ৱেদ স্ৱস্তি ৱাচনম্

শ্ৰী কৃষ্ণ যজুৰ্ৱেদ সংহিতান্তৰ্গতীয স্ৱস্তিৱাচনম্
আশু-শ্শিশানো ৱৃষভো ন যুদ্ধ্মো ঘনাঘনঃ, ক্ষোভণ-শ্চৰ্ষণীনাম্ । সঙ্ক্ৰন্দনো-ঽনিমিষ এক ৱীৰ-শ্শতগ্ং সেনা অজয-থ্সাকমিন্দ্ৰঃ ॥ সঙ্ক্ৰন্দনেনা নিমিষেণ জিষ্ণুনা যুত্কাৰেণ দুশ্চ্যৱনেন ধৃষ্ণুনা । তদিন্দ্ৰেণ জযত ত-থ্সহদ্ধ্ৱং-যুঁধো নৰ ইষুহস্তেন ৱৃষ্ণা ॥ স ইষুহস্তৈ-স্স নিষঙ্গিভিৰ্ৱশী সগ্গ্স্ৰষ্টা স যুধ ইন্দ্ৰো গণেন । সগ্ংসৃষ্টজি-থ্সোমপা বাহুশৰ্ধ্যূৰ্ধ্ৱধন্ৱা প্ৰতিহিতাভিৰস্তা ॥ বৃহস্পতে পৰি দীযা [পৰি দীয, ৰথেন] 4.6.16
ৰথেন ৰক্ষোহা ঽমিত্ৰাগ্ং অপ বাধমানঃ । প্ৰভঞ্জন্-থ্সেনাঃ প্ৰমৃণো যুধা জযন্নস্মাক-মেদ্ধ্যৱিতা ৰথানাম্ ॥ গোত্ৰভিদ-ঙ্গোৱিদং-ৱঁজ্ৰবাহু-ঞ্জযন্তমজ্ম প্ৰমৃণন্ত-মোজসা । ইমগ্ং সজাতা অনুৱীৰ-যদ্ধ্ৱমিন্দ্ৰগ্ং সখাযো-ঽনু সগ্ং ৰভদ্ধ্ৱম্ ॥ বলৱিজ্ঞাযঃ-স্থৱিৰঃ প্ৰৱীৰ-স্সহস্ৱান্. ৱাজী সহমান উগ্ৰঃ । অভিৱীৰো অভিসত্ৱা সহোজা জৈত্ৰমিন্দ্ৰ ৰথমাতিষ্ঠ গোৱিত্ ॥ অভি গোত্ৰাণি সহসা গাহমানো-ঽদাযো [গাহমানো-ঽদাযঃ, ৱীৰ-শ্শতমন্যুৰিন্দ্ৰঃ ।] 4.6.17
ৱীৰ-শ্শতমন্যুৰিন্দ্ৰঃ । দুশ্চ্যৱনঃ পৃতনাষাড যুদ্ধ্যো-স্মাকগ্ং সেনা অৱতু প্ৰ যুথ্সু ॥ ইন্দ্ৰ আসাং-নেতা বৃহস্পতি ৰ্দক্ষিণা যজ্ঞঃ পুৰ এতু সোমঃ । দেৱসেনানা-মভিভঞ্জতীনা-ঞ্জযন্তীনা-ম্মৰুতো যন্ত্ৱগ্ৰে ॥ ইন্দ্ৰস্য ৱৃষ্ণো ৱৰুণস্য ৰাজ্ঞ আদিত্যানা-ম্মৰুতাগ্ং শৰ্ধ উগ্ৰম্ । মহামনসা-ম্ভুৱনচ্যৱানা-ঙ্ঘোষো দেৱানা-ঞ্জযতা মুদস্থাত্ ॥ অস্মাক-মিন্দ্ৰ-স্সমৃতেষু ধ্ৱজেষ্ৱস্মাকং-যাঁ ইষৱস্তা জযন্তু । 4.6.18
অস্মাকং-ৱীঁৰা উত্তৰে ভৱন্ত্ৱস্মানু দেৱা অৱতা হৱেষু ॥ উদ্ধৰ্ষয মঘৱন্না-যুধা-ন্যুথ্সত্ৱনা-ম্মামকানা-ম্মহাগ্ংসি । উদ্ৱৃত্ৰহন্ ৱাজিনাং-ৱাঁজিনান্যু-দ্ৰথানা-ঞ্জযতামেতু ঘোষঃ ॥ উপ প্ৰেত জযতা নৰস্স্থিৰা ৱঃ সন্তু বাহৱঃ । ইন্দ্ৰো ৱ-শ্শৰ্ম যচ্ছ ত্ৱনা-ধৃষ্যা যথাসথ ॥ অৱসৃষ্টা পৰা পত শৰৱ্যে ব্ৰহ্ম সগ্ংশিতা । গচ্ছা-ঽমিত্ৰা-ন্প্ৰ- [গচ্ছা-ঽমিত্ৰা-ন্প্ৰ, ৱিশ মৈষা-] 4.6.19
-ৱিশ মৈষা-ঙ্কঞ্চনোচ্ছিষঃ ॥ মৰ্মাণি তে ৱৰ্মভিশ্ছাদযামি সোমস্ত্ৱা ৰাজা ঽমৃতেনাভি-ৱস্তাম্ । উৰোৰ্ৱৰীযো ৱৰিৱস্তে অস্তু জযন্ত-ন্ত্ৱামনু মদন্তু দেৱাঃ ॥ যত্ৰ বাণা-স্সম্পতন্তি কুমাৰা ৱিশিখা ইৱ । ইন্দ্ৰো নস্তত্ৰ ৱৃত্ৰহা ৱিশ্ৱাহা শৰ্ম যচ্ছতু ॥ 4.6.20 ॥
জীমূতস্যেৱ ভৱতি প্ৰতীকং-যঁদ্ৱৰ্মী যাতি সমদামুপস্থে । অনাৱিদ্ধযা তনুৱা জয ত্ৱগ্ং স ত্ৱা ৱৰ্মণো মহিমা পিপৰ্তু ॥ ধন্ৱনা গা ধন্ৱনা-ঽঽজি-ঞ্জযেম ধন্ৱনা তীৱ্ৰা-স্সমদো জযেম । ধনু-শ্শত্ৰোৰপকাম-ঙ্কৃণোতি ধন্ৱনা সৰ্ৱাঃ প্ৰদিশো জযেম ॥ ৱক্ষ্যন্তীৱেদা গনীগন্তি কৰ্ণ-ম্প্ৰিযগ্ং সখায-ম্পৰিষস্ৱজানা । যোষেৱ শিঙ্ক্তে ৱিততা-ঽধি ধন্ৱ- [ধন্ৱন্ন্, জ্যা ইযগ্ং] 4.6.27
-ঞ্জ্যা ইযগ্ং সমনে পাৰযন্তী ॥ তে আচৰন্তী সমনেৱ যোষা মাতেৱ পুত্ৰ-ম্বিভৃতামুপস্থে । অপ শত্ৰূন্ ৱিদ্ধ্যতাগ্ং সংৱিঁদানে আৰ্ত্নী ইমে ৱিষ্ফুৰন্তী অমিত্ৰান্ ॥ বহ্ৱীনা-ম্পিতা বহুৰস্য পুত্ৰশ্চিশ্চা কৃণোতি সমনা-ঽৱগত্য । ইষুধি-স্সঙ্কাঃ পৃতনাশ্চ সৰ্ৱাঃ পৃষ্ঠে নিনদ্ধো জযতি প্ৰসূতঃ ॥ ৰথে তিষ্ঠ-ন্নযতি ৱাজিনঃ পুৰো যত্ৰযত্ৰ কামযতে সুষাৰথিঃ । অভীশূনা-ম্মহিমান- [মহিমানম্, পনাযত মনঃ] 4.6.28
-ম্পনাযত মনঃ পশ্চাদনু যচ্ছন্তি ৰশ্মযঃ ॥ তীৱ্ৰা-ন্ঘোষান্ কৃণ্ৱতে ৱৃষপাণযো-ঽশ্ৱা ৰথেভি-স্সহ ৱাজযন্তঃ । অৱক্ৰামন্তঃ প্ৰপদৈৰমিত্ৰান্ ক্ষিণন্তি শত্ৰূগ্ংৰনপৱ্যযন্তঃ ॥ ৰথৱাহনগ্ং হৱিৰস্য নাম যত্ৰা-ঽঽযুধ-ন্নিহিতমস্য ৱৰ্ম । তত্ৰা ৰথমুপ শগ্মগ্ং সদেম ৱিশ্ৱাহা ৱযগ্ং সুমনস্যমানাঃ ॥ স্ৱাদুষগ্ং সদঃ পিতৰো ৱযোধাঃ কৃচ্ছ্ৰেশ্ৰিত-শ্শক্তীৱন্তো গভীৰাঃ । চিত্ৰসেনা ইষুবলা অমৃদ্ধ্ৰা-স্সতোৱীৰা উৰৱো ৱ্ৰাতসাহাঃ ॥ ব্ৰাহ্মণাসঃ [ব্ৰাহ্মণাসঃ, পিতৰ-] 4.6.29
পিতৰ-স্সোম্যাস-শ্শিৱে নো দ্যাৱাপৃথিৱী অনেহসা । পূষা নঃ পাতু দুৰিতাদৃতাৱৃধো ৰক্ষা মাকিৰ্নো অঘশগ্ংস ঈশত ॥ সুপৰ্ণং-ৱঁস্তে মৃগো অস্যা দন্তো গোভি-স্সন্নদ্ধা পততি প্ৰসূতা । যত্ৰা নৰ-স্স-ঞ্চ ৱি চ দ্ৰৱন্তি তত্ৰাস্মভ্যমিষৱ-শ্শৰ্ম যগ্ংসন্ন্ ॥ ঋজীতে পৰি ৱৃঙ্গ্ধি নো-ঽশ্মা ভৱতু নস্তনূঃ । সোমো অধি ব্ৰৱীতু নো-ঽদিতি- [নো-ঽদিতিঃ, শৰ্ম যচ্ছতু ।] 4.6.30
-শ্শৰ্ম যচ্ছতু ॥ আ জঙ্ঘন্তি সান্ৱেষা-ঞ্জঘনাগ্ং উপ জিঘ্নতে । অশ্ৱাজনি প্ৰচেতসো-ঽশ্ৱান্-থ্সমথ্সু চোদয ॥ অহিৰিৱ ভোগৈঃ পৰ্যেতি বাহু-ঞ্জ্যাযা হেতি-ম্পৰিবাধমানঃ । হস্তঘ্নো ৱিশ্ৱা ৱযুনানি ৱিদ্ৱা-ন্পুমা-ন্পুমাগ্ংস-ম্পৰি পাতু ৱিশ্ৱতঃ ॥ ৱনস্পতে ৱীড্ৱঙ্গো হি ভূযা অস্ম-থ্সখা প্ৰতৰণ-স্সুৱীৰঃ । গোভি-স্সন্নদ্ধো অসি ৱীডযস্ৱা-ঽঽস্থাতা তে জযতু জেত্ৱানি ॥ দিৱঃ পৃথিৱ্যাঃ প- [পৰি, ওজ উ-দ্ভৃতং-] 4.6.31
-ৰ্যোজ উ-দ্ভৃতং-ৱঁনস্পতিভ্যঃ পৰ্যাভৃতগ্ং সহঃ । অপামোজ্মান-ম্পৰি গোভিৰাৱৃতমিন্দ্ৰস্য ৱজ্ৰগ্ং হৱিষা ৰথং-যঁজ ॥ ইন্দ্ৰস্য ৱজ্ৰো মৰুতামনীক-ম্মিত্ৰস্য গৰ্ভো ৱৰুণস্য নাভিঃ । সেমা-ন্নো হৱ্যদাতি-ঞ্জুষাণো দেৱ ৰথ প্ৰতি হৱ্যা গৃভায ॥ উপ শ্ৱাসয পৃথিৱীমুত দ্যা-ম্পুৰুত্ৰা তে মনুতাং-ৱিঁষ্ঠিত-ঞ্জগত্ । স দুন্দুভে সজূৰিন্দ্ৰেণ দেৱৈৰ্দূৰা- [দেৱৈৰ্দূৰাত্, দৱীযো] 4.6.32
-দ্দৱীযো অপসেধ শত্ৰূন্ ॥ আ ক্ৰন্দয বলমোজো ন আ ধা নিষ্টনিহি দুৰিতা বাধমানঃ । অপ প্ৰোথ দুন্দুভে দুচ্ছুনাগ্ং ইত ইন্দ্ৰস্য মুষ্টিৰসি ৱীডযস্ৱ ॥ আ-ঽমূৰজ প্ৰত্যাৱৰ্তযেমাঃ কেতুম-দ্দুন্দুভি ৰ্ৱাৱদীতি । সমশ্ৱপৰ্ণাশ্চৰন্তি নো নৰো-ঽস্মাকমিন্দ্ৰ ৰথিনো জযন্তু ॥ 4.6.33 ॥
মমাগ্নে ৱৰ্চো ৱিহৱেষ্ৱস্তু ৱয-ন্ত্ৱেন্ধানা স্তনুৱ-ম্পুষেম । মহ্য-ন্নমন্তা-ম্প্ৰদিশশ্চতস্ৰ স্ত্ৱযা-ঽদ্ধ্যক্ষেণ পৃতনা জযেম ॥ মম দেৱা ৱিহৱে সন্তু সৰ্ৱ ইন্দ্ৰাৱন্তো মৰুতো ৱিষ্ণুৰগ্নিঃ । মমান্তৰিক্ষ মুৰু গোপমস্তু মহ্যং-ৱাঁতঃ পৱতা-ঙ্কামে অস্মিন্ন্ ॥ মযি দেৱা দ্ৰৱিণ মাযজন্তা-ম্ময্যা শীৰস্তু মযি দেৱহূতিঃ । দৈৱ্যা হোতাৰা ৱনিষন্ত [ৱনিষন্ত, পূৰ্ৱে ঽৰিষ্টা-স্স্যাম] 4.7.29
পূৰ্ৱে ঽৰিষ্টা-স্স্যাম তনুৱা সুৱীৰাঃ ॥ মহ্যং-যঁজন্তু মম যানি হৱ্যা-ঽঽকূতি-স্সত্যা মনসো মে অস্তু । এনো মানিগা-ঙ্কতমচ্চনাহং-ৱিঁশ্ৱে দেৱাসো অধিৱোচ তা মে ॥ দেৱী-ষ্ষডুৰ্ৱীৰুৰুণঃ কৃণোত ৱিশ্ৱে দেৱা স ইহ ৱীৰযদ্ধ্ৱম্ । মাহাস্মহি প্ৰজযা মা তনূভিৰ্মা ৰধাম দ্ৱিষতে সোম ৰাজন্ন্ ॥ অগ্নিৰ্মন্যু-ম্প্ৰতিনুদ-ন্পুৰস্তা- [প্ৰতিনুদ-ন্পুৰস্তাত্, অদব্ধো গোপাঃ] 4.7.30
-দদব্ধো গোপাঃ পৰিপাহি নস্ত্ৱম্ । প্ৰত্যঞ্চো যন্তু নিগুতঃ পুনস্তে ঽমৈষা-ঞ্চিত্ত-ম্প্ৰবুধা ৱিনেশত্ ॥ ধাতা ধাতৃণা-ম্ভুৱনস্য যস্পতি ৰ্দেৱগ্ং সৱিতাৰমভি মাতিষাহম্ । ইমং-যঁজ্ঞ মশ্ৱিনোভা বৃহস্পতি ৰ্দেৱাঃ পান্তু যজমান-ন্ন্যৰ্থাত্ ॥ উৰুৱ্যচা নো মহিষ-শ্শৰ্ম যগ্ং সদস্মিন্. হৱে পুৰুহূতঃ পুৰুক্ষু । স নঃ প্ৰজাযৈ হৰ্যশ্ৱ মৃডযেন্দ্ৰ মা [মৃডযেন্দ্ৰ মা, নো ৰীৰিষো মা পৰা দাঃ ।] 4.7.31
নো ৰীৰিষো মা পৰা দাঃ ॥ যে নঃ সপত্না অপতে ভৱন্ত্ৱিন্দ্ৰা-গ্নিভ্যামৱ বাধামহে তান্ । ৱসৱো ৰুদ্ৰা আদিত্যা উপৰি স্পৃশ-ম্মোগ্ৰ-ঞ্চেত্তাৰমধি ৰাজমক্ৰন্ন্ ॥ অৰ্ৱাঞ্চ মিন্দ্ৰমমুতো হৱামহে যো গোজি-দ্ধন-জিদশ্ৱ-জিদ্যঃ । ইমন্নো যজ্ঞং-ৱিঁহৱে জুষস্ৱাস্য কুৰ্মো হৰিৱো মেদিন-ন্ত্ৱা ॥ 4.7.32 ॥
অগ্নেৰ্মন্ৱে প্ৰথমস্য প্ৰচেতসো য-ম্পাঞ্চজন্য-ম্বহৱঃ সমিন্ধতে । ৱিশ্ৱস্যাং-ৱিঁশি প্ৰৱিৱিশিৱাগ্ং সমীমহে স নো মুঞ্চত্ৱগ্ং হসঃ ॥ যস্যেদ-ম্প্ৰাণন্নিমিষ-দ্যদেজতি যস্য জাত-ঞ্জনমান-ঞ্চ কেৱলম্ । স্তৌম্যগ্নি-ন্নাথিতো জোহৱীমি স নো মুঞ্চত্ৱগ্ং হসঃ ॥ ইন্দ্ৰস্য মন্যে প্ৰথমস্য প্ৰচেতসো ৱৃত্ৰঘ্ন-স্স্তোমা উপ মামুপাগুঃ । যো দাশুষঃ সুকৃতো হৱমুপ গন্তা [গন্তা, স নো মুঞ্চত্ৱগ্ং হসঃ ।] 4.7.33
স নো মুঞ্চত্ৱগ্ং হসঃ ॥ য-স্সঙ্গ্ৰাম-ন্নযতি সং-ৱঁশী যুধে যঃ পুষ্টানি সগ্ংসৃজতি ত্ৰযাণি । স্তৌমীন্দ্ৰ-ন্নাথিতো জোহৱীমি স নো মুঞ্চত্ৱগ্ং হসঃ ॥ মন্ৱে ৱা-ম্মিত্ৰা ৱৰুণা তস্য ৱিত্তগ্ং সত্যৌজসা দৃগ্ংহণা য-ন্নুদেথে । যা ৰাজানগ্ং সৰথং-যাঁথ উগ্ৰা তা নো মুঞ্চতমাগসঃ ॥ যো ৱাগ্ং ৰথ ঋজুৰশ্মি-স্সত্যধৰ্মা মিথু শ্চৰন্ত-মুপযাতি দূষযন্ন্ । স্তৌমি [ ] 4.7.34
মিত্ৰাৱৰুণা নাথিতো জোহৱীমি তৌ নো মুঞ্চতমাগসঃ ॥ ৱাযো-স্সৱিতু ৰ্ৱিদথানি মন্মহে যাৱাত্মন্ৱ-দ্বিভৃতো যৌ চ ৰক্ষতঃ । যৌ ৱিশ্ৱস্য পৰিভূ বভূৱতুস্তৌ নো মুঞ্চতমাগসঃ ॥ উপ শ্ৰেষ্ঠান আশিষো দেৱযোৰ্ধৰ্মে অস্থিৰন্ন্ । স্তৌমি ৱাযুগ্ং সৱিতাৰ-ন্নাথিতো জোহৱীমি তৌ নো মুঞ্চতমাগসঃ ॥ ৰথীতমৌ ৰথীনামহ্ৱ ঊতযে শুভ-ঙ্গমিষ্ঠৌ সুযমেভিৰশ্ৱৈঃ । যযো- [যযোঃ, ৱা-ন্দেৱৌ দেৱেষ্ৱ-নিশিত-] 4.7.35
-ৰ্ৱা-ন্দেৱৌ দেৱেষ্ৱ-নিশিত-মোজস্তৌ নো মুঞ্চতমাগসঃ ॥ যদযাতং-ৱঁহতুগ্ং সূৰ্যাযা-স্ত্ৰিচক্ৰেণ সগ্ং সদমিচ্ছমানৌ । স্তৌমি দেৱা ৱশ্ৱিনৌ নাথিতো জোহৱীমি তৌ নো মুঞ্চতমাগসঃ ॥ মৰুতা-ম্মন্ৱে অধিনো ব্ৰুৱন্তু প্ৰেমাং-ৱাঁচং-ৱিঁশ্ৱা মৱন্তু ৱিশ্ৱে । আশূন্. হুৱে সুযমানূতযে তে নো মুঞ্চন্ত্ৱেনসঃ ॥ তিগ্মমাযুধং-ৱীঁডিতগ্ং সহস্ৱ-দ্দিৱ্যগ্ং শৰ্ধঃ [শৰ্ধঃ, পৃতনাসু জিষ্ণু ।] 4.7.36
পৃতনাসু জিষ্ণু । স্তৌমি দেৱা-ন্মৰুতো নাথিতো জোহৱীমি তে নো মুঞ্চন্ত্ৱেনসঃ ॥ দেৱানা-ম্মন্ৱে অধি নো ব্ৰুৱন্তু প্ৰেমাং-ৱাঁচং-ৱিঁশ্ৱামৱন্তু ৱিশ্ৱে । আশূন্. হুৱে সুযমানূতযে তে নো মুঞ্চন্ত্ৱেনসঃ ॥ যদিদ-ম্মা-ঽভিশোচতি পৌৰুষেযেণ দৈৱ্যেন । স্তৌমি ৱিশ্ৱা-ন্দেৱা-ন্নাথিতো জোহৱীমি তে নো মুঞ্চন্ত্ৱেনসঃ ॥ অনুনো-ঽদ্যানুমতি ৰ- [অনুনো-ঽদ্যানুমতি ৰনু, ইদনুমতে] 4.7.37
-ন্ৱিদনুমতে ত্ৱং ঁৱৈশ্ৱানৰো ন ঊত্যাপৃষ্টো দিৱি> 4 ॥ যে অপ্ৰথেতা-মমিতেভি ৰোজোভি ৰ্যে প্ৰতিষ্ঠে অভৱতাং-ৱঁসূনাম্ । স্তৌমি দ্যাৱা পৃথিৱী নাথিতো জোহৱীমি তে নো মুঞ্চতমগ্ং হসঃ ॥ উৰ্ৱী ৰোদসী ৱৰিৱঃ কৃণোত-ঙ্ক্ষেত্ৰস্য পত্নী অধি নো ব্ৰূযাতম্ । স্তৌমি দ্যাৱা পৃথিৱী নাথিতো জোহৱীমি তে নো মুঞ্চতমগ্ং হসঃ ॥ য-ত্তে ৱয-ম্পুৰুষত্ৰা যৱিষ্ঠা ৱিদ্ৱাগ্ংসশ্চকৃমা কচ্চনা- [কচ্চন, আগঃ ।] 4.7.38
-ঽঽগঃ । কৃধী স্ৱস্মাগ্ং অদিতেৰনাগা ৱ্যেনাগ্ংসি শিশ্ৰথো ৱিষ্ৱগগ্নে ॥ যথা হ ত-দ্ৱসৱো গৌৰ্য-ঞ্চি-ত্পদিষিতা মমুঞ্চতা যজত্ৰাঃ । এৱা ত্ৱমস্ম-ত্প্ৰমুঞ্চা ৱ্যগ্ংহঃ প্ৰাতাৰ্যগ্নে প্ৰতৰান্ন আযুঃ ॥ 4.7.39 ॥