শ্ৰীশুক উৱাচ
অথ তস্মাত্পৰতস্ত্ৰযোদশলক্ষযোজনান্তৰতো যত্তদ্ৱিষ্ণোঃ পৰমং পদমভিৱদন্তি যত্ৰ হ মহাভাগৱতো ধ্ৰুৱ ঔত্তানপাদিৰগ্নিনেন্দ্ৰেণ প্ৰজাপতিনা কশ্যপেন ধৰ্মেণ চ সমকালযুগ্ভিঃ সবহুমানং দক্ষিণতঃ ক্ৰিযমাণ ইদানীমপি কল্পজীৱিনামাজীৱ্য উপাস্তে তস্যেহানুভাৱ উপৱৰ্ণিতঃ ॥ ১ ॥
অথ তস্মাত্পৰতস্ত্ৰযোদশলক্ষযোজনান্তৰতো যত্তদ্ৱিষ্ণোঃ পৰমং পদমভিৱদন্তি যত্ৰ হ মহাভাগৱতো ধ্ৰুৱ ঔত্তানপাদিৰগ্নিনেন্দ্ৰেণ প্ৰজাপতিনা কশ্যপেন ধৰ্মেণ চ সমকালযুগ্ভিঃ সবহুমানং দক্ষিণতঃ ক্ৰিযমাণ ইদানীমপি কল্পজীৱিনামাজীৱ্য উপাস্তে তস্যেহানুভাৱ উপৱৰ্ণিতঃ ॥ ১ ॥
স হি সৰ্ৱেষাং জ্যোতিৰ্গণানাং গ্ৰহনক্ষত্ৰাদীনামনিমিষেণাৱ্যক্তৰংহসা ভগৱতা কালেন ভ্ৰাম্যমাণানাং স্থাণুৰিৱাৱষ্টম্ভ ঈশ্ৱৰেণ ৱিহিতঃ শশ্ৱদৱভাসতে ॥ ২ ॥
যথা মেঢীস্তম্ভ আক্ৰমণপশৱঃ সংযোজিতাস্ত্ৰিভিস্ত্ৰিভিঃ সৱনৈৰ্যথাস্থানং মণ্ডলানি চৰন্ত্যেৱং ভগণা গ্ৰহাদয এতস্মিন্নন্তৰ্বহিৰ্যোগেন কালচক্ৰ আযোজিতা ধ্ৰুৱমেৱাৱলম্ব্য ৱাযুনোদীৰ্যমাণা আকল্পান্তং পৰিচঙ্ক্ৰমন্তি নভসি যথা মেঘাঃ শ্যেনাদযো ৱাযুৱশাঃ কৰ্মসাৰথযঃ পৰিৱৰ্তন্তে এৱং জ্যোতিৰ্গণাঃ প্ৰকৃতিপুৰুষসংযোগানুগৃহীতাঃ কৰ্মনিৰ্মিতগতযো ভুৱি ন পতন্তি ॥ ৩ ॥
কেচনৈতজ্জ্যোতিৰনীকং শিশুমাৰসংস্থানেন ভগৱতো ৱাসুদেৱস্য যোগধাৰণাযামনুৱৰ্ণযন্তি ॥ ৪ ॥
যস্য পুচ্ছাগ্ৰেঽৱাক্শিৰসঃ কুণ্ডলীভূতদেহস্য ধ্ৰুৱ উপকল্পিতস্তস্য লাঙ্গূলে প্ৰজাপতিৰগ্নিৰিন্দ্ৰো ধৰ্ম ইতি পুচ্ছমূলে ধাতা ৱিধাতা চ কট্যাং সপ্তৰ্ষযঃ । তস্য দক্ষিণাৱৰ্তকুণ্ডলীভূতশৰীৰস্য যান্যুদগযনানি দক্ষিণপাৰ্শ্ৱে তু নক্ষত্ৰাণ্যুপকল্পযন্তি দক্ষিণাযনানি তু সৱ্যে । যথা শিশুমাৰস্য কুণ্ডলাভোগসন্নিৱেশস্য পাৰ্শ্ৱযোৰুভযোৰপ্যৱযৱাঃ সমসংখ্যা ভৱন্তি । পৃষ্ঠে ত্ৱজৱীথী আকাশগঙ্গা চোদৰতঃ ॥ ৫ ॥
পুনৰ্ৱসুপুষ্যৌ দক্ষিণৱামযোঃ শ্ৰোণ্যোৰাৰ্দ্ৰাশ্লেষে চ দক্ষিণৱামযোঃ পশ্চিমযোঃ পাদযোৰভিজিদুত্তৰাষাঢে দক্ষিণৱামযোৰ্নাসিকযোৰ্যথাসঙ্খ্যং শ্ৰৱণপূৰ্ৱাষাঢে দক্ষিণৱামযোৰ্লোচনযোৰ্ধনিষ্ঠা মূলং চ দক্ষিণৱামযোঃ কৰ্ণযোৰ্মঘাদীন্যষ্ট নক্ষত্ৰাণি দক্ষিণাযনানি ৱামপাৰ্শ্ৱৱঙ্ক্ৰিষু যুঞ্জীত তথৈৱ মৃগশীৰ্ষাদীন্যুদগযনানি দক্ষিণপাৰ্শ্ৱৱঙ্ক্ৰিষু প্ৰাতিলোম্যেন প্ৰযুঞ্জীত শতভিষাজ্যেষ্ঠে স্কন্ধযোৰ্দক্ষিণৱামযোৰ্ন্যসেত্ ॥ ৬ ॥
উত্তৰাহনাৱগস্তিৰধৰাহনৌ যমো মুখেষু চাঙ্গাৰকঃ শনৈশ্চৰ উপস্থে বৃহস্পতিঃ ককুদি ৱক্ষস্যাদিত্যো হৃদযে নাৰাযণো মনসি চন্দ্ৰো নাভ্যামুশনা স্তনযোৰশ্ৱিনৌ বুধঃ প্ৰাণাপানযো ৰাহুৰ্গলে কেতৱঃ সৰ্ৱাঙ্গেষু ৰোমসু সৰ্ৱে তাৰাগণাঃ ॥ ৭ ॥
এতদু হৈৱ ভগৱতো ৱিষ্ণোঃ সৰ্ৱদেৱতামযং ৰূপমহৰহঃ সন্ধ্যাযাং প্ৰযতো ৱাগ্যতো নিৰীক্ষমাণ উপতিষ্ঠেত নমো জ্যোতিৰ্লোকায কালাযনাযানিমিষাং পতযে মহাপুৰুষাযাভিধীমহীতি ॥ ৮ ॥
গ্ৰহৰ্ক্ষতাৰামযমাধিদৈৱিকং
পাপাপহং মন্ত্ৰকৃতাং ত্ৰিকালম্ ।
নমস্যতঃ স্মৰতো ৱা ত্ৰিকালং
নশ্যেত তত্কালজমাশু পাপম্ ॥ ৯ ॥
পাপাপহং মন্ত্ৰকৃতাং ত্ৰিকালম্ ।
নমস্যতঃ স্মৰতো ৱা ত্ৰিকালং
নশ্যেত তত্কালজমাশু পাপম্ ॥ ৯ ॥