শ্রীবাদরাযণিরুবাচ
ঐলস্য চোর্বশীগর্ভাত্ ষডাসন্নাত্মজা নৃপ ।
আযুঃ শ্রুতাযুঃ সত্যাযূ রযোঽথ বিজযো জযঃ ॥ ১ ॥
ঐলস্য চোর্বশীগর্ভাত্ ষডাসন্নাত্মজা নৃপ ।
আযুঃ শ্রুতাযুঃ সত্যাযূ রযোঽথ বিজযো জযঃ ॥ ১ ॥
শ্রুতাযোর্বসুমান্ পুত্রঃ সত্যাযোশ্চ শ্রুতঞ্জযঃ ।
রযস্য সুত একশ্চ জযস্য তনযোঽমিতঃ ॥ ২ ॥
রযস্য সুত একশ্চ জযস্য তনযোঽমিতঃ ॥ ২ ॥
ভীমস্তু বিজযস্যাথ কাঞ্চনো হোত্রকস্ততঃ ।
তস্য জহ্নুঃ সুতো গঙ্গাং গণ্ডূষীকৃত্য যোঽপিবত্ ॥ ৩ ॥
তস্য জহ্নুঃ সুতো গঙ্গাং গণ্ডূষীকৃত্য যোঽপিবত্ ॥ ৩ ॥
জহ্নোস্তু পুরুস্তস্যাথ বলাকশ্চাত্মজোঽজকঃ ।
ততঃ কুশঃ কুশস্যাপি কুশাম্বুস্তনযো বসুঃ ।
কুশনাভশ্চ চত্বারো গাধিরাসীত্ কুশাম্বুজঃ ॥ ৪ ॥
ততঃ কুশঃ কুশস্যাপি কুশাম্বুস্তনযো বসুঃ ।
কুশনাভশ্চ চত্বারো গাধিরাসীত্ কুশাম্বুজঃ ॥ ৪ ॥
তস্য সত্যবতীং কন্যামৃচীকোঽযাচত দ্বিজঃ ।
বরং বিসদৃশং মত্বা গাধির্ভার্গবমব্রবীত্ ॥ ৫ ॥
বরং বিসদৃশং মত্বা গাধির্ভার্গবমব্রবীত্ ॥ ৫ ॥
একতঃ শ্যামকর্ণানাং হযানাং চন্দ্রবর্চসাম্ ।
সহস্রং দীযতাং শুল্কং কন্যাযাঃ কুশিকা বযম্ ॥ ৬ ॥
সহস্রং দীযতাং শুল্কং কন্যাযাঃ কুশিকা বযম্ ॥ ৬ ॥
ইত্যুক্তস্তন্মতং জ্ঞাত্বা গতঃ স বরুণান্তিকম্ ।
আনীয দত্ত্বা তানশ্বানুপযেমে বরাননাম্ ॥ ৭ ॥
আনীয দত্ত্বা তানশ্বানুপযেমে বরাননাম্ ॥ ৭ ॥
স ঋষিঃ প্রার্থিতঃ পত্ন্যা শ্বশ্র্বা চাপত্যকাম্যযা ।
শ্রপযিত্বোভযৈর্মন্ত্রৈশ্চরুং স্নাতুং গতো মুনিঃ ॥ ৮ ॥
শ্রপযিত্বোভযৈর্মন্ত্রৈশ্চরুং স্নাতুং গতো মুনিঃ ॥ ৮ ॥
তাবত্ সত্যবতী মাত্রা স্বচরুং যাচিতা সতী ।
শ্রেষ্ঠং মত্বা তযাযচ্ছন্মাত্রে মাতুরদত্ স্বযম্ ॥ ৯ ॥
শ্রেষ্ঠং মত্বা তযাযচ্ছন্মাত্রে মাতুরদত্ স্বযম্ ॥ ৯ ॥
তদ্ বিদিত্বা মুনিঃ প্রাহ পত্নীং কষ্টমকারষীঃ ।
ঘোরো দণ্ডধরঃ পুত্রো ভ্রাতা তে ব্রহ্মবিত্তমঃ ॥ ১০ ॥
ঘোরো দণ্ডধরঃ পুত্রো ভ্রাতা তে ব্রহ্মবিত্তমঃ ॥ ১০ ॥
প্রসাদিতঃ সত্যবত্যা মৈবং ভূরিতি ভার্গবঃ ।
অথ তর্হি ভবেত্ পৌত্রো জমদগ্নিস্ততোঽভবত্ ॥ ১১ ॥
অথ তর্হি ভবেত্ পৌত্রো জমদগ্নিস্ততোঽভবত্ ॥ ১১ ॥
সা চাভূত্ সুমহত্পুণ্যা কৌশিকী লোকপাবনী ।
রেণোঃ সুতাং রেণুকাং বৈ জমদগ্নিরুবাহ যাম্ ॥ ১২ ॥
রেণোঃ সুতাং রেণুকাং বৈ জমদগ্নিরুবাহ যাম্ ॥ ১২ ॥
তস্যাং বৈ ভার্গবঋষেঃ সুতা বসুমদাদযঃ ।
যবীযাঞ্জজ্ঞ এতেষাং রাম ইত্যভিবিশ্রুতঃ ॥ ১৩ ॥
যবীযাঞ্জজ্ঞ এতেষাং রাম ইত্যভিবিশ্রুতঃ ॥ ১৩ ॥
যমাহুর্বাসুদেবাংশং হৈহযানাং কুলান্তকম্ ।
ত্রিঃসপ্তকৃত্বো য ইমাং চক্রে নিঃক্ষত্রিযাং মহীম্ ॥ ১৪ ॥
ত্রিঃসপ্তকৃত্বো য ইমাং চক্রে নিঃক্ষত্রিযাং মহীম্ ॥ ১৪ ॥
দৃপ্তং ক্ষত্রং ভুবো ভারমব্রহ্মণ্যমনীনশত্ ।
রজস্তমোবৃতমহন্ ফল্গুন্যপি কৃতেহসি ॥ ১৫ ॥
রজস্তমোবৃতমহন্ ফল্গুন্যপি কৃতেহসি ॥ ১৫ ॥
শ্রীরাজোবাচ
কিং তদংহো ভগবতো রাজন্যৈরজিতাত্মভিঃ ।
কৃতং যেন কুলং নষ্টং ক্ষত্রিযাণামভীক্ষ্ণশঃ ॥ ১৬ ॥
কিং তদংহো ভগবতো রাজন্যৈরজিতাত্মভিঃ ।
কৃতং যেন কুলং নষ্টং ক্ষত্রিযাণামভীক্ষ্ণশঃ ॥ ১৬ ॥
শ্রীবাদরাযণিরুবাচ
হৈহযানামধিপতিরর্জুনঃ ক্ষত্রিযর্ষভঃ ।
দত্তং নারাযণাংশাংশমারাধ্য পরিকর্মভিঃ ॥ ১৭ ॥
হৈহযানামধিপতিরর্জুনঃ ক্ষত্রিযর্ষভঃ ।
দত্তং নারাযণাংশাংশমারাধ্য পরিকর্মভিঃ ॥ ১৭ ॥
বাহূন্ দশশতং লেভে দুর্ধর্ষত্বমরাতিষু ।
অব্যাহতেন্দ্রিযৌজঃশ্রীতেজোবীর্যযশোবলম্ ॥ ১৮ ॥
অব্যাহতেন্দ্রিযৌজঃশ্রীতেজোবীর্যযশোবলম্ ॥ ১৮ ॥
যোগেশ্বরত্বমৈশ্বর্যং গুণা যত্রাণিমাদযঃ ।
চচারাব্যাহতগতির্লোকেষু পবনো যথা ॥ ১৯ ॥
চচারাব্যাহতগতির্লোকেষু পবনো যথা ॥ ১৯ ॥
স্ত্রীরত্নৈরাবৃতঃ ক্রীডন্ রেবাম্ভসি মদোত্কটঃ ।
বৈজযন্তীং স্রজং বিভ্রদ্ রুরোধ সরিতং ভুজৈঃ ॥ ২০ ॥
বৈজযন্তীং স্রজং বিভ্রদ্ রুরোধ সরিতং ভুজৈঃ ॥ ২০ ॥
বিপ্লাবিতং স্বশিবিরং প্রতিস্রোতঃসরিজ্জলৈঃ ।
নামৃষ্যত্ তস্য তদ্ বীর্যং বীরমানী দশাননঃ ॥ ২১ ॥
নামৃষ্যত্ তস্য তদ্ বীর্যং বীরমানী দশাননঃ ॥ ২১ ॥
গৃহীতো লীলযা স্ত্রীণাং সমক্ষং কৃতকিল্বিষঃ ।
মাহিষ্মত্যাং সন্নিরুদ্ধো মুক্তো যেন কপির্যথা ॥ ২২ ॥
মাহিষ্মত্যাং সন্নিরুদ্ধো মুক্তো যেন কপির্যথা ॥ ২২ ॥
স একদা তু মৃগযাং বিচরন্ বিজনে বনে ।
যদৃচ্ছযাশ্রমপদং জমদগ্নেরুপাবিশত্ ॥ ২৩ ॥
যদৃচ্ছযাশ্রমপদং জমদগ্নেরুপাবিশত্ ॥ ২৩ ॥
তস্মৈ স নরদেবায মুনিরর্হণমাহরত্ ।
সসৈন্যামাত্যবাহায হবিষ্মত্যা তপোধনঃ ॥ ২৪ ॥
সসৈন্যামাত্যবাহায হবিষ্মত্যা তপোধনঃ ॥ ২৪ ॥
স বৈ রত্নং তু তদ্ দৃষ্ট্বা আত্মৈশ্বর্যাতিশাযনম্ ।
তন্নাদ্রিযতাগ্নিহোত্র্যাং সাভিলাষঃ সহৈহযঃ ॥ ২৫ ॥
তন্নাদ্রিযতাগ্নিহোত্র্যাং সাভিলাষঃ সহৈহযঃ ॥ ২৫ ॥
হবির্ধানীমৃষের্দর্পান্নরান্ হর্তুমচোদযত্ ।
তে চ মাহিষ্মতীং নিন্যুঃ সবত্সাং ক্রন্দতীং বলাত্ ॥ ২৬ ॥
তে চ মাহিষ্মতীং নিন্যুঃ সবত্সাং ক্রন্দতীং বলাত্ ॥ ২৬ ॥
অথ রাজনি নির্যাতে রাম আশ্রম আগতঃ ।
শ্রুত্বা তত্ তস্য দৌরাত্ম্যং চুক্রোধাহিরিবাহতঃ ॥ ২৭ ॥
শ্রুত্বা তত্ তস্য দৌরাত্ম্যং চুক্রোধাহিরিবাহতঃ ॥ ২৭ ॥
ঘোরমাদায পরশুং সতূণং বর্ম কার্মুকম্ ।
অন্বধাবত দুর্মর্ষো মৃগেন্দ্র ইব যূথপম্ ॥ ২৮ ॥
অন্বধাবত দুর্মর্ষো মৃগেন্দ্র ইব যূথপম্ ॥ ২৮ ॥
তমাপতন্তং ভৃগুবর্যমোজসা
ধনুর্ধরং বাণপরশ্বধাযুধম্ ।
ঐণেযচর্মাম্বরমর্কধামভি-
র্যুতং জটাভির্দদৃশে পুরীং বিশন্ ॥ ২৯ ॥
ধনুর্ধরং বাণপরশ্বধাযুধম্ ।
ঐণেযচর্মাম্বরমর্কধামভি-
র্যুতং জটাভির্দদৃশে পুরীং বিশন্ ॥ ২৯ ॥
অচোদযদ্ধস্তিরথাশ্বপত্তিভি-
র্গদাসিবাণর্ষ্টিশতঘ্নিশক্তিভিঃ ।
অক্ষৌহিণীঃ সপ্তদশাতিভীষণা-
স্তা রাম একো ভগবানসূদযত্ ॥ ৩০ ॥
র্গদাসিবাণর্ষ্টিশতঘ্নিশক্তিভিঃ ।
অক্ষৌহিণীঃ সপ্তদশাতিভীষণা-
স্তা রাম একো ভগবানসূদযত্ ॥ ৩০ ॥
যতো যতোঽসৌ প্রহরত্পরশ্বধো
মনোঽনিলৌজাঃ পরচক্রসূদনঃ ।
ততস্ততশ্ছিন্নভুজোরুকন্ধরা
নিপেতুরুর্ব্যাং হতসূতবাহনাঃ ॥ ৩১ ॥
মনোঽনিলৌজাঃ পরচক্রসূদনঃ ।
ততস্ততশ্ছিন্নভুজোরুকন্ধরা
নিপেতুরুর্ব্যাং হতসূতবাহনাঃ ॥ ৩১ ॥
দৃষ্ট্বা স্বসৈন্যং রুধিরৌঘকর্দমে
রণাজিরে রামকুঠারসাযকৈঃ ।
বিবৃক্ণবর্মধ্বজচাপবিগ্রহং
নিপাতিতং হৈহয আপতদ্ রুষা ॥ ৩২ ॥
রণাজিরে রামকুঠারসাযকৈঃ ।
বিবৃক্ণবর্মধ্বজচাপবিগ্রহং
নিপাতিতং হৈহয আপতদ্ রুষা ॥ ৩২ ॥
অথার্জুনঃ পঞ্চশতেষু বাহুভি-
র্ধনুঃষু বাণান্ যুগপত্ স সন্দধে ।
রামায রামোঽস্ত্রভৃতাং সমগ্রণী-
স্তান্যেকধন্বেষুভিরাচ্ছিনত্ সমম্ ॥ ৩৩ ॥
র্ধনুঃষু বাণান্ যুগপত্ স সন্দধে ।
রামায রামোঽস্ত্রভৃতাং সমগ্রণী-
স্তান্যেকধন্বেষুভিরাচ্ছিনত্ সমম্ ॥ ৩৩ ॥
পুনঃ স্বহস্তৈরচলান্ মৃধেঽঙ্ঘ্রিপা-
নুত্ক্ষিপ্য বেগাদভিধাবতো যুধি ।
ভুজান্ কুঠারেণ কঠোরনেমিনা
চিচ্ছেদ রামঃ প্রসভং ত্বহেরিব ॥ ৩৪ ॥
নুত্ক্ষিপ্য বেগাদভিধাবতো যুধি ।
ভুজান্ কুঠারেণ কঠোরনেমিনা
চিচ্ছেদ রামঃ প্রসভং ত্বহেরিব ॥ ৩৪ ॥
কৃত্তবাহোঃ শিরস্তস্য গিরেঃ শৃঙ্গমিবাহরত্ ।
হতে পিতরি তত্পুত্রা অযুতং দুদ্রুবুর্ভযাত্ ॥ ৩৫ ॥
হতে পিতরি তত্পুত্রা অযুতং দুদ্রুবুর্ভযাত্ ॥ ৩৫ ॥
অগ্নিহোত্রীমুপাবর্ত্য সবত্সাং পরবীরহা ।
সমুপেত্যাশ্রমং পিত্রে পরিক্লিষ্টাং সমর্পযত্ ॥ ৩৬ ॥
সমুপেত্যাশ্রমং পিত্রে পরিক্লিষ্টাং সমর্পযত্ ॥ ৩৬ ॥
স্বকর্ম তত্কৃতং রামঃ পিত্রে ভ্রাতৃভ্য এব চ ।
বর্ণযামাস তচ্ছ্রুত্বা জমদগ্নিরভাষত ॥ ৩৭ ॥
বর্ণযামাস তচ্ছ্রুত্বা জমদগ্নিরভাষত ॥ ৩৭ ॥
রাম রাম মহাবাহো ভবান্ পাপমকারষীত্ ।
অবধীন্নরদেবং যত্সর্বদেবমযং বৃথা ॥ ৩৮ ॥
অবধীন্নরদেবং যত্সর্বদেবমযং বৃথা ॥ ৩৮ ॥
বযং হি ব্রাহ্মণাস্তাত ক্ষমযার্হণতাং গতাঃ ।
যযা লোকগুরুর্দেবঃ পারমেষ্ঠ্যমগাত্ পদম্ ॥ ৩৯ ॥
যযা লোকগুরুর্দেবঃ পারমেষ্ঠ্যমগাত্ পদম্ ॥ ৩৯ ॥
ক্ষমযা রোচতে লক্ষ্মীর্ব্রাহ্মী সৌরী যথা প্রভা ।
ক্ষমিণামাশু ভগবাংস্তুষ্যতে হরিরীশ্বরঃ ॥ ৪০ ॥
ক্ষমিণামাশু ভগবাংস্তুষ্যতে হরিরীশ্বরঃ ॥ ৪০ ॥
রাজ্ঞো মূর্ধাভিষিক্তস্য বধো ব্রহ্মবধাদ্ গুরুঃ ।
তীর্থসংসেবযা চাংহো জহ্যঙ্গাচ্যুতচেতনঃ ॥ ৪১ ॥
তীর্থসংসেবযা চাংহো জহ্যঙ্গাচ্যুতচেতনঃ ॥ ৪১ ॥