નમોસ્તુ તે મહાદેવિ શિવે કલ્યાણિ શામ્ભવિ ।
પ્રસીદ વેદવિનુતે જગદમ્બ નમોસ્તુતે ॥૧॥
પ્રસીદ વેદવિનુતે જગદમ્બ નમોસ્તુતે ॥૧॥
જગતામાદિભૂતા ત્વં જગત્ત્વં જગદાશ્રયા ।
એકાઽપ્યનેકરૂપાસિ જગદમ્બ નમોસ્તુતે ॥૨॥
એકાઽપ્યનેકરૂપાસિ જગદમ્બ નમોસ્તુતે ॥૨॥
સૃષ્ટિસ્થિતિવિનાશાનાં હેતુભૂતે મુનિસ્તુતે ।
પ્રસીદ દેવવિનુતે જગદમ્બ નમોસ્તુતે ॥૩॥
પ્રસીદ દેવવિનુતે જગદમ્બ નમોસ્તુતે ॥૩॥
સર્વેશ્વરિ નમસ્તુભ્યં સર્વસૌભાગ્યદાયિનિ ।
સર્વશક્તિયુતેઽનન્તે જગદમ્બ નમોસ્તુતે ॥૪॥
સર્વશક્તિયુતેઽનન્તે જગદમ્બ નમોસ્તુતે ॥૪॥
વિવિધારિષ્ટશમનિ ત્રિવિધોત્પાતનાશિનિ ।
પ્રસીદ દેવિ લલિતે જગદમ્બ નમોસ્તુતે ॥૫॥
પ્રસીદ દેવિ લલિતે જગદમ્બ નમોસ્તુતે ॥૫॥
પ્રસીદ કરુણાસિન્ધો ત્વત્તઃ કારુણિકા પરા ।
યતો નાસ્તિ મહાદેવિ જગદમ્બ નમોસ્તુતે ॥૬॥
યતો નાસ્તિ મહાદેવિ જગદમ્બ નમોસ્તુતે ॥૬॥
શત્રૂન્ જહિ જયં દેહિ સર્વાન્કામાંશ્ચ દેહિ મે ।
ભયં નાશય રોગાંશ્ચ જગદમ્બ નમોસ્તુતે ॥૭॥
ભયં નાશય રોગાંશ્ચ જગદમ્બ નમોસ્તુતે ॥૭॥
જગદમ્બ નમોઽસ્તુ તે હિતે જય શમ્ભોર્દયિતે મહામતે ।
કુલદેવિ નમોઽસ્તુ તે સદા હૃદિ મે તિષ્ઠ યતોઽસિ સર્વદા ॥૮॥
કુલદેવિ નમોઽસ્તુ તે સદા હૃદિ મે તિષ્ઠ યતોઽસિ સર્વદા ॥૮॥
તુલજાપુરવાસિન્યા દેવ્યાઃ સ્તોત્રમિદં પરમ્ ।
યઃ પઠેત્પ્રયતો ભક્ત્યા સર્વાન્કામાન્સ આપ્નુયાત્ ॥૯॥
યઃ પઠેત્પ્રયતો ભક્ત્યા સર્વાન્કામાન્સ આપ્નુયાત્ ॥૯॥
ઇતિ શ્રીમત્પરમહંસ પરિવ્રાજકાચાર્ય શ્રીવાસુદેવાનન્દસરસ્વતી વિરચિતં
શ્રી તુલજાપુરવાસિન્યા દેવ્યાઃ સ્તોત્રમ્ સમ્પૂર્ણમ્ ।
શ્રી તુલજાપુરવાસિન્યા દેવ્યાઃ સ્તોત્રમ્ સમ્પૂર્ણમ્ ।