মৈত্রেয উবাচ
এবমাবিষ্কৃতাশেষগুণকর্মোদযো মুনিম্ ।
সব্রীড ইব তং সম্রাডুপারতমুবাচ হ ॥ ১ ॥
এবমাবিষ্কৃতাশেষগুণকর্মোদযো মুনিম্ ।
সব্রীড ইব তং সম্রাডুপারতমুবাচ হ ॥ ১ ॥
মনুরুবাচ
ব্রহ্মাসৃজত্স্বমুখতো যুষ্মানাত্মপরীপ্সযা ।
ছন্দোমযস্তপোবিদ্যাযোগযুক্তানলম্পটান্ ॥ ২ ॥
ব্রহ্মাসৃজত্স্বমুখতো যুষ্মানাত্মপরীপ্সযা ।
ছন্দোমযস্তপোবিদ্যাযোগযুক্তানলম্পটান্ ॥ ২ ॥
তত্ত্রাণাযাসৃজচ্চাস্মান্ দোঃসহস্রাত্সহস্রপাত্ ।
হৃদযং তস্য হি ব্রহ্ম ক্ষত্রমঙ্গং প্রচক্ষতে ॥ ৩ ॥
হৃদযং তস্য হি ব্রহ্ম ক্ষত্রমঙ্গং প্রচক্ষতে ॥ ৩ ॥
অতো হ্যন্যোন্যমাত্মানং ব্রহ্ম ক্ষত্রং চ রক্ষতঃ ।
রক্ষতি স্মাব্যযো দেবঃ স যঃ সদসদাত্মকঃ ॥ ৪ ॥
রক্ষতি স্মাব্যযো দেবঃ স যঃ সদসদাত্মকঃ ॥ ৪ ॥
তব সন্দর্শনাদেবচ্ছিন্না মে সর্বসংশযাঃ ।
যত্স্বযং ভগবান্ প্রীত্যা ধর্মমাহ রিরক্ষিষোঃ ॥ ৫ ॥
যত্স্বযং ভগবান্ প্রীত্যা ধর্মমাহ রিরক্ষিষোঃ ॥ ৫ ॥
দিষ্টযা মে ভগবান্ দৃষ্টো দুর্দর্শো যোঽকৃতাত্মনাম্ ।
দিষ্টযা পাদরজঃ স্পৃষ্টং শীর্ষ্ণা মে ভবতঃ শিবম্ ॥ ৬ ॥
দিষ্টযা পাদরজঃ স্পৃষ্টং শীর্ষ্ণা মে ভবতঃ শিবম্ ॥ ৬ ॥
দিষ্টযা ত্বযানুশিষ্টোঽহং কৃতশ্চানুগ্রহো মহান্ ।
অপাবৃতৈঃ কর্ণরন্ধ্রৈর্জুষ্টা দিষ্ট্যোশতীর্গিরঃ ॥ ৭ ॥
অপাবৃতৈঃ কর্ণরন্ধ্রৈর্জুষ্টা দিষ্ট্যোশতীর্গিরঃ ॥ ৭ ॥
স ভবান্দুহিতৃস্নেহপরিক্লিষ্টাত্মনো মম ।
শ্রোতুমর্হসি দীনস্য শ্রাবিতং কৃপযা মুনে ॥ ৮ ॥
শ্রোতুমর্হসি দীনস্য শ্রাবিতং কৃপযা মুনে ॥ ৮ ॥
প্রিযব্রতোত্তানপদোঃ স্বসেযং দুহিতা মম ।
অন্বিচ্ছতি পতিং যুক্তং বযঃ শীলগুণাদিভিঃ ॥ ৯ ॥
অন্বিচ্ছতি পতিং যুক্তং বযঃ শীলগুণাদিভিঃ ॥ ৯ ॥
যদা তু ভবতঃ শীলশ্রুতরূপবযোগুণান্ ।
অশৃণোন্নারদাদেষা ত্বয্যাসীত্কৃতনিশ্চযা ॥ ১০ ॥
অশৃণোন্নারদাদেষা ত্বয্যাসীত্কৃতনিশ্চযা ॥ ১০ ॥
তত্প্রতীচ্ছ দ্বিজাগ্র্যেমাং শ্রদ্ধযোপহৃতাং মযা ।
সর্বাত্মনানুরূপাং তে গৃহমেধিষু কর্মসু ॥ ১১ ॥
সর্বাত্মনানুরূপাং তে গৃহমেধিষু কর্মসু ॥ ১১ ॥
উদ্যতস্য হি কামস্য প্রতিবাদো ন শস্যতে ।
অপি নির্মুক্তসঙ্গস্য কামরক্তস্য কিং পুনঃ ॥ ১২ ॥
অপি নির্মুক্তসঙ্গস্য কামরক্তস্য কিং পুনঃ ॥ ১২ ॥
য উদ্যতমনাদৃত্য কীনাশমভিযাচতে ।
ক্ষীযতে তদ্যশঃ স্ফীতং মানশ্চাবজ্ঞযা হতঃ ॥ ১৩ ॥
ক্ষীযতে তদ্যশঃ স্ফীতং মানশ্চাবজ্ঞযা হতঃ ॥ ১৩ ॥
অহং ত্বাশৃণবং বিদ্বন্ বিবাহার্থং সমুদ্যতম্ ।
অতস্ত্বমুপকুর্বাণঃ প্রত্তাং প্রতিগৃহাণ মে ॥ ১৪ ॥
অতস্ত্বমুপকুর্বাণঃ প্রত্তাং প্রতিগৃহাণ মে ॥ ১৪ ॥
ঋষিরুবাচ
বাঢমুদ্বোঢুকামোঽহমপ্রত্তা চ তবাত্মজা ।
আবযোরনুরূপোঽসাবাদ্যো বৈবাহিকো বিধিঃ ॥ ১৫ ॥
বাঢমুদ্বোঢুকামোঽহমপ্রত্তা চ তবাত্মজা ।
আবযোরনুরূপোঽসাবাদ্যো বৈবাহিকো বিধিঃ ॥ ১৫ ॥
কামঃ স ভূযান্নরদেব তেঽস্যাঃ
পুত্র্যাঃ সমাম্নাযবিধৌ প্রতীতঃ ।
ক এব তে তনযাং নাদ্রিযেত
স্বযৈব কান্ত্যা ক্ষিপতীমিব শ্রিযম্ ॥ ১৬ ॥
পুত্র্যাঃ সমাম্নাযবিধৌ প্রতীতঃ ।
ক এব তে তনযাং নাদ্রিযেত
স্বযৈব কান্ত্যা ক্ষিপতীমিব শ্রিযম্ ॥ ১৬ ॥
যাং হর্ম্যপৃষ্ঠে ক্বণদঙ্ঘ্রিশোভাং
বিক্রীডতীং কন্দুকবিহ্বলাক্ষীম্ ।
বিশ্বাবসুর্ন্যপতত্স্বাদ্বিমানা-
দ্বিলোক্য সম্মোহবিমূঢচেতাঃ ॥ ১৭ ॥
বিক্রীডতীং কন্দুকবিহ্বলাক্ষীম্ ।
বিশ্বাবসুর্ন্যপতত্স্বাদ্বিমানা-
দ্বিলোক্য সম্মোহবিমূঢচেতাঃ ॥ ১৭ ॥
তাং প্রার্থযন্তীং ললনাললাম-
মসেবিতশ্রীচরণৈরদৃষ্টাম্ ।
বত্সাং মনোরুচ্চপদঃ স্বসারং
কো নানুমন্যেত বুধোঽভিযাতাম্ ॥ ১৮ ॥
মসেবিতশ্রীচরণৈরদৃষ্টাম্ ।
বত্সাং মনোরুচ্চপদঃ স্বসারং
কো নানুমন্যেত বুধোঽভিযাতাম্ ॥ ১৮ ॥
অতো ভজিষ্যে সমযেন সাধ্বীং
যাবত্তেজো বিভৃযাদাত্মনো মে ।
অতো ধর্মান্ পারমহংস্যমুখ্যান্
শুক্লপ্রোক্তান্ বহু মন্যেঽবিহিংস্রান্ ॥ ১৯ ॥
যাবত্তেজো বিভৃযাদাত্মনো মে ।
অতো ধর্মান্ পারমহংস্যমুখ্যান্
শুক্লপ্রোক্তান্ বহু মন্যেঽবিহিংস্রান্ ॥ ১৯ ॥
যতোঽভবদ্বিশ্বমিদং বিচিত্রং
সংস্থাস্যতে যত্র চ বাবতিষ্ঠতে ।
প্রজাপতীনাং পতিরেষ মহ্যং
পরং প্রমাণং ভগবাননন্তঃ ॥ ২০ ॥
সংস্থাস্যতে যত্র চ বাবতিষ্ঠতে ।
প্রজাপতীনাং পতিরেষ মহ্যং
পরং প্রমাণং ভগবাননন্তঃ ॥ ২০ ॥
মৈত্রেয উবাচ
স উগ্রধন্বন্নিযদেবাবভাষে
আসীচ্চ তূষ্ণীমরবিন্দনাভম্ ।
ধিযোপগৃহ্ণন্ স্মিতশোভিতেন
মুখেন চেতো লুলুভে দেবহূত্যাঃ ॥ ২১ ॥
স উগ্রধন্বন্নিযদেবাবভাষে
আসীচ্চ তূষ্ণীমরবিন্দনাভম্ ।
ধিযোপগৃহ্ণন্ স্মিতশোভিতেন
মুখেন চেতো লুলুভে দেবহূত্যাঃ ॥ ২১ ॥
সোঽনুজ্ঞাত্বা ব্যবসিতং মহিষ্যা দুহিতুঃ স্ফুটম্ ।
তস্মৈ গুণগণাঢ্যায দদৌ তুল্যাং প্রহর্ষিতঃ ॥ ২২ ॥
তস্মৈ গুণগণাঢ্যায দদৌ তুল্যাং প্রহর্ষিতঃ ॥ ২২ ॥
শতরূপা মহারাজ্ঞী পারিবর্হান্মহাধনান্ ।
দম্পত্যোঃ পর্যদাত্প্রীত্যা ভূষাবাসঃ পরিচ্ছদান্ ॥ ২৩ ॥
দম্পত্যোঃ পর্যদাত্প্রীত্যা ভূষাবাসঃ পরিচ্ছদান্ ॥ ২৩ ॥
প্রত্তাং দুহিতরং সম্রাট্ সদৃক্ষায গতব্যথঃ ।
উপগুহ্য চ বাহুভ্যামৌত্কণ্ঠ্যোন্মথিতাশযঃ ॥ ২৪ ॥
উপগুহ্য চ বাহুভ্যামৌত্কণ্ঠ্যোন্মথিতাশযঃ ॥ ২৪ ॥
অশক্নুবংস্তদ্বিরহং মুঞ্চন্ বাষ্পকলাং মুহুঃ ।
আসিঞ্চদম্ব বত্সেতি নেত্রোদৈর্দুহিতুঃ শিখাঃ ॥ ২৫ ॥
আসিঞ্চদম্ব বত্সেতি নেত্রোদৈর্দুহিতুঃ শিখাঃ ॥ ২৫ ॥
আমন্ত্র্য তং মুনিবরমনুজ্ঞাতঃ সহানুগঃ ।
প্রতস্থে রথমারুহ্য সভার্যঃ স্বপুরং নৃপঃ ॥ ২৬ ॥
প্রতস্থে রথমারুহ্য সভার্যঃ স্বপুরং নৃপঃ ॥ ২৬ ॥
উভযোঋর্ষিকুল্যাযাঃ সরস্বত্যাঃ সুরোধসোঃ ।
ঋষীণামুপশান্তানাং পশ্যন্নাশ্রমসম্পদঃ ॥ ২৭ ॥
ঋষীণামুপশান্তানাং পশ্যন্নাশ্রমসম্পদঃ ॥ ২৭ ॥
তমাযান্তমভিপ্রেত্য ব্রহ্মাবর্তাত্প্রজাঃ পতিম্ ।
গীতসংস্তুতিবাদিত্রৈঃ প্রত্যুদীযুঃ প্রহর্ষিতাঃ ॥ ২৮ ॥
গীতসংস্তুতিবাদিত্রৈঃ প্রত্যুদীযুঃ প্রহর্ষিতাঃ ॥ ২৮ ॥
বর্হিষ্মতী নাম পুরী সর্বসম্পত্সমন্বিতা ।
ন্যপতন্ যত্র রোমাণি যজ্ঞস্যাঙ্গং বিধুন্বতঃ ॥ ২৯ ॥
ন্যপতন্ যত্র রোমাণি যজ্ঞস্যাঙ্গং বিধুন্বতঃ ॥ ২৯ ॥
কুশাঃ কাশাস্ত এবাসন্ শশ্বদ্ধরিতবর্চসঃ ।
ঋষযো যৈঃ পরাভাব্য যজ্ঞঘ্নান্ যজ্ঞমীজিরে ॥ ৩০ ॥
ঋষযো যৈঃ পরাভাব্য যজ্ঞঘ্নান্ যজ্ঞমীজিরে ॥ ৩০ ॥
কুশকাশমযং বর্হিরাস্তীর্য ভগবান্মনুঃ ।
অযজদ্যজ্ঞপুরুষং লব্ধা স্থানং যতো ভুবম্ ॥ ৩১ ॥
অযজদ্যজ্ঞপুরুষং লব্ধা স্থানং যতো ভুবম্ ॥ ৩১ ॥
বর্হিষ্মতীং নাম বিভুর্যাং নির্বিশ্য সমাবসত্ ।
তস্যাং প্রবিষ্টো ভবনং তাপত্রযবিনাশনম্ ॥ ৩২ ॥
তস্যাং প্রবিষ্টো ভবনং তাপত্রযবিনাশনম্ ॥ ৩২ ॥
সভার্যঃ সপ্রজঃ কামান্ বুভুজেঽন্যাবিরোধতঃ ।
সঙ্গীযমানসত্কীর্তিঃ সস্ত্রীভিঃ সুরগাযকৈঃ ।
প্রত্যূষেষ্বনুবদ্ধেন হৃদা শৃণ্বন্ হরেঃ কথাঃ ॥ ৩৩ ॥
সঙ্গীযমানসত্কীর্তিঃ সস্ত্রীভিঃ সুরগাযকৈঃ ।
প্রত্যূষেষ্বনুবদ্ধেন হৃদা শৃণ্বন্ হরেঃ কথাঃ ॥ ৩৩ ॥
নিষ্ণাতং যোগমাযাসু মুনিং স্বাযম্ভুবং মনুম্ ।
যদাভ্রংশযিতুং ভোগা ন শেকুর্ভগবত্পরম্ ॥ ৩৪ ॥
যদাভ্রংশযিতুং ভোগা ন শেকুর্ভগবত্পরম্ ॥ ৩৪ ॥
অযাতযামাস্তস্যাসন্ যামাঃস্বান্তরযাপনাঃ ।
শৃণ্বতো ধ্যাযতো বিষ্ণোঃ কুর্বতো ব্রুবতঃ কথাঃ ॥ ৩৫ ॥
শৃণ্বতো ধ্যাযতো বিষ্ণোঃ কুর্বতো ব্রুবতঃ কথাঃ ॥ ৩৫ ॥
স এবং স্বান্তরং নিন্যে যুগানামেকসপ্ততিম্ ।
বাসুদেবপ্রসঙ্গেন পরিভূতগতিত্রযঃ ॥ ৩৬ ॥
বাসুদেবপ্রসঙ্গেন পরিভূতগতিত্রযঃ ॥ ৩৬ ॥
শারীরা মানসা দিব্যা বৈযাসে যে চ মানুষাঃ ।
ভৌতিকাশ্চ কথং ক্লেশা বাধন্তে হরিসংশ্রযম্ ॥ ৩৭ ॥
ভৌতিকাশ্চ কথং ক্লেশা বাধন্তে হরিসংশ্রযম্ ॥ ৩৭ ॥
যঃ পৃষ্টো মুনিভিঃ প্রাহ ধর্মান্নানাবিদাঞ্ছুভান্ ।
নৃণাং বর্ণাশ্রমাণাং চ সর্বভূতহিতঃ সদা ॥ ৩৮ ॥
নৃণাং বর্ণাশ্রমাণাং চ সর্বভূতহিতঃ সদা ॥ ৩৮ ॥
এতত্ত আদিরাজস্য মনোশ্চরিতমদ্ভুতম্ ।
বর্ণিতং বর্ণনীযস্য তদপত্যোদযং শৃণু ॥ ৩৯ ॥
বর্ণিতং বর্ণনীযস্য তদপত্যোদযং শৃণু ॥ ৩৯ ॥