শ্ৰীশুক উৱাচ
সুখোপৱিষ্টঃ পৰ্যঙ্কে ৰামকৃষ্ণোৰুমানিতঃ ।
লেভে মনোৰথান্সৰ্ৱান্পথি যন্ স চকাৰ হ ॥ ১ ॥
সুখোপৱিষ্টঃ পৰ্যঙ্কে ৰামকৃষ্ণোৰুমানিতঃ ।
লেভে মনোৰথান্সৰ্ৱান্পথি যন্ স চকাৰ হ ॥ ১ ॥
কিমলভ্যং ভগৱতি প্ৰসন্নে শ্ৰীনিকেতনে ।
তথাপি তত্পৰা ৰাজন্ন হি ৱাঞ্ছন্তি কিঞ্চন ॥ ২ ॥
তথাপি তত্পৰা ৰাজন্ন হি ৱাঞ্ছন্তি কিঞ্চন ॥ ২ ॥
সাযন্তনাশনং কৃত্ৱা ভগৱান্ দেৱকীসুতঃ ।
সুহৃত্সু ৱৃত্তং কংসস্য পপ্ৰচ্ছান্যচ্চিকীৰ্ষিতম্ ॥ ৩ ॥
সুহৃত্সু ৱৃত্তং কংসস্য পপ্ৰচ্ছান্যচ্চিকীৰ্ষিতম্ ॥ ৩ ॥
শ্ৰীভগৱানুৱাচ
তাত সৌম্যাগতঃ কচ্চ্ত্স্ৱিগতং ভদ্ৰমস্তু ৱঃ ।
অপি স্ৱজ্ঞাতিবন্ধূনামনমীৱমনামযম্ ॥ ৪ ॥
তাত সৌম্যাগতঃ কচ্চ্ত্স্ৱিগতং ভদ্ৰমস্তু ৱঃ ।
অপি স্ৱজ্ঞাতিবন্ধূনামনমীৱমনামযম্ ॥ ৪ ॥
কিং নু নঃ কুশলং পৃচ্ছে এধমানে কুলামযে ।
কংসে মাতুলনাম্নাঙ্গ স্ৱানাং নস্তত্প্ৰজাসু চ ॥ ৫ ॥
কংসে মাতুলনাম্নাঙ্গ স্ৱানাং নস্তত্প্ৰজাসু চ ॥ ৫ ॥
অহো অস্মদভূদ্ ভূৰি পিত্ৰোৰ্ৱৃজিনমাৰ্যযোঃ ।
যদ্ধেতোঃ পুত্ৰমৰণং যদ্ধেতোৰ্বন্ধনং তযোঃ ॥ ৬ ॥
যদ্ধেতোঃ পুত্ৰমৰণং যদ্ধেতোৰ্বন্ধনং তযোঃ ॥ ৬ ॥
দিষ্ট্যাদ্য দৰ্শনং স্ৱানাং মহ্যং ৱঃ সৌম্য কাঙ্ক্ষিতম্ ।
সঞ্জাতং ৱৰ্ণ্যতাং তাত তৱাগমনকাৰণম্ ॥ ৭ ॥
সঞ্জাতং ৱৰ্ণ্যতাং তাত তৱাগমনকাৰণম্ ॥ ৭ ॥
শ্ৰীশুক উৱাচ
পৃষ্টো ভগৱতা সৰ্ৱং ৱৰ্ণযামাস মাধৱঃ ।
ৱৈৰানুবন্ধং যদুষু ৱসুদেৱৱধোদ্যমম্ ॥ ৮ ॥
পৃষ্টো ভগৱতা সৰ্ৱং ৱৰ্ণযামাস মাধৱঃ ।
ৱৈৰানুবন্ধং যদুষু ৱসুদেৱৱধোদ্যমম্ ॥ ৮ ॥
যত্সন্দেশো যদৰ্থং ৱা দূতঃ সম্প্ৰেষিতঃ স্ৱযম্ ।
যদুক্তং নাৰদেনাস্য স্ৱজন্মানকদুন্দুভেঃ ॥ ৯ ॥
যদুক্তং নাৰদেনাস্য স্ৱজন্মানকদুন্দুভেঃ ॥ ৯ ॥
শ্ৰুত্ৱাক্ৰূৰৱচঃ কৃষ্ণো বলশ্চ পৰৱীৰহা ।
প্ৰহস্য নন্দং পিতৰং ৰাজ্ঞা দিষ্টং ৱিজজ্ঞতুঃ ॥ ১০ ॥
প্ৰহস্য নন্দং পিতৰং ৰাজ্ঞা দিষ্টং ৱিজজ্ঞতুঃ ॥ ১০ ॥
গোপান্ সমাদিশত্সোঽপি গৃহ্যতাং সৰ্ৱগোৰসঃ ।
উপাযনানি গৃহ্ণীধ্ৱং যুজ্যন্তাং শকটানি চ ॥ ১১ ॥
উপাযনানি গৃহ্ণীধ্ৱং যুজ্যন্তাং শকটানি চ ॥ ১১ ॥
যাস্যামঃ শ্ৱো মধুপুৰীং দাস্যামো নৃপতে ৰসান্ ।
দ্ৰক্ষ্যামঃ সুমহত্পৰ্ৱ যান্তি জানপদাঃ কিল ।
এৱমাঘোষযত্ ক্ষত্ৰা নন্দগোপঃ স্ৱগোকুলে ॥ ১২ ॥
দ্ৰক্ষ্যামঃ সুমহত্পৰ্ৱ যান্তি জানপদাঃ কিল ।
এৱমাঘোষযত্ ক্ষত্ৰা নন্দগোপঃ স্ৱগোকুলে ॥ ১২ ॥
গোপ্যস্তাস্তদুপশ্ৰুত্য বভূৱুৰ্ৱ্যথিতা ভৃশম্ ।
ৰামকৃষ্ণৌ পুৰীং নেতুমক্ৰূৰং ৱ্ৰজমাগতম্ ॥ ১৩ ॥
ৰামকৃষ্ণৌ পুৰীং নেতুমক্ৰূৰং ৱ্ৰজমাগতম্ ॥ ১৩ ॥
কাশ্চিত্তত্কৃতহৃত্তাপশ্ৱাসম্লানমুখশ্ৰিযঃ ।
স্ৰংসদ্দুকূলৱলযকেশগ্ৰন্থ্যশ্চ কাশ্চন ॥ ১৪ ॥
স্ৰংসদ্দুকূলৱলযকেশগ্ৰন্থ্যশ্চ কাশ্চন ॥ ১৪ ॥
অন্যাশ্চ তদনুধ্যাননিৱৃত্তাশেষৱৃত্তযঃ ।
নাভ্যজানন্নিমং লোকমাত্মলোকং গতা ইৱ ॥ ১৫ ॥
নাভ্যজানন্নিমং লোকমাত্মলোকং গতা ইৱ ॥ ১৫ ॥
স্মৰন্ত্যশ্চাপৰাঃ শৌৰেৰনুৰাগস্মিতেৰিতাঃ ।
হৃদিস্পৃশশ্চিত্ৰপদা গিৰঃ সম্মুমুহুঃ স্ত্ৰিযঃ ॥ ১৬ ॥
হৃদিস্পৃশশ্চিত্ৰপদা গিৰঃ সম্মুমুহুঃ স্ত্ৰিযঃ ॥ ১৬ ॥
গতিং সুললিতাং চেষ্টাং স্নিগ্ধহাসাৱলোকনম্ ।
শোকাপহানি নৰ্মাণি প্ৰোদ্দামচৰিতানি চ ॥ ১৭ ॥
শোকাপহানি নৰ্মাণি প্ৰোদ্দামচৰিতানি চ ॥ ১৭ ॥
চিন্তযন্ত্যো মুকুন্দস্য ভীতা ৱিৰহকাতৰাঃ ।
সমেতাঃ সঙ্ঘশঃ প্ৰোচুৰশ্ৰুমুখ্যোঽচ্যুতাশযাঃ ॥ ১৮ ॥
সমেতাঃ সঙ্ঘশঃ প্ৰোচুৰশ্ৰুমুখ্যোঽচ্যুতাশযাঃ ॥ ১৮ ॥
শ্ৰীগোপ্য ঊচুঃ
অহো ৱিধাতস্তৱ ন ক্ৱচিদ্ দযা
সংযোজ্য মৈত্ৰ্যা প্ৰণযেন দেহিনঃ ।
তাংশ্চাকৃতাৰ্থান্ ৱিযুনঙ্ক্ষ্যপাৰ্থকং
ৱিক্ৰীডিতং তেঽৰ্ভকচেষ্টিতং যথা ॥ ১৯ ॥
অহো ৱিধাতস্তৱ ন ক্ৱচিদ্ দযা
সংযোজ্য মৈত্ৰ্যা প্ৰণযেন দেহিনঃ ।
তাংশ্চাকৃতাৰ্থান্ ৱিযুনঙ্ক্ষ্যপাৰ্থকং
ৱিক্ৰীডিতং তেঽৰ্ভকচেষ্টিতং যথা ॥ ১৯ ॥
যস্ত্ৱং প্ৰদৰ্শ্যাসিতকুন্তলাৱৃতং
মুকুন্দৱক্ত্ৰং সুকপোলমুন্নসম্ ।
শোকাপনোদস্মিতলেশসুন্দৰং
কৰোষি পাৰোক্ষ্যমসাধু তে কৃতম্ ॥ ২০ ॥
মুকুন্দৱক্ত্ৰং সুকপোলমুন্নসম্ ।
শোকাপনোদস্মিতলেশসুন্দৰং
কৰোষি পাৰোক্ষ্যমসাধু তে কৃতম্ ॥ ২০ ॥
ক্ৰূৰস্ত্ৱমক্ৰূৰসমাখ্যযা স্ম ন-
শ্চক্ষুৰ্হি দত্তং হৰসে বতাজ্ঞৱত্ ।
যেনৈকদেশেঽখিলসৰ্গসৌষ্ঠৱং
ত্ৱদীযমদ্ৰাক্ষ্ম ৱযং মধুদ্ৱিষঃ ॥ ২১ ॥
শ্চক্ষুৰ্হি দত্তং হৰসে বতাজ্ঞৱত্ ।
যেনৈকদেশেঽখিলসৰ্গসৌষ্ঠৱং
ত্ৱদীযমদ্ৰাক্ষ্ম ৱযং মধুদ্ৱিষঃ ॥ ২১ ॥
ন নন্দসূনুঃ ক্ষণভঙ্গসৌহৃদঃ
সমীক্ষতে নঃ স্ৱকৃতাতুৰা বত ।
ৱিহায গেহান্ স্ৱজনান্ সুতান্পতীং-
স্তদ্দাস্যমদ্ধোপগতা নৱপ্ৰিযঃ ॥ ২২ ॥
সমীক্ষতে নঃ স্ৱকৃতাতুৰা বত ।
ৱিহায গেহান্ স্ৱজনান্ সুতান্পতীং-
স্তদ্দাস্যমদ্ধোপগতা নৱপ্ৰিযঃ ॥ ২২ ॥
সুখং প্ৰভাতা ৰজনীযমাশিষঃ
সত্যা বভূৱুঃ পুৰযোষিতাং ধ্ৰুৱম্ ।
যাঃ সংপ্ৰৱিষ্টস্য মুখং ৱ্ৰজস্পতেঃ
পাস্যন্ত্যপাঙ্গোত্কলিতস্মিতাসৱম্ ॥ ২৩ ॥
সত্যা বভূৱুঃ পুৰযোষিতাং ধ্ৰুৱম্ ।
যাঃ সংপ্ৰৱিষ্টস্য মুখং ৱ্ৰজস্পতেঃ
পাস্যন্ত্যপাঙ্গোত্কলিতস্মিতাসৱম্ ॥ ২৩ ॥
তাসাং মুকুন্দো মধুমঞ্জুভাষিতৈ-
ৰ্গৃহীতচিত্তঃ পৰৱান্ মনস্ৱ্যপি ।
কথং পুনৰ্নঃ প্ৰতিযাস্যতেঽবলা
গ্ৰাম্যাঃ সলজ্জস্মিতৱিভ্ৰমৈৰ্ভ্ৰমন্ ॥ ২৪ ॥
ৰ্গৃহীতচিত্তঃ পৰৱান্ মনস্ৱ্যপি ।
কথং পুনৰ্নঃ প্ৰতিযাস্যতেঽবলা
গ্ৰাম্যাঃ সলজ্জস্মিতৱিভ্ৰমৈৰ্ভ্ৰমন্ ॥ ২৪ ॥
অদ্য ধ্ৰুৱং তত্ৰ দৃশো ভৱিষ্যতে
দাশাৰ্হভোজান্ধকৱৃষ্ণিসাত্ৱতাম্ ।
মহোত্সৱঃ শ্ৰীৰমণং গুণাস্পদং
দ্ৰক্ষ্যন্তি যে চাধ্ৱনি দেৱকীসুতম্ ॥ ২৫ ॥
দাশাৰ্হভোজান্ধকৱৃষ্ণিসাত্ৱতাম্ ।
মহোত্সৱঃ শ্ৰীৰমণং গুণাস্পদং
দ্ৰক্ষ্যন্তি যে চাধ্ৱনি দেৱকীসুতম্ ॥ ২৫ ॥
মৈতদ্ৱিধস্যাকৰুণস্য নাম ভূ-
দক্ৰূৰ ইত্যেতদতীৱ দাৰুণঃ ।
যোঽসাৱনাশ্ৱাস্য সুদুঃখিতং জনং
প্ৰিযাত্প্ৰিযং নেষ্যতি পাৰমধ্ৱনঃ ॥ ২৬ ॥
দক্ৰূৰ ইত্যেতদতীৱ দাৰুণঃ ।
যোঽসাৱনাশ্ৱাস্য সুদুঃখিতং জনং
প্ৰিযাত্প্ৰিযং নেষ্যতি পাৰমধ্ৱনঃ ॥ ২৬ ॥
অনাৰ্দ্ৰধীৰেষ সমাস্থিতো ৰথং
তমন্ৱমী চ ত্ৱৰযন্তি দুৰ্মদাঃ ।
গোপা অনোভিঃ স্থৱিৰৈৰুপেক্ষিতং
দৈৱং চ নোঽদ্য প্ৰতিকূলমীহতে ॥ ২৭ ॥
তমন্ৱমী চ ত্ৱৰযন্তি দুৰ্মদাঃ ।
গোপা অনোভিঃ স্থৱিৰৈৰুপেক্ষিতং
দৈৱং চ নোঽদ্য প্ৰতিকূলমীহতে ॥ ২৭ ॥
নিৱাৰযামঃ সমুপেত্য মাধৱং
কিং নোঽকৰিষ্যন্ কুলৱৃদ্ধবান্ধৱাঃ ।
মুকুন্দসঙ্গান্নিমিষাৰ্ধদুস্ত্যজাদ্
দৈৱেন ৱিধ্ৱংসিতদীনচেতসাম্ ॥ ২৮ ॥
কিং নোঽকৰিষ্যন্ কুলৱৃদ্ধবান্ধৱাঃ ।
মুকুন্দসঙ্গান্নিমিষাৰ্ধদুস্ত্যজাদ্
দৈৱেন ৱিধ্ৱংসিতদীনচেতসাম্ ॥ ২৮ ॥
যস্যানুৰাগললিতস্মিতৱল্গুমন্ত্ৰ-
লীলাৱলোকপৰিৰম্ভণৰাসগোষ্ঠাম্ ।
নীতাঃ স্ম নঃ ক্ষণমিৱ ক্ষণদা ৱিনা তং
গোপ্যঃ কথং ন্ৱতিতৰেম তমো দুৰন্তম্ ॥ ২৯ ॥
লীলাৱলোকপৰিৰম্ভণৰাসগোষ্ঠাম্ ।
নীতাঃ স্ম নঃ ক্ষণমিৱ ক্ষণদা ৱিনা তং
গোপ্যঃ কথং ন্ৱতিতৰেম তমো দুৰন্তম্ ॥ ২৯ ॥
যোঽহ্নঃ ক্ষযে ৱ্ৰজমনন্তসখঃ পৰীতো
গোপৈৰ্ৱিশন্ খুৰৰজশ্ছুৰিতালকস্ৰক্ ।
ৱেণুং ক্ৱণন্ স্মিতকটাক্ষনিৰীক্ষণেন
চিত্তং ক্ষিণোত্যমুমৃতে নু কথং ভৱেম ॥ ৩০ ॥
গোপৈৰ্ৱিশন্ খুৰৰজশ্ছুৰিতালকস্ৰক্ ।
ৱেণুং ক্ৱণন্ স্মিতকটাক্ষনিৰীক্ষণেন
চিত্তং ক্ষিণোত্যমুমৃতে নু কথং ভৱেম ॥ ৩০ ॥
শ্ৰীশুক উৱাচ
এৱং ব্ৰুৱাণা ৱিৰহাতুৰা ভৃশং
ৱ্ৰজস্ত্ৰিযঃ কৃষ্ণৱিষক্তমানসাঃ ।
ৱিসৃজ্য লজ্জাং ৰুৰুদুঃ স্ম সুস্ৱৰং
গোৱিন্দ দামোদৰ মাধৱেতি ॥ ৩১ ॥
এৱং ব্ৰুৱাণা ৱিৰহাতুৰা ভৃশং
ৱ্ৰজস্ত্ৰিযঃ কৃষ্ণৱিষক্তমানসাঃ ।
ৱিসৃজ্য লজ্জাং ৰুৰুদুঃ স্ম সুস্ৱৰং
গোৱিন্দ দামোদৰ মাধৱেতি ॥ ৩১ ॥
স্ত্ৰীণামেৱং ৰুদন্তীনামুদিতে সৱিতৰ্যথ ।
অক্ৰূৰশ্চোদযামাস কৃতমৈত্ৰাদিকো ৰথম্ ॥ ৩২ ॥
অক্ৰূৰশ্চোদযামাস কৃতমৈত্ৰাদিকো ৰথম্ ॥ ৩২ ॥
গোপাস্তমন্ৱসজ্জন্ত নন্দাদ্যাঃ শকটৈস্ততঃ ।
আদাযোপাযনং ভূৰি কুম্ভান্ গোৰসসম্ভৃতান্ ॥ ৩৩ ॥
আদাযোপাযনং ভূৰি কুম্ভান্ গোৰসসম্ভৃতান্ ॥ ৩৩ ॥
গোপ্যশ্চ দযিতং কৃষ্ণমনুৱ্ৰজ্যানুৰঞ্জিতাঃ ।
প্ৰত্যাদেশং ভগৱতঃ কাঙ্ক্ষন্ত্যশ্চাৱতস্থিৰে ॥ ৩৪ ॥
প্ৰত্যাদেশং ভগৱতঃ কাঙ্ক্ষন্ত্যশ্চাৱতস্থিৰে ॥ ৩৪ ॥
তাস্তথা তপ্যতীৰ্ৱীক্ষ্য স্ৱপ্ৰস্থানে যদূত্তমঃ ।
সান্ত্ৱযামাস সপ্ৰেমৈৰাযাস্য ইতি দৌত্যকৈঃ ॥ ৩৫ ॥
সান্ত্ৱযামাস সপ্ৰেমৈৰাযাস্য ইতি দৌত্যকৈঃ ॥ ৩৫ ॥
যাৱদালক্ষ্যতে কেতুৰ্যাৱদ্ ৰেণূ ৰথস্য চ ।
অনুপ্ৰস্থাপিতাত্মানো লেখ্যানীৱোপলক্ষিতাঃ ॥ ৩৬ ॥
অনুপ্ৰস্থাপিতাত্মানো লেখ্যানীৱোপলক্ষিতাঃ ॥ ৩৬ ॥
তা নিৰাশা নিৱৱৃতুৰ্গোৱিন্দৱিনিৱৰ্তনে ।
ৱিশোকা অহনী নিন্যুৰ্গাযন্ত্যঃ প্ৰিযচেষ্টিতম্ ॥ ৩৭ ॥
ৱিশোকা অহনী নিন্যুৰ্গাযন্ত্যঃ প্ৰিযচেষ্টিতম্ ॥ ৩৭ ॥
ভগৱানপি সম্প্ৰাপ্তো ৰামাক্ৰূৰযুতো নৃপ ।
ৰথেন ৱাযুৱেগেন কালিন্দীমঘনাশিনীম্ ॥ ৩৮ ॥
ৰথেন ৱাযুৱেগেন কালিন্দীমঘনাশিনীম্ ॥ ৩৮ ॥
তত্ৰোপস্পৃশ্য পানীযং পীত্ৱা মৃষ্টং মণিপ্ৰভম্ ।
ৱৃক্ষষণ্ডমুপৱ্ৰজ্য সৰামো ৰথমাৱিশত্ ॥ ৩৯ ॥
ৱৃক্ষষণ্ডমুপৱ্ৰজ্য সৰামো ৰথমাৱিশত্ ॥ ৩৯ ॥
অক্ৰূৰস্তাৱুপামন্ত্ৰ্য নিৱেশ্য চ ৰথোপৰি ।
কালিন্দ্যা হ্ৰদমাগত্য স্নানং ৱিধিৱদাচৰত্ ॥ ৪০ ॥
কালিন্দ্যা হ্ৰদমাগত্য স্নানং ৱিধিৱদাচৰত্ ॥ ৪০ ॥
নিমজ্জ্য তস্মিন্সলিলে জপন্ব্ৰহ্ম সনাতনম্ ।
তাৱেৱ দদৃশেঽক্ৰূৰো ৰামকৃষ্ণৌ সমন্ৱিতৌ ॥ ৪১ ॥
তাৱেৱ দদৃশেঽক্ৰূৰো ৰামকৃষ্ণৌ সমন্ৱিতৌ ॥ ৪১ ॥
তৌ ৰথস্থৌ কথমিহ সুতাৱানকদুন্দুভেঃ ।
তৰ্হি স্ৱিত্স্যন্দনে ন স্ত ইত্যুন্মজ্জ্য ৱ্যচষ্ট সঃ ॥ ৪২ ॥
তৰ্হি স্ৱিত্স্যন্দনে ন স্ত ইত্যুন্মজ্জ্য ৱ্যচষ্ট সঃ ॥ ৪২ ॥
তত্ৰাপি চ যথাপূৰ্ৱমাসীনৌ পুনৰেৱ সঃ ।
ন্যমজ্জদ্ দৰ্শনং যন্মে মৃষা কিং সলিলে তযোঃ ॥ ৪৩ ॥
ন্যমজ্জদ্ দৰ্শনং যন্মে মৃষা কিং সলিলে তযোঃ ॥ ৪৩ ॥
ভূযস্তত্ৰাপি সোঽদ্ৰাক্ষীত্স্তূযমানমহীশ্ৱৰম্ ।
সিদ্ধচাৰণগন্ধৰ্ৱৈৰসুৰৈৰ্নতকন্ধৰৈঃ ॥ ৪৪ ॥
সিদ্ধচাৰণগন্ধৰ্ৱৈৰসুৰৈৰ্নতকন্ধৰৈঃ ॥ ৪৪ ॥
সহস্ৰশিৰসং দেৱং সহস্ৰফণমৌলিনম্ ।
নীলাম্বৰং ৱিসশ্ৱেতং শৃঙ্গৈঃ শ্ৱেতমিৱ স্থিতম্ ॥ ৪৫ ॥
নীলাম্বৰং ৱিসশ্ৱেতং শৃঙ্গৈঃ শ্ৱেতমিৱ স্থিতম্ ॥ ৪৫ ॥
তস্যোত্সঙ্গে ঘনশ্যামং পীতকৌশেযৱাসসম্ ।
পুৰুষং চতুৰ্ভুজং শান্তং পদ্মপত্ৰাৰুণেক্ষণম্ ॥ ৪৬ ॥
পুৰুষং চতুৰ্ভুজং শান্তং পদ্মপত্ৰাৰুণেক্ষণম্ ॥ ৪৬ ॥
চাৰুপ্ৰসন্নৱদনং চাৰুহাসনিৰীক্ষণম্ ।
সুভ্ৰূন্নসং চাৰুকৰ্ণং সুকপোলাৰুণাধৰম্ ॥ ৪৭ ॥
সুভ্ৰূন্নসং চাৰুকৰ্ণং সুকপোলাৰুণাধৰম্ ॥ ৪৭ ॥
প্ৰলম্বপীৱৰভুজং তুঙ্গাংসোৰঃস্থলশ্ৰিযম্ ।
কম্বুকণ্ঠং নিম্ননাভিং ৱলিমত্পল্লৱোদৰম্ ॥ ৪৮ ॥
কম্বুকণ্ঠং নিম্ননাভিং ৱলিমত্পল্লৱোদৰম্ ॥ ৪৮ ॥
বৃহত্কটিতটশ্ৰোণিকৰভোৰুদ্ৱযান্ৱিতম্ ।
চাৰুজানুযুগং চাৰুজঙ্ঘাযুগলসংযুতম্ ॥ ৪৯ ॥
চাৰুজানুযুগং চাৰুজঙ্ঘাযুগলসংযুতম্ ॥ ৪৯ ॥
তুঙ্গগুল্ফাৰুণনখৱ্ৰাতদীধিতিভিৰ্ৱৃতম্ ।
নৱাঙ্গুল্যঙ্গুষ্ঠদলৈৰ্ৱিলসত্ পাদপঙ্কজম্ ॥ ৫০ ॥
নৱাঙ্গুল্যঙ্গুষ্ঠদলৈৰ্ৱিলসত্ পাদপঙ্কজম্ ॥ ৫০ ॥
সুমহাৰ্হমণিৱ্ৰাতকিৰীটকটকাঙ্গদৈঃ ।
কটিসূত্ৰব্ৰহ্মসূত্ৰহাৰনূপুৰকুণ্ডলৈঃ ॥ ৫১ ॥
কটিসূত্ৰব্ৰহ্মসূত্ৰহাৰনূপুৰকুণ্ডলৈঃ ॥ ৫১ ॥
ভ্ৰাজমানং পদ্মকৰং শঙ্খচক্ৰগদাধৰম্ ।
শ্ৰীৱত্সৱক্ষসং ভ্ৰাজত্কৌস্তুভং ৱনমালিনম্ ॥ ৫২ ॥
শ্ৰীৱত্সৱক্ষসং ভ্ৰাজত্কৌস্তুভং ৱনমালিনম্ ॥ ৫২ ॥
সুনন্দনন্দপ্ৰমুখৈঃ পৰ্ষদৈঃ সনকাদিভিঃ ।
সুৰেশৈৰ্ব্ৰহ্মৰুদ্ৰাদ্যৈৰ্নৱভিশ্চ দ্ৱিজোত্তমৈঃ ॥ ৫৩ ॥
সুৰেশৈৰ্ব্ৰহ্মৰুদ্ৰাদ্যৈৰ্নৱভিশ্চ দ্ৱিজোত্তমৈঃ ॥ ৫৩ ॥
প্ৰহ্ৰাদনাৰদৱসুপ্ৰমুখৈৰ্ভাগৱতোত্তমৈঃ ।
স্তূযমানং পৃথগ্ভাৱৈৰ্ৱচোভিৰমলাত্মভিঃ ॥ ৫৪ ॥
স্তূযমানং পৃথগ্ভাৱৈৰ্ৱচোভিৰমলাত্মভিঃ ॥ ৫৪ ॥
শ্ৰিযা পুষ্ট্যা গিৰা কান্ত্যা কীৰ্ত্যা তুষ্ট্যেলযোৰ্জযা ।
ৱিদ্যযাৱিদ্যযা শক্ত্যা মাযযা চ নিষেৱিতম্ ॥ ৫৫ ॥
ৱিদ্যযাৱিদ্যযা শক্ত্যা মাযযা চ নিষেৱিতম্ ॥ ৫৫ ॥
ৱিলোক্য সুভৃশং প্ৰীতো ভক্ত্যা পৰমযা যুতঃ ।
হৃষ্যত্তনূৰুহো ভাৱপৰিক্লিন্নাত্মলোচনঃ ॥ ৫৬ ॥
হৃষ্যত্তনূৰুহো ভাৱপৰিক্লিন্নাত্মলোচনঃ ॥ ৫৬ ॥
গিৰা গদ্গদযাস্তৌষীত্ সত্ত্ৱমালম্ব্য সাত্ৱতঃ ।
প্ৰণম্য মূৰ্ধ্নাৱহিতঃ কৃতাঞ্জলিপুটঃ শনৈঃ ॥ ৫৭ ॥
প্ৰণম্য মূৰ্ধ্নাৱহিতঃ কৃতাঞ্জলিপুটঃ শনৈঃ ॥ ৫৭ ॥