শ্রীরাজোবাচ
ভগবন্তং হরিং প্রাযো ন ভজন্ত্যাত্মবিত্তমাঃ ।
তেষামশান্তকামানাং ক নিষ্ঠাবিজিতাত্মনাম্ ॥ ১ ॥
ভগবন্তং হরিং প্রাযো ন ভজন্ত্যাত্মবিত্তমাঃ ।
তেষামশান্তকামানাং ক নিষ্ঠাবিজিতাত্মনাম্ ॥ ১ ॥
শ্রীচমস উবাচ
মুখবাহূরুপাদেভ্যঃ পুরুষস্যাশ্রমৈঃ সহ ।
চত্বারো জজ্ঞিরে বর্ণা গুণৈর্বিপ্রাদযঃ পৃথক্ ॥ ২ ॥
মুখবাহূরুপাদেভ্যঃ পুরুষস্যাশ্রমৈঃ সহ ।
চত্বারো জজ্ঞিরে বর্ণা গুণৈর্বিপ্রাদযঃ পৃথক্ ॥ ২ ॥
য এষাং পুরুষং সাক্ষাদাত্মপ্রভবমীশ্বরম্ ।
ন ভজন্ত্যবজানন্তি স্থানাদ্ ভ্রষ্টাঃ পতন্ত্যধঃ ॥ ৩ ॥
ন ভজন্ত্যবজানন্তি স্থানাদ্ ভ্রষ্টাঃ পতন্ত্যধঃ ॥ ৩ ॥
দূরে হরিকথাঃ কেচিদ্ দূরে চাচ্যুতকীর্তনাঃ ।
স্ত্রিযঃ শূদ্রাদযশ্চৈব তেঽনুকম্প্যা ভবাদৃশাম্ ॥ ৪ ॥
স্ত্রিযঃ শূদ্রাদযশ্চৈব তেঽনুকম্প্যা ভবাদৃশাম্ ॥ ৪ ॥
বিপ্রো রাজন্যবৈশ্যৌ বা হরেঃ প্রাপ্তাঃ পদান্তিকম্ ।
শ্রৌতেন জন্মনাথাপি মুহ্যন্ত্যাম্নাযবাদিনঃ ॥ ৫ ॥
শ্রৌতেন জন্মনাথাপি মুহ্যন্ত্যাম্নাযবাদিনঃ ॥ ৫ ॥
কর্মণ্যকোবিদাঃ স্তব্ধা মূর্খাঃ পণ্ডিতমানিনঃ ।
বদন্তি চাটুকান্ মূঢা যযা মাধ্ব্যা গিরোত্সুকাঃ ॥ ৬ ॥
বদন্তি চাটুকান্ মূঢা যযা মাধ্ব্যা গিরোত্সুকাঃ ॥ ৬ ॥
রজসা ঘোরসঙ্কল্পাঃ কামুকা অহিমন্যবঃ ।
দাম্ভিকা মানিনঃ পাপা বিহসন্ত্যচ্যুতপ্রিযান্ ॥ ৭ ॥
দাম্ভিকা মানিনঃ পাপা বিহসন্ত্যচ্যুতপ্রিযান্ ॥ ৭ ॥
বদন্তি তেঽন্যোন্যমুপাসিতস্ত্রিযো
গৃহেষু মৈথুন্যপরেষু চাশিষঃ ।
যজন্ত্যসৃষ্টান্নবিধানদক্ষিণং
বৃত্ত্যৈ পরং ঘ্নন্তি পশূনতদ্বিদঃ ॥ ৮ ॥
গৃহেষু মৈথুন্যপরেষু চাশিষঃ ।
যজন্ত্যসৃষ্টান্নবিধানদক্ষিণং
বৃত্ত্যৈ পরং ঘ্নন্তি পশূনতদ্বিদঃ ॥ ৮ ॥
শ্রিযা বিভূত্যাভিজনেন বিদ্যযা
ত্যাগেন রূপেণ বলেন কর্মণা ।
জাতস্মযেনান্ধধিযঃ সহেশ্বরান্
সতোঽবমন্যন্তি হরিপ্রিযান্ খলাঃ ॥ ৯ ॥
ত্যাগেন রূপেণ বলেন কর্মণা ।
জাতস্মযেনান্ধধিযঃ সহেশ্বরান্
সতোঽবমন্যন্তি হরিপ্রিযান্ খলাঃ ॥ ৯ ॥
সর্বেষু শশ্বত্তনুভৃত্স্ববস্থিতং
যথা খমাত্মানমভীষ্টমীশ্বরম্ ।
বেদোপগীতং চ ন শৃণ্বতেঽবুধা
মনোরথানাং প্রবদন্তি বার্তযা ॥ ১০ ॥
যথা খমাত্মানমভীষ্টমীশ্বরম্ ।
বেদোপগীতং চ ন শৃণ্বতেঽবুধা
মনোরথানাং প্রবদন্তি বার্তযা ॥ ১০ ॥
লোকে ব্যবাযামিষমদ্যসেবা
নিত্যা হি জন্তোর্ন হি তত্র চোদনা ।
ব্যবস্থিতিস্তেষু বিবাহযজ্ঞ-
সুরাগ্রহৈরাসু নিবৃত্তিরিষ্টা ॥ ১১ ॥
নিত্যা হি জন্তোর্ন হি তত্র চোদনা ।
ব্যবস্থিতিস্তেষু বিবাহযজ্ঞ-
সুরাগ্রহৈরাসু নিবৃত্তিরিষ্টা ॥ ১১ ॥
ধনং চ ধর্মৈকফলং যতো বৈ
জ্ঞানং সবিজ্ঞানমনুপ্রশান্তি ।
গৃহেষু যুঞ্জন্তি কলেবরস্য
মৃত্যুং ন পশ্যন্তি দুরন্তবীর্যম্ ॥ ১২ ॥
জ্ঞানং সবিজ্ঞানমনুপ্রশান্তি ।
গৃহেষু যুঞ্জন্তি কলেবরস্য
মৃত্যুং ন পশ্যন্তি দুরন্তবীর্যম্ ॥ ১২ ॥
যদ্ ঘ্রাণভক্ষো বিহিতঃ সুরাযা-
স্তথা পশোরালভনং ন হিংসা ।
এবং ব্যবাযঃ প্রজযা ন রত্যা
ইমং বিশুদ্ধং ন বিদুঃ স্বধর্মম্ ॥ ১৩ ॥
স্তথা পশোরালভনং ন হিংসা ।
এবং ব্যবাযঃ প্রজযা ন রত্যা
ইমং বিশুদ্ধং ন বিদুঃ স্বধর্মম্ ॥ ১৩ ॥
যে ত্বনেবংবিদোঽসন্তঃ স্তব্ধাঃ সদভিমানিনঃ ।
পশূন্ দ্রুহ্যন্তি বিশ্রব্ধাঃ প্রেত্য খাদন্তি তে চ তান্ ॥ ১৪ ॥
পশূন্ দ্রুহ্যন্তি বিশ্রব্ধাঃ প্রেত্য খাদন্তি তে চ তান্ ॥ ১৪ ॥
দ্বিষন্তঃ পরকাযেষু স্বাত্মানং হরিমীশ্বরম্ ।
মৃতকে সানুবন্ধেঽস্মিন্ বদ্ধস্নেহাঃ পতন্ত্যধঃ ॥ ১৫ ॥
মৃতকে সানুবন্ধেঽস্মিন্ বদ্ধস্নেহাঃ পতন্ত্যধঃ ॥ ১৫ ॥
যে কৈবল্যমসম্প্রাপ্তা যে চাতীতাশ্চ মূঢতাম্ ।
ত্রৈবর্গিকা হ্যক্ষণিকা আত্মানং ঘাতযন্তি তে ॥ ১৬ ॥
ত্রৈবর্গিকা হ্যক্ষণিকা আত্মানং ঘাতযন্তি তে ॥ ১৬ ॥
এত আত্মহনোঽশান্তা অজ্ঞানে জ্ঞানমানিনঃ ।
সীদন্ত্যকৃতকৃত্যা বৈ কালধ্বস্তমনোরথাঃ ॥ ১৭ ॥
সীদন্ত্যকৃতকৃত্যা বৈ কালধ্বস্তমনোরথাঃ ॥ ১৭ ॥
হিত্বাত্মমাযারচিতা গৃহাপত্যসুহৃত্স্ত্রিযঃ ।
তমো বিশন্ত্যনিচ্ছন্তো বাসুদেবপরাঙ্মুখাঃ ॥ ১৮ ॥
তমো বিশন্ত্যনিচ্ছন্তো বাসুদেবপরাঙ্মুখাঃ ॥ ১৮ ॥
শ্রী রাজোবাচ
কস্মিন্ কালে স ভগবান্ কিং বর্ণঃ কীদৃশো নৃভিঃ ।
নাম্না বা কেন বিধিনা পূজ্যতে তদিহোচ্যতাম্ ॥ ১৯ ॥
কস্মিন্ কালে স ভগবান্ কিং বর্ণঃ কীদৃশো নৃভিঃ ।
নাম্না বা কেন বিধিনা পূজ্যতে তদিহোচ্যতাম্ ॥ ১৯ ॥
শ্রীকরভাজন উবাচ
কৃতং ত্রেতা দ্বাপরং চ কলিরিত্যেষু কেশবঃ ।
নানাবর্ণাভিধাকারো নানৈব বিধিনেজ্যতে ॥ ২০ ॥
কৃতং ত্রেতা দ্বাপরং চ কলিরিত্যেষু কেশবঃ ।
নানাবর্ণাভিধাকারো নানৈব বিধিনেজ্যতে ॥ ২০ ॥
কৃতে শুক্লশ্চতুর্বাহুর্জটিলো বল্কলাম্বরঃ ।
কৃষ্ণাজিনোপবীতাক্ষান্ বিভ্রদ্ দণ্ডকমণ্ডলূ ॥ ২১ ॥
কৃষ্ণাজিনোপবীতাক্ষান্ বিভ্রদ্ দণ্ডকমণ্ডলূ ॥ ২১ ॥
মনুষ্যাস্তু তদা শান্তা নির্বৈরাঃ সুহৃদঃ সমাঃ ।
যজন্তি তপসা দেবং শমেন চ দমেন চ ॥ ২২ ॥
যজন্তি তপসা দেবং শমেন চ দমেন চ ॥ ২২ ॥
হংসঃ সুপর্ণো বৈকুণ্ঠো ধর্মো যোগেশ্বরোঽমলঃ ।
ঈশ্বরঃ পুরুষোঽব্যক্তঃ পরমাত্মেতি গীযতে ॥ ২৩ ॥
ঈশ্বরঃ পুরুষোঽব্যক্তঃ পরমাত্মেতি গীযতে ॥ ২৩ ॥
ত্রেতাযাং রক্তবর্ণোঽসৌ চতুর্বাহুস্ত্রিমেখলঃ ।
হিরণ্যকেশস্ত্রয্যাত্মা স্রুক্স্রুবাদ্যুপলক্ষণঃ ॥ ২৪ ॥
হিরণ্যকেশস্ত্রয্যাত্মা স্রুক্স্রুবাদ্যুপলক্ষণঃ ॥ ২৪ ॥
তং তদা মনুজা দেবং সর্বদেবমযং হরিম্ ।
যজন্তি বিদ্যযা ত্রয্যা ধর্মিষ্ঠা ব্রহ্মবাদিনঃ ॥ ২৫ ॥
যজন্তি বিদ্যযা ত্রয্যা ধর্মিষ্ঠা ব্রহ্মবাদিনঃ ॥ ২৫ ॥
বিষ্ণুর্যজ্ঞঃ পৃশ্নিগর্ভঃ সর্বদেব উরুক্রমঃ ।
বৃষাকপির্জযন্তশ্চ উরুগায ইতীর্যতে ॥ ২৬ ॥
বৃষাকপির্জযন্তশ্চ উরুগায ইতীর্যতে ॥ ২৬ ॥
দ্বাপরে ভগবাঞ্শ্যামঃ পীতবাসা নিজাযুধঃ ।
শ্রীবত্সাদিভিরঙ্কৈশ্চ লক্ষণৈরুপলক্ষিতঃ ॥ ২৭ ॥
শ্রীবত্সাদিভিরঙ্কৈশ্চ লক্ষণৈরুপলক্ষিতঃ ॥ ২৭ ॥
তং তদা পুরুষং মর্ত্যা মহারাজোপলক্ষণম্ ।
যজন্তি বেদতন্ত্রাভ্যাং পরং জিজ্ঞাসবো নৃপ ॥ ২৮ ॥
যজন্তি বেদতন্ত্রাভ্যাং পরং জিজ্ঞাসবো নৃপ ॥ ২৮ ॥
নমস্তে বাসুদেবায নমঃ সঙ্কর্ষণায চ ।
প্রদ্যুম্নাযানিরুদ্ধায তুভ্যং ভগবতে নমঃ ॥ ২৯ ॥
প্রদ্যুম্নাযানিরুদ্ধায তুভ্যং ভগবতে নমঃ ॥ ২৯ ॥
নারাযণায ঋষযে পুরুষায মহাত্মনে ।
বিশ্বেশ্বরায বিশ্বায সর্বভূতাত্মনে নমঃ ॥ ৩০ ॥
বিশ্বেশ্বরায বিশ্বায সর্বভূতাত্মনে নমঃ ॥ ৩০ ॥
ইতি দ্বাপর উর্বীশ স্তুবন্তি জগদীশ্বরম্ ।
নানাতন্ত্রবিধানেন কলাবপি তথা শৃণু ॥ ৩১ ॥
নানাতন্ত্রবিধানেন কলাবপি তথা শৃণু ॥ ৩১ ॥
কৃষ্ণবর্ণং ত্বিষাকৃষ্ণং সাঙ্গোপাঙ্গাস্ত্রপার্ষদম্ ।
যজ্ঞৈঃ সঙ্কীর্তনপ্রাযৈর্যজন্তি হি সুমেধসঃ ॥ ৩২ ॥
যজ্ঞৈঃ সঙ্কীর্তনপ্রাযৈর্যজন্তি হি সুমেধসঃ ॥ ৩২ ॥
ধ্যেযং সদা পরিভবঘ্নমভীষ্টদোহং
তীর্থাস্পদং শিববিরিঞ্চিনুতং শরণ্যম্ ।
ভৃত্যার্তিহং প্রণতপাল ভবাব্ধিপোতং
বন্দে মহাপুরুষ তে চরণারবিন্দম্ ॥ ৩৩ ॥
তীর্থাস্পদং শিববিরিঞ্চিনুতং শরণ্যম্ ।
ভৃত্যার্তিহং প্রণতপাল ভবাব্ধিপোতং
বন্দে মহাপুরুষ তে চরণারবিন্দম্ ॥ ৩৩ ॥
ত্যক্ত্বা সুদুস্ত্যজসুরেপ্সিতরাজ্যলক্ষ্মীং
ধর্মিষ্ঠ আর্যবচসা যদগাদরণ্যম্ ।
মাযামৃগং দযিতযেপ্সিতমন্বধাবদ্
বন্দে মহাপুরুষ তে চরণারবিন্দম্ ॥ ৩৪ ॥
ধর্মিষ্ঠ আর্যবচসা যদগাদরণ্যম্ ।
মাযামৃগং দযিতযেপ্সিতমন্বধাবদ্
বন্দে মহাপুরুষ তে চরণারবিন্দম্ ॥ ৩৪ ॥
এবং যুগানুরূপাভ্যাং ভগবান্ যুগবর্তিভিঃ ।
মনুজৈরিজ্যতে রাজন্ শ্রেযসামীশ্বরোহরিঃ ॥ ৩৫ ॥
মনুজৈরিজ্যতে রাজন্ শ্রেযসামীশ্বরোহরিঃ ॥ ৩৫ ॥
কলিং সভাজযন্ত্যার্যা গুণজ্ঞাঃ সারভাগিনঃ ।
যত্র সঙ্কীর্তনেনৈব সর্বস্বার্থোঽভিলভ্যতে ॥ ৩৬ ॥
যত্র সঙ্কীর্তনেনৈব সর্বস্বার্থোঽভিলভ্যতে ॥ ৩৬ ॥
ন হ্যতঃ পরমো লাভো দেহিনাং ভ্রাম্যতামিহ ।
যতো বিন্দেত পরমাং শান্তিং নশ্যতি সংসৃতিঃ ॥ ৩৭ ॥
যতো বিন্দেত পরমাং শান্তিং নশ্যতি সংসৃতিঃ ॥ ৩৭ ॥
কৃতাদিষু প্রজা রাজন্ কলাবিচ্ছন্তি সম্ভবম্ ।
কলৌ খলু ভবিষ্যন্তি নারাযণপরাযণাঃ ।
ক্বচিত্ ক্বচিন্মহারাজ দ্রবিডেষু চ ভূরিশঃ ॥ ৩৮ ॥
কলৌ খলু ভবিষ্যন্তি নারাযণপরাযণাঃ ।
ক্বচিত্ ক্বচিন্মহারাজ দ্রবিডেষু চ ভূরিশঃ ॥ ৩৮ ॥
তাম্রপর্ণী নদী যত্র কৃতমালা পযস্বিনী ।
কাবেরী চ মহাপুণ্যা প্রতীচী চ মহানদী ॥ ৩৯ ॥
কাবেরী চ মহাপুণ্যা প্রতীচী চ মহানদী ॥ ৩৯ ॥
যে পিবন্তি জলং তাসাং মনুজা মনুজেশ্বর ।
প্রাযো ভক্তা ভগবতি বাসুদেবেঽমলাশযাঃ ॥ ৪০ ॥
প্রাযো ভক্তা ভগবতি বাসুদেবেঽমলাশযাঃ ॥ ৪০ ॥
দেবর্ষিভূতাপ্তনৃণাং পিতৃণাং
ন কিঙ্করো নাযমৃণী চ রাজন্ ।
সর্বাত্মনা যঃ শরণং শরণ্যং
গতো মুকুন্দং পরিহৃত্য কর্তম্ ॥ ৪১ ॥
ন কিঙ্করো নাযমৃণী চ রাজন্ ।
সর্বাত্মনা যঃ শরণং শরণ্যং
গতো মুকুন্দং পরিহৃত্য কর্তম্ ॥ ৪১ ॥
স্বপাদমূলং ভজতঃ প্রিযস্য
ত্যক্তান্যভাবস্য হরিঃ পরেশঃ ।
বিকর্ম যচ্চোত্পতিতং কথঞ্চিদ্
ধুনোতি সর্বং হৃদি সন্নিবিষ্টঃ ॥ ৪২ ॥
ত্যক্তান্যভাবস্য হরিঃ পরেশঃ ।
বিকর্ম যচ্চোত্পতিতং কথঞ্চিদ্
ধুনোতি সর্বং হৃদি সন্নিবিষ্টঃ ॥ ৪২ ॥
শ্রীনারদ উবাচ
ধর্মান্ ভাগবতানিত্থং শ্রুত্বাথ মিথিলেশ্বরঃ ।
জাযন্তেযান্ মুনীন্ প্রীতঃ সোপাধ্যাযো হ্যপূজযত্ ॥ ৪৩ ॥
ধর্মান্ ভাগবতানিত্থং শ্রুত্বাথ মিথিলেশ্বরঃ ।
জাযন্তেযান্ মুনীন্ প্রীতঃ সোপাধ্যাযো হ্যপূজযত্ ॥ ৪৩ ॥
ততোঽন্তর্দধিরে সিদ্ধাঃ সর্বলোকস্য পশ্যতঃ ।
রাজা ধর্মানুপাতিষ্ঠন্নবাপ পরমাং গতিম্ ॥ ৪৪ ॥
রাজা ধর্মানুপাতিষ্ঠন্নবাপ পরমাং গতিম্ ॥ ৪৪ ॥
ত্বমপ্যেতান্ মহাভাগ ধর্মান্ ভাগবতান্ শ্রুতান্ ।
আস্থিতঃ শ্রদ্ধযা যুক্তো নিঃসঙ্গো যাস্যসে পরম্ ॥ ৪৫ ॥
আস্থিতঃ শ্রদ্ধযা যুক্তো নিঃসঙ্গো যাস্যসে পরম্ ॥ ৪৫ ॥
যুবযোঃ খলু দম্পত্যোর্যশসা পূরিতং জগত্ ।
পুত্রতামগমদ্ যদ্ বাং ভগবানীশ্বরোহরিঃ ॥ ৪৬ ॥
পুত্রতামগমদ্ যদ্ বাং ভগবানীশ্বরোহরিঃ ॥ ৪৬ ॥
দর্শনালিঙ্গনালাপৈঃ শযনাসনভোজনৈঃ ।
আত্মা বাং পাবিতঃ কৃষ্ণে পুত্রস্নেহং প্রকুর্বতোঃ ॥ ৪৭ ॥
আত্মা বাং পাবিতঃ কৃষ্ণে পুত্রস্নেহং প্রকুর্বতোঃ ॥ ৪৭ ॥
বৈরেণ যং নৃপতযঃ শিশুপালপৌণ্ড্র-
শাল্বাদযো গতিবিলাসবিলোকনাদ্যৈঃ ।
ধ্যাযন্ত আকৃতধিযঃ শযনাসনাদৌ
তত্সাম্যমাপুরনুরক্তধিযাং পুনঃ কিম্ ॥ ৪৮ ॥
শাল্বাদযো গতিবিলাসবিলোকনাদ্যৈঃ ।
ধ্যাযন্ত আকৃতধিযঃ শযনাসনাদৌ
তত্সাম্যমাপুরনুরক্তধিযাং পুনঃ কিম্ ॥ ৪৮ ॥
মাপত্যবুদ্ধিমকৃথাঃ কৃষ্ণে সর্বাত্মনীশ্বরে ।
মাযামনুষ্যভাবেন গূঢৈশ্বর্যে পরেঽব্যযে ॥ ৪৯ ॥
মাযামনুষ্যভাবেন গূঢৈশ্বর্যে পরেঽব্যযে ॥ ৪৯ ॥
ভূভারাসুররাজন্যহন্তবে গুপ্তযে সতাম্ ।
অবতীর্ণস্য নির্বৃত্যৈ যশো লোকে বিতন্যতে ॥ ৫০ ॥
অবতীর্ণস্য নির্বৃত্যৈ যশো লোকে বিতন্যতে ॥ ৫০ ॥
শ্রীশুক উবাচ
এতচ্ছ্রুত্বা মহাভাগো বসুদেবোঽতিবিস্মিতঃ ।
দেবকী চ মহাভাগা জহতুর্মোহমাত্মনঃ ॥ ৫১ ॥
এতচ্ছ্রুত্বা মহাভাগো বসুদেবোঽতিবিস্মিতঃ ।
দেবকী চ মহাভাগা জহতুর্মোহমাত্মনঃ ॥ ৫১ ॥
ইতিহাসমিমং পুণ্যং ধারযেদ্ যঃ সমাহিতঃ ।
স বিধূযেহ শমলং ব্রহ্মভূযায কল্পতে ॥ ৫২ ॥
স বিধূযেহ শমলং ব্রহ্মভূযায কল্পতে ॥ ৫২ ॥