సూత ఉవాచ
నమో ధర్మాయ మహతే నమః కృష్ణాయ వేధసే ।
బ్రహ్మణేభ్యో నమస్కృత్య ధర్మాన్ వక్ష్యే సనాతనాన్ ॥ ౧ ॥
నమో ధర్మాయ మహతే నమః కృష్ణాయ వేధసే ।
బ్రహ్మణేభ్యో నమస్కృత్య ధర్మాన్ వక్ష్యే సనాతనాన్ ॥ ౧ ॥
ఏతద్ వః కథితం విప్రా విష్ణోశ్చరితమద్భుతమ్ ।
భవద్భిర్యదహం పృష్టో నరాణాం పురుషోచితమ్ ॥ ౨ ॥
భవద్భిర్యదహం పృష్టో నరాణాం పురుషోచితమ్ ॥ ౨ ॥
అత్ర సఙ్కీర్తితః సాక్షాత్ సర్వపాపహరో హరిః ।
నారాయణో హృషీకేశో భగవాన్ సాత్వతాం పతిః ॥ ౩ ॥
నారాయణో హృషీకేశో భగవాన్ సాత్వతాం పతిః ॥ ౩ ॥
అత్ర బ్రహ్మ పరం గుహ్యం జగతః ప్రభవాప్యయమ్ ।
జ్ఞానం చ తదుపాఖ్యానం ప్రోక్తం విజ్ఞానసంయుతమ్ ॥ ౪ ॥
జ్ఞానం చ తదుపాఖ్యానం ప్రోక్తం విజ్ఞానసంయుతమ్ ॥ ౪ ॥
భక్తియోగః సమాఖ్యాతో వైరాగ్యం చ తదాశ్రయమ్ ।
పారీక్షితముపాఖ్యానం నారదాఖ్యానమేవ చ ॥ ౫ ॥
పారీక్షితముపాఖ్యానం నారదాఖ్యానమేవ చ ॥ ౫ ॥
ప్రాయోపవేశో రాజర్షేర్విప్రశాపాత్ పరీక్షితః ।
శుకస్య బ్రహ్మర్షభస్య సంవాదశ్చ పరీక్షితః ॥ ౬ ॥
శుకస్య బ్రహ్మర్షభస్య సంవాదశ్చ పరీక్షితః ॥ ౬ ॥
యోగధారణయోత్క్రాన్తిః సంవాదో నారదాజయోః ।
అవతారానుగీతం చ సర్గః ప్రాధానికోఽగ్రతః ॥ ౭ ॥
అవతారానుగీతం చ సర్గః ప్రాధానికోఽగ్రతః ॥ ౭ ॥
విదురోద్ధవసంవాదః క్షత్తృమైత్రేయయోస్తతః ।
పురాణసంహితాప్రశ్నో మహాపురుషసంస్థితిః ॥ ౮ ॥
పురాణసంహితాప్రశ్నో మహాపురుషసంస్థితిః ॥ ౮ ॥
తతః ప్రాకృతికః సర్గః సప్త వైకృతికాశ్చ యే ।
తతో బ్రహ్మాణ్డసమ్భూతిర్వైరాజః పురుషో యతః ॥ ౯ ॥
తతో బ్రహ్మాణ్డసమ్భూతిర్వైరాజః పురుషో యతః ॥ ౯ ॥
కాలస్య స్థూలసూక్ష్మస్య గతిః పద్మసముద్భవః ।
భువ ఉద్ధరణేఽమ్భోధేర్హిరణ్యాక్షవధో యథా ॥ ౧౦ ॥
భువ ఉద్ధరణేఽమ్భోధేర్హిరణ్యాక్షవధో యథా ॥ ౧౦ ॥
ఊర్ధ్వతిర్యగవాక్సర్గో రుద్రసర్గస్తథైవ చ । అర్ధనారీశ్వరస్యాథ యతః స్వాయమ్భువో మనుః ॥ ౧౧ ॥
శతరూపా చ యా స్త్రీణామాద్యా ప్రకృతిరుత్తమా ।
సన్తానో ధర్మపత్నీనాం కర్దమస్య ప్రజాపతేః ॥ ౧౨ ॥
సన్తానో ధర్మపత్నీనాం కర్దమస్య ప్రజాపతేః ॥ ౧౨ ॥
అవతారో భగవతః కపిలస్య మహాత్మనః ।
దేవహూత్యాశ్చ సంవాదః కపిలేన చ ధీమతా ॥ ౧౩ ॥
దేవహూత్యాశ్చ సంవాదః కపిలేన చ ధీమతా ॥ ౧౩ ॥
నవబ్రహ్మసముత్పత్తిర్దక్షయజ్ఞవినాశనమ్ ।
ధ్రువస్య చరితం పశ్చాత్పృథోః ప్రాచీనబర్హిషః ॥ ౧౪ ॥
ధ్రువస్య చరితం పశ్చాత్పృథోః ప్రాచీనబర్హిషః ॥ ౧౪ ॥
నారదస్య చ సంవాదస్తతః ప్రైయవ్రతం ద్విజాః ।
నాభేస్తతోఽను చరితమృషభస్య భరతస్య చ ॥ ౧౫ ॥
నాభేస్తతోఽను చరితమృషభస్య భరతస్య చ ॥ ౧౫ ॥
ద్వీపవర్షసముద్రాణాం గిరినద్యుపవర్ణనమ్ ।
జ్యోతిశ్చక్రస్య సంస్థానం పాతాలనరకస్థితిః ॥ ౧౬ ॥
జ్యోతిశ్చక్రస్య సంస్థానం పాతాలనరకస్థితిః ॥ ౧౬ ॥
దక్షజన్మ ప్రచేతోభ్యస్తత్పుత్రీణాం చ సన్తతిః ।
యతో దేవాసురనరాస్తిర్యఙ్నగఖగాదయః ॥ ౧౭ ॥
యతో దేవాసురనరాస్తిర్యఙ్నగఖగాదయః ॥ ౧౭ ॥
త్వాష్ట్రస్య జన్మ నిధనం పుత్రయోశ్చ దితేర్ద్విజాః ।
దైత్యేశ్వరస్య చరితం ప్రహ్లాదస్య మహాత్మనః ॥ ౧౮ ॥
దైత్యేశ్వరస్య చరితం ప్రహ్లాదస్య మహాత్మనః ॥ ౧౮ ॥
మన్వన్తరానుకథనం గజేన్ద్రస్య విమోక్షణమ్ ।
మన్వన్తరావతారాశ్చ విష్ణోర్హయశిరాదయః ॥ ౧౯ ॥
మన్వన్తరావతారాశ్చ విష్ణోర్హయశిరాదయః ॥ ౧౯ ॥
కౌర్మం మాత్స్యం నారసింహం వామనం చ జగత్పతేః ।
క్షీరోదమథనం తద్వదమృతార్థే దివౌకసామ్ ॥ ౨౦ ॥
క్షీరోదమథనం తద్వదమృతార్థే దివౌకసామ్ ॥ ౨౦ ॥
దేవాసురమహాయుద్ధం రాజవంశానుకీర్తనమ్ ।
ఇక్ష్వాకుజన్మ తద్వంశః సుద్యుమ్నస్య మహాత్మనః ॥ ౨౧ ॥
ఇక్ష్వాకుజన్మ తద్వంశః సుద్యుమ్నస్య మహాత్మనః ॥ ౨౧ ॥
ఇలోపాఖ్యానమత్రోక్తం తారోపాఖ్యానమేవ చ ।
సూర్యవంశానుకథనం శశాదాద్యా నృగాదయః ॥ ౨౨ ॥
సూర్యవంశానుకథనం శశాదాద్యా నృగాదయః ॥ ౨౨ ॥
సౌకన్యం చాథ శర్యాతేః కకుత్స్థస్య చ ధీమతః ।
ఖట్వాఙ్గస్య చ మాన్ధాతుః సౌభరేః సగరస్య చ ॥ ౨౩ ॥
ఖట్వాఙ్గస్య చ మాన్ధాతుః సౌభరేః సగరస్య చ ॥ ౨౩ ॥
రామస్య కోశలేన్ద్రస్య చరితం కిల్బిషాపహమ్ ।
నిమేరఙ్గపరిత్యాగో జనకానాం చ సమ్భవః ॥ ౨౪ ॥
నిమేరఙ్గపరిత్యాగో జనకానాం చ సమ్భవః ॥ ౨౪ ॥
రామస్య భార్గవేన్ద్రస్య నిఃక్షత్రీకరణం భువః ।
ఐలస్య సోమవంశస్య యయాతేర్నహుషస్య చ ॥ ౨౫ ॥
ఐలస్య సోమవంశస్య యయాతేర్నహుషస్య చ ॥ ౨౫ ॥
దౌష్మన్తేర్భరతస్యాపి శాన్తనోస్తత్సుతస్య చ ।
యయాతేర్జ్యేష్ఠపుత్రస్య యదోర్వంశోఽనుకీర్తితః ॥ ౨౬ ॥
యయాతేర్జ్యేష్ఠపుత్రస్య యదోర్వంశోఽనుకీర్తితః ॥ ౨౬ ॥
యత్రావతీర్ణో భగవాన్ కృష్ణాఖ్యో జగదీశ్వరః ।
వసుదేవగృహే జన్మ తతో వృద్ధిశ్చ గోకులే ॥ ౨౭ ॥
వసుదేవగృహే జన్మ తతో వృద్ధిశ్చ గోకులే ॥ ౨౭ ॥
తస్య కర్మాణ్యపారాణి కీర్తితాన్యసురద్విషః ।
పూతనాసుపయఃపానం శకటోచ్చాటనం శిశోః ॥ ౨౮ ॥
పూతనాసుపయఃపానం శకటోచ్చాటనం శిశోః ॥ ౨౮ ॥
తృణావర్తస్య నిష్పేషస్తథైవ బకవత్సయోః ।
అఘాసురవధో ధాత్రా వత్సపాలావగూహనమ్ ॥ ౨౯ ॥
అఘాసురవధో ధాత్రా వత్సపాలావగూహనమ్ ॥ ౨౯ ॥
ధేనుకస్య సహభ్రాతుః ప్రలమ్బస్య చ సఙ్క్షయః ।
గోపానాం చ పరిత్రాణం దావాగ్నేః పరిసర్పతః ॥ ౩౦ ॥
గోపానాం చ పరిత్రాణం దావాగ్నేః పరిసర్పతః ॥ ౩౦ ॥
దమనం కాలియస్యాహేర్మహాహేర్నన్దమోక్షణమ్ ।
వ్రతచర్యా తు కన్యానాం యత్ర తుష్టోఽచ్యుతో వ్రతైః ॥ ౩౧ ॥
వ్రతచర్యా తు కన్యానాం యత్ర తుష్టోఽచ్యుతో వ్రతైః ॥ ౩౧ ॥
ప్రసాదో యజ్ఞపత్నీభ్యో విప్రాణాం చానుతాపనమ్ ।
గోవర్ధనోద్ధారణం చ శక్రస్య సురభేరథ ॥ ౩౨ ॥
గోవర్ధనోద్ధారణం చ శక్రస్య సురభేరథ ॥ ౩౨ ॥
యజ్ఞాభిషేకః కృష్ణస్య స్త్రీభిః క్రీడా చ రాత్రిషు ।
శఙ్ఖచూడస్య దుర్బుద్ధేర్వధోఽరిష్టస్య కేశినః ॥ ౩౩ ॥
శఙ్ఖచూడస్య దుర్బుద్ధేర్వధోఽరిష్టస్య కేశినః ॥ ౩౩ ॥
అక్రూరాగమనం పశ్చాత్ ప్రస్థానం రామకృష్ణయోః ।
వ్రజస్త్రీణాం విలాపశ్చ మథురాలోకనం తతః ॥ ౩౪ ॥
వ్రజస్త్రీణాం విలాపశ్చ మథురాలోకనం తతః ॥ ౩౪ ॥
గజముష్టికచాణూరకంసాదీనాం తథా వధః ।
మృతస్యానయనం సూనోః పునః సాన్దీపనేర్గురోః ॥ ౩౫ ॥
మృతస్యానయనం సూనోః పునః సాన్దీపనేర్గురోః ॥ ౩౫ ॥
మథురాయాం నివసతా యదుచక్రస్య యత్ప్రియమ్ ।
కృతముద్ధవరామాభ్యాం యుతేన హరిణా ద్విజాః ॥ ౩౬ ॥
కృతముద్ధవరామాభ్యాం యుతేన హరిణా ద్విజాః ॥ ౩౬ ॥
జరాసన్ధసమానీతసైన్యస్య బహుశో వధః ।
ఘాతనం యవనేన్ద్రస్య కుశస్థల్యా నివేశనమ్ ॥ ౩౭ ॥
ఘాతనం యవనేన్ద్రస్య కుశస్థల్యా నివేశనమ్ ॥ ౩౭ ॥
ఆదానం పారిజాతస్య సుధర్మాయాః సురాలయాత్ ।
రుక్మిణ్యా హరణం యుద్ధే ప్రమథ్య ద్విషతో హరేః ॥ ౩౮ ॥
రుక్మిణ్యా హరణం యుద్ధే ప్రమథ్య ద్విషతో హరేః ॥ ౩౮ ॥
హరస్య జృమ్భణం యుద్ధే బాణస్య భుజకృన్తనమ్ ।
ప్రాగ్జ్యోతిషపతిం హత్వా కన్యానాం హరణం చ యత్ ॥ ౩౯ ॥
ప్రాగ్జ్యోతిషపతిం హత్వా కన్యానాం హరణం చ యత్ ॥ ౩౯ ॥
చైద్యపౌణ్డ్రకశాల్వానాం దన్తవక్రస్య దుర్మతేః ।
శమ్బరో ద్వివిదః పీఠో మురః పఞ్చజనాదయః ॥ ౪౦ ॥
శమ్బరో ద్వివిదః పీఠో మురః పఞ్చజనాదయః ॥ ౪౦ ॥
మాహాత్మ్యం చ వధస్తేషాం వారాణస్యాశ్చ దాహనమ్ ।
భారావతరణం భూమేర్నిమిత్తీకృత్య పాణ్డవాన్ ॥ ౪౧ ॥
భారావతరణం భూమేర్నిమిత్తీకృత్య పాణ్డవాన్ ॥ ౪౧ ॥
విప్రశాపాపదేశేన సంహారః స్వకులస్య చ ।
ఉద్ధవస్య చ సంవాదో వసుదేవస్య చాద్భుతః ॥ ౪౨ ॥
ఉద్ధవస్య చ సంవాదో వసుదేవస్య చాద్భుతః ॥ ౪౨ ॥
యత్రాత్మవిద్యా హ్యఖిలా ప్రోక్తా ధర్మవినిర్ణయః ।
తతో మర్త్యపరిత్యాగ ఆత్మయోగానుభావతః ॥ ౪౩ ॥
తతో మర్త్యపరిత్యాగ ఆత్మయోగానుభావతః ॥ ౪౩ ॥
యుగలక్షణవృత్తిశ్చ కలౌ నృణాముపప్లవః ।
చతుర్విధశ్చ ప్రలయ ఉత్పత్తిస్త్రివిధా తథా ॥ ౪౪ ॥
చతుర్విధశ్చ ప్రలయ ఉత్పత్తిస్త్రివిధా తథా ॥ ౪౪ ॥
దేహత్యాగశ్చ రాజర్షేర్విష్ణురాతస్య ధీమతః ।
శాఖాప్రణయనమృషేర్మార్కణ్డేయస్య సత్కథా ।
మహాపురుషవిన్యాసః సూర్యస్య జగదాత్మనః ॥ ౪౫ ॥
శాఖాప్రణయనమృషేర్మార్కణ్డేయస్య సత్కథా ।
మహాపురుషవిన్యాసః సూర్యస్య జగదాత్మనః ॥ ౪౫ ॥
ఇతి చోక్తం ద్విజశ్రేష్ఠా యత్పృష్టోఽహమిహాస్మి వః ।
లీలావతారకర్మాణి కీర్తితానీహ సర్వశః ॥ ౪౬ ॥
లీలావతారకర్మాణి కీర్తితానీహ సర్వశః ॥ ౪౬ ॥
పతితః స్ఖలితశ్చార్తః క్షుత్త్వా వా వివశో గృణన్ ।
హరయే నమ ఇత్యుచ్చైర్ముచ్యతే సర్వపాతకాత్ ॥ ౪౭ ॥
హరయే నమ ఇత్యుచ్చైర్ముచ్యతే సర్వపాతకాత్ ॥ ౪౭ ॥
సఙ్కీర్త్యమానో భగవాననన్తః
శ్రుతానుభావో వ్యసనం హి పుంసామ్ ।
ప్రవిశ్య చిత్తం విధునోత్యశేషం
యథా తమోఽర్కోఽభ్రమివాతివాతః ॥ ౪౮ ॥
శ్రుతానుభావో వ్యసనం హి పుంసామ్ ।
ప్రవిశ్య చిత్తం విధునోత్యశేషం
యథా తమోఽర్కోఽభ్రమివాతివాతః ॥ ౪౮ ॥
మృషా గిరస్తా హ్యసతీరసత్కథా
న కథ్యతే యద్ భగవానధోక్షజః ।
తదేవ సత్యం తదుహైవ మఙ్గలం
తదేవ పుణ్యం భగవద్గుణోదయమ్ ॥ ౪౯ ॥
న కథ్యతే యద్ భగవానధోక్షజః ।
తదేవ సత్యం తదుహైవ మఙ్గలం
తదేవ పుణ్యం భగవద్గుణోదయమ్ ॥ ౪౯ ॥
తదేవ రమ్యం రుచిరం నవం నవం
తదేవ శశ్వన్మనసో మహోత్సవమ్ ।
తదేవ శోకార్ణవశోషణం నృణాం
యదుత్తమఃశ్లోకయశోఽనుగీయతే ॥ ౫౦ ॥
తదేవ శశ్వన్మనసో మహోత్సవమ్ ।
తదేవ శోకార్ణవశోషణం నృణాం
యదుత్తమఃశ్లోకయశోఽనుగీయతే ॥ ౫౦ ॥
న యద్ వచశ్చిత్రపదం హరేర్యశో
జగత్పవిత్రం ప్రగృణీత కర్హిచిత్ ।
తద్ ధ్వాఙ్క్షతీర్థం న తు హంససేవితం
యత్రాచ్యుతస్తత్ర హి సాధవోఽమలాః ॥ ౫౧ ॥
జగత్పవిత్రం ప్రగృణీత కర్హిచిత్ ।
తద్ ధ్వాఙ్క్షతీర్థం న తు హంససేవితం
యత్రాచ్యుతస్తత్ర హి సాధవోఽమలాః ॥ ౫౧ ॥
తద్వాగ్విసర్గో జనతాఘసమ్ప్లవో
యస్మిన్ ప్రతిశ్లోకమబద్ధవత్యపి ।
నామాన్యనన్తస్య యశోఽఙ్కితాని య-
చ్ఛృణ్వన్తి గాయన్తి గృణన్తి సాధవః ॥ ౫౨ ॥
యస్మిన్ ప్రతిశ్లోకమబద్ధవత్యపి ।
నామాన్యనన్తస్య యశోఽఙ్కితాని య-
చ్ఛృణ్వన్తి గాయన్తి గృణన్తి సాధవః ॥ ౫౨ ॥
నైష్కర్మ్యమప్యచ్యుతభావవర్జితం
న శోభతే జ్ఞానమలం నిరఞ్జనమ్ ।
కుతః పునః శశ్వదభద్రమీశ్వరే
న హ్యర్పితం కర్మ యదప్యనుత్తమమ్ ॥ ౫౩ ॥
న శోభతే జ్ఞానమలం నిరఞ్జనమ్ ।
కుతః పునః శశ్వదభద్రమీశ్వరే
న హ్యర్పితం కర్మ యదప్యనుత్తమమ్ ॥ ౫౩ ॥
యశఃశ్రియామేవ పరిశ్రమః పరో
వర్ణాశ్రమాచారతపఃశ్రుతాదిషు ।
అవిస్మృతిః శ్రీధరపాదపద్మయో-
ర్గుణానువాదశ్రవణాదరాదిభిః ॥ ౫౪ ॥
వర్ణాశ్రమాచారతపఃశ్రుతాదిషు ।
అవిస్మృతిః శ్రీధరపాదపద్మయో-
ర్గుణానువాదశ్రవణాదరాదిభిః ॥ ౫౪ ॥
అవిస్మృతిః కృష్ణపదారవిన్దయోః
క్షిణోత్యభద్రాణి చ శం తనోతి ।
సత్త్వస్య శుద్ధిం పరమాత్మభక్తిం
జ్ఞానం చ విజ్ఞానవిరాగయుక్తమ్ ॥ ౫౫ ॥
క్షిణోత్యభద్రాణి చ శం తనోతి ।
సత్త్వస్య శుద్ధిం పరమాత్మభక్తిం
జ్ఞానం చ విజ్ఞానవిరాగయుక్తమ్ ॥ ౫౫ ॥
యూయం ద్విజాగ్ర్యా బత భూరిభాగా
యచ్ఛశ్వదాత్మన్యఖిలాత్మభూతమ్ ।
నారాయణం దేవమదేవమీశ-
మజస్రభావా భజతావివేశ్య ॥ ౫౬ ॥
యచ్ఛశ్వదాత్మన్యఖిలాత్మభూతమ్ ।
నారాయణం దేవమదేవమీశ-
మజస్రభావా భజతావివేశ్య ॥ ౫౬ ॥
అహం చ సంస్మారిత ఆత్మతత్త్వం
శ్రుతం పురా మే పరమర్షివక్త్రాత్ ।
ప్రాయోపవేశే నృపతేః పరీక్షితః
సదస్యృషీణాం మహతాం చ శృణ్వతామ్ ॥ ౫౭ ॥
శ్రుతం పురా మే పరమర్షివక్త్రాత్ ।
ప్రాయోపవేశే నృపతేః పరీక్షితః
సదస్యృషీణాం మహతాం చ శృణ్వతామ్ ॥ ౫౭ ॥
ఏతద్వః కథితం విప్రాః కథనీయోరుకర్మణః ।
మాహాత్మ్యం వాసుదేవస్య సర్వాశుభవినాశనమ్ ॥ ౫౮ ॥
మాహాత్మ్యం వాసుదేవస్య సర్వాశుభవినాశనమ్ ॥ ౫౮ ॥
య ఏతత్ శ్రావయేన్నిత్యం యామక్షణమనన్యధీః ।
శ్లోకమేకం తదర్ధం వా పాదం పాదార్ధమేవ వా ।
శ్రద్ధావాన్ యోఽనుశృణుయాత్ పునాత్యాత్మానమేవ సః ॥ ౫౯ ॥
శ్లోకమేకం తదర్ధం వా పాదం పాదార్ధమేవ వా ।
శ్రద్ధావాన్ యోఽనుశృణుయాత్ పునాత్యాత్మానమేవ సః ॥ ౫౯ ॥
ద్వాదశ్యామేకాదశ్యాం వా శృణ్వన్నాయుష్యవాన్భవేత్ ।
పఠత్యనశ్నన్ ప్రయతస్పూతో భవతి పాతకాత్ ॥ ౬౦ ॥
పఠత్యనశ్నన్ ప్రయతస్పూతో భవతి పాతకాత్ ॥ ౬౦ ॥
పుష్కరే మథురాయాం చ ద్వారవత్యాం యతాత్మవాన్ ।
ఉపోష్య సంహితామేతాం పఠిత్వా ముచ్యతే భయాత్ ॥ ౬౧ ॥
ఉపోష్య సంహితామేతాం పఠిత్వా ముచ్యతే భయాత్ ॥ ౬౧ ॥
దేవతా మునయః సిద్ధాః పితరో మనవో నృపాః ।
యచ్ఛన్తి కామాన్ గృణతః శృణ్వతో యస్య కీర్తనాత్ ॥ ౬౨ ॥
యచ్ఛన్తి కామాన్ గృణతః శృణ్వతో యస్య కీర్తనాత్ ॥ ౬౨ ॥
ఋచో యజూంషి సామాని ద్విజోఽధీత్యానువిన్దతే ।
మధుకుల్యా ఘృతకుల్యాః పయఃకుల్యాశ్చ తత్ఫలమ్ ॥ ౬౩ ॥
మధుకుల్యా ఘృతకుల్యాః పయఃకుల్యాశ్చ తత్ఫలమ్ ॥ ౬౩ ॥
పురాణసంహితామేతామధీత్య ప్రయతో ద్విజః ।
ప్రోక్తం భగవతా యత్తు తత్పదం పరమం వ్రజేత్ ॥ ౬౪ ॥
ప్రోక్తం భగవతా యత్తు తత్పదం పరమం వ్రజేత్ ॥ ౬౪ ॥
విప్రోఽధీత్యాప్నుయాత్ ప్రజ్ఞాం రాజన్యోదధిమేఖలామ్ ।
వైశ్యో నిధిపతిత్వం చ శూద్రః శుధ్యేత పాతకాత్ ॥ ౬౫ ॥
వైశ్యో నిధిపతిత్వం చ శూద్రః శుధ్యేత పాతకాత్ ॥ ౬౫ ॥
కలిమలసంహతికాలనోఽఖిలేశో
హరిరితరత్ర న గీయతే హ్యభీక్ష్ణమ్ ।
ఇహ తు పునర్భగవానశేషమూర్తిః
పరిపఠితోఽనుపదం కథాప్రసఙ్గైః ॥ ౬౬ ॥
హరిరితరత్ర న గీయతే హ్యభీక్ష్ణమ్ ।
ఇహ తు పునర్భగవానశేషమూర్తిః
పరిపఠితోఽనుపదం కథాప్రసఙ్గైః ॥ ౬౬ ॥
తమహమజమనన్తమాత్మతత్త్వం
జగదుదయస్థితిసంయమాత్మశక్తిమ్ ।
ద్యుపతిభిరజశక్రశఙ్కరాద్యై-
ర్దురవసితస్తవమచ్యుతం నతోఽస్మి ॥ ౬౭ ॥
జగదుదయస్థితిసంయమాత్మశక్తిమ్ ।
ద్యుపతిభిరజశక్రశఙ్కరాద్యై-
ర్దురవసితస్తవమచ్యుతం నతోఽస్మి ॥ ౬౭ ॥
ఉపచితనవశక్తిభిః స్వ ఆత్మ-
న్యుపరచితస్థిరజఙ్గమాలయాయ ।
భగవత ఉపలబ్ధిమాత్రధామ్నే
సురఋషభాయ నమః సనాతనాయ ॥ ౬౮ ॥
న్యుపరచితస్థిరజఙ్గమాలయాయ ।
భగవత ఉపలబ్ధిమాత్రధామ్నే
సురఋషభాయ నమః సనాతనాయ ॥ ౬౮ ॥
స్వసుఖనిభృతచేతాస్తద్వయుదస్తాన్యభావో-
ఽప్యజితరుచిరలీలాకృష్టసారస్తదీయమ్ ।
వ్యతనుత కృపయా యస్తత్త్వదీపం పురాణం
తమఖిలవృజినఘ్నం వ్యాససూనుం నతోఽస్మి ॥ ౬౯ ॥
ఽప్యజితరుచిరలీలాకృష్టసారస్తదీయమ్ ।
వ్యతనుత కృపయా యస్తత్త్వదీపం పురాణం
తమఖిలవృజినఘ్నం వ్యాససూనుం నతోఽస్మి ॥ ౬౯ ॥