నమోస్తు తే మహాదేవి శివే కల్యాణి శామ్భవి ।
ప్రసీద వేదవినుతే జగదమ్బ నమోస్తుతే ॥౧॥
ప్రసీద వేదవినుతే జగదమ్బ నమోస్తుతే ॥౧॥
జగతామాదిభూతా త్వం జగత్త్వం జగదాశ్రయా ।
ఏకాఽప్యనేకరూపాసి జగదమ్బ నమోస్తుతే ॥౨॥
ఏకాఽప్యనేకరూపాసి జగదమ్బ నమోస్తుతే ॥౨॥
సృష్టిస్థితివినాశానాం హేతుభూతే మునిస్తుతే ।
ప్రసీద దేవవినుతే జగదమ్బ నమోస్తుతే ॥౩॥
ప్రసీద దేవవినుతే జగదమ్బ నమోస్తుతే ॥౩॥
సర్వేశ్వరి నమస్తుభ్యం సర్వసౌభాగ్యదాయిని ।
సర్వశక్తియుతేఽనన్తే జగదమ్బ నమోస్తుతే ॥౪॥
సర్వశక్తియుతేఽనన్తే జగదమ్బ నమోస్తుతే ॥౪॥
వివిధారిష్టశమని త్రివిధోత్పాతనాశిని ।
ప్రసీద దేవి లలితే జగదమ్బ నమోస్తుతే ॥౫॥
ప్రసీద దేవి లలితే జగదమ్బ నమోస్తుతే ॥౫॥
ప్రసీద కరుణాసిన్ధో త్వత్తః కారుణికా పరా ।
యతో నాస్తి మహాదేవి జగదమ్బ నమోస్తుతే ॥౬॥
యతో నాస్తి మహాదేవి జగదమ్బ నమోస్తుతే ॥౬॥
శత్రూన్ జహి జయం దేహి సర్వాన్కామాంశ్చ దేహి మే ।
భయం నాశయ రోగాంశ్చ జగదమ్బ నమోస్తుతే ॥౭॥
భయం నాశయ రోగాంశ్చ జగదమ్బ నమోస్తుతే ॥౭॥
జగదమ్బ నమోఽస్తు తే హితే జయ శమ్భోర్దయితే మహామతే ।
కులదేవి నమోఽస్తు తే సదా హృది మే తిష్ఠ యతోఽసి సర్వదా ॥౮॥
కులదేవి నమోఽస్తు తే సదా హృది మే తిష్ఠ యతోఽసి సర్వదా ॥౮॥
తులజాపురవాసిన్యా దేవ్యాః స్తోత్రమిదం పరమ్ ।
యః పఠేత్ప్రయతో భక్త్యా సర్వాన్కామాన్స ఆప్నుయాత్ ॥౯॥
యః పఠేత్ప్రయతో భక్త్యా సర్వాన్కామాన్స ఆప్నుయాత్ ॥౯॥
ఇతి శ్రీమత్పరమహంస పరివ్రాజకాచార్య శ్రీవాసుదేవానన్దసరస్వతీ విరచితం
శ్రీ తులజాపురవాసిన్యా దేవ్యాః స్తోత్రమ్ సమ్పూర్ణమ్ ।
శ్రీ తులజాపురవాసిన్యా దేవ్యాః స్తోత్రమ్ సమ్పూర్ణమ్ ।