শ্ৰীশুক উৱাচ
গোপ্যঃ কৃষ্ণে ৱনং যাতে তমনুদ্ৰুতচেতসঃ ।
কৃষ্ণলীলাঃ প্ৰগাযন্ত্যো নিন্যুৰ্দুঃখেন ৱাসৰান্ ॥ ১ ॥
গোপ্যঃ কৃষ্ণে ৱনং যাতে তমনুদ্ৰুতচেতসঃ ।
কৃষ্ণলীলাঃ প্ৰগাযন্ত্যো নিন্যুৰ্দুঃখেন ৱাসৰান্ ॥ ১ ॥
শ্ৰীগোপ্য ঊচুঃ
ৱামবাহুকৃতৱামকপোলো
ৱল্গিতভ্ৰুৰধৰাৰ্পিতৱেণুম্ ।
কোমলাঙ্গুলিভিৰাশ্ৰিতমাৰ্গং
গোপ্য ঈৰযতি যত্ৰ মুকুন্দঃ ॥ ২ ॥
ৱামবাহুকৃতৱামকপোলো
ৱল্গিতভ্ৰুৰধৰাৰ্পিতৱেণুম্ ।
কোমলাঙ্গুলিভিৰাশ্ৰিতমাৰ্গং
গোপ্য ঈৰযতি যত্ৰ মুকুন্দঃ ॥ ২ ॥
ৱ্যোমযানৱনিতাঃ সহ সিদ্ধৈ-
ৰ্ৱিস্মিতাস্তদুপধাৰ্য সলজ্জাঃ ।
কামমাৰ্গণসমৰ্পিতচিত্তাঃ
কশ্মলং যযুৰপস্মৃতনীৱ্যঃ ॥ ৩ ॥
ৰ্ৱিস্মিতাস্তদুপধাৰ্য সলজ্জাঃ ।
কামমাৰ্গণসমৰ্পিতচিত্তাঃ
কশ্মলং যযুৰপস্মৃতনীৱ্যঃ ॥ ৩ ॥
হন্ত চিত্ৰমবলাঃ শৃণুতেদং
হাৰহাস উৰসি স্থিৰৱিদ্যুত্ ।
নন্দসূনুৰযমাৰ্তজনানাং
নৰ্মদো যৰ্হি কূজিতৱেণুঃ ॥ ৪ ॥
হাৰহাস উৰসি স্থিৰৱিদ্যুত্ ।
নন্দসূনুৰযমাৰ্তজনানাং
নৰ্মদো যৰ্হি কূজিতৱেণুঃ ॥ ৪ ॥
ৱৃন্দশো ৱ্ৰজৱৃষা মৃগগাৱো
ৱেণুৱাদ্যহৃতচেতস আৰাত্ ।
দন্তদষ্টকৱলা ধৃতকৰ্ণা
নিদ্ৰিতা লিখিতচিত্ৰমিৱাসন্ ॥ ৫ ॥
ৱেণুৱাদ্যহৃতচেতস আৰাত্ ।
দন্তদষ্টকৱলা ধৃতকৰ্ণা
নিদ্ৰিতা লিখিতচিত্ৰমিৱাসন্ ॥ ৫ ॥
বৰ্হিণস্তবকধাতুপলাশৈ-
ৰ্বদ্ধমল্লপৰিবৰ্হৱিডম্বঃ ।
কৰ্হিচিত্ সবল আলি স গোপৈ-
ৰ্গাঃ সমাহ্ৱযতি যত্ৰ মুকুন্দঃ ॥ ৬ ॥
ৰ্বদ্ধমল্লপৰিবৰ্হৱিডম্বঃ ।
কৰ্হিচিত্ সবল আলি স গোপৈ-
ৰ্গাঃ সমাহ্ৱযতি যত্ৰ মুকুন্দঃ ॥ ৬ ॥
তৰ্হি ভগ্নগতযঃ সৰিতো ৱৈ
তত্পদাম্বুজৰজোঽনিলনীতম্ ।
স্পৃহযতীৰ্ৱযমিৱাবহুপুণ্যাঃ
প্ৰেমৱেপিতভুজাঃ স্তিমিতাপঃ ॥ ৭ ॥
তত্পদাম্বুজৰজোঽনিলনীতম্ ।
স্পৃহযতীৰ্ৱযমিৱাবহুপুণ্যাঃ
প্ৰেমৱেপিতভুজাঃ স্তিমিতাপঃ ॥ ৭ ॥
অনুচৰৈঃ সমনুৱৰ্ণিতৱীৰ্য
আদিপূৰুষ ইৱাচলভূতিঃ ।
ৱনচৰো গিৰিতটেষু চৰন্তী-
ৰ্ৱেণুনাহ্ৱযতি গাঃ স যদা হি ॥ ৮ ॥
আদিপূৰুষ ইৱাচলভূতিঃ ।
ৱনচৰো গিৰিতটেষু চৰন্তী-
ৰ্ৱেণুনাহ্ৱযতি গাঃ স যদা হি ॥ ৮ ॥
ৱনলতাস্তৰৱ আত্মনি ৱিষ্ণুং
ৱ্যঞ্জযন্ত্য ইৱ পুষ্পফলাঢ্যাঃ ।
প্ৰণতভাৰৱিটপা মধুধাৰাঃ
প্ৰেমহৃষ্টতনৱো ৱৱৃষুঃ স্ম ॥ ৯ ॥
ৱ্যঞ্জযন্ত্য ইৱ পুষ্পফলাঢ্যাঃ ।
প্ৰণতভাৰৱিটপা মধুধাৰাঃ
প্ৰেমহৃষ্টতনৱো ৱৱৃষুঃ স্ম ॥ ৯ ॥
দৰ্শনীযতিলকো ৱনমালা-
দিৱ্যগন্ধতুলসীমধুমত্তৈঃ ।
অলিকুলৈৰলঘুগীতামভীষ্ট-
মাদ্ৰিযন্ যৰ্হি সন্ধিতৱেণুঃ ॥ ১০ ॥
দিৱ্যগন্ধতুলসীমধুমত্তৈঃ ।
অলিকুলৈৰলঘুগীতামভীষ্ট-
মাদ্ৰিযন্ যৰ্হি সন্ধিতৱেণুঃ ॥ ১০ ॥
সৰসি সাৰসহংসৱিহঙ্গা-
শ্চাৰুগীতাহৃতচেতস এত্য ।
হৰিমুপাসত তে যতচিত্তা
হন্ত মীলিতদৃশো ধৃতমৌনাঃ ॥ ১১ ॥
শ্চাৰুগীতাহৃতচেতস এত্য ।
হৰিমুপাসত তে যতচিত্তা
হন্ত মীলিতদৃশো ধৃতমৌনাঃ ॥ ১১ ॥
সহবলঃ স্ৰগৱতংসৱিলাসঃ
সানুষু ক্ষিতিভৃতো ৱ্ৰজদেৱ্যঃ ।
হৰ্ষযন্ যৰ্হি ৱেণুৰৱেণ
জাতহৰ্ষ উপৰম্ভতি ৱিশ্ৱম্ ॥ ১২ ॥
সানুষু ক্ষিতিভৃতো ৱ্ৰজদেৱ্যঃ ।
হৰ্ষযন্ যৰ্হি ৱেণুৰৱেণ
জাতহৰ্ষ উপৰম্ভতি ৱিশ্ৱম্ ॥ ১২ ॥
মহদতিক্ৰমণশঙ্কিতচেতা
মন্দমন্দমনুগৰ্জতি মেঘঃ ।
সুহৃদমভ্যৱৰ্ষত্ সুমনোভি-
শ্ছাযযা চ ৱিদধত্ প্ৰতপত্ৰম্ ॥ ১৩ ॥
মন্দমন্দমনুগৰ্জতি মেঘঃ ।
সুহৃদমভ্যৱৰ্ষত্ সুমনোভি-
শ্ছাযযা চ ৱিদধত্ প্ৰতপত্ৰম্ ॥ ১৩ ॥
ৱিৱিধগোপচৰণেষু ৱিদগ্ধো
ৱেণুৱাদ্য উৰুধা নিজশিক্ষাঃ ।
তৱ সুতঃ সতি যদাধৰবিম্বে
দত্তৱেণুৰনযত্ স্ৱৰজাতীঃ ॥ ১৪ ॥
ৱেণুৱাদ্য উৰুধা নিজশিক্ষাঃ ।
তৱ সুতঃ সতি যদাধৰবিম্বে
দত্তৱেণুৰনযত্ স্ৱৰজাতীঃ ॥ ১৪ ॥
সৱনশস্তদুপধাৰ্য সুৰেশাঃ
শক্ৰশৰ্ৱপৰমেষ্ঠিপুৰোগাঃ ।
কৱয আনতকন্ধৰচিত্তাঃ
কশ্মলং যযুৰনিশ্চিততত্ত্ৱাঃ ॥ ১৫ ॥
শক্ৰশৰ্ৱপৰমেষ্ঠিপুৰোগাঃ ।
কৱয আনতকন্ধৰচিত্তাঃ
কশ্মলং যযুৰনিশ্চিততত্ত্ৱাঃ ॥ ১৫ ॥
নিজপদাব্জদলৈৰ্ধ্ৱজৱজ্ৰ-
নীৰজাঙ্কুশৱিচিত্ৰললামৈঃ ।
ৱ্ৰজভুৱঃ শমযন্ খুৰতোদং
ৱৰ্ষ্মধুৰ্যগতিৰীডিতৱেণুঃ ॥ ১৬ ॥
নীৰজাঙ্কুশৱিচিত্ৰললামৈঃ ।
ৱ্ৰজভুৱঃ শমযন্ খুৰতোদং
ৱৰ্ষ্মধুৰ্যগতিৰীডিতৱেণুঃ ॥ ১৬ ॥
ৱ্ৰজতি তেন ৱযং সৱিলাস-
ৱীক্ষণাৰ্পিতমনোভৱৱেগাঃ ।
কুজগতিং গমিতা ন ৱিদামঃ
কশ্মলেন কৱৰং ৱসনং ৱা ॥ ১৭ ॥
ৱীক্ষণাৰ্পিতমনোভৱৱেগাঃ ।
কুজগতিং গমিতা ন ৱিদামঃ
কশ্মলেন কৱৰং ৱসনং ৱা ॥ ১৭ ॥
মণিধৰঃ ক্ৱচিদাগণযন্ গা
মালযা দযিতগন্ধতুলস্যাঃ ।
প্ৰণযিনোঽনুচৰস্য কদাংসে
প্ৰক্ষিপন্ ভুজমগাযত যত্ৰ ॥ ১৮ ॥
মালযা দযিতগন্ধতুলস্যাঃ ।
প্ৰণযিনোঽনুচৰস্য কদাংসে
প্ৰক্ষিপন্ ভুজমগাযত যত্ৰ ॥ ১৮ ॥
ক্ৱণিতৱেণুৰৱৱঞ্চিতচিত্তাঃ
কৃষ্ণমন্ৱসত কৃষ্ণগৃহিণ্যঃ ।
গুণগণাৰ্ণমনুগত্য হৰিণ্যো
গোপিকা ইৱ ৱিমুক্তগৃহাশাঃ ॥ ১৯ ॥
কৃষ্ণমন্ৱসত কৃষ্ণগৃহিণ্যঃ ।
গুণগণাৰ্ণমনুগত্য হৰিণ্যো
গোপিকা ইৱ ৱিমুক্তগৃহাশাঃ ॥ ১৯ ॥
কুন্দদামকৃতকৌতুকৱেষো
গোপগোধনৱৃতো যমুনাযাম্ ।
নন্দসূনুৰনঘে তৱ ৱত্সো
নৰ্মদঃ প্ৰণযিণাং ৱিজহাৰ ॥ ২০ ॥
গোপগোধনৱৃতো যমুনাযাম্ ।
নন্দসূনুৰনঘে তৱ ৱত্সো
নৰ্মদঃ প্ৰণযিণাং ৱিজহাৰ ॥ ২০ ॥
মন্দৱাযুৰুপৱাত্যনুকূলং
মানযন্ মলযজস্পৰ্শেন ।
ৱন্দিনস্তমুপদেৱগণা যে
ৱাদ্যগীতবলিভিঃ পৰিৱৱ্ৰুঃ ॥ ২১ ॥
মানযন্ মলযজস্পৰ্শেন ।
ৱন্দিনস্তমুপদেৱগণা যে
ৱাদ্যগীতবলিভিঃ পৰিৱৱ্ৰুঃ ॥ ২১ ॥
ৱত্সলো ৱ্ৰজগৱাং যদগধ্ৰো
ৱন্দ্যমানচৰণঃ পথি ৱৃদ্ধৈঃ ।
কৃত্স্নগোধনমুপোহ্য দিনান্তে
গীতৱেণুৰনুগেডিতকীৰ্তিঃ ॥ ২২ ॥
ৱন্দ্যমানচৰণঃ পথি ৱৃদ্ধৈঃ ।
কৃত্স্নগোধনমুপোহ্য দিনান্তে
গীতৱেণুৰনুগেডিতকীৰ্তিঃ ॥ ২২ ॥
উত্সৱং শ্ৰমৰুচাপি দৃশীনা-
মুন্নযন্ খুৰৰজশ্ছুৰিতস্ৰক্ ।
দিত্সযৈতি সুহৃদাসিষ এষ
দেৱকীজঠৰভূৰুডুৰাজঃ ॥ ২৩ ॥
মুন্নযন্ খুৰৰজশ্ছুৰিতস্ৰক্ ।
দিত্সযৈতি সুহৃদাসিষ এষ
দেৱকীজঠৰভূৰুডুৰাজঃ ॥ ২৩ ॥
মদৱিঘূৰ্ণিতলোচন ঈষত্-
মানদঃ স্ৱসুহৃদাং ৱনমালী ।
বদৰপাণ্ডুৱদনো মৃদুগণ্ডং
মণ্ডযন্ কনককুণ্ডললক্ষ্ম্যা ॥ ২৪ ॥
মানদঃ স্ৱসুহৃদাং ৱনমালী ।
বদৰপাণ্ডুৱদনো মৃদুগণ্ডং
মণ্ডযন্ কনককুণ্ডললক্ষ্ম্যা ॥ ২৪ ॥
যদুপতিৰ্দ্ৱিৰদৰাজৱিহাৰো
যামিনীপতিৰিৱৈষ দিনান্তে ।
মুদিতৱক্ত্ৰ উপযাতি দুৰন্তং
মোচযন্ ৱ্ৰজগৱাং দিনতাপম্ ॥ ২৫ ॥
যামিনীপতিৰিৱৈষ দিনান্তে ।
মুদিতৱক্ত্ৰ উপযাতি দুৰন্তং
মোচযন্ ৱ্ৰজগৱাং দিনতাপম্ ॥ ২৫ ॥
শ্ৰীশুক উৱাচ
এৱং ৱ্ৰজস্ত্ৰিযো ৰাজন্ কৃষ্ণলীলানুগাযতীঃ ।
ৰেমিৰেঽহঃসু তচ্চিত্তাস্তন্মনস্কা মহোদযাঃ ॥ ২৬ ॥
এৱং ৱ্ৰজস্ত্ৰিযো ৰাজন্ কৃষ্ণলীলানুগাযতীঃ ।
ৰেমিৰেঽহঃসু তচ্চিত্তাস্তন্মনস্কা মহোদযাঃ ॥ ২৬ ॥