സൂത ഉവാച
നമോ ധര്മായ മഹതേ നമഃ കൃഷ്ണായ വേധസേ ।
ബ്രഹ്മണേഭ്യോ നമസ്കൃത്യ ധര്മാന് വക്ഷ്യേ സനാതനാന് ॥ ൧ ॥
നമോ ധര്മായ മഹതേ നമഃ കൃഷ്ണായ വേധസേ ।
ബ്രഹ്മണേഭ്യോ നമസ്കൃത്യ ധര്മാന് വക്ഷ്യേ സനാതനാന് ॥ ൧ ॥
ഏതദ് വഃ കഥിതം വിപ്രാ വിഷ്ണോശ്ചരിതമദ്ഭുതമ് ।
ഭവദ്ഭിര്യദഹം പൃഷ്ടോ നരാണാം പുരുഷോചിതമ് ॥ ൨ ॥
ഭവദ്ഭിര്യദഹം പൃഷ്ടോ നരാണാം പുരുഷോചിതമ് ॥ ൨ ॥
അത്ര സങ്കീര്തിതഃ സാക്ഷാത് സര്വപാപഹരോ ഹരിഃ ।
നാരായണോ ഹൃഷീകേശോ ഭഗവാന് സാത്വതാം പതിഃ ॥ ൩ ॥
നാരായണോ ഹൃഷീകേശോ ഭഗവാന് സാത്വതാം പതിഃ ॥ ൩ ॥
അത്ര ബ്രഹ്മ പരം ഗുഹ്യം ജഗതഃ പ്രഭവാപ്യയമ് ।
ജ്ഞാനം ച തദുപാഖ്യാനം പ്രോക്തം വിജ്ഞാനസംയുതമ് ॥ ൪ ॥
ജ്ഞാനം ച തദുപാഖ്യാനം പ്രോക്തം വിജ്ഞാനസംയുതമ് ॥ ൪ ॥
ഭക്തിയോഗഃ സമാഖ്യാതോ വൈരാഗ്യം ച തദാശ്രയമ് ।
പാരീക്ഷിതമുപാഖ്യാനം നാരദാഖ്യാനമേവ ച ॥ ൫ ॥
പാരീക്ഷിതമുപാഖ്യാനം നാരദാഖ്യാനമേവ ച ॥ ൫ ॥
പ്രായോപവേശോ രാജര്ഷേര്വിപ്രശാപാത് പരീക്ഷിതഃ ।
ശുകസ്യ ബ്രഹ്മര്ഷഭസ്യ സംവാദശ്ച പരീക്ഷിതഃ ॥ ൬ ॥
ശുകസ്യ ബ്രഹ്മര്ഷഭസ്യ സംവാദശ്ച പരീക്ഷിതഃ ॥ ൬ ॥
യോഗധാരണയോത്ക്രാന്തിഃ സംവാദോ നാരദാജയോഃ ।
അവതാരാനുഗീതം ച സര്ഗഃ പ്രാധാനികോഽഗ്രതഃ ॥ ൭ ॥
അവതാരാനുഗീതം ച സര്ഗഃ പ്രാധാനികോഽഗ്രതഃ ॥ ൭ ॥
വിദുരോദ്ധവസംവാദഃ ക്ഷത്തൃമൈത്രേയയോസ്തതഃ ।
പുരാണസംഹിതാപ്രശ്നോ മഹാപുരുഷസംസ്ഥിതിഃ ॥ ൮ ॥
പുരാണസംഹിതാപ്രശ്നോ മഹാപുരുഷസംസ്ഥിതിഃ ॥ ൮ ॥
തതഃ പ്രാകൃതികഃ സര്ഗഃ സപ്ത വൈകൃതികാശ്ച യേ ।
തതോ ബ്രഹ്മാണ്ഡസമ്ഭൂതിര്വൈരാജഃ പുരുഷോ യതഃ ॥ ൯ ॥
തതോ ബ്രഹ്മാണ്ഡസമ്ഭൂതിര്വൈരാജഃ പുരുഷോ യതഃ ॥ ൯ ॥
കാലസ്യ സ്ഥൂലസൂക്ഷ്മസ്യ ഗതിഃ പദ്മസമുദ്ഭവഃ ।
ഭുവ ഉദ്ധരണേഽമ്ഭോധേര്ഹിരണ്യാക്ഷവധോ യഥാ ॥ ൧൦ ॥
ഭുവ ഉദ്ധരണേഽമ്ഭോധേര്ഹിരണ്യാക്ഷവധോ യഥാ ॥ ൧൦ ॥
ഊര്ധ്വതിര്യഗവാക്സര്ഗോ രുദ്രസര്ഗസ്തഥൈവ ച । അര്ധനാരീശ്വരസ്യാഥ യതഃ സ്വായമ്ഭുവോ മനുഃ ॥ ൧൧ ॥
ശതരൂപാ ച യാ സ്ത്രീണാമാദ്യാ പ്രകൃതിരുത്തമാ ।
സന്താനോ ധര്മപത്നീനാം കര്ദമസ്യ പ്രജാപതേഃ ॥ ൧൨ ॥
സന്താനോ ധര്മപത്നീനാം കര്ദമസ്യ പ്രജാപതേഃ ॥ ൧൨ ॥
അവതാരോ ഭഗവതഃ കപിലസ്യ മഹാത്മനഃ ।
ദേവഹൂത്യാശ്ച സംവാദഃ കപിലേന ച ധീമതാ ॥ ൧൩ ॥
ദേവഹൂത്യാശ്ച സംവാദഃ കപിലേന ച ധീമതാ ॥ ൧൩ ॥
നവബ്രഹ്മസമുത്പത്തിര്ദക്ഷയജ്ഞവിനാശനമ് ।
ധ്രുവസ്യ ചരിതം പശ്ചാത്പൃഥോഃ പ്രാചീനബര്ഹിഷഃ ॥ ൧൪ ॥
ധ്രുവസ്യ ചരിതം പശ്ചാത്പൃഥോഃ പ്രാചീനബര്ഹിഷഃ ॥ ൧൪ ॥
നാരദസ്യ ച സംവാദസ്തതഃ പ്രൈയവ്രതം ദ്വിജാഃ ।
നാഭേസ്തതോഽനു ചരിതമൃഷഭസ്യ ഭരതസ്യ ച ॥ ൧൫ ॥
നാഭേസ്തതോഽനു ചരിതമൃഷഭസ്യ ഭരതസ്യ ച ॥ ൧൫ ॥
ദ്വീപവര്ഷസമുദ്രാണാം ഗിരിനദ്യുപവര്ണനമ് ।
ജ്യോതിശ്ചക്രസ്യ സംസ്ഥാനം പാതാലനരകസ്ഥിതിഃ ॥ ൧൬ ॥
ജ്യോതിശ്ചക്രസ്യ സംസ്ഥാനം പാതാലനരകസ്ഥിതിഃ ॥ ൧൬ ॥
ദക്ഷജന്മ പ്രചേതോഭ്യസ്തത്പുത്രീണാം ച സന്തതിഃ ।
യതോ ദേവാസുരനരാസ്തിര്യങ്നഗഖഗാദയഃ ॥ ൧൭ ॥
യതോ ദേവാസുരനരാസ്തിര്യങ്നഗഖഗാദയഃ ॥ ൧൭ ॥
ത്വാഷ്ട്രസ്യ ജന്മ നിധനം പുത്രയോശ്ച ദിതേര്ദ്വിജാഃ ।
ദൈത്യേശ്വരസ്യ ചരിതം പ്രഹ്ലാദസ്യ മഹാത്മനഃ ॥ ൧൮ ॥
ദൈത്യേശ്വരസ്യ ചരിതം പ്രഹ്ലാദസ്യ മഹാത്മനഃ ॥ ൧൮ ॥
മന്വന്തരാനുകഥനം ഗജേന്ദ്രസ്യ വിമോക്ഷണമ് ।
മന്വന്തരാവതാരാശ്ച വിഷ്ണോര്ഹയശിരാദയഃ ॥ ൧൯ ॥
മന്വന്തരാവതാരാശ്ച വിഷ്ണോര്ഹയശിരാദയഃ ॥ ൧൯ ॥
കൌര്മം മാത്സ്യം നാരസിംഹം വാമനം ച ജഗത്പതേഃ ।
ക്ഷീരോദമഥനം തദ്വദമൃതാര്ഥേ ദിവൌകസാമ് ॥ ൨൦ ॥
ക്ഷീരോദമഥനം തദ്വദമൃതാര്ഥേ ദിവൌകസാമ് ॥ ൨൦ ॥
ദേവാസുരമഹായുദ്ധം രാജവംശാനുകീര്തനമ് ।
ഇക്ഷ്വാകുജന്മ തദ്വംശഃ സുദ്യുമ്നസ്യ മഹാത്മനഃ ॥ ൨൧ ॥
ഇക്ഷ്വാകുജന്മ തദ്വംശഃ സുദ്യുമ്നസ്യ മഹാത്മനഃ ॥ ൨൧ ॥
ഇലോപാഖ്യാനമത്രോക്തം താരോപാഖ്യാനമേവ ച ।
സൂര്യവംശാനുകഥനം ശശാദാദ്യാ നൃഗാദയഃ ॥ ൨൨ ॥
സൂര്യവംശാനുകഥനം ശശാദാദ്യാ നൃഗാദയഃ ॥ ൨൨ ॥
സൌകന്യം ചാഥ ശര്യാതേഃ കകുത്സ്ഥസ്യ ച ധീമതഃ ।
ഖട്വാങ്ഗസ്യ ച മാന്ധാതുഃ സൌഭരേഃ സഗരസ്യ ച ॥ ൨൩ ॥
ഖട്വാങ്ഗസ്യ ച മാന്ധാതുഃ സൌഭരേഃ സഗരസ്യ ച ॥ ൨൩ ॥
രാമസ്യ കോശലേന്ദ്രസ്യ ചരിതം കില്ബിഷാപഹമ് ।
നിമേരങ്ഗപരിത്യാഗോ ജനകാനാം ച സമ്ഭവഃ ॥ ൨൪ ॥
നിമേരങ്ഗപരിത്യാഗോ ജനകാനാം ച സമ്ഭവഃ ॥ ൨൪ ॥
രാമസ്യ ഭാര്ഗവേന്ദ്രസ്യ നിഃക്ഷത്രീകരണം ഭുവഃ ।
ഐലസ്യ സോമവംശസ്യ യയാതേര്നഹുഷസ്യ ച ॥ ൨൫ ॥
ഐലസ്യ സോമവംശസ്യ യയാതേര്നഹുഷസ്യ ച ॥ ൨൫ ॥
ദൌഷ്മന്തേര്ഭരതസ്യാപി ശാന്തനോസ്തത്സുതസ്യ ച ।
യയാതേര്ജ്യേഷ്ഠപുത്രസ്യ യദോര്വംശോഽനുകീര്തിതഃ ॥ ൨൬ ॥
യയാതേര്ജ്യേഷ്ഠപുത്രസ്യ യദോര്വംശോഽനുകീര്തിതഃ ॥ ൨൬ ॥
യത്രാവതീര്ണോ ഭഗവാന് കൃഷ്ണാഖ്യോ ജഗദീശ്വരഃ ।
വസുദേവഗൃഹേ ജന്മ തതോ വൃദ്ധിശ്ച ഗോകുലേ ॥ ൨൭ ॥
വസുദേവഗൃഹേ ജന്മ തതോ വൃദ്ധിശ്ച ഗോകുലേ ॥ ൨൭ ॥
തസ്യ കര്മാണ്യപാരാണി കീര്തിതാന്യസുരദ്വിഷഃ ।
പൂതനാസുപയഃപാനം ശകടോച്ചാടനം ശിശോഃ ॥ ൨൮ ॥
പൂതനാസുപയഃപാനം ശകടോച്ചാടനം ശിശോഃ ॥ ൨൮ ॥
തൃണാവര്തസ്യ നിഷ്പേഷസ്തഥൈവ ബകവത്സയോഃ ।
അഘാസുരവധോ ധാത്രാ വത്സപാലാവഗൂഹനമ് ॥ ൨൯ ॥
അഘാസുരവധോ ധാത്രാ വത്സപാലാവഗൂഹനമ് ॥ ൨൯ ॥
ധേനുകസ്യ സഹഭ്രാതുഃ പ്രലമ്ബസ്യ ച സങ്ക്ഷയഃ ।
ഗോപാനാം ച പരിത്രാണം ദാവാഗ്നേഃ പരിസര്പതഃ ॥ ൩൦ ॥
ഗോപാനാം ച പരിത്രാണം ദാവാഗ്നേഃ പരിസര്പതഃ ॥ ൩൦ ॥
ദമനം കാലിയസ്യാഹേര്മഹാഹേര്നന്ദമോക്ഷണമ് ।
വ്രതചര്യാ തു കന്യാനാം യത്ര തുഷ്ടോഽച്യുതോ വ്രതൈഃ ॥ ൩൧ ॥
വ്രതചര്യാ തു കന്യാനാം യത്ര തുഷ്ടോഽച്യുതോ വ്രതൈഃ ॥ ൩൧ ॥
പ്രസാദോ യജ്ഞപത്നീഭ്യോ വിപ്രാണാം ചാനുതാപനമ് ।
ഗോവര്ധനോദ്ധാരണം ച ശക്രസ്യ സുരഭേരഥ ॥ ൩൨ ॥
ഗോവര്ധനോദ്ധാരണം ച ശക്രസ്യ സുരഭേരഥ ॥ ൩൨ ॥
യജ്ഞാഭിഷേകഃ കൃഷ്ണസ്യ സ്ത്രീഭിഃ ക്രീഡാ ച രാത്രിഷു ।
ശങ്ഖചൂഡസ്യ ദുര്ബുദ്ധേര്വധോഽരിഷ്ടസ്യ കേശിനഃ ॥ ൩൩ ॥
ശങ്ഖചൂഡസ്യ ദുര്ബുദ്ധേര്വധോഽരിഷ്ടസ്യ കേശിനഃ ॥ ൩൩ ॥
അക്രൂരാഗമനം പശ്ചാത് പ്രസ്ഥാനം രാമകൃഷ്ണയോഃ ।
വ്രജസ്ത്രീണാം വിലാപശ്ച മഥുരാലോകനം തതഃ ॥ ൩൪ ॥
വ്രജസ്ത്രീണാം വിലാപശ്ച മഥുരാലോകനം തതഃ ॥ ൩൪ ॥
ഗജമുഷ്ടികചാണൂരകംസാദീനാം തഥാ വധഃ ।
മൃതസ്യാനയനം സൂനോഃ പുനഃ സാന്ദീപനേര്ഗുരോഃ ॥ ൩൫ ॥
മൃതസ്യാനയനം സൂനോഃ പുനഃ സാന്ദീപനേര്ഗുരോഃ ॥ ൩൫ ॥
മഥുരായാം നിവസതാ യദുചക്രസ്യ യത്പ്രിയമ് ।
കൃതമുദ്ധവരാമാഭ്യാം യുതേന ഹരിണാ ദ്വിജാഃ ॥ ൩൬ ॥
കൃതമുദ്ധവരാമാഭ്യാം യുതേന ഹരിണാ ദ്വിജാഃ ॥ ൩൬ ॥
ജരാസന്ധസമാനീതസൈന്യസ്യ ബഹുശോ വധഃ ।
ഘാതനം യവനേന്ദ്രസ്യ കുശസ്ഥല്യാ നിവേശനമ് ॥ ൩൭ ॥
ഘാതനം യവനേന്ദ്രസ്യ കുശസ്ഥല്യാ നിവേശനമ് ॥ ൩൭ ॥
ആദാനം പാരിജാതസ്യ സുധര്മായാഃ സുരാലയാത് ।
രുക്മിണ്യാ ഹരണം യുദ്ധേ പ്രമഥ്യ ദ്വിഷതോ ഹരേഃ ॥ ൩൮ ॥
രുക്മിണ്യാ ഹരണം യുദ്ധേ പ്രമഥ്യ ദ്വിഷതോ ഹരേഃ ॥ ൩൮ ॥
ഹരസ്യ ജൃമ്ഭണം യുദ്ധേ ബാണസ്യ ഭുജകൃന്തനമ് ।
പ്രാഗ്ജ്യോതിഷപതിം ഹത്വാ കന്യാനാം ഹരണം ച യത് ॥ ൩൯ ॥
പ്രാഗ്ജ്യോതിഷപതിം ഹത്വാ കന്യാനാം ഹരണം ച യത് ॥ ൩൯ ॥
ചൈദ്യപൌണ്ഡ്രകശാല്വാനാം ദന്തവക്രസ്യ ദുര്മതേഃ ।
ശമ്ബരോ ദ്വിവിദഃ പീഠോ മുരഃ പഞ്ചജനാദയഃ ॥ ൪൦ ॥
ശമ്ബരോ ദ്വിവിദഃ പീഠോ മുരഃ പഞ്ചജനാദയഃ ॥ ൪൦ ॥
മാഹാത്മ്യം ച വധസ്തേഷാം വാരാണസ്യാശ്ച ദാഹനമ് ।
ഭാരാവതരണം ഭൂമേര്നിമിത്തീകൃത്യ പാണ്ഡവാന് ॥ ൪൧ ॥
ഭാരാവതരണം ഭൂമേര്നിമിത്തീകൃത്യ പാണ്ഡവാന് ॥ ൪൧ ॥
വിപ്രശാപാപദേശേന സംഹാരഃ സ്വകുലസ്യ ച ।
ഉദ്ധവസ്യ ച സംവാദോ വസുദേവസ്യ ചാദ്ഭുതഃ ॥ ൪൨ ॥
ഉദ്ധവസ്യ ച സംവാദോ വസുദേവസ്യ ചാദ്ഭുതഃ ॥ ൪൨ ॥
യത്രാത്മവിദ്യാ ഹ്യഖിലാ പ്രോക്താ ധര്മവിനിര്ണയഃ ।
തതോ മര്ത്യപരിത്യാഗ ആത്മയോഗാനുഭാവതഃ ॥ ൪൩ ॥
തതോ മര്ത്യപരിത്യാഗ ആത്മയോഗാനുഭാവതഃ ॥ ൪൩ ॥
യുഗലക്ഷണവൃത്തിശ്ച കലൌ നൃണാമുപപ്ലവഃ ।
ചതുര്വിധശ്ച പ്രലയ ഉത്പത്തിസ്ത്രിവിധാ തഥാ ॥ ൪൪ ॥
ചതുര്വിധശ്ച പ്രലയ ഉത്പത്തിസ്ത്രിവിധാ തഥാ ॥ ൪൪ ॥
ദേഹത്യാഗശ്ച രാജര്ഷേര്വിഷ്ണുരാതസ്യ ധീമതഃ ।
ശാഖാപ്രണയനമൃഷേര്മാര്കണ്ഡേയസ്യ സത്കഥാ ।
മഹാപുരുഷവിന്യാസഃ സൂര്യസ്യ ജഗദാത്മനഃ ॥ ൪൫ ॥
ശാഖാപ്രണയനമൃഷേര്മാര്കണ്ഡേയസ്യ സത്കഥാ ।
മഹാപുരുഷവിന്യാസഃ സൂര്യസ്യ ജഗദാത്മനഃ ॥ ൪൫ ॥
ഇതി ചോക്തം ദ്വിജശ്രേഷ്ഠാ യത്പൃഷ്ടോഽഹമിഹാസ്മി വഃ ।
ലീലാവതാരകര്മാണി കീര്തിതാനീഹ സര്വശഃ ॥ ൪൬ ॥
ലീലാവതാരകര്മാണി കീര്തിതാനീഹ സര്വശഃ ॥ ൪൬ ॥
പതിതഃ സ്ഖലിതശ്ചാര്തഃ ക്ഷുത്ത്വാ വാ വിവശോ ഗൃണന് ।
ഹരയേ നമ ഇത്യുച്ചൈര്മുച്യതേ സര്വപാതകാത് ॥ ൪൭ ॥
ഹരയേ നമ ഇത്യുച്ചൈര്മുച്യതേ സര്വപാതകാത് ॥ ൪൭ ॥
സങ്കീര്ത്യമാനോ ഭഗവാനനന്തഃ
ശ്രുതാനുഭാവോ വ്യസനം ഹി പുംസാമ് ।
പ്രവിശ്യ ചിത്തം വിധുനോത്യശേഷം
യഥാ തമോഽര്കോഽഭ്രമിവാതിവാതഃ ॥ ൪൮ ॥
ശ്രുതാനുഭാവോ വ്യസനം ഹി പുംസാമ് ।
പ്രവിശ്യ ചിത്തം വിധുനോത്യശേഷം
യഥാ തമോഽര്കോഽഭ്രമിവാതിവാതഃ ॥ ൪൮ ॥
മൃഷാ ഗിരസ്താ ഹ്യസതീരസത്കഥാ
ന കഥ്യതേ യദ് ഭഗവാനധോക്ഷജഃ ।
തദേവ സത്യം തദുഹൈവ മങ്ഗലം
തദേവ പുണ്യം ഭഗവദ്ഗുണോദയമ് ॥ ൪൯ ॥
ന കഥ്യതേ യദ് ഭഗവാനധോക്ഷജഃ ।
തദേവ സത്യം തദുഹൈവ മങ്ഗലം
തദേവ പുണ്യം ഭഗവദ്ഗുണോദയമ് ॥ ൪൯ ॥
തദേവ രമ്യം രുചിരം നവം നവം
തദേവ ശശ്വന്മനസോ മഹോത്സവമ് ।
തദേവ ശോകാര്ണവശോഷണം നൃണാം
യദുത്തമഃശ്ലോകയശോഽനുഗീയതേ ॥ ൫൦ ॥
തദേവ ശശ്വന്മനസോ മഹോത്സവമ് ।
തദേവ ശോകാര്ണവശോഷണം നൃണാം
യദുത്തമഃശ്ലോകയശോഽനുഗീയതേ ॥ ൫൦ ॥
ന യദ് വചശ്ചിത്രപദം ഹരേര്യശോ
ജഗത്പവിത്രം പ്രഗൃണീത കര്ഹിചിത് ।
തദ് ധ്വാങ്ക്ഷതീര്ഥം ന തു ഹംസസേവിതം
യത്രാച്യുതസ്തത്ര ഹി സാധവോഽമലാഃ ॥ ൫൧ ॥
ജഗത്പവിത്രം പ്രഗൃണീത കര്ഹിചിത് ।
തദ് ധ്വാങ്ക്ഷതീര്ഥം ന തു ഹംസസേവിതം
യത്രാച്യുതസ്തത്ര ഹി സാധവോഽമലാഃ ॥ ൫൧ ॥
തദ്വാഗ്വിസര്ഗോ ജനതാഘസമ്പ്ലവോ
യസ്മിന് പ്രതിശ്ലോകമബദ്ധവത്യപി ।
നാമാന്യനന്തസ്യ യശോഽങ്കിതാനി യ-
ച്ഛൃണ്വന്തി ഗായന്തി ഗൃണന്തി സാധവഃ ॥ ൫൨ ॥
യസ്മിന് പ്രതിശ്ലോകമബദ്ധവത്യപി ।
നാമാന്യനന്തസ്യ യശോഽങ്കിതാനി യ-
ച്ഛൃണ്വന്തി ഗായന്തി ഗൃണന്തി സാധവഃ ॥ ൫൨ ॥
നൈഷ്കര്മ്യമപ്യച്യുതഭാവവര്ജിതം
ന ശോഭതേ ജ്ഞാനമലം നിരഞ്ജനമ് ।
കുതഃ പുനഃ ശശ്വദഭദ്രമീശ്വരേ
ന ഹ്യര്പിതം കര്മ യദപ്യനുത്തമമ് ॥ ൫൩ ॥
ന ശോഭതേ ജ്ഞാനമലം നിരഞ്ജനമ് ।
കുതഃ പുനഃ ശശ്വദഭദ്രമീശ്വരേ
ന ഹ്യര്പിതം കര്മ യദപ്യനുത്തമമ് ॥ ൫൩ ॥
യശഃശ്രിയാമേവ പരിശ്രമഃ പരോ
വര്ണാശ്രമാചാരതപഃശ്രുതാദിഷു ।
അവിസ്മൃതിഃ ശ്രീധരപാദപദ്മയോ-
ര്ഗുണാനുവാദശ്രവണാദരാദിഭിഃ ॥ ൫൪ ॥
വര്ണാശ്രമാചാരതപഃശ്രുതാദിഷു ।
അവിസ്മൃതിഃ ശ്രീധരപാദപദ്മയോ-
ര്ഗുണാനുവാദശ്രവണാദരാദിഭിഃ ॥ ൫൪ ॥
അവിസ്മൃതിഃ കൃഷ്ണപദാരവിന്ദയോഃ
ക്ഷിണോത്യഭദ്രാണി ച ശം തനോതി ।
സത്ത്വസ്യ ശുദ്ധിം പരമാത്മഭക്തിം
ജ്ഞാനം ച വിജ്ഞാനവിരാഗയുക്തമ് ॥ ൫൫ ॥
ക്ഷിണോത്യഭദ്രാണി ച ശം തനോതി ।
സത്ത്വസ്യ ശുദ്ധിം പരമാത്മഭക്തിം
ജ്ഞാനം ച വിജ്ഞാനവിരാഗയുക്തമ് ॥ ൫൫ ॥
യൂയം ദ്വിജാഗ്ര്യാ ബത ഭൂരിഭാഗാ
യച്ഛശ്വദാത്മന്യഖിലാത്മഭൂതമ് ।
നാരായണം ദേവമദേവമീശ-
മജസ്രഭാവാ ഭജതാവിവേശ്യ ॥ ൫൬ ॥
യച്ഛശ്വദാത്മന്യഖിലാത്മഭൂതമ് ।
നാരായണം ദേവമദേവമീശ-
മജസ്രഭാവാ ഭജതാവിവേശ്യ ॥ ൫൬ ॥
അഹം ച സംസ്മാരിത ആത്മതത്ത്വം
ശ്രുതം പുരാ മേ പരമര്ഷിവക്ത്രാത് ।
പ്രായോപവേശേ നൃപതേഃ പരീക്ഷിതഃ
സദസ്യൃഷീണാം മഹതാം ച ശൃണ്വതാമ് ॥ ൫൭ ॥
ശ്രുതം പുരാ മേ പരമര്ഷിവക്ത്രാത് ।
പ്രായോപവേശേ നൃപതേഃ പരീക്ഷിതഃ
സദസ്യൃഷീണാം മഹതാം ച ശൃണ്വതാമ് ॥ ൫൭ ॥
ഏതദ്വഃ കഥിതം വിപ്രാഃ കഥനീയോരുകര്മണഃ ।
മാഹാത്മ്യം വാസുദേവസ്യ സര്വാശുഭവിനാശനമ് ॥ ൫൮ ॥
മാഹാത്മ്യം വാസുദേവസ്യ സര്വാശുഭവിനാശനമ് ॥ ൫൮ ॥
യ ഏതത് ശ്രാവയേന്നിത്യം യാമക്ഷണമനന്യധീഃ ।
ശ്ലോകമേകം തദര്ധം വാ പാദം പാദാര്ധമേവ വാ ।
ശ്രദ്ധാവാന് യോഽനുശൃണുയാത് പുനാത്യാത്മാനമേവ സഃ ॥ ൫൯ ॥
ശ്ലോകമേകം തദര്ധം വാ പാദം പാദാര്ധമേവ വാ ।
ശ്രദ്ധാവാന് യോഽനുശൃണുയാത് പുനാത്യാത്മാനമേവ സഃ ॥ ൫൯ ॥
ദ്വാദശ്യാമേകാദശ്യാം വാ ശൃണ്വന്നായുഷ്യവാന്ഭവേത് ।
പഠത്യനശ്നന് പ്രയതസ്പൂതോ ഭവതി പാതകാത് ॥ ൬൦ ॥
പഠത്യനശ്നന് പ്രയതസ്പൂതോ ഭവതി പാതകാത് ॥ ൬൦ ॥
പുഷ്കരേ മഥുരായാം ച ദ്വാരവത്യാം യതാത്മവാന് ।
ഉപോഷ്യ സംഹിതാമേതാം പഠിത്വാ മുച്യതേ ഭയാത് ॥ ൬൧ ॥
ഉപോഷ്യ സംഹിതാമേതാം പഠിത്വാ മുച്യതേ ഭയാത് ॥ ൬൧ ॥
ദേവതാ മുനയഃ സിദ്ധാഃ പിതരോ മനവോ നൃപാഃ ।
യച്ഛന്തി കാമാന് ഗൃണതഃ ശൃണ്വതോ യസ്യ കീര്തനാത് ॥ ൬൨ ॥
യച്ഛന്തി കാമാന് ഗൃണതഃ ശൃണ്വതോ യസ്യ കീര്തനാത് ॥ ൬൨ ॥
ഋചോ യജൂംഷി സാമാനി ദ്വിജോഽധീത്യാനുവിന്ദതേ ।
മധുകുല്യാ ഘൃതകുല്യാഃ പയഃകുല്യാശ്ച തത്ഫലമ് ॥ ൬൩ ॥
മധുകുല്യാ ഘൃതകുല്യാഃ പയഃകുല്യാശ്ച തത്ഫലമ് ॥ ൬൩ ॥
പുരാണസംഹിതാമേതാമധീത്യ പ്രയതോ ദ്വിജഃ ।
പ്രോക്തം ഭഗവതാ യത്തു തത്പദം പരമം വ്രജേത് ॥ ൬൪ ॥
പ്രോക്തം ഭഗവതാ യത്തു തത്പദം പരമം വ്രജേത് ॥ ൬൪ ॥
വിപ്രോഽധീത്യാപ്നുയാത് പ്രജ്ഞാം രാജന്യോദധിമേഖലാമ് ।
വൈശ്യോ നിധിപതിത്വം ച ശൂദ്രഃ ശുധ്യേത പാതകാത് ॥ ൬൫ ॥
വൈശ്യോ നിധിപതിത്വം ച ശൂദ്രഃ ശുധ്യേത പാതകാത് ॥ ൬൫ ॥
കലിമലസംഹതികാലനോഽഖിലേശോ
ഹരിരിതരത്ര ന ഗീയതേ ഹ്യഭീക്ഷ്ണമ് ।
ഇഹ തു പുനര്ഭഗവാനശേഷമൂര്തിഃ
പരിപഠിതോഽനുപദം കഥാപ്രസങ്ഗൈഃ ॥ ൬൬ ॥
ഹരിരിതരത്ര ന ഗീയതേ ഹ്യഭീക്ഷ്ണമ് ।
ഇഹ തു പുനര്ഭഗവാനശേഷമൂര്തിഃ
പരിപഠിതോഽനുപദം കഥാപ്രസങ്ഗൈഃ ॥ ൬൬ ॥
തമഹമജമനന്തമാത്മതത്ത്വം
ജഗദുദയസ്ഥിതിസംയമാത്മശക്തിമ് ।
ദ്യുപതിഭിരജശക്രശങ്കരാദ്യൈ-
ര്ദുരവസിതസ്തവമച്യുതം നതോഽസ്മി ॥ ൬൭ ॥
ജഗദുദയസ്ഥിതിസംയമാത്മശക്തിമ് ।
ദ്യുപതിഭിരജശക്രശങ്കരാദ്യൈ-
ര്ദുരവസിതസ്തവമച്യുതം നതോഽസ്മി ॥ ൬൭ ॥
ഉപചിതനവശക്തിഭിഃ സ്വ ആത്മ-
ന്യുപരചിതസ്ഥിരജങ്ഗമാലയായ ।
ഭഗവത ഉപലബ്ധിമാത്രധാമ്നേ
സുരഋഷഭായ നമഃ സനാതനായ ॥ ൬൮ ॥
ന്യുപരചിതസ്ഥിരജങ്ഗമാലയായ ।
ഭഗവത ഉപലബ്ധിമാത്രധാമ്നേ
സുരഋഷഭായ നമഃ സനാതനായ ॥ ൬൮ ॥
സ്വസുഖനിഭൃതചേതാസ്തദ്വയുദസ്താന്യഭാവോ-
ഽപ്യജിതരുചിരലീലാകൃഷ്ടസാരസ്തദീയമ് ।
വ്യതനുത കൃപയാ യസ്തത്ത്വദീപം പുരാണം
തമഖിലവൃജിനഘ്നം വ്യാസസൂനും നതോഽസ്മി ॥ ൬൯ ॥
ഽപ്യജിതരുചിരലീലാകൃഷ്ടസാരസ്തദീയമ് ।
വ്യതനുത കൃപയാ യസ്തത്ത്വദീപം പുരാണം
തമഖിലവൃജിനഘ്നം വ്യാസസൂനും നതോഽസ്മി ॥ ൬൯ ॥