॥ ശ്രീ വല്ലഭഭാവാഷ്ടകമ് ൧ ॥
പതിഃ ശ്രീവല്ലഭോഽസ്മാകം ഗതിഃ ശ്രീവല്ലഭസ്സദാ ।
മതിഃ ശ്രീവല്ലഭേ ഹ്യാസ്താം രതിഃ ശ്രീവല്ലഭേഽസ്തു മേ ॥ ൧ ॥
മതിഃ ശ്രീവല്ലഭേ ഹ്യാസ്താം രതിഃ ശ്രീവല്ലഭേഽസ്തു മേ ॥ ൧ ॥
വൃത്തിഃ ശ്രീവല്ലഭാ യൈവ കൃതിഃ ശ്രീവല്ലഭാര്ഥിനീ ।
ദര്ശനം ശ്രീവല്ലഭസ്യ സ്മരണം വല്ലഭപ്രഭോഃ ॥ ൨ ॥
ദര്ശനം ശ്രീവല്ലഭസ്യ സ്മരണം വല്ലഭപ്രഭോഃ ॥ ൨ ॥
തത്പ്രസാദസുമാഘ്രാണ-മസ്തൂച്ഛിഷ്ടരസാഗ്രഹഃ ।
ശ്രവണം തദ്ഗുണാനാം ഹി സ്മരണം തത്പദാബ്ജയോഃ ॥ ൩ ॥
ശ്രവണം തദ്ഗുണാനാം ഹി സ്മരണം തത്പദാബ്ജയോഃ ॥ ൩ ॥
മനനം തന്മഹത്ത്വസ്യ സേവനം കരയോര്ഭവേത് ।
തത്സ്വരൂപാന്തരോ ഭോഗോ ഗമനം തസ്യ സന്നിധൌ ॥ ൪ ॥
തത്സ്വരൂപാന്തരോ ഭോഗോ ഗമനം തസ്യ സന്നിധൌ ॥ ൪ ॥
തദഗ്രേ സര്വദാ സ്ഥാനം സങ്ഗസ്തത്സേവകൈസ്സദാ ।
തദ്വാര്താതിരുചിര്നിഷ്ഠാ ഭൂയാത്തദ്വാക്യമാത്രഗാ ॥ ൫ ॥
തദ്വാര്താതിരുചിര്നിഷ്ഠാ ഭൂയാത്തദ്വാക്യമാത്രഗാ ॥ ൫ ॥
ശ്രദ്ധാ തദേകസമ്ബന്ധേ വിശ്വാസസ്തത്പദാബ്ജയോഃ ।
ദാസ്യം തദീയമേവാസ്തു ഭൂയാത്തച്ചരണാശ്രയഃ ॥ ൬ ॥
ദാസ്യം തദീയമേവാസ്തു ഭൂയാത്തച്ചരണാശ്രയഃ ॥ ൬ ॥
മസ്തകേ ശ്രീവല്ലഭോഽസ്തു ഹൃദി തിഷ്ഠതു വല്ലഭഃ ।
അഭിതഃ ശ്രീവല്ലഭോഽസ്തു സര്വം ശ്രീവല്ലഭോ മമ ॥ ൭ ॥
അഭിതഃ ശ്രീവല്ലഭോഽസ്തു സര്വം ശ്രീവല്ലഭോ മമ ॥ ൭ ॥
നമഃ ശ്രീവല്ലഭായൈവ ദൈന്യം ശ്രീവല്ലഭേ സദാ ।
പ്രാര്ഥനാ ശ്രീവല്ലഭേഽസ്തു തത്പദാധീനതാ മമ ॥ ൮ ॥
പ്രാര്ഥനാ ശ്രീവല്ലഭേഽസ്തു തത്പദാധീനതാ മമ ॥ ൮ ॥
॥ ഫലശ്രുതി ॥
ഏതദഷ്ടകപാഠേന ശ്രീവല്ലഭപദാമ്ബുജേ ।
ഭവേദ്ഭാവോ വിനായാസം ഭക്തിമാര്ഗവൃതാത്മനാമ് ॥ ൯ ॥
ഭവേദ്ഭാവോ വിനായാസം ഭക്തിമാര്ഗവൃതാത്മനാമ് ॥ ൯ ॥
॥ ഇതി ശ്രീ ഹരിദാസോദിതം ശ്രീവല്ലഭഭാവാഷ്ടകമ് സമ്പൂര്ണമ് ॥