শ্রীশুক উবাচ
অথ তস্মাত্পরতস্ত্রযোদশলক্ষযোজনান্তরতো যত্তদ্বিষ্ণোঃ পরমং পদমভিবদন্তি যত্র হ মহাভাগবতো ধ্রুব ঔত্তানপাদিরগ্নিনেন্দ্রেণ প্রজাপতিনা কশ্যপেন ধর্মেণ চ সমকালযুগ্ভিঃ সবহুমানং দক্ষিণতঃ ক্রিযমাণ ইদানীমপি কল্পজীবিনামাজীব্য উপাস্তে তস্যেহানুভাব উপবর্ণিতঃ ॥ ১ ॥
অথ তস্মাত্পরতস্ত্রযোদশলক্ষযোজনান্তরতো যত্তদ্বিষ্ণোঃ পরমং পদমভিবদন্তি যত্র হ মহাভাগবতো ধ্রুব ঔত্তানপাদিরগ্নিনেন্দ্রেণ প্রজাপতিনা কশ্যপেন ধর্মেণ চ সমকালযুগ্ভিঃ সবহুমানং দক্ষিণতঃ ক্রিযমাণ ইদানীমপি কল্পজীবিনামাজীব্য উপাস্তে তস্যেহানুভাব উপবর্ণিতঃ ॥ ১ ॥
স হি সর্বেষাং জ্যোতির্গণানাং গ্রহনক্ষত্রাদীনামনিমিষেণাব্যক্তরংহসা ভগবতা কালেন ভ্রাম্যমাণানাং স্থাণুরিবাবষ্টম্ভ ঈশ্বরেণ বিহিতঃ শশ্বদবভাসতে ॥ ২ ॥
যথা মেঢীস্তম্ভ আক্রমণপশবঃ সংযোজিতাস্ত্রিভিস্ত্রিভিঃ সবনৈর্যথাস্থানং মণ্ডলানি চরন্ত্যেবং ভগণা গ্রহাদয এতস্মিন্নন্তর্বহির্যোগেন কালচক্র আযোজিতা ধ্রুবমেবাবলম্ব্য বাযুনোদীর্যমাণা আকল্পান্তং পরিচঙ্ক্রমন্তি নভসি যথা মেঘাঃ শ্যেনাদযো বাযুবশাঃ কর্মসারথযঃ পরিবর্তন্তে এবং জ্যোতির্গণাঃ প্রকৃতিপুরুষসংযোগানুগৃহীতাঃ কর্মনির্মিতগতযো ভুবি ন পতন্তি ॥ ৩ ॥
কেচনৈতজ্জ্যোতিরনীকং শিশুমারসংস্থানেন ভগবতো বাসুদেবস্য যোগধারণাযামনুবর্ণযন্তি ॥ ৪ ॥
যস্য পুচ্ছাগ্রেঽবাক্শিরসঃ কুণ্ডলীভূতদেহস্য ধ্রুব উপকল্পিতস্তস্য লাঙ্গূলে প্রজাপতিরগ্নিরিন্দ্রো ধর্ম ইতি পুচ্ছমূলে ধাতা বিধাতা চ কট্যাং সপ্তর্ষযঃ । তস্য দক্ষিণাবর্তকুণ্ডলীভূতশরীরস্য যান্যুদগযনানি দক্ষিণপার্শ্বে তু নক্ষত্রাণ্যুপকল্পযন্তি দক্ষিণাযনানি তু সব্যে । যথা শিশুমারস্য কুণ্ডলাভোগসন্নিবেশস্য পার্শ্বযোরুভযোরপ্যবযবাঃ সমসংখ্যা ভবন্তি । পৃষ্ঠে ত্বজবীথী আকাশগঙ্গা চোদরতঃ ॥ ৫ ॥
পুনর্বসুপুষ্যৌ দক্ষিণবামযোঃ শ্রোণ্যোরার্দ্রাশ্লেষে চ দক্ষিণবামযোঃ পশ্চিমযোঃ পাদযোরভিজিদুত্তরাষাঢে দক্ষিণবামযোর্নাসিকযোর্যথাসঙ্খ্যং শ্রবণপূর্বাষাঢে দক্ষিণবামযোর্লোচনযোর্ধনিষ্ঠা মূলং চ দক্ষিণবামযোঃ কর্ণযোর্মঘাদীন্যষ্ট নক্ষত্রাণি দক্ষিণাযনানি বামপার্শ্ববঙ্ক্রিষু যুঞ্জীত তথৈব মৃগশীর্ষাদীন্যুদগযনানি দক্ষিণপার্শ্ববঙ্ক্রিষু প্রাতিলোম্যেন প্রযুঞ্জীত শতভিষাজ্যেষ্ঠে স্কন্ধযোর্দক্ষিণবামযোর্ন্যসেত্ ॥ ৬ ॥
উত্তরাহনাবগস্তিরধরাহনৌ যমো মুখেষু চাঙ্গারকঃ শনৈশ্চর উপস্থে বৃহস্পতিঃ ককুদি বক্ষস্যাদিত্যো হৃদযে নারাযণো মনসি চন্দ্রো নাভ্যামুশনা স্তনযোরশ্বিনৌ বুধঃ প্রাণাপানযো রাহুর্গলে কেতবঃ সর্বাঙ্গেষু রোমসু সর্বে তারাগণাঃ ॥ ৭ ॥
এতদু হৈব ভগবতো বিষ্ণোঃ সর্বদেবতামযং রূপমহরহঃ সন্ধ্যাযাং প্রযতো বাগ্যতো নিরীক্ষমাণ উপতিষ্ঠেত নমো জ্যোতির্লোকায কালাযনাযানিমিষাং পতযে মহাপুরুষাযাভিধীমহীতি ॥ ৮ ॥
গ্রহর্ক্ষতারামযমাধিদৈবিকং
পাপাপহং মন্ত্রকৃতাং ত্রিকালম্ ।
নমস্যতঃ স্মরতো বা ত্রিকালং
নশ্যেত তত্কালজমাশু পাপম্ ॥ ৯ ॥
পাপাপহং মন্ত্রকৃতাং ত্রিকালম্ ।
নমস্যতঃ স্মরতো বা ত্রিকালং
নশ্যেত তত্কালজমাশু পাপম্ ॥ ৯ ॥