শ্রীনারদ উবাচ
ব্রহ্মচারী গুরুকুলে বসন্দান্তো গুরোর্হিতম্ ।
আচরন্দাসবন্নীচো গুরৌ সুদৃঢসৌহৃদঃ ॥ ১ ॥
ব্রহ্মচারী গুরুকুলে বসন্দান্তো গুরোর্হিতম্ ।
আচরন্দাসবন্নীচো গুরৌ সুদৃঢসৌহৃদঃ ॥ ১ ॥
সাযং প্রাতরুপাসীত গুর্বগ্ন্যর্কসুরোত্তমান্ ।
সন্ধ্যে উভে চ যতবাগ্জপন্ব্রহ্ম সমাহিতঃ ॥ ২ ॥
সন্ধ্যে উভে চ যতবাগ্জপন্ব্রহ্ম সমাহিতঃ ॥ ২ ॥
ছন্দাংস্যধীযীত গুরোরাহূতশ্চেত্ সুযন্ত্রিতঃ ।
উপক্রমেঽবসানে চ চরণৌ শিরসা নমেত্ ॥ ৩ ॥
উপক্রমেঽবসানে চ চরণৌ শিরসা নমেত্ ॥ ৩ ॥
মেখলাজিনবাসাংসি জটাদণ্ডকমণ্ডলূন্ ।
বিভৃযাদুপবীতং চ দর্ভপাণির্যথোদিতম্ ॥ ৪ ॥
বিভৃযাদুপবীতং চ দর্ভপাণির্যথোদিতম্ ॥ ৪ ॥
সাযং প্রাতশ্চরেদ্ভৈক্ষ্যং গুরবে তন্নিবেদযেত্ ।
ভুঞ্জীত যদ্যনুজ্ঞাতো নো চেদুপবসেত্ ক্বচিত্ ॥ ৫ ॥
ভুঞ্জীত যদ্যনুজ্ঞাতো নো চেদুপবসেত্ ক্বচিত্ ॥ ৫ ॥
সুশীলো মিতভুগ্দক্ষঃ শ্রদ্দধানো জিতেন্দ্রিযঃ ।
যাবদর্থং ব্যবহরেত্ স্ত্রীষু স্ত্রীনির্জিতেষু চ ॥ ৬ ॥
যাবদর্থং ব্যবহরেত্ স্ত্রীষু স্ত্রীনির্জিতেষু চ ॥ ৬ ॥
বর্জযেত্প্রমদাগাথামগৃহস্থো বৃহদ্ব্রতঃ ।
ইন্দ্রিযাণি প্রমাথীনি হরন্ত্যপি যতের্মনঃ ॥ ৭ ॥
ইন্দ্রিযাণি প্রমাথীনি হরন্ত্যপি যতের্মনঃ ॥ ৭ ॥
কেশপ্রসাধনোন্মর্দস্নপনাভ্যঞ্জনাদিকম্ ।
গুরুস্ত্রীভির্যুবতিভিঃ কারযেন্নাত্মনো যুবা ॥ ৮ ॥
গুরুস্ত্রীভির্যুবতিভিঃ কারযেন্নাত্মনো যুবা ॥ ৮ ॥
নন্বগ্নিঃ প্রমদা নাম ঘৃতকুম্ভসমঃ পুমান্ ।
সুতামপি রহো জহ্যাদন্যদা যাবদর্থকৃত্ ॥ ৯ ॥
সুতামপি রহো জহ্যাদন্যদা যাবদর্থকৃত্ ॥ ৯ ॥
কল্পযিত্বাত্মনা যাবদাভাসমিদমীশ্বরঃ ।
দ্বৈতং তাবন্ন বিরমেত্ততো হ্যস্য বিপর্যযঃ ॥ ১০ ॥
দ্বৈতং তাবন্ন বিরমেত্ততো হ্যস্য বিপর্যযঃ ॥ ১০ ॥
এতত্সর্বং গৃহস্থস্য সমাম্নাতং যতেরপি ।
গুরুবৃত্তির্বিকল্পেন গৃহস্থস্যর্তুগামিনঃ ॥ ১১ ॥
গুরুবৃত্তির্বিকল্পেন গৃহস্থস্যর্তুগামিনঃ ॥ ১১ ॥
অঞ্জনাভ্যঞ্জনোন্মর্দস্ত্র্যবলেখামিষং মধু ।
স্রগ্গন্ধলেপালঙ্কারাংস্ত্যজেযুর্যে বৃহদ্ব্রতাঃ ॥ ১২ ॥
স্রগ্গন্ধলেপালঙ্কারাংস্ত্যজেযুর্যে বৃহদ্ব্রতাঃ ॥ ১২ ॥
উষিত্বৈবং গুরুকুলে দ্বিজোঽধীত্যাববুধ্য চ ।
ত্রযীং সাঙ্গোপনিষদং যাবদর্থং যথাবলম্ ॥ ১৩ ॥
ত্রযীং সাঙ্গোপনিষদং যাবদর্থং যথাবলম্ ॥ ১৩ ॥
দত্ত্বা বরমনুজ্ঞাতো গুরোঃ কামং যদীশ্বরঃ ।
গৃহং বনং বা প্রবিশেত্প্রব্রজেত্তত্র বা বসেত্ ॥ ১৪ ॥
গৃহং বনং বা প্রবিশেত্প্রব্রজেত্তত্র বা বসেত্ ॥ ১৪ ॥
অগ্নৌ গুরাবাত্মনি চ সর্বভূতেষ্বধোক্ষজম্ ।
ভূতৈঃ স্বধামভিঃ পশ্যেদপ্রবিষ্টং প্রবিষ্টবত্ ॥ ১৫ ॥
ভূতৈঃ স্বধামভিঃ পশ্যেদপ্রবিষ্টং প্রবিষ্টবত্ ॥ ১৫ ॥
এবং বিধো ব্রহ্মচারী বানপ্রস্থো যতির্গৃহী ।
চরন্বিদিতবিজ্ঞানঃ পরং ব্রহ্মাধিগচ্ছতি ॥ ১৬ ॥
চরন্বিদিতবিজ্ঞানঃ পরং ব্রহ্মাধিগচ্ছতি ॥ ১৬ ॥
বানপ্রস্থস্য বক্ষ্যামি নিযমান্মুনিসম্মতান্ ।
যানাস্থায মুনির্গচ্ছেদৃষিলোকমুহাঞ্জসা ॥ ১৭ ॥
যানাস্থায মুনির্গচ্ছেদৃষিলোকমুহাঞ্জসা ॥ ১৭ ॥
ন কৃষ্টপচ্যমশ্নীযাদকৃষ্টং চাপ্যকালতঃ ।
অগ্নিপক্বমথামং বা অর্কপক্বমুতাহরেত্ ॥ ১৮ ॥
অগ্নিপক্বমথামং বা অর্কপক্বমুতাহরেত্ ॥ ১৮ ॥
বন্যৈশ্চরুপুরোডাশান্ নির্বপেত্ কালচোদিতান্ ।
লব্ধে নবে নবেঽন্নাদ্যে পুরাণং চ পরিত্যজেত্ ॥ ১৯ ॥
লব্ধে নবে নবেঽন্নাদ্যে পুরাণং চ পরিত্যজেত্ ॥ ১৯ ॥
অগ্ন্যর্থমেব শরণমুটজং বাদ্রিকন্দরম্ ।
শ্রযেত হিমবায্বগ্নিবর্ষার্কাতপষাট্স্বযম্ ॥ ২০ ॥
শ্রযেত হিমবায্বগ্নিবর্ষার্কাতপষাট্স্বযম্ ॥ ২০ ॥
কেশরোমনখশ্মশ্রুমলানি জটিলো দধত্ ।
কমণ্ডল্বজিনে দণ্ডবল্কলাগ্নিপরিচ্ছদান্ ॥ ২১ ॥
কমণ্ডল্বজিনে দণ্ডবল্কলাগ্নিপরিচ্ছদান্ ॥ ২১ ॥
চরেদ্বনে দ্বাদশাব্দানষ্টৌ বা চতুরো মুনিঃ ।
দ্বাবেকং বা যথা বুদ্ধির্ন বিপদ্যেত কৃচ্ছ্রতঃ ॥ ২২ ॥
দ্বাবেকং বা যথা বুদ্ধির্ন বিপদ্যেত কৃচ্ছ্রতঃ ॥ ২২ ॥
যদাকল্পঃ স্বক্রিযাযাং ব্যাধিভির্জরযাথবা ।
আন্বীক্ষিক্যাং বা বিদ্যাযাং কুর্যাদনশনাদিকম্ ॥ ২৩ ॥
আন্বীক্ষিক্যাং বা বিদ্যাযাং কুর্যাদনশনাদিকম্ ॥ ২৩ ॥
আত্মন্যগ্নীন্ সমারোপ্য সন্ন্যস্যাহং মমাত্মতাম্ ।
কারণেষু ন্যসেত্ সম্যক্সঙ্ঘাতং তু যথার্হতঃ ॥ ২৪ ॥
কারণেষু ন্যসেত্ সম্যক্সঙ্ঘাতং তু যথার্হতঃ ॥ ২৪ ॥
খে খানি বাযৌ নিশ্বাসাংস্তেজঃসূষ্মাণমাত্মবান্ ।
অপ্স্বসৃক্শ্লেষ্মপূযানি ক্ষিতৌ শেষং যথোদ্ভবম্ ॥ ২৫ ॥
অপ্স্বসৃক্শ্লেষ্মপূযানি ক্ষিতৌ শেষং যথোদ্ভবম্ ॥ ২৫ ॥
বাচমগ্নৌ সবক্তব্যামিন্দ্রে শিল্পং করাবপি ।
পদানি গত্যা বযসি রত্যোপস্থং প্রজাপতৌ ॥ ২৬ ॥
পদানি গত্যা বযসি রত্যোপস্থং প্রজাপতৌ ॥ ২৬ ॥
মৃত্যৌ পাযুং বিসর্গং চ যথাস্থানং বিনির্দিশেত্ ।
দিক্ষু শ্রোত্রং সনাদেন স্পর্শেনাধ্যাত্মনি ত্বচম্ ॥ ২৭ ॥
দিক্ষু শ্রোত্রং সনাদেন স্পর্শেনাধ্যাত্মনি ত্বচম্ ॥ ২৭ ॥
রূপাণি চক্ষুষা রাজন্ জ্যোতিষ্যভিনিবেশযেত্ ।
অপ্সু প্রচেতসা জিহ্বাং ঘ্রেযৈর্ঘ্রাণং ক্ষিতৌ ন্যসেত্ ॥ ২৮ ॥
অপ্সু প্রচেতসা জিহ্বাং ঘ্রেযৈর্ঘ্রাণং ক্ষিতৌ ন্যসেত্ ॥ ২৮ ॥
মনো মনোরথৈশ্চন্দ্রে বুদ্ধিং বোধ্যৈঃ কবৌ পরে ।
কর্মাণ্যধ্যাত্মনা রুদ্রে যদহং মমতাক্রিযা ।
সত্ত্বেন চিত্তং ক্ষেত্রজ্ঞে গুণৈর্বৈকারিকং পরে ॥ ২৯ ॥
কর্মাণ্যধ্যাত্মনা রুদ্রে যদহং মমতাক্রিযা ।
সত্ত্বেন চিত্তং ক্ষেত্রজ্ঞে গুণৈর্বৈকারিকং পরে ॥ ২৯ ॥
অপ্সু ক্ষিতিমপো জ্যোতিষ্যদো বাযৌ নভস্যমুম্ ।
কূটস্থে তচ্চ মহতি তদব্যক্তেঽক্ষরে চ তত্ ॥ ৩০ ॥
কূটস্থে তচ্চ মহতি তদব্যক্তেঽক্ষরে চ তত্ ॥ ৩০ ॥
ইত্যক্ষরতযাত্মানং চিন্মাত্রমবশেষিতম্ ।
জ্ঞাত্বাদ্বযোঽথ বিরমেদ্ দগ্ধযোনিরিবানলঃ ॥ ৩১ ॥
জ্ঞাত্বাদ্বযোঽথ বিরমেদ্ দগ্ধযোনিরিবানলঃ ॥ ৩১ ॥