ஶ்ரீமத்பாகவதம் ௮.௩

ஶ்ரீபாதராயணிருவாச
ஏவம் வ்யவஸிதோ புத்த்யா ஸமாதாய மநோ ஹ்ரு'தி ।
ஜஜாப பரமம் ஜாப்யம் ப்ராக்ஜந்மந்யநுஶிக்ஷிதம் ॥ ௧ ॥

ஶ்ரீகஜேந்த்ர உவாச
ௐ நமோ பகவதே தஸ்மை யத ஏதச்சிதாத்மகம் ।
புருஷாயாதிபீஜாய பரேஶாயாபிதீமஹி ॥ ௨ ॥

யஸ்மிந்நிதம் யதஶ்சேதம் யேநேதம் ய இதம் ஸ்வயம் ।
யோ'ஸ்மாத் பரஸ்மாச்ச பரஸ்தம் ப்ரபத்யே ஸ்வயம்புவம் ॥ ௩ ॥

யஃ ஸ்வாத்மநீதம் நிஜமாயயார்பிதம்
க்வசித் விபாதம் க்வ ச தத் திரோஹிதம் ।
அவித்தத்ரு'க் ஸாக்ஷ்யுபயம் ததீக்ஷதே
ஸ ஆத்மமூலோ'வது மாம் பராத்பரஃ ॥ ௪ ॥

காலேந பஞ்சத்வமிதேஷு க்ரு'த்ஸ்நஶோ
லோகேஷு பாலேஷு ச ஸர்வஹேதுஷு ।
தமஸ்ததாஸீத் கஹநம் கபீரம்
யஸ்தஸ்ய பாரே'பிவிராஜதே விபுஃ ॥ ௫ ॥

ந யஸ்ய தேவா ரு'ஷயஃ பதம் விது-
ர்ஜந்துஃ புநஃ கோ'ர்ஹதி கந்துமீரிதும் ।
யதா நடஸ்யாக்ரு'திபிர்விசேஷ்டதோ
துரத்யயாநுக்ரமணஃ ஸ மாவது ॥ ௬ ॥

தித்ரு'க்ஷவோ யஸ்ய பதம் ஸுமங்கலம்
விமுக்தஸங்கா முநயஃ ஸுஸாதவஃ ।
சரந்த்யலோகவ்ரதமவ்ரணம் வநே
பூதாத்மபூதாஃ ஸுஹ்ரு'தஃ ஸ மே கதிஃ ॥ ௭ ॥

ந வித்யதே யஸ்ய ச ஜந்ம கர்ம வா
ந நாமரூபே குணதோஷ ஏவ வா ।
ததாபி லோகாப்யயஸம்பவாய யஃ
ஸ்வமாயயா தாந்யநுகாலம்ரு'ச்சதி ॥ ௮ ॥

தஸ்மை நமஃ பரேஶாய ப்ரஹ்மணே'நந்தஶக்தயே ।
அரூபாயோருரூபாய நம ஆஶ்சர்யகர்மணே ॥ ௯ ॥

நம ஆத்மப்ரதீபாய ஸாக்ஷிணே பரமாத்மநே ।
நமோ கிராம் விதூராய மநஸஶ்சேதஸாமபி ॥ ௧௦ ॥

ஸத்த்வேந ப்ரதிலப்யாய நைஷ்கர்ம்யேண விபஶ்சிதா ।
நமஃ கைவல்யநாதாய நிர்வாணஸுகஸம்விதே ॥ ௧௧ ॥

நமஃ ஶாந்தாய கோராய மூடாய குணதர்மிணே ।
நிர்விஶேஷாய ஸாம்யாய நமோ ஜ்ஞாநகநாய ச ॥ ௧௨ ॥

க்ஷேத்ரஜ்ஞாய நமஸ்துப்யம் ஸர்வாத்யக்ஷாய ஸாக்ஷிணே ।
புருஷாயாத்மமூலாய மூலப்ரக்ரு'தயே நமஃ ॥ ௧௩ ॥

ஸர்வேந்த்ரியகுணத்ரஷ்ட்ரே ஸர்வப்ரத்யயஹேதவே ।
அஸதாச்சாயயோக்தாய ஸதாபாஸாய தே நமஃ ॥ ௧௪ ॥

நமோ நமஸ்தே'கிலகாரணாய
நிஷ்காரணாயாத்புதகாரணாய ।
ஸர்வாகமாம்நாயமஹார்ணவாய
நமோ'பவர்காய பராயணாய ॥ ௧௫ ॥

குணாரணிச்சந்நசிதுஷ்மபாய
தத்க்ஷோபவிஸ்பூர்ஜிதமாநஸாய ।
நைஷ்கர்ம்யபாவேந விவர்ஜிதாகம-
ஸ்வயம்ப்ரகாஶாய நமஸ்கரோமி ॥ ௧௬ ॥

மாத்ரு'க்ப்ரபந்நபஶுபாஶவிமோக்ஷணாய
முக்தாய பூரிகருணாய நமோ'லயாய ।
ஸ்வாம்ஶேந ஸர்வதநுப்ரு'ந்மநஸி ப்ரதீத-
ப்ரத்யக்த்ரு'ஶே பகவதே ப்ரு'ஹதே நமஸ்தே ॥ ௧௭ ॥

ஆத்மாத்மஜாப்தக்ரு'ஹவித்தஜநேஷு ஸக்தை-
ர்துஷ்ப்ராபணாய குணஸங்கவிவர்ஜிதாய ।
முக்தாத்மபிஃ ஸ்வஹ்ரு'தயே பரிபாவிதாய
ஜ்ஞாநாத்மநே பகவதே நம ஈஶ்வராய ॥ ௧௮ ॥

யம் தர்மகாமார்தவிமுக்திகாமா
பஜந்த இஷ்டாம் கதிமாப்நுவந்தி ।
கிம் சாஶிஷோ ராத்யபி தேஹமவ்யயம்
கரோது மே'தப்ரதயோ விமோக்ஷணம் ॥ ௧௯ ॥

ஏகாந்திநோ யஸ்ய ந கஞ்சநார்தம்
வாஞ்சந்தி யே வை பகவத்ப்ரபந்நாஃ ।
அத்யத்புதம் தச்சரிதம் ஸுமங்கலம்
காயந்த ஆநந்தஸமுத்ரமக்நாஃ ॥ ௨௦ ॥

தமக்ஷரம் ப்ரஹ்ம பரம் பரேஶ-
மவ்யக்தமாத்யாத்மிகயோககம்யம் ।
அதீந்த்ரியம் ஸூக்ஷ்மமிவாதிதூர-
மநந்தமாத்யம் பரிபூர்ணமீடே ॥ ௨௧ ॥

யஸ்ய ப்ரஹ்மாதயோ தேவா வேதா லோகாஶ்சராசராஃ ।
நாமரூபவிபேதேந பல்க்வ்யா ச கலயா க்ரு'தாஃ ॥ ௨௨ ॥

யதார்சிஷோ'க்நேஃ ஸவிதுர்கபஸ்தயோ
நிர்யாந்தி ஸம்யாந்த்யஸக்ரு'த் ஸ்வரோசிஷஃ ।
ததா யதோ'யம் குணஸம்ப்ரவாஹோ
புத்திர்மநஃ காநி ஶரீரஸர்காஃ ॥ ௨௩ ॥

ஸ வை ந தேவாஸுரமர்த்யதிர்யங்
ந ஸ்த்ரீ ந ஷண்டோ ந புமாந் ந ஜந்துஃ ।
நாயம் குணஃ கர்ம ந ஸந்ந சாஸந்
நிஷேதஶேஷோ ஜயதாதஶேஷஃ ॥ ௨௪ ॥

ஜிஜீவிஷே நாஹமிஹாமுயா கி-
மந்தர்பஹிஶ்சாவ்ரு'தயேபயோந்யா ।
இச்சாமி காலேந ந யஸ்ய விப்லவ-
ஸ்தஸ்யாத்மலோகாவரணஸ்ய மோக்ஷம் ॥ ௨௫ ॥

ஸோ'ஹம் விஶ்வஸ்ரு'ஜம் விஶ்வமவிஶ்வம் விஶ்வவேதஸம் ।
விஶ்வாத்மாநமஜம் ப்ரஹ்ம ப்ரணதோ'ஸ்மி பரம் பதம் ॥ ௨௬ ॥

யோகரந்திதகர்மாணோ ஹ்ரு'தி யோகவிபாவிதே ।
யோகிநோ யம் ப்ரபஶ்யந்தி யோகேஶம் தம் நதோ'ஸ்ம்யஹம் ॥ ௨௭ ॥

நமோ நமஸ்துப்யமஸஹ்யவேக-
ஶக்தித்ரயாயாகிலதீகுணாய ।
ப்ரபந்நபாலாய துரந்தஶக்தயே
கதிந்த்ரியாணாமநவாப்யவர்த்மநே ॥ ௨௮ ॥

நாயம் வேத ஸ்வமாத்மாநம் யச்சக்த்யாஹம்தியா ஹதம் ।
தம் துரத்யயமாஹாத்ம்யம் பகவந்தமிதோ'ஸ்ம்யஹம் ॥ ௨௯ ॥

ஶ்ரீஶுக உவாச
ஏவம் கஜேந்த்ரமுபவர்ணிதநிர்விஶேஷம்
ப்ரஹ்மாதயோ விவிதலிங்கபிதாபிமாநாஃ ।
நைதே யதோபஸஸ்ரு'புர்நிகிலாத்மகத்வாத்
தத்ராகிலாமரமயோ ஹரிராவிராஸீத் ॥ ௩௦ ॥

தம் தத்வதார்தமுபலப்ய ஜகந்நிவாஸஃ
ஸ்தோத்ரம் நிஶம்ய திவிஜைஃ ஸஹ ஸம்ஸ்துவத்பிஃ ।
சந்தோமயேந கருடேந ஸமுஹ்யமாந-
ஶ்சக்ராயுதோ'ப்யகமதாஶு யதோ கஜேந்த்ரஃ ॥ ௩௧ ॥

ஸோ'ந்தஃஸரஸ்யுருபலேந க்ரு'ஹீத ஆர்தோ
த்ரு'ஷ்ட்வா கருத்மதி ஹரிம் க உபாத்தசக்ரம் ।
உத்க்ஷிப்ய ஸாம்புஜகரம் கிரமாஹ க்ரு'ச்ச்ரா-
ந்நாராயணாகிலகுரோ பகவந் நமஸ்தே ॥ ௩௨ ॥

தம் வீக்ஷ்ய பீடிதமஜஃ ஸஹஸாவதீர்ய
ஸக்ராஹமாஶு ஸரஸஃ க்ரு'பயோஜ்ஜஹார ।
க்ராஹாத் விபாடிதமுகாதரிணா கஜேந்த்ரம்
ஸம்பஶ்யதாம் ஹரிரமூமுசதுச்ச்ரியாணாம் ॥ ௩௩ ॥