॥ শ্ৰী সুপৰ্ণ স্তোত্ৰম্ (মহাভাৰতে) ॥
দেৱা ঊচুঃ ।
ত্ৱমৃষিস্ত্ৱং মহাভাগস্ত্ৱং দেৱঃ পতগেশ্ৱৰঃ ।
ত্ৱং প্ৰভুস্তপনঃ সূৰ্যঃ পৰমেষ্ঠী প্ৰজাপতিঃ ॥ ১ ॥
ত্ৱং প্ৰভুস্তপনঃ সূৰ্যঃ পৰমেষ্ঠী প্ৰজাপতিঃ ॥ ১ ॥
ত্ৱমিন্দ্ৰস্ত্ৱং হযমুখস্ত্ৱং শৰ্ৱস্ত্ৱং জগত্পতিঃ ।
ত্ৱং মুখং পদ্মজো ৱিপ্ৰস্ত্ৱমগ্নিঃ পৱনস্তথা ॥ ২ ॥
ত্ৱং মুখং পদ্মজো ৱিপ্ৰস্ত্ৱমগ্নিঃ পৱনস্তথা ॥ ২ ॥
ত্ৱং হি ধাতা ৱিধাতা চ ত্ৱং ৱিষ্ণুঃ সুৰসত্তমঃ ।
ত্ৱং মহানভিভূঃ শশ্ৱদমৃতং ত্ৱং মহদ্যশঃ ।
ত্ৱং প্ৰভাস্ত্ৱমভিপ্ৰেতং ত্ৱং নস্ত্ৰাণমনুত্তমম্ ॥ ৩ ॥
ত্ৱং মহানভিভূঃ শশ্ৱদমৃতং ত্ৱং মহদ্যশঃ ।
ত্ৱং প্ৰভাস্ত্ৱমভিপ্ৰেতং ত্ৱং নস্ত্ৰাণমনুত্তমম্ ॥ ৩ ॥
বলোৰ্মিমান্ সাধুৰদীনসত্ত্ৱঃ
সমৃদ্ধিমান্ দুৰ্ৱিষহস্ত্ৱমেৱ ।
ত্ৱত্তঃ সৃতং সৰ্ৱমহীনকীৰ্তে
হ্যনাগতং চোপগতং চ সৰ্ৱম্ ॥ ৪ ॥
সমৃদ্ধিমান্ দুৰ্ৱিষহস্ত্ৱমেৱ ।
ত্ৱত্তঃ সৃতং সৰ্ৱমহীনকীৰ্তে
হ্যনাগতং চোপগতং চ সৰ্ৱম্ ॥ ৪ ॥
ত্ৱমুত্তমঃ সৰ্ৱমিদং চৰাচৰং
গভস্তিভিৰ্ভানুৰিৱাৱভাসসে ।
সমাক্ষিপন্ ভানুমতঃ প্ৰভাং মুহু-
-স্ত্ৱমন্তকঃ সৰ্ৱমিদং ধ্ৰুৱাধ্ৰুৱম্ ॥ ৫ ॥
গভস্তিভিৰ্ভানুৰিৱাৱভাসসে ।
সমাক্ষিপন্ ভানুমতঃ প্ৰভাং মুহু-
-স্ত্ৱমন্তকঃ সৰ্ৱমিদং ধ্ৰুৱাধ্ৰুৱম্ ॥ ৫ ॥
দিৱাকৰঃ পৰিকুপিতো যথা দহেত্
প্ৰজাস্তথা দহসি হুতাশনপ্ৰভ ।
ভযঙ্কৰঃ প্ৰলয ইৱাগ্নিৰুত্থিতো
ৱিনাশযন্ যুগপৰিৱৰ্তনান্তকৃত্ ॥ ৬ ॥
প্ৰজাস্তথা দহসি হুতাশনপ্ৰভ ।
ভযঙ্কৰঃ প্ৰলয ইৱাগ্নিৰুত্থিতো
ৱিনাশযন্ যুগপৰিৱৰ্তনান্তকৃত্ ॥ ৬ ॥
খগেশ্ৱৰং শৰণমুপাগতা ৱযং
মহৌজসং জ্ৱলনসমানৱৰ্চসম্ ।
তডিত্প্ৰভং ৱিতিমিৰমভ্ৰগোচৰং
মহাবলং গৰুডমুপ্যেত খেচৰম্ ॥ ৭ ॥
মহৌজসং জ্ৱলনসমানৱৰ্চসম্ ।
তডিত্প্ৰভং ৱিতিমিৰমভ্ৰগোচৰং
মহাবলং গৰুডমুপ্যেত খেচৰম্ ॥ ৭ ॥
পৰাৱৰং ৱৰদমজয্যৱিক্ৰমং
তৱৌজসা সৰ্ৱমিদং প্ৰতাপিতম্ ।
জগত্প্ৰভো তপ্তসুৱৰ্ণৱৰ্চসা
ত্ৱং পাহি সৰ্ৱাংশ্চ সুৰান্ মহাত্মনঃ ॥ ৮ ॥
তৱৌজসা সৰ্ৱমিদং প্ৰতাপিতম্ ।
জগত্প্ৰভো তপ্তসুৱৰ্ণৱৰ্চসা
ত্ৱং পাহি সৰ্ৱাংশ্চ সুৰান্ মহাত্মনঃ ॥ ৮ ॥
ভযান্ৱিতা নভসি ৱিমানগামিনো
ৱিমানিতা ৱিপথগতিং প্ৰযান্তি তে ।
ঋষেঃ সুতস্ত্ৱমসি দযাৱতঃ প্ৰভো
মহাত্মনঃ খগৱৰ কশ্যপস্য হ ॥ ৯ ॥
ৱিমানিতা ৱিপথগতিং প্ৰযান্তি তে ।
ঋষেঃ সুতস্ত্ৱমসি দযাৱতঃ প্ৰভো
মহাত্মনঃ খগৱৰ কশ্যপস্য হ ॥ ৯ ॥
স মা ক্ৰুধঃ কুৰু জগতো দযাং পৰাং
ত্ৱমীশ্ৱৰঃ প্ৰশমমুপৈহি পাহি নঃ ।
মহাশনিস্ফুৰিতসমস্ৱনেন তে
দিশোঽম্বৰং ত্ৰিদিৱমিযং চ মেদিনী ॥ ১০ ॥
ত্ৱমীশ্ৱৰঃ প্ৰশমমুপৈহি পাহি নঃ ।
মহাশনিস্ফুৰিতসমস্ৱনেন তে
দিশোঽম্বৰং ত্ৰিদিৱমিযং চ মেদিনী ॥ ১০ ॥
চলন্তি নঃ খগ হৃদযানি চানিশং
নিগৃহ্যতাং ৱপুৰিদমগ্নিসন্নিভম্ ।
তৱ দ্যুতিং কুপিতকৃতান্তসন্নিভাং
নিশম্য নশ্চলতি মনোঽৱ্যৱস্থিতম্ ।
প্ৰসীদ নঃ পতগপতে প্ৰযাচতাং
শিৱশ্চ নো ভৱ ভগৱন্ সুখাৱহঃ ॥ ১১ ॥
নিগৃহ্যতাং ৱপুৰিদমগ্নিসন্নিভম্ ।
তৱ দ্যুতিং কুপিতকৃতান্তসন্নিভাং
নিশম্য নশ্চলতি মনোঽৱ্যৱস্থিতম্ ।
প্ৰসীদ নঃ পতগপতে প্ৰযাচতাং
শিৱশ্চ নো ভৱ ভগৱন্ সুখাৱহঃ ॥ ১১ ॥
এৱং স্তুতঃ সুপৰ্ণস্তু দেৱৈঃ সৰ্ষিগণৈস্তদা ।
তেজসঃ প্ৰতিসংহাৰমাত্মনঃ স চকাৰ হ ॥ ১২ ॥
তেজসঃ প্ৰতিসংহাৰমাত্মনঃ স চকাৰ হ ॥ ১২ ॥
॥ ইতি শ্ৰীমন্মহাভাৰতে আদিপৰ্ৱণি ত্ৰযোৱিংশোঽধ্যাযে দেৱকৃত শ্ৰী সুপৰ্ণ স্তোত্ৰম্ ॥