ব্রহ্মোবাচ
ইতি তদ্ গৃণতাং তেষাং মুনীনাং যোগধর্মিণাম্ ।
প্রতিনন্দ্য জগাদেদং বিকুণ্ঠনিলযো বিভুঃ ॥ ১ ॥
ইতি তদ্ গৃণতাং তেষাং মুনীনাং যোগধর্মিণাম্ ।
প্রতিনন্দ্য জগাদেদং বিকুণ্ঠনিলযো বিভুঃ ॥ ১ ॥
শ্রীভগবানুবাচ
এতৌ তৌ পার্ষদৌ মহ্যং জযো বিজয এব চ ।
কদর্থীকৃত্য মাং যদ্বো বহ্বক্রাতামতিক্রমম্ ॥ ২ ॥
এতৌ তৌ পার্ষদৌ মহ্যং জযো বিজয এব চ ।
কদর্থীকৃত্য মাং যদ্বো বহ্বক্রাতামতিক্রমম্ ॥ ২ ॥
যস্ত্বেতযোর্ধৃতো দণ্ডো ভবদ্ভির্মামনুব্রতৈঃ ।
স এবানুমতোঽস্মাভির্মুনযো দেবহেলনাত্ ॥ ৩ ॥
স এবানুমতোঽস্মাভির্মুনযো দেবহেলনাত্ ॥ ৩ ॥
তদ্বঃ প্রসাদযাম্যদ্য ব্রহ্ম দৈবং পরং হি মে ।
তদ্ধীত্যাত্মকৃতং মন্যে যত্স্বপুম্ভিরসত্কৃতাঃ ॥ ৪ ॥
তদ্ধীত্যাত্মকৃতং মন্যে যত্স্বপুম্ভিরসত্কৃতাঃ ॥ ৪ ॥
যন্নামানি চ গৃহ্ণাতি লোকো ভৃত্যে কৃতাগসি ।
সোঽসাধুবাদস্তত্কীর্তিং হন্তি ত্বচমিবামযঃ ॥ ৫ ॥
সোঽসাধুবাদস্তত্কীর্তিং হন্তি ত্বচমিবামযঃ ॥ ৫ ॥
যস্যামৃতামলযশঃশ্রবণাবগাহঃ
সদ্যঃ পুনাতি জগদাশ্বপচাদ্বিকুণ্ঠঃ ।
সোঽহং ভবদ্ভয উপলব্ধসুতীর্থকীর্তি-
শ্ছিন্দ্যাং স্ববাহুমপি বঃ প্রতিকূলবৃত্তিম্ ॥ ৬ ॥
সদ্যঃ পুনাতি জগদাশ্বপচাদ্বিকুণ্ঠঃ ।
সোঽহং ভবদ্ভয উপলব্ধসুতীর্থকীর্তি-
শ্ছিন্দ্যাং স্ববাহুমপি বঃ প্রতিকূলবৃত্তিম্ ॥ ৬ ॥
যত্সেবযা চরণপদ্মপবিত্ররেণুং
সদ্যঃক্ষতাখিলমলং প্রতিলব্ধশীলম্ ।
ন শ্রীর্বিরক্তমপি মাং বিজহাতি যস্যাঃ
প্রেক্ষালবার্থ ইতরে নিযমান্ বহন্তি ॥ ৭ ॥
সদ্যঃক্ষতাখিলমলং প্রতিলব্ধশীলম্ ।
ন শ্রীর্বিরক্তমপি মাং বিজহাতি যস্যাঃ
প্রেক্ষালবার্থ ইতরে নিযমান্ বহন্তি ॥ ৭ ॥
নাহং তথাদ্মি যজমানহবির্বিতানে
শ্চ্যোতদ্ঘৃতপ্লুতমদন্ হুতভুঙ্মুখেন ।
যদ্ব্রাহ্মণস্য মুখতশ্চরতোঽনুঘাসং
তুষ্টস্য ময্যবহিতৈর্নিজকর্মপাকৈঃ ॥ ৮ ॥
শ্চ্যোতদ্ঘৃতপ্লুতমদন্ হুতভুঙ্মুখেন ।
যদ্ব্রাহ্মণস্য মুখতশ্চরতোঽনুঘাসং
তুষ্টস্য ময্যবহিতৈর্নিজকর্মপাকৈঃ ॥ ৮ ॥
যেষাং বিভর্ম্যহমখণ্ডবিকুণ্ঠযোগ-
মাযাবিভূতিরমলাঙ্ঘ্রি রজঃ কিরীটৈঃ ।
বিপ্রাংস্তু কো ন বিষহেত যদর্হণাম্ভঃ
সদ্যঃ পুনাতি সহচন্দ্রললামলোকান্ ॥ ৯ ॥
মাযাবিভূতিরমলাঙ্ঘ্রি রজঃ কিরীটৈঃ ।
বিপ্রাংস্তু কো ন বিষহেত যদর্হণাম্ভঃ
সদ্যঃ পুনাতি সহচন্দ্রললামলোকান্ ॥ ৯ ॥
যে মে তনূর্দ্বিজবরান্দুহতীর্মদীযা
ভূতান্যলব্ধশরণানি চ ভেদবুদ্ধ্যা ।
দ্রক্ষ্যন্ত্যঘক্ষতদৃশো হ্যহিমন্যবস্তান্
গৃধ্রা রুষা মম কুষন্ত্যধিদণ্ডনেতুঃ ॥ ১০ ॥
ভূতান্যলব্ধশরণানি চ ভেদবুদ্ধ্যা ।
দ্রক্ষ্যন্ত্যঘক্ষতদৃশো হ্যহিমন্যবস্তান্
গৃধ্রা রুষা মম কুষন্ত্যধিদণ্ডনেতুঃ ॥ ১০ ॥
যে ব্রাহ্মণান্মযি ধিযা ক্ষিপতোঽর্চযন্ত-
স্তুষ্যদ্ধৃদঃ স্মিতসুধোক্ষিতপদ্মবক্ত্রাঃ ।
বাণ্যানুরাগকলযাত্মজবদ্ গৃণন্তঃ
সম্বোধযন্ত্যহমিবাহমুপাহৃতস্তৈঃ ॥ ১১ ॥
স্তুষ্যদ্ধৃদঃ স্মিতসুধোক্ষিতপদ্মবক্ত্রাঃ ।
বাণ্যানুরাগকলযাত্মজবদ্ গৃণন্তঃ
সম্বোধযন্ত্যহমিবাহমুপাহৃতস্তৈঃ ॥ ১১ ॥
তন্মে স্বভর্তুরবসাযমলক্ষমাণৌ
যুষ্মদ্বযতিক্রমগতিং প্রতিপদ্য সদ্যঃ ।
ভূযো মমান্তিকমিতাং তদনুগ্রহো মে
যত্কল্পতামচিরতো ভৃতযোর্বিবাসঃ ॥ ১২ ॥
যুষ্মদ্বযতিক্রমগতিং প্রতিপদ্য সদ্যঃ ।
ভূযো মমান্তিকমিতাং তদনুগ্রহো মে
যত্কল্পতামচিরতো ভৃতযোর্বিবাসঃ ॥ ১২ ॥
বহ্মোবাচ
অথ তস্যোশতীং দেবীমৃষিকুল্যাং সরস্বতীম্ ।
নাস্বাদ্য মন্যুদষ্টানাং তেষামাত্মাপ্যতৃপ্যত ॥ ১৩ ॥
অথ তস্যোশতীং দেবীমৃষিকুল্যাং সরস্বতীম্ ।
নাস্বাদ্য মন্যুদষ্টানাং তেষামাত্মাপ্যতৃপ্যত ॥ ১৩ ॥
সতীং ব্যাদায শৃণ্বন্তো লঘ্বীং গুর্বর্থগহ্বরাম্ ।
বিগাহ্যাগাধগম্ভীরাং ন বিদুস্তচ্চিকীর্ষিতম্ ॥ ১৪ ॥
বিগাহ্যাগাধগম্ভীরাং ন বিদুস্তচ্চিকীর্ষিতম্ ॥ ১৪ ॥
তে যোগমাযযারব্ধপারমেষ্ঠ্যমহোদযম্ ।
প্রোচুঃ প্রাঞ্জলযো বিপ্রাঃ প্রহৃষ্টাঃ ক্ষুভিতত্বচঃ ॥ ১৫ ॥
প্রোচুঃ প্রাঞ্জলযো বিপ্রাঃ প্রহৃষ্টাঃ ক্ষুভিতত্বচঃ ॥ ১৫ ॥
ঋষয ঊচুঃ
ন বযং ভগবন্ বিদ্মস্তব দেব চিকীর্ষিতম্ ।
কৃতো মেঽনুগ্রহশ্চেতি যদধ্যক্ষঃ প্রভাষসে ॥ ১৬ ॥
ন বযং ভগবন্ বিদ্মস্তব দেব চিকীর্ষিতম্ ।
কৃতো মেঽনুগ্রহশ্চেতি যদধ্যক্ষঃ প্রভাষসে ॥ ১৬ ॥
ব্রহ্মণ্যস্য পরং দৈবং ব্রাহ্মণাঃ কিল তে প্রভো ।
বিপ্রাণাং দেবদেবানাং ভগবানাত্মদৈবতম্ ॥ ১৭ ॥
বিপ্রাণাং দেবদেবানাং ভগবানাত্মদৈবতম্ ॥ ১৭ ॥
ত্বত্তঃ সনাতনো ধর্মো রক্ষ্যতে তনুভিস্তব ।
ধর্মস্য পরমো গুহ্যো নির্বিকারো ভবান্মতঃ ॥ ১৮ ॥
ধর্মস্য পরমো গুহ্যো নির্বিকারো ভবান্মতঃ ॥ ১৮ ॥
তরন্তি হ্যঞ্জসা মৃত্যুং নিবৃত্তা যদনুগ্রহাত্ ।
যোগিনঃ স ভবান্ কিংস্বিদনুগৃহ্যেত যত্পরৈঃ ॥ ১৯ ॥
যোগিনঃ স ভবান্ কিংস্বিদনুগৃহ্যেত যত্পরৈঃ ॥ ১৯ ॥
যং বৈ বিভূতিরুপযাত্যনুবেলমন্যৈ-
রর্থার্থিভিঃ স্বশিরসা ধৃতপাদরেণুঃ ।
ধন্যার্পিতাঙ্ঘ্রিতুলসীনবদামধাম্নো
লোকং মধুব্রতপতেরিব কামযানা ॥ ২০ ॥
রর্থার্থিভিঃ স্বশিরসা ধৃতপাদরেণুঃ ।
ধন্যার্পিতাঙ্ঘ্রিতুলসীনবদামধাম্নো
লোকং মধুব্রতপতেরিব কামযানা ॥ ২০ ॥
যস্তাং বিবিক্তচরিতৈরনুবর্তমানাং
নাত্যাদ্রিযত্পরমভাগবতপ্রসঙ্গঃ ।
স ত্বং দ্বিজানুপথপুণ্যরজঃ পুনীতঃ
শ্রীবত্সলক্ষ্ম কিমগা ভগভাজনস্ত্বম্ ॥ ২১ ॥
নাত্যাদ্রিযত্পরমভাগবতপ্রসঙ্গঃ ।
স ত্বং দ্বিজানুপথপুণ্যরজঃ পুনীতঃ
শ্রীবত্সলক্ষ্ম কিমগা ভগভাজনস্ত্বম্ ॥ ২১ ॥
ধর্মস্য তে ভগবতস্ত্রিযুগ ত্রিভিঃ স্বৈঃ
পদ্ভিশ্চরাচরমিদং দ্বিজদেবতার্থম্ ।
নূনং ভৃতং তদভিঘাতি রজস্তমশ্চ
সত্ত্বেন নো বরদযা তনুবা নিরস্য ॥ ২২ ॥
পদ্ভিশ্চরাচরমিদং দ্বিজদেবতার্থম্ ।
নূনং ভৃতং তদভিঘাতি রজস্তমশ্চ
সত্ত্বেন নো বরদযা তনুবা নিরস্য ॥ ২২ ॥
ন ত্বং দ্বিজোত্তমকুলং যদিহাত্মগোপং
গোপ্তা বৃষঃ স্বর্হণেন সসূনৃতেন ।
তর্হ্যেব নঙ্ক্ষ্যতি শিবস্তব দেব পন্থা
লোকোঽগ্রহীষ্যদৃষভস্য হিতত্প্রমাণম্ ॥ ২৩ ॥
গোপ্তা বৃষঃ স্বর্হণেন সসূনৃতেন ।
তর্হ্যেব নঙ্ক্ষ্যতি শিবস্তব দেব পন্থা
লোকোঽগ্রহীষ্যদৃষভস্য হিতত্প্রমাণম্ ॥ ২৩ ॥
তত্তেঽনভীষ্টমিব সত্ত্বনিধের্বিধিত্সোঃ
ক্ষেমং জনায নিজশক্তিভিরুদ্ধৃতারেঃ ।
নৈতাবতা ত্র্যধিপতের্বত বিশ্বভর্তু-
স্তেজঃ ক্ষতং ত্ববনতস্য স তে বিনোদঃ ॥ ২৪ ॥
ক্ষেমং জনায নিজশক্তিভিরুদ্ধৃতারেঃ ।
নৈতাবতা ত্র্যধিপতের্বত বিশ্বভর্তু-
স্তেজঃ ক্ষতং ত্ববনতস্য স তে বিনোদঃ ॥ ২৪ ॥
যং বানযোর্দমমধীশ ভবান্ বিধত্তে
বৃত্তিং নু বা তদনুমন্মহি নির্ব্যলীকম্ ।
অস্মাসু বা য উচিতো ধ্রিযতাং স দণ্ডো
যেঽনাগসৌ বযমযুঙ্ক্ষ্মহি কিল্বিষেণ ॥ ২৫ ॥
বৃত্তিং নু বা তদনুমন্মহি নির্ব্যলীকম্ ।
অস্মাসু বা য উচিতো ধ্রিযতাং স দণ্ডো
যেঽনাগসৌ বযমযুঙ্ক্ষ্মহি কিল্বিষেণ ॥ ২৫ ॥
শ্রীভগবানুবাচ
এতৌ সুরেতরগতিং প্রতিপদ্য সদ্যঃ
সংরম্ভসম্ভৃতসমাধ্যনুবদ্ধযোগৌ ।
ভূযঃ সকাশমুপযাস্যত আশু যো বঃ
শাপো মযৈব নিমিতস্তদবেত বিপ্রাঃ ॥ ২৬ ॥
এতৌ সুরেতরগতিং প্রতিপদ্য সদ্যঃ
সংরম্ভসম্ভৃতসমাধ্যনুবদ্ধযোগৌ ।
ভূযঃ সকাশমুপযাস্যত আশু যো বঃ
শাপো মযৈব নিমিতস্তদবেত বিপ্রাঃ ॥ ২৬ ॥
ব্রহ্মোবাচ
অথ তে মুনযো দৃষ্ট্বা নযনানন্দভাজনম্ ।
বৈকুণ্ঠং তদধিষ্ঠানং বিকুণ্ঠং চ স্বযংপ্রভম্ ॥ ২৭ ॥
অথ তে মুনযো দৃষ্ট্বা নযনানন্দভাজনম্ ।
বৈকুণ্ঠং তদধিষ্ঠানং বিকুণ্ঠং চ স্বযংপ্রভম্ ॥ ২৭ ॥
ভগবন্তং পরিক্রম্য প্রণিপত্যানুমান্য চ ।
প্রতিজগ্মুঃ প্রমুদিতাঃ শংসন্তো বৈষ্ণবীং শ্রিযম্ ॥ ২৮ ॥
প্রতিজগ্মুঃ প্রমুদিতাঃ শংসন্তো বৈষ্ণবীং শ্রিযম্ ॥ ২৮ ॥
ভগবাননুগাবাহ যাতং মা ভৈষ্টমস্তু শম্ ।
ব্রহ্মতেজঃ সমর্থোঽপি হন্তুং নেচ্ছে মতং তু মে ॥ ২৯ ॥
ব্রহ্মতেজঃ সমর্থোঽপি হন্তুং নেচ্ছে মতং তু মে ॥ ২৯ ॥
এতত্পুরৈব নির্দিষ্টং রমযা ক্রুদ্ধযা যদা ।
পুরাপবারিতা দ্বারি বিশন্তী ময্যুপারতে ॥ ৩০ ॥
পুরাপবারিতা দ্বারি বিশন্তী ময্যুপারতে ॥ ৩০ ॥
মযি সংরম্ভযোগেন নিস্তীর্য ব্রহ্মহেলনম্ ।
প্রত্যেষ্যতং নিকাশং মে কালেনাল্পীযসা পুনঃ ॥ ৩১ ॥
প্রত্যেষ্যতং নিকাশং মে কালেনাল্পীযসা পুনঃ ॥ ৩১ ॥
দ্বাঃস্থাবাদিশ্য ভগবান্ বিমানশ্রেণিভূষণম্ ।
সর্বাতিশযযা লক্ষ্ম্যা জুষ্টং স্বং ধিষ্ণ্যমাবিশত্ ॥ ৩২ ॥
সর্বাতিশযযা লক্ষ্ম্যা জুষ্টং স্বং ধিষ্ণ্যমাবিশত্ ॥ ৩২ ॥
তৌ তু গীর্বাণঋষভৌ দুস্তরাদ্ধরিলোকতঃ ।
হতশ্রিযৌ ব্রহ্মশাপাদভূতাং বিগতস্মযৌ ॥ ৩৩ ॥
হতশ্রিযৌ ব্রহ্মশাপাদভূতাং বিগতস্মযৌ ॥ ৩৩ ॥
তদা বিকুণ্ঠধিষণাত্তযোর্নিপতমানযোঃ ।
হাহাকারো মহানাসীদ্বিমানাগ্র্যেষু পুত্রকাঃ ॥ ৩৪ ॥
হাহাকারো মহানাসীদ্বিমানাগ্র্যেষু পুত্রকাঃ ॥ ৩৪ ॥
তাবেব হ্যধুনা প্রাপ্তৌ পার্ষদপ্রবরৌ হরেঃ ।
দিতের্জঠরনির্বিষ্টং কাশ্যপং তেজ উল্বণম্ ॥ ৩৫ ॥
দিতের্জঠরনির্বিষ্টং কাশ্যপং তেজ উল্বণম্ ॥ ৩৫ ॥
তযোরসুরযোরদ্য তেজসা যমযোর্হি বঃ ।
আক্ষিপ্তং তেজ এতর্হি ভগবাংস্তদ্বিধিত্সতি ॥ ৩৬ ॥
আক্ষিপ্তং তেজ এতর্হি ভগবাংস্তদ্বিধিত্সতি ॥ ৩৬ ॥
বিশ্বস্য যঃ স্থিতিলযোদ্ভবহেতুরাদ্যো
যোগেশ্বরৈরপি দুরত্যযযোগমাযঃ ।
ক্ষেমং বিধাস্যতি স নো ভগবাংস্ত্র্যধীশ-
স্তত্রাস্মদীযবিমৃশেন কিযানিহার্থঃ ॥ ৩৭ ॥
যোগেশ্বরৈরপি দুরত্যযযোগমাযঃ ।
ক্ষেমং বিধাস্যতি স নো ভগবাংস্ত্র্যধীশ-
স্তত্রাস্মদীযবিমৃশেন কিযানিহার্থঃ ॥ ৩৭ ॥