শ্রীশুক উবাচ
গোবিন্দভুজগুপ্তাযাং দ্বারবত্যাং কুরূদ্বহ ।
অবাত্সীন্নারদোঽভীক্ষ্ণং কৃষ্ণোপাসনলালসঃ ॥ ১ ॥
গোবিন্দভুজগুপ্তাযাং দ্বারবত্যাং কুরূদ্বহ ।
অবাত্সীন্নারদোঽভীক্ষ্ণং কৃষ্ণোপাসনলালসঃ ॥ ১ ॥
কো নু রাজন্নিন্দ্রিযবান্ মুকুন্দচরণাম্বুজম্ ।
ন ভজেত্ সর্বতোমৃত্যুরুপাস্যমমরোত্তমৈঃ ॥ ২ ॥
ন ভজেত্ সর্বতোমৃত্যুরুপাস্যমমরোত্তমৈঃ ॥ ২ ॥
তমেকদা তু দেবর্ষিং বসুদেবো গৃহাগতম্ ।
অর্চিতং সুখমাসীনমভিবাদ্যেদমব্রবীত্ ॥ ৩ ॥
অর্চিতং সুখমাসীনমভিবাদ্যেদমব্রবীত্ ॥ ৩ ॥
শ্রীবসুদেব উবাচ
ভগবন্ ভবতো যাত্রা স্বস্তযে সর্বদেহিনাম্ ।
কৃপণানাং যথা পিত্রোরুত্তমশ্লোকবর্ত্মনাম্ ॥ ৪ ॥
ভগবন্ ভবতো যাত্রা স্বস্তযে সর্বদেহিনাম্ ।
কৃপণানাং যথা পিত্রোরুত্তমশ্লোকবর্ত্মনাম্ ॥ ৪ ॥
ভূতানাং দেবচরিতং দুঃখায চ সুখায চ ।
সুখাযৈব হি সাধূনাং ত্বাদৃশামচ্যুতাত্মনাম্ ॥ ৫ ॥
সুখাযৈব হি সাধূনাং ত্বাদৃশামচ্যুতাত্মনাম্ ॥ ৫ ॥
ভজন্তি যে যথা দেবান্ দেবা অপি তথৈব তান্ ।
ছাযেব কর্মসচিবাঃ সাধবো দীনবত্সলাঃ ॥ ৬ ॥
ছাযেব কর্মসচিবাঃ সাধবো দীনবত্সলাঃ ॥ ৬ ॥
ব্রহ্মংস্তথাপি পৃচ্ছামো ধর্মান্ ভাগবতাংস্তব ।
যান্ শ্রুত্বা শ্রদ্ধযা মর্ত্যো মুচ্যতে সর্বতোভযাত্ ॥ ৭ ॥
যান্ শ্রুত্বা শ্রদ্ধযা মর্ত্যো মুচ্যতে সর্বতোভযাত্ ॥ ৭ ॥
অহং কিল পুরানন্তং প্রজার্থো ভুবি মুক্তিদম্ ।
অপূজযং ন মোক্ষায মোহিতো দেবমাযযা ॥ ৮ ॥
অপূজযং ন মোক্ষায মোহিতো দেবমাযযা ॥ ৮ ॥
যথা বিচিত্রব্যসনাদ্ ভবদ্ভির্বিশ্বতোভযাত্ ।
মুচ্যেম হ্যঞ্জসৈবাদ্ধা তথা নঃ শাধি সুব্রত ॥ ৯ ॥
মুচ্যেম হ্যঞ্জসৈবাদ্ধা তথা নঃ শাধি সুব্রত ॥ ৯ ॥
শ্রীশুক উবাচ
রাজন্নেবং কৃতপ্রশ্নো বসুদেবেন ধীমতা ।
প্রীতস্তমাহ দেবর্ষির্হরেঃ সংস্মারিতো গুণৈঃ ॥ ১০ ॥
রাজন্নেবং কৃতপ্রশ্নো বসুদেবেন ধীমতা ।
প্রীতস্তমাহ দেবর্ষির্হরেঃ সংস্মারিতো গুণৈঃ ॥ ১০ ॥
শ্রীনারদ উবাচ
সম্যগেতদ্ ব্যবসিতং ভবতা সাত্বতর্ষভ ।
যত্ পৃচ্ছসে ভাগবতান্ ধর্মাংস্ত্বং বিশ্বভাবনান্ ॥ ১১ ॥
সম্যগেতদ্ ব্যবসিতং ভবতা সাত্বতর্ষভ ।
যত্ পৃচ্ছসে ভাগবতান্ ধর্মাংস্ত্বং বিশ্বভাবনান্ ॥ ১১ ॥
শ্রুতোঽনুপঠিতো ধ্যাত আদৃতো বানুমোদিতঃ ।
সদ্যঃ পুনাতি সদ্ধর্মো দেব বিশ্বদ্রুহোঽপি হি ॥ ১২ ॥
সদ্যঃ পুনাতি সদ্ধর্মো দেব বিশ্বদ্রুহোঽপি হি ॥ ১২ ॥
ত্বযা পরমকল্যাণঃ পুণ্যশ্রবণকীর্তনঃ ।
স্মারিতো ভগবানদ্য দেবো নারাযণো মম ॥ ১৩ ॥
স্মারিতো ভগবানদ্য দেবো নারাযণো মম ॥ ১৩ ॥
অত্রাপ্যুদাহরন্তীমমিতিহাসং পুরাতনম্ ।
আর্ষভাণাং চ সংবাদং বিদেহস্য মহাত্মনঃ ॥ ১৪ ॥
আর্ষভাণাং চ সংবাদং বিদেহস্য মহাত্মনঃ ॥ ১৪ ॥
প্রিযব্রতো নাম সুতো মনোঃ স্বাযম্ভুবস্য যঃ ।
তস্যাগ্নীধ্রস্ততো নাভিঋর্ষভস্তত্সুতঃ স্মৃতঃ ॥ ১৫ ॥
তস্যাগ্নীধ্রস্ততো নাভিঋর্ষভস্তত্সুতঃ স্মৃতঃ ॥ ১৫ ॥
তমাহুর্বাসুদেবাংশং মোক্ষধর্মবিবক্ষযা ।
অবতীর্ণং সুতশতং তস্যাসীদ্ ব্রহ্মপারগম্ ॥ ১৬ ॥
অবতীর্ণং সুতশতং তস্যাসীদ্ ব্রহ্মপারগম্ ॥ ১৬ ॥
তেষাং বৈ ভরতো জ্যেষ্ঠো নারাযণপরাযণঃ ।
বিখ্যাতং বর্ষমেতদ্ যন্নাম্না ভারতমদ্ভুতম্ ॥ ১৭ ॥
বিখ্যাতং বর্ষমেতদ্ যন্নাম্না ভারতমদ্ভুতম্ ॥ ১৭ ॥
স ভুক্তভোগাং ত্যক্ত্বেমাং নির্গতস্তপসা হরিম্ ।
উপাসীনস্তত্পদবীং লেভে বৈ জন্মভিস্ত্রিভিঃ ॥ ১৮ ॥
উপাসীনস্তত্পদবীং লেভে বৈ জন্মভিস্ত্রিভিঃ ॥ ১৮ ॥
তেষাং নব নবদ্বীপপতযোঽস্য সমন্ততঃ ।
কর্মতন্ত্রপ্রণেতার একাশীতির্দ্বিজাতযঃ ॥ ১৯ ॥
কর্মতন্ত্রপ্রণেতার একাশীতির্দ্বিজাতযঃ ॥ ১৯ ॥
নবাভবন্ মহাভাগা মুনযো হ্যর্থশংসিনঃ ।
শ্রমণা বাতরসনা আত্মবিদ্যাবিশারদাঃ ॥ ২০ ॥
শ্রমণা বাতরসনা আত্মবিদ্যাবিশারদাঃ ॥ ২০ ॥
কবির্হবিরন্তরীক্ষঃ প্রবুদ্ধঃ পিপ্পলাযনঃ ।
আবির্হোত্রোঽথ দ্রুমিলশ্চমসঃ করভাজনঃ ॥ ২১ ॥
আবির্হোত্রোঽথ দ্রুমিলশ্চমসঃ করভাজনঃ ॥ ২১ ॥
ত এতে ভগবদ্রূপং বিশ্বং সদসদাত্মকম্ ।
আত্মনোঽব্যতিরেকেণ পশ্যন্তো ব্যচরন্ মহীম্ ॥ ২২ ॥
আত্মনোঽব্যতিরেকেণ পশ্যন্তো ব্যচরন্ মহীম্ ॥ ২২ ॥
অব্যাহতেষ্টগতযঃ সুরসিদ্ধসাধ্য-
গন্ধর্বযক্ষনরকিন্নরনাগলোকান্ ।
মুক্তাশ্চরন্তি মুনিচারণভূতনাথ-
বিদ্যাধরদ্বিজগবাং ভুবনানি কামম্ ॥ ২৩ ॥
গন্ধর্বযক্ষনরকিন্নরনাগলোকান্ ।
মুক্তাশ্চরন্তি মুনিচারণভূতনাথ-
বিদ্যাধরদ্বিজগবাং ভুবনানি কামম্ ॥ ২৩ ॥
ত একদা নিমেঃ সত্রমুপজগ্মুর্যদৃচ্ছযা ।
বিতাযমানমৃষিভিরজনাভে মহাত্মনঃ ॥ ২৪ ॥
বিতাযমানমৃষিভিরজনাভে মহাত্মনঃ ॥ ২৪ ॥
তান্ দৃষ্ট্বা সূর্যসঙ্কাশান্ মহাভাগবতান্ নৃপ ।
যজমানোঽগ্নযো বিপ্রাঃ সর্ব এবোপতস্থিরে ॥ ২৫ ॥
যজমানোঽগ্নযো বিপ্রাঃ সর্ব এবোপতস্থিরে ॥ ২৫ ॥
বিদেহস্তানভিপ্রেত্য নারাযণপরাযণান্ ।
প্রীতঃ সম্পূজযাং চক্রে আসনস্থান্ যথার্হতঃ ॥ ২৬ ॥
প্রীতঃ সম্পূজযাং চক্রে আসনস্থান্ যথার্হতঃ ॥ ২৬ ॥
তান্ রোচমানান্ স্বরুচা ব্রহ্মপুত্রোপমান্ নব ।
পপ্রচ্ছ পরমপ্রীতঃ প্রশ্রযাবনতো নৃপঃ ॥ ২৭ ॥
পপ্রচ্ছ পরমপ্রীতঃ প্রশ্রযাবনতো নৃপঃ ॥ ২৭ ॥
শ্রীবিদেহ উবাচ
মন্যে ভগবতঃ সাক্ষাত্ পার্ষদান্ বো মধুদ্বিষঃ ।
বিষ্ণোর্ভূতানি লোকানাং পাবনায চরন্তি হি ॥ ২৮ ॥
মন্যে ভগবতঃ সাক্ষাত্ পার্ষদান্ বো মধুদ্বিষঃ ।
বিষ্ণোর্ভূতানি লোকানাং পাবনায চরন্তি হি ॥ ২৮ ॥
দুর্লভো মানুষো দেহো দেহিনাং ক্ষণভঙ্গুরঃ ।
তত্রাপি দুর্লভং মন্যে বৈকুণ্ঠপ্রিযদর্শনম্ ॥ ২৯ ॥
তত্রাপি দুর্লভং মন্যে বৈকুণ্ঠপ্রিযদর্শনম্ ॥ ২৯ ॥
অত আত্যন্তিকং ক্ষেমং পৃচ্ছামো ভবতোঽনঘাঃ ।
সংসারেঽস্মিন্ ক্ষণার্ধোঽপি সত্সঙ্গঃ শেবধির্নৃণাম্ ॥ ৩০ ॥
সংসারেঽস্মিন্ ক্ষণার্ধোঽপি সত্সঙ্গঃ শেবধির্নৃণাম্ ॥ ৩০ ॥
ধর্মান্ ভাগবতান্ ব্রূত যদি নঃ শ্রুতযে ক্ষমম্ ।
যৈঃ প্রসন্নঃ প্রপন্নায দাস্যত্যাত্মানমপ্যজঃ ॥ ৩১ ॥
যৈঃ প্রসন্নঃ প্রপন্নায দাস্যত্যাত্মানমপ্যজঃ ॥ ৩১ ॥
শ্রীনারদ উবাচ
এবং তে নিমিনা পৃষ্টা বসুদেব মহত্তমাঃ ।
প্রতিপূজ্যাব্রুবন্ প্রীত্যা সসদস্যর্ত্বিজং নৃপম্ ॥ ৩২ ॥
এবং তে নিমিনা পৃষ্টা বসুদেব মহত্তমাঃ ।
প্রতিপূজ্যাব্রুবন্ প্রীত্যা সসদস্যর্ত্বিজং নৃপম্ ॥ ৩২ ॥
শ্রীকবিরুবাচ
মন্যেঽকুতশ্চিদ্ভযমচ্যুতস্য
পাদাম্বুজোপাসনমত্র নিত্যম্ ।
উদ্বিগ্নবুদ্ধেরসদাত্মভাবাদ্
বিশ্বাত্মনা যত্র নিবর্ততে ভীঃ ॥ ৩৩ ॥
মন্যেঽকুতশ্চিদ্ভযমচ্যুতস্য
পাদাম্বুজোপাসনমত্র নিত্যম্ ।
উদ্বিগ্নবুদ্ধেরসদাত্মভাবাদ্
বিশ্বাত্মনা যত্র নিবর্ততে ভীঃ ॥ ৩৩ ॥
যে বৈ ভগবতা প্রোক্তা উপাযা হ্যাত্মলব্ধযে ।
অঞ্জঃ পুংসামবিদুষাং বিদ্ধি ভাগবতান্ হি তান্ ॥ ৩৪ ॥
অঞ্জঃ পুংসামবিদুষাং বিদ্ধি ভাগবতান্ হি তান্ ॥ ৩৪ ॥
যানাস্থায নরো রাজন্ ন প্রমাদ্যেত কর্হিচিত্ ।
ধাবন্ নিমীল্য বা নেত্রে ন স্খলেন্ন পতেদিহ ॥ ৩৫ ॥
ধাবন্ নিমীল্য বা নেত্রে ন স্খলেন্ন পতেদিহ ॥ ৩৫ ॥
কাযেন বাচা মনসেন্দ্রিযৈর্বা
বুদ্ধ্যাত্মনা বানুসৃতস্বভাবাত্ ।
করোতি যদ্ যত্ সকলং পরস্মৈ
নারাযণাযেতি সমর্পযেত্তত্ ॥ ৩৬ ॥
বুদ্ধ্যাত্মনা বানুসৃতস্বভাবাত্ ।
করোতি যদ্ যত্ সকলং পরস্মৈ
নারাযণাযেতি সমর্পযেত্তত্ ॥ ৩৬ ॥
ভযং দ্বিতীযাভিনিবেশতঃ স্যা-
দীশাদপেতস্য বিপর্যযোঽস্মৃতিঃ ।
তন্মাযযাতো বুধ আভজেত্তং
ভক্ত্যৈকযেশং গুরুদেবতাত্মা ॥ ৩৭ ॥
দীশাদপেতস্য বিপর্যযোঽস্মৃতিঃ ।
তন্মাযযাতো বুধ আভজেত্তং
ভক্ত্যৈকযেশং গুরুদেবতাত্মা ॥ ৩৭ ॥
অবিদ্যমানোঽপ্যবভাতি হি দ্বযো
ধ্যাতুর্ধিযা স্বপ্নমনোরথৌ যথা ।
তত্ কর্মসঙ্কল্পবিকল্পকং মনো
বুধো নিরুন্ধ্যাদভযং ততঃ স্যাত্ ॥ ৩৮ ॥
ধ্যাতুর্ধিযা স্বপ্নমনোরথৌ যথা ।
তত্ কর্মসঙ্কল্পবিকল্পকং মনো
বুধো নিরুন্ধ্যাদভযং ততঃ স্যাত্ ॥ ৩৮ ॥
শৃণ্বন্ সুভদ্রাণি রথাঙ্গপাণে-
র্জন্মানি কর্মাণি চ যানি লোকে ।
গীতানি নামানি তদর্থকানি
গাযন্ বিলজ্জো বিচরেদসঙ্গঃ ॥ ৩৯ ॥
র্জন্মানি কর্মাণি চ যানি লোকে ।
গীতানি নামানি তদর্থকানি
গাযন্ বিলজ্জো বিচরেদসঙ্গঃ ॥ ৩৯ ॥
এবংব্রতঃ স্বপ্রিযনামকীর্ত্যা
জাতানুরাগো দ্রুতচিত্ত উচ্চৈঃ ।
হসত্যথো রোদিতি রৌতি গায-
ত্যুন্মাদবন্নৃত্যতি লোকবাহ্যঃ ॥ ৪০ ॥
জাতানুরাগো দ্রুতচিত্ত উচ্চৈঃ ।
হসত্যথো রোদিতি রৌতি গায-
ত্যুন্মাদবন্নৃত্যতি লোকবাহ্যঃ ॥ ৪০ ॥
খং বাযুমগ্নিং সলিলং মহীং চ
জ্যোতীংষি সত্ত্বানি দিশো দ্রুমাদীন্ ।
সরিত্সমুদ্রাংশ্চ হরেঃ শরীরং
যত্ কিংচ ভূতং প্রণমেদনন্যঃ ॥ ৪১ ॥
জ্যোতীংষি সত্ত্বানি দিশো দ্রুমাদীন্ ।
সরিত্সমুদ্রাংশ্চ হরেঃ শরীরং
যত্ কিংচ ভূতং প্রণমেদনন্যঃ ॥ ৪১ ॥
ভক্তিঃ পরেশানুভবো বিরক্তি-
রন্যত্র চৈষ ত্রিক এককালঃ ।
প্রপদ্যমানস্য যথাশ্নতঃ স্যু-
স্তুষ্টিঃ পুষ্টিঃ ক্ষুদপাযোঽনুঘাসম্ ॥ ৪২ ॥
রন্যত্র চৈষ ত্রিক এককালঃ ।
প্রপদ্যমানস্য যথাশ্নতঃ স্যু-
স্তুষ্টিঃ পুষ্টিঃ ক্ষুদপাযোঽনুঘাসম্ ॥ ৪২ ॥
ইত্যচ্যুতাঙ্ঘ্রি ভজতোঽনুবৃত্ত্যা
ভক্তির্বিরক্তির্ভগবত্প্রবোধঃ ।
ভবন্তি বৈ ভাগবতস্য রাজং-
স্ততঃ পরাং শান্তিমুপৈতি সাক্ষাত্ ॥ ৪৩ ॥
ভক্তির্বিরক্তির্ভগবত্প্রবোধঃ ।
ভবন্তি বৈ ভাগবতস্য রাজং-
স্ততঃ পরাং শান্তিমুপৈতি সাক্ষাত্ ॥ ৪৩ ॥
শ্রীরাজোবাচ
অথ ভাগবতং ব্রূত যদ্ধর্মো যাদৃশো নৃণাম্ ।
যথা চরতি যদ্ ব্রূতে যৈর্লিঙ্গৈর্ভগবত্প্রিযঃ ॥ ৪৪ ॥
অথ ভাগবতং ব্রূত যদ্ধর্মো যাদৃশো নৃণাম্ ।
যথা চরতি যদ্ ব্রূতে যৈর্লিঙ্গৈর্ভগবত্প্রিযঃ ॥ ৪৪ ॥
শ্রীহবিরুবাচ
সর্বভূতেষু যঃ পশ্যেদ্ ভগবদ্ভাবমাত্মনঃ ।
ভূতানি ভগবত্যাত্মন্যেষ ভাগবতোত্তমঃ ॥ ৪৫ ॥
সর্বভূতেষু যঃ পশ্যেদ্ ভগবদ্ভাবমাত্মনঃ ।
ভূতানি ভগবত্যাত্মন্যেষ ভাগবতোত্তমঃ ॥ ৪৫ ॥
ঈশ্বরে তদধীনেষু বালিশেষু দ্বিষত্সু চ ।
প্রেমমৈত্রীকৃপোপেক্ষা যঃ করোতি স মধ্যমঃ ॥ ৪৬ ॥
প্রেমমৈত্রীকৃপোপেক্ষা যঃ করোতি স মধ্যমঃ ॥ ৪৬ ॥
অর্চাযামেব হরযে পূজাং যঃ শ্রদ্ধযেহতে ।
ন তদ্ভক্তেষু চান্যেষু স ভক্তঃ প্রাকৃতঃ স্মৃতঃ ॥ ৪৭ ॥
ন তদ্ভক্তেষু চান্যেষু স ভক্তঃ প্রাকৃতঃ স্মৃতঃ ॥ ৪৭ ॥
গৃহীত্বাপীন্দ্রিযৈরর্থান্যো ন দ্বেষ্টি ন হৃষ্যতি ।
বিষ্ণোর্মাযামিদং পশ্যন্স বৈ ভাগবতোত্তমঃ ॥ ৪৮ ॥
বিষ্ণোর্মাযামিদং পশ্যন্স বৈ ভাগবতোত্তমঃ ॥ ৪৮ ॥
দেহেন্দ্রিযপ্রাণমনোধিযাং যো
জন্মাপ্যযক্ষুদ্ভযতর্ষকৃচ্ছ্রৈঃ ।
সংসারধর্মৈরবিমুহ্যমানঃ
স্মৃত্যা হরের্ভাগবতপ্রধানঃ ॥ ৪৯ ॥
জন্মাপ্যযক্ষুদ্ভযতর্ষকৃচ্ছ্রৈঃ ।
সংসারধর্মৈরবিমুহ্যমানঃ
স্মৃত্যা হরের্ভাগবতপ্রধানঃ ॥ ৪৯ ॥
ন কামকর্মবীজানাং যস্য চেতসি সম্ভবঃ ।
বাসুদেবৈকনিলযঃ স বৈ ভাগবতোত্তমঃ ॥ ৫০ ॥
বাসুদেবৈকনিলযঃ স বৈ ভাগবতোত্তমঃ ॥ ৫০ ॥
ন যস্য জন্মকর্মভ্যাং ন বর্ণাশ্রমজাতিভিঃ ।
সজ্জতেঽস্মিন্নহংভাবো দেহে বৈ স হরেঃ প্রিযঃ ॥ ৫১ ॥
সজ্জতেঽস্মিন্নহংভাবো দেহে বৈ স হরেঃ প্রিযঃ ॥ ৫১ ॥
ন যস্য স্বঃ পর ইতি বিত্তেষ্বাত্মনি বা ভিদা ।
সর্বভূতসমঃ শান্তঃ স বৈ ভাগবতোত্তমঃ ॥ ৫২ ॥
সর্বভূতসমঃ শান্তঃ স বৈ ভাগবতোত্তমঃ ॥ ৫২ ॥
ত্রিভুবনবিভবহেতবেঽপ্যকুণ্ঠ-
স্মৃতিরজিতাত্মসুরাদিভির্বিমৃগ্যাত্ ।
ন চলতি ভগবত্পদারবিন্দা-
ল্লবনিমিষার্ধমপি যঃ স বৈষ্ণবাগ্য্রঃ ॥ ৫৩ ॥
স্মৃতিরজিতাত্মসুরাদিভির্বিমৃগ্যাত্ ।
ন চলতি ভগবত্পদারবিন্দা-
ল্লবনিমিষার্ধমপি যঃ স বৈষ্ণবাগ্য্রঃ ॥ ৫৩ ॥
ভগবত উরুবিক্রমাঙ্ঘ্রিশাখা-
নখমণিচন্দ্রিকযা নিরস্ততাপে ।
হৃদি কথমুপসীদতাং পুনঃ স
প্রভবতি চন্দ্র ইবোদিতেঽর্কতাপঃ ॥ ৫৪ ॥
নখমণিচন্দ্রিকযা নিরস্ততাপে ।
হৃদি কথমুপসীদতাং পুনঃ স
প্রভবতি চন্দ্র ইবোদিতেঽর্কতাপঃ ॥ ৫৪ ॥
বিসৃজতি হৃদযং ন যস্য সাক্ষা-
দ্ধরিরবশাভিহিতোঽপ্যঘৌঘনাশঃ ।
প্রণযরসনযা ধৃতাঙ্ঘ্রিপদ্মঃ
স ভবতি ভাগবতপ্রধান উক্তঃ ॥ ৫৫ ॥
দ্ধরিরবশাভিহিতোঽপ্যঘৌঘনাশঃ ।
প্রণযরসনযা ধৃতাঙ্ঘ্রিপদ্মঃ
স ভবতি ভাগবতপ্রধান উক্তঃ ॥ ৫৫ ॥