ಶ್ರೀಶುಕ ಉವಾಚ
ಮಾನ್ಧಾತುಃ ಪುತ್ರಪ್ರವರೋ ಯೋಽಮ್ಬರೀಷಃ ಪ್ರಕೀರ್ತಿತಃ ।
ಪಿತಾಮಹೇನ ಪ್ರವೃತೋ ಯೌವನಾಶ್ವಸ್ತು ತತ್ಸುತಃ ।
ಹಾರೀತಸ್ತಸ್ಯ ಪುತ್ರೋಽಭೂನ್ಮಾನ್ಧಾತೃಪ್ರವರಾ ಇಮೇ ॥ ೧ ॥
ಮಾನ್ಧಾತುಃ ಪುತ್ರಪ್ರವರೋ ಯೋಽಮ್ಬರೀಷಃ ಪ್ರಕೀರ್ತಿತಃ ।
ಪಿತಾಮಹೇನ ಪ್ರವೃತೋ ಯೌವನಾಶ್ವಸ್ತು ತತ್ಸುತಃ ।
ಹಾರೀತಸ್ತಸ್ಯ ಪುತ್ರೋಽಭೂನ್ಮಾನ್ಧಾತೃಪ್ರವರಾ ಇಮೇ ॥ ೧ ॥
ನರ್ಮದಾ ಭ್ರಾತೃಭಿರ್ದತ್ತಾ ಪುರುಕುತ್ಸಾಯ ಯೋರಗೈಃ ।
ತಯಾ ರಸಾತಲಂ ನೀತೋ ಭುಜಗೇನ್ದ್ರಪ್ರಯುಕ್ತಯಾ ॥ ೨ ॥
ತಯಾ ರಸಾತಲಂ ನೀತೋ ಭುಜಗೇನ್ದ್ರಪ್ರಯುಕ್ತಯಾ ॥ ೨ ॥
ಗನ್ಧರ್ವಾನವಧೀತ್ ತತ್ರ ವಧ್ಯಾನ್ ವೈ ವಿಷ್ಣುಶಕ್ತಿಧೃಕ್ ।
ನಾಗಾಲ್ಲಬ್ಧವರಃ ಸರ್ಪಾದಭಯಂ ಸ್ಮರತಾಮಿದಮ್ ॥ ೩ ॥
ನಾಗಾಲ್ಲಬ್ಧವರಃ ಸರ್ಪಾದಭಯಂ ಸ್ಮರತಾಮಿದಮ್ ॥ ೩ ॥
ತ್ರಸದ್ದಸ್ಯುಃ ಪೌರುಕುತ್ಸೋ ಯೋಽನರಣ್ಯಸ್ಯ ದೇಹಕೃತ್ ।
ಹರ್ಯಶ್ವಸ್ತತ್ಸುತಸ್ತಸ್ಮಾತ್ಪ್ರಾರುಣೋಽಥ ತ್ರಿಬನ್ಧನಃ ॥ ೪ ॥
ಹರ್ಯಶ್ವಸ್ತತ್ಸುತಸ್ತಸ್ಮಾತ್ಪ್ರಾರುಣೋಽಥ ತ್ರಿಬನ್ಧನಃ ॥ ೪ ॥
ತಸ್ಯ ಸತ್ಯವ್ರತಃ ಪುತ್ರಸ್ತ್ರಿಶಙ್ಕುರಿತಿ ವಿಶ್ರುತಃ ।
ಪ್ರಾಪ್ತಶ್ಚಾಣ್ಡಾಲತಾಂ ಶಾಪಾದ್ ಗುರೋಃ ಕೌಶಿಕತೇಜಸಾ ॥ ೫ ॥
ಪ್ರಾಪ್ತಶ್ಚಾಣ್ಡಾಲತಾಂ ಶಾಪಾದ್ ಗುರೋಃ ಕೌಶಿಕತೇಜಸಾ ॥ ೫ ॥
ಸಶರೀರೋ ಗತಃ ಸ್ವರ್ಗಮದ್ಯಾಪಿ ದಿವಿ ದೃಶ್ಯತೇ ।
ಪಾತಿತೋಽವಾಕ್ ಶಿರಾ ದೇವೈಸ್ತೇನೈವ ಸ್ತಮ್ಭಿತೋ ಬಲಾತ್ ॥ ೬ ॥
ಪಾತಿತೋಽವಾಕ್ ಶಿರಾ ದೇವೈಸ್ತೇನೈವ ಸ್ತಮ್ಭಿತೋ ಬಲಾತ್ ॥ ೬ ॥
ತ್ರೈಶಙ್ಕವೋ ಹರಿಶ್ಚನ್ದ್ರೋ ವಿಶ್ವಾಮಿತ್ರವಸಿಷ್ಠಯೋಃ ।
ಯನ್ನಿಮಿತ್ತಮಭೂದ್ ಯುದ್ಧಂ ಪಕ್ಷಿಣೋರ್ಬಹುವಾರ್ಷಿಕಮ್ ॥ ೭ ॥
ಯನ್ನಿಮಿತ್ತಮಭೂದ್ ಯುದ್ಧಂ ಪಕ್ಷಿಣೋರ್ಬಹುವಾರ್ಷಿಕಮ್ ॥ ೭ ॥
ಸೋಽನಪತ್ಯೋ ವಿಷಣ್ಣಾತ್ಮಾ ನಾರದಸ್ಯೋಪದೇಶತಃ ।
ವರುಣಂ ಶರಣಂ ಯಾತಃ ಪುತ್ರೋ ಮೇ ಜಾಯತಾಂ ಪ್ರಭೋ ॥ ೮ ॥
ವರುಣಂ ಶರಣಂ ಯಾತಃ ಪುತ್ರೋ ಮೇ ಜಾಯತಾಂ ಪ್ರಭೋ ॥ ೮ ॥
ಯದಿ ವೀರೋ ಮಹಾರಾಜ ತೇನೈವ ತ್ವಾಂ ಯಜೇ ಇತಿ ।
ತಥೇತಿ ವರುಣೇನಾಸ್ಯ ಪುತ್ರೋ ಜಾತಸ್ತು ರೋಹಿತಃ ॥ ೯ ॥
ತಥೇತಿ ವರುಣೇನಾಸ್ಯ ಪುತ್ರೋ ಜಾತಸ್ತು ರೋಹಿತಃ ॥ ೯ ॥
ಜಾತಃ ಸುತೋ ಹ್ಯನೇನಾಙ್ಗ ಮಾಂ ಯಜಸ್ವೇತಿ ಸೋಽಬ್ರವೀತ್ ।
ಯದಾ ಪಶುರ್ನಿರ್ದಶಃ ಸ್ಯಾದಥ ಮೇಧ್ಯೋ ಭವೇದಿತಿ ॥ ೧೦ ॥
ಯದಾ ಪಶುರ್ನಿರ್ದಶಃ ಸ್ಯಾದಥ ಮೇಧ್ಯೋ ಭವೇದಿತಿ ॥ ೧೦ ॥
ನಿರ್ದಶೇ ಚ ಸ ಆಗತ್ಯ ಯಜಸ್ವೇತ್ಯಾಹ ಸೋಽಬ್ರವೀತ್ ।
ದನ್ತಾಃ ಪಶೋರ್ಯಜ್ಜಾಯೇರನ್ನಥ ಮೇಧ್ಯೋ ಭವೇದಿತಿ ॥ ೧೧ ॥
ದನ್ತಾಃ ಪಶೋರ್ಯಜ್ಜಾಯೇರನ್ನಥ ಮೇಧ್ಯೋ ಭವೇದಿತಿ ॥ ೧೧ ॥
ದನ್ತಾ ಜಾತಾ ಯಜಸ್ವೇತಿ ಸ ಪ್ರತ್ಯಾಹಾಥ ಸೋಽಬ್ರವೀತ್ ।
ಯದಾ ಪತನ್ತ್ಯಸ್ಯ ದನ್ತಾ ಅಥ ಮೇಧ್ಯೋ ಭವೇದಿತಿ ॥ ೧೨ ॥
ಯದಾ ಪತನ್ತ್ಯಸ್ಯ ದನ್ತಾ ಅಥ ಮೇಧ್ಯೋ ಭವೇದಿತಿ ॥ ೧೨ ॥
ಪಶೋರ್ನಿಪತಿತಾ ದನ್ತಾ ಯಜಸ್ವೇತ್ಯಾಹ ಸೋಽಬ್ರವೀತ್ ।
ಯದಾ ಪಶೋಃ ಪುನರ್ದನ್ತಾ ಜಾಯನ್ತೇಽಥ ಪಶುಃ ಶುಚಿಃ ॥ ೧೩ ॥
ಯದಾ ಪಶೋಃ ಪುನರ್ದನ್ತಾ ಜಾಯನ್ತೇಽಥ ಪಶುಃ ಶುಚಿಃ ॥ ೧೩ ॥
ಪುನರ್ಜಾತಾ ಯಜಸ್ವೇತಿ ಸ ಪ್ರತ್ಯಾಹಾಥ ಸೋಽಬ್ರವೀತ್ ।
ಸಾನ್ನಾಹಿಕೋ ಯದಾ ರಾಜನ್ ರಾಜನ್ಯೋಽಥ ಪಶುಃ ಶುಚಿಃ ॥ ೧೪ ॥
ಸಾನ್ನಾಹಿಕೋ ಯದಾ ರಾಜನ್ ರಾಜನ್ಯೋಽಥ ಪಶುಃ ಶುಚಿಃ ॥ ೧೪ ॥
ಇತಿ ಪುತ್ರಾನುರಾಗೇಣ ಸ್ನೇಹಯನ್ತ್ರಿತಚೇತಸಾ ।
ಕಾಲಂ ವಞ್ಚಯತಾ ತಂ ತಮುಕ್ತೋ ದೇವಸ್ತಮೈಕ್ಷತ ॥ ೧೫ ॥
ಕಾಲಂ ವಞ್ಚಯತಾ ತಂ ತಮುಕ್ತೋ ದೇವಸ್ತಮೈಕ್ಷತ ॥ ೧೫ ॥
ರೋಹಿತಸ್ತದಭಿಜ್ಞಾಯ ಪಿತುಃ ಕರ್ಮ ಚಿಕೀರ್ಷಿತಮ್ ।
ಪ್ರಾಣಪ್ರೇಪ್ಸುರ್ಧನುಷ್ಪಾಣಿರರಣ್ಯಂ ಪ್ರತ್ಯಪದ್ಯತ ॥ ೧೬ ॥
ಪ್ರಾಣಪ್ರೇಪ್ಸುರ್ಧನುಷ್ಪಾಣಿರರಣ್ಯಂ ಪ್ರತ್ಯಪದ್ಯತ ॥ ೧೬ ॥
ಪಿತರಂ ವರುಣಗ್ರಸ್ತಂ ಶ್ರುತ್ವಾ ಜಾತಮಹೋದರಮ್ ।
ರೋಹಿತೋ ಗ್ರಾಮಮೇಯಾಯ ತಮಿನ್ದ್ರಃ ಪ್ರತ್ಯಷೇಧತ ॥ ೧೭ ॥
ರೋಹಿತೋ ಗ್ರಾಮಮೇಯಾಯ ತಮಿನ್ದ್ರಃ ಪ್ರತ್ಯಷೇಧತ ॥ ೧೭ ॥
ಭೂಮೇಃ ಪರ್ಯಟನಂ ಪುಣ್ಯಂ ತೀರ್ಥಕ್ಷೇತ್ರನಿಷೇವಣೈಃ ।
ರೋಹಿತಾಯಾದಿಶಚ್ಛಕ್ರಃ ಸೋಽಪ್ಯರಣ್ಯೇಽವಸತ್ ಸಮಾಮ್ ॥ ೧೮ ॥
ರೋಹಿತಾಯಾದಿಶಚ್ಛಕ್ರಃ ಸೋಽಪ್ಯರಣ್ಯೇಽವಸತ್ ಸಮಾಮ್ ॥ ೧೮ ॥
ಏವಂ ದ್ವಿತೀಯೇ ತೃತೀಯೇ ಚತುರ್ಥೇ ಪಞ್ಚಮೇ ತಥಾ ।
ಅಭ್ಯೇತ್ಯಾಭ್ಯೇತ್ಯ ಸ್ಥವಿರೋ ವಿಪ್ರೋ ಭೂತ್ವಾಹ ವೃತ್ರಹಾ ॥ ೧೯ ॥
ಅಭ್ಯೇತ್ಯಾಭ್ಯೇತ್ಯ ಸ್ಥವಿರೋ ವಿಪ್ರೋ ಭೂತ್ವಾಹ ವೃತ್ರಹಾ ॥ ೧೯ ॥
ಷಷ್ಠಂ ಸಂವತ್ಸರಂ ತತ್ರ ಚರಿತ್ವಾ ರೋಹಿತಃ ಪುರೀಮ್ ।
ಉಪವ್ರಜನ್ನಜೀಗರ್ತಾದಕ್ರೀಣಾನ್ಮಧ್ಯಮಂ ಸುತಮ್ ।
ಶುನಃಶೇಫಂ ಪಶುಂ ಪಿತ್ರೇ ಪ್ರದಾಯ ಸಮವನ್ದತ ॥ ೨೦ ॥
ಉಪವ್ರಜನ್ನಜೀಗರ್ತಾದಕ್ರೀಣಾನ್ಮಧ್ಯಮಂ ಸುತಮ್ ।
ಶುನಃಶೇಫಂ ಪಶುಂ ಪಿತ್ರೇ ಪ್ರದಾಯ ಸಮವನ್ದತ ॥ ೨೦ ॥
ತತಃ ಪುರುಷಮೇಧೇನ ಹರಿಶ್ಚನ್ದ್ರೋ ಮಹಾಯಶಾಃ ।
ಮುಕ್ತೋದರೋಽಯಜದ್ ದೇವಾನ್ ವರುಣಾದೀನ್ ಮಹತ್ಕಥಃ ॥ ೨೧ ॥
ಮುಕ್ತೋದರೋಽಯಜದ್ ದೇವಾನ್ ವರುಣಾದೀನ್ ಮಹತ್ಕಥಃ ॥ ೨೧ ॥
ವಿಶ್ವಾಮಿತ್ರೋಽಭವತ್ ತಸ್ಮಿನ್ ಹೋತಾ ಚಾಧ್ವರ್ಯುರಾತ್ಮವಾನ್ ।
ಜಮದಗ್ನಿರಭೂದ್ ಬ್ರಹ್ಮಾ ವಸಿಷ್ಠೋಽಯಾಸ್ಯಃ ಸಾಮಗಃ ॥ ೨೨ ॥
ಜಮದಗ್ನಿರಭೂದ್ ಬ್ರಹ್ಮಾ ವಸಿಷ್ಠೋಽಯಾಸ್ಯಃ ಸಾಮಗಃ ॥ ೨೨ ॥
ತಸ್ಮೈ ತುಷ್ಟೋ ದದಾವಿನ್ದ್ರಃ ಶಾತಕೌಮ್ಭಮಯಂ ರಥಮ್ ।
ಶುನಃಶೇಫಸ್ಯ ಮಾಹಾತ್ಮ್ಯಮುಪರಿಷ್ಟಾತ್ ಪ್ರಚಕ್ಷ್ಯತೇ ॥ ೨೩ ॥
ಶುನಃಶೇಫಸ್ಯ ಮಾಹಾತ್ಮ್ಯಮುಪರಿಷ್ಟಾತ್ ಪ್ರಚಕ್ಷ್ಯತೇ ॥ ೨೩ ॥
ಸತ್ಯಂ ಸಾರಂ ಧೃತಿಂ ದೃಷ್ಟ್ವಾ ಸಭಾರ್ಯಸ್ಯ ಚ ಭೂಪತೇಃ ।
ವಿಶ್ವಾಮಿತ್ರೋ ಭೃಶಂ ಪ್ರೀತೋ ದದಾವವಿಹತಾಂ ಗತಿಮ್ ॥ ೨೪ ॥
ವಿಶ್ವಾಮಿತ್ರೋ ಭೃಶಂ ಪ್ರೀತೋ ದದಾವವಿಹತಾಂ ಗತಿಮ್ ॥ ೨೪ ॥
ಮನಃ ಪೃಥಿವ್ಯಾಂ ತಾಮದ್ಭಿಸ್ತೇಜಸಾಪೋಽನಿಲೇನ ತತ್ ।
ಖೇ ವಾಯುಂ ಧಾರಯಂಸ್ತಚ್ಚ ಭೂತಾದೌ ತಂ ಮಹಾತ್ಮನಿ ।
ತಸ್ಮಿಞ್ಜ್ಞಾನಕಲಾಂ ಧ್ಯಾತ್ವಾ ತಯಾಜ್ಞಾನಂ ವಿನಿರ್ದಹನ್ ॥ ೨೫ ॥
ಖೇ ವಾಯುಂ ಧಾರಯಂಸ್ತಚ್ಚ ಭೂತಾದೌ ತಂ ಮಹಾತ್ಮನಿ ।
ತಸ್ಮಿಞ್ಜ್ಞಾನಕಲಾಂ ಧ್ಯಾತ್ವಾ ತಯಾಜ್ಞಾನಂ ವಿನಿರ್ದಹನ್ ॥ ೨೫ ॥
ಹಿತ್ವಾ ತಾಂ ಸ್ವೇನ ಭಾವೇನ ನಿರ್ವಾಣಸುಖಸಂವಿದಾ ।
ಅನಿರ್ದೇಶ್ಯಾಪ್ರತರ್ಕ್ಯೇಣ ತಸ್ಥೌ ವಿಧ್ವಸ್ತಬನ್ಧನಃ ॥ ೨೬ ॥
ಅನಿರ್ದೇಶ್ಯಾಪ್ರತರ್ಕ್ಯೇಣ ತಸ್ಥೌ ವಿಧ್ವಸ್ತಬನ್ಧನಃ ॥ ೨೬ ॥