రాజోవాచ
బ్రహ్మణా చోదితో బ్రహ్మన్ గుణాఖ్యానేఽగుణస్య చ ।
యస్మై యస్మై యథా ప్రాహ నారదో దేవదర్శనః ॥ ౧ ॥
బ్రహ్మణా చోదితో బ్రహ్మన్ గుణాఖ్యానేఽగుణస్య చ ।
యస్మై యస్మై యథా ప్రాహ నారదో దేవదర్శనః ॥ ౧ ॥
ఏతద్ వేదితుమిచ్ఛామి తత్త్వం తత్త్వవిదాం వర ।
హరేరద్భుతవీర్యస్య కథా లోకసుమఙ్గలాః ॥ ౨ ॥
హరేరద్భుతవీర్యస్య కథా లోకసుమఙ్గలాః ॥ ౨ ॥
కథయస్వ మహాభాగ యథాహమఖిలాత్మని ।
కృష్ణే నివేశ్య నిఃసఙ్గం మనస్త్యక్ష్యే కలేవరమ్ ॥ ౩ ॥
కృష్ణే నివేశ్య నిఃసఙ్గం మనస్త్యక్ష్యే కలేవరమ్ ॥ ౩ ॥
శృణ్వతః శ్రద్ధయా నిత్యం గృణతశ్చ స్వచేష్టితమ్ ।
కాలేన నాతిదీర్ఘేణ భగవాన్ విశతే హృది ॥ ౪ ॥
కాలేన నాతిదీర్ఘేణ భగవాన్ విశతే హృది ॥ ౪ ॥
ప్రవిష్టః కర్ణరన్ధ్రేణ స్వానాం భావసరోరుహమ్ ।
ధునోతి శమలం కృష్ణః సలిలస్య యథా శరత్ ॥ ౫ ॥
ధునోతి శమలం కృష్ణః సలిలస్య యథా శరత్ ॥ ౫ ॥
ధౌతాత్మా పురుషః కృష్ణపాదమూలం న ముఞ్చతి ।
ముక్త సర్వపరిక్లేశః పాన్థః స్వశరణం యథా ॥ ౬ ॥
ముక్త సర్వపరిక్లేశః పాన్థః స్వశరణం యథా ॥ ౬ ॥
యదధాతుమతో బ్రహ్మన్ దేహారమ్భోఽస్య ధాతుభిః ।
యదృచ్ఛయా హేతునా వా భవన్తో జానతే యథా ॥ ౭ ॥
యదృచ్ఛయా హేతునా వా భవన్తో జానతే యథా ॥ ౭ ॥
ఆసీద్యదుదరాత్పద్మం లోకసంస్థానలక్షణమ్ ।
యావానయం వై పురుష ఇయత్తావయవైః పృథక్ ।
తావానసావితి ప్రోక్తః సంస్థావయవవానివ
యావానయం వై పురుష ఇయత్తావయవైః పృథక్ ।
తావానసావితి ప్రోక్తః సంస్థావయవవానివ
అజః సృజతి భూతాని భూతాత్మా యదనుగ్రహాత్ ।
దదృశే యేన తద్రూపం నాభిపద్మసముద్భవః ॥ ౯ ॥
దదృశే యేన తద్రూపం నాభిపద్మసముద్భవః ॥ ౯ ॥
స చాపి యత్ర పురుషో విశ్వస్థిత్యుద్భవాప్యయః ।
ముక్త్వాత్మమాయాం మాయేశః శేతే సర్వగుహాశయః ॥ ౧౦ ॥
ముక్త్వాత్మమాయాం మాయేశః శేతే సర్వగుహాశయః ॥ ౧౦ ॥
పురుషావయవైర్లోకాః సపాలాః పూర్వకల్పితాః ।
లోకైరముష్యావయవాః సపాలైరితి శుశ్రుమ ॥ ౧౧ ॥
లోకైరముష్యావయవాః సపాలైరితి శుశ్రుమ ॥ ౧౧ ॥
యావాన్ కల్పోవికల్పో వా యథా కాలోఽనుమీయతే ।
భూతభవ్యభవచ్ఛబ్ద ఆయుర్మానం చ యత్ సతః ॥ ౧౨ ॥
భూతభవ్యభవచ్ఛబ్ద ఆయుర్మానం చ యత్ సతః ॥ ౧౨ ॥
కాలస్యానుగతిర్యా తు లక్ష్యతేఽణ్వీ బృహత్యపి ।
యావత్యః కర్మగతయో యాదృశీర్ద్విజసత్తమ ॥ ౧౩ ॥
యావత్యః కర్మగతయో యాదృశీర్ద్విజసత్తమ ॥ ౧౩ ॥
యస్మిన్ కర్మసమావాయో యథా యేనోపగృహ్యతే ।
గుణానాం గుణినాం చైవ పరిణామమభీప్సతామ్ ॥ ౧౪ ॥
గుణానాం గుణినాం చైవ పరిణామమభీప్సతామ్ ॥ ౧౪ ॥
భూపాతాలకకుబ్వ్యోమగ్రహనక్షత్రభూభృతామ్ ।
సరిత్సముద్రద్వీపానాం సమ్భవశ్చైతదోకసామ్ ॥ ౧౫ ॥
సరిత్సముద్రద్వీపానాం సమ్భవశ్చైతదోకసామ్ ॥ ౧౫ ॥
ప్రమాణమణ్డకోశస్య బాహ్యాభ్యన్తరభేదతః ।
మహతాం చానుచరితం వర్ణాశ్రమవినిశ్చయః ॥ ౧౬ ॥
మహతాం చానుచరితం వర్ణాశ్రమవినిశ్చయః ॥ ౧౬ ॥
యుగాని యుగమానం చ ధర్మో యశ్చ యుగే యుగే ।
అవతారానుచరితం యదాశ్చర్యతమం హరేః ॥ ౧౭ ॥
అవతారానుచరితం యదాశ్చర్యతమం హరేః ॥ ౧౭ ॥
నృణాం సాధారణో ధర్మః సవిశేషశ్చ యాదృశః ।
శ్రేణీనాం రాజర్షీణాం చ ధర్మః కృచ్ఛ్రేషు జీవతామ్ ॥ ౧౮ ॥
శ్రేణీనాం రాజర్షీణాం చ ధర్మః కృచ్ఛ్రేషు జీవతామ్ ॥ ౧౮ ॥
తత్త్వానాం పరిసంఖ్యానం లక్షణం హేతులక్షణమ్ ।
పురుషారాధనవిధిర్యోగస్యాధ్యాత్మికస్య చ ॥ ౧౯ ॥
పురుషారాధనవిధిర్యోగస్యాధ్యాత్మికస్య చ ॥ ౧౯ ॥
యోగేశ్వరైశ్వర్యగతిర్లిఙ్గభఙ్గస్తు యోగినామ్ ।
వేదోపవేదధర్మాణామితిహాసపురాణయోః ॥ ౨౦ ॥
వేదోపవేదధర్మాణామితిహాసపురాణయోః ॥ ౨౦ ॥
సమ్ప్లవః సర్వభూతానాం విక్రమః ప్రతిసంక్రమః ।
ఇష్టాపూర్తస్య కామ్యానాం త్రివర్గస్య చ యో విధిః ॥ ౨౧ ॥
ఇష్టాపూర్తస్య కామ్యానాం త్రివర్గస్య చ యో విధిః ॥ ౨౧ ॥
యో వానుశాయినాం సర్గః పాషణ్డస్య చ సమ్భవః ।
ఆత్మనో బన్ధమోక్షౌ చ వ్యవస్థానం స్వరూపతః ॥ ౨౨ ॥
ఆత్మనో బన్ధమోక్షౌ చ వ్యవస్థానం స్వరూపతః ॥ ౨౨ ॥
యథాత్మతన్త్రో భగవాన్ విక్రీడత్యాత్మమాయయా ।
విసృజ్య వా యథా మాయాముదాస్తే సాక్షివద్ విభుః ॥ ౨౩ ॥
విసృజ్య వా యథా మాయాముదాస్తే సాక్షివద్ విభుః ॥ ౨౩ ॥
సర్వమేతచ్చ భగవన్ పృచ్ఛతో మేఽనుపూర్వశః ।
తత్త్వతోఽర్హస్యుదాహర్తుం ప్రపన్నాయ మహామునే ॥ ౨౪ ॥
తత్త్వతోఽర్హస్యుదాహర్తుం ప్రపన్నాయ మహామునే ॥ ౨౪ ॥
అత్ర ప్రమాణం హి భవాన్ పరమేష్ఠీ యథాత్మభూః ।
అపరే చానుతిష్ఠన్తి పూర్వేషాం పూర్వజైః కృతమ్ ॥ ౨౫ ॥
అపరే చానుతిష్ఠన్తి పూర్వేషాం పూర్వజైః కృతమ్ ॥ ౨౫ ॥
న మేఽసవః పరాయన్తి బ్రహ్మన్ననశనాదమీ ।
పిబతోఽచ్యుతపీయూషమ్ తద్వాక్యాబ్ధివినిఃసృతమ్ ॥ ౨౬ ॥
పిబతోఽచ్యుతపీయూషమ్ తద్వాక్యాబ్ధివినిఃసృతమ్ ॥ ౨౬ ॥
సూత ఉవాచ
స ఉపామన్త్రితో రాజ్ఞా కథాయామితి సత్పతేః ।
బ్రహ్మరాతో భృశం ప్రీతో విష్ణురాతేన సంసది ॥ ౨౭ ॥
స ఉపామన్త్రితో రాజ్ఞా కథాయామితి సత్పతేః ।
బ్రహ్మరాతో భృశం ప్రీతో విష్ణురాతేన సంసది ॥ ౨౭ ॥
ప్రాహ భాగవతం నామ పురాణం బ్రహ్మసమ్మితమ్ ।
బ్రహ్మణే భగవత్ప్రోక్తం బ్రహ్మకల్ప ఉపాగతే ॥ ౨౮ ॥
బ్రహ్మణే భగవత్ప్రోక్తం బ్రహ్మకల్ప ఉపాగతే ॥ ౨౮ ॥
యద్ యత్ పరీక్షిదృషభః పాణ్డూనామనుపృచ్ఛతి ।
ఆనుపూర్వ్యేణ తత్సర్వమాఖ్యాతుముపచక్రమే ॥ ౨౯ ॥
ఆనుపూర్వ్యేణ తత్సర్వమాఖ్యాతుముపచక్రమే ॥ ౨౯ ॥