॥ শ্রী সুপর্ণ স্তোত্রম্ (মহাভারতে) ॥
দেবা ঊচুঃ ।
ত্বমৃষিস্ত্বং মহাভাগস্ত্বং দেবঃ পতগেশ্বরঃ ।
ত্বং প্রভুস্তপনঃ সূর্যঃ পরমেষ্ঠী প্রজাপতিঃ ॥ ১ ॥
ত্বং প্রভুস্তপনঃ সূর্যঃ পরমেষ্ঠী প্রজাপতিঃ ॥ ১ ॥
ত্বমিন্দ্রস্ত্বং হযমুখস্ত্বং শর্বস্ত্বং জগত্পতিঃ ।
ত্বং মুখং পদ্মজো বিপ্রস্ত্বমগ্নিঃ পবনস্তথা ॥ ২ ॥
ত্বং মুখং পদ্মজো বিপ্রস্ত্বমগ্নিঃ পবনস্তথা ॥ ২ ॥
ত্বং হি ধাতা বিধাতা চ ত্বং বিষ্ণুঃ সুরসত্তমঃ ।
ত্বং মহানভিভূঃ শশ্বদমৃতং ত্বং মহদ্যশঃ ।
ত্বং প্রভাস্ত্বমভিপ্রেতং ত্বং নস্ত্রাণমনুত্তমম্ ॥ ৩ ॥
ত্বং মহানভিভূঃ শশ্বদমৃতং ত্বং মহদ্যশঃ ।
ত্বং প্রভাস্ত্বমভিপ্রেতং ত্বং নস্ত্রাণমনুত্তমম্ ॥ ৩ ॥
বলোর্মিমান্ সাধুরদীনসত্ত্বঃ
সমৃদ্ধিমান্ দুর্বিষহস্ত্বমেব ।
ত্বত্তঃ সৃতং সর্বমহীনকীর্তে
হ্যনাগতং চোপগতং চ সর্বম্ ॥ ৪ ॥
সমৃদ্ধিমান্ দুর্বিষহস্ত্বমেব ।
ত্বত্তঃ সৃতং সর্বমহীনকীর্তে
হ্যনাগতং চোপগতং চ সর্বম্ ॥ ৪ ॥
ত্বমুত্তমঃ সর্বমিদং চরাচরং
গভস্তিভির্ভানুরিবাবভাসসে ।
সমাক্ষিপন্ ভানুমতঃ প্রভাং মুহু-
-স্ত্বমন্তকঃ সর্বমিদং ধ্রুবাধ্রুবম্ ॥ ৫ ॥
গভস্তিভির্ভানুরিবাবভাসসে ।
সমাক্ষিপন্ ভানুমতঃ প্রভাং মুহু-
-স্ত্বমন্তকঃ সর্বমিদং ধ্রুবাধ্রুবম্ ॥ ৫ ॥
দিবাকরঃ পরিকুপিতো যথা দহেত্
প্রজাস্তথা দহসি হুতাশনপ্রভ ।
ভযঙ্করঃ প্রলয ইবাগ্নিরুত্থিতো
বিনাশযন্ যুগপরিবর্তনান্তকৃত্ ॥ ৬ ॥
প্রজাস্তথা দহসি হুতাশনপ্রভ ।
ভযঙ্করঃ প্রলয ইবাগ্নিরুত্থিতো
বিনাশযন্ যুগপরিবর্তনান্তকৃত্ ॥ ৬ ॥
খগেশ্বরং শরণমুপাগতা বযং
মহৌজসং জ্বলনসমানবর্চসম্ ।
তডিত্প্রভং বিতিমিরমভ্রগোচরং
মহাবলং গরুডমুপ্যেত খেচরম্ ॥ ৭ ॥
মহৌজসং জ্বলনসমানবর্চসম্ ।
তডিত্প্রভং বিতিমিরমভ্রগোচরং
মহাবলং গরুডমুপ্যেত খেচরম্ ॥ ৭ ॥
পরাবরং বরদমজয্যবিক্রমং
তবৌজসা সর্বমিদং প্রতাপিতম্ ।
জগত্প্রভো তপ্তসুবর্ণবর্চসা
ত্বং পাহি সর্বাংশ্চ সুরান্ মহাত্মনঃ ॥ ৮ ॥
তবৌজসা সর্বমিদং প্রতাপিতম্ ।
জগত্প্রভো তপ্তসুবর্ণবর্চসা
ত্বং পাহি সর্বাংশ্চ সুরান্ মহাত্মনঃ ॥ ৮ ॥
ভযান্বিতা নভসি বিমানগামিনো
বিমানিতা বিপথগতিং প্রযান্তি তে ।
ঋষেঃ সুতস্ত্বমসি দযাবতঃ প্রভো
মহাত্মনঃ খগবর কশ্যপস্য হ ॥ ৯ ॥
বিমানিতা বিপথগতিং প্রযান্তি তে ।
ঋষেঃ সুতস্ত্বমসি দযাবতঃ প্রভো
মহাত্মনঃ খগবর কশ্যপস্য হ ॥ ৯ ॥
স মা ক্রুধঃ কুরু জগতো দযাং পরাং
ত্বমীশ্বরঃ প্রশমমুপৈহি পাহি নঃ ।
মহাশনিস্ফুরিতসমস্বনেন তে
দিশোঽম্বরং ত্রিদিবমিযং চ মেদিনী ॥ ১০ ॥
ত্বমীশ্বরঃ প্রশমমুপৈহি পাহি নঃ ।
মহাশনিস্ফুরিতসমস্বনেন তে
দিশোঽম্বরং ত্রিদিবমিযং চ মেদিনী ॥ ১০ ॥
চলন্তি নঃ খগ হৃদযানি চানিশং
নিগৃহ্যতাং বপুরিদমগ্নিসন্নিভম্ ।
তব দ্যুতিং কুপিতকৃতান্তসন্নিভাং
নিশম্য নশ্চলতি মনোঽব্যবস্থিতম্ ।
প্রসীদ নঃ পতগপতে প্রযাচতাং
শিবশ্চ নো ভব ভগবন্ সুখাবহঃ ॥ ১১ ॥
নিগৃহ্যতাং বপুরিদমগ্নিসন্নিভম্ ।
তব দ্যুতিং কুপিতকৃতান্তসন্নিভাং
নিশম্য নশ্চলতি মনোঽব্যবস্থিতম্ ।
প্রসীদ নঃ পতগপতে প্রযাচতাং
শিবশ্চ নো ভব ভগবন্ সুখাবহঃ ॥ ১১ ॥
এবং স্তুতঃ সুপর্ণস্তু দেবৈঃ সর্ষিগণৈস্তদা ।
তেজসঃ প্রতিসংহারমাত্মনঃ স চকার হ ॥ ১২ ॥
তেজসঃ প্রতিসংহারমাত্মনঃ স চকার হ ॥ ১২ ॥
॥ ইতি শ্রীমন্মহাভারতে আদিপর্বণি ত্রযোবিংশোঽধ্যাযে দেবকৃত শ্রী সুপর্ণ স্তোত্রম্ ॥