সূত উবাচ
সম্প্রস্থিতে দ্বারকাযাং জিষ্ণৌ বন্ধুদিদৃক্ষযা ।
জ্ঞাতুং চ পুণ্যশ্লোকস্য কৃষ্ণস্য চ বিচেষ্টিতম্ ॥ ১ ॥
সম্প্রস্থিতে দ্বারকাযাং জিষ্ণৌ বন্ধুদিদৃক্ষযা ।
জ্ঞাতুং চ পুণ্যশ্লোকস্য কৃষ্ণস্য চ বিচেষ্টিতম্ ॥ ১ ॥
ব্যতীতাঃ কতিচিন্মাসাস্তদা নাযাত্ততোঽর্জুনঃ ।
দদর্শ ঘোররূপাণি নিমিত্তানি কুরূদ্বহঃ ॥ ২ ॥
দদর্শ ঘোররূপাণি নিমিত্তানি কুরূদ্বহঃ ॥ ২ ॥
কালস্য চ গতিং রৌদ্রাং বিপর্যস্তর্তুধর্মিণঃ ।
পাপীযসীং নৃণাং বার্তাং ক্রোধলোভানৃতাত্মনাম্ ॥ ৩ ॥
পাপীযসীং নৃণাং বার্তাং ক্রোধলোভানৃতাত্মনাম্ ॥ ৩ ॥
জিহ্মপ্রাযং ব্যবহৃতং শাঠ্যমিশ্রং চ সৌহৃদম্ ।
পিতৃমাতৃসুহৃদ্ভ্রাতৃদম্পতীনাং চ কল্কনম্ ॥ ৪ ॥
পিতৃমাতৃসুহৃদ্ভ্রাতৃদম্পতীনাং চ কল্কনম্ ॥ ৪ ॥
নিমিত্তান্যত্যরিষ্টানি কালে ত্বনুগতে নৃণাম্ ।
লোভাদ্যধর্মপ্রকৃতিং দৃষ্ট্বোবাচানুজং নৃপঃ ॥ ৫ ॥
লোভাদ্যধর্মপ্রকৃতিং দৃষ্ট্বোবাচানুজং নৃপঃ ॥ ৫ ॥
যুধিষ্ঠির উবাচ
সম্প্রেষিতো দ্বারকাযাং জিষ্ণুর্বন্ধুদিদৃক্ষযা ।
জ্ঞাতুং চ পুণ্যশ্লোকস্য কৃষ্ণস্য চ বিচেষ্টিতম্ ॥ ৬ ॥
সম্প্রেষিতো দ্বারকাযাং জিষ্ণুর্বন্ধুদিদৃক্ষযা ।
জ্ঞাতুং চ পুণ্যশ্লোকস্য কৃষ্ণস্য চ বিচেষ্টিতম্ ॥ ৬ ॥
গতাঃ সপ্তাধুনা মাসা ভীমসেন তবানুজঃ ।
নাযাতি কস্য বা হেতোর্নাহং বেদেদমঞ্জসা ॥ ৭ ॥
নাযাতি কস্য বা হেতোর্নাহং বেদেদমঞ্জসা ॥ ৭ ॥
অপি দেবর্ষিণাদিষ্টঃ স কালোঽযমুপস্থিতঃ ।
যদাত্মনোঽঙ্গমাক্রীডং ভগবানুত্সিসৃক্ষতি ॥ ৮ ॥
যদাত্মনোঽঙ্গমাক্রীডং ভগবানুত্সিসৃক্ষতি ॥ ৮ ॥
যস্মান্নঃ সম্পদো রাজ্যং দারাঃ প্রাণাঃ কুলং প্রজাঃ ।
আসন্সপত্নবিজযো লোকাশ্চ যদনুগ্রহাত্ ॥ ৯ ॥
আসন্সপত্নবিজযো লোকাশ্চ যদনুগ্রহাত্ ॥ ৯ ॥
পশ্যোত্পাতান্নরব্যাঘ্র দিব্যান্ ভৌমান্ সদৈহিকান্ ।
দারুণান্ শংসতোঽদূরাদ্ভযং নো বুদ্ধিমোহনম্ ॥ ১০ ॥
দারুণান্ শংসতোঽদূরাদ্ভযং নো বুদ্ধিমোহনম্ ॥ ১০ ॥
ঊর্বক্ষিবাহবো মহ্যং স্ফুরন্ত্যঙ্গ পুনঃ পুনঃ ।
বেপথুশ্চাপি হৃদযে আরাদ্দাস্যন্তি বিপ্রিযম্ ॥ ১১ ॥
বেপথুশ্চাপি হৃদযে আরাদ্দাস্যন্তি বিপ্রিযম্ ॥ ১১ ॥
শিবৈষোদ্যন্তমাদিত্যমভিরৌত্যনলাননা ।
মামঙ্গ সারমেযোঽযমভিরেভত্যভীরুবত্ ॥ ১২ ॥
মামঙ্গ সারমেযোঽযমভিরেভত্যভীরুবত্ ॥ ১২ ॥
শস্তাঃ কুর্বন্তি মাং সব্যং দক্ষিণং পশবোঽপরে ।
বাহাংশ্চ পুরুষব্যাঘ্র লক্ষযে রুদতো মম ॥ ১৩ ॥
বাহাংশ্চ পুরুষব্যাঘ্র লক্ষযে রুদতো মম ॥ ১৩ ॥
মৃত্যুদূতঃ কপোতোঽযমুলূকঃ কম্পযন্ মনঃ ।
প্রত্যুলূকশ্চ কুহ্বানৈর্বিশ্বং বৈ শূন্যমিচ্ছতঃ ॥ ১৪ ॥
প্রত্যুলূকশ্চ কুহ্বানৈর্বিশ্বং বৈ শূন্যমিচ্ছতঃ ॥ ১৪ ॥
ধূম্রা দিশঃ পরিধযঃ কম্পতে ভূঃ সহাদ্রিভিঃ ।
নির্ঘাতশ্চ মহাংস্তাত সাকং চ স্তনযিত্নুভিঃ ॥ ১৫ ॥
নির্ঘাতশ্চ মহাংস্তাত সাকং চ স্তনযিত্নুভিঃ ॥ ১৫ ॥
বাযুর্বাতি খরস্পর্শো রজসা বিসৃজংস্তমঃ ।
অসৃগ্ বর্ষন্তি জলদা বীভত্সমিব সর্বতঃ ॥ ১৬ ॥
অসৃগ্ বর্ষন্তি জলদা বীভত্সমিব সর্বতঃ ॥ ১৬ ॥
সূর্যং হতপ্রভং পশ্য গ্রহমর্দং মিথো দিবি ।
সসঙ্কুলৈর্ভূতগণৈর্জ্বলিতে ইব রোদসী ॥ ১৭ ॥
সসঙ্কুলৈর্ভূতগণৈর্জ্বলিতে ইব রোদসী ॥ ১৭ ॥
নদ্যো নদাশ্চ ক্ষুভিতাঃ সরাংসি চ মনাংসি চ ।
ন জ্বলত্যগ্নিরাজ্যেন কালোঽযং কিং বিধাস্যতি ॥ ১৮ ॥
ন জ্বলত্যগ্নিরাজ্যেন কালোঽযং কিং বিধাস্যতি ॥ ১৮ ॥
ন পিবন্তি স্তনং বত্সা ন দুহ্যন্তি চ মাতরঃ ।
রুদন্ত্যশ্রুমুখা গাবো ন হৃষ্যন্ত্যৃষভা ব্রজে ॥ ১৯ ॥
রুদন্ত্যশ্রুমুখা গাবো ন হৃষ্যন্ত্যৃষভা ব্রজে ॥ ১৯ ॥
দৈবতানি রুদন্তীব স্বিদ্যন্তি হ্যুচ্চলন্তি চ ।
ইমে জনপদা গ্রামাঃ পুরোদ্যানাকরাশ্রমাঃ ।
ভ্রষ্টশ্রিযো নিরানন্দাঃ কিমঘং দর্শযন্তি নঃ ॥ ২০ ॥
ইমে জনপদা গ্রামাঃ পুরোদ্যানাকরাশ্রমাঃ ।
ভ্রষ্টশ্রিযো নিরানন্দাঃ কিমঘং দর্শযন্তি নঃ ॥ ২০ ॥
মন্য এতৈর্মহোত্পাতৈর্নূনং ভগবতঃ পদৈঃ ।
অনন্যপুরুষশ্রীভির্হীনা ভূর্হতসৌভগা ॥ ২১ ॥
অনন্যপুরুষশ্রীভির্হীনা ভূর্হতসৌভগা ॥ ২১ ॥
ইতি চিন্তযতস্তস্য দৃষ্টারিষ্টেন চেতসা ।
রাজ্ঞঃ প্রত্যাগমদ্ ব্রহ্মন্ যদুপুর্যাঃ কপিধ্বজঃ ॥ ২২ ॥
রাজ্ঞঃ প্রত্যাগমদ্ ব্রহ্মন্ যদুপুর্যাঃ কপিধ্বজঃ ॥ ২২ ॥
তং পাদযোর্নিপতিতমযথাপূর্বমাতুরম্ ।
অধোবদনমব্বিন্দূন্ সৃজন্তং নযনাব্জযোঃ ॥ ২৩ ॥
অধোবদনমব্বিন্দূন্ সৃজন্তং নযনাব্জযোঃ ॥ ২৩ ॥
বিলোক্যোদ্বিগ্নহৃদযো বিচ্ছাযমনুজং নৃপঃ ।
পৃচ্ছতি স্ম সুহৃন্মধ্যে সংস্মরন্নারদেরিতম্ ॥ ২৪ ॥
পৃচ্ছতি স্ম সুহৃন্মধ্যে সংস্মরন্নারদেরিতম্ ॥ ২৪ ॥
যুধিষ্ঠির উবাচ
কচ্চিদানর্তপুর্যাং নঃ স্বজনাঃ সুখমাসতে ।
মধুভোজদশার্হার্হসাত্বতান্ধকবৃষ্ণযঃ ॥ ২৫ ॥
কচ্চিদানর্তপুর্যাং নঃ স্বজনাঃ সুখমাসতে ।
মধুভোজদশার্হার্হসাত্বতান্ধকবৃষ্ণযঃ ॥ ২৫ ॥
শূরো মাতামহঃ কচ্চিত্স্বস্ত্যাস্তে বাথ মারিষঃ ।
মাতুলঃ সানুজঃ কচ্চিত্কুশল্যানকদুন্দুভিঃ ॥ ২৬ ॥
মাতুলঃ সানুজঃ কচ্চিত্কুশল্যানকদুন্দুভিঃ ॥ ২৬ ॥
সপ্ত স্বসারস্তত্পত্ন্যো মাতুলান্যঃ সহাত্মজাঃ ।
আসতে সস্নুষাঃ ক্ষেমং দেবকীপ্রমুখাঃ স্বযম্ ॥ ২৭ ॥
আসতে সস্নুষাঃ ক্ষেমং দেবকীপ্রমুখাঃ স্বযম্ ॥ ২৭ ॥
কচ্চিদ্রাজাহুকো জীবত্যসত্পুত্রোঽস্য চানুজঃ ।
হৃদীকঃ সসুতোঽক্রূরো জযন্তগদসারণাঃ ॥ ২৮ ॥
হৃদীকঃ সসুতোঽক্রূরো জযন্তগদসারণাঃ ॥ ২৮ ॥
আসতে কুশলং কচ্চিদ্যে চ শত্রুজিদাদযঃ ।
কচ্চিদাস্তে সুখং রামো ভগবান্ সাত্বতাং প্রভুঃ ॥ ২৯ ॥
কচ্চিদাস্তে সুখং রামো ভগবান্ সাত্বতাং প্রভুঃ ॥ ২৯ ॥
প্রদ্যুম্নঃ সর্ববৃষ্ণীনাং সুখমাস্তে মহারথঃ ।
গম্ভীররযোঽনিরুদ্ধো বর্ধতে ভগবানুত ॥ ৩০ ॥
গম্ভীররযোঽনিরুদ্ধো বর্ধতে ভগবানুত ॥ ৩০ ॥
সুষেণশ্চারুদেষ্ণশ্চ সাম্বো জাম্ববতীসুতঃ ।
অন্যে চ কার্ষ্ণিপ্রবরাঃ সপুত্রা ঋষভাদযঃ ॥ ৩১ ॥
অন্যে চ কার্ষ্ণিপ্রবরাঃ সপুত্রা ঋষভাদযঃ ॥ ৩১ ॥
তথৈবানুচরাঃ শৌরেঃ শ্রুতদেবোদ্ধবাদযঃ ।
সুনন্দনন্দশীর্ষণ্যা যে চান্যে সাত্বতর্ষভাঃ ॥ ৩২ ॥
সুনন্দনন্দশীর্ষণ্যা যে চান্যে সাত্বতর্ষভাঃ ॥ ৩২ ॥
অপি স্বস্ত্যাসতে সর্বে রামকৃষ্ণভুজাশ্রযাঃ ।
অপি স্মরন্তি কুশলমস্মাকং বদ্ধসৌহৃদাঃ ॥ ৩৩ ॥
অপি স্মরন্তি কুশলমস্মাকং বদ্ধসৌহৃদাঃ ॥ ৩৩ ॥
ভগবানপি গোবিন্দো ব্রহ্মণ্যো ভক্তবত্সলঃ ।
কচ্চিত্পুরে সুধর্মাযাং সুখমাস্তে সুহৃদ্বৃতঃ ॥ ৩৪ ॥
কচ্চিত্পুরে সুধর্মাযাং সুখমাস্তে সুহৃদ্বৃতঃ ॥ ৩৪ ॥
মঙ্গলায চ লোকানাং ক্ষেমায চ ভবায চ ।
আস্তে যদুকুলাম্ভোধাবাদ্যোঽনন্তসখঃ পুমান্ ॥ ৩৫ ॥
আস্তে যদুকুলাম্ভোধাবাদ্যোঽনন্তসখঃ পুমান্ ॥ ৩৫ ॥
যদ্বাহুদণ্ডগুপ্তাযাং স্বপুর্যাং যদবোঽর্চিতাঃ ।
ক্রীডন্তি পরমানন্দং মহাপৌরুষিকা ইব ॥ ৩৬ ॥
ক্রীডন্তি পরমানন্দং মহাপৌরুষিকা ইব ॥ ৩৬ ॥
যত্পাদশুশ্রূষণমুখ্যকর্মণা
সত্যাদযো দ্ব্যষ্টসহস্রযোষিতঃ ।
নির্জিত্য সঙ্খ্যে ত্রিদশাংস্তদাশিষো
হরন্তি বজ্রাযুধবল্লভোচিতাঃ ॥ ৩৭ ॥
সত্যাদযো দ্ব্যষ্টসহস্রযোষিতঃ ।
নির্জিত্য সঙ্খ্যে ত্রিদশাংস্তদাশিষো
হরন্তি বজ্রাযুধবল্লভোচিতাঃ ॥ ৩৭ ॥
যদ্বাহুদণ্ডাভ্যুদযানুজীবিনো
যদুপ্রবীরা হ্যকুতোভযা মুহুঃ ।
অধিক্রমন্ত্যঙ্ঘ্রিভিরাহৃতাং বলাত্
সভাং সুধর্মাং সুরসত্তমোচিতাম্ ॥ ৩৮ ॥
যদুপ্রবীরা হ্যকুতোভযা মুহুঃ ।
অধিক্রমন্ত্যঙ্ঘ্রিভিরাহৃতাং বলাত্
সভাং সুধর্মাং সুরসত্তমোচিতাম্ ॥ ৩৮ ॥
কচ্চিত্তেঽনামযং তাত ভ্রষ্টতেজা বিভাসি মে ।
অলব্ধমানোঽবজ্ঞাতঃ কিং বা তাত চিরোষিতঃ ॥ ৩৯ ॥
অলব্ধমানোঽবজ্ঞাতঃ কিং বা তাত চিরোষিতঃ ॥ ৩৯ ॥
কচ্চিন্নাভিহতোঽভাবৈঃ শব্দাদিভিরমঙ্গলৈঃ ।
ন দত্তমুক্তমর্থিভ্য আশযা যত্প্রতিশ্রুতম্ ॥ ৪০ ॥
ন দত্তমুক্তমর্থিভ্য আশযা যত্প্রতিশ্রুতম্ ॥ ৪০ ॥
কচ্চিত্ত্বং ব্রাহ্মণং বালং গাং বৃদ্ধং রোগিণং স্ত্রিযম্ ।
শরণোপসৃতং সত্ত্বং নাত্যাক্ষীঃ শরণপ্রদঃ ॥ ৪১ ॥
শরণোপসৃতং সত্ত্বং নাত্যাক্ষীঃ শরণপ্রদঃ ॥ ৪১ ॥
কচ্চিত্ত্বং নাগমোঽগম্যাং গম্যাং বাসত্কৃতাং স্ত্রিযম্ ।
পরাজিতো বাথ ভবান্নোত্তমৈর্নাসমৈঃ পথি ॥ ৪২ ॥
পরাজিতো বাথ ভবান্নোত্তমৈর্নাসমৈঃ পথি ॥ ৪২ ॥
অপি স্বিত্পর্যভুঙ্ক্থাস্ত্বং সম্ভোজ্যান্ বৃদ্ধবালকান্ ।
জুগুপ্সিতং কর্ম কিঞ্চিত্কৃতবান্ন যদক্ষমম্ ॥ ৪৩ ॥
জুগুপ্সিতং কর্ম কিঞ্চিত্কৃতবান্ন যদক্ষমম্ ॥ ৪৩ ॥
কচ্চিত্ প্রেষ্ঠতমেনাথ হৃদযেনাত্মবন্ধুনা ।
শূন্যোঽস্মি রহিতো নিত্যং মন্যসে তেঽন্যথা ন রুক্ ॥ ৪৪ ॥
শূন্যোঽস্মি রহিতো নিত্যং মন্যসে তেঽন্যথা ন রুক্ ॥ ৪৪ ॥