ബ്രഹ്മോവാച
ജ്ഞാതോഽസി മേഽദ്യ സുചിരാന്നനു ദേഹഭാജാം
ന ജ്ഞായതേ ഭഗവതോ ഗതിരിത്യവദ്യമ് ।
നാന്യത്ത്വദസ്തി ഭഗവന്നപി തന്ന ശുദ്ധം
മായാഗുണവ്യതികരാദ്യദുരുര്വിഭാസി ॥ ൧ ॥
ജ്ഞാതോഽസി മേഽദ്യ സുചിരാന്നനു ദേഹഭാജാം
ന ജ്ഞായതേ ഭഗവതോ ഗതിരിത്യവദ്യമ് ।
നാന്യത്ത്വദസ്തി ഭഗവന്നപി തന്ന ശുദ്ധം
മായാഗുണവ്യതികരാദ്യദുരുര്വിഭാസി ॥ ൧ ॥
രൂപം യദേതദവബോധരസോദയേന
ശശ്വന്നിവൃത്തതമസഃ സദനുഗ്രഹായ ।
ആദൌ ഗൃഹീതമവതാരശതൈകബീജം
യന്നാഭിപദ്മഭവനാദഹമാവിരാസമ് ॥ ൨ ॥
ശശ്വന്നിവൃത്തതമസഃ സദനുഗ്രഹായ ।
ആദൌ ഗൃഹീതമവതാരശതൈകബീജം
യന്നാഭിപദ്മഭവനാദഹമാവിരാസമ് ॥ ൨ ॥
നാതഃ പരം പരമ യദ്ഭവതഃ സ്വരൂപ-
മാനന്ദമാത്രമവികല്പമവിദ്ധവര്ചഃ ।
പശ്യാമി വിശ്വസൃജമേകമവിശ്വമാത്മന്
ഭൂതേന്ദ്രിയാത്മകമദസ്ത ഉപാശ്രിതോഽസ്മി ॥ ൩ ॥
മാനന്ദമാത്രമവികല്പമവിദ്ധവര്ചഃ ।
പശ്യാമി വിശ്വസൃജമേകമവിശ്വമാത്മന്
ഭൂതേന്ദ്രിയാത്മകമദസ്ത ഉപാശ്രിതോഽസ്മി ॥ ൩ ॥
തദ്വാ ഇദം ഭുവനമങ്ഗല മങ്ഗലായ
ധ്യാനേ സ്മ നോ ദര്ശിതം ത ഉപാസകാനാമ് ।
തസ്മൈ നമോ ഭഗവതേഽനുവിധേമ തുഭ്യം
യോഽനാദൃതോ നരകഭാഗ്ഭിരസത്പ്രസങ്ഗൈഃ ॥ ൪ ॥
ധ്യാനേ സ്മ നോ ദര്ശിതം ത ഉപാസകാനാമ് ।
തസ്മൈ നമോ ഭഗവതേഽനുവിധേമ തുഭ്യം
യോഽനാദൃതോ നരകഭാഗ്ഭിരസത്പ്രസങ്ഗൈഃ ॥ ൪ ॥
യേ തു ത്വദീയചരണാമ്ബുജകോശഗന്ധം
ജിഘ്രന്തി കര്ണവിവരൈഃ ശ്രുതിവാതനീതമ് ।
ഭക്ത്യാ ഗൃഹീതചരണഃ പരയാ ച തേഷാം
നാപൈഷി നാഥ ഹൃദയാമ്ബുരുഹാത്സ്വപുംസാമ് ॥ ൫ ॥
ജിഘ്രന്തി കര്ണവിവരൈഃ ശ്രുതിവാതനീതമ് ।
ഭക്ത്യാ ഗൃഹീതചരണഃ പരയാ ച തേഷാം
നാപൈഷി നാഥ ഹൃദയാമ്ബുരുഹാത്സ്വപുംസാമ് ॥ ൫ ॥
താവദ്ഭയം ദ്രവിണദേഹസുഹൃന്നിമിത്തം
ശോകഃ സ്പൃഹാ പരിഭവോ വിപുലശ്ച ലോഭഃ ।
താവന്മമേത്യസദവഗ്രഹ ആര്തിമൂലം
യാവന്ന തേഽങ്ഘ്രിമഭയം പ്രവൃണീത ലോകഃ ॥ ൬ ॥
ശോകഃ സ്പൃഹാ പരിഭവോ വിപുലശ്ച ലോഭഃ ।
താവന്മമേത്യസദവഗ്രഹ ആര്തിമൂലം
യാവന്ന തേഽങ്ഘ്രിമഭയം പ്രവൃണീത ലോകഃ ॥ ൬ ॥
ദൈവേന തേ ഹതധിയോ ഭവതഃ പ്രസങ്ഗാ-
ത്സര്വാശുഭോപശമനാദ്വിമുഖേന്ദ്രിയാ യേ ।
കുര്വന്തി കാമസുഖലേശലവായ ദീനാ
ലോഭാഭിഭൂതമനസോഽകുശലാനി ശശ്വത് ॥ ൭ ॥
ത്സര്വാശുഭോപശമനാദ്വിമുഖേന്ദ്രിയാ യേ ।
കുര്വന്തി കാമസുഖലേശലവായ ദീനാ
ലോഭാഭിഭൂതമനസോഽകുശലാനി ശശ്വത് ॥ ൭ ॥
ക്ഷുത്തൃട്ത്രിധാതുഭിരിമാ മുഹുരര്ദ്യമാനാഃ
ശീതോഷ്ണവാതവരഷൈരിതരേതരാച്ച ।
കാമാഗ്നിനാച്യുത രുഷാ ച സുദുര്ഭരേണ
സമ്പശ്യതോ മന ഉരുക്രമ സീദതേ മേ ॥ ൮ ॥
ശീതോഷ്ണവാതവരഷൈരിതരേതരാച്ച ।
കാമാഗ്നിനാച്യുത രുഷാ ച സുദുര്ഭരേണ
സമ്പശ്യതോ മന ഉരുക്രമ സീദതേ മേ ॥ ൮ ॥
യാവത്പൃഥക്ത്വമിദമാത്മന ഇന്ദ്രിയാര്ഥ-
മായാബലം ഭഗവതോ ജന ഈശ പശ്യേത് ।
താവന്ന സംസൃതിരസൌ പ്രതിസംക്രമേത
വ്യര്ഥാപി ദുഃഖനിവഹം വഹതീ ക്രിയാര്ഥാ ॥ ൯ ॥
മായാബലം ഭഗവതോ ജന ഈശ പശ്യേത് ।
താവന്ന സംസൃതിരസൌ പ്രതിസംക്രമേത
വ്യര്ഥാപി ദുഃഖനിവഹം വഹതീ ക്രിയാര്ഥാ ॥ ൯ ॥
അഹ്ന്യാപൃതാര്തകരണാ നിശി നിഃശയാനാ ।
നാനാമനോരഥധിയാ ക്ഷണഭഗ്നനിദ്രാഃ ।
ദൈവാഹതാര്ഥരചനാ ഋഷയോഽപി ദേവ
യുഷ്മത്പ്രസങ്ഗവിമുഖാ ഇഹ സംസരന്തി ॥ ൧൦ ॥
നാനാമനോരഥധിയാ ക്ഷണഭഗ്നനിദ്രാഃ ।
ദൈവാഹതാര്ഥരചനാ ഋഷയോഽപി ദേവ
യുഷ്മത്പ്രസങ്ഗവിമുഖാ ഇഹ സംസരന്തി ॥ ൧൦ ॥
ത്വം ഭക്തിയോഗപരിഭാവിതഹൃത്സരോജ
ആസ്സേ ശ്രുതേക്ഷിതപഥോ നനു നാഥ പുംസാമ് ।
യദ്യദ്ധിയാ ത ഉരുഗായ വിഭാവയന്തി
തത്തദ്വപുഃ പ്രണയസേ സദനുഗ്രഹായ ॥ ൧൧ ॥
ആസ്സേ ശ്രുതേക്ഷിതപഥോ നനു നാഥ പുംസാമ് ।
യദ്യദ്ധിയാ ത ഉരുഗായ വിഭാവയന്തി
തത്തദ്വപുഃ പ്രണയസേ സദനുഗ്രഹായ ॥ ൧൧ ॥
നാതിപ്രസീദതി തഥോപചിതോപചാരൈ-
രാരാധിതഃ സുരഗണൈര്ഹൃദിബദ്ധകാമൈഃ ।
യത്സര്വഭൂതദയയാസദലഭ്യയൈകോ
നാനാജനേഷ്വവഹിതഃ സുഹൃദന്തരാത്മാ ॥ ൧൨ ॥
രാരാധിതഃ സുരഗണൈര്ഹൃദിബദ്ധകാമൈഃ ।
യത്സര്വഭൂതദയയാസദലഭ്യയൈകോ
നാനാജനേഷ്വവഹിതഃ സുഹൃദന്തരാത്മാ ॥ ൧൨ ॥
പുംസാമതോ വിവിധകര്മഭിരധ്വരാദ്യൈ-
ര്ദാനേന ചോഗ്രതപസാ പരിചര്യയാ ച ।
ആരാധനം ഭഗവതസ്തവ സത്ക്രിയാര്ഥോ
ധര്മോഽര്പിതഃ കര്ഹിചിദ്മ്രിയതേ ന യത്ര ॥ ൧൩ ॥
ര്ദാനേന ചോഗ്രതപസാ പരിചര്യയാ ച ।
ആരാധനം ഭഗവതസ്തവ സത്ക്രിയാര്ഥോ
ധര്മോഽര്പിതഃ കര്ഹിചിദ്മ്രിയതേ ന യത്ര ॥ ൧൩ ॥
ശശ്വത്സ്വരൂപമഹസൈവ നിപീതഭേദ-
മോഹായ ബോധധിഷണായ നമഃ പരസ്മൈ ।
വിശ്വോദ്ഭവസ്ഥിതിലയേഷു നിമിത്തലീലാ-
രാസായ തേ നമ ഇദം ചകൃമേശ്വരായ ॥ ൧൪ ॥
മോഹായ ബോധധിഷണായ നമഃ പരസ്മൈ ।
വിശ്വോദ്ഭവസ്ഥിതിലയേഷു നിമിത്തലീലാ-
രാസായ തേ നമ ഇദം ചകൃമേശ്വരായ ॥ ൧൪ ॥
യസ്യാവതാരഗുണകര്മവിഡമ്ബനാനി
നാമാനി യേഽസുവിഗമേ വിവശാ ഗൃണന്തി ।
തേഽനൈകജന്മശമലം സഹസൈവ ഹിത്വാ
സംയാന്ത്യപാവൃതാമൃതം തമജം പ്രപദ്യേ ॥ ൧൫ ॥
നാമാനി യേഽസുവിഗമേ വിവശാ ഗൃണന്തി ।
തേഽനൈകജന്മശമലം സഹസൈവ ഹിത്വാ
സംയാന്ത്യപാവൃതാമൃതം തമജം പ്രപദ്യേ ॥ ൧൫ ॥
യോ വാ അഹം ച ഗിരിശശ്ച വിഭുഃ സ്വയം ച
സ്ഥിത്യുദ്ഭവപ്രലയഹേതവ ആത്മമൂലമ് ।
ഭിത്ത്വാ ത്രിപാദ്വവൃധ ഏക ഉരുപ്രരോഹ-
സ്തസ്മൈ നമോ ഭഗവതേ ഭുവനദ്രുമായ ॥ ൧൬ ॥
സ്ഥിത്യുദ്ഭവപ്രലയഹേതവ ആത്മമൂലമ് ।
ഭിത്ത്വാ ത്രിപാദ്വവൃധ ഏക ഉരുപ്രരോഹ-
സ്തസ്മൈ നമോ ഭഗവതേ ഭുവനദ്രുമായ ॥ ൧൬ ॥
ലോകോ വികര്മനിരതഃ കുശലേ പ്രമത്തഃ
കര്മണ്യയം ത്വദുദിതേ ഭവദര്ചനേ സ്വേ ।
യസ്താവദസ്യ ബലവാനിഹ ജീവിതാശാം
സദ്യശ്ഛിനത്ത്യനിമിഷായ നമോഽസ്തു തസ്മൈ ॥ ൧൭ ॥
കര്മണ്യയം ത്വദുദിതേ ഭവദര്ചനേ സ്വേ ।
യസ്താവദസ്യ ബലവാനിഹ ജീവിതാശാം
സദ്യശ്ഛിനത്ത്യനിമിഷായ നമോഽസ്തു തസ്മൈ ॥ ൧൭ ॥
യസ്മാദ്ബിഭേമ്യഹമപി ദ്വിപരാര്ധധിഷ്ണ്യ-
മധ്യാസിതഃ സകലലോകനമസ്കൃതം യത് ।
തേപേ തപോ ബഹുസവോഽവരുരുത്സമാന-
സ്തസ്മൈ നമോ ഭഗവതേഽധിമഖായ തുഭ്യമ് ॥ ൧൮ ॥
മധ്യാസിതഃ സകലലോകനമസ്കൃതം യത് ।
തേപേ തപോ ബഹുസവോഽവരുരുത്സമാന-
സ്തസ്മൈ നമോ ഭഗവതേഽധിമഖായ തുഭ്യമ് ॥ ൧൮ ॥
തിര്യങ്മനുഷ്യവിബുധാദിഷു ജീവയോനി-
ഷ്വാത്മേച്ഛയാത്മകൃതസേതുപരീപ്സയാ യഃ ।
രേമേ നിരസ്തവിഷയോഽപ്യവരുദ്ധദേഹ-
സ്തസ്മൈ നമോ ഭഗവതേ പുരുഷോത്തമായ ॥ ൧൯ ॥
ഷ്വാത്മേച്ഛയാത്മകൃതസേതുപരീപ്സയാ യഃ ।
രേമേ നിരസ്തവിഷയോഽപ്യവരുദ്ധദേഹ-
സ്തസ്മൈ നമോ ഭഗവതേ പുരുഷോത്തമായ ॥ ൧൯ ॥
യോഽവിദ്യയാനുപഹതോഽപി ദശാര്ധവൃത്ത്യാ
നിദ്രാമുവാഹ ജഠരീകൃതലോകയാത്രഃ ।
അന്തര്ജലേഽഹികശിപുസ്പര്ശാനുകൂലാം
ഭീമോര്മിമാലിനി ജനസ്യ സുഖം വിവൃണ്വന് ॥ ൨൦ ॥
നിദ്രാമുവാഹ ജഠരീകൃതലോകയാത്രഃ ।
അന്തര്ജലേഽഹികശിപുസ്പര്ശാനുകൂലാം
ഭീമോര്മിമാലിനി ജനസ്യ സുഖം വിവൃണ്വന് ॥ ൨൦ ॥
യന്നാഭിപദ്മഭവനാദഹമാസമീഡ്യ
ലോകത്രയോപകരണോ യദനുഗ്രഹേണ ।
തസ്മൈ നമസ്ത ഉദരസ്ഥഭവായ യോഗ-
നിദ്രാവസാനവികസന്നലിനേക്ഷണായ ॥ ൨൧ ॥
ലോകത്രയോപകരണോ യദനുഗ്രഹേണ ।
തസ്മൈ നമസ്ത ഉദരസ്ഥഭവായ യോഗ-
നിദ്രാവസാനവികസന്നലിനേക്ഷണായ ॥ ൨൧ ॥
സോഽയം സമസ്തജഗതാം സുഹൃദേക ആത്മാ
സത്ത്വേന യന്മൃഡയതേ ഭഗവാന് ഭഗേന ।
തേനൈവ മേ ദൃശമനുസ്പൃശതാദ്യഥാഹം
സ്രക്ഷ്യാമി പൂര്വവദിദം പ്രണതപ്രിയോഽസൌ ॥ ൨൨ ॥
സത്ത്വേന യന്മൃഡയതേ ഭഗവാന് ഭഗേന ।
തേനൈവ മേ ദൃശമനുസ്പൃശതാദ്യഥാഹം
സ്രക്ഷ്യാമി പൂര്വവദിദം പ്രണതപ്രിയോഽസൌ ॥ ൨൨ ॥
ഏഷ പ്രപന്നവരദോ രമയാത്മശക്ത്യാ
യദ്യത്കരിഷ്യതി ഗൃഹീതഗുണാവതാരഃ ।
തസ്മിന് സ്വവിക്രമമിദം സൃജതോഽപി ചേതോ
യുഞ്ജീത കര്മശമലം ച യഥാ വിജഹ്യാമ് ॥ ൨൩ ॥
യദ്യത്കരിഷ്യതി ഗൃഹീതഗുണാവതാരഃ ।
തസ്മിന് സ്വവിക്രമമിദം സൃജതോഽപി ചേതോ
യുഞ്ജീത കര്മശമലം ച യഥാ വിജഹ്യാമ് ॥ ൨൩ ॥
നാഭിഹൃദാദിഹ സതോഽമ്ഭസി യസ്യ പുംസോ
വിജ്ഞാനശക്തിരഹമാസമനന്തശക്തേഃ ।
രൂപം വിചിത്രമിദമസ്യ വിവൃണ്വതോ മേ
മാ രീരിഷീഷ്ട നിഗമസ്യ ഗിരാം വിസര്ഗഃ ॥ ൨൪ ॥
വിജ്ഞാനശക്തിരഹമാസമനന്തശക്തേഃ ।
രൂപം വിചിത്രമിദമസ്യ വിവൃണ്വതോ മേ
മാ രീരിഷീഷ്ട നിഗമസ്യ ഗിരാം വിസര്ഗഃ ॥ ൨൪ ॥
സോഽസാവദഭ്രകരുണോ ഭഗവാന് വിവൃദ്ധ-
പ്രേമസ്മിതേന നയനാമ്ബുരുഹം വിജൃമ്ഭന് ।
ഉത്ഥായ വിശ്വവിജയായ ച നോ വിഷാദം
മാധ്വ്യാ ഗിരാപനയതാത്പുരുഷഃ പുരാണഃ ॥ ൨൫ ॥
പ്രേമസ്മിതേന നയനാമ്ബുരുഹം വിജൃമ്ഭന് ।
ഉത്ഥായ വിശ്വവിജയായ ച നോ വിഷാദം
മാധ്വ്യാ ഗിരാപനയതാത്പുരുഷഃ പുരാണഃ ॥ ൨൫ ॥
മൈത്രേയ ഉവാച
സ്വസമ്ഭവം നിശാമ്യൈവം തപോവിദ്യാസമാധിഭിഃ ।
യാവന്മനോവചഃ സ്തുത്വാ വിരരാമ സ ഖിന്നവത് ॥ ൨൬ ॥
സ്വസമ്ഭവം നിശാമ്യൈവം തപോവിദ്യാസമാധിഭിഃ ।
യാവന്മനോവചഃ സ്തുത്വാ വിരരാമ സ ഖിന്നവത് ॥ ൨൬ ॥
അഥാഭിപ്രേതമന്വീക്ഷ്യ ബ്രഹ്മണോ മധുസൂദനഃ ।
വിഷണ്ണചേതസം തേന കല്പവ്യതികരാമ്ഭസാ ॥ ൨൭ ॥
വിഷണ്ണചേതസം തേന കല്പവ്യതികരാമ്ഭസാ ॥ ൨൭ ॥
ലോകസംസ്ഥാനവിജ്ഞാന ആത്മനഃ പരിഖിദ്യതഃ ।
തമാഹാഗാധയാ വാചാ കശ്മലം ശമയന്നിവ ॥ ൨൮ ॥
തമാഹാഗാധയാ വാചാ കശ്മലം ശമയന്നിവ ॥ ൨൮ ॥
ശ്രീഭഗവാനുവാച
മാ വേദഗര്ഭ ഗാസ്തന്ദ്രീം സര്ഗ ഉദ്യമമാവഹ ।
തന്മയാപാദിതം ഹ്യഗ്രേ യന്മാം പ്രാര്ഥയതേ ഭവാന് ॥ ൨൯ ॥
മാ വേദഗര്ഭ ഗാസ്തന്ദ്രീം സര്ഗ ഉദ്യമമാവഹ ।
തന്മയാപാദിതം ഹ്യഗ്രേ യന്മാം പ്രാര്ഥയതേ ഭവാന് ॥ ൨൯ ॥
ഭൂയസ്ത്വം തപ ആതിഷ്ഠ വിദ്യാം ചൈവ മദാശ്രയാമ് ।
താഭ്യാമന്തര്ഹൃദി ബ്രഹ്മന് ലോകാന്ദ്രക്ഷ്യസ്യപാവൃതാന് ॥ ൩൦ ॥
താഭ്യാമന്തര്ഹൃദി ബ്രഹ്മന് ലോകാന്ദ്രക്ഷ്യസ്യപാവൃതാന് ॥ ൩൦ ॥
തത ആത്മനി ലോകേ ച ഭക്തിയുക്തഃ സമാഹിതഃ ।
ദ്രഷ്ടാസി മാം തതം ബ്രഹ്യന്മയി ലോകാംസ്ത്വമാത്മനഃ ॥ ൩൧ ॥
ദ്രഷ്ടാസി മാം തതം ബ്രഹ്യന്മയി ലോകാംസ്ത്വമാത്മനഃ ॥ ൩൧ ॥
യദാ തു സര്വഭൂതേഷു ദാരുഷ്വഗ്നിമിവ സ്ഥിതമ് ।
പ്രതിചക്ഷീത മാം ലോകോ ജഹ്യാത്തര്ഹ്യേവ കശ്മലമ് ॥ ൩൨ ॥
പ്രതിചക്ഷീത മാം ലോകോ ജഹ്യാത്തര്ഹ്യേവ കശ്മലമ് ॥ ൩൨ ॥
യദാ രഹിതമാത്മാനം ഭൂതേന്ദ്രിയഗുണാശയൈഃ ।
സ്വരൂപേണ മയോപേതം പശ്യന് സ്വാരാജ്യമൃച്ഛതി ॥ ൩൩ ॥
സ്വരൂപേണ മയോപേതം പശ്യന് സ്വാരാജ്യമൃച്ഛതി ॥ ൩൩ ॥
നാനാകര്മവിതാനേന പ്രജാ ബഹ്വീഃ സിസൃക്ഷതഃ ।
നാത്മാവസീദത്യസ്മിംസ്തേ വര്ഷീയാന്മദനുഗ്രഹഃ ॥ ൩൪ ॥
നാത്മാവസീദത്യസ്മിംസ്തേ വര്ഷീയാന്മദനുഗ്രഹഃ ॥ ൩൪ ॥
ഋഷിമാദ്യം ന ബധ്നാതി പാപീയാംസ്ത്വാം രജോഗുണഃ ।
യന്മനോ മയി നിര്ബദ്ധം പ്രജാഃ സംസൃജതോഽപി തേ ॥ ൩൫ ॥
യന്മനോ മയി നിര്ബദ്ധം പ്രജാഃ സംസൃജതോഽപി തേ ॥ ൩൫ ॥
ജ്ഞാതോഽഹം ഭവതാ ത്വദ്യ ദുര്വിജ്ഞേയോഽപി ദേഹിനാമ് ।
യന്മാം ത്വം മന്യസേഽയുക്തം ഭൂതേന്ദ്രിയഗുണാത്മഭിഃ ॥ ൩൬ ॥
യന്മാം ത്വം മന്യസേഽയുക്തം ഭൂതേന്ദ്രിയഗുണാത്മഭിഃ ॥ ൩൬ ॥
തുഭ്യം മദ്വിചികിത്സായാമാത്മാ മേ ദര്ശിതോഽബഹിഃ ।
നാലേന സലിലേ മൂലം പുഷ്കരസ്യ വിചിന്വതഃ ॥ ൩൭ ॥
നാലേന സലിലേ മൂലം പുഷ്കരസ്യ വിചിന്വതഃ ॥ ൩൭ ॥
യച്ചകര്ഥാങ്ഗ മതസ്തോത്രം മത്കഥാഭ്യുദയാങ്കിതമ് ।
യദ്വാ തപസി തേ നിഷ്ഠാ സ ഏഷ മദനുഗ്രഹഃ ॥ ൩൮ ॥
യദ്വാ തപസി തേ നിഷ്ഠാ സ ഏഷ മദനുഗ്രഹഃ ॥ ൩൮ ॥
പ്രീതോഽഹമസ്തു ഭദ്രം തേ ലോകാനാം വിജയേച്ഛയാ ।
യദസ്തൌഷീര്ഗുണമയം നിര്ഗുണം മാനുവര്ണയന് ॥ ൩൯ ॥
യദസ്തൌഷീര്ഗുണമയം നിര്ഗുണം മാനുവര്ണയന് ॥ ൩൯ ॥
യ ഏതേന പുമാന്നിത്യം സ്തുത്വാ സ്തോത്രേണ മാം ഭജേത് ।
തസ്യാശു സമ്പ്രസീദേയം സര്വകാമവരേശ്വരഃ ॥ ൪൦ ॥
തസ്യാശു സമ്പ്രസീദേയം സര്വകാമവരേശ്വരഃ ॥ ൪൦ ॥
പൂര്തേന തപസാ യജ്ഞൈര്ദാനൈര്യോഗസമാധിനാ ।
രാദ്ധം നിഃശ്രേയസം പുംസാം മത്പ്രീതിസ്തത്ത്വവിന്മതമ് ॥ ൪൧ ॥
രാദ്ധം നിഃശ്രേയസം പുംസാം മത്പ്രീതിസ്തത്ത്വവിന്മതമ് ॥ ൪൧ ॥
അഹമാത്മാത്മനാം ധാതഃ പ്രേഷ്ഠഃ സന് പ്രേയസാമപി ।
അതോ മയി രതിം കുര്യാദ്ദേഹാദിര്യത്കൃതേ പ്രിയഃ ॥ ൪൨ ॥
അതോ മയി രതിം കുര്യാദ്ദേഹാദിര്യത്കൃതേ പ്രിയഃ ॥ ൪൨ ॥
സര്വവേദമയേനേദമാത്മനാത്മാത്മയോനിനാ ।
പ്രജാഃ സൃജ യഥാപൂര്വം യാശ്ച മയ്യനുശേരതേ ॥ ൪൩ ॥
പ്രജാഃ സൃജ യഥാപൂര്വം യാശ്ച മയ്യനുശേരതേ ॥ ൪൩ ॥
മൈത്രേയ ഉവാച
തസ്മാ ഏവം ജഗത്സ്രഷ്ട്രേ പ്രധാനപുരുഷേശ്വരഃ ।
വ്യജ്യേദം സ്വേന രൂപേണ കഞ്ജനാഭസ്തിരോദധേ ॥ ൪൪ ॥
തസ്മാ ഏവം ജഗത്സ്രഷ്ട്രേ പ്രധാനപുരുഷേശ്വരഃ ।
വ്യജ്യേദം സ്വേന രൂപേണ കഞ്ജനാഭസ്തിരോദധേ ॥ ൪൪ ॥