ଶ୍ରୀଶୁକ ଉଵାଚ
ଗୋଵିନ୍ଦଭୁଜଗୁପ୍ତାଯାଂ ଦ୍ଵାରଵତ୍ଯାଂ କୁରୂଦ୍ଵହ ।
ଅଵାତ୍ସୀନ୍ନାରଦୋଽଭୀକ୍ଷ୍ଣଂ କୃଷ୍ଣୋପାସନଲାଲସଃ ॥ ୧ ॥
ଗୋଵିନ୍ଦଭୁଜଗୁପ୍ତାଯାଂ ଦ୍ଵାରଵତ୍ଯାଂ କୁରୂଦ୍ଵହ ।
ଅଵାତ୍ସୀନ୍ନାରଦୋଽଭୀକ୍ଷ୍ଣଂ କୃଷ୍ଣୋପାସନଲାଲସଃ ॥ ୧ ॥
କୋ ନୁ ରାଜନ୍ନିନ୍ଦ୍ରିଯଵାନ୍ ମୁକୁନ୍ଦଚରଣାମ୍ବୁଜମ୍ ।
ନ ଭଜେତ୍ ସର୍ଵତୋମୃତ୍ଯୁରୁପାସ୍ଯମମରୋତ୍ତମୈଃ ॥ ୨ ॥
ନ ଭଜେତ୍ ସର୍ଵତୋମୃତ୍ଯୁରୁପାସ୍ଯମମରୋତ୍ତମୈଃ ॥ ୨ ॥
ତମେକଦା ତୁ ଦେଵର୍ଷିଂ ଵସୁଦେଵୋ ଗୃହାଗତମ୍ ।
ଅର୍ଚିତଂ ସୁଖମାସୀନମଭିଵାଦ୍ଯେଦମବ୍ରଵୀତ୍ ॥ ୩ ॥
ଅର୍ଚିତଂ ସୁଖମାସୀନମଭିଵାଦ୍ଯେଦମବ୍ରଵୀତ୍ ॥ ୩ ॥
ଶ୍ରୀଵସୁଦେଵ ଉଵାଚ
ଭଗଵନ୍ ଭଵତୋ ଯାତ୍ରା ସ୍ଵସ୍ତଯେ ସର୍ଵଦେହିନାମ୍ ।
କୃପଣାନାଂ ଯଥା ପିତ୍ରୋରୁତ୍ତମଶ୍ଲୋକଵର୍ତ୍ମନାମ୍ ॥ ୪ ॥
ଭଗଵନ୍ ଭଵତୋ ଯାତ୍ରା ସ୍ଵସ୍ତଯେ ସର୍ଵଦେହିନାମ୍ ।
କୃପଣାନାଂ ଯଥା ପିତ୍ରୋରୁତ୍ତମଶ୍ଲୋକଵର୍ତ୍ମନାମ୍ ॥ ୪ ॥
ଭୂତାନାଂ ଦେଵଚରିତଂ ଦୁଃଖାଯ ଚ ସୁଖାଯ ଚ ।
ସୁଖାଯୈଵ ହି ସାଧୂନାଂ ତ୍ଵାଦୃଶାମଚ୍ଯୁତାତ୍ମନାମ୍ ॥ ୫ ॥
ସୁଖାଯୈଵ ହି ସାଧୂନାଂ ତ୍ଵାଦୃଶାମଚ୍ଯୁତାତ୍ମନାମ୍ ॥ ୫ ॥
ଭଜନ୍ତି ଯେ ଯଥା ଦେଵାନ୍ ଦେଵା ଅପି ତଥୈଵ ତାନ୍ ।
ଛାଯେଵ କର୍ମସଚିଵାଃ ସାଧଵୋ ଦୀନଵତ୍ସଲାଃ ॥ ୬ ॥
ଛାଯେଵ କର୍ମସଚିଵାଃ ସାଧଵୋ ଦୀନଵତ୍ସଲାଃ ॥ ୬ ॥
ବ୍ରହ୍ମଂସ୍ତଥାପି ପୃଚ୍ଛାମୋ ଧର୍ମାନ୍ ଭାଗଵତାଂସ୍ତଵ ।
ଯାନ୍ ଶ୍ରୁତ୍ଵା ଶ୍ରଦ୍ଧଯା ମର୍ତ୍ଯୋ ମୁଚ୍ଯତେ ସର୍ଵତୋଭଯାତ୍ ॥ ୭ ॥
ଯାନ୍ ଶ୍ରୁତ୍ଵା ଶ୍ରଦ୍ଧଯା ମର୍ତ୍ଯୋ ମୁଚ୍ଯତେ ସର୍ଵତୋଭଯାତ୍ ॥ ୭ ॥
ଅହଂ କିଲ ପୁରାନନ୍ତଂ ପ୍ରଜାର୍ଥୋ ଭୁଵି ମୁକ୍ତିଦମ୍ ।
ଅପୂଜଯଂ ନ ମୋକ୍ଷାଯ ମୋହିତୋ ଦେଵମାଯଯା ॥ ୮ ॥
ଅପୂଜଯଂ ନ ମୋକ୍ଷାଯ ମୋହିତୋ ଦେଵମାଯଯା ॥ ୮ ॥
ଯଥା ଵିଚିତ୍ରଵ୍ଯସନାଦ୍ ଭଵଦ୍ଭିର୍ଵିଶ୍ଵତୋଭଯାତ୍ ।
ମୁଚ୍ଯେମ ହ୍ଯଞ୍ଜସୈଵାଦ୍ଧା ତଥା ନଃ ଶାଧି ସୁଵ୍ରତ ॥ ୯ ॥
ମୁଚ୍ଯେମ ହ୍ଯଞ୍ଜସୈଵାଦ୍ଧା ତଥା ନଃ ଶାଧି ସୁଵ୍ରତ ॥ ୯ ॥
ଶ୍ରୀଶୁକ ଉଵାଚ
ରାଜନ୍ନେଵଂ କୃତପ୍ରଶ୍ନୋ ଵସୁଦେଵେନ ଧୀମତା ।
ପ୍ରୀତସ୍ତମାହ ଦେଵର୍ଷିର୍ହରେଃ ସଂସ୍ମାରିତୋ ଗୁଣୈଃ ॥ ୧୦ ॥
ରାଜନ୍ନେଵଂ କୃତପ୍ରଶ୍ନୋ ଵସୁଦେଵେନ ଧୀମତା ।
ପ୍ରୀତସ୍ତମାହ ଦେଵର୍ଷିର୍ହରେଃ ସଂସ୍ମାରିତୋ ଗୁଣୈଃ ॥ ୧୦ ॥
ଶ୍ରୀନାରଦ ଉଵାଚ
ସମ୍ଯଗେତଦ୍ ଵ୍ଯଵସିତଂ ଭଵତା ସାତ୍ଵତର୍ଷଭ ।
ଯତ୍ ପୃଚ୍ଛସେ ଭାଗଵତାନ୍ ଧର୍ମାଂସ୍ତ୍ଵଂ ଵିଶ୍ଵଭାଵନାନ୍ ॥ ୧୧ ॥
ସମ୍ଯଗେତଦ୍ ଵ୍ଯଵସିତଂ ଭଵତା ସାତ୍ଵତର୍ଷଭ ।
ଯତ୍ ପୃଚ୍ଛସେ ଭାଗଵତାନ୍ ଧର୍ମାଂସ୍ତ୍ଵଂ ଵିଶ୍ଵଭାଵନାନ୍ ॥ ୧୧ ॥
ଶ୍ରୁତୋଽନୁପଠିତୋ ଧ୍ଯାତ ଆଦୃତୋ ଵାନୁମୋଦିତଃ ।
ସଦ୍ଯଃ ପୁନାତି ସଦ୍ଧର୍ମୋ ଦେଵ ଵିଶ୍ଵଦ୍ରୁହୋଽପି ହି ॥ ୧୨ ॥
ସଦ୍ଯଃ ପୁନାତି ସଦ୍ଧର୍ମୋ ଦେଵ ଵିଶ୍ଵଦ୍ରୁହୋଽପି ହି ॥ ୧୨ ॥
ତ୍ଵଯା ପରମକଲ୍ଯାଣଃ ପୁଣ୍ଯଶ୍ରଵଣକୀର୍ତନଃ ।
ସ୍ମାରିତୋ ଭଗଵାନଦ୍ଯ ଦେଵୋ ନାରାଯଣୋ ମମ ॥ ୧୩ ॥
ସ୍ମାରିତୋ ଭଗଵାନଦ୍ଯ ଦେଵୋ ନାରାଯଣୋ ମମ ॥ ୧୩ ॥
ଅତ୍ରାପ୍ଯୁଦାହରନ୍ତୀମମିତିହାସଂ ପୁରାତନମ୍ ।
ଆର୍ଷଭାଣାଂ ଚ ସଂଵାଦଂ ଵିଦେହସ୍ଯ ମହାତ୍ମନଃ ॥ ୧୪ ॥
ଆର୍ଷଭାଣାଂ ଚ ସଂଵାଦଂ ଵିଦେହସ୍ଯ ମହାତ୍ମନଃ ॥ ୧୪ ॥
ପ୍ରିଯଵ୍ରତୋ ନାମ ସୁତୋ ମନୋଃ ସ୍ଵାଯମ୍ଭୁଵସ୍ଯ ଯଃ ।
ତସ୍ଯାଗ୍ନୀଧ୍ରସ୍ତତୋ ନାଭିଋର୍ଷଭସ୍ତତ୍ସୁତଃ ସ୍ମୃତଃ ॥ ୧୫ ॥
ତସ୍ଯାଗ୍ନୀଧ୍ରସ୍ତତୋ ନାଭିଋର୍ଷଭସ୍ତତ୍ସୁତଃ ସ୍ମୃତଃ ॥ ୧୫ ॥
ତମାହୁର୍ଵାସୁଦେଵାଂଶଂ ମୋକ୍ଷଧର୍ମଵିଵକ୍ଷଯା ।
ଅଵତୀର୍ଣଂ ସୁତଶତଂ ତସ୍ଯାସୀଦ୍ ବ୍ରହ୍ମପାରଗମ୍ ॥ ୧୬ ॥
ଅଵତୀର୍ଣଂ ସୁତଶତଂ ତସ୍ଯାସୀଦ୍ ବ୍ରହ୍ମପାରଗମ୍ ॥ ୧୬ ॥
ତେଷାଂ ଵୈ ଭରତୋ ଜ୍ଯେଷ୍ଠୋ ନାରାଯଣପରାଯଣଃ ।
ଵିଖ୍ଯାତଂ ଵର୍ଷମେତଦ୍ ଯନ୍ନାମ୍ନା ଭାରତମଦ୍ଭୁତମ୍ ॥ ୧୭ ॥
ଵିଖ୍ଯାତଂ ଵର୍ଷମେତଦ୍ ଯନ୍ନାମ୍ନା ଭାରତମଦ୍ଭୁତମ୍ ॥ ୧୭ ॥
ସ ଭୁକ୍ତଭୋଗାଂ ତ୍ଯକ୍ତ୍ଵେମାଂ ନିର୍ଗତସ୍ତପସା ହରିମ୍ ।
ଉପାସୀନସ୍ତତ୍ପଦଵୀଂ ଲେଭେ ଵୈ ଜନ୍ମଭିସ୍ତ୍ରିଭିଃ ॥ ୧୮ ॥
ଉପାସୀନସ୍ତତ୍ପଦଵୀଂ ଲେଭେ ଵୈ ଜନ୍ମଭିସ୍ତ୍ରିଭିଃ ॥ ୧୮ ॥
ତେଷାଂ ନଵ ନଵଦ୍ଵୀପପତଯୋଽସ୍ଯ ସମନ୍ତତଃ ।
କର୍ମତନ୍ତ୍ରପ୍ରଣେତାର ଏକାଶୀତିର୍ଦ୍ଵିଜାତଯଃ ॥ ୧୯ ॥
କର୍ମତନ୍ତ୍ରପ୍ରଣେତାର ଏକାଶୀତିର୍ଦ୍ଵିଜାତଯଃ ॥ ୧୯ ॥
ନଵାଭଵନ୍ ମହାଭାଗା ମୁନଯୋ ହ୍ଯର୍ଥଶଂସିନଃ ।
ଶ୍ରମଣା ଵାତରସନା ଆତ୍ମଵିଦ୍ଯାଵିଶାରଦାଃ ॥ ୨୦ ॥
ଶ୍ରମଣା ଵାତରସନା ଆତ୍ମଵିଦ୍ଯାଵିଶାରଦାଃ ॥ ୨୦ ॥
କଵିର୍ହଵିରନ୍ତରୀକ୍ଷଃ ପ୍ରବୁଦ୍ଧଃ ପିପ୍ପଲାଯନଃ ।
ଆଵିର୍ହୋତ୍ରୋଽଥ ଦ୍ରୁମିଲଶ୍ଚମସଃ କରଭାଜନଃ ॥ ୨୧ ॥
ଆଵିର୍ହୋତ୍ରୋଽଥ ଦ୍ରୁମିଲଶ୍ଚମସଃ କରଭାଜନଃ ॥ ୨୧ ॥
ତ ଏତେ ଭଗଵଦ୍ରୂପଂ ଵିଶ୍ଵଂ ସଦସଦାତ୍ମକମ୍ ।
ଆତ୍ମନୋଽଵ୍ଯତିରେକେଣ ପଶ୍ଯନ୍ତୋ ଵ୍ଯଚରନ୍ ମହୀମ୍ ॥ ୨୨ ॥
ଆତ୍ମନୋଽଵ୍ଯତିରେକେଣ ପଶ୍ଯନ୍ତୋ ଵ୍ଯଚରନ୍ ମହୀମ୍ ॥ ୨୨ ॥
ଅଵ୍ଯାହତେଷ୍ଟଗତଯଃ ସୁରସିଦ୍ଧସାଧ୍ଯ-
ଗନ୍ଧର୍ଵଯକ୍ଷନରକିନ୍ନରନାଗଲୋକାନ୍ ।
ମୁକ୍ତାଶ୍ଚରନ୍ତି ମୁନିଚାରଣଭୂତନାଥ-
ଵିଦ୍ଯାଧରଦ୍ଵିଜଗଵାଂ ଭୁଵନାନି କାମମ୍ ॥ ୨୩ ॥
ଗନ୍ଧର୍ଵଯକ୍ଷନରକିନ୍ନରନାଗଲୋକାନ୍ ।
ମୁକ୍ତାଶ୍ଚରନ୍ତି ମୁନିଚାରଣଭୂତନାଥ-
ଵିଦ୍ଯାଧରଦ୍ଵିଜଗଵାଂ ଭୁଵନାନି କାମମ୍ ॥ ୨୩ ॥
ତ ଏକଦା ନିମେଃ ସତ୍ରମୁପଜଗ୍ମୁର୍ଯଦୃଚ୍ଛଯା ।
ଵିତାଯମାନମୃଷିଭିରଜନାଭେ ମହାତ୍ମନଃ ॥ ୨୪ ॥
ଵିତାଯମାନମୃଷିଭିରଜନାଭେ ମହାତ୍ମନଃ ॥ ୨୪ ॥
ତାନ୍ ଦୃଷ୍ଟ୍ଵା ସୂର୍ଯସଙ୍କାଶାନ୍ ମହାଭାଗଵତାନ୍ ନୃପ ।
ଯଜମାନୋଽଗ୍ନଯୋ ଵିପ୍ରାଃ ସର୍ଵ ଏଵୋପତସ୍ଥିରେ ॥ ୨୫ ॥
ଯଜମାନୋଽଗ୍ନଯୋ ଵିପ୍ରାଃ ସର୍ଵ ଏଵୋପତସ୍ଥିରେ ॥ ୨୫ ॥
ଵିଦେହସ୍ତାନଭିପ୍ରେତ୍ଯ ନାରାଯଣପରାଯଣାନ୍ ।
ପ୍ରୀତଃ ସମ୍ପୂଜଯାଂ ଚକ୍ରେ ଆସନସ୍ଥାନ୍ ଯଥାର୍ହତଃ ॥ ୨୬ ॥
ପ୍ରୀତଃ ସମ୍ପୂଜଯାଂ ଚକ୍ରେ ଆସନସ୍ଥାନ୍ ଯଥାର୍ହତଃ ॥ ୨୬ ॥
ତାନ୍ ରୋଚମାନାନ୍ ସ୍ଵରୁଚା ବ୍ରହ୍ମପୁତ୍ରୋପମାନ୍ ନଵ ।
ପପ୍ରଚ୍ଛ ପରମପ୍ରୀତଃ ପ୍ରଶ୍ରଯାଵନତୋ ନୃପଃ ॥ ୨୭ ॥
ପପ୍ରଚ୍ଛ ପରମପ୍ରୀତଃ ପ୍ରଶ୍ରଯାଵନତୋ ନୃପଃ ॥ ୨୭ ॥
ଶ୍ରୀଵିଦେହ ଉଵାଚ
ମନ୍ଯେ ଭଗଵତଃ ସାକ୍ଷାତ୍ ପାର୍ଷଦାନ୍ ଵୋ ମଧୁଦ୍ଵିଷଃ ।
ଵିଷ୍ଣୋର୍ଭୂତାନି ଲୋକାନାଂ ପାଵନାଯ ଚରନ୍ତି ହି ॥ ୨୮ ॥
ମନ୍ଯେ ଭଗଵତଃ ସାକ୍ଷାତ୍ ପାର୍ଷଦାନ୍ ଵୋ ମଧୁଦ୍ଵିଷଃ ।
ଵିଷ୍ଣୋର୍ଭୂତାନି ଲୋକାନାଂ ପାଵନାଯ ଚରନ୍ତି ହି ॥ ୨୮ ॥
ଦୁର୍ଲଭୋ ମାନୁଷୋ ଦେହୋ ଦେହିନାଂ କ୍ଷଣଭଙ୍ଗୁରଃ ।
ତତ୍ରାପି ଦୁର୍ଲଭଂ ମନ୍ଯେ ଵୈକୁଣ୍ଠପ୍ରିଯଦର୍ଶନମ୍ ॥ ୨୯ ॥
ତତ୍ରାପି ଦୁର୍ଲଭଂ ମନ୍ଯେ ଵୈକୁଣ୍ଠପ୍ରିଯଦର୍ଶନମ୍ ॥ ୨୯ ॥
ଅତ ଆତ୍ଯନ୍ତିକଂ କ୍ଷେମଂ ପୃଚ୍ଛାମୋ ଭଵତୋଽନଘାଃ ।
ସଂସାରେଽସ୍ମିନ୍ କ୍ଷଣାର୍ଧୋଽପି ସତ୍ସଙ୍ଗଃ ଶେଵଧିର୍ନୃଣାମ୍ ॥ ୩୦ ॥
ସଂସାରେଽସ୍ମିନ୍ କ୍ଷଣାର୍ଧୋଽପି ସତ୍ସଙ୍ଗଃ ଶେଵଧିର୍ନୃଣାମ୍ ॥ ୩୦ ॥
ଧର୍ମାନ୍ ଭାଗଵତାନ୍ ବ୍ରୂତ ଯଦି ନଃ ଶ୍ରୁତଯେ କ୍ଷମମ୍ ।
ଯୈଃ ପ୍ରସନ୍ନଃ ପ୍ରପନ୍ନାଯ ଦାସ୍ଯତ୍ଯାତ୍ମାନମପ୍ଯଜଃ ॥ ୩୧ ॥
ଯୈଃ ପ୍ରସନ୍ନଃ ପ୍ରପନ୍ନାଯ ଦାସ୍ଯତ୍ଯାତ୍ମାନମପ୍ଯଜଃ ॥ ୩୧ ॥
ଶ୍ରୀନାରଦ ଉଵାଚ
ଏଵଂ ତେ ନିମିନା ପୃଷ୍ଟା ଵସୁଦେଵ ମହତ୍ତମାଃ ।
ପ୍ରତିପୂଜ୍ଯାବ୍ରୁଵନ୍ ପ୍ରୀତ୍ଯା ସସଦସ୍ଯର୍ତ୍ଵିଜଂ ନୃପମ୍ ॥ ୩୨ ॥
ଏଵଂ ତେ ନିମିନା ପୃଷ୍ଟା ଵସୁଦେଵ ମହତ୍ତମାଃ ।
ପ୍ରତିପୂଜ୍ଯାବ୍ରୁଵନ୍ ପ୍ରୀତ୍ଯା ସସଦସ୍ଯର୍ତ୍ଵିଜଂ ନୃପମ୍ ॥ ୩୨ ॥
ଶ୍ରୀକଵିରୁଵାଚ
ମନ୍ଯେଽକୁତଶ୍ଚିଦ୍ଭଯମଚ୍ଯୁତସ୍ଯ
ପାଦାମ୍ବୁଜୋପାସନମତ୍ର ନିତ୍ଯମ୍ ।
ଉଦ୍ଵିଗ୍ନବୁଦ୍ଧେରସଦାତ୍ମଭାଵାଦ୍
ଵିଶ୍ଵାତ୍ମନା ଯତ୍ର ନିଵର୍ତତେ ଭୀଃ ॥ ୩୩ ॥
ମନ୍ଯେଽକୁତଶ୍ଚିଦ୍ଭଯମଚ୍ଯୁତସ୍ଯ
ପାଦାମ୍ବୁଜୋପାସନମତ୍ର ନିତ୍ଯମ୍ ।
ଉଦ୍ଵିଗ୍ନବୁଦ୍ଧେରସଦାତ୍ମଭାଵାଦ୍
ଵିଶ୍ଵାତ୍ମନା ଯତ୍ର ନିଵର୍ତତେ ଭୀଃ ॥ ୩୩ ॥
ଯେ ଵୈ ଭଗଵତା ପ୍ରୋକ୍ତା ଉପାଯା ହ୍ଯାତ୍ମଲବ୍ଧଯେ ।
ଅଞ୍ଜଃ ପୁଂସାମଵିଦୁଷାଂ ଵିଦ୍ଧି ଭାଗଵତାନ୍ ହି ତାନ୍ ॥ ୩୪ ॥
ଅଞ୍ଜଃ ପୁଂସାମଵିଦୁଷାଂ ଵିଦ୍ଧି ଭାଗଵତାନ୍ ହି ତାନ୍ ॥ ୩୪ ॥
ଯାନାସ୍ଥାଯ ନରୋ ରାଜନ୍ ନ ପ୍ରମାଦ୍ଯେତ କର୍ହିଚିତ୍ ।
ଧାଵନ୍ ନିମୀଲ୍ଯ ଵା ନେତ୍ରେ ନ ସ୍ଖଲେନ୍ନ ପତେଦିହ ॥ ୩୫ ॥
ଧାଵନ୍ ନିମୀଲ୍ଯ ଵା ନେତ୍ରେ ନ ସ୍ଖଲେନ୍ନ ପତେଦିହ ॥ ୩୫ ॥
କାଯେନ ଵାଚା ମନସେନ୍ଦ୍ରିଯୈର୍ଵା
ବୁଦ୍ଧ୍ଯାତ୍ମନା ଵାନୁସୃତସ୍ଵଭାଵାତ୍ ।
କରୋତି ଯଦ୍ ଯତ୍ ସକଲଂ ପରସ୍ମୈ
ନାରାଯଣାଯେତି ସମର୍ପଯେତ୍ତତ୍ ॥ ୩୬ ॥
ବୁଦ୍ଧ୍ଯାତ୍ମନା ଵାନୁସୃତସ୍ଵଭାଵାତ୍ ।
କରୋତି ଯଦ୍ ଯତ୍ ସକଲଂ ପରସ୍ମୈ
ନାରାଯଣାଯେତି ସମର୍ପଯେତ୍ତତ୍ ॥ ୩୬ ॥
ଭଯଂ ଦ୍ଵିତୀଯାଭିନିଵେଶତଃ ସ୍ଯା-
ଦୀଶାଦପେତସ୍ଯ ଵିପର୍ଯଯୋଽସ୍ମୃତିଃ ।
ତନ୍ମାଯଯାତୋ ବୁଧ ଆଭଜେତ୍ତଂ
ଭକ୍ତ୍ଯୈକଯେଶଂ ଗୁରୁଦେଵତାତ୍ମା ॥ ୩୭ ॥
ଦୀଶାଦପେତସ୍ଯ ଵିପର୍ଯଯୋଽସ୍ମୃତିଃ ।
ତନ୍ମାଯଯାତୋ ବୁଧ ଆଭଜେତ୍ତଂ
ଭକ୍ତ୍ଯୈକଯେଶଂ ଗୁରୁଦେଵତାତ୍ମା ॥ ୩୭ ॥
ଅଵିଦ୍ଯମାନୋଽପ୍ଯଵଭାତି ହି ଦ୍ଵଯୋ
ଧ୍ଯାତୁର୍ଧିଯା ସ୍ଵପ୍ନମନୋରଥୌ ଯଥା ।
ତତ୍ କର୍ମସଙ୍କଲ୍ପଵିକଲ୍ପକଂ ମନୋ
ବୁଧୋ ନିରୁନ୍ଧ୍ଯାଦଭଯଂ ତତଃ ସ୍ଯାତ୍ ॥ ୩୮ ॥
ଧ୍ଯାତୁର୍ଧିଯା ସ୍ଵପ୍ନମନୋରଥୌ ଯଥା ।
ତତ୍ କର୍ମସଙ୍କଲ୍ପଵିକଲ୍ପକଂ ମନୋ
ବୁଧୋ ନିରୁନ୍ଧ୍ଯାଦଭଯଂ ତତଃ ସ୍ଯାତ୍ ॥ ୩୮ ॥
ଶୃଣ୍ଵନ୍ ସୁଭଦ୍ରାଣି ରଥାଙ୍ଗପାଣେ-
ର୍ଜନ୍ମାନି କର୍ମାଣି ଚ ଯାନି ଲୋକେ ।
ଗୀତାନି ନାମାନି ତଦର୍ଥକାନି
ଗାଯନ୍ ଵିଲଜ୍ଜୋ ଵିଚରେଦସଙ୍ଗଃ ॥ ୩୯ ॥
ର୍ଜନ୍ମାନି କର୍ମାଣି ଚ ଯାନି ଲୋକେ ।
ଗୀତାନି ନାମାନି ତଦର୍ଥକାନି
ଗାଯନ୍ ଵିଲଜ୍ଜୋ ଵିଚରେଦସଙ୍ଗଃ ॥ ୩୯ ॥
ଏଵଂଵ୍ରତଃ ସ୍ଵପ୍ରିଯନାମକୀର୍ତ୍ଯା
ଜାତାନୁରାଗୋ ଦ୍ରୁତଚିତ୍ତ ଉଚ୍ଚୈଃ ।
ହସତ୍ଯଥୋ ରୋଦିତି ରୌତି ଗାଯ-
ତ୍ଯୁନ୍ମାଦଵନ୍ନୃତ୍ଯତି ଲୋକବାହ୍ଯଃ ॥ ୪୦ ॥
ଜାତାନୁରାଗୋ ଦ୍ରୁତଚିତ୍ତ ଉଚ୍ଚୈଃ ।
ହସତ୍ଯଥୋ ରୋଦିତି ରୌତି ଗାଯ-
ତ୍ଯୁନ୍ମାଦଵନ୍ନୃତ୍ଯତି ଲୋକବାହ୍ଯଃ ॥ ୪୦ ॥
ଖଂ ଵାଯୁମଗ୍ନିଂ ସଲିଲଂ ମହୀଂ ଚ
ଜ୍ଯୋତୀଂଷି ସତ୍ତ୍ଵାନି ଦିଶୋ ଦ୍ରୁମାଦୀନ୍ ।
ସରିତ୍ସମୁଦ୍ରାଂଶ୍ଚ ହରେଃ ଶରୀରଂ
ଯତ୍ କିଂଚ ଭୂତଂ ପ୍ରଣମେଦନନ୍ଯଃ ॥ ୪୧ ॥
ଜ୍ଯୋତୀଂଷି ସତ୍ତ୍ଵାନି ଦିଶୋ ଦ୍ରୁମାଦୀନ୍ ।
ସରିତ୍ସମୁଦ୍ରାଂଶ୍ଚ ହରେଃ ଶରୀରଂ
ଯତ୍ କିଂଚ ଭୂତଂ ପ୍ରଣମେଦନନ୍ଯଃ ॥ ୪୧ ॥
ଭକ୍ତିଃ ପରେଶାନୁଭଵୋ ଵିରକ୍ତି-
ରନ୍ଯତ୍ର ଚୈଷ ତ୍ରିକ ଏକକାଲଃ ।
ପ୍ରପଦ୍ଯମାନସ୍ଯ ଯଥାଶ୍ନତଃ ସ୍ଯୁ-
ସ୍ତୁଷ୍ଟିଃ ପୁଷ୍ଟିଃ କ୍ଷୁଦପାଯୋଽନୁଘାସମ୍ ॥ ୪୨ ॥
ରନ୍ଯତ୍ର ଚୈଷ ତ୍ରିକ ଏକକାଲଃ ।
ପ୍ରପଦ୍ଯମାନସ୍ଯ ଯଥାଶ୍ନତଃ ସ୍ଯୁ-
ସ୍ତୁଷ୍ଟିଃ ପୁଷ୍ଟିଃ କ୍ଷୁଦପାଯୋଽନୁଘାସମ୍ ॥ ୪୨ ॥
ଇତ୍ଯଚ୍ଯୁତାଙ୍ଘ୍ରି ଭଜତୋଽନୁଵୃତ୍ତ୍ଯା
ଭକ୍ତିର୍ଵିରକ୍ତିର୍ଭଗଵତ୍ପ୍ରବୋଧଃ ।
ଭଵନ୍ତି ଵୈ ଭାଗଵତସ୍ଯ ରାଜଂ-
ସ୍ତତଃ ପରାଂ ଶାନ୍ତିମୁପୈତି ସାକ୍ଷାତ୍ ॥ ୪୩ ॥
ଭକ୍ତିର୍ଵିରକ୍ତିର୍ଭଗଵତ୍ପ୍ରବୋଧଃ ।
ଭଵନ୍ତି ଵୈ ଭାଗଵତସ୍ଯ ରାଜଂ-
ସ୍ତତଃ ପରାଂ ଶାନ୍ତିମୁପୈତି ସାକ୍ଷାତ୍ ॥ ୪୩ ॥
ଶ୍ରୀରାଜୋଵାଚ
ଅଥ ଭାଗଵତଂ ବ୍ରୂତ ଯଦ୍ଧର୍ମୋ ଯାଦୃଶୋ ନୃଣାମ୍ ।
ଯଥା ଚରତି ଯଦ୍ ବ୍ରୂତେ ଯୈର୍ଲିଙ୍ଗୈର୍ଭଗଵତ୍ପ୍ରିଯଃ ॥ ୪୪ ॥
ଅଥ ଭାଗଵତଂ ବ୍ରୂତ ଯଦ୍ଧର୍ମୋ ଯାଦୃଶୋ ନୃଣାମ୍ ।
ଯଥା ଚରତି ଯଦ୍ ବ୍ରୂତେ ଯୈର୍ଲିଙ୍ଗୈର୍ଭଗଵତ୍ପ୍ରିଯଃ ॥ ୪୪ ॥
ଶ୍ରୀହଵିରୁଵାଚ
ସର୍ଵଭୂତେଷୁ ଯଃ ପଶ୍ଯେଦ୍ ଭଗଵଦ୍ଭାଵମାତ୍ମନଃ ।
ଭୂତାନି ଭଗଵତ୍ଯାତ୍ମନ୍ଯେଷ ଭାଗଵତୋତ୍ତମଃ ॥ ୪୫ ॥
ସର୍ଵଭୂତେଷୁ ଯଃ ପଶ୍ଯେଦ୍ ଭଗଵଦ୍ଭାଵମାତ୍ମନଃ ।
ଭୂତାନି ଭଗଵତ୍ଯାତ୍ମନ୍ଯେଷ ଭାଗଵତୋତ୍ତମଃ ॥ ୪୫ ॥
ଈଶ୍ଵରେ ତଦଧୀନେଷୁ ବାଲିଶେଷୁ ଦ୍ଵିଷତ୍ସୁ ଚ ।
ପ୍ରେମମୈତ୍ରୀକୃପୋପେକ୍ଷା ଯଃ କରୋତି ସ ମଧ୍ଯମଃ ॥ ୪୬ ॥
ପ୍ରେମମୈତ୍ରୀକୃପୋପେକ୍ଷା ଯଃ କରୋତି ସ ମଧ୍ଯମଃ ॥ ୪୬ ॥
ଅର୍ଚାଯାମେଵ ହରଯେ ପୂଜାଂ ଯଃ ଶ୍ରଦ୍ଧଯେହତେ ।
ନ ତଦ୍ଭକ୍ତେଷୁ ଚାନ୍ଯେଷୁ ସ ଭକ୍ତଃ ପ୍ରାକୃତଃ ସ୍ମୃତଃ ॥ ୪୭ ॥
ନ ତଦ୍ଭକ୍ତେଷୁ ଚାନ୍ଯେଷୁ ସ ଭକ୍ତଃ ପ୍ରାକୃତଃ ସ୍ମୃତଃ ॥ ୪୭ ॥
ଗୃହୀତ୍ଵାପୀନ୍ଦ୍ରିଯୈରର୍ଥାନ୍ଯୋ ନ ଦ୍ଵେଷ୍ଟି ନ ହୃଷ୍ଯତି ।
ଵିଷ୍ଣୋର୍ମାଯାମିଦଂ ପଶ୍ଯନ୍ସ ଵୈ ଭାଗଵତୋତ୍ତମଃ ॥ ୪୮ ॥
ଵିଷ୍ଣୋର୍ମାଯାମିଦଂ ପଶ୍ଯନ୍ସ ଵୈ ଭାଗଵତୋତ୍ତମଃ ॥ ୪୮ ॥
ଦେହେନ୍ଦ୍ରିଯପ୍ରାଣମନୋଧିଯାଂ ଯୋ
ଜନ୍ମାପ୍ଯଯକ୍ଷୁଦ୍ଭଯତର୍ଷକୃଚ୍ଛ୍ରୈଃ ।
ସଂସାରଧର୍ମୈରଵିମୁହ୍ଯମାନଃ
ସ୍ମୃତ୍ଯା ହରେର୍ଭାଗଵତପ୍ରଧାନଃ ॥ ୪୯ ॥
ଜନ୍ମାପ୍ଯଯକ୍ଷୁଦ୍ଭଯତର୍ଷକୃଚ୍ଛ୍ରୈଃ ।
ସଂସାରଧର୍ମୈରଵିମୁହ୍ଯମାନଃ
ସ୍ମୃତ୍ଯା ହରେର୍ଭାଗଵତପ୍ରଧାନଃ ॥ ୪୯ ॥
ନ କାମକର୍ମବୀଜାନାଂ ଯସ୍ଯ ଚେତସି ସମ୍ଭଵଃ ।
ଵାସୁଦେଵୈକନିଲଯଃ ସ ଵୈ ଭାଗଵତୋତ୍ତମଃ ॥ ୫୦ ॥
ଵାସୁଦେଵୈକନିଲଯଃ ସ ଵୈ ଭାଗଵତୋତ୍ତମଃ ॥ ୫୦ ॥
ନ ଯସ୍ଯ ଜନ୍ମକର୍ମଭ୍ଯାଂ ନ ଵର୍ଣାଶ୍ରମଜାତିଭିଃ ।
ସଜ୍ଜତେଽସ୍ମିନ୍ନହଂଭାଵୋ ଦେହେ ଵୈ ସ ହରେଃ ପ୍ରିଯଃ ॥ ୫୧ ॥
ସଜ୍ଜତେଽସ୍ମିନ୍ନହଂଭାଵୋ ଦେହେ ଵୈ ସ ହରେଃ ପ୍ରିଯଃ ॥ ୫୧ ॥
ନ ଯସ୍ଯ ସ୍ଵଃ ପର ଇତି ଵିତ୍ତେଷ୍ଵାତ୍ମନି ଵା ଭିଦା ।
ସର୍ଵଭୂତସମଃ ଶାନ୍ତଃ ସ ଵୈ ଭାଗଵତୋତ୍ତମଃ ॥ ୫୨ ॥
ସର୍ଵଭୂତସମଃ ଶାନ୍ତଃ ସ ଵୈ ଭାଗଵତୋତ୍ତମଃ ॥ ୫୨ ॥
ତ୍ରିଭୁଵନଵିଭଵହେତଵେଽପ୍ଯକୁଣ୍ଠ-
ସ୍ମୃତିରଜିତାତ୍ମସୁରାଦିଭିର୍ଵିମୃଗ୍ଯାତ୍ ।
ନ ଚଲତି ଭଗଵତ୍ପଦାରଵିନ୍ଦା-
ଲ୍ଲଵନିମିଷାର୍ଧମପି ଯଃ ସ ଵୈଷ୍ଣଵାଗ୍ଯ୍ରଃ ॥ ୫୩ ॥
ସ୍ମୃତିରଜିତାତ୍ମସୁରାଦିଭିର୍ଵିମୃଗ୍ଯାତ୍ ।
ନ ଚଲତି ଭଗଵତ୍ପଦାରଵିନ୍ଦା-
ଲ୍ଲଵନିମିଷାର୍ଧମପି ଯଃ ସ ଵୈଷ୍ଣଵାଗ୍ଯ୍ରଃ ॥ ୫୩ ॥
ଭଗଵତ ଉରୁଵିକ୍ରମାଙ୍ଘ୍ରିଶାଖା-
ନଖମଣିଚନ୍ଦ୍ରିକଯା ନିରସ୍ତତାପେ ।
ହୃଦି କଥମୁପସୀଦତାଂ ପୁନଃ ସ
ପ୍ରଭଵତି ଚନ୍ଦ୍ର ଇଵୋଦିତେଽର୍କତାପଃ ॥ ୫୪ ॥
ନଖମଣିଚନ୍ଦ୍ରିକଯା ନିରସ୍ତତାପେ ।
ହୃଦି କଥମୁପସୀଦତାଂ ପୁନଃ ସ
ପ୍ରଭଵତି ଚନ୍ଦ୍ର ଇଵୋଦିତେଽର୍କତାପଃ ॥ ୫୪ ॥
ଵିସୃଜତି ହୃଦଯଂ ନ ଯସ୍ଯ ସାକ୍ଷା-
ଦ୍ଧରିରଵଶାଭିହିତୋଽପ୍ଯଘୌଘନାଶଃ ।
ପ୍ରଣଯରସନଯା ଧୃତାଙ୍ଘ୍ରିପଦ୍ମଃ
ସ ଭଵତି ଭାଗଵତପ୍ରଧାନ ଉକ୍ତଃ ॥ ୫୫ ॥
ଦ୍ଧରିରଵଶାଭିହିତୋଽପ୍ଯଘୌଘନାଶଃ ।
ପ୍ରଣଯରସନଯା ଧୃତାଙ୍ଘ୍ରିପଦ୍ମଃ
ସ ଭଵତି ଭାଗଵତପ୍ରଧାନ ଉକ୍ତଃ ॥ ୫୫ ॥