শ্রীশুক উবাচ
বিলোক্য দূষিতাং কৃষ্ণাং কৃষ্ণঃ কৃষ্ণাহিনা বিভুঃ ।
তস্যা বিশুদ্ধিমন্বিচ্ছন্ সর্পং তমুদবাসযত্ ॥ ১ ॥
বিলোক্য দূষিতাং কৃষ্ণাং কৃষ্ণঃ কৃষ্ণাহিনা বিভুঃ ।
তস্যা বিশুদ্ধিমন্বিচ্ছন্ সর্পং তমুদবাসযত্ ॥ ১ ॥
শ্রীরাজোবাচ
কথমন্তর্জলেঽগাধে ন্যগৃহ্ণাদ্ ভগবানহিম্ ।
স বৈ বহুযুগাবাসং যথাসীদ্ বিপ্র কথ্যতাম্ ॥ ২ ॥
কথমন্তর্জলেঽগাধে ন্যগৃহ্ণাদ্ ভগবানহিম্ ।
স বৈ বহুযুগাবাসং যথাসীদ্ বিপ্র কথ্যতাম্ ॥ ২ ॥
ব্রহ্মন্ ভগবতস্তস্য ভূম্নঃ স্বচ্ছন্দবর্তিনঃ ।
গোপালোদারচরিতং কস্তৃপ্যেতামৃতং জুষন্ ॥ ৩ ॥
গোপালোদারচরিতং কস্তৃপ্যেতামৃতং জুষন্ ॥ ৩ ॥
শ্রীশুক উবাচ
কালিন্দ্যাং কালিযস্যাসীদ্ হ্রদঃ কশ্চিদ্ বিষাগ্নিনা ।
শ্রপ্যমাণপযা যস্মিন্ পতন্ত্যুপরিগাঃ খগাঃ ॥ ৪ ॥
কালিন্দ্যাং কালিযস্যাসীদ্ হ্রদঃ কশ্চিদ্ বিষাগ্নিনা ।
শ্রপ্যমাণপযা যস্মিন্ পতন্ত্যুপরিগাঃ খগাঃ ॥ ৪ ॥
বিপ্রুষ্মতা বিষদোর্মিমারুতেনাভিমর্শিতাঃ ।
ম্রিযন্তে তীরগা যস্য প্রাণিনঃ স্থিরজঙ্গমাঃ ॥ ৫ ॥
ম্রিযন্তে তীরগা যস্য প্রাণিনঃ স্থিরজঙ্গমাঃ ॥ ৫ ॥
তং চণ্ডবেগবিষবীর্যমবেক্ষ্য তেন
দুষ্টাং নদীং চ খলসংযমনাবতারঃ ।
কৃষ্ণঃ কদম্বমধিরুহ্য ততোঽতিতুঙ্গ-
মাস্ফোট্য গাঢরশনো ন্যপতদ্ বিষোদে ॥ ৬ ॥
দুষ্টাং নদীং চ খলসংযমনাবতারঃ ।
কৃষ্ণঃ কদম্বমধিরুহ্য ততোঽতিতুঙ্গ-
মাস্ফোট্য গাঢরশনো ন্যপতদ্ বিষোদে ॥ ৬ ॥
সর্পহ্রদঃ পুরুষসারনিপাতবেগ-
সঙ্ক্ষোভিতোরগবিষোচ্ছ্বসিতাম্বুরাশিঃ ।
পর্যক্প্লুতো বিষকষাযবিভীষণোর্মি-
র্ধাবন্ ধনুঃশতমনন্তবলস্য কিং তত্ ॥ ৭ ॥
সঙ্ক্ষোভিতোরগবিষোচ্ছ্বসিতাম্বুরাশিঃ ।
পর্যক্প্লুতো বিষকষাযবিভীষণোর্মি-
র্ধাবন্ ধনুঃশতমনন্তবলস্য কিং তত্ ॥ ৭ ॥
তস্য হ্রদে বিহরতো ভুজদণ্ডঘূর্ণ-
বার্ঘোষমঙ্গ বরবারণবিক্রমস্য ।
আশ্রুত্য তত্ স্বসদনাভিভবং নিরীক্ষ্য
চক্ষুঃশ্রবাঃ সমসরত্তদমৃষ্যমাণঃ ॥ ৮ ॥
বার্ঘোষমঙ্গ বরবারণবিক্রমস্য ।
আশ্রুত্য তত্ স্বসদনাভিভবং নিরীক্ষ্য
চক্ষুঃশ্রবাঃ সমসরত্তদমৃষ্যমাণঃ ॥ ৮ ॥
তং প্রেক্ষণীযসুকুমারঘনাবদাতং
শ্রীবত্সপীতবসনং স্মিতসুন্দরাস্যম্ ।
ক্রীডন্তমপ্রতিভযং কমলোদরাঙ্ঘ্রি
সন্দশ্য মর্মসু রুষা ভুজযা চছাদ ॥ ৯ ॥
শ্রীবত্সপীতবসনং স্মিতসুন্দরাস্যম্ ।
ক্রীডন্তমপ্রতিভযং কমলোদরাঙ্ঘ্রি
সন্দশ্য মর্মসু রুষা ভুজযা চছাদ ॥ ৯ ॥
তং নাগভোগপরিবীতমদৃষ্টচেষ্ট-
মালোক্য তত্প্রিযসখাঃ পশুপা ভৃশার্তাঃ ।
কৃষ্ণেঽর্পিতাত্মসুহৃদর্থকলত্রকামা
দুঃখানুশোকভযমূঢধিযো নিপেতুঃ ॥ ১০ ॥
মালোক্য তত্প্রিযসখাঃ পশুপা ভৃশার্তাঃ ।
কৃষ্ণেঽর্পিতাত্মসুহৃদর্থকলত্রকামা
দুঃখানুশোকভযমূঢধিযো নিপেতুঃ ॥ ১০ ॥
গাবো বৃষা বত্সতর্যঃ ক্রন্দমানাঃ সুদুঃখিতাঃ ।
কৃষ্ণে ন্যস্তেক্ষণা ভীতা রুদন্ত্য ইব তস্থিরে ॥ ১১ ॥
কৃষ্ণে ন্যস্তেক্ষণা ভীতা রুদন্ত্য ইব তস্থিরে ॥ ১১ ॥
অথ ব্রজে মহোত্পাতাস্ত্রিবিধা হ্যতিদারুণাঃ ।
উত্পেতুর্ভুবি দিব্যাত্মন্যাসন্নভযশংসিনঃ ॥ ১২ ॥
উত্পেতুর্ভুবি দিব্যাত্মন্যাসন্নভযশংসিনঃ ॥ ১২ ॥
তানালক্ষ্য ভযোদ্বিগ্না গোপা নন্দপুরোগমাঃ ।
বিনা রামেণ গাঃ কৃষ্ণং জ্ঞাত্বা চারযিতুং গতম্ ॥ ১৩ ॥
বিনা রামেণ গাঃ কৃষ্ণং জ্ঞাত্বা চারযিতুং গতম্ ॥ ১৩ ॥
তৈর্দুর্নিমিত্তৈর্নিধনং মত্বা প্রাপ্তমতদ্বিদঃ ।
তত্প্রাণাস্তন্মনস্কাস্তে দুঃখশোকভযাতুরাঃ ॥ ১৪ ॥
তত্প্রাণাস্তন্মনস্কাস্তে দুঃখশোকভযাতুরাঃ ॥ ১৪ ॥
আবালবৃদ্ধবনিতাঃ সর্বেঽঙ্গ পশুবৃত্তযঃ ।
নির্জগ্মুর্গোকুলাদ্ দীনাঃ কৃষ্ণদর্শনলালসাঃ ॥ ১৫ ॥
নির্জগ্মুর্গোকুলাদ্ দীনাঃ কৃষ্ণদর্শনলালসাঃ ॥ ১৫ ॥
তাংস্তথা কাতরান্ বীক্ষ্য ভগবান্ মাধবো বলঃ ।
প্রহস্য কিঞ্চিন্নোবাচ প্রভাবজ্ঞোঽনুজস্য সঃ ॥ ১৬ ॥
প্রহস্য কিঞ্চিন্নোবাচ প্রভাবজ্ঞোঽনুজস্য সঃ ॥ ১৬ ॥
তেঽন্বেষমাণা দযিতং কৃষ্ণং সূচিতযা পদৈঃ ।
ভগবল্লক্ষণৈর্জগ্মুঃ পদব্যা যমুনাতটম্ ॥ ১৭ ॥
ভগবল্লক্ষণৈর্জগ্মুঃ পদব্যা যমুনাতটম্ ॥ ১৭ ॥
তে তত্র তত্রাব্জযবাঙ্কুশাশনি-
ধ্বজোপপন্নানি পদানি বিশ্পতেঃ ।
মার্গে গবামন্যপদান্তরান্তরে
নিরীক্ষমাণা যযুরঙ্গ সত্বরাঃ ॥ ১৮ ॥
ধ্বজোপপন্নানি পদানি বিশ্পতেঃ ।
মার্গে গবামন্যপদান্তরান্তরে
নিরীক্ষমাণা যযুরঙ্গ সত্বরাঃ ॥ ১৮ ॥
অন্তর্হ্রদে ভুজগভোগপরীতমারাত্
কৃষ্ণং নিরীহমুপলভ্য জলাশযান্তে ।
গোপাংশ্চ মূঢধিষণান্ পরিতঃ পশূংশ্চ
সঙ্ক্রন্দতঃ পরমকশ্মলমাপুরার্তাঃ ॥ ১৯ ॥
কৃষ্ণং নিরীহমুপলভ্য জলাশযান্তে ।
গোপাংশ্চ মূঢধিষণান্ পরিতঃ পশূংশ্চ
সঙ্ক্রন্দতঃ পরমকশ্মলমাপুরার্তাঃ ॥ ১৯ ॥
গোপ্যোঽনুরক্তমনসো ভগবত্যনন্তে
তত্সৌহৃদস্মিতবিলোকগিরঃ স্মরন্ত্যঃ ।
গ্রস্তেঽহিনা প্রিযতমে ভৃশদুঃখতপ্তাঃ
শূন্যং প্রিযব্যতিহৃতং দদৃশুস্ত্রিলোকম্ ॥ ২০ ॥
তত্সৌহৃদস্মিতবিলোকগিরঃ স্মরন্ত্যঃ ।
গ্রস্তেঽহিনা প্রিযতমে ভৃশদুঃখতপ্তাঃ
শূন্যং প্রিযব্যতিহৃতং দদৃশুস্ত্রিলোকম্ ॥ ২০ ॥
তাঃ কৃষ্ণমাতরমপত্যমনুপ্রবিষ্টাং
তুল্যব্যথাঃ সমনুগৃহ্য শুচঃ স্রবন্ত্যঃ ।
তাস্তা ব্রজপ্রিযকথাঃ কথযন্ত্য আসন্
কৃষ্ণাননেঽর্পিতদৃশো মৃতকপ্রতীকাঃ ॥ ২১ ॥
তুল্যব্যথাঃ সমনুগৃহ্য শুচঃ স্রবন্ত্যঃ ।
তাস্তা ব্রজপ্রিযকথাঃ কথযন্ত্য আসন্
কৃষ্ণাননেঽর্পিতদৃশো মৃতকপ্রতীকাঃ ॥ ২১ ॥
কৃষ্ণপ্রাণান্নির্বিশতো নন্দাদীন্ বীক্ষ্য তং হ্রদম্ ।
প্রত্যষেধত্ স ভগবান্ রামঃ কৃষ্ণানুভাববিত্ ॥ ২২ ॥
প্রত্যষেধত্ স ভগবান্ রামঃ কৃষ্ণানুভাববিত্ ॥ ২২ ॥
ইত্থং স্বগোকুলমনন্যগতিং নিরীক্ষ্য
সস্ত্রীকুমারমতিদুঃখিতমাত্মহেতোঃ ।
আজ্ঞায মর্ত্যপদবীমনুবর্তমানঃ
স্থিত্বা মুহূর্তমুদতিষ্ঠদুরঙ্গবন্ধাত্ ॥ ২৩ ॥
সস্ত্রীকুমারমতিদুঃখিতমাত্মহেতোঃ ।
আজ্ঞায মর্ত্যপদবীমনুবর্তমানঃ
স্থিত্বা মুহূর্তমুদতিষ্ঠদুরঙ্গবন্ধাত্ ॥ ২৩ ॥
তত্প্রথ্যমানবপুষা ব্যথিতাত্মভোগ-
স্ত্যক্ত্বোন্নময্য কুপিতঃ স্বফণান্ ভুজঙ্গঃ ।
তস্থৌ শ্বসঞ্ছ্বসনরন্ধ্রবিষাম্বরীষ-
স্তব্ধেক্ষণোল্মুকমুখো হরিমীক্ষমাণঃ ॥ ২৪ ॥
স্ত্যক্ত্বোন্নময্য কুপিতঃ স্বফণান্ ভুজঙ্গঃ ।
তস্থৌ শ্বসঞ্ছ্বসনরন্ধ্রবিষাম্বরীষ-
স্তব্ধেক্ষণোল্মুকমুখো হরিমীক্ষমাণঃ ॥ ২৪ ॥
তং জিহ্বযা দ্বিশিখযা পরিলেলিহানং
দ্বে সৃক্বণী হ্যতিকরালবিষাগ্নিদৃষ্টিম্ ।
ক্রীডন্নমুং পরিসসার যথা খগেন্দ্রো
বভ্রাম সোঽপ্যবসরং প্রসমীক্ষমাণঃ ॥ ২৫ ॥
দ্বে সৃক্বণী হ্যতিকরালবিষাগ্নিদৃষ্টিম্ ।
ক্রীডন্নমুং পরিসসার যথা খগেন্দ্রো
বভ্রাম সোঽপ্যবসরং প্রসমীক্ষমাণঃ ॥ ২৫ ॥
এবং পরিভ্রমহতৌজসমুন্নতাংস-
মানম্য তত্পৃথুশিরঃস্বধিরূঢ আদ্যঃ ।
তন্মূর্ধরত্ননিকরস্পর্শাতিতাম্র-
পাদাম্বুজোঽখিলকলাদিগুরুর্ননর্ত ॥ ২৬ ॥
মানম্য তত্পৃথুশিরঃস্বধিরূঢ আদ্যঃ ।
তন্মূর্ধরত্ননিকরস্পর্শাতিতাম্র-
পাদাম্বুজোঽখিলকলাদিগুরুর্ননর্ত ॥ ২৬ ॥
তং নর্তুমুদ্যতমবেক্ষ্য তদা তদীয-
গন্ধর্বসিদ্ধমুনিচারণদেববধ্বঃ ।
প্রীত্যা মৃদঙ্গপণবানকবাদ্যগীত-
পুষ্পোপহারনুতিভিঃ সহসোপসেদুঃ ॥ ২৭ ॥
গন্ধর্বসিদ্ধমুনিচারণদেববধ্বঃ ।
প্রীত্যা মৃদঙ্গপণবানকবাদ্যগীত-
পুষ্পোপহারনুতিভিঃ সহসোপসেদুঃ ॥ ২৭ ॥
যদ্ যচ্ছিরো ন নমতেঽঙ্গ শতৈকশীর্ষ্ণ-
স্তত্তন্ মমর্দ খরদণ্ডধরোঽঙ্ঘ্রিপাতৈঃ ।
ক্ষীণাযুষো ভ্রমত উল্বণমাস্যতোঽসৃঙ্
নস্তো বমন্ পরমকশ্মলমাপ নাগঃ ॥ ২৮ ॥
স্তত্তন্ মমর্দ খরদণ্ডধরোঽঙ্ঘ্রিপাতৈঃ ।
ক্ষীণাযুষো ভ্রমত উল্বণমাস্যতোঽসৃঙ্
নস্তো বমন্ পরমকশ্মলমাপ নাগঃ ॥ ২৮ ॥
তস্যাক্ষিভির্গরলমুদ্বমতঃ শিরঃসু
যদ্ যত্ সমুন্নমতি নিঃশ্বসতো রুষোচ্চৈঃ ।
নৃত্যন্ পদানুনমযন্ দমযাং বভূব
পুষ্পৈঃ প্রপূজিত ইবেহ পুমান্ পুরাণঃ ॥ ২৯ ॥
যদ্ যত্ সমুন্নমতি নিঃশ্বসতো রুষোচ্চৈঃ ।
নৃত্যন্ পদানুনমযন্ দমযাং বভূব
পুষ্পৈঃ প্রপূজিত ইবেহ পুমান্ পুরাণঃ ॥ ২৯ ॥
তচ্চিত্রতাণ্ডববিরুগ্নফণাসহস্রো
রক্তং মুখৈরুরু বমন্নৃপ ভগ্নগাত্রঃ ।
স্মৃত্বা চরাচরগুরুং পুরুষং পুরাণং
নারাযণং তমরণং মনসা জগাম ॥ ৩০ ॥
রক্তং মুখৈরুরু বমন্নৃপ ভগ্নগাত্রঃ ।
স্মৃত্বা চরাচরগুরুং পুরুষং পুরাণং
নারাযণং তমরণং মনসা জগাম ॥ ৩০ ॥
কৃষ্ণস্য গর্ভজগতোঽতিভরাবসন্নং
পার্ষ্ণিপ্রহারপরিরুগ্নফণাতপত্রম্ ।
দৃষ্ট্বাহিমাদ্যমুপসেদুরমুষ্য পত্ন্য
আর্তাঃ শ্লথদ্বসনভূষণকেশবন্ধাঃ ॥ ৩১ ॥
পার্ষ্ণিপ্রহারপরিরুগ্নফণাতপত্রম্ ।
দৃষ্ট্বাহিমাদ্যমুপসেদুরমুষ্য পত্ন্য
আর্তাঃ শ্লথদ্বসনভূষণকেশবন্ধাঃ ॥ ৩১ ॥
তাস্তং সুবিগ্নমনসোঽথ পুরস্কৃতার্ভাঃ
কাযং নিধায ভুবি ভূতপতিং প্রণেমুঃ ।
সাধ্ব্যঃ কৃতাঞ্জলিপুটাঃ শমলস্য ভর্তু-
র্মোক্ষেপ্সবঃ শরণদং শরণং প্রপন্নাঃ ॥ ৩২ ॥
কাযং নিধায ভুবি ভূতপতিং প্রণেমুঃ ।
সাধ্ব্যঃ কৃতাঞ্জলিপুটাঃ শমলস্য ভর্তু-
র্মোক্ষেপ্সবঃ শরণদং শরণং প্রপন্নাঃ ॥ ৩২ ॥
নাগপত্ন্য ঊচুঃ
ন্যায্যো হি দণ্ডঃ কৃতকিল্বিষেঽস্মিং-
স্তবাবতারঃ খলনিগ্রহায ।
রিপোঃ সুতানামপি তুল্যদৃষ্টি-
র্ধত্সে দমং ফলমেবানুশংসন্ ॥ ৩৩ ॥
ন্যায্যো হি দণ্ডঃ কৃতকিল্বিষেঽস্মিং-
স্তবাবতারঃ খলনিগ্রহায ।
রিপোঃ সুতানামপি তুল্যদৃষ্টি-
র্ধত্সে দমং ফলমেবানুশংসন্ ॥ ৩৩ ॥
অনুগ্রহোঽযং ভবতঃ কৃতো হি নো
দণ্ডোঽসতাং তে খলু কল্মষাপহঃ ।
যদ্ দন্দশূকত্বমমুষ্য দেহিনঃ
ক্রোধোঽপি তেঽনুগ্রহ এব সম্মতঃ ॥ ৩৪ ॥
দণ্ডোঽসতাং তে খলু কল্মষাপহঃ ।
যদ্ দন্দশূকত্বমমুষ্য দেহিনঃ
ক্রোধোঽপি তেঽনুগ্রহ এব সম্মতঃ ॥ ৩৪ ॥
তপঃ সুতপ্তং কিমনেন পূর্বং
নিরস্তমানেন চ মানদেন ।
ধর্মোঽথ বা সর্বজনানুকম্পযা
যতো ভবাংস্তুষ্যতি সর্বজীবঃ ॥ ৩৫ ॥
নিরস্তমানেন চ মানদেন ।
ধর্মোঽথ বা সর্বজনানুকম্পযা
যতো ভবাংস্তুষ্যতি সর্বজীবঃ ॥ ৩৫ ॥
কস্যানুভাবোঽস্য ন দেব বিদ্মহে
তবাঙ্ঘ্রিরেণুস্পরশাধিকারঃ ।
যদ্বাঞ্ছযা শ্রীর্ললনাচরত্তপো
বিহায কামান্ সুচিরং ধৃতব্রতা ॥ ৩৬ ॥
তবাঙ্ঘ্রিরেণুস্পরশাধিকারঃ ।
যদ্বাঞ্ছযা শ্রীর্ললনাচরত্তপো
বিহায কামান্ সুচিরং ধৃতব্রতা ॥ ৩৬ ॥
ন নাকপৃষ্ঠং ন চ সার্বভৌমং
ন পারমেষ্ঠ্যং ন রসাধিপত্যম্ ।
ন যোগসিদ্ধীরপুনর্ভবং বা
বাঞ্ছন্তি যত্পাদরজঃপ্রপন্নাঃ ॥ ৩৭ ॥
ন পারমেষ্ঠ্যং ন রসাধিপত্যম্ ।
ন যোগসিদ্ধীরপুনর্ভবং বা
বাঞ্ছন্তি যত্পাদরজঃপ্রপন্নাঃ ॥ ৩৭ ॥
তদেষ নাথাপ দুরাপমন্যৈ-
স্তমোজনিঃ ক্রোধবশোঽপ্যহীশঃ ।
সংসারচক্রে ভ্রমতঃ শরীরিণো
যদিচ্ছতঃ স্যাদ্ বিভবঃ সমক্ষঃ ॥ ৩৮ ॥
স্তমোজনিঃ ক্রোধবশোঽপ্যহীশঃ ।
সংসারচক্রে ভ্রমতঃ শরীরিণো
যদিচ্ছতঃ স্যাদ্ বিভবঃ সমক্ষঃ ॥ ৩৮ ॥
নমস্তুভ্যং ভগবতে পুরুষায মহাত্মনে ।
ভূতাবাসায ভূতায পরায পরমাত্মনে ॥ ৩৯ ॥
ভূতাবাসায ভূতায পরায পরমাত্মনে ॥ ৩৯ ॥
জ্ঞানবিজ্ঞাননীধযে ব্রহ্মণেঽনন্তশক্তযে ।
অগুণাযাবিকারায নমস্তে প্রাকৃতায চ ॥ ৪০ ॥
অগুণাযাবিকারায নমস্তে প্রাকৃতায চ ॥ ৪০ ॥
কালায কালনাভায কালাবযবসাক্ষিণে ।
বিশ্বায তদুপদ্রষ্ট্রে তত্কর্ত্রে বিশ্বহেতবে ॥ ৪১ ॥
বিশ্বায তদুপদ্রষ্ট্রে তত্কর্ত্রে বিশ্বহেতবে ॥ ৪১ ॥
ভূতমাত্রেন্দ্রিযপ্রাণমনোবুদ্ধ্যাশযাত্মনে ।
ত্রিগুণেনাভিমানেন গূঢস্বাত্মানুভূতযে ॥ ৪২ ॥
ত্রিগুণেনাভিমানেন গূঢস্বাত্মানুভূতযে ॥ ৪২ ॥
নমোঽনন্তায সূক্ষ্মায কূটস্থায বিপশ্চিতে ।
নানাবাদানুরোধায বাচ্যবাচকশক্তযে ॥ ৪৩ ॥
নানাবাদানুরোধায বাচ্যবাচকশক্তযে ॥ ৪৩ ॥
নমঃ প্রমাণমূলায কবযে শাস্ত্রযোনযে ।
প্রবৃত্তায নিবৃত্তায নিগমায নমো নমঃ ॥ ৪৪ ॥
প্রবৃত্তায নিবৃত্তায নিগমায নমো নমঃ ॥ ৪৪ ॥
নমঃ কৃষ্ণায রামায বসুদেবসুতায চ ।
প্রদ্যুম্নাযানিরুদ্ধায সাত্বতাং পতযে নমঃ ॥ ৪৫ ॥
প্রদ্যুম্নাযানিরুদ্ধায সাত্বতাং পতযে নমঃ ॥ ৪৫ ॥
নমো গুণপ্রদীপায গুণাত্মচ্ছাদনায চ ।
গুণবৃত্ত্যুপলক্ষ্যায গুণদ্রষ্ট্রে স্বসংবিদে ॥ ৪৬ ॥
গুণবৃত্ত্যুপলক্ষ্যায গুণদ্রষ্ট্রে স্বসংবিদে ॥ ৪৬ ॥
অব্যাকৃতবিহারায সর্বব্যাকৃতসিদ্ধযে ।
হৃষীকেশ নমস্তেঽস্তু মুনযে মৌনশীলিনে ॥ ৪৭ ॥
হৃষীকেশ নমস্তেঽস্তু মুনযে মৌনশীলিনে ॥ ৪৭ ॥
পরাবরগতিজ্ঞায সর্বাধ্যক্ষায তে নমঃ ।
অবিশ্বায চ বিশ্বায তদ্দ্রষ্ট্রেঽস্য চ হেতবে ॥ ৪৮ ॥
অবিশ্বায চ বিশ্বায তদ্দ্রষ্ট্রেঽস্য চ হেতবে ॥ ৪৮ ॥
ত্বং হ্যস্য জন্মস্থিতিসংযমান্ বিভো
গুণৈরনীহোঽকৃতকালশক্তিধৃক্ ।
তত্তত্স্বভাবান্ প্রতিবোধযন্ সতঃ
সমীক্ষযামোঘবিহার ঈহসে ॥ ৪৯ ॥
গুণৈরনীহোঽকৃতকালশক্তিধৃক্ ।
তত্তত্স্বভাবান্ প্রতিবোধযন্ সতঃ
সমীক্ষযামোঘবিহার ঈহসে ॥ ৪৯ ॥
তস্যৈব তেঽমূস্তনবস্ত্রিলোক্যাং
শান্তা অশান্তা উত মূঢযোনযঃ ।
শান্তাঃ প্রিযাস্তে হ্যধুনাবিতুং সতাং
স্থাতুশ্চ তে ধর্মপরীপ্সযেহতঃ ॥ ৫০ ॥
শান্তা অশান্তা উত মূঢযোনযঃ ।
শান্তাঃ প্রিযাস্তে হ্যধুনাবিতুং সতাং
স্থাতুশ্চ তে ধর্মপরীপ্সযেহতঃ ॥ ৫০ ॥
অপরাধঃ সকৃদ্ ভর্ত্রা সোঢব্যঃ স্বপ্রজাকৃতঃ ।
ক্ষন্তুমর্হসি শান্তাত্মন্ মূঢস্য ত্বামজানতঃ ॥ ৫১ ॥
ক্ষন্তুমর্হসি শান্তাত্মন্ মূঢস্য ত্বামজানতঃ ॥ ৫১ ॥
অনুগৃহ্ণীষ্ব ভগবন্ প্রাণাংস্ত্যজতি পন্নগঃ ।
স্ত্রীণাং নঃ সাধুশোচ্যানাং পতিঃ প্রাণঃ প্রদীযতাম্ ॥ ৫২ ॥
স্ত্রীণাং নঃ সাধুশোচ্যানাং পতিঃ প্রাণঃ প্রদীযতাম্ ॥ ৫২ ॥
বিধেহি তে কিঙ্করীণামনুষ্ঠেযং তবাজ্ঞযা ।
যচ্ছ্রদ্ধযানুতিষ্ঠন্ বৈ মুচ্যতে সর্বতোভযাত্ ॥ ৫৩ ॥
যচ্ছ্রদ্ধযানুতিষ্ঠন্ বৈ মুচ্যতে সর্বতোভযাত্ ॥ ৫৩ ॥
শ্রীশুক উবাচ
ইত্থং স নাগপত্নীভির্ভগবান্ সমভিষ্টুতঃ ।
মূর্চ্ছিতং ভগ্নশিরসং বিসসর্জাঙ্ঘ্রিকুট্টনৈঃ ॥ ৫৪ ॥
ইত্থং স নাগপত্নীভির্ভগবান্ সমভিষ্টুতঃ ।
মূর্চ্ছিতং ভগ্নশিরসং বিসসর্জাঙ্ঘ্রিকুট্টনৈঃ ॥ ৫৪ ॥
প্রতিলব্ধেন্দ্রিযপ্রাণঃ কালিযঃ শনকৈর্হরিম্ ।
কৃচ্ছ্রাত্ সমুচ্ছ্বসন্ দীনঃ কৃষ্ণং প্রাহ কৃতাঞ্জলিঃ ॥ ৫৫ ॥
কৃচ্ছ্রাত্ সমুচ্ছ্বসন্ দীনঃ কৃষ্ণং প্রাহ কৃতাঞ্জলিঃ ॥ ৫৫ ॥
কালিয উবাচ
বযং খলাঃ সহোত্পত্ত্যা তামসা দীর্ঘমন্যবঃ ।
স্বভাবো দুস্ত্যজো নাথ লোকানাং যদসদ্গ্রহঃ ॥ ৫৬ ॥
বযং খলাঃ সহোত্পত্ত্যা তামসা দীর্ঘমন্যবঃ ।
স্বভাবো দুস্ত্যজো নাথ লোকানাং যদসদ্গ্রহঃ ॥ ৫৬ ॥
ত্বযা সৃষ্টমিদং বিশ্বং ধাতর্গুণবিসর্জনম্ ।
নানাস্বভাববীর্যৌজোযোনিবীজাশযাকৃতি ॥ ৫৭ ॥
নানাস্বভাববীর্যৌজোযোনিবীজাশযাকৃতি ॥ ৫৭ ॥
বযং চ তত্র ভগবন্ সর্পা জাত্যুরুমন্যবঃ ।
কথং ত্যজামস্ত্বন্মাযাং দুস্ত্যজাং মোহিতাঃ স্বযম্ ॥ ৫৮ ॥
কথং ত্যজামস্ত্বন্মাযাং দুস্ত্যজাং মোহিতাঃ স্বযম্ ॥ ৫৮ ॥
ভবান্ হি কারণং তত্র সর্বজ্ঞো জগদীশ্বরঃ ।
অনুগ্রহং নিগ্রহং বা মন্যসে তদ্ বিধেহি নঃ ॥ ৫৯ ॥
অনুগ্রহং নিগ্রহং বা মন্যসে তদ্ বিধেহি নঃ ॥ ৫৯ ॥
শ্রীশুক উবাচ
ইত্যাকর্ণ্য বচঃ প্রাহ ভগবান্ কার্যমানুষঃ ।
নাত্র স্থেযং ত্বযা সর্প সমুদ্রং যাহি মা চিরম্ ।
স্বজ্ঞাত্যপত্যদারাঢ্যো গোনৃভির্ভুজ্যতে নদী ॥ ৬০ ॥
ইত্যাকর্ণ্য বচঃ প্রাহ ভগবান্ কার্যমানুষঃ ।
নাত্র স্থেযং ত্বযা সর্প সমুদ্রং যাহি মা চিরম্ ।
স্বজ্ঞাত্যপত্যদারাঢ্যো গোনৃভির্ভুজ্যতে নদী ॥ ৬০ ॥
য এতত্ সংস্মরেন্মর্ত্যস্তুভ্যং মদনুশাসনম্ ।
কীর্তযন্নুভযোঃ সন্ধ্যোর্ন যুষ্মদ্ ভযমাপ্নুযাত্ ॥ ৬১ ॥
কীর্তযন্নুভযোঃ সন্ধ্যোর্ন যুষ্মদ্ ভযমাপ্নুযাত্ ॥ ৬১ ॥
যোঽস্মিন্ স্নাত্বা মদাক্রীডে দেবাদীংস্তর্পযেজ্জলৈঃ ।
উপোষ্য মাং স্মরন্নর্চেত্ সর্বপাপৈঃ প্রমুচ্যতে ॥ ৬২ ॥
উপোষ্য মাং স্মরন্নর্চেত্ সর্বপাপৈঃ প্রমুচ্যতে ॥ ৬২ ॥
দ্বীপং রমণকং হিত্বা হ্রদমেতমুপাশ্রিতঃ ।
যদ্ভযত্স সুপর্ণস্ত্বাং নাদ্যান্মত্পাদলাঞ্ছিতম্ ॥ ৬৩ ॥
যদ্ভযত্স সুপর্ণস্ত্বাং নাদ্যান্মত্পাদলাঞ্ছিতম্ ॥ ৬৩ ॥
শ্রীঋষিরুবাচ
মুক্তো ভগবতা রাজন্ কৃষ্ণেনাদ্ভুতকর্মণা ।
তং পূজযামাস মুদা নাগপত্ন্যশ্চ সাদরম্ ॥ ৬৪ ॥
মুক্তো ভগবতা রাজন্ কৃষ্ণেনাদ্ভুতকর্মণা ।
তং পূজযামাস মুদা নাগপত্ন্যশ্চ সাদরম্ ॥ ৬৪ ॥
দিব্যাম্বরস্রঙ্মণিভিঃ পরার্ধ্যৈরপি ভূষণৈঃ ।
দিব্যগন্ধানুলেপৈশ্চ মহত্যোত্পলমালযা ॥ ৬৫ ॥
দিব্যগন্ধানুলেপৈশ্চ মহত্যোত্পলমালযা ॥ ৬৫ ॥
পূজযিত্বা জগন্নাথং প্রসাদ্য গরুডধ্বজম্ ।
ততঃ প্রীতোঽভ্যনুজ্ঞাতঃ পরিক্রম্যাভিবন্দ্য তম্ ॥ ৬৬ ॥
ততঃ প্রীতোঽভ্যনুজ্ঞাতঃ পরিক্রম্যাভিবন্দ্য তম্ ॥ ৬৬ ॥
সকলত্রসুহৃত্পুত্রো দ্বীপমব্ধের্জগাম হ ।
তদৈব সামৃতজলা যমুনা নির্বিষাভবত্ ।
অনুগ্রহাদ্ ভগবতঃ ক্রীডামানুষরূপিণঃ ॥ ৬৭ ॥
তদৈব সামৃতজলা যমুনা নির্বিষাভবত্ ।
অনুগ্রহাদ্ ভগবতঃ ক্রীডামানুষরূপিণঃ ॥ ৬৭ ॥