মৈত্রেয উবাচ
অবধার্য বিরিঞ্চস্য নির্ব্যলীকামৃতং বচঃ ।
প্রহস্য প্রেমগর্ভেণ তদপাঙ্গেন সোঽগ্রহীত্ ॥ ১ ॥
অবধার্য বিরিঞ্চস্য নির্ব্যলীকামৃতং বচঃ ।
প্রহস্য প্রেমগর্ভেণ তদপাঙ্গেন সোঽগ্রহীত্ ॥ ১ ॥
ততঃ সপত্নং মুখতশ্চরন্তমকুতোভযম্ ।
জঘানোত্পত্য গদযা হনাবসুরমক্ষজঃ ॥ ২ ॥
জঘানোত্পত্য গদযা হনাবসুরমক্ষজঃ ॥ ২ ॥
সা হতা তেন গদযা বিহতা ভগবত্করাত্ ।
বিঘূর্ণিতাপতদ্রেজে তদদ্ভুতমিবাভবত্ ॥ ৩ ॥
বিঘূর্ণিতাপতদ্রেজে তদদ্ভুতমিবাভবত্ ॥ ৩ ॥
স তদা লব্ধতীর্থোঽপি ন ববাধে নিরাযুধম্ ।
মানযন্ স মৃধে ধর্মং বিষ্বক্সেনং প্রকোপযন্ ॥ ৪ ॥
মানযন্ স মৃধে ধর্মং বিষ্বক্সেনং প্রকোপযন্ ॥ ৪ ॥
গদাযামপবিদ্ধাযাং হাহাকারে বিনির্গতে ।
মানযামাস তদ্ধর্মং সুনাভং চাস্মরদ্বিভুঃ ॥ ৫ ॥
মানযামাস তদ্ধর্মং সুনাভং চাস্মরদ্বিভুঃ ॥ ৫ ॥
তং ব্যগ্রচক্রং দিতিপুত্রাধমেন
স্বপার্ষদমুখ্যেন বিষজ্জমানম্ ।
চিত্রা বাচোঽতদ্বিদাং খেচরাণাং
তত্র স্মাসন্ স্বস্তি তেঽমুং জহীতি ॥ ৬ ॥
স্বপার্ষদমুখ্যেন বিষজ্জমানম্ ।
চিত্রা বাচোঽতদ্বিদাং খেচরাণাং
তত্র স্মাসন্ স্বস্তি তেঽমুং জহীতি ॥ ৬ ॥
স তং নিশাম্যাত্তরথাঙ্গমগ্রতো
ব্যবস্থিতং পদ্মপলাশলোচনম্ ।
বিলোক্য চামর্ষপরিপ্লুতেন্দ্রিযো
রুষা স্বদন্তচ্ছদমাদশচ্ছ্বসন্ ॥ ৭ ॥
ব্যবস্থিতং পদ্মপলাশলোচনম্ ।
বিলোক্য চামর্ষপরিপ্লুতেন্দ্রিযো
রুষা স্বদন্তচ্ছদমাদশচ্ছ্বসন্ ॥ ৭ ॥
করালদংষ্ট্রশ্চক্ষুর্ভ্যাং সঞ্চক্ষাণো দহন্নিব ।
অভিপ্লুত্য স্বগদযা হতোঽসীত্যাহনদ্ধরিম্ ॥ ৮ ॥
অভিপ্লুত্য স্বগদযা হতোঽসীত্যাহনদ্ধরিম্ ॥ ৮ ॥
পদা সব্যেন তাং সাধো ভগবান্ যজ্ঞসূকরঃ ।
লীলযা মিষতঃ শত্রোঃ প্রাহরদ্বাতরংহসম্ ॥ ৯ ॥
লীলযা মিষতঃ শত্রোঃ প্রাহরদ্বাতরংহসম্ ॥ ৯ ॥
আহ চাযুধমাধত্স্ব ঘটস্ব ত্বং
জিগীষসি ।
ইত্যুক্তঃস তদা ভূযস্তাডযন্ ব্যনদদ্ ভৃশম্ ॥ ১০ ॥
জিগীষসি ।
ইত্যুক্তঃস তদা ভূযস্তাডযন্ ব্যনদদ্ ভৃশম্ ॥ ১০ ॥
তাং স আপততীং বীক্ষ্য ভগবান্
সমবস্থিতঃ ।
জগ্রাহ লীলযা প্রাপ্তাং গরুত্মানিব পন্নগীম্ ॥ ১১ ॥
সমবস্থিতঃ ।
জগ্রাহ লীলযা প্রাপ্তাং গরুত্মানিব পন্নগীম্ ॥ ১১ ॥
স্বপৌরুষে প্রতিহতে হতমানো
মহাসুরঃ ।
নৈচ্ছদ্গদাং দীযমানাং হরিণা বিগতপ্রভঃ ॥ ১২ ॥
মহাসুরঃ ।
নৈচ্ছদ্গদাং দীযমানাং হরিণা বিগতপ্রভঃ ॥ ১২ ॥
জগ্রাহ ত্রিশিখং শূলং জ্বলজ্জ্বলনলোলুপম্ ।
যজ্ঞায ধৃতরূপায বিপ্রাযাভিচরন্ যথা ॥ ১৩ ॥
যজ্ঞায ধৃতরূপায বিপ্রাযাভিচরন্ যথা ॥ ১৩ ॥
তদোজসা দৈত্যমহাভটার্পিতং
চকাসদন্তঃখ উদীর্ণদীধিতি ।
চক্রেণ চিচ্ছেদ নিশাতনেমিনা
হরির্যথা তার্ক্ষ্যপতত্রমুজ্ঝিতম্ ॥ ১৪ ॥
চকাসদন্তঃখ উদীর্ণদীধিতি ।
চক্রেণ চিচ্ছেদ নিশাতনেমিনা
হরির্যথা তার্ক্ষ্যপতত্রমুজ্ঝিতম্ ॥ ১৪ ॥
বৃক্ণে স্বশূলে বহুধারিণা হরেঃ
প্রত্যেত্য বিস্তীর্ণমুরো বিভূতিমত্ ।
প্রবৃদ্ধরোষঃ স কঠোরমুষ্টিনা
নদন্ প্রহৃত্যান্তরধীযতাসুরঃ ॥ ১৫ ॥
প্রত্যেত্য বিস্তীর্ণমুরো বিভূতিমত্ ।
প্রবৃদ্ধরোষঃ স কঠোরমুষ্টিনা
নদন্ প্রহৃত্যান্তরধীযতাসুরঃ ॥ ১৫ ॥
তেনেত্থমাহতঃ ক্ষত্তর্ভগবানাদিসূকরঃ ।
নাকম্পত মনাক্ ক্বাপি স্রজা হত ইব দ্বিপঃ ॥ ১৬ ॥
নাকম্পত মনাক্ ক্বাপি স্রজা হত ইব দ্বিপঃ ॥ ১৬ ॥
অথোরুধাসৃজন্মাযাং যোগমাযেশ্বরে হরৌ ।
যাং বিলোক্য প্রজাস্ত্রস্তা মেনিরেঽস্যোপসংযমম্ ॥ ১৭ ॥
যাং বিলোক্য প্রজাস্ত্রস্তা মেনিরেঽস্যোপসংযমম্ ॥ ১৭ ॥
প্রববুর্বাযবশ্চণ্ডাস্তমঃ পাংসবমৈরযন্ ।
দিগ্ভ্যো নিপেতুর্গ্রাবাণঃ ক্ষেপণৈঃ প্রহিতা ইব ॥ ১৮ ॥
দিগ্ভ্যো নিপেতুর্গ্রাবাণঃ ক্ষেপণৈঃ প্রহিতা ইব ॥ ১৮ ॥
দ্যৌর্নষ্টভগণাভ্রৌঘৈঃ সবিদ্যুত্স্তনযিত্নুভিঃ ।
বর্ষদ্ভিঃ পূযকেশাসৃগ্বিণ্মূত্রাস্থীনি চাসকৃত্ ॥ ১৯ ॥
বর্ষদ্ভিঃ পূযকেশাসৃগ্বিণ্মূত্রাস্থীনি চাসকৃত্ ॥ ১৯ ॥
গিরযঃ প্রত্যদৃশ্যন্ত নানাযুধমুচোঽনঘ ।
দিগ্বাসসো যাতুধান্যঃ শূলিন্যো মুক্তমূর্ধজাঃ ॥ ২০ ॥
দিগ্বাসসো যাতুধান্যঃ শূলিন্যো মুক্তমূর্ধজাঃ ॥ ২০ ॥
বহুভির্যক্ষরক্ষোভিঃ পত্ত্যশ্বরথকুঞ্জরৈঃ ।
আততাযিভিরুত্সৃষ্টা হিংস্রা বাচোঽতিবৈশসাঃ ॥ ২১ ॥
আততাযিভিরুত্সৃষ্টা হিংস্রা বাচোঽতিবৈশসাঃ ॥ ২১ ॥
প্রাদুষ্কৃতানাং মাযানামাসুরীণাং বিনাশযত্ ।
সুদর্শনাস্ত্রং ভগবান্ প্রাযুঙ্ক্ত দযিতং ত্রিপাত্ ॥ ২২ ॥
সুদর্শনাস্ত্রং ভগবান্ প্রাযুঙ্ক্ত দযিতং ত্রিপাত্ ॥ ২২ ॥
তদা দিতেঃ সমভবত্সহসা হৃদি বেপথুঃ ।
স্মরন্ত্যা ভর্তুরাদেশং স্তনাচ্চাসৃক্ প্রসুস্রুবে ॥ ২৩ ॥
স্মরন্ত্যা ভর্তুরাদেশং স্তনাচ্চাসৃক্ প্রসুস্রুবে ॥ ২৩ ॥
বিনষ্টাসু স্বমাযাসু ভূযশ্চাব্রজ্য কেশবম্ ।
রুষোপগূহমানোঽমুং দদৃশেঽবস্থিতং বহিঃ ॥ ২৪ ॥
রুষোপগূহমানোঽমুং দদৃশেঽবস্থিতং বহিঃ ॥ ২৪ ॥
তং মুষ্টিভির্বিনিঘ্নন্তং বজ্রসারৈরধোক্ষজঃ ।
করেণ কর্ণমূলেঽহন্ যথা ত্বাষ্ট্রং মরুত্পতিঃ ॥ ২৫ ॥
করেণ কর্ণমূলেঽহন্ যথা ত্বাষ্ট্রং মরুত্পতিঃ ॥ ২৫ ॥
স আহতো বিশ্বজিতা হ্যবজ্ঞযা
পরিভ্রমদ্গাত্র উদস্তলোচনঃ ।
বিশীর্ণবাহ্বঙ্ঘ্রিশিরোরুহোঽপতদ্
যথা নগেন্দ্রো লুলিতো নভস্বতা ॥ ২৬ ॥
পরিভ্রমদ্গাত্র উদস্তলোচনঃ ।
বিশীর্ণবাহ্বঙ্ঘ্রিশিরোরুহোঽপতদ্
যথা নগেন্দ্রো লুলিতো নভস্বতা ॥ ২৬ ॥
ক্ষিতৌ শযানং তমকুণ্ঠবর্চসং
করালদংষ্ট্রং পরিদষ্টদচ্ছদম্ ।
অজাদযো বীক্ষ্য শশংসুরাগতা
অহো ইমাং কো নু লভেত সংস্থিতিম্ ॥ ২৭ ॥
করালদংষ্ট্রং পরিদষ্টদচ্ছদম্ ।
অজাদযো বীক্ষ্য শশংসুরাগতা
অহো ইমাং কো নু লভেত সংস্থিতিম্ ॥ ২৭ ॥
যং যোগিনো যোগসমাধিনা রহো
ধ্যাযন্তি লিঙ্গাদসতো মুমুক্ষযা ।
তস্যৈষ দৈত্যঋষভঃ পদাহতো
মুখং প্রপশ্যংস্তনুমুত্সসর্জ হ ॥ ২৮ ॥
ধ্যাযন্তি লিঙ্গাদসতো মুমুক্ষযা ।
তস্যৈষ দৈত্যঋষভঃ পদাহতো
মুখং প্রপশ্যংস্তনুমুত্সসর্জ হ ॥ ২৮ ॥
এতৌ তৌ পার্ষদাবস্য শাপাদ্যাতাবসদ্গতিম্ ।
পুনঃ কতিপযৈঃ স্থানং প্রপত্স্যেতে হ জন্মভিঃ ॥ ২৯ ॥
পুনঃ কতিপযৈঃ স্থানং প্রপত্স্যেতে হ জন্মভিঃ ॥ ২৯ ॥
দেবা ঊচুঃ
নমো নমস্তেঽখিলযজ্ঞতন্তবে
স্থিতৌ গৃহীতামলসত্ত্বমূর্তযে ।
দিষ্টযা হতোঽযং জগতামরুন্তুদ-
স্ত্বত্পাদভক্ত্যা বযমীশ নির্বৃতাঃ ॥ ৩০ ॥
নমো নমস্তেঽখিলযজ্ঞতন্তবে
স্থিতৌ গৃহীতামলসত্ত্বমূর্তযে ।
দিষ্টযা হতোঽযং জগতামরুন্তুদ-
স্ত্বত্পাদভক্ত্যা বযমীশ নির্বৃতাঃ ॥ ৩০ ॥
মৈত্রেয উবাচ
এবং হিরণ্যাক্ষমসহ্যবিক্রমং
স সাদযিত্বা হরিরাদিসূকরঃ ।
জগাম লোকং স্বমখণ্ডিতোত্সবং
সমীডিতঃ পুষ্করবিষ্টরাদিভিঃ ॥ ৩১ ॥
এবং হিরণ্যাক্ষমসহ্যবিক্রমং
স সাদযিত্বা হরিরাদিসূকরঃ ।
জগাম লোকং স্বমখণ্ডিতোত্সবং
সমীডিতঃ পুষ্করবিষ্টরাদিভিঃ ॥ ৩১ ॥
মযা যথানূক্তমবাদি তে হরেঃ
কৃতাবতারস্য সুমিত্র চেষ্টিতম্ ।
যথা হিরণ্যাক্ষ উদারবিক্রমো
মহামৃধে ক্রীডনবন্নিরাকৃতঃ ॥ ৩২ ॥
কৃতাবতারস্য সুমিত্র চেষ্টিতম্ ।
যথা হিরণ্যাক্ষ উদারবিক্রমো
মহামৃধে ক্রীডনবন্নিরাকৃতঃ ॥ ৩২ ॥
সূত উবাচ
ইতি কৌষারবাখ্যাতামাশ্রুত্য ভগবত্কথাম্ ।
ক্ষত্তানন্দং পরং লেভে মহাভাগবতো দ্বিজ ॥ ৩৩ ॥
ইতি কৌষারবাখ্যাতামাশ্রুত্য ভগবত্কথাম্ ।
ক্ষত্তানন্দং পরং লেভে মহাভাগবতো দ্বিজ ॥ ৩৩ ॥
অন্যেষাং পুণ্যশ্লোকানামুদ্দামযশসাং
সতাম্ ।
উপশ্রুত্য ভবেন্মোদঃ শ্রীবত্সাঙ্কস্য কিং পুনঃ ॥ ৩৪ ॥
সতাম্ ।
উপশ্রুত্য ভবেন্মোদঃ শ্রীবত্সাঙ্কস্য কিং পুনঃ ॥ ৩৪ ॥
যো গজেন্দ্র ঝষগ্রস্তং ধ্যাযন্তং
চরণাম্বুজম্ । ক্রোশন্তীনাং করেণূনাং কৃচ্ছ্রতোঽমোচযদ্ দ্রুতম্ ॥ ৩৫ ॥
চরণাম্বুজম্ । ক্রোশন্তীনাং করেণূনাং কৃচ্ছ্রতোঽমোচযদ্ দ্রুতম্ ॥ ৩৫ ॥
তং
সুখারাধ্যমৃজুভিরনন্যশরণৈর্নৃভিঃ ।
কৃতজ্ঞঃ কো ন সেবেত
দুরারাধ্যমসাধুভিঃ ॥ ৩৬ ॥
সুখারাধ্যমৃজুভিরনন্যশরণৈর্নৃভিঃ ।
কৃতজ্ঞঃ কো ন সেবেত
দুরারাধ্যমসাধুভিঃ ॥ ৩৬ ॥
যো বৈ হিরণ্যাক্ষবধং
মহাদ্ভুতং
বিক্রীডিতং কারণসূকরাত্মনঃ ।
শৃণোতি
গাযত্যনুমোদতেঽঞ্জসা
বিমুচ্যতে ব্রহ্মবধাদপি দ্বিজাঃ ॥ ৩৭ ॥
মহাদ্ভুতং
বিক্রীডিতং কারণসূকরাত্মনঃ ।
শৃণোতি
গাযত্যনুমোদতেঽঞ্জসা
বিমুচ্যতে ব্রহ্মবধাদপি দ্বিজাঃ ॥ ৩৭ ॥
এতন্মহাপুণ্যমলং পবিত্রং
ধন্যং যশস্যং পদমাযুরাশিষাম্ ।
প্রাণেন্দ্রিযাণাং যুধি শৌর্যবর্ধনং
নারাযণোঽন্তে গতিরঙ্গ শৃণ্বতাম্ ॥ ৩৮ ॥
ধন্যং যশস্যং পদমাযুরাশিষাম্ ।
প্রাণেন্দ্রিযাণাং যুধি শৌর্যবর্ধনং
নারাযণোঽন্তে গতিরঙ্গ শৃণ্বতাম্ ॥ ৩৮ ॥