শ্রীশুক উবাচ
তস্য মূলদেশে ত্রিংশদ্যোজনসহস্রান্তর আস্তে যা বৈ কলা ভগবতস্তামসী সমাখ্যাতানন্ত ইতি সাত্বতীযা দ্রষ্টৃদৃশ্যযোঃ সঙ্কর্ষণমহমিত্যভিমানলক্ষণং যং সঙ্কর্ষণমিত্যাচক্ষতে ॥ ১ ॥
তস্য মূলদেশে ত্রিংশদ্যোজনসহস্রান্তর আস্তে যা বৈ কলা ভগবতস্তামসী সমাখ্যাতানন্ত ইতি সাত্বতীযা দ্রষ্টৃদৃশ্যযোঃ সঙ্কর্ষণমহমিত্যভিমানলক্ষণং যং সঙ্কর্ষণমিত্যাচক্ষতে ॥ ১ ॥
যস্যেদং ক্ষিতিমণ্ডলং ভগবতোঽনন্তমূর্তেঃ সহস্রশিরস একস্মিন্নেব শীর্ষণি ধ্রিযমাণং সিদ্ধার্থ ইব লক্ষ্যতে ॥ ২ ॥
যস্য হ বা ইদং কালেনোপসঞ্জিহীর্ষতোঽমর্ষবিরচিতরুচিরভ্রমদ্ভ্রুবোরন্তরেণ সাঙ্কর্ষণো নাম রুদ্র একাদশব্যূহস্ত্র্যক্ষস্ত্রিশিখং শূলমুত্তম্ভযন্নুদতিষ্ঠত্ ॥ ৩ ॥
যস্যাঙ্ঘ্রিকমলযুগলারুণবিশদনখমণিষণ্ডমণ্ডলেষ্বহিপতযঃ সহ সাত্বতর্ষভৈরেকান্তভক্তিযোগেনাবনমন্তঃ স্ববদনানি পরিস্ফুরত্কুণ্ডলপ্রভামণ্ডিতগণ্ডস্থলান্যতিমনোহরাণি প্রমুদিতমনসঃ খলু বিলোকযন্তি ॥ ৪ ॥
যস্যৈব হি নাগরাজকুমার্য আশিষ আশাসানাশ্চার্বঙ্গবলযবিলসিতবিশদ
বিপুলধবলসুভগরুচিরভুজরজতস্তম্ভেষ্বগুরুচন্দনকুঙ্কুমপঙ্কানুলেপেনাবলিম্পমানাস্তদভিমর্শনোন্মথিতহৃদযমকরধ্বজাবেশরুচিরললিতস্মিতাস্তদনুরাগমদমুদিতমদ্
বিঘূর্ণিতারুণকরুণাবলোকনযনবদনারবিন্দং সব্রীডং কিল বিলোকযন্তি ॥ ৫ ॥
বিপুলধবলসুভগরুচিরভুজরজতস্তম্ভেষ্বগুরুচন্দনকুঙ্কুমপঙ্কানুলেপেনাবলিম্পমানাস্তদভিমর্শনোন্মথিতহৃদযমকরধ্বজাবেশরুচিরললিতস্মিতাস্তদনুরাগমদমুদিতমদ্
বিঘূর্ণিতারুণকরুণাবলোকনযনবদনারবিন্দং সব্রীডং কিল বিলোকযন্তি ॥ ৫ ॥
স এব ভগবাননন্তোঽনন্তগুণার্ণব আদিদেব উপসংহৃতামর্ষরোষবেগো লোকানাং স্বস্তয আস্তে ॥ ৬ ॥
ধ্যাযমানঃ সুরাসুরোরগসিদ্ধগন্ধর্ববিদ্যাধরমুনিগণৈরনবরতমদমুদিতবিকৃতবিহ্বললোচনঃ সুললিতমুখরিকামৃতেনাপ্যাযমানঃ স্বপার্ষদবিবুধযূথপতীনপরিম্লানরাগনবতুলসিকামোদমধ্বাসবেন মাদ্যন্মধুকরব্রাতমধুরগীতশ্রিযং বৈজযন্তীং স্বাং বনমালাং নীলবাসা এককুণ্ডলো হলককুদি কৃতসুভগসুন্দরভুজো ভগবান্মহেন্দ্রো বারণেন্দ্র ইব কাঞ্চনীং কক্ষামুদারলীলো বিভর্তি ॥ ৭ ॥
য এষ এবমনুশ্রুতো ধ্যাযমানো মুমুক্ষূণামনাদিকালকর্মবাসনাগ্রথিতমবিদ্যামযং হৃদযগ্রন্থিং সত্ত্বরজস্তমোমযমন্তর্হৃদযং গত আশু নির্ভিনত্তি তস্যানুভাবান্ ভগবান্ স্বাযম্ভুবো নারদঃ সহ তুম্বুরুণা সভাযাং ব্রহ্মণঃ সংশ্লোকযামাস ॥ ৮ ॥
উত্পত্তিস্থিতিলযহেতবোঽস্য কল্পাঃ
সত্ত্বাদ্যাঃ প্রকৃতিগুণা যদীক্ষযাঽঽসন্ ।
যদ্রূপং ধ্রুবমকৃতং যদেকমাত্মন্
নানাধাত্কথমু হ বেদ তস্য বর্ত্ম ॥ ৯ ॥
সত্ত্বাদ্যাঃ প্রকৃতিগুণা যদীক্ষযাঽঽসন্ ।
যদ্রূপং ধ্রুবমকৃতং যদেকমাত্মন্
নানাধাত্কথমু হ বেদ তস্য বর্ত্ম ॥ ৯ ॥
মূর্তিং নঃ পুরুকৃপযা বভার সত্ত্বং
সংশুদ্ধং সদসদিদং বিভাতি তত্র ।
যল্লীলাং মৃগপতিরাদদেঽনবদ্যা-
মাদাতুং স্বজনমনাংস্যুদারবীর্যঃ ॥ ১০ ॥
সংশুদ্ধং সদসদিদং বিভাতি তত্র ।
যল্লীলাং মৃগপতিরাদদেঽনবদ্যা-
মাদাতুং স্বজনমনাংস্যুদারবীর্যঃ ॥ ১০ ॥
যন্নাম শ্রুতমনুকীর্তযেদকস্মা-
দার্তো বা যদি পতিতঃ প্রলম্ভনাদ্বা ।
হন্ত্যংহঃ সপদি নৃণামশেষমন্যং
কং শেষাদ্ভগবত আশ্রযেন্মুমুক্ষুঃ ॥ ১১ ॥
দার্তো বা যদি পতিতঃ প্রলম্ভনাদ্বা ।
হন্ত্যংহঃ সপদি নৃণামশেষমন্যং
কং শেষাদ্ভগবত আশ্রযেন্মুমুক্ষুঃ ॥ ১১ ॥
মূর্ধন্যর্পিতমণুবত্সহস্রমূর্ধ্নো
ভূগোলং সগিরিসরিত্সমুদ্রসত্ত্বম্ ।
আনন্ত্যাদনিমিতবিক্রমস্য ভূম্নঃ
কো বীর্যাণ্যধিগণযেত্সহস্রজিহ্বঃ ॥ ১২ ॥
ভূগোলং সগিরিসরিত্সমুদ্রসত্ত্বম্ ।
আনন্ত্যাদনিমিতবিক্রমস্য ভূম্নঃ
কো বীর্যাণ্যধিগণযেত্সহস্রজিহ্বঃ ॥ ১২ ॥
এবম্প্রভাবো ভগবাননন্তো
দুরন্তবীর্যোরুগুণানুভাবঃ ।
মূলে রসাযাঃ স্থিত আত্মতন্ত্রো
যো লীলযা ক্ষ্মাং স্থিতযে বিভর্তি ॥ ১৩ ॥
দুরন্তবীর্যোরুগুণানুভাবঃ ।
মূলে রসাযাঃ স্থিত আত্মতন্ত্রো
যো লীলযা ক্ষ্মাং স্থিতযে বিভর্তি ॥ ১৩ ॥
এতা হ্যেবেহ নৃভিরুপগন্তব্যা গতযো যথাকর্মবিনির্মিতা যথোপদেশমনুবর্ণিতাঃ কামান্ কামযমানৈঃ ॥ ১৪ ॥
এতাবতীর্হি রাজন্ পুংসঃ প্রবৃত্তিলক্ষণস্য ধর্মস্য বিপাকগতয উচ্চাবচা বিসদৃশা যথাপ্রশ্নং ব্যাচখ্যে কিমন্যত্কথযাম ইতি ॥ ১৫ ॥