ଶ୍ରୀଯୁଧିଷ୍ଠିର ଉଵାଚ
ଗୃହସ୍ଥ ଏତାଂ ପଦଵୀଂ ଵିଧିନା ଯେନ ଚାଞ୍ଜସା ।
ଯାଯାଦ୍ଦେଵଋଷେ ବ୍ରୂହି ମାଦୃଶୋ ଗୃହମୂଢଧୀଃ ॥ ୧ ॥
ଗୃହସ୍ଥ ଏତାଂ ପଦଵୀଂ ଵିଧିନା ଯେନ ଚାଞ୍ଜସା ।
ଯାଯାଦ୍ଦେଵଋଷେ ବ୍ରୂହି ମାଦୃଶୋ ଗୃହମୂଢଧୀଃ ॥ ୧ ॥
ଶ୍ରୀନାରଦ ଉଵାଚ
ଗୃହେଷ୍ଵଵସ୍ଥିତୋ ରାଜନ୍କ୍ରିଯାଃ କୁର୍ଵନ୍ଯଥୋଚିତାଃ ।
ଵାସୁଦେଵାର୍ପଣଂ ସାକ୍ଷାଦୁପାସୀତ ମହାମୁନୀନ୍ ॥ ୨ ॥
ଗୃହେଷ୍ଵଵସ୍ଥିତୋ ରାଜନ୍କ୍ରିଯାଃ କୁର୍ଵନ୍ଯଥୋଚିତାଃ ।
ଵାସୁଦେଵାର୍ପଣଂ ସାକ୍ଷାଦୁପାସୀତ ମହାମୁନୀନ୍ ॥ ୨ ॥
ଶୃଣ୍ଵନ୍ଭଗଵତୋଽଭୀକ୍ଷ୍ଣମଵତାରକଥାମୃତମ୍ ।
ଶ୍ରଦ୍ଦଧାନୋ ଯଥାକାଲମୁପଶାନ୍ତଜନାଵୃତଃ ॥ ୩ ॥
ଶ୍ରଦ୍ଦଧାନୋ ଯଥାକାଲମୁପଶାନ୍ତଜନାଵୃତଃ ॥ ୩ ॥
ସତ୍ସଙ୍ଗାଚ୍ଛନକୈଃ ସଙ୍ଗମାତ୍ମଜାଯାତ୍ମଜାଦିଷୁ ।
ଵିମୁଞ୍ଚେନ୍ମୁଚ୍ଯମାନେଷୁ ସ୍ଵଯଂ ସ୍ଵପ୍ନଵଦୁତ୍ଥିତଃ ॥ ୪ ॥
ଵିମୁଞ୍ଚେନ୍ମୁଚ୍ଯମାନେଷୁ ସ୍ଵଯଂ ସ୍ଵପ୍ନଵଦୁତ୍ଥିତଃ ॥ ୪ ॥
ଯାଵଦର୍ଥମୁପାସୀନୋ ଦେହେ ଗେହେ ଚ ପଣ୍ଡିତଃ ।
ଵିରକ୍ତୋ ରକ୍ତଵତ୍ତତ୍ର ନୃଲୋକେ ନରତାଂ ନ୍ଯସେତ୍ ॥ ୫ ॥
ଵିରକ୍ତୋ ରକ୍ତଵତ୍ତତ୍ର ନୃଲୋକେ ନରତାଂ ନ୍ଯସେତ୍ ॥ ୫ ॥
ଜ୍ଞାତଯଃ ପିତରୌ ପୁତ୍ରା ଭ୍ରାତରଃ ସୁହୃଦୋଽପରେ ।
ଯଦ୍ଵଦନ୍ତି ଯଦିଚ୍ଛନ୍ତି ଚାନୁମୋଦେତ ନିର୍ମମଃ ॥ ୬ ॥
ଯଦ୍ଵଦନ୍ତି ଯଦିଚ୍ଛନ୍ତି ଚାନୁମୋଦେତ ନିର୍ମମଃ ॥ ୬ ॥
ଦିଵ୍ଯଂ ଭୌମଂ ଚାନ୍ତରୀକ୍ଷଂ ଵିତ୍ତମଚ୍ଯୁତନିର୍ମିତମ୍ ।
ତତ୍ସର୍ଵମୁପଯୁଞ୍ଜାନ ଏତତ୍କୁର୍ଯାତ୍ସ୍ଵତୋ ବୁଧଃ ॥ ୭ ॥
ତତ୍ସର୍ଵମୁପଯୁଞ୍ଜାନ ଏତତ୍କୁର୍ଯାତ୍ସ୍ଵତୋ ବୁଧଃ ॥ ୭ ॥
ଯାଵଦ୍ ଭ୍ର୍ରିଯେତ ଜଠରଂ ତାଵତ୍ ସ୍ଵତ୍ଵଂ ହି ଦେହିନାମ୍ ।
ଅଧିକଂ ଯୋଽଭିମନ୍ଯେତ ସ ସ୍ତେନୋ ଦଣ୍ଡମର୍ହତି ॥ ୮ ॥
ଅଧିକଂ ଯୋଽଭିମନ୍ଯେତ ସ ସ୍ତେନୋ ଦଣ୍ଡମର୍ହତି ॥ ୮ ॥
ମୃଗୋଷ୍ଟ୍ରଖରମର୍କାଖୁସରୀସୃପ୍ଖଗମକ୍ଷିକାଃ ।
ଆତ୍ମନଃ ପୁତ୍ରଵତ୍ ପଶ୍ଯେତ୍ତୈରେଷାମନ୍ତରଂ କିଯତ୍ ॥ ୯ ॥
ଆତ୍ମନଃ ପୁତ୍ରଵତ୍ ପଶ୍ଯେତ୍ତୈରେଷାମନ୍ତରଂ କିଯତ୍ ॥ ୯ ॥
ତ୍ରିଵର୍ଗଂ ନାତିକୃଚ୍ଛ୍ରେଣ ଭଜେତ ଗୃହମେଧ୍ଯପି ।
ଯଥାଦେଶଂ ଯଥାକାଲଂ ଯାଵଦ୍ଦୈଵୋପପାଦିତମ୍ ॥ ୧୦ ॥
ଯଥାଦେଶଂ ଯଥାକାଲଂ ଯାଵଦ୍ଦୈଵୋପପାଦିତମ୍ ॥ ୧୦ ॥
ଆଶ୍ଵାଘାନ୍ତେଽଵସାଯିଭ୍ଯଃ କାମାନ୍ସଂଵିଭଜେଦ୍ଯଥା ।
ଅପ୍ଯେକାମାତ୍ମନୋ ଦାରାଂ ନୃଣାଂ ସ୍ଵତ୍ଵଗ୍ରହୋ ଯତଃ ॥ ୧୧ ॥
ଅପ୍ଯେକାମାତ୍ମନୋ ଦାରାଂ ନୃଣାଂ ସ୍ଵତ୍ଵଗ୍ରହୋ ଯତଃ ॥ ୧୧ ॥
ଜହ୍ଯାଦ୍ ଯଦର୍ଥେ ସ୍ଵାନ୍ପ୍ରାଣାନ୍ହନ୍ଯାଦ୍ଵା ପିତରଂ ଗୁରୁମ୍ ।
ତସ୍ଯାଂ ସ୍ଵତ୍ଵଂ ସ୍ତ୍ରିଯାଂ ଜହ୍ଯାଦ୍ଯସ୍ତେନ ହ୍ଯଜିତୋ ଜିତଃ ॥ ୧୨ ॥
ତସ୍ଯାଂ ସ୍ଵତ୍ଵଂ ସ୍ତ୍ରିଯାଂ ଜହ୍ଯାଦ୍ଯସ୍ତେନ ହ୍ଯଜିତୋ ଜିତଃ ॥ ୧୨ ॥
କୃମିଵିଡ୍ଭସ୍ମନିଷ୍ଠାନ୍ତଂ କ୍ଵେଦଂ ତୁଚ୍ଛଂ କଲେଵରମ୍ ।
କ୍ଵ ତଦୀଯରତିର୍ଭାର୍ଯା କ୍ଵାଯମାତ୍ମା ନଭଶ୍ଛଦିଃ ॥ ୧୩ ॥
କ୍ଵ ତଦୀଯରତିର୍ଭାର୍ଯା କ୍ଵାଯମାତ୍ମା ନଭଶ୍ଛଦିଃ ॥ ୧୩ ॥
ସିଦ୍ଧୈର୍ଯଜ୍ଞାଵଶିଷ୍ଟାର୍ଥୈଃ କଲ୍ପଯେଦ୍ ଵୃତ୍ତିମାତ୍ମନଃ ।
ଶେଷେ ସ୍ଵତ୍ଵଂ ତ୍ଯଜନ୍ପ୍ରାଜ୍ଞଃ ପଦଵୀଂ ମହତାମିଯାତ୍ ॥ ୧୪ ॥
ଶେଷେ ସ୍ଵତ୍ଵଂ ତ୍ଯଜନ୍ପ୍ରାଜ୍ଞଃ ପଦଵୀଂ ମହତାମିଯାତ୍ ॥ ୧୪ ॥
ଦେଵାନୃଷୀନ୍ ନୃଭୂତାନି ପିତୃନାତ୍ମାନମନ୍ଵହମ୍ ।
ସ୍ଵଵୃତ୍ତ୍ଯାଗତଵିତ୍ତେନ ଯଜେତ ପୁରୁଷଂ ପୃଥକ୍ ॥ ୧୫ ॥
ସ୍ଵଵୃତ୍ତ୍ଯାଗତଵିତ୍ତେନ ଯଜେତ ପୁରୁଷଂ ପୃଥକ୍ ॥ ୧୫ ॥
ଯର୍ହ୍ଯାତ୍ମନୋଽଧିକାରାଦ୍ଯାଃ ସର୍ଵାଃ ସ୍ଯୁର୍ଯଜ୍ଞସମ୍ପଦଃ ।
ଵୈତାନିକେନ ଵିଧିନା ଅଗ୍ନିହୋତ୍ରାଦିନା ଯଜେତ୍ ॥ ୧୬ ॥
ଵୈତାନିକେନ ଵିଧିନା ଅଗ୍ନିହୋତ୍ରାଦିନା ଯଜେତ୍ ॥ ୧୬ ॥
ନ ହ୍ଯଗ୍ନିମୁଖତୋଽଯଂ ଵୈ ଭଗଵାନ୍ସର୍ଵଯଜ୍ଞଭୁକ୍ ।
ଇଜ୍ଯେତ ହଵିଷା ରାଜନ୍ଯଥା ଵିପ୍ରମୁଖେ ହୁତୈଃ ॥ ୧୭ ॥
ଇଜ୍ଯେତ ହଵିଷା ରାଜନ୍ଯଥା ଵିପ୍ରମୁଖେ ହୁତୈଃ ॥ ୧୭ ॥
ତସ୍ମାଦ୍ ବ୍ରାହ୍ମଣଦେଵେଷୁ ମର୍ତ୍ଯାଦିଷୁ ଯଥାର୍ହତଃ ।
ତୈସ୍ତୈଃ କାମୈର୍ଯଜସ୍ଵୈନଂ କ୍ଷେତ୍ରଜ୍ଞଂ ବ୍ରାହ୍ମଣାନନୁ ॥ ୧୮ ॥
ତୈସ୍ତୈଃ କାମୈର୍ଯଜସ୍ଵୈନଂ କ୍ଷେତ୍ରଜ୍ଞଂ ବ୍ରାହ୍ମଣାନନୁ ॥ ୧୮ ॥
କୁର୍ଯାଦପରପକ୍ଷୀଯଂ ମାସି ପ୍ରୌଷ୍ଠପଦେ ଦ୍ଵିଜଃ ।
ଶ୍ରାଦ୍ଧଂ ପିତ୍ରୋର୍ଯଥାଵିତ୍ତଂ ତଦ୍ବନ୍ଧୂନାଂ ଚ ଵିତ୍ତଵାନ୍ ॥ ୧୯ ॥
ଶ୍ରାଦ୍ଧଂ ପିତ୍ରୋର୍ଯଥାଵିତ୍ତଂ ତଦ୍ବନ୍ଧୂନାଂ ଚ ଵିତ୍ତଵାନ୍ ॥ ୧୯ ॥
ଅଯନେ ଵିଷୁଵେ କୁର୍ଯାଦ୍ ଵ୍ଯତୀପାତେ ଦିନକ୍ଷଯେ ।
ଚନ୍ଦ୍ରାଦିତ୍ଯୋପରାଗେ ଚ ଦ୍ଵାଦଶ୍ଯାଂ ଶ୍ରଵଣେଷୁ ଚ ॥ ୨୦ ॥
ଚନ୍ଦ୍ରାଦିତ୍ଯୋପରାଗେ ଚ ଦ୍ଵାଦଶ୍ଯାଂ ଶ୍ରଵଣେଷୁ ଚ ॥ ୨୦ ॥
ତୃତୀଯାଯାଂ ଶୁକ୍ଲପକ୍ଷେ ନଵମ୍ଯାମଥ କାର୍ତିକେ ।
ଚତସୃଷ୍ଵପ୍ଯଷ୍ଟକାସୁ ହେମନ୍ତେ ଶିଶିରେ ତଥା ॥ ୨୧ ॥
ଚତସୃଷ୍ଵପ୍ଯଷ୍ଟକାସୁ ହେମନ୍ତେ ଶିଶିରେ ତଥା ॥ ୨୧ ॥
ମାଘେ ଚ ସିତସପ୍ତମ୍ଯାଂ ମଘାରାକାସମାଗମେ ।
ରାକଯା ଚାନୁମତ୍ଯା ଚ ମାସର୍କ୍ଷାଣି ଯୁତାନ୍ଯପି ॥ ୨୨ ॥
ରାକଯା ଚାନୁମତ୍ଯା ଚ ମାସର୍କ୍ଷାଣି ଯୁତାନ୍ଯପି ॥ ୨୨ ॥
ଦ୍ଵାଦଶ୍ଯାମନୁରାଧା ସ୍ଯାଚ୍ଛ୍ରଵଣସ୍ତିସ୍ର ଉତ୍ତରାଃ ।
ତିସୃଷ୍ଵେକାଦଶୀ ଵାସୁ ଜନ୍ମର୍କ୍ଷଶ୍ରୋଣଯୋଗୂଯୁକ୍ ॥ ୨୩ ॥
ତିସୃଷ୍ଵେକାଦଶୀ ଵାସୁ ଜନ୍ମର୍କ୍ଷଶ୍ରୋଣଯୋଗୂଯୁକ୍ ॥ ୨୩ ॥
ତ ଏତେ ଶ୍ରେଯସଃ କାଲା ନୃଣାଂ ଶ୍ରେଯୋଵିଵର୍ଧନାଃ ।
କୁର୍ଯାତ୍ସର୍ଵାତ୍ମନୈତେଷୁ ଶ୍ରେଯୋଽମୋଘଂ ତଦାଯୁଷଃ ॥ ୨୪ ॥
କୁର୍ଯାତ୍ସର୍ଵାତ୍ମନୈତେଷୁ ଶ୍ରେଯୋଽମୋଘଂ ତଦାଯୁଷଃ ॥ ୨୪ ॥
ଏଷୁ ସ୍ନାନଂ ଜପୋ ହୋମୋ ଵ୍ରତଂ ଦେଵଦ୍ଵିଜାର୍ଚନମ୍ ।
ପିତୃଦେଵନୃଭୂତେଭ୍ଯୋ ଯଦ୍ଦତ୍ତଂ ତଦ୍ଧ୍ଯନଶ୍ଵରମ୍ ॥ ୨୫ ॥
ପିତୃଦେଵନୃଭୂତେଭ୍ଯୋ ଯଦ୍ଦତ୍ତଂ ତଦ୍ଧ୍ଯନଶ୍ଵରମ୍ ॥ ୨୫ ॥
ସଂସ୍କାରକାଲୋ ଜାଯାଯା ଅପତ୍ଯସ୍ଯାତ୍ମନସ୍ତଥା ।
ପ୍ରେତସଂସ୍ଥା ମୃତାହଶ୍ଚ କର୍ମଣ୍ଯଭ୍ଯୁଦଯେ ନୃପ ॥ ୨୬ ॥
ପ୍ରେତସଂସ୍ଥା ମୃତାହଶ୍ଚ କର୍ମଣ୍ଯଭ୍ଯୁଦଯେ ନୃପ ॥ ୨୬ ॥
ଅଥ ଦେଶାନ୍ପ୍ରଵକ୍ଷ୍ଯାମି ଧର୍ମାଦିଶ୍ରେଯଆଵହାନ୍ ।
ସ ଵୈ ପୁଣ୍ଯତମୋ ଦେଶଃ ସତ୍ପାତ୍ରଂ ଯତ୍ର ଲଭ୍ଯତେ ॥ ୨୭ ॥
ସ ଵୈ ପୁଣ୍ଯତମୋ ଦେଶଃ ସତ୍ପାତ୍ରଂ ଯତ୍ର ଲଭ୍ଯତେ ॥ ୨୭ ॥
ବିମ୍ବଂ ଭଗଵତୋ ଯତ୍ର ସର୍ଵମେତଚ୍ଚରାଚରମ୍ ।
ଯତ୍ର ହ ବ୍ରାହ୍ମଣକୁଲଂ ତପୋଵିଦ୍ଯାଦଯାନ୍ଵିତମ୍ ॥ ୨୮ ॥
ଯତ୍ର ହ ବ୍ରାହ୍ମଣକୁଲଂ ତପୋଵିଦ୍ଯାଦଯାନ୍ଵିତମ୍ ॥ ୨୮ ॥
ଯତ୍ର ଯତ୍ର ହରେରର୍ଚା ସ ଦେଶଃ ଶ୍ରେଯସାଂ ପଦମ୍ ।
ଯତ୍ର ଗଙ୍ଗାଦଯୋ ନଦ୍ଯଃ ପୁରାଣେଷୁ ଚ ଵିଶ୍ରୁତାଃ ॥ ୨୯ ॥
ଯତ୍ର ଗଙ୍ଗାଦଯୋ ନଦ୍ଯଃ ପୁରାଣେଷୁ ଚ ଵିଶ୍ରୁତାଃ ॥ ୨୯ ॥
ସରାଂସି ପୁଷ୍କରାଦୀନି କ୍ଷେତ୍ରାଣ୍ଯର୍ହାଶ୍ରିତାନ୍ଯୁତ ।
କୁରୁକ୍ଷେତ୍ରଂ ଗଯଶିରଃ ପ୍ରଯାଗଃ ପୁଲହାଶ୍ରମଃ ॥ ୩୦ ॥
କୁରୁକ୍ଷେତ୍ରଂ ଗଯଶିରଃ ପ୍ରଯାଗଃ ପୁଲହାଶ୍ରମଃ ॥ ୩୦ ॥
ନୈମିଷଂ ଫାଲ୍ଗୁନଂ ସେତୁଃ ପ୍ରଭାସୋଽଥ କୁଶସ୍ଥଲୀ ।
ଵାରାଣସୀ ମଧୁପୁରୀ ପମ୍ପା ବିନ୍ଦୁସରସ୍ତଥା ॥ ୩୧ ॥
ଵାରାଣସୀ ମଧୁପୁରୀ ପମ୍ପା ବିନ୍ଦୁସରସ୍ତଥା ॥ ୩୧ ॥
ନାରାଯଣାଶ୍ରମୋ ନନ୍ଦା ସୀତାରାମାଶ୍ରମାଦଯଃ ।
ସର୍ଵେ କୁଲାଚଲା ରାଜନ୍ମହେନ୍ଦ୍ରମଲଯାଦଯଃ ॥ ୩୨ ॥
ସର୍ଵେ କୁଲାଚଲା ରାଜନ୍ମହେନ୍ଦ୍ରମଲଯାଦଯଃ ॥ ୩୨ ॥
ଏତେ ପୁଣ୍ଯତମା ଦେଶା ହରେରର୍ଚାଶ୍ରିତାଶ୍ଚ ଯେ ।
ଏତାନ୍ଦେଶାନ୍ନିଷେଵେତ ଶ୍ରେଯସ୍କାମୋ ହ୍ଯଭୀକ୍ଷ୍ଣଶଃ ।
ଧର୍ମୋ ହ୍ଯତ୍ରେହିତଃ ପୁଂସାଂ ସହସ୍ରାଧିଫଲୋଦଯଃ ॥ ୩୩ ॥
ଏତାନ୍ଦେଶାନ୍ନିଷେଵେତ ଶ୍ରେଯସ୍କାମୋ ହ୍ଯଭୀକ୍ଷ୍ଣଶଃ ।
ଧର୍ମୋ ହ୍ଯତ୍ରେହିତଃ ପୁଂସାଂ ସହସ୍ରାଧିଫଲୋଦଯଃ ॥ ୩୩ ॥
ପାତ୍ରଂ ତ୍ଵତ୍ର ନିରୁକ୍ତଂ ଵୈ କଵିଭିଃ ପାତ୍ରଵିତ୍ତମୈଃ ।
ହରିରେଵୈକ ଉର୍ଵୀଶ ଯନ୍ମଯଂ ଵୈ ଚରାଚରମ୍ ॥ ୩୪ ॥
ହରିରେଵୈକ ଉର୍ଵୀଶ ଯନ୍ମଯଂ ଵୈ ଚରାଚରମ୍ ॥ ୩୪ ॥
ଦେଵର୍ଷ୍ଯର୍ହତ୍ସୁ ଵୈ ସତ୍ସୁ ତତ୍ର ବ୍ରହ୍ମାତ୍ମଜାଦିଷୁ ।
ରାଜନ୍ଯଦଗ୍ରପୂଜାଯାଂ ମତଃ ପାତ୍ରତଯାଚ୍ଯୁତଃ ॥ ୩୫ ॥
ରାଜନ୍ଯଦଗ୍ରପୂଜାଯାଂ ମତଃ ପାତ୍ରତଯାଚ୍ଯୁତଃ ॥ ୩୫ ॥
ଜୀଵରାଶିଭିରାକୀର୍ଣ ଅଣ୍ଡକୋଶାଙ୍ଘ୍ରିପୋ ମହାନ୍ ।
ତନ୍ମୂଲତ୍ଵାଦଚ୍ଯୁତେଜ୍ଯା ସର୍ଵଜୀଵାତ୍ମତର୍ପଣମ୍ ॥ ୩୬ ॥
ତନ୍ମୂଲତ୍ଵାଦଚ୍ଯୁତେଜ୍ଯା ସର୍ଵଜୀଵାତ୍ମତର୍ପଣମ୍ ॥ ୩୬ ॥
ପୁରାଣ୍ଯନେନ ସୃଷ୍ଟାନି ନୃତିର୍ଯଗୃଷିଦେଵତାଃ ।
ଶେତେ ଜୀଵେନ ରୂପେଣ ପୁରେଷୁ ପୁରୁଷୋ ହ୍ଯସୌ ॥ ୩୭ ॥
ଶେତେ ଜୀଵେନ ରୂପେଣ ପୁରେଷୁ ପୁରୁଷୋ ହ୍ଯସୌ ॥ ୩୭ ॥
ତେଷ୍ଵେଵ ଭଗଵାନ୍ ରାଜଂସ୍ତାରତମ୍ଯେନ ଵର୍ତତେ ।
ତସ୍ମାତ୍ପାତ୍ରଂ ହି ପୁରୁଷୋ ଯାଵାନାତ୍ମା ଯଥେଯତେ ॥ ୩୮ ॥
ତସ୍ମାତ୍ପାତ୍ରଂ ହି ପୁରୁଷୋ ଯାଵାନାତ୍ମା ଯଥେଯତେ ॥ ୩୮ ॥
ଦୃଷ୍ଟ୍ଵା ତେଷାଂ ମିଥୋ ନୃଣାମଵଜ୍ଞାନାତ୍ମତାଂ ନୃପ ।
ତ୍ରେତାଦିଷୁ ହରେରର୍ଚା କ୍ରିଯାଯୈ କଵିଭିଃ କୃତା ॥ ୩୯ ॥
ତ୍ରେତାଦିଷୁ ହରେରର୍ଚା କ୍ରିଯାଯୈ କଵିଭିଃ କୃତା ॥ ୩୯ ॥
ତତୋଽର୍ଚାଯାଂ ହରିଂ କେଚିତ୍ ସଂଶ୍ରଦ୍ଧାଯ ସପର୍ଯଯା ।
ଉପାସତ ଉପାସ୍ତାପି ନାର୍ଥଦା ପୁରୁଷଦ୍ଵିଷାମ୍ ॥ ୪୦ ॥
ଉପାସତ ଉପାସ୍ତାପି ନାର୍ଥଦା ପୁରୁଷଦ୍ଵିଷାମ୍ ॥ ୪୦ ॥
ପୁରୁଷେଷ୍ଵପି ରାଜେନ୍ଦ୍ର ସୁପାତ୍ରଂ ବ୍ରାହ୍ମଣଂ ଵିଦୁଃ ।
ତପସା ଵିଦ୍ଯଯା ତୁଷ୍ଟଯା ଧତ୍ତେ ଵେଦଂ ହରେସ୍ତନୁମ୍ ॥ ୪୧ ॥
ତପସା ଵିଦ୍ଯଯା ତୁଷ୍ଟଯା ଧତ୍ତେ ଵେଦଂ ହରେସ୍ତନୁମ୍ ॥ ୪୧ ॥
ନନ୍ଵସ୍ଯ ବ୍ରାହ୍ମଣା ରାଜନ୍କୃଷ୍ଣସ୍ଯ ଜଗଦାତ୍ମନଃ ।
ପୁନନ୍ତଃ ପାଦରଜସା ତ୍ରିଲୋକୀଂ ଦୈଵତଂ ମହତ୍ ॥ ୪୨ ॥
ପୁନନ୍ତଃ ପାଦରଜସା ତ୍ରିଲୋକୀଂ ଦୈଵତଂ ମହତ୍ ॥ ୪୨ ॥