ശ്രീവേങ്കടാദ്രിധാമാ ഭൂമാ ഭൂമാപ്രിയഃ കൃപാസീമാ ।
നിരവധികനിത്യമഹിമാ ഭവതു ജയീ പ്രണതദര്ശിതപ്രേമാ ॥ 1 ॥
നിരവധികനിത്യമഹിമാ ഭവതു ജയീ പ്രണതദര്ശിതപ്രേമാ ॥ 1 ॥
ജയ ജനതാ വിമലീകൃതിസഫലീകൃതസകലമങ്ഗലാകാര ।
വിജയീ ഭവ വിജയീ ഭവ വിജയീ ഭവ വേങ്കടാചലാധീശ ॥ 2 ॥
വിജയീ ഭവ വിജയീ ഭവ വിജയീ ഭവ വേങ്കടാചലാധീശ ॥ 2 ॥
കമനീയമന്ദഹസിതം കഞ്ചന കന്ദര്പകോടിലാവണ്യമ് ।
പശ്യേയമഞ്ജനാദ്രൌ പുംസാം പൂര്വതനപുണ്യപരിപാകമ് ॥ 3 ॥
പശ്യേയമഞ്ജനാദ്രൌ പുംസാം പൂര്വതനപുണ്യപരിപാകമ് ॥ 3 ॥
മരതകമേചകരുചിനാ മദനാജ്ഞാഗന്ധിമധ്യഹൃദയേന ।
വൃഷശൈലമൌലിസുഹൃദാ മഹസാ കേനാപി വാസിതം ജ്ഞേയമ് ॥ 4 ॥
വൃഷശൈലമൌലിസുഹൃദാ മഹസാ കേനാപി വാസിതം ജ്ഞേയമ് ॥ 4 ॥
പത്യൈ നമോ വൃഷാദ്രേഃ കരയുഗപരികര്മശങ്ഖചക്രായ ।
ഇതരകരകമലയുഗലീദര്ശിത-കടിബന്ധദാനമുദ്രായ ॥ 5 ॥
ഇതരകരകമലയുഗലീദര്ശിത-കടിബന്ധദാനമുദ്രായ ॥ 5 ॥
സാമ്രാജ്യപിശുനമകുടീസുഘടലലാടാത് സുമങ്ഗലാ പാങ്ഗാത് ।
സ്മിതരുചിഫുല്ലകപോലാദപരോ ന പരോഽസ്തി വേങ്കടാദ്രീശാത് ॥ 6 ॥
സ്മിതരുചിഫുല്ലകപോലാദപരോ ന പരോഽസ്തി വേങ്കടാദ്രീശാത് ॥ 6 ॥
സര്വാഭരണവിഭൂഷിതദിവ്യാവയവസ്യ വേങ്കടാദ്രിപതേഃ ।
പല്ലവപുഷ്പവിഭൂഷിതകല്പതരോശ്ചാപി കാ ഭിദാ ദൃഷ്ടാ ॥ 7 ॥
പല്ലവപുഷ്പവിഭൂഷിതകല്പതരോശ്ചാപി കാ ഭിദാ ദൃഷ്ടാ ॥ 7 ॥
ലക്ഷ്മീലലിതപദാമ്ബുജലാക്ഷാരസരഞ്ജിതായതോരസ്കേ ।
ശ്രീവേങ്കടാദ്രിനാഥേ നാഥേ മമ നിത്യമര്പിതോ ഭാരഃ ॥ 8 ॥
ശ്രീവേങ്കടാദ്രിനാഥേ നാഥേ മമ നിത്യമര്പിതോ ഭാരഃ ॥ 8 ॥
ആര്യാവൃത്തസമേതാ സപ്തവിഭക്തിര്വൃഷാദ്രിനാഥസ്യ ।
വാദീന്ദ്രഭീകൃദാഖ്യൈരാര്യൈ രചിതാ ജയത്വിയം സതതമ് ॥ 9 ॥
വാദീന്ദ്രഭീകൃദാഖ്യൈരാര്യൈ രചിതാ ജയത്വിയം സതതമ് ॥ 9 ॥
ഇതി ശ്രീവേങ്കടേശവിജയാര്യാസപ്തവിഭക്തി സ്തോത്രം സമ്പൂര്ണമ് ।