శ్రీశుక ఉవాచ
గోప్యః కృష్ణే వనం యాతే తమనుద్రుతచేతసః ।
కృష్ణలీలాః ప్రగాయన్త్యో నిన్యుర్దుఃఖేన వాసరాన్ ॥ ౧ ॥
గోప్యః కృష్ణే వనం యాతే తమనుద్రుతచేతసః ।
కృష్ణలీలాః ప్రగాయన్త్యో నిన్యుర్దుఃఖేన వాసరాన్ ॥ ౧ ॥
శ్రీగోప్య ఊచుః
వామబాహుకృతవామకపోలో
వల్గితభ్రురధరార్పితవేణుమ్ ।
కోమలాఙ్గులిభిరాశ్రితమార్గం
గోప్య ఈరయతి యత్ర ముకున్దః ॥ ౨ ॥
వామబాహుకృతవామకపోలో
వల్గితభ్రురధరార్పితవేణుమ్ ।
కోమలాఙ్గులిభిరాశ్రితమార్గం
గోప్య ఈరయతి యత్ర ముకున్దః ॥ ౨ ॥
వ్యోమయానవనితాః సహ సిద్ధై-
ర్విస్మితాస్తదుపధార్య సలజ్జాః ।
కామమార్గణసమర్పితచిత్తాః
కశ్మలం యయురపస్మృతనీవ్యః ॥ ౩ ॥
ర్విస్మితాస్తదుపధార్య సలజ్జాః ।
కామమార్గణసమర్పితచిత్తాః
కశ్మలం యయురపస్మృతనీవ్యః ॥ ౩ ॥
హన్త చిత్రమబలాః శృణుతేదం
హారహాస ఉరసి స్థిరవిద్యుత్ ।
నన్దసూనురయమార్తజనానాం
నర్మదో యర్హి కూజితవేణుః ॥ ౪ ॥
హారహాస ఉరసి స్థిరవిద్యుత్ ।
నన్దసూనురయమార్తజనానాం
నర్మదో యర్హి కూజితవేణుః ॥ ౪ ॥
వృన్దశో వ్రజవృషా మృగగావో
వేణువాద్యహృతచేతస ఆరాత్ ।
దన్తదష్టకవలా ధృతకర్ణా
నిద్రితా లిఖితచిత్రమివాసన్ ॥ ౫ ॥
వేణువాద్యహృతచేతస ఆరాత్ ।
దన్తదష్టకవలా ధృతకర్ణా
నిద్రితా లిఖితచిత్రమివాసన్ ॥ ౫ ॥
బర్హిణస్తబకధాతుపలాశై-
ర్బద్ధమల్లపరిబర్హవిడమ్బః ।
కర్హిచిత్ సబల ఆలి స గోపై-
ర్గాః సమాహ్వయతి యత్ర ముకున్దః ॥ ౬ ॥
ర్బద్ధమల్లపరిబర్హవిడమ్బః ।
కర్హిచిత్ సబల ఆలి స గోపై-
ర్గాః సమాహ్వయతి యత్ర ముకున్దః ॥ ౬ ॥
తర్హి భగ్నగతయః సరితో వై
తత్పదామ్బుజరజోఽనిలనీతమ్ ।
స్పృహయతీర్వయమివాబహుపుణ్యాః
ప్రేమవేపితభుజాః స్తిమితాపః ॥ ౭ ॥
తత్పదామ్బుజరజోఽనిలనీతమ్ ।
స్పృహయతీర్వయమివాబహుపుణ్యాః
ప్రేమవేపితభుజాః స్తిమితాపః ॥ ౭ ॥
అనుచరైః సమనువర్ణితవీర్య
ఆదిపూరుష ఇవాచలభూతిః ।
వనచరో గిరితటేషు చరన్తీ-
ర్వేణునాహ్వయతి గాః స యదా హి ॥ ౮ ॥
ఆదిపూరుష ఇవాచలభూతిః ।
వనచరో గిరితటేషు చరన్తీ-
ర్వేణునాహ్వయతి గాః స యదా హి ॥ ౮ ॥
వనలతాస్తరవ ఆత్మని విష్ణుం
వ్యఞ్జయన్త్య ఇవ పుష్పఫలాఢ్యాః ।
ప్రణతభారవిటపా మధుధారాః
ప్రేమహృష్టతనవో వవృషుః స్మ ॥ ౯ ॥
వ్యఞ్జయన్త్య ఇవ పుష్పఫలాఢ్యాః ।
ప్రణతభారవిటపా మధుధారాః
ప్రేమహృష్టతనవో వవృషుః స్మ ॥ ౯ ॥
దర్శనీయతిలకో వనమాలా-
దివ్యగన్ధతులసీమధుమత్తైః ।
అలికులైరలఘుగీతామభీష్ట-
మాద్రియన్ యర్హి సన్ధితవేణుః ॥ ౧౦ ॥
దివ్యగన్ధతులసీమధుమత్తైః ।
అలికులైరలఘుగీతామభీష్ట-
మాద్రియన్ యర్హి సన్ధితవేణుః ॥ ౧౦ ॥
సరసి సారసహంసవిహఙ్గా-
శ్చారుగీతాహృతచేతస ఏత్య ।
హరిముపాసత తే యతచిత్తా
హన్త మీలితదృశో ధృతమౌనాః ॥ ౧౧ ॥
శ్చారుగీతాహృతచేతస ఏత్య ।
హరిముపాసత తే యతచిత్తా
హన్త మీలితదృశో ధృతమౌనాః ॥ ౧౧ ॥
సహబలః స్రగవతంసవిలాసః
సానుషు క్షితిభృతో వ్రజదేవ్యః ।
హర్షయన్ యర్హి వేణురవేణ
జాతహర్ష ఉపరమ్భతి విశ్వమ్ ॥ ౧౨ ॥
సానుషు క్షితిభృతో వ్రజదేవ్యః ।
హర్షయన్ యర్హి వేణురవేణ
జాతహర్ష ఉపరమ్భతి విశ్వమ్ ॥ ౧౨ ॥
మహదతిక్రమణశఙ్కితచేతా
మన్దమన్దమనుగర్జతి మేఘః ।
సుహృదమభ్యవర్షత్ సుమనోభి-
శ్ఛాయయా చ విదధత్ ప్రతపత్రమ్ ॥ ౧౩ ॥
మన్దమన్దమనుగర్జతి మేఘః ।
సుహృదమభ్యవర్షత్ సుమనోభి-
శ్ఛాయయా చ విదధత్ ప్రతపత్రమ్ ॥ ౧౩ ॥
వివిధగోపచరణేషు విదగ్ధో
వేణువాద్య ఉరుధా నిజశిక్షాః ।
తవ సుతః సతి యదాధరబిమ్బే
దత్తవేణురనయత్ స్వరజాతీః ॥ ౧౪ ॥
వేణువాద్య ఉరుధా నిజశిక్షాః ।
తవ సుతః సతి యదాధరబిమ్బే
దత్తవేణురనయత్ స్వరజాతీః ॥ ౧౪ ॥
సవనశస్తదుపధార్య సురేశాః
శక్రశర్వపరమేష్ఠిపురోగాః ।
కవయ ఆనతకన్ధరచిత్తాః
కశ్మలం యయురనిశ్చితతత్త్వాః ॥ ౧౫ ॥
శక్రశర్వపరమేష్ఠిపురోగాః ।
కవయ ఆనతకన్ధరచిత్తాః
కశ్మలం యయురనిశ్చితతత్త్వాః ॥ ౧౫ ॥
నిజపదాబ్జదలైర్ధ్వజవజ్ర-
నీరజాఙ్కుశవిచిత్రలలామైః ।
వ్రజభువః శమయన్ ఖురతోదం
వర్ష్మధుర్యగతిరీడితవేణుః ॥ ౧౬ ॥
నీరజాఙ్కుశవిచిత్రలలామైః ।
వ్రజభువః శమయన్ ఖురతోదం
వర్ష్మధుర్యగతిరీడితవేణుః ॥ ౧౬ ॥
వ్రజతి తేన వయం సవిలాస-
వీక్షణార్పితమనోభవవేగాః ।
కుజగతిం గమితా న విదామః
కశ్మలేన కవరం వసనం వా ॥ ౧౭ ॥
వీక్షణార్పితమనోభవవేగాః ।
కుజగతిం గమితా న విదామః
కశ్మలేన కవరం వసనం వా ॥ ౧౭ ॥
మణిధరః క్వచిదాగణయన్ గా
మాలయా దయితగన్ధతులస్యాః ।
ప్రణయినోఽనుచరస్య కదాంసే
ప్రక్షిపన్ భుజమగాయత యత్ర ॥ ౧౮ ॥
మాలయా దయితగన్ధతులస్యాః ।
ప్రణయినోఽనుచరస్య కదాంసే
ప్రక్షిపన్ భుజమగాయత యత్ర ॥ ౧౮ ॥
క్వణితవేణురవవఞ్చితచిత్తాః
కృష్ణమన్వసత కృష్ణగృహిణ్యః ।
గుణగణార్ణమనుగత్య హరిణ్యో
గోపికా ఇవ విముక్తగృహాశాః ॥ ౧౯ ॥
కృష్ణమన్వసత కృష్ణగృహిణ్యః ।
గుణగణార్ణమనుగత్య హరిణ్యో
గోపికా ఇవ విముక్తగృహాశాః ॥ ౧౯ ॥
కున్దదామకృతకౌతుకవేషో
గోపగోధనవృతో యమునాయామ్ ।
నన్దసూనురనఘే తవ వత్సో
నర్మదః ప్రణయిణాం విజహార ॥ ౨౦ ॥
గోపగోధనవృతో యమునాయామ్ ।
నన్దసూనురనఘే తవ వత్సో
నర్మదః ప్రణయిణాం విజహార ॥ ౨౦ ॥
మన్దవాయురుపవాత్యనుకూలం
మానయన్ మలయజస్పర్శేన ।
వన్దినస్తముపదేవగణా యే
వాద్యగీతబలిభిః పరివవ్రుః ॥ ౨౧ ॥
మానయన్ మలయజస్పర్శేన ।
వన్దినస్తముపదేవగణా యే
వాద్యగీతబలిభిః పరివవ్రుః ॥ ౨౧ ॥
వత్సలో వ్రజగవాం యదగధ్రో
వన్ద్యమానచరణః పథి వృద్ధైః ।
కృత్స్నగోధనముపోహ్య దినాన్తే
గీతవేణురనుగేడితకీర్తిః ॥ ౨౨ ॥
వన్ద్యమానచరణః పథి వృద్ధైః ।
కృత్స్నగోధనముపోహ్య దినాన్తే
గీతవేణురనుగేడితకీర్తిః ॥ ౨౨ ॥
ఉత్సవం శ్రమరుచాపి దృశీనా-
మున్నయన్ ఖురరజశ్ఛురితస్రక్ ।
దిత్సయైతి సుహృదాసిష ఏష
దేవకీజఠరభూరుడురాజః ॥ ౨౩ ॥
మున్నయన్ ఖురరజశ్ఛురితస్రక్ ।
దిత్సయైతి సుహృదాసిష ఏష
దేవకీజఠరభూరుడురాజః ॥ ౨౩ ॥
మదవిఘూర్ణితలోచన ఈషత్-
మానదః స్వసుహృదాం వనమాలీ ।
బదరపాణ్డువదనో మృదుగణ్డం
మణ్డయన్ కనకకుణ్డలలక్ష్మ్యా ॥ ౨౪ ॥
మానదః స్వసుహృదాం వనమాలీ ।
బదరపాణ్డువదనో మృదుగణ్డం
మణ్డయన్ కనకకుణ్డలలక్ష్మ్యా ॥ ౨౪ ॥
యదుపతిర్ద్విరదరాజవిహారో
యామినీపతిరివైష దినాన్తే ।
ముదితవక్త్ర ఉపయాతి దురన్తం
మోచయన్ వ్రజగవాం దినతాపమ్ ॥ ౨౫ ॥
యామినీపతిరివైష దినాన్తే ।
ముదితవక్త్ర ఉపయాతి దురన్తం
మోచయన్ వ్రజగవాం దినతాపమ్ ॥ ౨౫ ॥
శ్రీశుక ఉవాచ
ఏవం వ్రజస్త్రియో రాజన్ కృష్ణలీలానుగాయతీః ।
రేమిరేఽహఃసు తచ్చిత్తాస్తన్మనస్కా మహోదయాః ॥ ౨౬ ॥
ఏవం వ్రజస్త్రియో రాజన్ కృష్ణలీలానుగాయతీః ।
రేమిరేఽహఃసు తచ్చిత్తాస్తన్మనస్కా మహోదయాః ॥ ౨౬ ॥