰ্কিকচক্ৰৱৰ্তী ॥ ৬০॥

বৰ্হাৱতংসঘনবন্ধুৰকেশপাশাং
গুঞ্জাৱলীকৃতঘনস্তনহাৰশোভাম্ ।
শ্যামাং প্ৰৱালৱসনাং শৰচাপহস্তাং
তামেৱ নৌমি শবৰীং শবৰস্য নাথাম্ ॥ ৬১॥

অজ্ঞাতসম্ভৱমনাকলিতান্ৱৱাযং
ভিক্ষুং কপালিনমৱাসসমদ্ৱিতীযম্ ।
পূৰ্ৱং কৰগ্ৰহণমঙ্গলতো ভৱত্যাঃ
শম্ভুঃ ক এৱ বুবুধে গিৰিৰাজকন্যে ! ॥ ৬২॥

চৰ্মাম্বৰং চ শৱভস্মৱিলেপনং চ
ভিক্ষাটনং চ নটনং চ পৰেতভূমৌ ।
ৱেতালসংহতিপৰিগ্ৰহতাং চ শম্ভোঃ
শোভাং ৱহন্তি গিৰিজে ! তৱ সাহচৰ্যাত্ ॥ ৬৩॥

গলে গুঞ্জাবীজাৱলিমপি চ কৰ্ণে শিখিশিখাং
শিৰো ৰঙ্গে নৃত্যত্কনককদলীমঞ্জুলদলম্ ।
ধনুৰ্ৱামে চাংসে শৰমপৰপাণৌ চ দধতীং
নিতম্বে বৰ্হালীং কুটিলকবৰীং সিদ্ধশবৰীম্ ॥ ৬৪॥

লসদ্গুঞ্জাপুঞ্জাভৰণকিৰণাৰক্তনযনাং
জপাকৰ্ণাভূষাং শিখিৱৰকলাপাম্বৰৱতীম্ ।
নদজ্ঝিল্লীপল্লীৱনতৰুদলৈঃ সম্পৰিৱৃতাম্ ।
নমামি ৱামোৰুং কুটিলকবৰীং সিদ্ধশবৰীম্ ॥ ৬৫॥

অপৰ্ণাহোপৰ্ণাং সিৰসকদলীসম্ভৱমলং
ভৱং জেতুং প্ৰৌঢিং কিল মনসি বালা ৱিদধতী ।
নদজ্ঝিল্লীপল্লীৱনতৰুষু হল্লীসকৰুচি-
ৰ্লসত্পল্লীভিল্লী কৰকলিতভল্লী ৱিজযতে ॥ ৬৬॥

ধনিনামৱিনাভৱন্মদানাং ভৱনদ্ৱাৰি দুৰাশযা শযানাম্ ।
অৱলোকয মামগেন্দ্ৰকন্যে! কৰুণাকন্দলিতৈঃ কটাক্ষমোক্ষৈঃ ॥ ৬৭॥

কুৱলযদলনীলং বৰ্বৰস্নিগ্ধকেশং
পৃথুতৰকুচভাৰাক্ৰান্তকান্তাৱলগ্নম্ ।
কিমিতি বহুভিৰুক্তৈস্ত্ৱত্স্ৱৰূপং পদং নঃ
সকলজননি মাতঃ ! সন্ততং সন্নিধত্তাম্ ॥ ৬৮॥

মিথঃ কেশাকেশি প্ৰধননিধনাস্তৰ্কঘটনা
বহুশ্ৰদ্ধাভক্তিপ্ৰণতিৱিষযাশ্চাপ্তৱিধযঃ ।
প্ৰসীদ প্ৰত্যক্ষীভৱ গিৰিসুতে! দেহি শৰণং
নিৰালম্বে ! চেতঃ পৰিলুঠতি পাৰিপ্লৱমিদম্ ॥ ৬৯॥

লসদ্গুঞ্জাহাৰস্তনভৰনমন্মধ্যলতিকা-
মুদঞ্চদ্ঘৰ্মাম্ভঃকণগুণিতৱক্ত্ৰাম্বুজৰুচম্ ।
শিৱং পাৰ্থত্ৰাণপ্ৰণৱমৃগযাকাৰকৰণং
শিৱামন্ৱক্যান্তীং শৰণমহমন্ৱেমি শবৰীম্ ॥ ৭০॥

শিৰসি ধনুৰটন্যা তাড্যমানস্য শম্ভো-
ৰলক-নযন-কোণে কিঞ্চিদালজ্যমানে ।
উপনিষদুপগীতং ৰুদ্ৰমুদ্ঘোষযন্তী
পৰিহৰতি মৃডানী মধ্যমং পাণ্ডৱানাম্ ॥ ৭১॥

যদ্গলাভৰণতন্তুৱৈভৱান্ নাযকো গৰলমাগলং পপৌ ।
তাং চৰাচৰগুৰোঃ কুটুম্বিনীং নৌমি যৌৱনভৰেণ লালসাম্ ॥ ৭২॥

সুধামপ্যাস্ৱাদ্য প্ৰতিভযহৰা মৃত্যুহৰণীং
ৱিপদ্যন্তে সৰ্ৱে ৱিধি-শতমখাদ্যা দিৱিষদঃ ।
কৰালং যত্ ক্ষ্ৱেডং কৱলিতৱতঃ কালকলনা
ন শম্ভোস্তন্মূলং জননি ! তৱ তাটঙ্কমহিমা ॥ ৭৩॥

কৰোপান্তে কান্তে ৱিতৰণিনিশান্তে ৱিদধতীং
লসদ্ৱীণাশোণাং নখৰুচিভিৰেণাঙ্কৱদনাম্ ।
সদা ৱন্দে সন্দেতৰুৰুহৱশন্দেশকৱশাত্
কৃপালম্বামম্বাং কুসুমিতকদম্বাঙ্গণগৃহাম্ ॥ ৭৪॥

কৰ্ণলম্বিতকদম্বমঞ্জৰীকেসৰাৰুণকপোলমণ্ডলম্ ।
কেৱলং নিগমৱাদগোচৰং নীলিমানমৱলোকযামহে ॥ ৭৫॥

অকৃশং কুচযোঃ কৃশং ৱিলগ্নে ৱিপুলং চক্ষুষি ৱিস্তৃতং নিতম্বে ।
অৰুণাধৰমাৱিৰস্তু চিত্তে কৰুণাশালিকপালিভাগধেযম্ ॥ ৭৬॥

অনভঙ্গুৰকেশপাশমম্ব! প্ৰভযা কীচকমেচকং ৱপুস্তে ।
পৰিতঃ পৰিতো ৱিলোকযামঃ প্ৰতিপচ্চন্দ্ৰকলাধিৰূঢচূডম্ ॥ ৭7॥

ধ্যাযেযং ৰত্নপীঠে শুককলপঠিতং শৃণ্ৱতীং শ্যামগাত্ৰীং
ন্যস্তৈকাঙ্ঘ্ৰীসৰোজে শশিশকলধৰাং ৱল্লকীং ৱাদযন্তীম্ ।
কহ্লাৰাবদ্ধভালাং নিযমিতৱিলসচ্চূলিকাং ৰক্তৱস্ত্ৰাং
মাতঙ্গীং শঙ্খপত্ৰাং মধুমদৱিৱশাং চিত্ৰকোদ্ভাসিভালাম্ ॥ ৭৮॥

আৰাধ্য মাতশ্চৰণাম্বুজং তে ব্ৰহ্মাদযো ৱিশ্ৰুতকীৰ্তিমাপুঃ ।
অন্যে পৰং ৱাগ্ৱিভৱং মুনীন্দ্ৰাঃ পৰাং শ্ৰিযং ভক্তিভৰেণ চান্যে ॥ ৭৯॥

নমামি দেৱীং নৱচন্দ্ৰমৌলিং মাতঙ্গিনীং চন্দ্ৰকলাৱতংসাম্ ।
আম্নাযৱাগ্ভিঃ প্ৰতিপাদিতাৰ্থং প্ৰবোধযন্তীং শুকমাদৰেণ ॥ ৮০॥

ৱিনম্ৰদেৱাসুৰমৌলিৰত্নৈৰ্নীৰাজিতং তে চৰণাৰৱিন্দম্ ।
ভজন্তি যে দেৱি ! মহীপতীনাং পৰাং শ্ৰিযং ভক্তিমুপাশ্ৰযন্তি ॥ ৮১॥

মাতঙ্গি! লীলাগমনে ! ভৱত্যাঃ সঞ্জাতমঞ্জীৰমিষাদ্ ভজন্তে ।
মাতস্ত্ৱদীযং চৰণাৰৱিন্দং অকৃত্ৰিমাণাং ৱচসাং ৱিগুম্ফাঃ ॥ ৮2॥

পদাত্পদং সিঞ্জিতনূপুৰাভ্যাং কৃতাৰ্থযন্তী পদৱীং পদাভ্যাম্ ।
আস্ফালযন্তী কলৱল্লকীং তাং মাতঙ্গিনী মে হৃদযং ধিনোতু ॥ ৮৩॥

লীলাংশুকাবদ্ধনিতম্ববিম্বাং তাডীদলেনাৰ্পিতকৰ্ণভূষাম্ ।
মাধ্ৱীমদাঘূৰ্ণিতনেত্ৰপদ্মাং ঘনস্তনীং শম্ভুৱধূং স্মৰামি ॥ ৮৪॥

তডিল্লতাকান্তমলব্ধভূষম্, চিৰেণ লক্ষ্যং নৱৰোমৰাজ্যা ।
স্মৰামি ভক্ত্যা জগতামধীশি ! ৱলিত্ৰযাঙ্কং তৱ মধ্যমম্ব! ॥ ৮৫॥

নীলোত্পলানাং শ্ৰিযমাহৰন্তীং কান্ত্যাঃ কটাক্ষৈঃ কমলাকৰাণাম্ ।
কদম্বমালাঞ্চিতকেশপাশাং মাতঙ্গকন্যাং হৃদি ভাৱযামি ॥ ৮৬॥

ধ্যাযেযমাৰক্তকপোলকান্তং বিম্বাধৰং ন্যস্তললাটৰম্যম্ ।
আলোললীলাযিতমাযতাক্ষং মন্দস্মিতং তে ৱদনং মহেশি ! ॥ ৮৭॥

ৱামস্তনাসঙ্গসখীং ৱিপঞ্চীং উদ্ঘাটযন্তীমৰুণাঙ্গুলীভিঃ ।
তদুত্থসৌভাগ্যৱিলোলমৌলিং শ্যামাং ভজে যৌৱনভাৰখিন্নাম্ ॥ ৮৮॥

স্তুত্যানযা শঙ্কৰ-ধৰ্মপত্নীং মাতঙ্গিনীং ৱাগধিদেৱতাং তাম্ ।
স্তুৱন্তি যে ভক্তিযুতা মনুষ্যাঃ পৰাং শ্ৰিযং ভক্তিমুপাশ্ৰযন্তি ॥ ৮৯॥

গেহং নাকতি গৰ্ৱিতঃ প্ৰণমতি স্ত্ৰীসঙ্গমো মোক্ষতি
মৃত্যুৰ্ৱৈদ্যতি দূষণং চ গুণতি ক্ষ্মাৱল্লভো দাসতি ।
ৱজ্ৰং পুষ্পতি পন্নগোঽব্জনলতি হালাহলং ভুজ্যতি
দ্ৱেষী মিত্ৰতি পাতকং সুকৃততি ত্ৱত্পাদসঞ্চিন্তনাত্ ॥ ৯০॥

এহ্যেহি মাতস্ত্ৰিপুৰে পৱিত্ৰে ! যন্ত্ৰান্তৰে ত্ৱং ৱসতিং ৱিধেহি ।
গৃহ্ণস্ৱ গৃহ্ণস্ৱ বলিং প্ৰপূজাং ত্ৰিকোণষট্কোণদলেঽষ্টকুণ্ডে ॥ ৯১॥

এহ্যেহি মাতস্ত্ৰিপুৰে মদীযে নেত্ৰে নিৱাসং কুৰু মঞ্জুনেত্ৰে ।
ভূতাত্মকং ৱিশ্ৱমিদং নৰস্য মে দৰ্শয ত্ৱং তৱ চিত্স্ৱৰূপম্ ॥ ৯২॥

এহ্যেহি মাতস্ত্ৰিপুৰে মদীযে ৱক্ত্ৰে নিৱাসং কুৰু চন্দ্ৰৱক্ত্ৰি !।
পৰাপৱাদং ৱচনং নৰস্য ৱাগীশ্ৱৰং মে ৱদতাং কুৰুষ্ৱ ॥ ৯৩॥

এহ্যেহি মাতস্ত্ৰিপুৰে মদীযে চিত্তে নিৱাসং কুৰু কল্পৱল্লি ! ।
ৱেগেন জাড্যাদি তমো নিৰস্য ৱিধেহি দীপ্তং তৱ চিত্স্ৱৰূপম্ ॥ ৯৪॥

অনেন স্তোত্ৰপাঠেন সৰ্ৱপাপহৰেণ ৱৈ ।
প্ৰীযতাং পৰমা শক্তিৰ্মাতঙ্গী সৰ্ৱকামদা ॥ ৯৫॥

॥ ইত্যাগমসাৰে উমাসহাচাৰ্যৱিৰচিতং শ্ৰীমাতঙ্গীস্তোত্ৰং সম্পূৰ্ণম্ ॥

উমাসহাচাৰ্য ৱিৰচিতং শ্ৰী মাতঙ্গী স্তোত্ৰম্ (আগমসাৰ)

Explore More

More Matangi Stotras

Explore More