শ্রীনারদ উবাচ
অথ দৈত্যসুতাঃ সর্বে শ্রুত্বা তদনুবর্ণিতম্ ।
জগৃহুর্নিরবদ্যত্বান্নৈব গুর্বনুশিক্ষিতম্ ॥ ১ ॥
অথ দৈত্যসুতাঃ সর্বে শ্রুত্বা তদনুবর্ণিতম্ ।
জগৃহুর্নিরবদ্যত্বান্নৈব গুর্বনুশিক্ষিতম্ ॥ ১ ॥
অথাচার্যসুতস্তেষাং বুদ্ধিমেকান্তসংস্থিতাম্ ।
আলক্ষ্য ভীতস্ত্বরিতো রাজ্ঞ আবেদযদ্যথা ॥ ২ ॥
আলক্ষ্য ভীতস্ত্বরিতো রাজ্ঞ আবেদযদ্যথা ॥ ২ ॥
কোপাবেশচলদ্গাত্রঃ পুত্রং হন্তুং মনো দধে ।
ক্ষিপ্ত্বা পরুষযা বাচা প্রহ্রাদমতদর্হণম্ ।
আহেক্ষমাণঃ পাপেন তিরশ্চীনেন চক্ষুষা ॥ ৩ ॥
ক্ষিপ্ত্বা পরুষযা বাচা প্রহ্রাদমতদর্হণম্ ।
আহেক্ষমাণঃ পাপেন তিরশ্চীনেন চক্ষুষা ॥ ৩ ॥
প্রশ্রযাবনতং দান্তং বদ্ধাঞ্জলিমবস্থিতম্ ।
সর্পঃ পদাহত ইব শ্বসন্প্রকৃতিদারুণঃ ॥ ৪ ॥
সর্পঃ পদাহত ইব শ্বসন্প্রকৃতিদারুণঃ ॥ ৪ ॥
শ্রীহিরণ্যকশিপুরুবাচ
হে দুর্বিনীত মন্দাত্মন্কুলভেদকরাধম ।
স্তব্ধং মচ্ছাসনোদ্বৃত্তং নেষ্যে ত্বাদ্য যমক্ষযম্ ॥ ৫ ॥
হে দুর্বিনীত মন্দাত্মন্কুলভেদকরাধম ।
স্তব্ধং মচ্ছাসনোদ্বৃত্তং নেষ্যে ত্বাদ্য যমক্ষযম্ ॥ ৫ ॥
ক্রুদ্ধস্য যস্য কম্পন্তে ত্রযো লোকাঃ সহেশ্বরাঃ ।
তস্য মেঽভীতবন্মূঢ শাসনং কিং বলোঽত্যগাঃ ॥ ৬ ॥
তস্য মেঽভীতবন্মূঢ শাসনং কিং বলোঽত্যগাঃ ॥ ৬ ॥
শ্রীপ্রহ্রাদ উবাচ
ন কেবলং মে ভবতশ্চ রাজন্
স বৈ বলং বলিনাং চাপরেষাম্ ।
পরেঽবরেঽমী স্থিরজঙ্গমা যে
ব্রহ্মাদযো যেন বশং প্রণীতাঃ ॥ ৭ ॥
ন কেবলং মে ভবতশ্চ রাজন্
স বৈ বলং বলিনাং চাপরেষাম্ ।
পরেঽবরেঽমী স্থিরজঙ্গমা যে
ব্রহ্মাদযো যেন বশং প্রণীতাঃ ॥ ৭ ॥
স ঈশ্বরঃ কাল উরুক্রমোঽসা-
বোজঃ সহঃ সত্ত্ববলেন্দ্রিযাত্মা ।
স এব বিশ্বং পরমঃ স্বশক্তিভিঃ
সৃজত্যবত্যত্তি গুণত্রযেশঃ ॥ ৮ ॥
বোজঃ সহঃ সত্ত্ববলেন্দ্রিযাত্মা ।
স এব বিশ্বং পরমঃ স্বশক্তিভিঃ
সৃজত্যবত্যত্তি গুণত্রযেশঃ ॥ ৮ ॥
জহ্যাসুরং ভাবমিমং ত্বমাত্মনঃ
সমং মনো ধত্স্ব ন সন্তি বিদ্বিষঃ ।
ঋতেঽজিতাদাত্মন উত্পথে স্থিতাত্
তদ্ধি হ্যনন্তস্য মহত্সমর্হণম্ ॥ ৯ ॥
সমং মনো ধত্স্ব ন সন্তি বিদ্বিষঃ ।
ঋতেঽজিতাদাত্মন উত্পথে স্থিতাত্
তদ্ধি হ্যনন্তস্য মহত্সমর্হণম্ ॥ ৯ ॥
দস্যূন্পুরা ষণ্ ন বিজিত্য লুম্পতো
মন্যন্ত একে স্বজিতা দিশো দশ ।
জিতাত্মনো জ্ঞস্য সমস্য দেহিনাং
সাধোঃ স্বমোহপ্রভবাঃ কুতঃ পরে ॥ ১০ ॥
মন্যন্ত একে স্বজিতা দিশো দশ ।
জিতাত্মনো জ্ঞস্য সমস্য দেহিনাং
সাধোঃ স্বমোহপ্রভবাঃ কুতঃ পরে ॥ ১০ ॥
শ্রীহিরণ্যকশিপুরুবাচ
ব্যক্তং ত্বং মর্তুকামোঽসি যোঽতিমাত্রং বিকত্থসে ।
মুমূর্ষূণাং হি মন্দাত্মন্ ননু স্যুর্বিক্লবা গিরঃ ॥ ১১ ॥
ব্যক্তং ত্বং মর্তুকামোঽসি যোঽতিমাত্রং বিকত্থসে ।
মুমূর্ষূণাং হি মন্দাত্মন্ ননু স্যুর্বিক্লবা গিরঃ ॥ ১১ ॥
যস্ত্বযা মন্দভাগ্যোক্তো মদন্যো জগদীশ্বরঃ ।
ক্বাসৌ যদি স সর্বত্র কস্মাত্ স্তম্ভে ন দৃশ্যতে ॥ ১২ ॥
ক্বাসৌ যদি স সর্বত্র কস্মাত্ স্তম্ভে ন দৃশ্যতে ॥ ১২ ॥
সোঽহং বিকত্থমানস্য শিরঃ কাযাদ্ধরামি তে ।
গোপাযেত হরিস্ত্বাদ্য যস্তে শরণমীপ্সিতম্ ॥ ১৩ ॥
গোপাযেত হরিস্ত্বাদ্য যস্তে শরণমীপ্সিতম্ ॥ ১৩ ॥
এবং দুরুক্তৈর্মুহুরর্দযন্ রুষা
সুতং মহাভাগবতং মহাসুরঃ ।
খড্গং প্রগৃহ্যোত্পতিতো বরাসনাত্
স্তম্ভং ততাডাতিবলঃ স্বমুষ্টিনা ॥ ১৪ ॥
সুতং মহাভাগবতং মহাসুরঃ ।
খড্গং প্রগৃহ্যোত্পতিতো বরাসনাত্
স্তম্ভং ততাডাতিবলঃ স্বমুষ্টিনা ॥ ১৪ ॥
তদৈব তস্মিন্নিনদোঽতিভীষণো
বভূব যেনাণ্ডকটাহমস্ফুটত্ ।
যং বৈ স্বধিষ্ণ্যোপগতং ত্বজাদযঃ
শ্রুত্বা স্বধামাত্যযমঙ্গ মেনিরে ॥ ১৫ ॥
বভূব যেনাণ্ডকটাহমস্ফুটত্ ।
যং বৈ স্বধিষ্ণ্যোপগতং ত্বজাদযঃ
শ্রুত্বা স্বধামাত্যযমঙ্গ মেনিরে ॥ ১৫ ॥
স বিক্রমন্ পুত্রবধেপ্সুরোজসা
নিশম্য নির্হ্রাদমপূর্বমদ্ভুতম্ ।
অন্তঃসভাযাং ন দদর্শ তত্পদং
বিতত্রসুর্যেন সুরারিযূথপাঃ ॥ ১৬ ॥
নিশম্য নির্হ্রাদমপূর্বমদ্ভুতম্ ।
অন্তঃসভাযাং ন দদর্শ তত্পদং
বিতত্রসুর্যেন সুরারিযূথপাঃ ॥ ১৬ ॥
সত্যং বিধাতুং নিজভৃত্যভাষিতং
ব্যাপ্তিং চ ভূতেষ্বখিলেষু চাত্মনঃ ।
অদৃশ্যতাত্যদ্ভুতরূপমুদ্বহন্
স্তম্ভে সভাযাং ন মৃগং ন মানুষম্ ॥ ১৭ ॥
ব্যাপ্তিং চ ভূতেষ্বখিলেষু চাত্মনঃ ।
অদৃশ্যতাত্যদ্ভুতরূপমুদ্বহন্
স্তম্ভে সভাযাং ন মৃগং ন মানুষম্ ॥ ১৭ ॥
স সত্ত্বমেনং পরিতো বিপশ্যন্
স্তম্ভস্য মধ্যাদনুনির্জিহানম্ ।
নাযং মৃগো নাপি নরো বিচিত্র-
মহো কিমেতন্নৃমৃগেন্দ্ররূপম্ ॥ ১৮ ॥
স্তম্ভস্য মধ্যাদনুনির্জিহানম্ ।
নাযং মৃগো নাপি নরো বিচিত্র-
মহো কিমেতন্নৃমৃগেন্দ্ররূপম্ ॥ ১৮ ॥
মীমাংসমানস্য সমুত্থিতোঽগ্রতো ।
নৃসিংহরূপস্তদলং ভযানকম্ ॥ ১৯ ॥
নৃসিংহরূপস্তদলং ভযানকম্ ॥ ১৯ ॥
প্রতপ্তচামীকরচণ্ডলোচনং
স্ফুরত্সটাকেশরজৃম্ভিতাননম্ ।
করালদংষ্ট্রং করবালচঞ্চল
ক্ষুরান্তজিহ্বং ভ্রুকুটীমুখোল্বণম্ ॥ ২০ ॥
স্ফুরত্সটাকেশরজৃম্ভিতাননম্ ।
করালদংষ্ট্রং করবালচঞ্চল
ক্ষুরান্তজিহ্বং ভ্রুকুটীমুখোল্বণম্ ॥ ২০ ॥
স্তব্ধোর্ধ্বকর্ণং গিরিকন্দরাদ্ভুত-
ব্যাত্তাস্যনাসং হনুভেদভীষণম্ ।
দিবিস্পৃশত্কাযমদীর্ঘপীবর-
গ্রীবোরুবক্ষঃস্থলমল্পমধ্যমম্ ॥ ২১ ॥
ব্যাত্তাস্যনাসং হনুভেদভীষণম্ ।
দিবিস্পৃশত্কাযমদীর্ঘপীবর-
গ্রীবোরুবক্ষঃস্থলমল্পমধ্যমম্ ॥ ২১ ॥
চন্দ্রাংশুগৌরৈশ্ছুরিতং তনূরুহৈ-
র্বিষ্বগ্ভুজানীকশতং নখাযুধম্ ।
দুরাসদং সর্বনিজেতরাযুধ-
প্রবেকবিদ্রাবিতদৈত্যদানবম্ ॥ ২২ ॥
র্বিষ্বগ্ভুজানীকশতং নখাযুধম্ ।
দুরাসদং সর্বনিজেতরাযুধ-
প্রবেকবিদ্রাবিতদৈত্যদানবম্ ॥ ২২ ॥
প্রাযেণ মেঽযং হরিণোরুমাযিনা
বধঃ স্মৃতোঽনেন সমুদ্যতেন কিম্ ।
এবং ব্রুবংস্ত্বভ্যপতদ্ গদাযুধো
নদন্ নৃসিংহং প্রতি দৈত্যকুঞ্জরঃ ॥ ২৩ ॥
বধঃ স্মৃতোঽনেন সমুদ্যতেন কিম্ ।
এবং ব্রুবংস্ত্বভ্যপতদ্ গদাযুধো
নদন্ নৃসিংহং প্রতি দৈত্যকুঞ্জরঃ ॥ ২৩ ॥
অলক্ষিতোঽগ্নৌ পতিতঃ পতঙ্গমো
যথা নৃসিংহৌজসি সোঽসুরস্তদা ।
ন তদ্বিচিত্রং খলু সত্ত্বধামনি
স্বতেজসা যো নু পুরাপিবত্ তমঃ ॥ ২৪ ॥
যথা নৃসিংহৌজসি সোঽসুরস্তদা ।
ন তদ্বিচিত্রং খলু সত্ত্বধামনি
স্বতেজসা যো নু পুরাপিবত্ তমঃ ॥ ২৪ ॥
ততোঽভিপদ্যাভ্যহনন্মহাসুরো
রুষা নৃসিংহং গদযোরুবেগযা ।
তং বিক্রমন্তং সগদং গদাধরো
মহোরগং তার্ক্ষ্যসুতো যথাগ্রহীত্ ॥ ২৫ ॥
রুষা নৃসিংহং গদযোরুবেগযা ।
তং বিক্রমন্তং সগদং গদাধরো
মহোরগং তার্ক্ষ্যসুতো যথাগ্রহীত্ ॥ ২৫ ॥
স তস্য হস্তোত্কলিতস্তদাসুরো
বিক্রীডতো যদ্বদহির্গরুত্মতঃ ।
অসাধ্বমন্যন্ত হৃতৌকসোঽমরা
ঘনচ্ছদা ভারত সর্বধিষ্ণ্যপাঃ ॥ ২৬ ॥
বিক্রীডতো যদ্বদহির্গরুত্মতঃ ।
অসাধ্বমন্যন্ত হৃতৌকসোঽমরা
ঘনচ্ছদা ভারত সর্বধিষ্ণ্যপাঃ ॥ ২৬ ॥
তং মন্যমানো নিজবীর্যশঙ্কিতং
যদ্ধস্তমুক্তো নৃহরিং মহাসুরঃ ।
পুনস্তমাসজ্জত খড্গচর্মণী
প্রগৃহ্য বেগেন গতশ্রমো মৃধে ॥ ২৭ ॥
যদ্ধস্তমুক্তো নৃহরিং মহাসুরঃ ।
পুনস্তমাসজ্জত খড্গচর্মণী
প্রগৃহ্য বেগেন গতশ্রমো মৃধে ॥ ২৭ ॥
তং শ্যেনবেগং শতচন্দ্রবর্ত্মভি
শ্চরন্তমচ্ছিদ্রমুপর্যধো হরিঃ ।
কৃত্বাট্টহাসং খরমুত্স্বনোল্বণং
নিমীলিতাক্ষং জগৃহে মহাজবঃ ॥ ২৮ ॥
শ্চরন্তমচ্ছিদ্রমুপর্যধো হরিঃ ।
কৃত্বাট্টহাসং খরমুত্স্বনোল্বণং
নিমীলিতাক্ষং জগৃহে মহাজবঃ ॥ ২৮ ॥
বিষ্বক্স্ফুরন্তং গ্রহণাতুরং হরি-
র্ব্যালো যথাখুং কুলিশাক্ষতত্বচম্ ।
দ্বার্যূরুমাপত্য দদার লীলযা
নখৈর্যথাহিং গরুডো মহাবিষম্ ॥ ২৯ ॥
র্ব্যালো যথাখুং কুলিশাক্ষতত্বচম্ ।
দ্বার্যূরুমাপত্য দদার লীলযা
নখৈর্যথাহিং গরুডো মহাবিষম্ ॥ ২৯ ॥
সংরম্ভদুষ্প্রেক্ষ্যকরাললোচনো
ব্যাত্তাননান্তং বিলিহন্স্বজিহ্বযা ।
অসৃগ্লবাক্তারুণকেশরাননো
যথান্ত্রমালী দ্বিপহত্যযা হরিঃ ॥ ৩০ ॥
ব্যাত্তাননান্তং বিলিহন্স্বজিহ্বযা ।
অসৃগ্লবাক্তারুণকেশরাননো
যথান্ত্রমালী দ্বিপহত্যযা হরিঃ ॥ ৩০ ॥
নখাঙ্কুরোত্পাটিতহৃত্সরোরুহং
বিসৃজ্য তস্যানুচরানুদাযুধান্ ।
অহন্ সমস্তান্নখশস্ত্রপাণিভি-
র্দোর্দণ্ডযূথোঽনুপথান্ সহস্রশঃ ॥ ৩১ ॥
বিসৃজ্য তস্যানুচরানুদাযুধান্ ।
অহন্ সমস্তান্নখশস্ত্রপাণিভি-
র্দোর্দণ্ডযূথোঽনুপথান্ সহস্রশঃ ॥ ৩১ ॥
সটাবধূতা জলদাঃ পরাপতন্
গ্রহাশ্চ তদ্ দৃষ্টিবিমুষ্টরোচিষঃ ।
অম্ভোধযঃ শ্বাসহতা বিচুক্ষুভু-
র্নির্হ্রাদভীতা দিগিভা বিচুক্রুশুঃ ॥ ৩২ ॥
গ্রহাশ্চ তদ্ দৃষ্টিবিমুষ্টরোচিষঃ ।
অম্ভোধযঃ শ্বাসহতা বিচুক্ষুভু-
র্নির্হ্রাদভীতা দিগিভা বিচুক্রুশুঃ ॥ ৩২ ॥
দ্যৌস্তত্সটোত্ক্ষিপ্তবিমানসঙ্কুলা
প্রোত্সর্পত ক্ষ্মা চ পদাভিপীডিতা ।
শৈলাঃ সমুত্পেতুরমুষ্য রংহসা
তত্তেজসা খং ককুভো ন রেজিরে ॥ ৩৩ ॥
প্রোত্সর্পত ক্ষ্মা চ পদাভিপীডিতা ।
শৈলাঃ সমুত্পেতুরমুষ্য রংহসা
তত্তেজসা খং ককুভো ন রেজিরে ॥ ৩৩ ॥
ততঃ সভাযামুপবিষ্টমুত্তমে
নৃপাসনে সম্ভৃততেজসং বিভুম্ ।
অলক্ষিতদ্বৈরথমত্যমর্ষণং
প্রচণ্ডবক্ত্রং ন বভাজ কশ্চন ॥ ৩৪ ॥
নৃপাসনে সম্ভৃততেজসং বিভুম্ ।
অলক্ষিতদ্বৈরথমত্যমর্ষণং
প্রচণ্ডবক্ত্রং ন বভাজ কশ্চন ॥ ৩৪ ॥
নিশাম্য লোকত্রযমস্তকজ্বরং
তমাদিদৈত্যং হরিণা হতং মৃধে ।
প্রহর্ষবেগোত্কলিতাননা মুহুঃ
প্রসূনবর্ষৈর্ববৃষুঃ সুরস্ত্রিযঃ ॥ ৩৫ ॥
তমাদিদৈত্যং হরিণা হতং মৃধে ।
প্রহর্ষবেগোত্কলিতাননা মুহুঃ
প্রসূনবর্ষৈর্ববৃষুঃ সুরস্ত্রিযঃ ॥ ৩৫ ॥
তদা বিমানাবলিভির্নভস্তলং
দিদৃক্ষতাং সঙ্কুলমাস নাকিনাম্ ।
সুরানকা দুন্দুভযোঽথ জঘ্নিরে
গন্ধর্বমুখ্যা ননৃতুর্জগুঃ স্ত্রিযঃ ॥ ৩৬ ॥
দিদৃক্ষতাং সঙ্কুলমাস নাকিনাম্ ।
সুরানকা দুন্দুভযোঽথ জঘ্নিরে
গন্ধর্বমুখ্যা ননৃতুর্জগুঃ স্ত্রিযঃ ॥ ৩৬ ॥
তত্রোপব্রজ্য বিবুধা ব্রহ্মেন্দ্রগিরিশাদযঃ ।
ঋষযঃ পিতরঃ সিদ্ধা বিদ্যাধরমহোরগাঃ ॥ ৩৭ ॥
ঋষযঃ পিতরঃ সিদ্ধা বিদ্যাধরমহোরগাঃ ॥ ৩৭ ॥
মনবঃ প্রজানাং পতযো গন্ধর্বাপ্সরচারণাঃ ।
যক্ষাঃ কিম্পুরুষাস্তাত বেতালাঃ সহকিন্নরাঃ ॥ ৩৮ ॥
যক্ষাঃ কিম্পুরুষাস্তাত বেতালাঃ সহকিন্নরাঃ ॥ ৩৮ ॥
তে বিষ্ণুপার্ষদাঃ সর্বে সুনন্দকুমুদাদযঃ ।
মূর্ধ্নি বদ্ধাঞ্জলিপুটা আসীনং তীব্রতেজসম্ ।
ঈডিরে নরশার্দুলং নাতিদূরচরাঃ পৃথক্ ॥ ৩৯ ॥
মূর্ধ্নি বদ্ধাঞ্জলিপুটা আসীনং তীব্রতেজসম্ ।
ঈডিরে নরশার্দুলং নাতিদূরচরাঃ পৃথক্ ॥ ৩৯ ॥
শ্রীব্রহ্মোবাচ
নতোঽস্ম্যনন্তায দুরন্তশক্তযে
বিচিত্রবীর্যায পবিত্রকর্মণে ।
বিশ্বস্য সর্গস্থিতিসংযমান্ গুণৈঃ
স্বলীলযা সন্দধতেঽব্যযাত্মনে ॥ ৪০ ॥
নতোঽস্ম্যনন্তায দুরন্তশক্তযে
বিচিত্রবীর্যায পবিত্রকর্মণে ।
বিশ্বস্য সর্গস্থিতিসংযমান্ গুণৈঃ
স্বলীলযা সন্দধতেঽব্যযাত্মনে ॥ ৪০ ॥
শ্রীরুদ্র উবাচ
কোপকালো যুগান্তস্তে হতোঽযমসুরোঽল্পকঃ ।
তত্সুতং পাহ্যুপসৃতং ভক্তং তে ভক্তবত্সল ॥ ৪১ ॥
কোপকালো যুগান্তস্তে হতোঽযমসুরোঽল্পকঃ ।
তত্সুতং পাহ্যুপসৃতং ভক্তং তে ভক্তবত্সল ॥ ৪১ ॥
শ্রীইন্দ্র উবাচ
প্রত্যানীতাঃ পরম ভবতা ত্রাযতা নঃ স্বভাগা
দৈত্যাক্রান্তং হৃদযকমলং তদ্গৃহং প্রত্যবোধি ।
কালগ্রস্তং কিযদিদমহো নাথ শুশ্রূষতাং তে
মুক্তিস্তেষাং ন হি বহুমতা নারসিংহাপরৈঃ কিম্ ॥ ৪২ ॥
প্রত্যানীতাঃ পরম ভবতা ত্রাযতা নঃ স্বভাগা
দৈত্যাক্রান্তং হৃদযকমলং তদ্গৃহং প্রত্যবোধি ।
কালগ্রস্তং কিযদিদমহো নাথ শুশ্রূষতাং তে
মুক্তিস্তেষাং ন হি বহুমতা নারসিংহাপরৈঃ কিম্ ॥ ৪২ ॥
শ্রীঋষয ঊচুঃ
ত্বং নস্তপঃ পরমমাত্থ যদাত্মতেজো
যেনেদমাদিপুরুষাত্মগতং সসর্ক্থ ।
তদ্বিপ্রলুপ্তমমুনাদ্য শরণ্যপাল
রক্ষাগৃহীতবপুষা পুনরন্বমংস্থাঃ ॥ ৪৩ ॥
ত্বং নস্তপঃ পরমমাত্থ যদাত্মতেজো
যেনেদমাদিপুরুষাত্মগতং সসর্ক্থ ।
তদ্বিপ্রলুপ্তমমুনাদ্য শরণ্যপাল
রক্ষাগৃহীতবপুষা পুনরন্বমংস্থাঃ ॥ ৪৩ ॥
শ্রীপিতর ঊচুঃ
শ্রাদ্ধানি নোঽধিবুভুজে প্রসভং তনূজৈ-
র্দত্তানি তীর্থসমযেঽপ্যপিবত্তিলাম্বু ।
তস্যোদরান্নখবিদীর্ণবপাদ্য আর্চ্ছত্
তস্মৈ নমো নৃহরযেঽখিলধর্মগোপ্ত্রে ॥ ৪৪ ॥
শ্রাদ্ধানি নোঽধিবুভুজে প্রসভং তনূজৈ-
র্দত্তানি তীর্থসমযেঽপ্যপিবত্তিলাম্বু ।
তস্যোদরান্নখবিদীর্ণবপাদ্য আর্চ্ছত্
তস্মৈ নমো নৃহরযেঽখিলধর্মগোপ্ত্রে ॥ ৪৪ ॥
শ্রীসিদ্ধা ঊচুঃ
যো নো গতিং যোগসিদ্ধামসাধু-
রহার্ষীদ্ যোগতপোবলেন ।
নানা দর্পং তং নখৈর্বিদদার
তস্মৈ তুভ্যং প্রণতাঃ স্মো নৃসিংহ ॥ ৪৫ ॥
যো নো গতিং যোগসিদ্ধামসাধু-
রহার্ষীদ্ যোগতপোবলেন ।
নানা দর্পং তং নখৈর্বিদদার
তস্মৈ তুভ্যং প্রণতাঃ স্মো নৃসিংহ ॥ ৪৫ ॥
শ্রীবিদ্যাধরা ঊচুঃ
বিদ্যাং পৃথগ্ধারণযানুরাদ্ধাং
ন্যষেধদজ্ঞো বলবীর্যদৃপ্তঃ ।
স যেন সঙ্খ্যে পশুবদ্ধতস্তং
মাযানৃসিংহং প্রণতাঃ স্ম নিত্যম্ ॥ ৪৬ ॥
বিদ্যাং পৃথগ্ধারণযানুরাদ্ধাং
ন্যষেধদজ্ঞো বলবীর্যদৃপ্তঃ ।
স যেন সঙ্খ্যে পশুবদ্ধতস্তং
মাযানৃসিংহং প্রণতাঃ স্ম নিত্যম্ ॥ ৪৬ ॥
শ্রীনাগা ঊচুঃ
যেন পাপেন রত্নানি স্ত্রীরত্নানি হৃতানি নঃ ।
তদ্বক্ষঃপাটনেনাসাং দত্তানন্দ নমোঽস্তু তে ॥ ৪৭ ॥
যেন পাপেন রত্নানি স্ত্রীরত্নানি হৃতানি নঃ ।
তদ্বক্ষঃপাটনেনাসাং দত্তানন্দ নমোঽস্তু তে ॥ ৪৭ ॥
শ্রীমনব ঊচুঃ
মনবো বযং তব নিদেশকারিণো
দিতিজেন দেব পরিভূতসেতবঃ ।
ভবতা খলঃ স উপসংহৃতঃ প্রভো
করবাম তে কিমনুশাধি কিঙ্করান্ ॥ ৪৮ ॥
মনবো বযং তব নিদেশকারিণো
দিতিজেন দেব পরিভূতসেতবঃ ।
ভবতা খলঃ স উপসংহৃতঃ প্রভো
করবাম তে কিমনুশাধি কিঙ্করান্ ॥ ৪৮ ॥
শ্রীপ্রজাপতয ঊচুঃ
প্রজেশা বযং তে পরেশাভিসৃষ্টা
ন যেন প্রজা বৈ সৃজামো নিষিদ্ধাঃ ।
স এষ ত্বযা ভিন্নবক্ষা নু শেতে
জগন্মঙ্গলং সত্ত্বমূর্তেঽবতারঃ ॥ ৪৯ ॥
প্রজেশা বযং তে পরেশাভিসৃষ্টা
ন যেন প্রজা বৈ সৃজামো নিষিদ্ধাঃ ।
স এষ ত্বযা ভিন্নবক্ষা নু শেতে
জগন্মঙ্গলং সত্ত্বমূর্তেঽবতারঃ ॥ ৪৯ ॥
শ্রীগন্ধর্বা ঊচুঃ
বযং বিভো তে নটনাট্যগাযকা
যেনাত্মসাদ্বীর্যবলৌজসা কৃতাঃ ।
স এষ নীতো ভবতা দশামিমাং
কিমুত্পথস্থঃ কুশলায কল্পতে ॥ ৫০ ॥
বযং বিভো তে নটনাট্যগাযকা
যেনাত্মসাদ্বীর্যবলৌজসা কৃতাঃ ।
স এষ নীতো ভবতা দশামিমাং
কিমুত্পথস্থঃ কুশলায কল্পতে ॥ ৫০ ॥
শ্রীচারণা ঊচুঃ
হরে তবাঙ্ঘ্রিপঙ্কজং ভবাপবর্গমাশ্রিতাঃ ।
যদেষ সাধুহৃচ্ছযস্ত্বযাসুরঃ সমাপিতঃ ॥ ৫১ ॥
হরে তবাঙ্ঘ্রিপঙ্কজং ভবাপবর্গমাশ্রিতাঃ ।
যদেষ সাধুহৃচ্ছযস্ত্বযাসুরঃ সমাপিতঃ ॥ ৫১ ॥
শ্রীযক্ষা ঊচুঃ
বযমনুচরমুখ্যাঃ কর্মভিস্তে মনোজ্ঞৈ-
স্ত ইহ দিতিসুতেন প্রাপিতা বাহকত্বম্ ।
স তু জনপরিতাপং তত্কৃতং জানতা তে
নরহর উপনীতঃ পঞ্চতাং পঞ্চবিংশ ॥ ৫২ ॥
বযমনুচরমুখ্যাঃ কর্মভিস্তে মনোজ্ঞৈ-
স্ত ইহ দিতিসুতেন প্রাপিতা বাহকত্বম্ ।
স তু জনপরিতাপং তত্কৃতং জানতা তে
নরহর উপনীতঃ পঞ্চতাং পঞ্চবিংশ ॥ ৫২ ॥
শ্রীকিম্পুরুষা ঊচুঃ
বযং কিম্পুরুষাস্ত্বং তু মহাপুরুষ ঈশ্বরঃ ।
অযং কুপুরুষো নষ্টো ধিক্কৃতঃ সাধুভির্যদা ॥ ৫৩ ॥
বযং কিম্পুরুষাস্ত্বং তু মহাপুরুষ ঈশ্বরঃ ।
অযং কুপুরুষো নষ্টো ধিক্কৃতঃ সাধুভির্যদা ॥ ৫৩ ॥
শ্রীবৈতালিকা ঊচুঃ
সভাসু সত্রেষু তবামলং যশো
গীত্বা সপর্যাং মহতীং লভামহে ।
যস্তামনৈষীদ্ বশমেষ দুর্জনো
দ্বিষ্টযা হতস্তে ভগবন্যথামযঃ ॥ ৫৪ ॥
সভাসু সত্রেষু তবামলং যশো
গীত্বা সপর্যাং মহতীং লভামহে ।
যস্তামনৈষীদ্ বশমেষ দুর্জনো
দ্বিষ্টযা হতস্তে ভগবন্যথামযঃ ॥ ৫৪ ॥
শ্রীকিন্নরা ঊচুঃ
বযমীশ কিন্নরগণাস্তবানুগা
দিতিজেন বিষ্টিমমুনানুকারিতাঃ ।
ভবতা হরে স বৃজিনোঽবসাদিতো
নরসিংহ নাথ বিভবায নো ভব ॥ ৫৫ ॥
বযমীশ কিন্নরগণাস্তবানুগা
দিতিজেন বিষ্টিমমুনানুকারিতাঃ ।
ভবতা হরে স বৃজিনোঽবসাদিতো
নরসিংহ নাথ বিভবায নো ভব ॥ ৫৫ ॥
শ্রীবিষ্ণুপার্ষদা ঊচুঃ
অদ্যৈতদ্ধরিনররূপমদ্ভুতং তে
দৃষ্টং নঃ শরণদ সর্বলোকশর্ম ।
সোঽযং তে বিধিকর ঈশ বিপ্রশপ্ত-
স্তস্যেদং নিধনমনুগ্রহায বিদ্মঃ ॥ ৫৬ ॥
অদ্যৈতদ্ধরিনররূপমদ্ভুতং তে
দৃষ্টং নঃ শরণদ সর্বলোকশর্ম ।
সোঽযং তে বিধিকর ঈশ বিপ্রশপ্ত-
স্তস্যেদং নিধনমনুগ্রহায বিদ্মঃ ॥ ৫৬ ॥