স্ফুটং স্ফটিকসপ্রভং স্ফুটিতহারকশ্রীজটং
শশাঙ্কদলশেখরং কপিলফুল্লনেত্রত্রযম্ ।
তরক্ষুবরকৃত্তিমদ্ভুজগভূষণং ভূতিম-
ত্কদা নু শিতিকণ্ঠ তে বপুরবেক্ষতে বীক্ষণম্ ॥ ১ ॥
শশাঙ্কদলশেখরং কপিলফুল্লনেত্রত্রযম্ ।
তরক্ষুবরকৃত্তিমদ্ভুজগভূষণং ভূতিম-
ত্কদা নু শিতিকণ্ঠ তে বপুরবেক্ষতে বীক্ষণম্ ॥ ১ ॥
ত্রিলোচন বিলোচনে লসতি তে ললামাযিতে
স্মরো নিযমঘস্মরো নিযমিনামভূদ্ভস্মসাত্ ।
স্বভক্তিলতযা বশীকৃতপতী সতীযং সতী
স্বভক্তবশতো ভবানপি বশী প্রসীদ প্রভো ॥ ২ ॥
স্মরো নিযমঘস্মরো নিযমিনামভূদ্ভস্মসাত্ ।
স্বভক্তিলতযা বশীকৃতপতী সতীযং সতী
স্বভক্তবশতো ভবানপি বশী প্রসীদ প্রভো ॥ ২ ॥
মহেশ মহিতোঽসি তত্পুরুষ পূরুষাগ্র্যো ভবা-
নঘোররিপুঘোর তেঽনবম বামদেবাঞ্জলিঃ ।
নমস্সপদি জাত তে ত্বমিতি পঞ্চরূপোচিত-
প্রপঞ্চচযপঞ্চবৃন্মম মনস্তমস্তাডয ॥ ৩ ॥
নঘোররিপুঘোর তেঽনবম বামদেবাঞ্জলিঃ ।
নমস্সপদি জাত তে ত্বমিতি পঞ্চরূপোচিত-
প্রপঞ্চচযপঞ্চবৃন্মম মনস্তমস্তাডয ॥ ৩ ॥
রসাঘনরসানলানিলবিযদ্বিবস্বদ্বিধু-
প্রযষ্টৃষু নিবিষ্টমিত্যজ ভজামি মূর্ত্যষ্টকম্ ।
প্রশান্তমুত ভীষণং ভুবনমোহনং চেত্যহো
বপূংষি গুণভূষিতেহমহমাত্মনোঽহং ভিদে ॥ ৪ ॥
প্রযষ্টৃষু নিবিষ্টমিত্যজ ভজামি মূর্ত্যষ্টকম্ ।
প্রশান্তমুত ভীষণং ভুবনমোহনং চেত্যহো
বপূংষি গুণভূষিতেহমহমাত্মনোঽহং ভিদে ॥ ৪ ॥
বিমুক্তিপরমাধ্বনাং তব ষডধ্বনামাস্পদং
পদং নিগমবেদিনো জগতি বামদেবাদযঃ ।
কথঞ্চিদুপশিক্ষিতা ভগবতৈব সংবিদ্রতে
বযং তু বিরলান্তরাঃ কথমুমেশ তন্মন্মহে ॥ ৫ ॥
পদং নিগমবেদিনো জগতি বামদেবাদযঃ ।
কথঞ্চিদুপশিক্ষিতা ভগবতৈব সংবিদ্রতে
বযং তু বিরলান্তরাঃ কথমুমেশ তন্মন্মহে ॥ ৫ ॥
কঠোরিতকুঠারযা ললিতশূলযা বাহযা
রণড্ডমরুণা স্ফুরদ্ধরিণযা সখট্বাঙ্গযা ।
চলাভিরচলাভিরপ্যগণিতাভিরুন্মৃত্যত-
শ্চতুর্দশ জগন্তি তে জযজযেত্যযুর্বিস্মযম্ ॥ ৬ ॥
রণড্ডমরুণা স্ফুরদ্ধরিণযা সখট্বাঙ্গযা ।
চলাভিরচলাভিরপ্যগণিতাভিরুন্মৃত্যত-
শ্চতুর্দশ জগন্তি তে জযজযেত্যযুর্বিস্মযম্ ॥ ৬ ॥
পুরা ত্রিপুররন্ধনং বিবিধদৈত্যবিধ্বংসনং
পরাক্রমপরম্পরা অপি পরা ন তে বিস্মযঃ ।
অমর্ষিবলহর্ষিতক্ষুভিতবৃত্তনেত্রোজ্জ্বল-
জ্জ্বলজ্জ্বলনহেলযা শলভিতং হি লোকত্রযম্ ॥ ৭ ॥
পরাক্রমপরম্পরা অপি পরা ন তে বিস্মযঃ ।
অমর্ষিবলহর্ষিতক্ষুভিতবৃত্তনেত্রোজ্জ্বল-
জ্জ্বলজ্জ্বলনহেলযা শলভিতং হি লোকত্রযম্ ॥ ৭ ॥
সহস্রনযনো গুহস্সহসহস্ররশ্মির্বিধুঃ
বৃহস্পতিরুতাপ্পতিস্সসুরসিদ্ধবিদ্যাধরাঃ ।
ভবত্পদপরাযণাশ্শ্রিযমিমাং যযুঃ প্রার্থিতাং
ভবান্ সুরতরুর্ভৃশং শিব শিবাং শিবাবল্লভাম্ ॥ ৮ ॥
বৃহস্পতিরুতাপ্পতিস্সসুরসিদ্ধবিদ্যাধরাঃ ।
ভবত্পদপরাযণাশ্শ্রিযমিমাং যযুঃ প্রার্থিতাং
ভবান্ সুরতরুর্ভৃশং শিব শিবাং শিবাবল্লভাম্ ॥ ৮ ॥
তব প্রিযতমাদতিপ্রিযতমং সদৈবান্তরং
পযস্যুপহিতং ঘৃতং স্বযমিব শ্রিযো বল্লভম্ ।
বিবুদ্ধ্য লঘুবুদ্ধযস্স্বপরপক্ষলক্ষ্যাযিতং
পঠন্তি হি লুঠন্তি তে শঠহৃদশ্শুচা শুণ্ঠিতাঃ ॥ ৯ ॥
পযস্যুপহিতং ঘৃতং স্বযমিব শ্রিযো বল্লভম্ ।
বিবুদ্ধ্য লঘুবুদ্ধযস্স্বপরপক্ষলক্ষ্যাযিতং
পঠন্তি হি লুঠন্তি তে শঠহৃদশ্শুচা শুণ্ঠিতাঃ ॥ ৯ ॥
নিবাসনিলযাচিতা তব শিরস্ততির্মালিকা
কপালমপি তে করে ত্বমশিবোঽস্যনন্তর্ধিযাম্ ।
তথাপি ভবতঃ পদং শিবশিবেত্যদো জল্পতা-
মকিঞ্চন ন কিঞ্চন বৃজিনমস্তি ভস্মী ভবেত্ ॥ ১০ ॥
কপালমপি তে করে ত্বমশিবোঽস্যনন্তর্ধিযাম্ ।
তথাপি ভবতঃ পদং শিবশিবেত্যদো জল্পতা-
মকিঞ্চন ন কিঞ্চন বৃজিনমস্তি ভস্মী ভবেত্ ॥ ১০ ॥
ত্বমেব কিল কামধুক্সকলকামমাপূরযন্
সদা ত্রিনযনো ভবান্বহসি চাত্রিনেত্রোদ্ভবম্ ।
বিষং বিষধরান্দধত্পিবসি তেন চানন্দবা-
ন্নিরুদ্ধচরিতোচিতা জগদধীশ তে ভিক্ষুতা ॥ ১১ ॥
সদা ত্রিনযনো ভবান্বহসি চাত্রিনেত্রোদ্ভবম্ ।
বিষং বিষধরান্দধত্পিবসি তেন চানন্দবা-
ন্নিরুদ্ধচরিতোচিতা জগদধীশ তে ভিক্ষুতা ॥ ১১ ॥
নমঃ শিবশিবা শিবাশিব শিবার্থ কৃন্তাশিবং
নমো হরহরা হরাহর হরান্তরীং মে দৃশম্ ।
নমো ভবভবা ভবপ্রভবভূতযে মে ভবা-
ন্নমো মৃড নমো নমো নম উমেশ তুভ্যং নমঃ ॥ ১২ ॥
নমো হরহরা হরাহর হরান্তরীং মে দৃশম্ ।
নমো ভবভবা ভবপ্রভবভূতযে মে ভবা-
ন্নমো মৃড নমো নমো নম উমেশ তুভ্যং নমঃ ॥ ১২ ॥
সতাং শ্রবণপদ্ধতিং সরতু সন্নতোক্তেত্যসৌ
শিবস্য করুণাঙ্কুরাত্প্রতিকৃতাত্মদা সোচিতা ।
ইতি প্রথিতমানসো ব্যথিত নাম নারাযণঃ
শিবস্তুতিমিমাং শিবাং লিকুচিসূরিসূনুস্সুধীঃ ॥ ১৩ ॥
শিবস্য করুণাঙ্কুরাত্প্রতিকৃতাত্মদা সোচিতা ।
ইতি প্রথিতমানসো ব্যথিত নাম নারাযণঃ
শিবস্তুতিমিমাং শিবাং লিকুচিসূরিসূনুস্সুধীঃ ॥ ১৩ ॥
ইতি শ্রীলিকুচিসূরিসূনু নারাযণাচার্যবিরচিতা শ্রী শিবস্তুতিঃ ।