শ্রীশুক উবাচ
অধস্তাত্সবিতুর্যোজনাযুতে স্বর্ভানুর্নক্ষত্রবচ্চরতীত্যেকে যোঽসাবমরত্বং গ্রহত্বং চালভত ভগবদনুকম্পযা স্বযমসুরাপসদঃ সৈংহিকেযো হ্যতদর্হস্তস্য তাত জন্ম কর্মাণি চোপরিষ্টাদ্বক্ষ্যামঃ ॥ ১ ॥
অধস্তাত্সবিতুর্যোজনাযুতে স্বর্ভানুর্নক্ষত্রবচ্চরতীত্যেকে যোঽসাবমরত্বং গ্রহত্বং চালভত ভগবদনুকম্পযা স্বযমসুরাপসদঃ সৈংহিকেযো হ্যতদর্হস্তস্য তাত জন্ম কর্মাণি চোপরিষ্টাদ্বক্ষ্যামঃ ॥ ১ ॥
যদদস্তরণের্মণ্ডলং প্রতপতস্তদ্বিস্তরতো যোজনাযুতমাচক্ষতে দ্বাদশসহস্রং সোমস্য ত্রযোদশসহস্রং রাহোর্যঃ পর্বণি তদ্ব্যবধানকৃদ্বৈরানুবন্ধঃ সূর্যাচন্দ্রমসাবভিধাবতি ॥ ২ ॥
তন্নিশম্যোভযত্রাপি ভগবতা রক্ষণায প্রযুক্তং সুদর্শনং নাম ভাগবতং দযিতমস্ত্রং তত্তেজসা দুর্বিষহং মুহুঃ পরিবর্তমানমভ্যবস্থিতো মুহূর্তমুদ্বিজমানশ্চকিতহৃদয আরাদেব নিবর্ততে তদুপরাগমিতি বদন্তি লোকাঃ ॥ ৩ ॥
ততোঽধস্তাত্সিদ্ধচারণবিদ্যাধরাণাং সদনানি তাবন্মাত্র এব ॥ ৪ ॥
ততোঽধস্তাদ্যক্ষরক্ষঃ পিশাচপ্রেতভূতগণানাং বিহারাজিরমন্তরিক্ষং যাবদ্বাযুঃ প্রবাতি যাবন্মেঘা উপলভ্যন্তে ॥ ৫ ॥
ততোঽধস্তাচ্ছতযোজনান্তর ইযং পৃথিবী যাবদ্ধংসভাসশ্যেনসুপর্ণাদযঃ পতত্ত্রিপ্রবরা উত্পতন্তীতি ॥ ৬ ॥
উপবর্ণিতং ভূমের্যথাসন্নিবেশাবস্থানমবনেরপ্যধস্তাত্ সপ্ত ভূবিবরা একৈকশো যোজনাযুতান্তরেণাযামবিস্তারেণোপক্লৃপ্তা অতলং বিতলং সুতলং তলাতলং মহাতলং রসাতলং পাতালমিতি ॥ ৭ ॥
এতেষু হি বিলস্বর্গেষু স্বর্গাদপ্যধিককামভোগৈশ্বর্যানন্দভূতিবিভূতিভিঃ সুসমৃদ্ধভবনোদ্যানাক্রীডবিহারেষু দৈত্যদানবকাদ্রবেযা নিত্যপ্রমুদিতানুরক্তকলত্রাপত্যবন্ধুসুহৃদনুচরা গৃহপতয ঈশ্বরাদপ্যপ্রতিহতকামা মাযাবিনোদা নিবসন্তি ॥ ৮ ॥
যেষু মহারাজ মযেন মাযাবিনা বিনির্মিতাঃ পুরো নানামণিপ্রবরপ্রবেকবিরচিতবিচিত্রভবনপ্রাকারগোপুরসভাচৈত্যচত্বরাযতনাদিভির্নাগাসুরমিথুনপারাবতশুকসারিকাকীর্ণকৃত্রিমভূমিভির্বিবরেশ্বরগৃহোত্তমৈঃ সমলঙ্কৃতাশ্চকাসতি ॥ ৯ ॥
উদ্যানানি চাতিতরাং মনইন্দ্রিযানন্দিভিঃ কুসুমফলস্তবকসুভগকিসলযাবনতরুচিরবিটপবিটপিনাং লতাঙ্গালিঙ্গিতানাং শ্রীভিঃ সমিথুনবিবিধবিহঙ্গমজলাশযানামমলজলপূর্ণানাং ঝষকুলোল্লঙ্ঘনক্ষুভিতনীরনীরজকুমুদকুবলযকহ্লারনীলোত্পল লোহিতশতপত্রাদিবনেষুকৃতনিকেতনানামেকবিহারাকুলমধুরবিবিধস্বনাদিভিরিন্দ্রি-যোত্সবৈরমরলোকশ্রিযমতিশযিতানি ॥ ১০ ॥
যত্র হ বাব ন ভযমহোরাত্রাদিভিঃ কালবিভাগৈরুপলক্ষ্যতে ॥ ১১ ॥
যত্র হি মহাহিপ্রবরশিরোমণযঃ সর্বং তমঃ প্রবাধন্তে ॥ ১২ ॥
ন বা এতেষু বসতাং দিব্যৌষধিরসরসাযনান্নপানস্নানাদিভিরাধযো ব্যাধযো বলীপলিতজরাদযশ্চ দেহবৈবর্ণ্যদৌর্গন্ধ্যস্বেদক্লমগ্লানিরিতি বযোঽবস্থাশ্চ ভবন্তি ॥ ১৩ ॥
ন হি তেষাং কল্যাণানাং প্রভবতি কুতশ্চন মৃত্যুর্বিনা ভগবত্তেজসশ্চক্রাপদেশাত্ ॥ ১৪ ॥
যস্মিন্ প্রবিষ্টেঽসুরবধূনাং প্রাযঃ পুংসবনানি ভযাদেব স্রবন্তি পতন্তি চ ॥ ১৫ ॥
অথাতলে মযপুত্রোঽসুরো বলো নিবসতি যেন হ বা ইহ সৃষ্টাঃ ষণ্ণবতির্মাযাঃ কাশ্চনাদ্যাপি মাযাবিনো ধারযন্তি যস্য চ জৃম্ভমাণস্য মুখতস্ত্রযঃ স্ত্রীগণা উদপদ্যন্ত স্বৈরিণ্যঃ কামিন্যঃ পুংশ্চল্য ইতি যা বৈ বিলাযনং প্রবিষ্টং পুরুষং রসেন হাটকাখ্যেন সাধযিত্বা স্ববিলাসাবলোকনানুরাগস্মিতসংলাপোপগূহনাদিভিঃ স্বৈরং কিল রমযন্তি যস্মিন্নুপযুক্তে পুরুষ ঈশ্বরোঽহং সিদ্ধোঽহমিত্যযুতমহাগজবলমাত্মানমভিমন্যমানঃ কত্থতে মদান্ধ ইব ॥ ১৬ ॥
ততোঽধস্তাদ্বিতলে হরো ভগবান্ হাটকেশ্বরঃ স্বপার্ষদভূতগণাবৃতঃ প্রজাপতিসর্গোপবৃংহণায ভবো ভবান্যা সহ মিথুনীভূত আস্তে যতঃ প্রবৃত্তা সরিত্প্রবরা হাটকী নাম ভবযোর্বীর্যেণ যত্র চিত্রভানুর্মাতরিশ্বনা সমিধ্যমান ওজসা পিবতি তন্নিষ্ঠ্যূতং হাটকাখ্যং সুবর্ণং ভূষণেনাসুরেন্দ্রাবরোধেষু পুরুষাঃ সহ পুরুষীভির্ধারযন্তি ॥ ১৭ ॥
ততোঽধস্তাত্সুতলে উদারশ্রবাঃ পুণ্যশ্লোকো বিরোচনাত্মজো বলির্ভগবতা মহেন্দ্রস্য প্রিযং
চিকীর্ষমাণেনাদিতের্লব্ধকাযো ভূত্বা বটুবামনরূপেণ পরাক্ষিপ্তলোকত্রযো ভগবদনুকম্পযৈব পুনঃ প্রবেশিত
ইন্দ্রাদিষ্ববিদ্যমানযা সুসমৃদ্ধযা শ্রিযাভিজুষ্টঃ স্বধর্মেণারাধযংস্তমেব ভগবন্তমারাধনীযমপগতসাধ্বস
আস্তেঽধুনাপি ॥ ১৮ ॥
চিকীর্ষমাণেনাদিতের্লব্ধকাযো ভূত্বা বটুবামনরূপেণ পরাক্ষিপ্তলোকত্রযো ভগবদনুকম্পযৈব পুনঃ প্রবেশিত
ইন্দ্রাদিষ্ববিদ্যমানযা সুসমৃদ্ধযা শ্রিযাভিজুষ্টঃ স্বধর্মেণারাধযংস্তমেব ভগবন্তমারাধনীযমপগতসাধ্বস
আস্তেঽধুনাপি ॥ ১৮ ॥
নো এবৈতত্সাক্ষাত্কারো ভূমিদানস্য যত্তদ্ভগবত্যশেষজীবনিকাযানাং জীবভূতাত্মভূতে পরমাত্মনি বাসুদেবে তীর্থতমে পাত্র উপপন্নে পরযা শ্রদ্ধযা পরমাদরসমাহিতমনসা সম্প্রতিপাদিতস্য সাক্ষাদপবর্গদ্বারস্য যদ্বিলনিলযৈশ্বর্যম্ ॥ ১৯ ॥
যস্য হ বাব ক্ষুতপতনপ্রস্খলনাদিষু বিবশঃ সকৃন্নামাভিগৃণন্ পুরুষঃ কর্মবন্ধনমঞ্জসা বিধুনোতি যস্য হৈব প্রতিবাধনং মুমুক্ষবোঽন্যথৈবোপলভন্তে ॥ ২০ ॥
তদ্ভক্তানামাত্মবতাং সর্বেষামাত্মন্যাত্মদ আত্মতযৈব ॥ ২১ ॥
ন বৈ ভগবান্নূনমমুষ্যানুজগ্রাহ যদুত পুনরাত্মানুস্মৃতিমোষণং মাযামযভোগৈশ্বর্যমেবাতনুতেতি ॥ ২২ ॥
যত্তদ্ভগবতানধিগতান্যোপাযেন যাচ্ঞাচ্ছলেনাপহৃতস্বশরীরাবশেষিতলোকত্রযো বরুণপাশৈশ্চ সম্প্রতিমুক্তো গিরিদর্যাং চাপবিদ্ধ ইতি হোবাচ ॥ ২৩ ॥
নূনং বতাযং ভগবানর্থেষু ন নিষ্ণাতো যোঽসাবিন্দ্রো যস্য সচিবো মন্ত্রায বৃত একান্ততো বৃহস্পতিস্তমতিহায স্বযমুপেন্দ্রেণাত্মানমযাচতাত্মনশ্চাশিষো নো এব তদ্দাস্যমতিগম্ভীরবযসঃ কালস্য মন্বন্তরপরিবৃত্তং কিযল্লোকত্রযমিদম্ ॥ ২৪ ॥
যস্যানুদাস্যমেবাস্মত্পিতামহঃ কিল বব্রে ন তু স্বপিত্র্যং যদুতাকুতোভযং পদং দীযমানং ভগবতঃ পরমিতি ভগবতোপরতে খলু স্বপিতরি ॥ ২৫ ॥
তস্য মহানুভাবস্যানুপথমমৃজিতকষাযঃ কো বাস্মদ্বিধঃ পরিহীণভগবদনুগ্রহ উপজিগমিষতীতি ॥ ২৬ ॥
তস্যানুচরিতমুপরিষ্টাদ্বিস্তরিষ্যতে যস্য ভগবান্ স্বযমখিলজগদ্গুরুর্নারাযণো দ্বারি গদাপাণিরবতিষ্ঠতে নিজজনানুকম্পিতহৃদযো যেনাঙ্গুষ্ঠেন পদা দশকন্ধরো যোজনাযুতাযুতং দিগ্বিজয উচ্চাটিতঃ ॥ ২৭ ॥
ততোঽধস্তাত্তলাতলে মযো নাম দানবেন্দ্রস্ত্রিপুরাধিপতির্ভগবতা পুরারিণা ত্রিলোকীশং চিকীর্ষুণা নির্দগ্ধস্বপুরত্রযস্তত্প্রসাদাল্লব্ধপদো মাযাবিনামাচার্যো মহাদেবেন পরিরক্ষিতো বিগতসুদর্শনভযো মহীযতে ॥ ২৮ ॥
ততোঽধস্তান্মহাতলে কাদ্রবেযাণাং সর্পাণাং নৈকশিরসাং ক্রোধবশো নাম গণঃ কুহকতক্ষককালিযসুষেণাদিপ্রধানা মহাভোগবন্তঃ পতত্ত্রিরাজাধিপতেঃ পুরুষবাহাদনবরতমুদ্বিজমানাঃ স্বকলত্রাপত্যসুহৃত্কুটুম্বসঙ্গেন ক্বচিত্প্রমত্তা বিহরন্তি ॥ ২৯ ॥
ততোঽধস্তাদ্রসাতলে দৈতেযা দানবাঃ পণযো নাম নিবাতকবচাঃ কালেযা হিরণ্যপুরবাসিন ইতি বিবুধপ্রত্যনীকা উত্পত্ত্যা মহৌজসো মহাসাহসিনো ভগবতঃ সকললোকানুভাবস্য হরেরেব তেজসা প্রতিহতবলাবলেপা বিলেশযা ইব বসন্তি যে বৈ সরমযেন্দ্রদূত্যা বাগ্ভির্মন্ত্রবর্ণাভিরিন্দ্রাদ্বিভ্যতি ॥ ৩০ ॥
ততোঽধস্তাত্পাতালে নাগলোকপতযো বাসুকিপ্রমুখাঃ শঙ্খকুলিকমহাশঙ্খশ্বেতধনঞ্জযধৃতরাষ্ট্রশঙ্খচূডকম্বলাশ্বতরদেবদত্তাদযো মহাভোগিনো মহামর্ষা নিবসন্তি যেষামু হ বৈ পঞ্চসপ্তদশশতসহস্রশীর্ষাণাং ফণাসু বিরচিতা মহামণযো রোচিষ্ণবঃ পাতালবিবরতিমিরনিকরং স্বরোচিষা বিধমন্তি ॥ ৩১ ॥