ಶಿವಯೋಸ್ತನುಜಾಯಾಸ್ತು ಶ್ರಿತಮನ್ದಾರಶಾಖಿನೇ ।
ಶಿಖಿವರ್ಯತುರಙ್ಗಾಯ ಸುಬ್ರಹ್ಮಣ್ಯಾಯ ಮಙ್ಗಲಮ್ ॥ 1 ॥
ಶಿಖಿವರ್ಯತುರಙ್ಗಾಯ ಸುಬ್ರಹ್ಮಣ್ಯಾಯ ಮಙ್ಗಲಮ್ ॥ 1 ॥
ಭಕ್ತಾಭೀಷ್ಟಪ್ರದಾಯಾಸ್ತು ಭವರೋಗವಿನಾಶಿನೇ ।
ರಾಜರಾಜಾದಿವನ್ದ್ಯಾಯ ರಣಧೀರಾಯ ಮಙ್ಗಲಮ್ ॥ 2 ॥
ರಾಜರಾಜಾದಿವನ್ದ್ಯಾಯ ರಣಧೀರಾಯ ಮಙ್ಗಲಮ್ ॥ 2 ॥
ಶೂರಪದ್ಮಾದಿದೈತೇಯತಮಿಸ್ರಕುಲಭಾನವೇ ।
ತಾರಕಾಸುರಕಾಲಾಯ ಬಾಲಕಾಯಾಸ್ತು ಮಙ್ಗಲಮ್ ॥ 3 ॥
ತಾರಕಾಸುರಕಾಲಾಯ ಬಾಲಕಾಯಾಸ್ತು ಮಙ್ಗಲಮ್ ॥ 3 ॥
ವಲ್ಲೀವದನರಾಜೀವ ಮಧುಪಾಯ ಮಹಾತ್ಮನೇ ।
ಉಲ್ಲಸನ್ಮಣಿಕೋಟೀರಭಾಸುರಾಯಾಸ್ತು ಮಙ್ಗಲಮ್ ॥ 4 ॥
ಉಲ್ಲಸನ್ಮಣಿಕೋಟೀರಭಾಸುರಾಯಾಸ್ತು ಮಙ್ಗಲಮ್ ॥ 4 ॥
ಕನ್ದರ್ಪಕೋಟಿಲಾವಣ್ಯನಿಧಯೇ ಕಾಮದಾಯಿನೇ ।
ಕುಲಿಶಾಯುಧಹಸ್ತಾಯ ಕುಮಾರಾಯಾಸ್ತು ಮಙ್ಗಲಮ್ ॥ 5 ॥
ಕುಲಿಶಾಯುಧಹಸ್ತಾಯ ಕುಮಾರಾಯಾಸ್ತು ಮಙ್ಗಲಮ್ ॥ 5 ॥
ಮುಕ್ತಾಹಾರಲಸತ್ಕಣ್ಠರಾಜಯೇ ಮುಕ್ತಿದಾಯಿನೇ ।
ದೇವಸೇನಾಸಮೇತಾಯ ದೈವತಾಯಾಸ್ತು ಮಙ್ಗಲಮ್ ॥ 6 ॥
ದೇವಸೇನಾಸಮೇತಾಯ ದೈವತಾಯಾಸ್ತು ಮಙ್ಗಲಮ್ ॥ 6 ॥
ಕನಕಾಮ್ಬರಸಂಶೋಭಿಕಟಯೇ ಕಲಿಹಾರಿಣೇ ।
ಕಮಲಾಪತಿವನ್ದ್ಯಾಯ ಕಾರ್ತಿಕೇಯಾಯ ಮಙ್ಗಲಮ್ ॥ 7 ॥
ಕಮಲಾಪತಿವನ್ದ್ಯಾಯ ಕಾರ್ತಿಕೇಯಾಯ ಮಙ್ಗಲಮ್ ॥ 7 ॥
ಶರಕಾನನಜಾತಾಯ ಶೂರಾಯ ಶುಭದಾಯಿನೇ ।
ಶೀತಭಾನುಸಮಾಸ್ಯಾಯ ಶರಣ್ಯಾಯಾಸ್ತು ಮಙ್ಗಲಮ್ ॥ 8 ॥
ಶೀತಭಾನುಸಮಾಸ್ಯಾಯ ಶರಣ್ಯಾಯಾಸ್ತು ಮಙ್ಗಲಮ್ ॥ 8 ॥
ಮಙ್ಗಲಾಷ್ಟಕಮೇತದ್ಯೇ ಮಹಾಸೇನಸ್ಯ ಮಾನವಾಃ ।
ಪಠನ್ತೀ ಪ್ರತ್ಯಹಂ ಭಕ್ತ್ಯಾ ಪ್ರಾಪ್ನುಯುಸ್ತೇ ಪರಾಂ ಶ್ರಿಯಮ್ ॥ 9 ॥
ಪಠನ್ತೀ ಪ್ರತ್ಯಹಂ ಭಕ್ತ್ಯಾ ಪ್ರಾಪ್ನುಯುಸ್ತೇ ಪರಾಂ ಶ್ರಿಯಮ್ ॥ 9 ॥
ಇತಿ ಶ್ರೀ ಸುಬ್ರಹ್ಮಣ್ಯ ಮಙ್ಗಲಾಷ್ಟಕಮ್ ।