স্ফুটং স্ফটিকসপ্ৰভং স্ফুটিতহাৰকশ্ৰীজটং
শশাঙ্কদলশেখৰং কপিলফুল্লনেত্ৰত্ৰযম্ ।
তৰক্ষুৱৰকৃত্তিমদ্ভুজগভূষণং ভূতিম-
ত্কদা নু শিতিকণ্ঠ তে ৱপুৰৱেক্ষতে ৱীক্ষণম্ ॥ ১ ॥
শশাঙ্কদলশেখৰং কপিলফুল্লনেত্ৰত্ৰযম্ ।
তৰক্ষুৱৰকৃত্তিমদ্ভুজগভূষণং ভূতিম-
ত্কদা নু শিতিকণ্ঠ তে ৱপুৰৱেক্ষতে ৱীক্ষণম্ ॥ ১ ॥
ত্ৰিলোচন ৱিলোচনে লসতি তে ললামাযিতে
স্মৰো নিযমঘস্মৰো নিযমিনামভূদ্ভস্মসাত্ ।
স্ৱভক্তিলতযা ৱশীকৃতপতী সতীযং সতী
স্ৱভক্তৱশতো ভৱানপি ৱশী প্ৰসীদ প্ৰভো ॥ ২ ॥
স্মৰো নিযমঘস্মৰো নিযমিনামভূদ্ভস্মসাত্ ।
স্ৱভক্তিলতযা ৱশীকৃতপতী সতীযং সতী
স্ৱভক্তৱশতো ভৱানপি ৱশী প্ৰসীদ প্ৰভো ॥ ২ ॥
মহেশ মহিতোঽসি তত্পুৰুষ পূৰুষাগ্ৰ্যো ভৱা-
নঘোৰৰিপুঘোৰ তেঽনৱম ৱামদেৱাঞ্জলিঃ ।
নমস্সপদি জাত তে ত্ৱমিতি পঞ্চৰূপোচিত-
প্ৰপঞ্চচযপঞ্চৱৃন্মম মনস্তমস্তাডয ॥ ৩ ॥
নঘোৰৰিপুঘোৰ তেঽনৱম ৱামদেৱাঞ্জলিঃ ।
নমস্সপদি জাত তে ত্ৱমিতি পঞ্চৰূপোচিত-
প্ৰপঞ্চচযপঞ্চৱৃন্মম মনস্তমস্তাডয ॥ ৩ ॥
ৰসাঘনৰসানলানিলৱিযদ্ৱিৱস্ৱদ্ৱিধু-
প্ৰযষ্টৃষু নিৱিষ্টমিত্যজ ভজামি মূৰ্ত্যষ্টকম্ ।
প্ৰশান্তমুত ভীষণং ভুৱনমোহনং চেত্যহো
ৱপূংষি গুণভূষিতেহমহমাত্মনোঽহং ভিদে ॥ ৪ ॥
প্ৰযষ্টৃষু নিৱিষ্টমিত্যজ ভজামি মূৰ্ত্যষ্টকম্ ।
প্ৰশান্তমুত ভীষণং ভুৱনমোহনং চেত্যহো
ৱপূংষি গুণভূষিতেহমহমাত্মনোঽহং ভিদে ॥ ৪ ॥
ৱিমুক্তিপৰমাধ্ৱনাং তৱ ষডধ্ৱনামাস্পদং
পদং নিগমৱেদিনো জগতি ৱামদেৱাদযঃ ।
কথঞ্চিদুপশিক্ষিতা ভগৱতৈৱ সংৱিদ্ৰতে
ৱযং তু ৱিৰলান্তৰাঃ কথমুমেশ তন্মন্মহে ॥ ৫ ॥
পদং নিগমৱেদিনো জগতি ৱামদেৱাদযঃ ।
কথঞ্চিদুপশিক্ষিতা ভগৱতৈৱ সংৱিদ্ৰতে
ৱযং তু ৱিৰলান্তৰাঃ কথমুমেশ তন্মন্মহে ॥ ৫ ॥
কঠোৰিতকুঠাৰযা ললিতশূলযা ৱাহযা
ৰণড্ডমৰুণা স্ফুৰদ্ধৰিণযা সখট্ৱাঙ্গযা ।
চলাভিৰচলাভিৰপ্যগণিতাভিৰুন্মৃত্যত-
শ্চতুৰ্দশ জগন্তি তে জযজযেত্যযুৰ্ৱিস্মযম্ ॥ ৬ ॥
ৰণড্ডমৰুণা স্ফুৰদ্ধৰিণযা সখট্ৱাঙ্গযা ।
চলাভিৰচলাভিৰপ্যগণিতাভিৰুন্মৃত্যত-
শ্চতুৰ্দশ জগন্তি তে জযজযেত্যযুৰ্ৱিস্মযম্ ॥ ৬ ॥
পুৰা ত্ৰিপুৰৰন্ধনং ৱিৱিধদৈত্যৱিধ্ৱংসনং
পৰাক্ৰমপৰম্পৰা অপি পৰা ন তে ৱিস্মযঃ ।
অমৰ্ষিবলহৰ্ষিতক্ষুভিতৱৃত্তনেত্ৰোজ্জ্ৱল-
জ্জ্ৱলজ্জ্ৱলনহেলযা শলভিতং হি লোকত্ৰযম্ ॥ ৭ ॥
পৰাক্ৰমপৰম্পৰা অপি পৰা ন তে ৱিস্মযঃ ।
অমৰ্ষিবলহৰ্ষিতক্ষুভিতৱৃত্তনেত্ৰোজ্জ্ৱল-
জ্জ্ৱলজ্জ্ৱলনহেলযা শলভিতং হি লোকত্ৰযম্ ॥ ৭ ॥
সহস্ৰনযনো গুহস্সহসহস্ৰৰশ্মিৰ্ৱিধুঃ
বৃহস্পতিৰুতাপ্পতিস্সসুৰসিদ্ধৱিদ্যাধৰাঃ ।
ভৱত্পদপৰাযণাশ্শ্ৰিযমিমাং যযুঃ প্ৰাৰ্থিতাং
ভৱান্ সুৰতৰুৰ্ভৃশং শিৱ শিৱাং শিৱাৱল্লভাম্ ॥ ৮ ॥
বৃহস্পতিৰুতাপ্পতিস্সসুৰসিদ্ধৱিদ্যাধৰাঃ ।
ভৱত্পদপৰাযণাশ্শ্ৰিযমিমাং যযুঃ প্ৰাৰ্থিতাং
ভৱান্ সুৰতৰুৰ্ভৃশং শিৱ শিৱাং শিৱাৱল্লভাম্ ॥ ৮ ॥
তৱ প্ৰিযতমাদতিপ্ৰিযতমং সদৈৱান্তৰং
পযস্যুপহিতং ঘৃতং স্ৱযমিৱ শ্ৰিযো ৱল্লভম্ ।
ৱিবুদ্ধ্য লঘুবুদ্ধযস্স্ৱপৰপক্ষলক্ষ্যাযিতং
পঠন্তি হি লুঠন্তি তে শঠহৃদশ্শুচা শুণ্ঠিতাঃ ॥ ৯ ॥
পযস্যুপহিতং ঘৃতং স্ৱযমিৱ শ্ৰিযো ৱল্লভম্ ।
ৱিবুদ্ধ্য লঘুবুদ্ধযস্স্ৱপৰপক্ষলক্ষ্যাযিতং
পঠন্তি হি লুঠন্তি তে শঠহৃদশ্শুচা শুণ্ঠিতাঃ ॥ ৯ ॥
নিৱাসনিলযাচিতা তৱ শিৰস্ততিৰ্মালিকা
কপালমপি তে কৰে ত্ৱমশিৱোঽস্যনন্তৰ্ধিযাম্ ।
তথাপি ভৱতঃ পদং শিৱশিৱেত্যদো জল্পতা-
মকিঞ্চন ন কিঞ্চন ৱৃজিনমস্তি ভস্মী ভৱেত্ ॥ ১০ ॥
কপালমপি তে কৰে ত্ৱমশিৱোঽস্যনন্তৰ্ধিযাম্ ।
তথাপি ভৱতঃ পদং শিৱশিৱেত্যদো জল্পতা-
মকিঞ্চন ন কিঞ্চন ৱৃজিনমস্তি ভস্মী ভৱেত্ ॥ ১০ ॥
ত্ৱমেৱ কিল কামধুক্সকলকামমাপূৰযন্
সদা ত্ৰিনযনো ভৱান্ৱহসি চাত্ৰিনেত্ৰোদ্ভৱম্ ।
ৱিষং ৱিষধৰান্দধত্পিবসি তেন চানন্দৱা-
ন্নিৰুদ্ধচৰিতোচিতা জগদধীশ তে ভিক্ষুতা ॥ ১১ ॥
সদা ত্ৰিনযনো ভৱান্ৱহসি চাত্ৰিনেত্ৰোদ্ভৱম্ ।
ৱিষং ৱিষধৰান্দধত্পিবসি তেন চানন্দৱা-
ন্নিৰুদ্ধচৰিতোচিতা জগদধীশ তে ভিক্ষুতা ॥ ১১ ॥
নমঃ শিৱশিৱা শিৱাশিৱ শিৱাৰ্থ কৃন্তাশিৱং
নমো হৰহৰা হৰাহৰ হৰান্তৰীং মে দৃশম্ ।
নমো ভৱভৱা ভৱপ্ৰভৱভূতযে মে ভৱা-
ন্নমো মৃড নমো নমো নম উমেশ তুভ্যং নমঃ ॥ ১২ ॥
নমো হৰহৰা হৰাহৰ হৰান্তৰীং মে দৃশম্ ।
নমো ভৱভৱা ভৱপ্ৰভৱভূতযে মে ভৱা-
ন্নমো মৃড নমো নমো নম উমেশ তুভ্যং নমঃ ॥ ১২ ॥
সতাং শ্ৰৱণপদ্ধতিং সৰতু সন্নতোক্তেত্যসৌ
শিৱস্য কৰুণাঙ্কুৰাত্প্ৰতিকৃতাত্মদা সোচিতা ।
ইতি প্ৰথিতমানসো ৱ্যথিত নাম নাৰাযণঃ
শিৱস্তুতিমিমাং শিৱাং লিকুচিসূৰিসূনুস্সুধীঃ ॥ ১৩ ॥
শিৱস্য কৰুণাঙ্কুৰাত্প্ৰতিকৃতাত্মদা সোচিতা ।
ইতি প্ৰথিতমানসো ৱ্যথিত নাম নাৰাযণঃ
শিৱস্তুতিমিমাং শিৱাং লিকুচিসূৰিসূনুস্সুধীঃ ॥ ১৩ ॥
ইতি শ্ৰীলিকুচিসূৰিসূনু নাৰাযণাচাৰ্যৱিৰচিতা শ্ৰী শিৱস্তুতিঃ ।