śrī tulajā bhavānī stotra

(Tulja Bhavani Stotra in English (IAST))

Also known as tulja bhavani · namostu te mahadevi sive kalyani sambhavi

Language:Sanskrit

A stotra to Tulja Bhavani of Tuljapur, kuladevata of many Maharashtrian families and the goddess who gave Shivaji his sword. "Salutations to you, Mahadevi, Shive, Kalyani, Shambhavi."

Read In:

Devanagari Gujarati Bengali Assamese Odia Telugu Tamil Kannada Malayalam English (IAST)

namostu te mahādevi śive kalyāṇi śāmbhavi |
prasīda vedavinute jagadamba namostute ||1||

jagatāmādibhūtā tvaṃ jagattvaṃ jagadāśrayā |
ekā'pyanekarūpāsi jagadamba namostute ||2||

sṛṣṭisthitivināśānāṃ hetubhūte munistute |
prasīda devavinute jagadamba namostute ||3||

sarveśvari namastubhyaṃ sarvasaubhāgyadāyini |
sarvaśaktiyute'nante jagadamba namostute ||4||

vividhāriṣṭaśamani trividhotpātanāśini |
prasīda devi lalite jagadamba namostute ||5||

prasīda karuṇāsindho tvattaḥ kāruṇikā parā |
yato nāsti mahādevi jagadamba namostute ||6||

śatrūn jahi jayaṃ dehi sarvānkāmāṃśca dehi me |
bhayaṃ nāśaya rogāṃśca jagadamba namostute ||7||

jagadamba namo'stu te hite jaya śambhordayite mahāmate |
kuladevi namo'stu te sadā hṛdi me tiṣṭha yato'si sarvadā ||8||

tulajāpuravāsinyā devyāḥ stotramidaṃ param |
yaḥ paṭhetprayato bhaktyā sarvānkāmānsa āpnuyāt ||9||

iti śrīmatparamahaṃsa parivrājakācārya śrīvāsudevānandasarasvatī viracitaṃ
śrī tulajāpuravāsinyā devyāḥ stotram sampūrṇam |

Explore More

Durga & Bhavani Collection Wealth Obstacles Health Protection Wisdom Home