শ্রীশুক উবাচ
নন্দঃ পথি বচঃ শৌরের্ন মৃষেতি বিচিন্তযন্ ।
হরিং জগাম শরণমুত্পাতাগমশঙ্কিতঃ ॥ ১ ॥
নন্দঃ পথি বচঃ শৌরের্ন মৃষেতি বিচিন্তযন্ ।
হরিং জগাম শরণমুত্পাতাগমশঙ্কিতঃ ॥ ১ ॥
কংসেন প্রহিতা ঘোরা পূতনা বালঘাতিনী ।
শিশূংশ্চচার নিঘ্নন্তী পুরগ্রামব্রজাদিষু ॥ ২ ॥
শিশূংশ্চচার নিঘ্নন্তী পুরগ্রামব্রজাদিষু ॥ ২ ॥
ন যত্র শ্রবণাদীনি রক্ষোঘ্নানি স্বকর্মসু ।
কুর্বন্তি সাত্বতাং ভর্তুর্যাতুধান্যশ্চ তত্র হি ॥ ৩ ॥
কুর্বন্তি সাত্বতাং ভর্তুর্যাতুধান্যশ্চ তত্র হি ॥ ৩ ॥
সা খেচর্যেকদোত্পত্য পূতনা নন্দগোকুলম্ ।
যোষিত্বা মাযযাত্মানং প্রাবিশত্ কামচারিণী ॥ ৪ ॥
যোষিত্বা মাযযাত্মানং প্রাবিশত্ কামচারিণী ॥ ৪ ॥
তাং কেশবন্ধব্যতিষক্তমল্লিকাং
বৃহন্নিতম্বস্তনকৃচ্ছ্রমধ্যমাম্ ।
সুবাসসং কল্পিতকর্ণভূষণ-
ত্বিষোল্লসত্কুন্তলমণ্ডিতাননাম্ ॥ ৫ ॥
বৃহন্নিতম্বস্তনকৃচ্ছ্রমধ্যমাম্ ।
সুবাসসং কল্পিতকর্ণভূষণ-
ত্বিষোল্লসত্কুন্তলমণ্ডিতাননাম্ ॥ ৫ ॥
বল্গুস্মিতাপাঙ্গবিসর্গবীক্ষিতৈ-
র্মনো হরন্তীং বনিতাং ব্রজৌকসাম্ ।
অমংসতাম্ভোজকরেণ রূপিণীং
গোপ্যঃ শ্রিযং দ্রষ্টুমিবাগতাং পতিম্ ॥ ৬ ॥
র্মনো হরন্তীং বনিতাং ব্রজৌকসাম্ ।
অমংসতাম্ভোজকরেণ রূপিণীং
গোপ্যঃ শ্রিযং দ্রষ্টুমিবাগতাং পতিম্ ॥ ৬ ॥
বালগ্রহস্তত্র বিচিন্বতী শিশূন্
যদৃচ্ছযা নন্দগৃহেঽসদন্তকম্ ।
বালং প্রতিচ্ছন্ননিজোরুতেজসং
দদর্শ তল্পেঽগ্নিমিবাহিতং ভসি ॥ ৭ ॥
যদৃচ্ছযা নন্দগৃহেঽসদন্তকম্ ।
বালং প্রতিচ্ছন্ননিজোরুতেজসং
দদর্শ তল্পেঽগ্নিমিবাহিতং ভসি ॥ ৭ ॥
বিবুধ্য তাং বালকমারিকাগ্রহং
চরাচরাত্মা স নিমীলিতেক্ষণঃ ।
অনন্তমারোপযদঙ্কমন্তকং
যথোরগং সুপ্তমবুদ্ধিরজ্জুধীঃ ॥ ৮ ॥
চরাচরাত্মা স নিমীলিতেক্ষণঃ ।
অনন্তমারোপযদঙ্কমন্তকং
যথোরগং সুপ্তমবুদ্ধিরজ্জুধীঃ ॥ ৮ ॥
তাং তীক্ষ্ণচিত্তামতিবামচেষ্টিতাং
বীক্ষ্যান্তরা কোষপরিচ্ছদাসিবত্ ।
বরস্ত্রিযং তত্প্রভযা চ ধর্ষিতে
নিরীক্ষ্যমাণে জননী হ্যতিষ্ঠতাম্ ॥ ৯ ॥
বীক্ষ্যান্তরা কোষপরিচ্ছদাসিবত্ ।
বরস্ত্রিযং তত্প্রভযা চ ধর্ষিতে
নিরীক্ষ্যমাণে জননী হ্যতিষ্ঠতাম্ ॥ ৯ ॥
তস্মিন্ স্তনং দুর্জরবীর্যমুল্বণং
ঘোরাঙ্কমাদায শিশোর্দদাবথ ।
গাঢং করাভ্যাং ভগবান্ প্রপীড্য তত্-
প্রাণৈঃ সমং রোষসমন্বিতোঽপিবত্ ॥ ১০ ॥
ঘোরাঙ্কমাদায শিশোর্দদাবথ ।
গাঢং করাভ্যাং ভগবান্ প্রপীড্য তত্-
প্রাণৈঃ সমং রোষসমন্বিতোঽপিবত্ ॥ ১০ ॥
সা মুঞ্চ মুঞ্চালমিতি প্রভাষিণী
নিষ্পীড্যমানাখিলজীবমর্মণি ।
বিবৃত্য নেত্রে চরণৌ ভুজৌ মুহুঃ
প্রস্বিন্নগাত্রা ক্ষিপতী রুরোদ হ ॥ ১১ ॥
নিষ্পীড্যমানাখিলজীবমর্মণি ।
বিবৃত্য নেত্রে চরণৌ ভুজৌ মুহুঃ
প্রস্বিন্নগাত্রা ক্ষিপতী রুরোদ হ ॥ ১১ ॥
তস্যাঃ স্বনেনাতিগভীররংহসা
সাদ্রির্মহী দ্যৌশ্চ চচাল সগ্রহা ।
রসা দিশশ্চ প্রতিনেদিরে জনাঃ
পেতুঃ ক্ষিতৌ বজ্রনিপাতশঙ্কযা ॥ ১২ ॥
সাদ্রির্মহী দ্যৌশ্চ চচাল সগ্রহা ।
রসা দিশশ্চ প্রতিনেদিরে জনাঃ
পেতুঃ ক্ষিতৌ বজ্রনিপাতশঙ্কযা ॥ ১২ ॥
নিশাচরীত্থং ব্যথিতস্তনা ব্যসু-
র্ব্যাদায কেশাংশ্চরণৌ ভুজাবপি ।
প্রসার্য গোষ্ঠে নিজরূপমাস্থিতা
বজ্রাহতো বৃত্র ইবাপতন্নৃপ ॥ ১৩ ॥
র্ব্যাদায কেশাংশ্চরণৌ ভুজাবপি ।
প্রসার্য গোষ্ঠে নিজরূপমাস্থিতা
বজ্রাহতো বৃত্র ইবাপতন্নৃপ ॥ ১৩ ॥
পতমানোঽপি তদ্দেহস্ত্রিগব্যূত্যন্তরদ্রুমান্ ।
চূর্ণযামাস রাজেন্দ্র মহদাসীত্তদদ্ভুতম্ ॥ ১৪ ॥
চূর্ণযামাস রাজেন্দ্র মহদাসীত্তদদ্ভুতম্ ॥ ১৪ ॥
ঈষামাত্রোগ্রদংষ্ট্রাস্যং গিরিকন্দরনাসিকম্ ।
গণ্ডশৈলস্তনং রৌদ্রং প্রকীর্ণারুণমূর্ধজম্ ॥ ১৫ ॥
গণ্ডশৈলস্তনং রৌদ্রং প্রকীর্ণারুণমূর্ধজম্ ॥ ১৫ ॥
অন্ধকূপগভীরাক্ষং পুলিনারোহভীষণম্ ।
বদ্ধসেতুভুজোর্বঙ্ঘ্রি শূন্যতোযহ্রদোদরম্ ॥ ১৬ ॥
বদ্ধসেতুভুজোর্বঙ্ঘ্রি শূন্যতোযহ্রদোদরম্ ॥ ১৬ ॥
সন্তত্রসুঃ স্ম তদ্বীক্ষ্য গোপা গোপ্যঃ কলেবরম্ ।
পূর্বং তু তন্নিঃস্বনিতভিন্নহৃত্কর্ণমস্তকাঃ ॥ ১৭ ॥
পূর্বং তু তন্নিঃস্বনিতভিন্নহৃত্কর্ণমস্তকাঃ ॥ ১৭ ॥
বালং চ তস্যা উরসি ক্রীডন্তমকুতোভযম্ ।
গোপ্যস্তূর্ণং সমভ্যেত্য জগৃহুর্জাতসম্ভ্রমাঃ ॥ ১৮ ॥
গোপ্যস্তূর্ণং সমভ্যেত্য জগৃহুর্জাতসম্ভ্রমাঃ ॥ ১৮ ॥
যশোদারোহিণীভ্যাং তাঃ সমং বালস্য সর্বতঃ ।
রক্ষাং বিদধিরে সম্যগ্গোপুচ্ছভ্রমণাদিভিঃ ॥ ১৯ ॥
রক্ষাং বিদধিরে সম্যগ্গোপুচ্ছভ্রমণাদিভিঃ ॥ ১৯ ॥
গোমূত্রেণ স্নাপযিত্বা পুনর্গোরজসার্ভকম্ ।
রক্ষাং চক্রুশ্চ শকৃতা দ্বাদশাঙ্গেষু নামভিঃ ॥ ২০ ॥
রক্ষাং চক্রুশ্চ শকৃতা দ্বাদশাঙ্গেষু নামভিঃ ॥ ২০ ॥
গোপ্যঃ সংস্পৃষ্টসলিলা অঙ্গেষু করযোঃ পৃথক্ ।
ন্যস্যাত্মন্যথ বালস্য বীজন্যাসমকুর্বত ॥ ২১ ॥
ন্যস্যাত্মন্যথ বালস্য বীজন্যাসমকুর্বত ॥ ২১ ॥
অব্যাদজোঽঙ্ঘ্রি মণিমাংস্তব জান্বথোরূ
যজ্ঞোঽচ্যুতঃ কটিতটং জঠরং হযাস্যঃ ।
হৃত্কেশবস্ত্বদুর ঈশ ইনস্তু কণ্ঠং
বিষ্ণুর্ভুজং মুখমুরুক্রম ঈশ্বরঃ কম্ ॥ ২২ ॥
যজ্ঞোঽচ্যুতঃ কটিতটং জঠরং হযাস্যঃ ।
হৃত্কেশবস্ত্বদুর ঈশ ইনস্তু কণ্ঠং
বিষ্ণুর্ভুজং মুখমুরুক্রম ঈশ্বরঃ কম্ ॥ ২২ ॥
চক্রযগ্রতঃ সহগদো হরিরস্তু পশ্চাত্
ত্বত্পার্শ্বযোর্ধনুরসী মধুহাজনশ্চ ।
কোণেষু শঙ্খ উরুগায উপর্যুপেন্দ্র-
স্তার্ক্ষ্যঃ ক্ষিতৌ হলধরঃ পুরুষঃ সমন্তাত্ ॥ ২৩ ॥
ত্বত্পার্শ্বযোর্ধনুরসী মধুহাজনশ্চ ।
কোণেষু শঙ্খ উরুগায উপর্যুপেন্দ্র-
স্তার্ক্ষ্যঃ ক্ষিতৌ হলধরঃ পুরুষঃ সমন্তাত্ ॥ ২৩ ॥
ইন্দ্রিযাণি হৃষীকেশঃ প্রাণান্ নারাযণোঽবতু ।
শ্বেতদ্বীপপতিশ্চিত্তং মনো যোগেশ্বরোঽবতু ॥ ২৪ ॥
শ্বেতদ্বীপপতিশ্চিত্তং মনো যোগেশ্বরোঽবতু ॥ ২৪ ॥
পৃশ্নিগর্ভস্তু তে বুদ্ধিমাত্মানং ভগবান্ পরঃ ।
ক্রীডন্তং পাতু গোবিন্দঃ শযানং পাতু মাধবঃ ॥ ২৫ ॥
ক্রীডন্তং পাতু গোবিন্দঃ শযানং পাতু মাধবঃ ॥ ২৫ ॥
ব্রজন্তমব্যাদ্বৈকুণ্ঠ আসীনং ত্বাং শ্রিযঃ পতিঃ ।
ভুঞ্জানং যজ্ঞভুক্ পাতু সর্বগ্রহভযঙ্করঃ ॥ ২৬ ॥
ভুঞ্জানং যজ্ঞভুক্ পাতু সর্বগ্রহভযঙ্করঃ ॥ ২৬ ॥
ডাকিন্যো যাতুধান্যশ্চ কুষ্মাণ্ডা যেঽর্ভকগ্রহাঃ ।
ভূতপ্রেতপিশাচাশ্চ যক্ষরক্ষোবিনাযকাঃ ॥ ২৭ ॥
ভূতপ্রেতপিশাচাশ্চ যক্ষরক্ষোবিনাযকাঃ ॥ ২৭ ॥
কোটরা রেবতী জ্যেষ্ঠা পূতনা মাতৃকাদযঃ ।
উন্মাদা যে হ্যপস্মারা দেহপ্রাণেন্দ্রিযদ্রুহঃ ॥ ২৮ ॥
উন্মাদা যে হ্যপস্মারা দেহপ্রাণেন্দ্রিযদ্রুহঃ ॥ ২৮ ॥
স্বপ্নদৃষ্টা মহোত্পাতা বৃদ্ধা বালগ্রহাশ্চ যে ।
সর্বে নশ্যন্তু তে বিষ্ণোর্নামগ্রহণভীরবঃ ॥ ২৯ ॥
সর্বে নশ্যন্তু তে বিষ্ণোর্নামগ্রহণভীরবঃ ॥ ২৯ ॥
শ্রীশুক উবাচ
ইতি প্রণযবদ্ধাভির্গোপীভিঃ কৃতরক্ষণম্ ।
পাযযিত্বা স্তনং মাতা সন্ন্যবেশযদাত্মজম্ ॥ ৩০ ॥
ইতি প্রণযবদ্ধাভির্গোপীভিঃ কৃতরক্ষণম্ ।
পাযযিত্বা স্তনং মাতা সন্ন্যবেশযদাত্মজম্ ॥ ৩০ ॥
তাবন্নন্দাদযো গোপা মথুরাযা ব্রজং গতাঃ ।
বিলোক্য পূতনাদেহং বভূবুরতিবিস্মিতাঃ ॥ ৩১ ॥
বিলোক্য পূতনাদেহং বভূবুরতিবিস্মিতাঃ ॥ ৩১ ॥
নূনং বতর্ষিঃ সঞ্জাতো যোগেশো বা সমাস সঃ ।
স এব দৃষ্টো হ্যুত্পাতো যদাহানকদুন্দুভিঃ ॥ ৩২ ॥
স এব দৃষ্টো হ্যুত্পাতো যদাহানকদুন্দুভিঃ ॥ ৩২ ॥
কলেবরং পরশুভিশ্ছিত্ত্বা তত্তে ব্রজৌকসঃ ।
দূরে ক্ষিপ্ত্বাবযবশো ন্যদহন্ কাষ্ঠবেষ্টিতম্ ॥ ৩৩ ॥
দূরে ক্ষিপ্ত্বাবযবশো ন্যদহন্ কাষ্ঠবেষ্টিতম্ ॥ ৩৩ ॥
দহ্যমানস্য দেহস্য ধূমশ্চাগুরুসৌরভঃ ।
উত্থিতঃ কৃষ্ণনির্ভুক্তসপদ্যাহতপাপ্মনঃ ॥ ৩৪ ॥
উত্থিতঃ কৃষ্ণনির্ভুক্তসপদ্যাহতপাপ্মনঃ ॥ ৩৪ ॥
পূতনা লোকবালঘ্নী রাক্ষসী রুধিরাশনা ।
জিঘাংসযাপি হরযে স্তনং দত্ত্বাপ সদ্গতিম্ ॥ ৩৫ ॥
জিঘাংসযাপি হরযে স্তনং দত্ত্বাপ সদ্গতিম্ ॥ ৩৫ ॥
কিং পুনঃ শ্রদ্ধযা ভক্ত্যা কৃষ্ণায পরমাত্মনে ।
যচ্ছন্ প্রিযতমং কিং নু রক্তাস্তন্মাতরো যথা ॥ ৩৬ ॥
যচ্ছন্ প্রিযতমং কিং নু রক্তাস্তন্মাতরো যথা ॥ ৩৬ ॥
পদ্ভ্যাং ভক্তহৃদিস্থাভ্যাং বন্দ্যাভ্যাং লোকবন্দিতৈঃ ।
অঙ্গং যস্যাঃ সমাক্রম্য ভগবানপিতত্ স্তনম্ ॥ ৩৭ ॥
অঙ্গং যস্যাঃ সমাক্রম্য ভগবানপিতত্ স্তনম্ ॥ ৩৭ ॥
যাতুধান্যপি সা স্বর্গমবাপ জননীগতিম্ ।
কৃষ্ণভুক্তস্তনক্ষীরাঃ কিমু গাবোঽনুমাতরঃ ॥ ৩৮ ॥
কৃষ্ণভুক্তস্তনক্ষীরাঃ কিমু গাবোঽনুমাতরঃ ॥ ৩৮ ॥
পযাংসি যাসামপিবত্ পুত্রস্নেহস্নুতান্যলম্ ।
ভগবান্ দেবকীপুত্রঃ কৈবল্যাদ্যখিলপ্রদঃ ॥ ৩৯ ॥
ভগবান্ দেবকীপুত্রঃ কৈবল্যাদ্যখিলপ্রদঃ ॥ ৩৯ ॥
তাসামবিরতং কৃষ্ণে কুর্বতীনাং সুতেক্ষণম্ ।
ন পুনঃ কল্পতে রাজন্ সংসারোঽজ্ঞানসম্ভবঃ ॥ ৪০ ॥
ন পুনঃ কল্পতে রাজন্ সংসারোঽজ্ঞানসম্ভবঃ ॥ ৪০ ॥
কটধূমস্য সৌরভ্যমবঘ্রায ব্রজৌকসঃ ।
কিমিদং কুত এবেতি বদন্তো ব্রজমাযযুঃ ॥ ৪১ ॥
কিমিদং কুত এবেতি বদন্তো ব্রজমাযযুঃ ॥ ৪১ ॥
তে তত্র বর্ণিতং গোপৈঃ পূতনাগমনাদিকম্ ।
শ্রুত্বা তন্নিধনং স্বস্তি শিশোশ্চাসন্ সুবিস্মিতাঃ ॥ ৪২ ॥
শ্রুত্বা তন্নিধনং স্বস্তি শিশোশ্চাসন্ সুবিস্মিতাঃ ॥ ৪২ ॥
নন্দঃ স্বপুত্রমাদায প্রেত্যাগতমুদারধীঃ ।
মূর্ধ্ন্যুপাঘ্রায পরমাং মুদং লেভে কুরূদ্বহ ॥ ৪৩ ॥
মূর্ধ্ন্যুপাঘ্রায পরমাং মুদং লেভে কুরূদ্বহ ॥ ৪৩ ॥
য এতত্ পূতনামোক্ষং কৃষ্ণস্যার্ভকমদ্ভুতম্ ।
শৃণুযাচ্ছ্রদ্ধযা মর্ত্যো গোবিন্দে লভতে রতিম্ ॥ ৪৪ ॥
শৃণুযাচ্ছ্রদ্ধযা মর্ত্যো গোবিন্দে লভতে রতিম্ ॥ ৪৪ ॥