সূত উবাচ
নমো ধর্মায মহতে নমঃ কৃষ্ণায বেধসে ।
ব্রহ্মণেভ্যো নমস্কৃত্য ধর্মান্ বক্ষ্যে সনাতনান্ ॥ ১ ॥
নমো ধর্মায মহতে নমঃ কৃষ্ণায বেধসে ।
ব্রহ্মণেভ্যো নমস্কৃত্য ধর্মান্ বক্ষ্যে সনাতনান্ ॥ ১ ॥
এতদ্ বঃ কথিতং বিপ্রা বিষ্ণোশ্চরিতমদ্ভুতম্ ।
ভবদ্ভির্যদহং পৃষ্টো নরাণাং পুরুষোচিতম্ ॥ ২ ॥
ভবদ্ভির্যদহং পৃষ্টো নরাণাং পুরুষোচিতম্ ॥ ২ ॥
অত্র সঙ্কীর্তিতঃ সাক্ষাত্ সর্বপাপহরো হরিঃ ।
নারাযণো হৃষীকেশো ভগবান্ সাত্বতাং পতিঃ ॥ ৩ ॥
নারাযণো হৃষীকেশো ভগবান্ সাত্বতাং পতিঃ ॥ ৩ ॥
অত্র ব্রহ্ম পরং গুহ্যং জগতঃ প্রভবাপ্যযম্ ।
জ্ঞানং চ তদুপাখ্যানং প্রোক্তং বিজ্ঞানসংযুতম্ ॥ ৪ ॥
জ্ঞানং চ তদুপাখ্যানং প্রোক্তং বিজ্ঞানসংযুতম্ ॥ ৪ ॥
ভক্তিযোগঃ সমাখ্যাতো বৈরাগ্যং চ তদাশ্রযম্ ।
পারীক্ষিতমুপাখ্যানং নারদাখ্যানমেব চ ॥ ৫ ॥
পারীক্ষিতমুপাখ্যানং নারদাখ্যানমেব চ ॥ ৫ ॥
প্রাযোপবেশো রাজর্ষের্বিপ্রশাপাত্ পরীক্ষিতঃ ।
শুকস্য ব্রহ্মর্ষভস্য সংবাদশ্চ পরীক্ষিতঃ ॥ ৬ ॥
শুকস্য ব্রহ্মর্ষভস্য সংবাদশ্চ পরীক্ষিতঃ ॥ ৬ ॥
যোগধারণযোত্ক্রান্তিঃ সংবাদো নারদাজযোঃ ।
অবতারানুগীতং চ সর্গঃ প্রাধানিকোঽগ্রতঃ ॥ ৭ ॥
অবতারানুগীতং চ সর্গঃ প্রাধানিকোঽগ্রতঃ ॥ ৭ ॥
বিদুরোদ্ধবসংবাদঃ ক্ষত্তৃমৈত্রেযযোস্ততঃ ।
পুরাণসংহিতাপ্রশ্নো মহাপুরুষসংস্থিতিঃ ॥ ৮ ॥
পুরাণসংহিতাপ্রশ্নো মহাপুরুষসংস্থিতিঃ ॥ ৮ ॥
ততঃ প্রাকৃতিকঃ সর্গঃ সপ্ত বৈকৃতিকাশ্চ যে ।
ততো ব্রহ্মাণ্ডসম্ভূতির্বৈরাজঃ পুরুষো যতঃ ॥ ৯ ॥
ততো ব্রহ্মাণ্ডসম্ভূতির্বৈরাজঃ পুরুষো যতঃ ॥ ৯ ॥
কালস্য স্থূলসূক্ষ্মস্য গতিঃ পদ্মসমুদ্ভবঃ ।
ভুব উদ্ধরণেঽম্ভোধের্হিরণ্যাক্ষবধো যথা ॥ ১০ ॥
ভুব উদ্ধরণেঽম্ভোধের্হিরণ্যাক্ষবধো যথা ॥ ১০ ॥
ঊর্ধ্বতির্যগবাক্সর্গো রুদ্রসর্গস্তথৈব চ । অর্ধনারীশ্বরস্যাথ যতঃ স্বাযম্ভুবো মনুঃ ॥ ১১ ॥
শতরূপা চ যা স্ত্রীণামাদ্যা প্রকৃতিরুত্তমা ।
সন্তানো ধর্মপত্নীনাং কর্দমস্য প্রজাপতেঃ ॥ ১২ ॥
সন্তানো ধর্মপত্নীনাং কর্দমস্য প্রজাপতেঃ ॥ ১২ ॥
অবতারো ভগবতঃ কপিলস্য মহাত্মনঃ ।
দেবহূত্যাশ্চ সংবাদঃ কপিলেন চ ধীমতা ॥ ১৩ ॥
দেবহূত্যাশ্চ সংবাদঃ কপিলেন চ ধীমতা ॥ ১৩ ॥
নবব্রহ্মসমুত্পত্তির্দক্ষযজ্ঞবিনাশনম্ ।
ধ্রুবস্য চরিতং পশ্চাত্পৃথোঃ প্রাচীনবর্হিষঃ ॥ ১৪ ॥
ধ্রুবস্য চরিতং পশ্চাত্পৃথোঃ প্রাচীনবর্হিষঃ ॥ ১৪ ॥
নারদস্য চ সংবাদস্ততঃ প্রৈযব্রতং দ্বিজাঃ ।
নাভেস্ততোঽনু চরিতমৃষভস্য ভরতস্য চ ॥ ১৫ ॥
নাভেস্ততোঽনু চরিতমৃষভস্য ভরতস্য চ ॥ ১৫ ॥
দ্বীপবর্ষসমুদ্রাণাং গিরিনদ্যুপবর্ণনম্ ।
জ্যোতিশ্চক্রস্য সংস্থানং পাতালনরকস্থিতিঃ ॥ ১৬ ॥
জ্যোতিশ্চক্রস্য সংস্থানং পাতালনরকস্থিতিঃ ॥ ১৬ ॥
দক্ষজন্ম প্রচেতোভ্যস্তত্পুত্রীণাং চ সন্ততিঃ ।
যতো দেবাসুরনরাস্তির্যঙ্নগখগাদযঃ ॥ ১৭ ॥
যতো দেবাসুরনরাস্তির্যঙ্নগখগাদযঃ ॥ ১৭ ॥
ত্বাষ্ট্রস্য জন্ম নিধনং পুত্রযোশ্চ দিতের্দ্বিজাঃ ।
দৈত্যেশ্বরস্য চরিতং প্রহ্লাদস্য মহাত্মনঃ ॥ ১৮ ॥
দৈত্যেশ্বরস্য চরিতং প্রহ্লাদস্য মহাত্মনঃ ॥ ১৮ ॥
মন্বন্তরানুকথনং গজেন্দ্রস্য বিমোক্ষণম্ ।
মন্বন্তরাবতারাশ্চ বিষ্ণোর্হযশিরাদযঃ ॥ ১৯ ॥
মন্বন্তরাবতারাশ্চ বিষ্ণোর্হযশিরাদযঃ ॥ ১৯ ॥
কৌর্মং মাত্স্যং নারসিংহং বামনং চ জগত্পতেঃ ।
ক্ষীরোদমথনং তদ্বদমৃতার্থে দিবৌকসাম্ ॥ ২০ ॥
ক্ষীরোদমথনং তদ্বদমৃতার্থে দিবৌকসাম্ ॥ ২০ ॥
দেবাসুরমহাযুদ্ধং রাজবংশানুকীর্তনম্ ।
ইক্ষ্বাকুজন্ম তদ্বংশঃ সুদ্যুম্নস্য মহাত্মনঃ ॥ ২১ ॥
ইক্ষ্বাকুজন্ম তদ্বংশঃ সুদ্যুম্নস্য মহাত্মনঃ ॥ ২১ ॥
ইলোপাখ্যানমত্রোক্তং তারোপাখ্যানমেব চ ।
সূর্যবংশানুকথনং শশাদাদ্যা নৃগাদযঃ ॥ ২২ ॥
সূর্যবংশানুকথনং শশাদাদ্যা নৃগাদযঃ ॥ ২২ ॥
সৌকন্যং চাথ শর্যাতেঃ ককুত্স্থস্য চ ধীমতঃ ।
খট্বাঙ্গস্য চ মান্ধাতুঃ সৌভরেঃ সগরস্য চ ॥ ২৩ ॥
খট্বাঙ্গস্য চ মান্ধাতুঃ সৌভরেঃ সগরস্য চ ॥ ২৩ ॥
রামস্য কোশলেন্দ্রস্য চরিতং কিল্বিষাপহম্ ।
নিমেরঙ্গপরিত্যাগো জনকানাং চ সম্ভবঃ ॥ ২৪ ॥
নিমেরঙ্গপরিত্যাগো জনকানাং চ সম্ভবঃ ॥ ২৪ ॥
রামস্য ভার্গবেন্দ্রস্য নিঃক্ষত্রীকরণং ভুবঃ ।
ঐলস্য সোমবংশস্য যযাতের্নহুষস্য চ ॥ ২৫ ॥
ঐলস্য সোমবংশস্য যযাতের্নহুষস্য চ ॥ ২৫ ॥
দৌষ্মন্তের্ভরতস্যাপি শান্তনোস্তত্সুতস্য চ ।
যযাতের্জ্যেষ্ঠপুত্রস্য যদোর্বংশোঽনুকীর্তিতঃ ॥ ২৬ ॥
যযাতের্জ্যেষ্ঠপুত্রস্য যদোর্বংশোঽনুকীর্তিতঃ ॥ ২৬ ॥
যত্রাবতীর্ণো ভগবান্ কৃষ্ণাখ্যো জগদীশ্বরঃ ।
বসুদেবগৃহে জন্ম ততো বৃদ্ধিশ্চ গোকুলে ॥ ২৭ ॥
বসুদেবগৃহে জন্ম ততো বৃদ্ধিশ্চ গোকুলে ॥ ২৭ ॥
তস্য কর্মাণ্যপারাণি কীর্তিতান্যসুরদ্বিষঃ ।
পূতনাসুপযঃপানং শকটোচ্চাটনং শিশোঃ ॥ ২৮ ॥
পূতনাসুপযঃপানং শকটোচ্চাটনং শিশোঃ ॥ ২৮ ॥
তৃণাবর্তস্য নিষ্পেষস্তথৈব বকবত্সযোঃ ।
অঘাসুরবধো ধাত্রা বত্সপালাবগূহনম্ ॥ ২৯ ॥
অঘাসুরবধো ধাত্রা বত্সপালাবগূহনম্ ॥ ২৯ ॥
ধেনুকস্য সহভ্রাতুঃ প্রলম্বস্য চ সঙ্ক্ষযঃ ।
গোপানাং চ পরিত্রাণং দাবাগ্নেঃ পরিসর্পতঃ ॥ ৩০ ॥
গোপানাং চ পরিত্রাণং দাবাগ্নেঃ পরিসর্পতঃ ॥ ৩০ ॥
দমনং কালিযস্যাহের্মহাহের্নন্দমোক্ষণম্ ।
ব্রতচর্যা তু কন্যানাং যত্র তুষ্টোঽচ্যুতো ব্রতৈঃ ॥ ৩১ ॥
ব্রতচর্যা তু কন্যানাং যত্র তুষ্টোঽচ্যুতো ব্রতৈঃ ॥ ৩১ ॥
প্রসাদো যজ্ঞপত্নীভ্যো বিপ্রাণাং চানুতাপনম্ ।
গোবর্ধনোদ্ধারণং চ শক্রস্য সুরভেরথ ॥ ৩২ ॥
গোবর্ধনোদ্ধারণং চ শক্রস্য সুরভেরথ ॥ ৩২ ॥
যজ্ঞাভিষেকঃ কৃষ্ণস্য স্ত্রীভিঃ ক্রীডা চ রাত্রিষু ।
শঙ্খচূডস্য দুর্বুদ্ধের্বধোঽরিষ্টস্য কেশিনঃ ॥ ৩৩ ॥
শঙ্খচূডস্য দুর্বুদ্ধের্বধোঽরিষ্টস্য কেশিনঃ ॥ ৩৩ ॥
অক্রূরাগমনং পশ্চাত্ প্রস্থানং রামকৃষ্ণযোঃ ।
ব্রজস্ত্রীণাং বিলাপশ্চ মথুরালোকনং ততঃ ॥ ৩৪ ॥
ব্রজস্ত্রীণাং বিলাপশ্চ মথুরালোকনং ততঃ ॥ ৩৪ ॥
গজমুষ্টিকচাণূরকংসাদীনাং তথা বধঃ ।
মৃতস্যানযনং সূনোঃ পুনঃ সান্দীপনের্গুরোঃ ॥ ৩৫ ॥
মৃতস্যানযনং সূনোঃ পুনঃ সান্দীপনের্গুরোঃ ॥ ৩৫ ॥
মথুরাযাং নিবসতা যদুচক্রস্য যত্প্রিযম্ ।
কৃতমুদ্ধবরামাভ্যাং যুতেন হরিণা দ্বিজাঃ ॥ ৩৬ ॥
কৃতমুদ্ধবরামাভ্যাং যুতেন হরিণা দ্বিজাঃ ॥ ৩৬ ॥
জরাসন্ধসমানীতসৈন্যস্য বহুশো বধঃ ।
ঘাতনং যবনেন্দ্রস্য কুশস্থল্যা নিবেশনম্ ॥ ৩৭ ॥
ঘাতনং যবনেন্দ্রস্য কুশস্থল্যা নিবেশনম্ ॥ ৩৭ ॥
আদানং পারিজাতস্য সুধর্মাযাঃ সুরালযাত্ ।
রুক্মিণ্যা হরণং যুদ্ধে প্রমথ্য দ্বিষতো হরেঃ ॥ ৩৮ ॥
রুক্মিণ্যা হরণং যুদ্ধে প্রমথ্য দ্বিষতো হরেঃ ॥ ৩৮ ॥
হরস্য জৃম্ভণং যুদ্ধে বাণস্য ভুজকৃন্তনম্ ।
প্রাগ্জ্যোতিষপতিং হত্বা কন্যানাং হরণং চ যত্ ॥ ৩৯ ॥
প্রাগ্জ্যোতিষপতিং হত্বা কন্যানাং হরণং চ যত্ ॥ ৩৯ ॥
চৈদ্যপৌণ্ড্রকশাল্বানাং দন্তবক্রস্য দুর্মতেঃ ।
শম্বরো দ্বিবিদঃ পীঠো মুরঃ পঞ্চজনাদযঃ ॥ ৪০ ॥
শম্বরো দ্বিবিদঃ পীঠো মুরঃ পঞ্চজনাদযঃ ॥ ৪০ ॥
মাহাত্ম্যং চ বধস্তেষাং বারাণস্যাশ্চ দাহনম্ ।
ভারাবতরণং ভূমের্নিমিত্তীকৃত্য পাণ্ডবান্ ॥ ৪১ ॥
ভারাবতরণং ভূমের্নিমিত্তীকৃত্য পাণ্ডবান্ ॥ ৪১ ॥
বিপ্রশাপাপদেশেন সংহারঃ স্বকুলস্য চ ।
উদ্ধবস্য চ সংবাদো বসুদেবস্য চাদ্ভুতঃ ॥ ৪২ ॥
উদ্ধবস্য চ সংবাদো বসুদেবস্য চাদ্ভুতঃ ॥ ৪২ ॥
যত্রাত্মবিদ্যা হ্যখিলা প্রোক্তা ধর্মবিনির্ণযঃ ।
ততো মর্ত্যপরিত্যাগ আত্মযোগানুভাবতঃ ॥ ৪৩ ॥
ততো মর্ত্যপরিত্যাগ আত্মযোগানুভাবতঃ ॥ ৪৩ ॥
যুগলক্ষণবৃত্তিশ্চ কলৌ নৃণামুপপ্লবঃ ।
চতুর্বিধশ্চ প্রলয উত্পত্তিস্ত্রিবিধা তথা ॥ ৪৪ ॥
চতুর্বিধশ্চ প্রলয উত্পত্তিস্ত্রিবিধা তথা ॥ ৪৪ ॥
দেহত্যাগশ্চ রাজর্ষের্বিষ্ণুরাতস্য ধীমতঃ ।
শাখাপ্রণযনমৃষের্মার্কণ্ডেযস্য সত্কথা ।
মহাপুরুষবিন্যাসঃ সূর্যস্য জগদাত্মনঃ ॥ ৪৫ ॥
শাখাপ্রণযনমৃষের্মার্কণ্ডেযস্য সত্কথা ।
মহাপুরুষবিন্যাসঃ সূর্যস্য জগদাত্মনঃ ॥ ৪৫ ॥
ইতি চোক্তং দ্বিজশ্রেষ্ঠা যত্পৃষ্টোঽহমিহাস্মি বঃ ।
লীলাবতারকর্মাণি কীর্তিতানীহ সর্বশঃ ॥ ৪৬ ॥
লীলাবতারকর্মাণি কীর্তিতানীহ সর্বশঃ ॥ ৪৬ ॥
পতিতঃ স্খলিতশ্চার্তঃ ক্ষুত্ত্বা বা বিবশো গৃণন্ ।
হরযে নম ইত্যুচ্চৈর্মুচ্যতে সর্বপাতকাত্ ॥ ৪৭ ॥
হরযে নম ইত্যুচ্চৈর্মুচ্যতে সর্বপাতকাত্ ॥ ৪৭ ॥
সঙ্কীর্ত্যমানো ভগবাননন্তঃ
শ্রুতানুভাবো ব্যসনং হি পুংসাম্ ।
প্রবিশ্য চিত্তং বিধুনোত্যশেষং
যথা তমোঽর্কোঽভ্রমিবাতিবাতঃ ॥ ৪৮ ॥
শ্রুতানুভাবো ব্যসনং হি পুংসাম্ ।
প্রবিশ্য চিত্তং বিধুনোত্যশেষং
যথা তমোঽর্কোঽভ্রমিবাতিবাতঃ ॥ ৪৮ ॥
মৃষা গিরস্তা হ্যসতীরসত্কথা
ন কথ্যতে যদ্ ভগবানধোক্ষজঃ ।
তদেব সত্যং তদুহৈব মঙ্গলং
তদেব পুণ্যং ভগবদ্গুণোদযম্ ॥ ৪৯ ॥
ন কথ্যতে যদ্ ভগবানধোক্ষজঃ ।
তদেব সত্যং তদুহৈব মঙ্গলং
তদেব পুণ্যং ভগবদ্গুণোদযম্ ॥ ৪৯ ॥
তদেব রম্যং রুচিরং নবং নবং
তদেব শশ্বন্মনসো মহোত্সবম্ ।
তদেব শোকার্ণবশোষণং নৃণাং
যদুত্তমঃশ্লোকযশোঽনুগীযতে ॥ ৫০ ॥
তদেব শশ্বন্মনসো মহোত্সবম্ ।
তদেব শোকার্ণবশোষণং নৃণাং
যদুত্তমঃশ্লোকযশোঽনুগীযতে ॥ ৫০ ॥
ন যদ্ বচশ্চিত্রপদং হরের্যশো
জগত্পবিত্রং প্রগৃণীত কর্হিচিত্ ।
তদ্ ধ্বাঙ্ক্ষতীর্থং ন তু হংসসেবিতং
যত্রাচ্যুতস্তত্র হি সাধবোঽমলাঃ ॥ ৫১ ॥
জগত্পবিত্রং প্রগৃণীত কর্হিচিত্ ।
তদ্ ধ্বাঙ্ক্ষতীর্থং ন তু হংসসেবিতং
যত্রাচ্যুতস্তত্র হি সাধবোঽমলাঃ ॥ ৫১ ॥
তদ্বাগ্বিসর্গো জনতাঘসম্প্লবো
যস্মিন্ প্রতিশ্লোকমবদ্ধবত্যপি ।
নামান্যনন্তস্য যশোঽঙ্কিতানি য-
চ্ছৃণ্বন্তি গাযন্তি গৃণন্তি সাধবঃ ॥ ৫২ ॥
যস্মিন্ প্রতিশ্লোকমবদ্ধবত্যপি ।
নামান্যনন্তস্য যশোঽঙ্কিতানি য-
চ্ছৃণ্বন্তি গাযন্তি গৃণন্তি সাধবঃ ॥ ৫২ ॥
নৈষ্কর্ম্যমপ্যচ্যুতভাববর্জিতং
ন শোভতে জ্ঞানমলং নিরঞ্জনম্ ।
কুতঃ পুনঃ শশ্বদভদ্রমীশ্বরে
ন হ্যর্পিতং কর্ম যদপ্যনুত্তমম্ ॥ ৫৩ ॥
ন শোভতে জ্ঞানমলং নিরঞ্জনম্ ।
কুতঃ পুনঃ শশ্বদভদ্রমীশ্বরে
ন হ্যর্পিতং কর্ম যদপ্যনুত্তমম্ ॥ ৫৩ ॥
যশঃশ্রিযামেব পরিশ্রমঃ পরো
বর্ণাশ্রমাচারতপঃশ্রুতাদিষু ।
অবিস্মৃতিঃ শ্রীধরপাদপদ্মযো-
র্গুণানুবাদশ্রবণাদরাদিভিঃ ॥ ৫৪ ॥
বর্ণাশ্রমাচারতপঃশ্রুতাদিষু ।
অবিস্মৃতিঃ শ্রীধরপাদপদ্মযো-
র্গুণানুবাদশ্রবণাদরাদিভিঃ ॥ ৫৪ ॥
অবিস্মৃতিঃ কৃষ্ণপদারবিন্দযোঃ
ক্ষিণোত্যভদ্রাণি চ শং তনোতি ।
সত্ত্বস্য শুদ্ধিং পরমাত্মভক্তিং
জ্ঞানং চ বিজ্ঞানবিরাগযুক্তম্ ॥ ৫৫ ॥
ক্ষিণোত্যভদ্রাণি চ শং তনোতি ।
সত্ত্বস্য শুদ্ধিং পরমাত্মভক্তিং
জ্ঞানং চ বিজ্ঞানবিরাগযুক্তম্ ॥ ৫৫ ॥
যূযং দ্বিজাগ্র্যা বত ভূরিভাগা
যচ্ছশ্বদাত্মন্যখিলাত্মভূতম্ ।
নারাযণং দেবমদেবমীশ-
মজস্রভাবা ভজতাবিবেশ্য ॥ ৫৬ ॥
যচ্ছশ্বদাত্মন্যখিলাত্মভূতম্ ।
নারাযণং দেবমদেবমীশ-
মজস্রভাবা ভজতাবিবেশ্য ॥ ৫৬ ॥
অহং চ সংস্মারিত আত্মতত্ত্বং
শ্রুতং পুরা মে পরমর্ষিবক্ত্রাত্ ।
প্রাযোপবেশে নৃপতেঃ পরীক্ষিতঃ
সদস্যৃষীণাং মহতাং চ শৃণ্বতাম্ ॥ ৫৭ ॥
শ্রুতং পুরা মে পরমর্ষিবক্ত্রাত্ ।
প্রাযোপবেশে নৃপতেঃ পরীক্ষিতঃ
সদস্যৃষীণাং মহতাং চ শৃণ্বতাম্ ॥ ৫৭ ॥
এতদ্বঃ কথিতং বিপ্রাঃ কথনীযোরুকর্মণঃ ।
মাহাত্ম্যং বাসুদেবস্য সর্বাশুভবিনাশনম্ ॥ ৫৮ ॥
মাহাত্ম্যং বাসুদেবস্য সর্বাশুভবিনাশনম্ ॥ ৫৮ ॥
য এতত্ শ্রাবযেন্নিত্যং যামক্ষণমনন্যধীঃ ।
শ্লোকমেকং তদর্ধং বা পাদং পাদার্ধমেব বা ।
শ্রদ্ধাবান্ যোঽনুশৃণুযাত্ পুনাত্যাত্মানমেব সঃ ॥ ৫৯ ॥
শ্লোকমেকং তদর্ধং বা পাদং পাদার্ধমেব বা ।
শ্রদ্ধাবান্ যোঽনুশৃণুযাত্ পুনাত্যাত্মানমেব সঃ ॥ ৫৯ ॥
দ্বাদশ্যামেকাদশ্যাং বা শৃণ্বন্নাযুষ্যবান্ভবেত্ ।
পঠত্যনশ্নন্ প্রযতস্পূতো ভবতি পাতকাত্ ॥ ৬০ ॥
পঠত্যনশ্নন্ প্রযতস্পূতো ভবতি পাতকাত্ ॥ ৬০ ॥
পুষ্করে মথুরাযাং চ দ্বারবত্যাং যতাত্মবান্ ।
উপোষ্য সংহিতামেতাং পঠিত্বা মুচ্যতে ভযাত্ ॥ ৬১ ॥
উপোষ্য সংহিতামেতাং পঠিত্বা মুচ্যতে ভযাত্ ॥ ৬১ ॥
দেবতা মুনযঃ সিদ্ধাঃ পিতরো মনবো নৃপাঃ ।
যচ্ছন্তি কামান্ গৃণতঃ শৃণ্বতো যস্য কীর্তনাত্ ॥ ৬২ ॥
যচ্ছন্তি কামান্ গৃণতঃ শৃণ্বতো যস্য কীর্তনাত্ ॥ ৬২ ॥
ঋচো যজূংষি সামানি দ্বিজোঽধীত্যানুবিন্দতে ।
মধুকুল্যা ঘৃতকুল্যাঃ পযঃকুল্যাশ্চ তত্ফলম্ ॥ ৬৩ ॥
মধুকুল্যা ঘৃতকুল্যাঃ পযঃকুল্যাশ্চ তত্ফলম্ ॥ ৬৩ ॥
পুরাণসংহিতামেতামধীত্য প্রযতো দ্বিজঃ ।
প্রোক্তং ভগবতা যত্তু তত্পদং পরমং ব্রজেত্ ॥ ৬৪ ॥
প্রোক্তং ভগবতা যত্তু তত্পদং পরমং ব্রজেত্ ॥ ৬৪ ॥
বিপ্রোঽধীত্যাপ্নুযাত্ প্রজ্ঞাং রাজন্যোদধিমেখলাম্ ।
বৈশ্যো নিধিপতিত্বং চ শূদ্রঃ শুধ্যেত পাতকাত্ ॥ ৬৫ ॥
বৈশ্যো নিধিপতিত্বং চ শূদ্রঃ শুধ্যেত পাতকাত্ ॥ ৬৫ ॥
কলিমলসংহতিকালনোঽখিলেশো
হরিরিতরত্র ন গীযতে হ্যভীক্ষ্ণম্ ।
ইহ তু পুনর্ভগবানশেষমূর্তিঃ
পরিপঠিতোঽনুপদং কথাপ্রসঙ্গৈঃ ॥ ৬৬ ॥
হরিরিতরত্র ন গীযতে হ্যভীক্ষ্ণম্ ।
ইহ তু পুনর্ভগবানশেষমূর্তিঃ
পরিপঠিতোঽনুপদং কথাপ্রসঙ্গৈঃ ॥ ৬৬ ॥
তমহমজমনন্তমাত্মতত্ত্বং
জগদুদযস্থিতিসংযমাত্মশক্তিম্ ।
দ্যুপতিভিরজশক্রশঙ্করাদ্যৈ-
র্দুরবসিতস্তবমচ্যুতং নতোঽস্মি ॥ ৬৭ ॥
জগদুদযস্থিতিসংযমাত্মশক্তিম্ ।
দ্যুপতিভিরজশক্রশঙ্করাদ্যৈ-
র্দুরবসিতস্তবমচ্যুতং নতোঽস্মি ॥ ৬৭ ॥
উপচিতনবশক্তিভিঃ স্ব আত্ম-
ন্যুপরচিতস্থিরজঙ্গমালযায ।
ভগবত উপলব্ধিমাত্রধাম্নে
সুরঋষভায নমঃ সনাতনায ॥ ৬৮ ॥
ন্যুপরচিতস্থিরজঙ্গমালযায ।
ভগবত উপলব্ধিমাত্রধাম্নে
সুরঋষভায নমঃ সনাতনায ॥ ৬৮ ॥
স্বসুখনিভৃতচেতাস্তদ্বযুদস্তান্যভাবো-
ঽপ্যজিতরুচিরলীলাকৃষ্টসারস্তদীযম্ ।
ব্যতনুত কৃপযা যস্তত্ত্বদীপং পুরাণং
তমখিলবৃজিনঘ্নং ব্যাসসূনুং নতোঽস্মি ॥ ৬৯ ॥
ঽপ্যজিতরুচিরলীলাকৃষ্টসারস্তদীযম্ ।
ব্যতনুত কৃপযা যস্তত্ত্বদীপং পুরাণং
তমখিলবৃজিনঘ্নং ব্যাসসূনুং নতোঽস্মি ॥ ৬৯ ॥