ଶ୍ରୀନାରଦ ଉଵାଚ
ହିରଣ୍ଯକଶିପୂ ରାଜନ୍ନଜେଯମଜରାମରମ୍ ।
ଆତ୍ମାନମପ୍ରତିଦ୍ଵନ୍ଦ୍ଵମେକରାଜଂ ଵ୍ଯଧିତ୍ସତ ॥ ୧ ॥
ହିରଣ୍ଯକଶିପୂ ରାଜନ୍ନଜେଯମଜରାମରମ୍ ।
ଆତ୍ମାନମପ୍ରତିଦ୍ଵନ୍ଦ୍ଵମେକରାଜଂ ଵ୍ଯଧିତ୍ସତ ॥ ୧ ॥
ସ ତେପେ ମନ୍ଦରଦ୍ରୋଣ୍ଯାଂ ତପଃ ପରମଦାରୁଣମ୍ ।
ଊର୍ଧ୍ଵବାହୁର୍ନଭୋଦୃଷ୍ଟିଃ ପାଦାଙ୍ଗୁଷ୍ଠାଶ୍ରିତାଵନିଃ ॥ ୨ ॥
ଊର୍ଧ୍ଵବାହୁର୍ନଭୋଦୃଷ୍ଟିଃ ପାଦାଙ୍ଗୁଷ୍ଠାଶ୍ରିତାଵନିଃ ॥ ୨ ॥
ଜଟାଦୀଧିତିଭୀ ରେଜେ ସଂଵର୍ତାର୍କ ଇଵାଂଶୁଭିଃ ।
ତସ୍ମିଂସ୍ତପସ୍ତପ୍ଯମାନେ ଦେଵାଃ ସ୍ଥାନାନି ଭେଜିରେ ॥ ୩ ॥
ତସ୍ମିଂସ୍ତପସ୍ତପ୍ଯମାନେ ଦେଵାଃ ସ୍ଥାନାନି ଭେଜିରେ ॥ ୩ ॥
ତସ୍ଯ ମୂର୍ଧ୍ନଃ ସମୁଦ୍ଭୂତଃ ସଧୂମୋଽଗ୍ନିସ୍ତପୋମଯଃ ।
ତୀର୍ଯଗୂର୍ଧ୍ଵମଧୋଲୋକାନ୍ ପ୍ରାତପଦ୍ଵିଷ୍ଵଗୀରିତଃ ॥ ୪ ॥
ତୀର୍ଯଗୂର୍ଧ୍ଵମଧୋଲୋକାନ୍ ପ୍ରାତପଦ୍ଵିଷ୍ଵଗୀରିତଃ ॥ ୪ ॥
ଚୁକ୍ଷୁଭୁର୍ନଦ୍ଯୁଦନ୍ଵନ୍ତଃ ସଦ୍ଵୀପାଦ୍ରିଶ୍ଚଚାଲ ଭୂଃ ।
ନିପେତୁଃ ସଗ୍ରହାସ୍ତାରା ଜଜ୍ଵଲୁଶ୍ଚ ଦିଶୋ ଦଶ ॥ ୫ ॥
ନିପେତୁଃ ସଗ୍ରହାସ୍ତାରା ଜଜ୍ଵଲୁଶ୍ଚ ଦିଶୋ ଦଶ ॥ ୫ ॥
ତେନ ତପ୍ତା ଦିଵଂ ତ୍ଯକ୍ତ୍ଵା ବ୍ରହ୍ମଲୋକଂ ଯଯୁଃ ସୁରାଃ ।
ଧାତ୍ରେ ଵିଜ୍ଞାପଯାମାସୁର୍ଦେଵଦେଵ ଜଗତ୍ପତେ ।
ଦୈତ୍ଯେନ୍ଦ୍ରତପସା ତପ୍ତା ଦିଵି ସ୍ଥାତୁଂ ନ ଶକ୍ନୁମଃ ॥ ୬ ॥
ଧାତ୍ରେ ଵିଜ୍ଞାପଯାମାସୁର୍ଦେଵଦେଵ ଜଗତ୍ପତେ ।
ଦୈତ୍ଯେନ୍ଦ୍ରତପସା ତପ୍ତା ଦିଵି ସ୍ଥାତୁଂ ନ ଶକ୍ନୁମଃ ॥ ୬ ॥
ତସ୍ଯ ଚୋପଶମଂ ଭୂମନ୍ ଵିଧେହି ଯଦି ମନ୍ଯସେ ।
ଲୋକା ନ ଯାଵନ୍ନଙ୍କ୍ଷ୍ଯନ୍ତି ବଲିହାରାସ୍ତଵାଭିଭୂଃ ॥ ୭ ॥
ଲୋକା ନ ଯାଵନ୍ନଙ୍କ୍ଷ୍ଯନ୍ତି ବଲିହାରାସ୍ତଵାଭିଭୂଃ ॥ ୭ ॥
ତସ୍ଯାଯଂ କିଲ ସଙ୍କଲ୍ପଶ୍ଚରତୋ ଦୁଶ୍ଚରଂ ତପଃ ।
ଶ୍ରୂଯତାଂ କିଂ ନ ଵିଦିତସ୍ତଵାଥାପି ନିଵେଦିତମ୍ ॥ ୮ ॥
ଶ୍ରୂଯତାଂ କିଂ ନ ଵିଦିତସ୍ତଵାଥାପି ନିଵେଦିତମ୍ ॥ ୮ ॥
ସୃଷ୍ଟ୍ଵା ଚରାଚରମିଦଂ ତପୋଯୋଗସମାଧିନା ।
ଅଧ୍ଯାସ୍ତେ ସର୍ଵଧିଷ୍ଣ୍ଯେଭ୍ଯଃ ପରମେଷ୍ଠୀ ନିଜାସନମ୍ ॥ ୯ ॥
ଅଧ୍ଯାସ୍ତେ ସର୍ଵଧିଷ୍ଣ୍ଯେଭ୍ଯଃ ପରମେଷ୍ଠୀ ନିଜାସନମ୍ ॥ ୯ ॥
ତଦହଂ ଵର୍ଧମାନେନ ତପୋଯୋଗସମାଧିନା ।
କାଲାତ୍ମନୋଶ୍ଚ ନିତ୍ଯତ୍ଵାତ୍ସାଧଯିଷ୍ଯେ ତଥାତ୍ମନଃ ॥ ୧୦ ॥
କାଲାତ୍ମନୋଶ୍ଚ ନିତ୍ଯତ୍ଵାତ୍ସାଧଯିଷ୍ଯେ ତଥାତ୍ମନଃ ॥ ୧୦ ॥
ଅନ୍ଯଥେଦଂ ଵିଧାସ୍ଯେଽହମଯଥା ପୂର୍ଵମୋଜସା ।
କିମନ୍ଯୈଃ କାଲନିର୍ଧୂତୈଃ କଲ୍ପାନ୍ତେ ଵୈଷ୍ଣଵାଦିଭିଃ ॥ ୧୧ ॥
କିମନ୍ଯୈଃ କାଲନିର୍ଧୂତୈଃ କଲ୍ପାନ୍ତେ ଵୈଷ୍ଣଵାଦିଭିଃ ॥ ୧୧ ॥
ଇତି ଶୁଶ୍ରୁମ ନିର୍ବନ୍ଧଂ ତପଃ ପରମମାସ୍ଥିତଃ ।
ଵିଧତ୍ସ୍ଵାନନ୍ତରଂ ଯୁକ୍ତଂ ସ୍ଵଯଂ ତ୍ରିଭୁଵନେଶ୍ଵର ॥ ୧୨ ॥
ଵିଧତ୍ସ୍ଵାନନ୍ତରଂ ଯୁକ୍ତଂ ସ୍ଵଯଂ ତ୍ରିଭୁଵନେଶ୍ଵର ॥ ୧୨ ॥
ତଵାସନଂ ଦ୍ଵିଜଗଵାଂ ପାରମେଷ୍ଠ୍ଯଂ ଜଗତ୍ପତେ ।
ଭଵାଯ ଶ୍ରେଯସେ ଭୂତ୍ଯୈ କ୍ଷେମାଯ ଵିଜଯାଯ ଚ ॥ ୧୩ ॥
ଭଵାଯ ଶ୍ରେଯସେ ଭୂତ୍ଯୈ କ୍ଷେମାଯ ଵିଜଯାଯ ଚ ॥ ୧୩ ॥
ଇତି ଵିଜ୍ଞାପିତୋ ଦେଵୈର୍ଭଗଵାନାତ୍ମଭୂର୍ନୃପ ।
ପରିତୋ ଭୃଗୁଦକ୍ଷାଦ୍ଯୈର୍ଯଯୌ ଦୈତ୍ଯେଶ୍ଵରାଶ୍ରମମ୍ ॥ ୧୪ ॥
ପରିତୋ ଭୃଗୁଦକ୍ଷାଦ୍ଯୈର୍ଯଯୌ ଦୈତ୍ଯେଶ୍ଵରାଶ୍ରମମ୍ ॥ ୧୪ ॥
ନ ଦଦର୍ଶ ପ୍ରତିଚ୍ଛନ୍ନଂ ଵଲ୍ମୀକତୃଣକୀଚକୈଃ ।
ପିପୀଲିକାଭିରାଚୀର୍ଣଂ ମେଦସ୍ତ୍ଵଙ୍ମାଂସଶୋଣିତମ୍ ॥ ୧୫ ॥
ପିପୀଲିକାଭିରାଚୀର୍ଣଂ ମେଦସ୍ତ୍ଵଙ୍ମାଂସଶୋଣିତମ୍ ॥ ୧୫ ॥
ତପନ୍ତଂ ତପସା ଲୋକାନ୍ ଯଥାଭ୍ରାପିହିତଂ ରଵିମ୍ ।
ଵିଲକ୍ଷ୍ଯ ଵିସ୍ମିତଃ ପ୍ରାହ ହସଂସ୍ତଂ ହଂସଵାହନଃ ॥ ୧୬ ॥
ଵିଲକ୍ଷ୍ଯ ଵିସ୍ମିତଃ ପ୍ରାହ ହସଂସ୍ତଂ ହଂସଵାହନଃ ॥ ୧୬ ॥
ଶ୍ରୀବ୍ରହ୍ମୋଵାଚ
ଉତ୍ତିଷ୍ଠୋତ୍ତିଷ୍ଠ ଭଦ୍ରଂ ତେ ତପଃସିଦ୍ଧୋଽସି କାଶ୍ଯପ ।
ଵରଦୋଽହମନୁପ୍ରାପ୍ତୋ ଵ୍ରିଯତାମୀପ୍ସିତୋ ଵରଃ ॥ ୧୭ ॥
ଉତ୍ତିଷ୍ଠୋତ୍ତିଷ୍ଠ ଭଦ୍ରଂ ତେ ତପଃସିଦ୍ଧୋଽସି କାଶ୍ଯପ ।
ଵରଦୋଽହମନୁପ୍ରାପ୍ତୋ ଵ୍ରିଯତାମୀପ୍ସିତୋ ଵରଃ ॥ ୧୭ ॥
ଅଦ୍ରାକ୍ଷମହମେତଂ ତେ ହୃତ୍ସାରଂ ମହଦଦ୍ଭୁତମ୍ । ଦଂଶଭକ୍ଷିତଦେହସ୍ଯ ପ୍ରାଣା ହ୍ଯସ୍ଥିଷୁ ଶେରତେ ॥ ୧୮ ॥
ନୈତତ୍ପୂର୍ଵର୍ଷଯଶ୍ଚକ୍ରୁର୍ନ କରିଷ୍ଯନ୍ତି ଚାପରେ ।
ନିରମ୍ବୁର୍ଧାରଯେତ୍ପ୍ରାଣାନ୍ କୋ ଵୈ ଦିଵ୍ଯସମାଃ ଶତମ୍ ॥ ୧୯ ॥
ନିରମ୍ବୁର୍ଧାରଯେତ୍ପ୍ରାଣାନ୍ କୋ ଵୈ ଦିଵ୍ଯସମାଃ ଶତମ୍ ॥ ୧୯ ॥
ଵ୍ଯଵସାଯେନ ତେଽନେନ ଦୁଷ୍କରେଣ ମନସ୍ଵିନାମ୍ । ତପୋନିଷ୍ଠେନ ଭଵତା ଜିତୋଽହଂ ଦିତିନନ୍ଦନ ॥ ୨୦ ॥
ତତସ୍ତ ଆଶିଷଃ ସର୍ଵା ଦଦାମ୍ଯସୁରପୁଙ୍ଗଵ ।
ମର୍ତସ୍ଯ ତେ ହ୍ଯମର୍ତସ୍ଯ ଦର୍ଶନଂ ନାଫଲଂ ମମ ॥ ୨୧ ॥
ମର୍ତସ୍ଯ ତେ ହ୍ଯମର୍ତସ୍ଯ ଦର୍ଶନଂ ନାଫଲଂ ମମ ॥ ୨୧ ॥
ଶ୍ରୀନାରଦ ଉଵାଚ
ଇତ୍ଯୁକ୍ତ୍ଵାଦିଭଵୋ ଦେଵୋ ଭକ୍ଷିତାଙ୍ଗଂ ପିପୀଲିକୈଃ ।
କମଣ୍ଡଲୁଜଲେନୌକ୍ଷଦ୍ଦିଵ୍ଯେନାମୋଘରାଧସା ॥ ୨୨ ॥
ଇତ୍ଯୁକ୍ତ୍ଵାଦିଭଵୋ ଦେଵୋ ଭକ୍ଷିତାଙ୍ଗଂ ପିପୀଲିକୈଃ ।
କମଣ୍ଡଲୁଜଲେନୌକ୍ଷଦ୍ଦିଵ୍ଯେନାମୋଘରାଧସା ॥ ୨୨ ॥
ସ ତତ୍କୀଚକଵଲ୍ମୀକାତ୍ ସହଓଜୋବଲାନ୍ଵିତଃ ।
ସର୍ଵାଵଯଵସମ୍ପନ୍ନୋ ଵଜ୍ରସଂହନନୋ ଯୁଵା ।
ଉତ୍ଥିତସ୍ତପ୍ତହେମାଭୋ ଵିଭାଵସୁରିଵୈଧସଃ ॥ ୨୩ ॥
ସର୍ଵାଵଯଵସମ୍ପନ୍ନୋ ଵଜ୍ରସଂହନନୋ ଯୁଵା ।
ଉତ୍ଥିତସ୍ତପ୍ତହେମାଭୋ ଵିଭାଵସୁରିଵୈଧସଃ ॥ ୨୩ ॥
ସ ନିରୀକ୍ଷ୍ଯାମ୍ବରେ ଦେଵଂ ହଂସଵାହମୁପସ୍ଥିତମ୍ ।
ନନାମ ଶିରସା ଭୂମୌ ତଦ୍ଦର୍ଶନମହୋତ୍ସଵଃ ॥ ୨୪ ॥
ନନାମ ଶିରସା ଭୂମୌ ତଦ୍ଦର୍ଶନମହୋତ୍ସଵଃ ॥ ୨୪ ॥
ଉତ୍ଥାଯ ପ୍ରାଞ୍ଜଲିଃ ପ୍ରହ୍ଵ ଈକ୍ଷମାଣୋ ଦୃଶା ଵିଭୁମ୍ ।
ହର୍ଷାଶ୍ରୁପୁଲକୋଦ୍ଭେଦୋ ଗିରା ଗଦ୍ଗଦଯାଗୃଣାତ୍ ॥ ୨୫ ॥
ହର୍ଷାଶ୍ରୁପୁଲକୋଦ୍ଭେଦୋ ଗିରା ଗଦ୍ଗଦଯାଗୃଣାତ୍ ॥ ୨୫ ॥
ଶ୍ରୀହିରଣ୍ଯକଶିପୁରୁଵାଚ
କଲ୍ପାନ୍ତେ କାଲସୃଷ୍ଟେନ ଯୋଽନ୍ଧେନ ତମସାଵୃତମ୍ ।
ଅଭିଵ୍ଯନଗ୍ଜଗଦିଦଂ ସ୍ଵଯଞ୍ଜ୍ଯୋତିଃ ସ୍ଵରୋଚିଷା ॥ ୨୬ ॥
କଲ୍ପାନ୍ତେ କାଲସୃଷ୍ଟେନ ଯୋଽନ୍ଧେନ ତମସାଵୃତମ୍ ।
ଅଭିଵ୍ଯନଗ୍ଜଗଦିଦଂ ସ୍ଵଯଞ୍ଜ୍ଯୋତିଃ ସ୍ଵରୋଚିଷା ॥ ୨୬ ॥
ଆତ୍ମନା ତ୍ରିଵୃତା ଚେଦଂ ସୃଜତ୍ଯଵତି ଲୁମ୍ପତି ।
ରଜଃସତ୍ତ୍ଵତମୋଧାମ୍ନେ ପରାଯ ମହତେ ନମଃ ॥ ୨୭ ॥
ରଜଃସତ୍ତ୍ଵତମୋଧାମ୍ନେ ପରାଯ ମହତେ ନମଃ ॥ ୨୭ ॥
ନମ ଆଦ୍ଯାଯ ବୀଜାଯ ଜ୍ଞାନଵିଜ୍ଞାନମୂର୍ତଯେ ।
ପ୍ରାଣେନ୍ଦ୍ରିଯମନୋବୁଦ୍ଧିଵିକାରୈର୍ଵ୍ଯକ୍ତିମୀଯୁଷେ ॥ ୨୮ ॥
ପ୍ରାଣେନ୍ଦ୍ରିଯମନୋବୁଦ୍ଧିଵିକାରୈର୍ଵ୍ଯକ୍ତିମୀଯୁଷେ ॥ ୨୮ ॥
ତ୍ଵମୀଶିଷେ ଜଗତସ୍ତସ୍ଥୁଷଶ୍ଚ
ପ୍ରାଣେନ ମୁଖ୍ଯେନ ପତିଃ ପ୍ରଜାନାମ୍ ।
ଚିତ୍ତସ୍ଯ ଚିତ୍ତୈର୍ମନଇନ୍ଦ୍ରିଯାଣାଂ
ପତିର୍ମହାନ୍ ଭୂତଗୁଣାଶଯେଶଃ ॥ ୨୯ ॥
ପ୍ରାଣେନ ମୁଖ୍ଯେନ ପତିଃ ପ୍ରଜାନାମ୍ ।
ଚିତ୍ତସ୍ଯ ଚିତ୍ତୈର୍ମନଇନ୍ଦ୍ରିଯାଣାଂ
ପତିର୍ମହାନ୍ ଭୂତଗୁଣାଶଯେଶଃ ॥ ୨୯ ॥
ତ୍ଵଂ ସପ୍ତତନ୍ତୂନ୍ ଵିତନୋଷି ତନ୍ଵା
ତ୍ରଯ୍ଯା ଚତୁର୍ହୋତ୍ରକଵିଦ୍ଯଯା ଚ ।
ତ୍ଵମେକ ଆତ୍ମାତ୍ମଵତାମନାଦି-
ରନନ୍ତପାରଃ କଵିରନ୍ତରାତ୍ମା ॥ ୩୦ ॥
ତ୍ରଯ୍ଯା ଚତୁର୍ହୋତ୍ରକଵିଦ୍ଯଯା ଚ ।
ତ୍ଵମେକ ଆତ୍ମାତ୍ମଵତାମନାଦି-
ରନନ୍ତପାରଃ କଵିରନ୍ତରାତ୍ମା ॥ ୩୦ ॥
ତ୍ଵମେଵ କାଲୋଽନିମିଷୋ ଜନାନା-
ମାଯୁର୍ଲଵାଦ୍ଯଵଯଵୈଃ କ୍ଷିଣୋଷି ।
କୂଟସ୍ଥ ଆତ୍ମା ପରମେଷ୍ଠ୍ଯଜୋ ମହାଂ-
ସ୍ତ୍ଵଂ ଜୀଵଲୋକସ୍ଯ ଚ ଜୀଵ ଆତ୍ମା ॥ ୩୧ ॥
ମାଯୁର୍ଲଵାଦ୍ଯଵଯଵୈଃ କ୍ଷିଣୋଷି ।
କୂଟସ୍ଥ ଆତ୍ମା ପରମେଷ୍ଠ୍ଯଜୋ ମହାଂ-
ସ୍ତ୍ଵଂ ଜୀଵଲୋକସ୍ଯ ଚ ଜୀଵ ଆତ୍ମା ॥ ୩୧ ॥
ତ୍ଵତ୍ତଃ ପରଂ ନାପରମପ୍ଯନେଜ-
ଦେଜଚ୍ଚ କିଞ୍ଚିଦ୍ଵ୍ଯତିରିକ୍ତମସ୍ତି ।
ଵିଦ୍ଯାଃ କଲାସ୍ତେ ତନଵଶ୍ଚ ସର୍ଵା
ହିରଣ୍ଯଗର୍ଭୋଽସି ବୃହତ୍ତ୍ରିପୃଷ୍ଠଃ ॥ ୩୨ ॥
ଦେଜଚ୍ଚ କିଞ୍ଚିଦ୍ଵ୍ଯତିରିକ୍ତମସ୍ତି ।
ଵିଦ୍ଯାଃ କଲାସ୍ତେ ତନଵଶ୍ଚ ସର୍ଵା
ହିରଣ୍ଯଗର୍ଭୋଽସି ବୃହତ୍ତ୍ରିପୃଷ୍ଠଃ ॥ ୩୨ ॥
ଵ୍ଯକ୍ତଂ ଵିଭୋ ସ୍ଥୂଲମିଦଂ ଶରୀରଂ
ଯେନେନ୍ଦ୍ରିଯପ୍ରାଣମନୋଗୁଣାଂସ୍ତ୍ଵମ୍ ।
ଭୁଙ୍କ୍ଷେ ସ୍ଥିତୋ ଧାମନି ପାରମେଷ୍ଠ୍ଯେ
ଅଵ୍ଯକ୍ତ ଆତ୍ମା ପୁରୁଷଃ ପୁରାଣଃ ॥ ୩୩ ॥
ଯେନେନ୍ଦ୍ରିଯପ୍ରାଣମନୋଗୁଣାଂସ୍ତ୍ଵମ୍ ।
ଭୁଙ୍କ୍ଷେ ସ୍ଥିତୋ ଧାମନି ପାରମେଷ୍ଠ୍ଯେ
ଅଵ୍ଯକ୍ତ ଆତ୍ମା ପୁରୁଷଃ ପୁରାଣଃ ॥ ୩୩ ॥
ଅନନ୍ତାଵ୍ଯକ୍ତରୂପେଣ ଯେନେଦମଖିଲଂ ତତମ୍ ।
ଚିଦଚିଚ୍ଛକ୍ତିଯୁକ୍ତାଯ ତସ୍ମୈ ଭଗଵତେ ନମଃ ॥ ୩୪ ॥
ଚିଦଚିଚ୍ଛକ୍ତିଯୁକ୍ତାଯ ତସ୍ମୈ ଭଗଵତେ ନମଃ ॥ ୩୪ ॥
ଯଦି ଦାସ୍ଯସ୍ଯଭିମତାନ୍ ଵରାନ୍ମେ ଵରଦୋତ୍ତମ ।
ଭୂତେଭ୍ଯସ୍ତ୍ଵଦ୍ଵିସୃଷ୍ଟେଭ୍ଯୋ ମୃତ୍ଯୁର୍ମା ଭୂନ୍ମମ ପ୍ରଭୋ ॥ ୩୫ ॥
ଭୂତେଭ୍ଯସ୍ତ୍ଵଦ୍ଵିସୃଷ୍ଟେଭ୍ଯୋ ମୃତ୍ଯୁର୍ମା ଭୂନ୍ମମ ପ୍ରଭୋ ॥ ୩୫ ॥
ନାନ୍ତର୍ବହିର୍ଦିଵା ନକ୍ତମନ୍ଯସ୍ମାଦପି ଚାଯୁଧୈଃ ।
ନ ଭୂମୌ ନାମ୍ବରେ ମୃତ୍ଯୁର୍ନ ନରୈର୍ନ ମୃଗୈରପି ॥ ୩୬ ॥
ନ ଭୂମୌ ନାମ୍ବରେ ମୃତ୍ଯୁର୍ନ ନରୈର୍ନ ମୃଗୈରପି ॥ ୩୬ ॥
ଵ୍ଯସୁଭିର୍ଵାସୁମଦ୍ଭିର୍ଵା ସୁରାସୁରମହୋରଗୈଃ ।
ଅପ୍ରତିଦ୍ଵନ୍ଦ୍ଵତାଂ ଯୁଦ୍ଧେ ଐକପତ୍ଯଂ ଚ ଦେହିନାମ୍ ॥ ୩୭ ॥
ଅପ୍ରତିଦ୍ଵନ୍ଦ୍ଵତାଂ ଯୁଦ୍ଧେ ଐକପତ୍ଯଂ ଚ ଦେହିନାମ୍ ॥ ୩୭ ॥
ସର୍ଵେଷାଂ ଲୋକପାଲାନାଂ ମହିମାନଂ ଯଥାତ୍ମନଃ ।
ତପୋଯୋଗପ୍ରଭାଵାଣାଂ ଯନ୍ନ ରିଷ୍ଯତି କର୍ହିଚିତ୍ ॥ ୩୮ ॥
ତପୋଯୋଗପ୍ରଭାଵାଣାଂ ଯନ୍ନ ରିଷ୍ଯତି କର୍ହିଚିତ୍ ॥ ୩୮ ॥