ತ್ರಿಸುಪರ್ಣಮ್

(ತೈ-ಆ-10-38ಃ40)
ಓ-ಮ್ಬ್ರಹ್ಮಮೇತು ಮಾಮ್ । ಮಧುಮೇತು ಮಾಮ್ ।
ಬ್ರಹ್ಮಮೇವ ಮಧುಮೇತು ಮಾಮ್ ।
ಯಾಸ್ತೇ ಸೋಮ ಪ್ರಜಾ ವಥ್ಸೋ-ಽಭಿ ಸೋ ಅಹಮ್ ।
ದುಷ್ಷ್ವಪ್ನಹನ್ದುರುಷ್ವಹ ।
ಯಾಸ್ತೇ ಸೋಮ ಪ್ರಾಣಾಗ್ಂಸ್ತಾಞ್ಜುಹೋಮಿ ।
ತ್ರಿಸುಪರ್ಣಮಯಾಚಿತ-ಮ್ಬ್ರಾಹ್ಮಣಾಯ ದದ್ಯಾತ್ ।
ಬ್ರಹ್ಮಹತ್ಯಾಂ-ವಾಁ ಏತೇ ಘ್ನನ್ತಿ ।
ಯೇ ಬ್ರಾಹ್ಮಣಾಸ್ತ್ರಿಸುಪರ್ಣ-ಮ್ಪಠನ್ತಿ ।
ತೇ ಸೋಮ-ಮ್ಪ್ರಾಪ್ನುವನ್ತಿ ।
ಆಸಹಸ್ರಾತ್ಪಙ್ಕ್ತಿ-ಮ್ಪುನನ್ತಿ ।
ಓಮ್ ॥ 1

ಬ್ರಹ್ಮ ಮೇಧಯಾ ।
ಮಧು ಮೇಧಯಾ ।
ಬ್ರಹ್ಮಮೇವ ಮಧು ಮೇಧಯಾ ।
ಅದ್ಯಾ ನೋ ದೇವ ಸವಿತಃ ಪ್ರಜಾವತ್ಸಾವೀಸ್ಸೌಭಗಮ್ ।
ಪರಾ ದುಷ್ವಪ್ನಿಯಗ್ಂ ಸುವ ।
ವಿಶ್ವಾನಿ ದೇವ ಸವಿತರ್ದುರಿತಾನಿ ಪರಾಸುವ ।
ಯದ್ಭದ್ರ-ನ್ತನ್ಮ ಆಸುವ ।
ಮಧು ವಾತಾ ಋತಾಯತೇ ಮಧು ಕ್ಷರನ್ತಿ ಸಿನ್ಧವಃ ।
ಮಾಧ್ವೀರ್ನಸ್ಸನ್ತ್ವೋಷಧೀಃ ।
ಮಧು ನಕ್ತಮುತೋಷಸಿ ಮಧುಮತ್ಪಾರ್ಥಿವಗ್ಂ ರಜಃ ।
ಮಧು ದ್ಯೌರಸ್ತು ನಃ ಪಿತಾ ।
ಮಧು ಮಾನ್ನೋ ವನಸ್ಪತಿರ್ಮಧುಮಾಗ್ಂ ಅಸ್ತು ಸೂರ್ಯಃ ।
ಮಾಧ್ವೀರ್ಗಾವೋ ಭವನ್ತು ನಃ ।
ಯ ಇಮ-ನ್ತ್ರಿಸುಪರ್ಣಮಯಾಚಿತ-ಮ್ಬ್ರಾಹ್ಮಣಾಯ ದದ್ಯಾತ್ ।
ಭ್ರೂಣಹತ್ಯಾಂ-ವಾಁ ಏತೇ ಘ್ನನ್ತಿ ।
ಯೇ ಬ್ರಾಹ್ಮಣಾಸ್ತ್ರಿಸುಪರ್ಣ-ಮ್ಪಠನ್ತಿ ।
ತೇ ಸೋಮ-ಮ್ಪ್ರಾಪ್ನುವನ್ತಿ ।
ಆಸಹಸ್ರಾತ್ಪಙ್ಕ್ತಿ-ಮ್ಪುನನ್ತಿ ।
ಓಮ್ ॥ 2

ಬ್ರಹ್ಮ ಮೇಧವಾ ।
ಮಧು ಮೇಧವಾ ।
ಬ್ರಹ್ಮಮೇವ ಮಧು ಮೇಧವಾ ।
ಬ್ರಹ್ಮಾ ದೇವಾನಾ-ಮ್ಪದವೀಃ ಕವೀನಾಮೃಷಿರ್ವಿಪ್ರಾಣಾ-ಮ್ಮಹಿಷೋ ಮೃಗಾಣಾಮ್ ।
ಶ್ಯೇನೋ ಗೃದ್ಧ್ರಾಣಾಗ್ಂ ಸ್ವಧಿತಿರ್ವನಾನಾಗ್ಂ ಸೋಮಃ ಪವಿತ್ರಮತ್ಯೇತಿ ರೇಭನ್ನ್ ।
ಹಗ್ಂಸಶ್ಶುಚಿಷದ್ವಸುರನ್ತರಿಕ್ಷಸದ್ಧೋತಾ ವೇದಿಷದತಿಥಿರ್ದುರೋಣಸತ್ ।
ನೃಷದ್ವರಸದೃತಸದ್ವ್ಯೋಮಸದಬ್ಜಾ ಗೋಜಾ ಋತಜಾ ಅದ್ರಿಜಾ ಋತ-ಮ್ಬೃಹತ್ ।
ಋಚೇ ತ್ವಾ ರುಚೇ ತ್ವಾ ಸಮಿತ್ಸ್ರವನ್ತಿ ಸರಿತೋ ನ ಧೇನಾಃ ।
ಅನ್ತರ್ಹೃದಾ ಮನಸಾ ಪೂಯಮಾನಾಃ ।
ಘೃತಸ್ಯ ಧಾರಾ ಅಭಿಚಾಕಶೀಮಿ ।
ಹಿರಣ್ಯಯೋ ವೇತಸೋ ಮದ್ಧ್ಯ ಆಸಾಮ್ ।
ತಸ್ಮಿನ್ಥ್ಸುಪರ್ಣೋ ಮಧುಕೃ-ತ್ಕುಲಾಯೀ ಭಜನ್ನಾಸ್ತೇ ಮಧು ದೇವತಾಭ್ಯಃ ।
ತಸ್ಯಾಸತೇ ಹರಯಸ್ಸಪ್ತ ತೀರೇ ಸ್ವಧಾ-ನ್ದುಹಾನಾ ಅಮೃತಸ್ಯ ಧಾರಾಮ್ ।
ಯ ಇದ-ನ್ತ್ರಿಸುಪರ್ಣಮಯಾಚಿತ-ಮ್ಬ್ರಾಹ್ಮಣಾಯ ದದ್ಯಾತ್ ।
ವೀರಹತ್ಯಾಂ-ವಾಁ ಏತೇ ಘ್ನನ್ತಿ ।
ಯೇ ಬ್ರಾಹ್ಮಣಾಸ್ತ್ರಿಸುಪರ್ಣ-ಮ್ಪಠನ್ತಿ ।
ತೇ ಸೋಮ-ಮ್ಪ್ರಾಪ್ನುವನ್ತಿ ।
ಆಸಹಸ್ರಾತ್ಪಙ್ಕ್ತಿ-ಮ್ಪುನನ್ತಿ ।
ಓಮ್ ॥ 3
ಓಂ ಶಾನ್ತಿ-ಶ್ಶಾನ್ತಿ-ಶ್ಶಾನ್ತಿಃ ॥