ଶ୍ରୀଶୁକ ଉଵାଚ
ଅଥ ତସ୍ମାତ୍ପରତସ୍ତ୍ରଯୋଦଶଲକ୍ଷଯୋଜନାନ୍ତରତୋ ଯତ୍ତଦ୍ଵିଷ୍ଣୋଃ ପରମଂ ପଦମଭିଵଦନ୍ତି ଯତ୍ର ହ ମହାଭାଗଵତୋ ଧ୍ରୁଵ ଔତ୍ତାନପାଦିରଗ୍ନିନେନ୍ଦ୍ରେଣ ପ୍ରଜାପତିନା କଶ୍ଯପେନ ଧର୍ମେଣ ଚ ସମକାଲଯୁଗ୍ଭିଃ ସବହୁମାନଂ ଦକ୍ଷିଣତଃ କ୍ରିଯମାଣ ଇଦାନୀମପି କଲ୍ପଜୀଵିନାମାଜୀଵ୍ଯ ଉପାସ୍ତେ ତସ୍ଯେହାନୁଭାଵ ଉପଵର୍ଣିତଃ ॥ ୧ ॥
ଅଥ ତସ୍ମାତ୍ପରତସ୍ତ୍ରଯୋଦଶଲକ୍ଷଯୋଜନାନ୍ତରତୋ ଯତ୍ତଦ୍ଵିଷ୍ଣୋଃ ପରମଂ ପଦମଭିଵଦନ୍ତି ଯତ୍ର ହ ମହାଭାଗଵତୋ ଧ୍ରୁଵ ଔତ୍ତାନପାଦିରଗ୍ନିନେନ୍ଦ୍ରେଣ ପ୍ରଜାପତିନା କଶ୍ଯପେନ ଧର୍ମେଣ ଚ ସମକାଲଯୁଗ୍ଭିଃ ସବହୁମାନଂ ଦକ୍ଷିଣତଃ କ୍ରିଯମାଣ ଇଦାନୀମପି କଲ୍ପଜୀଵିନାମାଜୀଵ୍ଯ ଉପାସ୍ତେ ତସ୍ଯେହାନୁଭାଵ ଉପଵର୍ଣିତଃ ॥ ୧ ॥
ସ ହି ସର୍ଵେଷାଂ ଜ୍ଯୋତିର୍ଗଣାନାଂ ଗ୍ରହନକ୍ଷତ୍ରାଦୀନାମନିମିଷେଣାଵ୍ଯକ୍ତରଂହସା ଭଗଵତା କାଲେନ ଭ୍ରାମ୍ଯମାଣାନାଂ ସ୍ଥାଣୁରିଵାଵଷ୍ଟମ୍ଭ ଈଶ୍ଵରେଣ ଵିହିତଃ ଶଶ୍ଵଦଵଭାସତେ ॥ ୨ ॥
ଯଥା ମେଢୀସ୍ତମ୍ଭ ଆକ୍ରମଣପଶଵଃ ସଂଯୋଜିତାସ୍ତ୍ରିଭିସ୍ତ୍ରିଭିଃ ସଵନୈର୍ଯଥାସ୍ଥାନଂ ମଣ୍ଡଲାନି ଚରନ୍ତ୍ଯେଵଂ ଭଗଣା ଗ୍ରହାଦଯ ଏତସ୍ମିନ୍ନନ୍ତର୍ବହିର୍ଯୋଗେନ କାଲଚକ୍ର ଆଯୋଜିତା ଧ୍ରୁଵମେଵାଵଲମ୍ବ୍ଯ ଵାଯୁନୋଦୀର୍ଯମାଣା ଆକଲ୍ପାନ୍ତଂ ପରିଚଙ୍କ୍ରମନ୍ତି ନଭସି ଯଥା ମେଘାଃ ଶ୍ଯେନାଦଯୋ ଵାଯୁଵଶାଃ କର୍ମସାରଥଯଃ ପରିଵର୍ତନ୍ତେ ଏଵଂ ଜ୍ଯୋତିର୍ଗଣାଃ ପ୍ରକୃତିପୁରୁଷସଂଯୋଗାନୁଗୃହୀତାଃ କର୍ମନିର୍ମିତଗତଯୋ ଭୁଵି ନ ପତନ୍ତି ॥ ୩ ॥
କେଚନୈତଜ୍ଜ୍ଯୋତିରନୀକଂ ଶିଶୁମାରସଂସ୍ଥାନେନ ଭଗଵତୋ ଵାସୁଦେଵସ୍ଯ ଯୋଗଧାରଣାଯାମନୁଵର୍ଣଯନ୍ତି ॥ ୪ ॥
ଯସ୍ଯ ପୁଚ୍ଛାଗ୍ରେଽଵାକ୍ଶିରସଃ କୁଣ୍ଡଲୀଭୂତଦେହସ୍ଯ ଧ୍ରୁଵ ଉପକଲ୍ପିତସ୍ତସ୍ଯ ଲାଙ୍ଗୂଲେ ପ୍ରଜାପତିରଗ୍ନିରିନ୍ଦ୍ରୋ ଧର୍ମ ଇତି ପୁଚ୍ଛମୂଲେ ଧାତା ଵିଧାତା ଚ କଟ୍ଯାଂ ସପ୍ତର୍ଷଯଃ । ତସ୍ଯ ଦକ୍ଷିଣାଵର୍ତକୁଣ୍ଡଲୀଭୂତଶରୀରସ୍ଯ ଯାନ୍ଯୁଦଗଯନାନି ଦକ୍ଷିଣପାର୍ଶ୍ଵେ ତୁ ନକ୍ଷତ୍ରାଣ୍ଯୁପକଲ୍ପଯନ୍ତି ଦକ୍ଷିଣାଯନାନି ତୁ ସଵ୍ଯେ । ଯଥା ଶିଶୁମାରସ୍ଯ କୁଣ୍ଡଲାଭୋଗସନ୍ନିଵେଶସ୍ଯ ପାର୍ଶ୍ଵଯୋରୁଭଯୋରପ୍ଯଵଯଵାଃ ସମସଂଖ୍ଯା ଭଵନ୍ତି । ପୃଷ୍ଠେ ତ୍ଵଜଵୀଥୀ ଆକାଶଗଙ୍ଗା ଚୋଦରତଃ ॥ ୫ ॥
ପୁନର୍ଵସୁପୁଷ୍ଯୌ ଦକ୍ଷିଣଵାମଯୋଃ ଶ୍ରୋଣ୍ଯୋରାର୍ଦ୍ରାଶ୍ଲେଷେ ଚ ଦକ୍ଷିଣଵାମଯୋଃ ପଶ୍ଚିମଯୋଃ ପାଦଯୋରଭିଜିଦୁତ୍ତରାଷାଢେ ଦକ୍ଷିଣଵାମଯୋର୍ନାସିକଯୋର୍ଯଥାସଙ୍ଖ୍ଯଂ ଶ୍ରଵଣପୂର୍ଵାଷାଢେ ଦକ୍ଷିଣଵାମଯୋର୍ଲୋଚନଯୋର୍ଧନିଷ୍ଠା ମୂଲଂ ଚ ଦକ୍ଷିଣଵାମଯୋଃ କର୍ଣଯୋର୍ମଘାଦୀନ୍ଯଷ୍ଟ ନକ୍ଷତ୍ରାଣି ଦକ୍ଷିଣାଯନାନି ଵାମପାର୍ଶ୍ଵଵଙ୍କ୍ରିଷୁ ଯୁଞ୍ଜୀତ ତଥୈଵ ମୃଗଶୀର୍ଷାଦୀନ୍ଯୁଦଗଯନାନି ଦକ୍ଷିଣପାର୍ଶ୍ଵଵଙ୍କ୍ରିଷୁ ପ୍ରାତିଲୋମ୍ଯେନ ପ୍ରଯୁଞ୍ଜୀତ ଶତଭିଷାଜ୍ଯେଷ୍ଠେ ସ୍କନ୍ଧଯୋର୍ଦକ୍ଷିଣଵାମଯୋର୍ନ୍ଯସେତ୍ ॥ ୬ ॥
ଉତ୍ତରାହନାଵଗସ୍ତିରଧରାହନୌ ଯମୋ ମୁଖେଷୁ ଚାଙ୍ଗାରକଃ ଶନୈଶ୍ଚର ଉପସ୍ଥେ ବୃହସ୍ପତିଃ କକୁଦି ଵକ୍ଷସ୍ଯାଦିତ୍ଯୋ ହୃଦଯେ ନାରାଯଣୋ ମନସି ଚନ୍ଦ୍ରୋ ନାଭ୍ଯାମୁଶନା ସ୍ତନଯୋରଶ୍ଵିନୌ ବୁଧଃ ପ୍ରାଣାପାନଯୋ ରାହୁର୍ଗଲେ କେତଵଃ ସର୍ଵାଙ୍ଗେଷୁ ରୋମସୁ ସର୍ଵେ ତାରାଗଣାଃ ॥ ୭ ॥
ଏତଦୁ ହୈଵ ଭଗଵତୋ ଵିଷ୍ଣୋଃ ସର୍ଵଦେଵତାମଯଂ ରୂପମହରହଃ ସନ୍ଧ୍ଯାଯାଂ ପ୍ରଯତୋ ଵାଗ୍ଯତୋ ନିରୀକ୍ଷମାଣ ଉପତିଷ୍ଠେତ ନମୋ ଜ୍ଯୋତିର୍ଲୋକାଯ କାଲାଯନାଯାନିମିଷାଂ ପତଯେ ମହାପୁରୁଷାଯାଭିଧୀମହୀତି ॥ ୮ ॥
ଗ୍ରହର୍କ୍ଷତାରାମଯମାଧିଦୈଵିକଂ
ପାପାପହଂ ମନ୍ତ୍ରକୃତାଂ ତ୍ରିକାଲମ୍ ।
ନମସ୍ଯତଃ ସ୍ମରତୋ ଵା ତ୍ରିକାଲଂ
ନଶ୍ଯେତ ତତ୍କାଲଜମାଶୁ ପାପମ୍ ॥ ୯ ॥
ପାପାପହଂ ମନ୍ତ୍ରକୃତାଂ ତ୍ରିକାଲମ୍ ।
ନମସ୍ଯତଃ ସ୍ମରତୋ ଵା ତ୍ରିକାଲଂ
ନଶ୍ଯେତ ତତ୍କାଲଜମାଶୁ ପାପମ୍ ॥ ୯ ॥