রাজোবাচ
যদেতদ্ভগবত আদিত্যস্য মেরুং ধ্রুবং চ প্রদক্ষিণেন পরিক্রামতো রাশীনামভিমুখং প্রচলিতং চাপ্রদক্ষিণং ভগবতোপবর্ণিতমমুষ্য বযং কথমনুমিমীমহীতি ॥ ১ ॥
যদেতদ্ভগবত আদিত্যস্য মেরুং ধ্রুবং চ প্রদক্ষিণেন পরিক্রামতো রাশীনামভিমুখং প্রচলিতং চাপ্রদক্ষিণং ভগবতোপবর্ণিতমমুষ্য বযং কথমনুমিমীমহীতি ॥ ১ ॥
স হোবাচ
যথা কুলালচক্রেণ ভ্রমতা সহ ভ্রমতাং তদাশ্রযাণাং পিপীলিকাদীনাং গতিরন্যৈব প্রদেশান্তরেষ্বপ্যুপলভ্যমানত্বাদেবং নক্ষত্ররাশিভিরুপলক্ষিতেন কালচক্রেণ ধ্রুবং মেরুং চ প্রদক্ষিণেন পরিধাবতা সহ পরিধাবমানানাং তদাশ্রযাণাং সূর্যাদীনাং গ্রহাণাং গতিরন্যৈব নক্ষত্রান্তরে রাশ্যন্তরে চোপলভ্যমানত্বাত্ ॥ ২ ॥
যথা কুলালচক্রেণ ভ্রমতা সহ ভ্রমতাং তদাশ্রযাণাং পিপীলিকাদীনাং গতিরন্যৈব প্রদেশান্তরেষ্বপ্যুপলভ্যমানত্বাদেবং নক্ষত্ররাশিভিরুপলক্ষিতেন কালচক্রেণ ধ্রুবং মেরুং চ প্রদক্ষিণেন পরিধাবতা সহ পরিধাবমানানাং তদাশ্রযাণাং সূর্যাদীনাং গ্রহাণাং গতিরন্যৈব নক্ষত্রান্তরে রাশ্যন্তরে চোপলভ্যমানত্বাত্ ॥ ২ ॥
স এষ ভগবানাদিপুরুষ এব সাক্ষান্নারাযণো লোকানাং স্বস্তয আত্মানং ত্রযীমযং কর্মবিশুদ্ধিনিমিত্তং কবিভিরপি চ বেদেন বিজিজ্ঞাস্যমানো দ্বাদশধা বিভজ্য ষট্সু বসন্তাদিষ্বৃতুষু যথোপজোষমৃতুগুণান্ বিদধাতি ॥ ৩ ॥
তমেতমিহ পুরুষাস্ত্রয্যা বিদ্যযা বর্ণাশ্রমাচারানুপথা উচ্চাবচৈঃ কর্মভিরাম্নাতৈর্যোগবিতানৈশ্চ শ্রদ্ধযা যজন্তোঽঞ্জসা শ্রেযঃ সমধিগচ্ছন্তি ॥ ৪ ॥
অথ স এষ আত্মা লোকানাং দ্যাবাপৃথিব্যোরন্তরেণ নভোবলযস্য কালচক্রগতো দ্বাদশ মাসান্ ভুঙ্ক্তে রাশিসংজ্ঞান্ সংবত্সরাবযবান্মাসঃ পক্ষদ্বযং দিবা নক্তং চেতি সপাদর্ক্ষদ্বযমুপদিশন্তি যাবতা ষষ্ঠমংশং ভুঞ্জীত স বৈ ঋতুরিত্যুপদিশ্যতে সংবত্সরাবযবঃ ॥ ৫ ॥
অথ চ যাবতার্ধেন নভোবীথ্যাং প্রচরতি তং কালমযনমাচক্ষতে ॥ ৬ ॥
অথ চ যাবন্নভোমণ্ডলং সহ দ্যাবাপৃথিব্যোর্মণ্ডলাভ্যাং কার্ত্স্ন্যেন স হ ভুঞ্জীত তং কালং সংবত্সরং পরিবত্সরমিডাবত্সরমনুবত্সরং বত্সরমিতি ভানোর্মান্দ্যশৈঘ্র্যসমগতিভিঃ সমামনন্তি ॥ ৭ ॥
এবং চন্দ্রমা অর্কগভস্তিভ্য উপরিষ্টাল্লক্ষযোজনত উপলভ্যমানোঽর্কস্য সংবত্সরভুক্তিং পক্ষাভ্যাং মাসভুক্তিং সপাদর্ক্ষাভ্যাং দিনেনৈব পক্ষভুক্তিমগ্রচারী দ্রুততরগমনো ভুঙ্ক্তে ॥ ৮ ॥
অথ চাপূর্যমাণাভিশ্চ কলাভিরমরাণাং ক্ষীযমাণাভিশ্চ কলাভিঃ পিতৃণামহোরাত্রাণি পূর্বপক্ষাপরপক্ষাভ্যাং বিতন্বানঃ সর্বজীবনিবহপ্রাণো জীবশ্চৈকমেকং নক্ষত্রং ত্রিংশতা মুহূর্তৈর্ভুঙ্ক্তে ॥ ৯ ॥
য এষ ষোডশকলঃ পুরুষো ভগবান্মনোমযোঽন্নমযোঽমৃতমযো দেবপিতৃমনুষ্যভূতপশুপক্ষিসরীসৃপবীরুধাং প্রাণাপ্যাযনশীলত্বাত্সর্বময ইতি বর্ণযন্তি ॥ ১০ ॥
তত উপরিষ্টাত্দ্বি্লক্ষযোজনতো নক্ষত্রাণি মেরুং দক্ষিণেনৈব কালাযন ঈশ্বরযোজিতানি সহাভিজিতাষ্টাবিংশতিঃ ॥ ১১ ॥
তত উপরিষ্টাদুশনা দ্বিলক্ষযোজনত উপলভ্যতে পুরতঃ পশ্চাত্সহৈব বার্কস্য শৈঘ্র্যমান্দ্যসাম্যাভির্গতিভিরর্কবচ্চরতি লোকানাং নিত্যদানুকূল এব প্রাযেণ বর্ষযংশ্চারেণানুমীযতে স বৃষ্টিবিষ্টম্ভগ্রহোপশমনঃ ॥ ১২ ॥
উশনসা বুধো ব্যাখ্যাতস্তত উপরিষ্টাদ্বিলক্ষযোজনতো বুধঃ সোমসুত উপলভ্যমানঃ প্রাযেণ শুভকৃদ্যদার্কাদ্ ব্যতিরিচ্যেত তদাতিবাতাভ্রপ্রাযানাবৃষ্ট্যাদিভযমাশংসতে ॥ ১৩ ॥
অত ঊর্ধ্বমঙ্গারকোঽপি যোজনলক্ষদ্বিতয উপলভ্যমানস্ত্রিভিস্ত্রিভিঃ পক্ষৈরেকৈকশো রাশীন্দ্বাদশানুভুঙ্ক্তে যদি ন বক্রেণাভিবর্ততে প্রাযেণাশুভগ্রহোঽঘশংসঃ ॥ ১৪ ॥
তত উপরিষ্টাদ্বিলক্ষযোজনান্তরগতা ভগবান্ বৃহস্পতিরেকৈকস্মিন্ রাশৌ পরিবত্সরং পরিবত্সরং চরতি যদি ন বক্রঃ স্যাত্প্রাযেণানুকূলো ব্রাহ্মণকুলস্য ॥ ১৫ ॥
তত উপরিষ্টাদ্যোজনলক্ষদ্বযাত্প্রতীযমানঃ শনৈশ্চর একৈকস্মিন্ রাশৌ ত্রিংশন্মাসান্ বিলম্বমানঃ সর্বানেবানুপর্যেতি তাবদ্ভিরনুবত্সরৈঃ প্রাযেণ হি সর্বেষামশান্তিকরঃ ॥ ১৬ ॥
তত উত্তরস্মাদৃষয একাদশলক্ষযোজনান্তর উপলভ্যন্তে য এব লোকানাং শমনুভাবযন্তো ভগবতো বিষ্ণোর্যত্পরমং পদং প্রদক্ষিণং প্রক্রমন্তি ॥ ১৭ ॥