শ্রীরাজোবাচ
সমঃ প্রিযঃ সুহৃদ্ব্রহ্মন্ ভূতানাং ভগবান্ স্বযম্ ।
ইন্দ্রস্যার্থে কথং দৈত্যানবধীদ্বিষমো যথা ॥ ১ ॥
সমঃ প্রিযঃ সুহৃদ্ব্রহ্মন্ ভূতানাং ভগবান্ স্বযম্ ।
ইন্দ্রস্যার্থে কথং দৈত্যানবধীদ্বিষমো যথা ॥ ১ ॥
ন হ্যস্যার্থঃ সুরগণৈঃ সাক্ষান্নিঃশ্রেযসাত্মনঃ ।
নৈবাসুরেভ্যো বিদ্বেষো নোদ্বেগশ্চাগুণস্য হি ॥ ২ ॥
নৈবাসুরেভ্যো বিদ্বেষো নোদ্বেগশ্চাগুণস্য হি ॥ ২ ॥
ইতি নঃ সুমহাভাগ নারাযণগুণান্ প্রতি ।
সংশযঃ সুমহাঞ্জাতস্তদ্ভবাংশ্ছেত্তুমর্হতি ॥ ৩ ॥
সংশযঃ সুমহাঞ্জাতস্তদ্ভবাংশ্ছেত্তুমর্হতি ॥ ৩ ॥
শ্রীঋষিরুবাচ
সাধু পৃষ্টং মহারাজ হরেশ্চরিতমদ্ভুতম্ ।
যদ্ ভাগবতমাহাত্ম্যং ভগবদ্ভক্তিবর্ধনম্ ॥ ৪ ॥
সাধু পৃষ্টং মহারাজ হরেশ্চরিতমদ্ভুতম্ ।
যদ্ ভাগবতমাহাত্ম্যং ভগবদ্ভক্তিবর্ধনম্ ॥ ৪ ॥
গীযতে পরমং পুণ্যমৃষিভির্নারদাদিভিঃ ।
নত্বা কৃষ্ণায মুনযে কথযিষ্যে হরেঃ কথাম্ ॥ ৫ ॥
নত্বা কৃষ্ণায মুনযে কথযিষ্যে হরেঃ কথাম্ ॥ ৫ ॥
নির্গুণোঽপি হ্যজোঽব্যক্তো ভগবান্প্রকৃতেঃ পরঃ ।
স্বমাযাগুণমাবিশ্য বাধ্যবাধকতাং গতঃ ॥ ৬ ॥
স্বমাযাগুণমাবিশ্য বাধ্যবাধকতাং গতঃ ॥ ৬ ॥
সত্ত্বং রজস্তম ইতি প্রকৃতের্নাত্মনো গুণাঃ ।
ন তেষাং যুগপদ্রাজন্ হ্রাস উল্লাস এব বা ॥ ৭ ॥
ন তেষাং যুগপদ্রাজন্ হ্রাস উল্লাস এব বা ॥ ৭ ॥
জযকালে তু সত্ত্বস্য দেবর্ষীন্ রজসোঽসুরান্ ।
তমসো যক্ষরক্ষাংসি তত্কালানুগুণোঽভজত্ ॥ ৮ ॥
তমসো যক্ষরক্ষাংসি তত্কালানুগুণোঽভজত্ ॥ ৮ ॥
জ্যোতিরাদিরিবাভাতি সঙ্ঘাতান্ন বিবিচ্যতে ।
বিদন্ত্যাত্মানমাত্মস্থং মথিত্বা কবযোঽন্ততঃ ॥ ৯ ॥
বিদন্ত্যাত্মানমাত্মস্থং মথিত্বা কবযোঽন্ততঃ ॥ ৯ ॥
যদা সিসৃক্ষুঃ পুর আত্মনঃ পরো
রজঃ সৃজত্যেষ পৃথক্ স্বমাযযা ।
সত্ত্বং বিচিত্রাসু রিরংসুরীশ্বরঃ
শযিষ্যমাণস্তম ঈরযত্যসৌ ॥ ১০ ॥
রজঃ সৃজত্যেষ পৃথক্ স্বমাযযা ।
সত্ত্বং বিচিত্রাসু রিরংসুরীশ্বরঃ
শযিষ্যমাণস্তম ঈরযত্যসৌ ॥ ১০ ॥
কালং চরন্তং সৃজতীশ আশ্রযং ।
প্রধানপুম্ভ্যাং নরদেব সত্যকৃত্ ॥ ১১ ॥
প্রধানপুম্ভ্যাং নরদেব সত্যকৃত্ ॥ ১১ ॥
য এষ রাজন্নপি কাল ঈশিতা
সত্ত্বং সুরানীকমিবৈধযত্যতঃ ।
তত্প্রত্যনীকানসুরান্ সুরপ্রিযো
রজস্তমস্কান্ প্রমিণোত্যুরুশ্রবাঃ ॥ ১২ ॥
সত্ত্বং সুরানীকমিবৈধযত্যতঃ ।
তত্প্রত্যনীকানসুরান্ সুরপ্রিযো
রজস্তমস্কান্ প্রমিণোত্যুরুশ্রবাঃ ॥ ১২ ॥
অত্রৈবোদাহৃতঃ পূর্বমিতিহাসঃ সুরর্ষিণা ।
প্রীত্যা মহাক্রতৌ রাজন্ পৃচ্ছতেঽজাতশত্রবে ॥ ১৩ ॥
প্রীত্যা মহাক্রতৌ রাজন্ পৃচ্ছতেঽজাতশত্রবে ॥ ১৩ ॥
দৃষ্ট্বা মহাদ্ভুতং রাজা রাজসূযে মহাক্রতৌ ।
বাসুদেবে ভগবতি সাযুজ্যং চেদিভূভুজঃ ॥ ১৪ ॥
বাসুদেবে ভগবতি সাযুজ্যং চেদিভূভুজঃ ॥ ১৪ ॥
তত্রাসীনং সুরঋষিং রাজা পাণ্ডুসুতঃ ক্রতৌ ।
পপ্রচ্ছ বিস্মিতমনা মুনীনাং শৃণ্বতামিদম্ ॥ ১৫ ॥
পপ্রচ্ছ বিস্মিতমনা মুনীনাং শৃণ্বতামিদম্ ॥ ১৫ ॥
শ্রীযুধিষ্ঠির উবাচ
অহো অত্যদ্ভুতং হ্যেতদ্দুর্লভৈকান্তিনামপি ।
বাসুদেবে পরে তত্ত্বে প্রাপ্তিশ্চৈদ্যস্য বিদ্বিষঃ ॥ ১৬ ॥
অহো অত্যদ্ভুতং হ্যেতদ্দুর্লভৈকান্তিনামপি ।
বাসুদেবে পরে তত্ত্বে প্রাপ্তিশ্চৈদ্যস্য বিদ্বিষঃ ॥ ১৬ ॥
এতদ্বেদিতুমিচ্ছামঃ সর্ব এব বযং মুনে ।
ভগবন্নিন্দযা বেনো দ্বিজৈস্তমসি পাতিতঃ ॥ ১৭ ॥
ভগবন্নিন্দযা বেনো দ্বিজৈস্তমসি পাতিতঃ ॥ ১৭ ॥
দমঘোষসুতঃ পাপ আরভ্য কলভাষণাত্ ।
সম্প্রত্যমর্ষী গোবিন্দে দন্তবক্রশ্চ দুর্মতিঃ ॥ ১৮ ॥
সম্প্রত্যমর্ষী গোবিন্দে দন্তবক্রশ্চ দুর্মতিঃ ॥ ১৮ ॥
শপতোরসকৃদ্বিষ্ণুং যদ্ব্রহ্ম পরমব্যযম্ ।
শ্বিত্রো ন জাতো জিহ্বাযাং নান্ধং বিবিশতুস্তমঃ ॥ ১৯ ॥
শ্বিত্রো ন জাতো জিহ্বাযাং নান্ধং বিবিশতুস্তমঃ ॥ ১৯ ॥
কথং তস্মিন্ ভগবতি দুরবগ্রাহ্যধামনি ।
পশ্যতাং সর্বলোকানাং লযমীযতুরঞ্জসা ॥ ২০ ॥
পশ্যতাং সর্বলোকানাং লযমীযতুরঞ্জসা ॥ ২০ ॥
এতদ্ভ্রাম্যতি মে বুদ্ধির্দীপার্চিরিব বাযুনা ।
ব্রূহ্যেতদদ্ভুততমং ভগবান্হ্যত্র কারণম্ ॥ ২১ ॥
ব্রূহ্যেতদদ্ভুততমং ভগবান্হ্যত্র কারণম্ ॥ ২১ ॥
শ্রীবাদরাযণিরুবাচ
রাজ্ঞস্তদ্বচ আকর্ণ্য নারদো ভগবানৃষিঃ ।
তুষ্টঃ প্রাহ তমাভাষ্য শৃণ্বত্যাস্তত্সদঃ কথাঃ ॥ ২২ ॥
রাজ্ঞস্তদ্বচ আকর্ণ্য নারদো ভগবানৃষিঃ ।
তুষ্টঃ প্রাহ তমাভাষ্য শৃণ্বত্যাস্তত্সদঃ কথাঃ ॥ ২২ ॥
শ্রীনারদ উবাচ
নিন্দনস্তবসত্কারন্যক্কারার্থং কলেবরম্ ।
প্রধানপরযো রাজন্নবিবেকেন কল্পিতম্ ॥ ২৩ ॥
নিন্দনস্তবসত্কারন্যক্কারার্থং কলেবরম্ ।
প্রধানপরযো রাজন্নবিবেকেন কল্পিতম্ ॥ ২৩ ॥
হিংসা তদভিমানেন দণ্ডপারুষ্যযোর্যথা ।
বৈষম্যমিহ ভূতানাং মমাহমিতি পার্থিব ॥ ২৪ ॥
বৈষম্যমিহ ভূতানাং মমাহমিতি পার্থিব ॥ ২৪ ॥
যন্নিবদ্ধোঽভিমানোঽযং তদ্বধাত্প্রাণিনাং বধঃ ।
তথা ন যস্য কৈবল্যাদভিমানোঽখিলাত্মনঃ ।
পরস্য দমকর্তুর্হি হিংসা কেনাস্য কল্প্যতে ॥ ২৫ ॥
তথা ন যস্য কৈবল্যাদভিমানোঽখিলাত্মনঃ ।
পরস্য দমকর্তুর্হি হিংসা কেনাস্য কল্প্যতে ॥ ২৫ ॥
তস্মাদ্বৈরানুবন্ধেন নির্বৈরেণ ভযেন বা ।
স্নেহাত্কামেন বা যুঞ্জ্যাত্ কথঞ্চিন্নেক্ষতে পৃথক্ ॥ ২৬ ॥
স্নেহাত্কামেন বা যুঞ্জ্যাত্ কথঞ্চিন্নেক্ষতে পৃথক্ ॥ ২৬ ॥
যথা বৈরানুবন্ধেন মর্ত্যস্তন্মযতামিযাত্ ।
ন তথা ভক্তিযোগেন ইতি মে নিশ্চিতা মতিঃ ॥ ২৭ ॥
ন তথা ভক্তিযোগেন ইতি মে নিশ্চিতা মতিঃ ॥ ২৭ ॥
কীটঃ পেশস্কৃতা রুদ্ধঃ কুড্যাযাং তমনুস্মরন্ ।
সংরম্ভভযযোগেন বিন্দতে তত্স্বরূপতাম্ ॥ ২৮ ॥
সংরম্ভভযযোগেন বিন্দতে তত্স্বরূপতাম্ ॥ ২৮ ॥
এবং কৃষ্ণে ভগবতি মাযামনুজ ঈশ্বরে ।
বৈরেণ পূতপাপ্মানস্তমাপুরনুচিন্তযা ॥ ২৯ ॥
বৈরেণ পূতপাপ্মানস্তমাপুরনুচিন্তযা ॥ ২৯ ॥
কামাদ্ দ্বেষাদ্ভযাত্স্নেহাদ্যথা ভক্ত্যেশ্বরে মনঃ ।
আবেশ্য তদঘং হিত্বা বহবস্তদ্গতিং গতাঃ ॥ ৩০ ॥
আবেশ্য তদঘং হিত্বা বহবস্তদ্গতিং গতাঃ ॥ ৩০ ॥
গোপ্যঃ কামাদ্ভযাত্কংসো দ্বেষাচ্চৈদ্যাদযো নৃপাঃ ।
সম্বন্ধাদ্ বৃষ্ণযঃ স্নেহাদ্যূযং ভক্ত্যা বযং বিভো ॥ ৩১ ॥
সম্বন্ধাদ্ বৃষ্ণযঃ স্নেহাদ্যূযং ভক্ত্যা বযং বিভো ॥ ৩১ ॥
কতমোঽপি ন বেনঃ স্যাত্পঞ্চানাং পুরুষং প্রতি ।
তস্মাত্ কেনাপ্যুপাযেন মনঃ কৃষ্ণে নিবেশযেত্ ॥ ৩২ ॥
তস্মাত্ কেনাপ্যুপাযেন মনঃ কৃষ্ণে নিবেশযেত্ ॥ ৩২ ॥
মাতৃষ্বস্রেযো বশ্চৈদ্যো দন্তবক্রশ্চ পাণ্ডব ।
পার্ষদপ্রবরৌ বিষ্ণোর্বিপ্রশাপাত্পদচ্যুতৌ ॥ ৩৩ ॥
পার্ষদপ্রবরৌ বিষ্ণোর্বিপ্রশাপাত্পদচ্যুতৌ ॥ ৩৩ ॥
শ্রীযুধিষ্ঠির উবাচ
কীদৃশঃ কস্য বা শাপো হরিদাসাভিমর্শনঃ ।
অশ্রদ্ধেয ইবাভাতি হরেরেকান্তিনাং ভবঃ ॥ ৩৪ ॥
কীদৃশঃ কস্য বা শাপো হরিদাসাভিমর্শনঃ ।
অশ্রদ্ধেয ইবাভাতি হরেরেকান্তিনাং ভবঃ ॥ ৩৪ ॥
দেহেন্দ্রিযাসুহীনানাং বৈকুণ্ঠপুরবাসিনাম্ ।
দেহসম্বন্ধসম্বদ্ধমেতদাখ্যাতুমর্হসি ॥ ৩৫ ॥
দেহসম্বন্ধসম্বদ্ধমেতদাখ্যাতুমর্হসি ॥ ৩৫ ॥
শ্রীনারদ উবাচ
একদা ব্রহ্মণঃ পুত্রা বিষ্ণুলোকং যদৃচ্ছযা ।
সনন্দনাদযো জগ্মুশ্চরন্তো ভুবনত্রযম্ ॥ ৩৬ ॥
একদা ব্রহ্মণঃ পুত্রা বিষ্ণুলোকং যদৃচ্ছযা ।
সনন্দনাদযো জগ্মুশ্চরন্তো ভুবনত্রযম্ ॥ ৩৬ ॥
পঞ্চষড্ঢাযনার্ভাভাঃ পূর্বেষামপি পূর্বজাঃ ।
দিগ্বাসসঃ শিশূন্ মত্বা দ্বাঃস্থৌ তান্ প্রত্যষেধতাম্ ॥ ৩৭ ॥
দিগ্বাসসঃ শিশূন্ মত্বা দ্বাঃস্থৌ তান্ প্রত্যষেধতাম্ ॥ ৩৭ ॥
অশপন্ কুপিতা এবং যুবাং বাসং ন চার্হথঃ ।
রজস্তমোভ্যাং রহিতে পাদমূলে মধুদ্বিষঃ ।
পাপিষ্ঠামাসুরীং যোনিং বালিশৌ যাতমাশ্বতঃ ॥ ৩৮ ॥
রজস্তমোভ্যাং রহিতে পাদমূলে মধুদ্বিষঃ ।
পাপিষ্ঠামাসুরীং যোনিং বালিশৌ যাতমাশ্বতঃ ॥ ৩৮ ॥
এবং শপ্তৌ স্বভবনাত্ পতন্তৌ তৌ কৃপালুভিঃ ।
প্রোক্তৌ পুনর্জন্মভির্বাং ত্রিভির্লোকায কল্পতাম্ ॥ ৩৯ ॥
প্রোক্তৌ পুনর্জন্মভির্বাং ত্রিভির্লোকায কল্পতাম্ ॥ ৩৯ ॥
জজ্ঞাতে তৌ দিতেঃ পুত্রৌ দৈত্যদানববন্দিতৌ ।
হিরণ্যকশিপুর্জ্যেষ্ঠো হিরণ্যাক্ষোঽনুজস্ততঃ ॥ ৪০ ॥
হিরণ্যকশিপুর্জ্যেষ্ঠো হিরণ্যাক্ষোঽনুজস্ততঃ ॥ ৪০ ॥
হতো হিরণ্যকশিপুর্হরিণা সিংহরূপিণা ।
হিরণ্যাক্ষো ধরোদ্ধারে বিভ্রতা শৌকরং বপুঃ ॥ ৪১ ॥
হিরণ্যাক্ষো ধরোদ্ধারে বিভ্রতা শৌকরং বপুঃ ॥ ৪১ ॥
হিরণ্যকশিপুঃ পুত্রং প্রহ্লাদং কেশবপ্রিযম্ ।
জিঘাংসুরকরোন্নানা যাতনা মৃত্যুহেতবে ॥ ৪২ ॥
জিঘাংসুরকরোন্নানা যাতনা মৃত্যুহেতবে ॥ ৪২ ॥
তং সর্বভূতাত্মভূতং প্রশান্তং সমদর্শনম্ ।
ভগবত্তেজসা স্পৃষ্টং নাশক্নোদ্ধন্তুমুদ্যমৈঃ ॥ ৪৩ ॥
ভগবত্তেজসা স্পৃষ্টং নাশক্নোদ্ধন্তুমুদ্যমৈঃ ॥ ৪৩ ॥
ততস্তৌ রাক্ষসৌ জাতৌ কেশিন্যাং বিশ্রবঃসুতৌ ।
রাবণঃ কুম্ভকর্ণশ্চ সর্বলোকোপতাপনৌ ॥ ৪৪ ॥
রাবণঃ কুম্ভকর্ণশ্চ সর্বলোকোপতাপনৌ ॥ ৪৪ ॥
তত্রাপি রাঘবো ভূত্বা ন্যহনচ্ছাপমুক্তযে ।
রামবীর্যং শ্রোষ্যসি ত্বং মার্কণ্ডেযমুখাত্প্রভো ॥ ৪৫ ॥
রামবীর্যং শ্রোষ্যসি ত্বং মার্কণ্ডেযমুখাত্প্রভো ॥ ৪৫ ॥
তাবত্র ক্ষত্রিযৌ জাতৌ মাতৃষ্বস্রাত্মজৌ তব ।
অধুনা শাপনির্মুক্তৌ কৃষ্ণচক্রহতাংহসৌ ॥ ৪৬ ॥
অধুনা শাপনির্মুক্তৌ কৃষ্ণচক্রহতাংহসৌ ॥ ৪৬ ॥
বৈরানুবন্ধতীব্রেণ ধ্যানেনাচ্যুতসাত্মতাম্ ।
নীতৌ পুনর্হরেঃ পার্শ্বং জগ্মতুর্বিষ্ণুপার্ষদৌ ॥ ৪৭ ॥
নীতৌ পুনর্হরেঃ পার্শ্বং জগ্মতুর্বিষ্ণুপার্ষদৌ ॥ ৪৭ ॥
শ্রীযুধিষ্ঠির উবাচ
বিদ্বেষো দযিতে পুত্রে কথমাসীন্মহাত্মনি ।
ব্রূহি মে ভগবন্যেন প্রহ্লাদস্যাচ্যুতাত্মতা ॥ ৪৮ ॥
বিদ্বেষো দযিতে পুত্রে কথমাসীন্মহাত্মনি ।
ব্রূহি মে ভগবন্যেন প্রহ্লাদস্যাচ্যুতাত্মতা ॥ ৪৮ ॥