ଶ୍ରୀଭଗଵାନୁଵାଚ
କର୍ମଣା ଦୈଵନେତ୍ରେଣ ଜନ୍ତୁର୍ଦେହୋପପତ୍ତଯେ ।
ସ୍ତ୍ରିଯାଃ ପ୍ରଵିଷ୍ଟ ଉଦରଂ ପୁଂସୋ ରେତଃକଣାଶ୍ରଯଃ ॥ ୧ ॥
କର୍ମଣା ଦୈଵନେତ୍ରେଣ ଜନ୍ତୁର୍ଦେହୋପପତ୍ତଯେ ।
ସ୍ତ୍ରିଯାଃ ପ୍ରଵିଷ୍ଟ ଉଦରଂ ପୁଂସୋ ରେତଃକଣାଶ୍ରଯଃ ॥ ୧ ॥
କଲଲଂ ତ୍ଵେକରାତ୍ରେଣ ପଞ୍ଚରାତ୍ରେଣ ବୁଦ୍ବୁଦମ୍ ।
ଦଶାହେନ ତୁ କର୍କନ୍ଧୂଃ ପେଶ୍ଯଣ୍ଡଂ ଵା ତତଃ ପରମ୍ ॥ ୨ ॥
ଦଶାହେନ ତୁ କର୍କନ୍ଧୂଃ ପେଶ୍ଯଣ୍ଡଂ ଵା ତତଃ ପରମ୍ ॥ ୨ ॥
ମାସେନ ତୁ ଶିରୋ ଦ୍ଵାଭ୍ଯାଂ ବାହ୍ଵଙ୍ଘ୍ର୍ଯାଦ୍ଯଙ୍ଗଵିଗ୍ରହଃ ।
ନଖଲୋମାସ୍ଥିଚର୍ମାଣି ଲିଙ୍ଗଚ୍ଛିଦ୍ରୋଦ୍ଭଵସ୍ତ୍ରିଭିଃ ॥ ୩ ॥
ନଖଲୋମାସ୍ଥିଚର୍ମାଣି ଲିଙ୍ଗଚ୍ଛିଦ୍ରୋଦ୍ଭଵସ୍ତ୍ରିଭିଃ ॥ ୩ ॥
ଚତୁର୍ଭିର୍ଧାତଵଃ ସପ୍ତ ପଞ୍ଚଭିଃ କ୍ଷୁତ୍ତୃଡୁଦ୍ଭଵଃ ।
ଷଡ୍ଭିର୍ଜରାଯୁଣା ଵୀତଃ କୁକ୍ଷୌ ଭ୍ରାମ୍ଯତି ଦକ୍ଷିଣେ ॥ ୪ ॥
ଷଡ୍ଭିର୍ଜରାଯୁଣା ଵୀତଃ କୁକ୍ଷୌ ଭ୍ରାମ୍ଯତି ଦକ୍ଷିଣେ ॥ ୪ ॥
ମାତୁର୍ଜଗ୍ଧାନ୍ନପାନାଦ୍ଯୈରେଧଦ୍ଧାତୁରସମ୍ମତେ ।
ଶେତେ ଵିଣ୍ମୂତ୍ରଯୋର୍ଗର୍ତେ ସ ଜନ୍ତୁର୍ଜନ୍ତୁସମ୍ଭଵେ ॥ ୫ ॥
ଶେତେ ଵିଣ୍ମୂତ୍ରଯୋର୍ଗର୍ତେ ସ ଜନ୍ତୁର୍ଜନ୍ତୁସମ୍ଭଵେ ॥ ୫ ॥
କୃମିଭିଃ କ୍ଷତସର୍ଵାଙ୍ଗଃ ସୌକୁମାର୍ଯାତ୍ପ୍ରତିକ୍ଷଣମ୍ ।
ମୂର୍ଚ୍ଛାମାପ୍ନୋତ୍ଯୁରୁକ୍ଲେଶସ୍ତତ୍ରତ୍ଯୈଃ କ୍ଷୁଧିତୈର୍ମୁହୁଃ ॥ ୬ ॥
ମୂର୍ଚ୍ଛାମାପ୍ନୋତ୍ଯୁରୁକ୍ଲେଶସ୍ତତ୍ରତ୍ଯୈଃ କ୍ଷୁଧିତୈର୍ମୁହୁଃ ॥ ୬ ॥
କଟୁତୀକ୍ଷ୍ଣୋଷ୍ଣଲଵଣରୂକ୍ଷାମ୍ଲାଦିଭିରୁଲ୍ବଣୈଃ ।
ମାତୃଭୁକ୍ତୈରୁପସ୍ପୃଷ୍ଟଃ ସର୍ଵାଙ୍ଗୋତ୍ଥିତଵେଦନଃ ॥ ୭ ॥
ମାତୃଭୁକ୍ତୈରୁପସ୍ପୃଷ୍ଟଃ ସର୍ଵାଙ୍ଗୋତ୍ଥିତଵେଦନଃ ॥ ୭ ॥
ଉଲ୍ବେନ ସଂଵୃତସ୍ତସ୍ମିନ୍ନନ୍ତ୍ରୈଶ୍ଚ ବହିରାଵୃତଃ ।
ଆସ୍ତେ କୃତ୍ଵା ଶିରଃ କୁକ୍ଷୌ ଭୁଗ୍ନପୃଷ୍ଠଶିରୋଧରଃ ॥ ୮ ॥
ଆସ୍ତେ କୃତ୍ଵା ଶିରଃ କୁକ୍ଷୌ ଭୁଗ୍ନପୃଷ୍ଠଶିରୋଧରଃ ॥ ୮ ॥
ଅକଲ୍ପଃ ସ୍ଵାଙ୍ଗଚେଷ୍ଟାଯାଂ ଶକୁନ୍ତ ଇଵ ପଞ୍ଜରେ ।
ତତ୍ର ଲବ୍ଧସ୍ମୃତିର୍ଦୈଵାତ୍କର୍ମ ଜନ୍ମଶତୋଦ୍ଭଵମ୍ ।
ସ୍ମରନ୍ଦୀର୍ଘମନୁଚ୍ଛ୍ଵାସଂ ଶର୍ମ କିଂ ନାମ ଵିନ୍ଦତେ ॥ ୯ ॥
ତତ୍ର ଲବ୍ଧସ୍ମୃତିର୍ଦୈଵାତ୍କର୍ମ ଜନ୍ମଶତୋଦ୍ଭଵମ୍ ।
ସ୍ମରନ୍ଦୀର୍ଘମନୁଚ୍ଛ୍ଵାସଂ ଶର୍ମ କିଂ ନାମ ଵିନ୍ଦତେ ॥ ୯ ॥
ଆରଭ୍ଯ ସପ୍ତମାନ୍ମାସାଲ୍ଲବ୍ଧବୋଧୋଽପି ଵେପିତଃ ।
ନୈକତ୍ରାସ୍ତେ ସୂତିଵାତୈର୍ଵିଷ୍ଠାଭୂରିଵ ସୋଦରଃ ॥ ୧୦ ॥
ନୈକତ୍ରାସ୍ତେ ସୂତିଵାତୈର୍ଵିଷ୍ଠାଭୂରିଵ ସୋଦରଃ ॥ ୧୦ ॥
ନାଥମାନ ଋଷିର୍ଭୀତଃ ସପ୍ତଵଧ୍ରିଃ କୃତାଞ୍ଜଲିଃ ।
ସ୍ତୁଵୀତ ତଂ ଵିକ୍ଲଵଯା ଵାଚା ଯେନୋଦରେଽର୍ପିତଃ ॥ ୧୧ ॥
ସ୍ତୁଵୀତ ତଂ ଵିକ୍ଲଵଯା ଵାଚା ଯେନୋଦରେଽର୍ପିତଃ ॥ ୧୧ ॥
ଜନ୍ତୁରୁଵାଚ
ତସ୍ଯୋପସନ୍ନମଵିତୁଂ ଜଗଦିଚ୍ଛଯାତ୍ତ-
ନାନାତନୋର୍ଭୁଵି ଚଲଚ୍ଚରଣାରଵିନ୍ଦମ୍ ।
ସୋଽହଂ ଵ୍ରଜାମି ଶରଣଂ ହ୍ଯକୁତୋଭଯଂ ମେ
ଯେନେଦୃଶୀ ଗତିରଦର୍ଶ୍ଯସତୋଽନୁରୂପା ॥ ୧୨ ॥
ତସ୍ଯୋପସନ୍ନମଵିତୁଂ ଜଗଦିଚ୍ଛଯାତ୍ତ-
ନାନାତନୋର୍ଭୁଵି ଚଲଚ୍ଚରଣାରଵିନ୍ଦମ୍ ।
ସୋଽହଂ ଵ୍ରଜାମି ଶରଣଂ ହ୍ଯକୁତୋଭଯଂ ମେ
ଯେନେଦୃଶୀ ଗତିରଦର୍ଶ୍ଯସତୋଽନୁରୂପା ॥ ୧୨ ॥
ଯସ୍ତ୍ଵତ୍ର ବଦ୍ଧ ଇଵ କର୍ମଭିରାଵୃତାତ୍ମା
ଭୂତେନ୍ଦ୍ରିଯାଶଯମଯୀମଵଲମ୍ବ୍ଯ ମାଯାମ୍ ।
ଆସ୍ତେ ଵିଶୁଦ୍ଧମଵିକାରମଖଣ୍ଡବୋଧମ୍
ଆତପ୍ଯମାନହୃଦଯେଽଵସିତଂ ନମାମି ॥ ୧୩ ॥
ଭୂତେନ୍ଦ୍ରିଯାଶଯମଯୀମଵଲମ୍ବ୍ଯ ମାଯାମ୍ ।
ଆସ୍ତେ ଵିଶୁଦ୍ଧମଵିକାରମଖଣ୍ଡବୋଧମ୍
ଆତପ୍ଯମାନହୃଦଯେଽଵସିତଂ ନମାମି ॥ ୧୩ ॥
ଯଃ ପଞ୍ଚଭୂତରଚିତେ ରହିତଃ ଶରୀରେ
ଚ୍ଛନ୍ନୋଽଯଥେନ୍ଦ୍ରିଯଗୁଣାର୍ଥଚିଦାତ୍ମକୋଽହମ୍ ।
ତେନାଵିକୁଣ୍ଠମହିମାନମୃଷିଂ ତମେନଂ
ଵନ୍ଦେ ପରଂ ପ୍ରକୃତିପୂରୁଷଯୋଃ ପୁମାଂସମ୍ ॥ ୧୪ ॥
ଚ୍ଛନ୍ନୋଽଯଥେନ୍ଦ୍ରିଯଗୁଣାର୍ଥଚିଦାତ୍ମକୋଽହମ୍ ।
ତେନାଵିକୁଣ୍ଠମହିମାନମୃଷିଂ ତମେନଂ
ଵନ୍ଦେ ପରଂ ପ୍ରକୃତିପୂରୁଷଯୋଃ ପୁମାଂସମ୍ ॥ ୧୪ ॥
ଯନ୍ମାଯଯୋରୁଗୁଣକର୍ମନିବନ୍ଧନେଽସ୍ମିନ୍
ସାଂସାରିକେ ପଥି ଚରଂସ୍ତଦଭିଶ୍ରମେଣ ।
ନଷ୍ଟସ୍ମୃତିଃ ପୁନରଯଂ ପ୍ରଵୃଣୀତ ଲୋକଂ
ଯୁକ୍ତ୍ଯା କଯା ମହଦନୁଗ୍ରହମନ୍ତରେଣ ॥ ୧୫ ॥
ସାଂସାରିକେ ପଥି ଚରଂସ୍ତଦଭିଶ୍ରମେଣ ।
ନଷ୍ଟସ୍ମୃତିଃ ପୁନରଯଂ ପ୍ରଵୃଣୀତ ଲୋକଂ
ଯୁକ୍ତ୍ଯା କଯା ମହଦନୁଗ୍ରହମନ୍ତରେଣ ॥ ୧୫ ॥
ଜ୍ଞାନଂ ଯଦେତଦଦଧାତ୍କତମଃ ସ ଦେଵସ୍
ତ୍ରୈକାଲିକଂ
ସ୍ଥିରଚରେଷ୍ଵନୁଵର୍ତିତାଂଶଃ ।
ତଂ
ଜୀଵକର୍ମପଦଵୀମନୁଵର୍ତମାନାସ୍
ତାପତ୍ରଯୋପଶମନାଯ ଵଯଂ ଭଜେମ ॥ ୧୬ ॥
ତ୍ରୈକାଲିକଂ
ସ୍ଥିରଚରେଷ୍ଵନୁଵର୍ତିତାଂଶଃ ।
ତଂ
ଜୀଵକର୍ମପଦଵୀମନୁଵର୍ତମାନାସ୍
ତାପତ୍ରଯୋପଶମନାଯ ଵଯଂ ଭଜେମ ॥ ୧୬ ॥
ଦେହ୍ଯନ୍ଯଦେହଵିଵରେ ଜଠରାଗ୍ନିନାସୃଗ୍-
ଵିଣ୍ମୂତ୍ରକୂପପତିତୋ ଭୃଶତପ୍ତଦେହଃ ।
ଇଚ୍ଛନ୍ନିତୋ ଵିଵସିତୁଂ ଗଣଯନ୍ସ୍ଵମାସାନ୍
ନିର୍ଵାସ୍ଯତେ କୃପଣଧୀର୍ଭଗଵନ୍କଦା ନୁ ॥ ୧୭ ॥
ଵିଣ୍ମୂତ୍ରକୂପପତିତୋ ଭୃଶତପ୍ତଦେହଃ ।
ଇଚ୍ଛନ୍ନିତୋ ଵିଵସିତୁଂ ଗଣଯନ୍ସ୍ଵମାସାନ୍
ନିର୍ଵାସ୍ଯତେ କୃପଣଧୀର୍ଭଗଵନ୍କଦା ନୁ ॥ ୧୭ ॥
ଯେନେଦୃଶୀଂ ଗତିମସୌ ଦଶମାସ୍ଯ ଈଶ
ସଂଗ୍ରାହିତଃ ପୁରୁଦଯେନ ଭଵାଦୃଶେନ ।
ସ୍ଵେନୈଵ ତୁଷ୍ଯତୁ କୃତେନ ସ ଦୀନନାଥଃ
କୋ ନାମ ତତ୍ପ୍ରତି ଵିନାଞ୍ଜଲିମସ୍ଯ କୁର୍ଯାତ୍ ॥ ୧୮ ॥
ସଂଗ୍ରାହିତଃ ପୁରୁଦଯେନ ଭଵାଦୃଶେନ ।
ସ୍ଵେନୈଵ ତୁଷ୍ଯତୁ କୃତେନ ସ ଦୀନନାଥଃ
କୋ ନାମ ତତ୍ପ୍ରତି ଵିନାଞ୍ଜଲିମସ୍ଯ କୁର୍ଯାତ୍ ॥ ୧୮ ॥
ପଶ୍ଯତ୍ଯଯଂ ଧିଷଣଯା ନନୁ ସପ୍ତଵଧ୍ରିଃ
ଶାରୀରକେ ଦମଶରୀର୍ଯପରଃ ସ୍ଵଦେହେ ।
ଯତ୍ସୃଷ୍ଟଯାସଂ ତମହଂ ପୁରୁଷଂ ପୁରାଣଂ
ପଶ୍ଯେ ବହିର୍ହୃଦି ଚ ଚୈତ୍ଯମିଵ ପ୍ରତୀତମ୍ ॥ ୧୯ ॥
ଶାରୀରକେ ଦମଶରୀର୍ଯପରଃ ସ୍ଵଦେହେ ।
ଯତ୍ସୃଷ୍ଟଯାସଂ ତମହଂ ପୁରୁଷଂ ପୁରାଣଂ
ପଶ୍ଯେ ବହିର୍ହୃଦି ଚ ଚୈତ୍ଯମିଵ ପ୍ରତୀତମ୍ ॥ ୧୯ ॥
ସୋଽହଂ ଵସନ୍ନପି ଵିଭୋ ବହୁଦୁଃଖଵାସଂ
ଗର୍ଭାନ୍ନ ନିର୍ଜିଗମିଷେ ବହିରନ୍ଧକୂପେ ।
ଯତ୍ରୋପଯାତମୁପସର୍ପତି ଦେଵମାଯା
ମିଥ୍ଯା ମତିର୍ଯଦନୁ ସଂସୃତିଚକ୍ରମେତତ୍ ॥ ୨୦ ॥
ଗର୍ଭାନ୍ନ ନିର୍ଜିଗମିଷେ ବହିରନ୍ଧକୂପେ ।
ଯତ୍ରୋପଯାତମୁପସର୍ପତି ଦେଵମାଯା
ମିଥ୍ଯା ମତିର୍ଯଦନୁ ସଂସୃତିଚକ୍ରମେତତ୍ ॥ ୨୦ ॥
ତସ୍ମାଦହଂ ଵିଗତଵିକ୍ଲଵ ଉଦ୍ଧରିଷ୍ଯ
ଆତ୍ମାନମାଶୁ ତମସଃ ସୁହୃଦାତ୍ମନୈଵ ।
ଭୂଯୋ ଯଥା ଵ୍ଯସନମେତଦନେକରନ୍ଧ୍ରଂ
ମା ମେ ଭଵିଷ୍ଯଦୁପସାଦିତଵିଷ୍ଣୁପାଦଃ ॥ ୨୧ ॥
ଆତ୍ମାନମାଶୁ ତମସଃ ସୁହୃଦାତ୍ମନୈଵ ।
ଭୂଯୋ ଯଥା ଵ୍ଯସନମେତଦନେକରନ୍ଧ୍ରଂ
ମା ମେ ଭଵିଷ୍ଯଦୁପସାଦିତଵିଷ୍ଣୁପାଦଃ ॥ ୨୧ ॥
କପିଲ ଉଵାଚ
ଏଵଂ କୃତମତିର୍ଗର୍ଭେ ଦଶମାସ୍ଯଃ ସ୍ତୁଵନ୍ନୃଷିଃ ।
ସଦ୍ଯଃ କ୍ଷିପତ୍ଯଵାଚୀନଂ ପ୍ରସୂତ୍ଯୈ ସୂତିମାରୁତଃ ॥ ୨୨ ॥
ଏଵଂ କୃତମତିର୍ଗର୍ଭେ ଦଶମାସ୍ଯଃ ସ୍ତୁଵନ୍ନୃଷିଃ ।
ସଦ୍ଯଃ କ୍ଷିପତ୍ଯଵାଚୀନଂ ପ୍ରସୂତ୍ଯୈ ସୂତିମାରୁତଃ ॥ ୨୨ ॥
ତେନାଵସୃଷ୍ଟଃ ସହସା କୃତ୍ଵାଵାକ୍ଶିର ଆତୁରଃ ।
ଵିନିଷ୍କ୍ରାମତି କୃଚ୍ଛ୍ରେଣ ନିରୁଚ୍ଛ୍ଵାସୋ ହତସ୍ମୃତିଃ ॥ ୨୩ ॥
ଵିନିଷ୍କ୍ରାମତି କୃଚ୍ଛ୍ରେଣ ନିରୁଚ୍ଛ୍ଵାସୋ ହତସ୍ମୃତିଃ ॥ ୨୩ ॥
ପତିତୋ ଭୁଵ୍ଯସୃଙ୍ମିଶ୍ରଃ ଵିଷ୍ଠାଭୂରିଵ ଚେଷ୍ଟତେ ।
ରୋରୂଯତି ଗତେ ଜ୍ଞାନେ ଵିପରୀତାଂ ଗତିଂ ଗତଃ ॥ ୨୪ ॥
ରୋରୂଯତି ଗତେ ଜ୍ଞାନେ ଵିପରୀତାଂ ଗତିଂ ଗତଃ ॥ ୨୪ ॥
ପରଚ୍ଛନ୍ଦଂ ନ ଵିଦୁଷା ପୁଷ୍ଯମାଣୋ ଜନେନ ସଃ ।
ଅନଭିପ୍ରେତମାପନ୍ନଃ ପ୍ରତ୍ଯାଖ୍ଯାତୁମନୀଶ୍ଵରଃ ॥ ୨୫ ॥
ଅନଭିପ୍ରେତମାପନ୍ନଃ ପ୍ରତ୍ଯାଖ୍ଯାତୁମନୀଶ୍ଵରଃ ॥ ୨୫ ॥
ଶାଯିତୋଽଶୁଚିପର୍ଯଙ୍କେ ଜନ୍ତୁଃ ସ୍ଵେଦଜ-ଦୂଷିତେ ।
ନେଶଃ କଣ୍ଡୂଯନେଽଙ୍ଗାନାମାସନୋତ୍ଥାନଚେଷ୍ଟନେ ॥ ୨୬ ॥
ନେଶଃ କଣ୍ଡୂଯନେଽଙ୍ଗାନାମାସନୋତ୍ଥାନଚେଷ୍ଟନେ ॥ ୨୬ ॥
ତୁଦନ୍ତ୍ଯାମତ୍ଵଚଂ ଦଂଶା ମଶକା ମତ୍କୁଣାଦଯଃ ।
ରୁଦନ୍ତଂ ଵିଗତଜ୍ଞାନଂ କୃମଯଃ କୃମିକଂ ଯଥା ॥ ୨୭ ॥
ରୁଦନ୍ତଂ ଵିଗତଜ୍ଞାନଂ କୃମଯଃ କୃମିକଂ ଯଥା ॥ ୨୭ ॥
ଇତ୍ଯେଵଂ ଶୈଶଵଂ ଭୁକ୍ତ୍ଵା ଦୁଃଖଂ ପୌଗଣ୍ଡମେଵ ଚ ।
ଅଲବ୍ଧାଭୀପ୍ସିତୋଽଜ୍ଞାନାଦିଦ୍ଧମନ୍ଯୁଃ ଶୁଚାର୍ପିତଃ ॥ ୨୮ ॥
ଅଲବ୍ଧାଭୀପ୍ସିତୋଽଜ୍ଞାନାଦିଦ୍ଧମନ୍ଯୁଃ ଶୁଚାର୍ପିତଃ ॥ ୨୮ ॥
ସହ ଦେହେନ ମାନେନ ଵର୍ଧମାନେନ ମନ୍ଯୁନା ।
କରୋତି ଵିଗ୍ରହଂ କାମୀ କାମିଷ୍ଵନ୍ତାଯ ଚାତ୍ମନଃ ॥ ୨୯ ॥
କରୋତି ଵିଗ୍ରହଂ କାମୀ କାମିଷ୍ଵନ୍ତାଯ ଚାତ୍ମନଃ ॥ ୨୯ ॥
ଭୂତୈଃ ପଞ୍ଚଭିରାରବ୍ଧେ ଦେହେ ଦେହ୍ଯବୁଧୋଽସକୃତ୍ ।
ଅହଂମମେତ୍ଯସଦ୍ଗ୍ରାହଃ କରୋତି କୁମତିର୍ମତିମ୍ ॥ ୩୦ ॥
ଅହଂମମେତ୍ଯସଦ୍ଗ୍ରାହଃ କରୋତି କୁମତିର୍ମତିମ୍ ॥ ୩୦ ॥
ତଦର୍ଥଂ କୁରୁତେ କର୍ମ ଯଦ୍ବଦ୍ଧୋ ଯାତି ସଂସୃତିମ୍ ।
ଯୋଽନୁଯାତି ଦଦତ୍କ୍ଲେଶମଵିଦ୍ଯାକର୍ମବନ୍ଧନଃ ॥ ୩୧ ॥
ଯୋଽନୁଯାତି ଦଦତ୍କ୍ଲେଶମଵିଦ୍ଯାକର୍ମବନ୍ଧନଃ ॥ ୩୧ ॥
ଯଦ୍ଯସଦ୍ଭିଃ ପଥି ପୁନଃ ଶିଶ୍ନୋଦରକୃତୋଦ୍ଯମୈଃ ।
ଆସ୍ଥିତୋ ରମତେ ଜନ୍ତୁସ୍ତମୋ ଵିଶତି ପୂର୍ଵଵତ୍ ॥ ୩୨ ॥
ଆସ୍ଥିତୋ ରମତେ ଜନ୍ତୁସ୍ତମୋ ଵିଶତି ପୂର୍ଵଵତ୍ ॥ ୩୨ ॥
ସତ୍ଯଂ ଶୌଚଂ ଦଯା ମୌନଂ ବୁଦ୍ଧିଃ ଶ୍ରୀର୍ହ୍ରୀର୍ଯଶଃ କ୍ଷମା ।
ଶମୋ ଦମୋ ଭଗଶ୍ଚେତି ଯତ୍ସଙ୍ଗାଦ୍ଯାତି ସଙ୍କ୍ଷଯମ୍ ॥ ୩୩ ॥
ଶମୋ ଦମୋ ଭଗଶ୍ଚେତି ଯତ୍ସଙ୍ଗାଦ୍ଯାତି ସଙ୍କ୍ଷଯମ୍ ॥ ୩୩ ॥
ତେଷ୍ଵଶାନ୍ତେଷୁ ମୂଢେଷୁ ଖଣ୍ଡିତାତ୍ମସ୍ଵସାଧୁଷୁ ।
ସଙ୍ଗଂ ନ କୁର୍ଯାଚ୍ଛୋଚ୍ଯେଷୁ ଯୋଷିତ୍କ୍ରୀଡାମୃଗେଷୁ ଚ ॥ ୩୪ ॥
ସଙ୍ଗଂ ନ କୁର୍ଯାଚ୍ଛୋଚ୍ଯେଷୁ ଯୋଷିତ୍କ୍ରୀଡାମୃଗେଷୁ ଚ ॥ ୩୪ ॥
ନ ତଥାସ୍ଯ ଭଵେନ୍ମୋହୋ ବନ୍ଧଶ୍ଚାନ୍ଯପ୍ରସଙ୍ଗତଃ ।
ଯୋଷିତ୍ସଙ୍ଗାଦ୍ଯଥା ପୁଂସୋ ଯଥା ତତ୍ସଙ୍ଗିସଙ୍ଗତଃ ॥ ୩୫ ॥
ଯୋଷିତ୍ସଙ୍ଗାଦ୍ଯଥା ପୁଂସୋ ଯଥା ତତ୍ସଙ୍ଗିସଙ୍ଗତଃ ॥ ୩୫ ॥
ପ୍ରଜାପତିଃ ସ୍ଵାଂ ଦୁହିତରଂ ଦୃଷ୍ଟ୍ଵା ତଦ୍ରୂପଧର୍ଷିତଃ ।
ରୋହିଦ୍ଭୂତାଂ ସୋଽନ୍ଵଧାଵଦୃକ୍ଷରୂପୀ ହତତ୍ରପଃ ॥ ୩୬ ॥
ରୋହିଦ୍ଭୂତାଂ ସୋଽନ୍ଵଧାଵଦୃକ୍ଷରୂପୀ ହତତ୍ରପଃ ॥ ୩୬ ॥
ତତ୍ସୃଷ୍ଟସୃଷ୍ଟସୃଷ୍ଟେଷୁ କୋ ନ୍ଵଖଣ୍ଡିତଧୀଃ ପୁମାନ୍ ।
ଋଷିଂ ନାରାଯଣମୃତେ ଯୋଷିନ୍ମଯ୍ଯେହ ମାଯଯା ॥ ୩୭ ॥
ଋଷିଂ ନାରାଯଣମୃତେ ଯୋଷିନ୍ମଯ୍ଯେହ ମାଯଯା ॥ ୩୭ ॥
ବଲଂ ମେ ପଶ୍ଯ ମାଯାଯାଃ ସ୍ତ୍ରୀମଯ୍ଯା ଜଯିନୋ ଦିଶାମ୍ ।
ଯା କରୋତି ପଦାକ୍ରାନ୍ତାନ୍ଭ୍ରୂଵିଜୃମ୍ଭେଣ କେଵଲମ୍ ॥ ୩୮ ॥
ଯା କରୋତି ପଦାକ୍ରାନ୍ତାନ୍ଭ୍ରୂଵିଜୃମ୍ଭେଣ କେଵଲମ୍ ॥ ୩୮ ॥
ସଙ୍ଗଂ ନ କୁର୍ଯାତ୍ପ୍ରମଦାସୁ ଜାତୁ
ଯୋଗସ୍ଯ ପାରଂ ପରମାରୁରୁକ୍ଷୁଃ ।
ମତ୍ସେଵଯା ପ୍ରତିଲବ୍ଧାତ୍ମଲାଭୋ
ଵଦନ୍ତି ଯା ନିରଯଦ୍ଵାରମସ୍ଯ ॥ ୩୯ ॥
ଯୋଗସ୍ଯ ପାରଂ ପରମାରୁରୁକ୍ଷୁଃ ।
ମତ୍ସେଵଯା ପ୍ରତିଲବ୍ଧାତ୍ମଲାଭୋ
ଵଦନ୍ତି ଯା ନିରଯଦ୍ଵାରମସ୍ଯ ॥ ୩୯ ॥
ଯୋପଯାତି ଶନୈର୍ମାଯା ଯୋଷିଦ୍ଦେଵଵିନିର୍ମିତା ।
ତାମୀକ୍ଷେତାତ୍ମନୋ ମୃତ୍ଯୁଂ ତୃଣୈଃ କୂପମିଵାଵୃତମ୍ ॥ ୪୦ ॥
ତାମୀକ୍ଷେତାତ୍ମନୋ ମୃତ୍ଯୁଂ ତୃଣୈଃ କୂପମିଵାଵୃତମ୍ ॥ ୪୦ ॥
ଯାଂ ମନ୍ଯତେ ପତିଂ ମୋହାନ୍ମନ୍ମାଯାମୃଷଭାଯତୀମ୍ ।
ସ୍ତ୍ରୀତ୍ଵଂ ସ୍ତ୍ରୀସଙ୍ଗତଃ ପ୍ରାପ୍ତୋ ଵିତ୍ତାପତ୍ଯଗୃହପ୍ରଦମ୍ ॥ ୪୧ ॥
ସ୍ତ୍ରୀତ୍ଵଂ ସ୍ତ୍ରୀସଙ୍ଗତଃ ପ୍ରାପ୍ତୋ ଵିତ୍ତାପତ୍ଯଗୃହପ୍ରଦମ୍ ॥ ୪୧ ॥
ତାମାତ୍ମନୋ ଵିଜାନୀଯାତ୍ପତ୍ଯପତ୍ଯଗୃହାତ୍ମକମ୍ ।
ଦୈଵୋପସାଦିତଂ ମୃତ୍ଯୁଂ ମୃଗଯୋର୍ଗାଯନଂ ଯଥା ॥ ୪୨ ॥
ଦୈଵୋପସାଦିତଂ ମୃତ୍ଯୁଂ ମୃଗଯୋର୍ଗାଯନଂ ଯଥା ॥ ୪୨ ॥
ଦେହେନ ଜୀଵଭୂତେନ ଲୋକାଲ୍ଲୋକମନୁଵ୍ରଜନ୍ ।
ଭୁଞ୍ଜାନ ଏଵ କର୍ମାଣି କରୋତ୍ଯଵିରତଂ ପୁମାନ୍ ॥ ୪୩ ॥
ଭୁଞ୍ଜାନ ଏଵ କର୍ମାଣି କରୋତ୍ଯଵିରତଂ ପୁମାନ୍ ॥ ୪୩ ॥
ଜୀଵୋ ହ୍ଯସ୍ଯାନୁଗୋ ଦେହୋ ଭୂତେନ୍ଦ୍ରିଯମନୋମଯଃ ।
ତନ୍ନିରୋଧୋଽସ୍ଯ ମରଣମାଵିର୍ଭାଵସ୍ତୁ ସମ୍ଭଵଃ ॥ ୪୪ ॥
ତନ୍ନିରୋଧୋଽସ୍ଯ ମରଣମାଵିର୍ଭାଵସ୍ତୁ ସମ୍ଭଵଃ ॥ ୪୪ ॥
ଦ୍ରଵ୍ଯୋପଲବ୍ଧିସ୍ଥାନସ୍ଯ ଦ୍ରଵ୍ଯେକ୍ଷାଯୋଗ୍ଯତା ଯଦା ।
ତତ୍ପଞ୍ଚତ୍ଵମହଂମାନାଦୁତ୍ପତ୍ତିର୍ଦ୍ରଵ୍ଯଦର୍ଶନମ୍ ॥ ୪୫ ॥
ତତ୍ପଞ୍ଚତ୍ଵମହଂମାନାଦୁତ୍ପତ୍ତିର୍ଦ୍ରଵ୍ଯଦର୍ଶନମ୍ ॥ ୪୫ ॥
ଯଥାକ୍ଷ୍ଣୋର୍ଦ୍ରଵ୍ଯାଵଯଵଦର୍ଶନାଯୋଗ୍ଯତା ଯଦା ।
ତଦୈଵ ଚକ୍ଷୁଷୋ ଦ୍ରଷ୍ଟୁର୍ଦ୍ରଷ୍ଟୃତ୍ଵାଯୋଗ୍ଯତାନଯୋଃ ॥ ୪୬ ॥
ତଦୈଵ ଚକ୍ଷୁଷୋ ଦ୍ରଷ୍ଟୁର୍ଦ୍ରଷ୍ଟୃତ୍ଵାଯୋଗ୍ଯତାନଯୋଃ ॥ ୪୬ ॥
ତସ୍ମାନ୍ନ କାର୍ଯଃ ସନ୍ତ୍ରାସୋ ନ କାର୍ପଣ୍ଯଂ ନ ସମ୍ଭ୍ରମଃ ।
ବୁଦ୍ଧ୍ଵା ଜୀଵଗତିଂ ଧୀରୋ ମୁକ୍ତସଙ୍ଗଶ୍ଚରେଦିହ ॥ ୪୭ ॥
ବୁଦ୍ଧ୍ଵା ଜୀଵଗତିଂ ଧୀରୋ ମୁକ୍ତସଙ୍ଗଶ୍ଚରେଦିହ ॥ ୪୭ ॥
ସମ୍ଯଗ୍ଦର୍ଶନଯା ବୁଦ୍ଧ୍ଯା ଯୋଗଵୈରାଗ୍ଯଯୁକ୍ତଯା ।
ମାଯାଵିରଚିତେ ଲୋକେ ଚରେନ୍ନ୍ଯସ୍ଯ କଲେଵରମ୍ ॥ ୪୮ ॥
ମାଯାଵିରଚିତେ ଲୋକେ ଚରେନ୍ନ୍ଯସ୍ଯ କଲେଵରମ୍ ॥ ୪୮ ॥